კახეთი. სოციალური სამართლიანობის ცენტრი ეხმაურება სახელისუფლებო მედიასაშუალებების მიერ გავრცელებულ არასწორ ინფორმაციას წინანდალში ორგანიზებულ შეხვედრასთან დაკავშირებით. „სახელისუფლებო მედია საშუალებებმა ამ შეხვედრას სრულიად გაუმართლებელი პოლიტიკური კონოტაცია მისცეს ისე, რომ ჩვენთან, როგორც ამ შეხვედრის ორგანიზატორებთან არც კი გადაამოწმეს შეხვედრის მიზნებისა და შინაარსის შესახებ ინფორმაცია. სინამდვილეში, წინანდალში მიმდინარე სამდღიანი გასვლითი შეხვედრა კონფლიქტებისა და სამშვიდობო პოლიტიკის, ასევე ეთნიკური და რელიგიური უმცირესობების უფლებების დაცვისა და ინკლუზიის საკითხებს დაეთმო. შეხვედრაზე მოწვეული იყო ქართული ოცნების არა ერთი წევრი, თუმცა ღონისძიებას არცერთი მათგანი არ შეუერთდა. ამ ფონზე სრულიად დაუსაბუთებლად და თვითნებურად სახელისუფლებო მედია ირწმუნება, რომ წინანდალში „რევოლუციური გეგმა“ მზადდებოდა და ამ შეხვედრას ბიზნესმენი თემურ ჭყონია და პრეზიდენტი, სალომე ზურაბიშვილიც ესწრებოდნენ. ხაზგასმით აღვნიშნავთ, რომ ჩვენს ღონისძიებასთან პრეზიდენტსა და ბიზნესმენს არანაირი კავშირი არ ჰქონიათ და მათ მონაწილეობა არ მიუღიათ შეხვედრის არცერთ კომპონენტში. უკვე რამდენიმე წელია პოლიტიკური პოლარიზაციის მაღალი დონე და სახელისუფლებო მედიის პროპაგანდისტული მიდგომები ართულებს საზოგადოებრივ ინტერესებზე დაფუძნებული დღის წესრიგის შექმნას და ამ დღეებში მიმდინარე მოვლენები ამის აშკარაა მაგალითია. ამგვარი აგრესიული თავდასხმების მიზანი სამოქალაქო ორგანიზაციების მუშაობის პარალიზება და აპათიის დათესვაა. პოლარიზაციისა და მტრობის კულტურის ხელოვნური კულტივირების მიუხედავად, ჩვენ მომავალშიც შევეცდებით შევქმნათ შინაარსზე, საზოგადოებრივ ინტერესებზე და დემოკრატიულ კულტურაზე დაფუძნებული სივრცეები პოლიტიკურ, აკადემიურ და საზოგადოებრივ ჯგუფებს შორის“, ნათქვამია განცხადებაში. სოციალური სამართლიანობის ცენტრი ყალბი ინფორმაციის გავრცელების საკითხზე ჟურნალისტური ეთიკის ქარტიას მიმართავს. სრულად... წყარო: ორგანიზაციის გვერდი სოციალურ ქსელში

14 ივლისს, USAID–ის ადგილობრივი თვითმმართველობის პროგრამის ფარგლებში, სამოქალაქო საზოგადოების ინსტიტუტის (CSI) წარმომადგენლებმა, სამუშაო შეხვედრები გამართეს მარნეულის მუნიციპალიტეტის მერიის, საკრებულოსა და ადგილობრივი სამოქალაქო საზოგადოების წარმომადგენლებთან. შეხვედრის მიზანი იყო თვითმმართველობის საქმიანობაში ადგილობრივი მოსახლეობის მონაწილეობის საკითხები. მარნეულის მუნიციპალიტეტში მოქალაქეთა მონაწილეობის რამდენიმე მექანიზმის გამოყენების პრაქტიკა არსებობს – პეტიცია, რომელიც საზოგადოებრივმა ორგანიზაციებმა წარადგინეს, ასევე არსებობს – საკონსულტაციო საბჭოები. შეხვედრაზე ხაზი გაესვა მოქალაქეთა მონაწილოების ახალი მექანიზმების შესაძლო გამოყენების საკითხსაც, კერძოდ, საუბარი შეეხო საერთო კრების მექანიზმს. მუნიციპალიტეტეტი, ასევე გეგმავს აღადგინოს სამოქალაქო ბიუჯეტის პროგრამა. შეგახსენებთ, რომ საქართველოში მარნეულის მუნიციპალიტეტი პირველი იყო, სადაც რამდენიმე წლის წინათ, მონაწილეობითი ბიუჯეტირება დაინერგ სამოქალაქო საზოგადოების ორგანიზაციები მიიჩნევენ, რომ მუნიციპალიტეტში აუცილებელია დიალოგის სივრცე, რაც საკითხების ჩართულობით მოგვარების ერთ–ერთი პრაქტიკული საშუალება იქნებ შეხვედრა გაიმართა „ადგილობრივ თვითმმართველობებში სამოქალაქო ჩართულობის და მონაწილეობითი მმართველობის გაძლიერების“ პროექტის ფარგლებში, რომელსაც სამოქალაქო საზოგადოების ინსტიტუტი (CSI) ახორციელებს. პროექტი USAID–ის ადგილობრივი თვითმმართველობის პროგრამის ნაწილია და მისი ფინანსური მხარდამჭერია აშშ–ის საერთაშორისო განვითარების სააგენტო (USAID).

თბილისი. რონდელის ფონდი განაგრძობს შეხვედრებს რეგიონებში  თემაზე: „საქართველო ევროკავშირის კანდიდატობის სტატუსის მოლოდინში: შესაძლებლობები და გამოწვევები“. „ფონდის მკვლევრები კახა გოგოლაშვილი და ალექსი პეტრიაშვილი ქუთაისსა და თელავში ადგილობრივი არასამთავრობო ორგანიზაციებისა და მედიის წარმომადგენლებს შეხვდნენ. საუბარი შეეხო ევროკავშირის შექმნის ისტორიასა და მნიშვნელობას, ევროინტეგრაციის გზაზე საქართველოს საშინაო და საგარეო გამოწვევებს, რა გაკეთდა და რა დარჩა გასაკეთებელი ევროკომისიის 12 რეკომენდაციიდან, რა მოლოდინები არსებობს ამ ეტაპზე და როგორია კანდიდატის სტატუსის მიღების პერსპექტივა“. სრულად... წყარო: gfsis.org.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

სამოქალაქო საზოგადოების ინსტიტუტის (CSI) წარმომადგენლებმა, USAID–ის ადგილობრივი თვითმმართველობის პროგრამის ფარგლებში, დაიწყეს სამუშაო შეხვედრები ქვემო ქართლის მუნიციპალიტეტების წარმომადგენლებთან. 12 ივლისს, სამუშაო შეხვედრა გაიმართა დმანისის მუნიციპალიტეტის მერიის, საკრებულოსა და ადგილობრივი სამოქალაქო საზოგადოების წარმომადგენლების მონაწილეობით.  შეხვედრის მიზანი იყო მოქალაქეთა მონაწილეობის კუთხით არსებული გამოწვევების ანალიზი და მომავალში მონაწილეობის გაუმჯობესებისთვის, სხვადასხვა მექანიზმის დანერგვის შესაძლებლობის განხილვა. ამ დროისთვის დმანისის მუნიციპალიტეტში მოქალაქეთა მონაწილეობის რამდენიმე მექანიზმის გამოყენების პრაქტიკა არსებობს – პეტიცია, რომელიც საზოგადოებრივმა ორგანიზაციებმა წარადგინეს და მუნიციპალიტეტში არსებული საკონსულტაციო საბჭოები.  სამუშაო შეხვედრისას ისაუბრეს ახალ მექანიზმებზეც, რომლის გამოყენებაც, შესაძლოა, უახლოეს მომავალში დაიგეგმოს. კერძოდ, ყურადღება გამახვილდა მონაწილეობითი ბიუჯეტის და დასახლებების საერთო კრებების მექანიზმებზე.  შეხვედრა გაიმართა „ადგილობრივ თვითმმართველობებში სამოქალაქო ჩართულობის და მონაწილეობითი მმართველობის გაძლიერების“ პროექტის ფარგლებში, რომელსაც სამოქალაქო საზოგადოების ინსტიტუტი (CSI) ახორციელებს. პროექტი USAID–ის ადგილობრივი თვითმმართველობის პროგრამის ნაწილია და მისი ფინანსური მხარდამჭერია აშშ–ის საერთაშორისო განვითარების სააგენტო (USAID).

თბილისი. გაეცანით უკუკავშირებს და ვიდეოებს, რომლებშიც ადამიანები ჰყვებიან იმ სასარგებლო გამოცდილებების შესახებ, რაც სამოქალაქო და საზოგადოებრივი ორგანიზაციების მიერ განხორციელებული პროექტებიდან მიიღეს. პოსტერი მომზადებულია პროექტის „სწრაფი რეაგირება მოსახლეობის ინფორმირებულობისთვის“ ფარგლებში საქართველოს შემეცნებითი ცენტრი, ფემინა, სხეულზე ორიენტირებული ფსიქოთერაპიის ასოციაცია და კომლის თანამშრომლობით. პროექტი მხარდაჭერილია საქართველოში ქალთა ფონდის მიერ. სრულად... წყარო: ორგანიზაციის გვერდი სოციალურ ქსელში

სამეგრელო. ქრაუდფანდინგის კამპანიის ფარგლებში, ახალგაზრდულ კლუბ „ჭყიტას“ წევრების ჩართულობით დამზადებული ქრაუდფანდინიგის კამპანიის თემატური პოსტერები თემის ცენტრალურ ადგილებში (ლესიჭინეს ცენტრი, მარკეტები, გაჩერება) გამოიკრა. საინფორმაციო პოსტერების მეშვეობით მიიღებთ ინფორმაციას ქრაუდფანდინგის კამპანიის მიზნის შესახებ. ქრაუდფანდინგის კამპანია ხორციელდება  პროექტის „შემოიჭყიტე ჩვენთან“ ფარგლებში,   „საქართველოს სტრატეგიული კვლევებისა და განვითარების ცენტრის“, ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ მხარდაჭერით. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. საქართველოს სტრატეგიული კვლევებისა და განვითარების ცენტრმა (CSRDG) კორპორაციული სოციალური პასუხისმგებლობის (CSR) დაინტერესებულ მხარეთა ფორუმის სამუშაო შეხვედრა გამართა. CSR ფორუმი, რომელიც სხვადასხვა სექტორთა წარმომადგენლების მიერ დაფუძნდა, CSR-ის ხელშემწყობი სახელმწიფო პოლიტიკის საკითხებზე დიალოგისა და თანამშრომლობის უნიკალურ პლატფორმას წარმოადგენს. ფორუმის სამუშაო შეხვედრას 40 სხვადასხვა სამოქალაქო და საერთაშორისო ორგანიზაციის, ბიზნეს ასოციაციის, საგანმანათლებლო/აკადემიური დაწესებულებისა და სახელმწიფო სექტორის წარმომადგენელი ესწრებოდა. მათ იმსჯელეს საქართველოში იმ შესაძლებლობებსა და ნაბიჯებზე, რაც CSR-ის განვითარებისა და მისი ხელშემწყობი გარემოს ჩამოყალიბებისკენ უნდა გადაიდგას. CSR ფორუმი დაარსდა საქართველოს სტრატეგიული კვლევებისა და განვითარების ცენტრის ორგანიზებით, პროექტის „სამოქალაქო საზოგადოების ინიციატივა“ ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. მედიის ადვოკატირების კოალიცია ეხმიანება მმართველი პარტიის მიერ შემოთავაზებულ ცვლილებებს „მაუწყებლობის შესახებ” კანონში, რომელიც კოალიციის შეფასებით, ბევრ სადაო მუხლთან ერთად აჭარის ტელევიზიის მრჩეველთა საბჭოს გაუქმებას ითვალისწინებს.  „აღნიშნული კანონპროექტი ცალსახად ეწინააღმდეგება საზოგადოებრივი მაუწყებლის ფუნდამენტურ პრინციპებს, გამოუსწორებელ ზიანს აყენებს ქვეყანაში საზოგადოებრივი მაუწყებლის არსებულ მოდელს და სამეურვეო საბჭოს თავმჯდომარის ვასილ მაღლაფერიძის ძალაუფლების განმტკიცებას ემსახურება. მედიის ადვოკატირების კოალიცია მოუწოდებს მმართველ პარტიას გაითვალისწინოს ის პოტენციური მძიმე შედეგები, რაც ამ ცვლილებას შეიძლება მოჰყვეს, როგორც  დემოკრატიის პრინციპების, ასევე საზოგადოებრივი მაუწყებლებისთვის შესაძლებლობის, სრულფასოვნად შეასრულონ თავიანთი ფუნქცია, შეზღუდვით. “ქართულმა ოცნებამ” სასწრაფოდ უნდა გაიწვიოს აღნიშნული კანონპროექტი და ამგვარი რეგრესული ინიციატივების წამოყენების ნაცვლად, გადადგას ნაბიჯები ევროკავშირის 12 რეკომენდაციის და, კონკრეტულად, მედიასთან დაკავშირებული პუნქტების შესასრულებლად“, ნათქვამია კოალიციის განცხადებაში. სრულად... წყარო: mediacoalition.ge

თბილისი. სამოქალაქო საზოგადოების ორგანიზაციები, საჯაროდ მოუწოდებენ საქართველოს ხელისუფლებას, უზრუნველყოს ადამიანის უფლებათა სამოქმედო გეგმის შემუშავების პროცესში სამოქალაქო საზოგადოების ჯეროვანი ჩართულობის ფორმატი. „ჩვენ გვჯერა, რომ ჭეშმარიტად ინკლუზიური პროცესი შექმნის უკეთეს სამოქმედო გეგმას, რომელიც სარგებელს მოუტანს თითოეულ ადამიანს. ეს განსაკუთრებით მნიშვნელოვანია იმის გათვალისწინებით, რომ საზოგადოების ზოგიერთი განსაკუთრებით დაუცველი ჯგუფი, მათ შორის ლგბტქი ადამიანები, და მათი საჭიროებები საერთოდ არ არის სტრატეგიაში ნახსენები. ამასთან, სამეზობლო პოლიტიკისა და გაფართოებისა საკითხებში ევროკომისრის 2023 წლის 22 ივნისის ზეპირ მოხსენებაში ნათქვამია, რომ საქართველოს მთავრობამ უნდა განაახლოს კონსტრუქციული დიალოგი სამოქალაქო საზოგადოებასთან და განახორციელოს რეგულარული და გამჭვირვალე კონსულტაციები. კიდევ ერთხელ ვადასტურებთ, რომ ჩვენი, სამოქალაქო საზოგადოების ორგანიზაციების, საქმიანობის მთავარი მიზანი კანდიდატის სტატუსის მოპოვებისთვის მაქსიმალური ძალისხმევის გაწევაა. სწორედ აღნიშნულიდან გამომდინარე, 2023 წლის 31 ივლისს გამოვაქვეყნებთ მოსაზრებებს, რომელთა გათვალისწინებაც ადამიანის უფლებათა სამოქმედო გეგმის შემუშავების პროცესში დემოკრატიული, სამართლებრივი და სოციალური სახელმწიფოს დამკვიდრებისთვის მიზანშეწონილად მიგვაჩნია“, ნათქვამია განცხადებაში. სრულად... წყარო: gyla.ge

კახეთი. ორგანიზაცია „კახეთმა“ პროექტის „ბავშვთა უფლებების დაცვის განყოფილებების მუშაობის მონიტორინგი და მათი მუშაობის მნიშვნელობის ადვოკატირება კახეთის რეგიონში“ განხორციელება 2022 წლის ივლისიდან დაიწყო. პროექტის მიზანია თელავის, ახმეტის, ყვარლისა და გურჯაანის მუნიციპალიტეტებში ბავშვთა უფლებების დაცვის განყოფილებების მუშაობის მონიტორინგის საფუძველზე შუმუშავებული რეკომენდაციების ადვოკატირება, ბავშვის უფლებათა კოდექსის ეფექტურად აღსრულების მიზნით. 27 ივნისს ადვოკატირების კამპანიის ფარგლებში, შეხვედრა გაიმართა ყვარლის მუნიციპალიტეტში მცხოვრებ მშობლებთან. შეხვედრაზე საუბარი შეეხო ბავშვის უფლებათა კოდექსის მნიშვნელობას, ბავშვის უფლებების დაცვის განვითარების ეტაპებს და მუნიციპალიტეტში შესაბამისი განყოფილებების როლს. ასევე, გაიმართა პროექტის ფარგლებში შექმნილი ანიმაციის ჩვენება, რასაც მოჰყვა დისკუსია. შეხვედრა გაიმართა საქართველოს სტრატეგიული კვლევებისა და განვითარების ცენტრის მხარდაჭერით, ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. სრულად... წყარო: ორგანიზაციის გვერდი სოციალურ ქსელში

თბილისი. საზოგადოებრივი ორგანიზაციების შეფასებით, მოცემულ პერიოდში, ევროკავშირის კანდიდატის სტატუსის მისანიჭებლად განსაზღვრული 12 პირობიდან სრულად არის შესრულებული ერთი პირობა, მეტწილად შესრულებულია ორი, ნაწილობრივ შესრულებულია ხუთი და შესასრულებელია ოთხი პირობა. „სტატუსმესტრის წინა ანგარიშებმა ცხადყო, რომ სამოქალაქო საზოგადოების შეფასებები დიდწილად თანხვედრაშია ევროკავშირის მიერ 2023 წლის 22 ივნისს წარმოდგენილ შუალედურ შეფასებასთან. პირობების შესრულების კუთხით, 2023 წლის 30 აპრილიდან 15 ივნისის ჩათვლით მცირე, თუმცა არასაკმარისი  პროგრესია. ქვეყნისთვის ევროკავშირის კანდიდატის სტატუსის მისანიჭებლად განსაზღვრული 12 პირობის შესრულების მდგომარეობის უფრო ვრცელი შეფასება იხილეთ რიგით მეოთხე სტატუსმეტრში, რომელიც, „ღია საზოგადოების ფონდის“ ლიდერობით, 8 საზოგადოებრივმა ორგანიზაციამ მოამზადა“. წყარო: osgf.ge

გურია. სამოქალაქო საზოგადოების ინსტიტუტი (CSI) ა(ა)იპ–ების სარეგისტრაციო მონაცემების ახალ კანონთან შესაბამისობაში მოყვანის საკითხებზე, კონსულტაციებს აგრძელებს. 23 ივნისს, შეხვედრა გაიმართა ოზურგეთში მომუშავე საზოგადოებრივი ორგანიზაციების წარმომადგენლებთან. შეხვედრა ჩატარდა ევროკავშირისა და კონრად ადენაუერის ფონდის მიერ მხარდაჭერილი პროექტის „სამოქალაქო საზოგადოების ინიციატივა“ ფარგლებში.

გურია. 23 ივნისს, ოზურგეთში, სამოქალაქო საზოგადოების ინსტიტუტის (CSI) ინიციატივით, ადგილობრივი ახალგაზრდებისთვის გაიმართა ლექცია. მოწვეულმა სტუმრებმა ისაუბრეს საქართველოს ევროკავშირში გაწევრიანების მნიშვნელობასა და სარგებელზე, ასევე ევროპულ იდენტობასა და ღირებულებების სიახლოვეზე და იმაზე, რომ საქართველო ევროპაა. შეხვედრაზე გაიმართა ახალგაზრდული კონკურსის „ეს ქვეყანა შენიას“ პრეზენტაცია. კონკურსის თემაა – საქართველო ევროპაა! კონკურსი ტარდება ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში.

იმერეთი. ადგილობრივი დემოკრატიის სააგენტო საქართველომ (LDA Georgia) პროექტის „სამოქალაქო საზოგადოების ინიციატივა“ ფარგლებში თერჯოლის მუნიციპალიტეტის გენდერული თანასწორობის საბჭოს წევრებთან შეხვედრა გამართა საჯარო და კერძო თანამშრომლობის  შესახებ. შეხვედრაზე განიხილეს ისეთი საკითხები, როგორიცაა: კორპორაციული სოციალური პასუხისმგებლობის ზოგადი მიმოხილვა; კორპორაციული სოციალური პასუხისმგებლობის მნიშვნელობა და  დადებითი შედეგები; სახელმწიფო და კორპორაციული პასუხისმგებლობა; სახელმწიფო უწყებები და სამოქალაქო საზოგადოების ორგანიზაციები; შეხვედრა ჩატარდა პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

აჭარა. 22 ივნისს, სამოქალაქო საზოგადოების ინსტიტუტმა (CSI), ბათუმში, გამართა საკონსულტაციო შეხვედრა ადგილობრივი საზოგადოებრივი ორგანიზაციებისთვის. შეხვედრის მიზანი იყო ა(ა)იპ–ების სარეგისტრაციო მონაცემების ახალ კანონთან შესაბამისობაში მოყვანის საკითხების განხილვა. შეხვედრა ჩატარდა ევროკავშირისა და კონრად ადენაუერის ფონდის მიერ მხარდაჭერილი პროექტის „სამოქალაქო საზოგადოების ინიციატივა“ ფარგლებში.

გურია. სამოქალაქო საზოგადოების ინსტიტუტის ინციატივით (CSI), ლანჩხუთში, ადგილობრივი ახალგაზრდებისთვის გაიმართა ლექცია.  მოწვეულმა სტუმრებმა ისაუბრეს საქართველოს ევროკავშირში გაწევრიანების მნიშვნელობასა და სარგებელზე, ასევე ევროპულ იდენტობასა და ღირებულებებთან სიახლოვეზე... შეხვედრაზე გაიმართა ახალგაზრდული კონკურსის „ეს ქვეყანა შენიას“ პრეზენტაცია.  კონკურსის თემაა – საქართველო ევროპაა! კონკურსი ტარდება ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში.

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. 26 ივნისს, USAID-ის ადგილობრივი თვითმმართველობის პროგრამა საგრანტო კონკურსების შესახებ საინფორმაციო შეხვედრას გამართავს. გთხოვთ, შეხვედრაზე დასასწრებად შეავსეთ სარეგისტრაციო ფორმა... ონლაინ შეხვედრის ბმულს ელექტრონულ ფოსტაზე გაგიზიარებენ. სრულად... წყარო: USAID-ის ადგილობრივი თვითმმართველობის პროგრამის გვერდი სოციალურ ქსელში

თბილისი. 21 ივნისს, ახალგაზრდული კონკურსის „ეს ქვეყანა შენიას“ პრეზენტაცია გაიმართა ბათუმში. კონკურსის თემაა – საქართველო ევროპაა! სამოქალაქო საზოგადოების ინსტიტუტის (CSI) ინიციატივით გამართულ შეხვედრას დაესწრნენ სტუმრები, რომლებმაც ახალგაზრდებისთვის გამართეს ლექსია საქართველოს ევროკავშირში გაწევრიანების მნიშვნელობასა და სარგებელზე, ასევე ევროპულ იდენტობასა და ღირებულებების სიახლოვეზე და იმაზე, რომ საქართველო ევროპაა. კონკურსი ტარდება ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში.