თბილისი. 28 თებერვალს სახალხო დამცველი არასამთავრობო ორგანიზაციების წარმომადგენლებს შეხვდა, რომლებიც აქტიურად მუშაობენ კონფლიქტების მოგვარებისა და კონფლიქტების ტრანსფორმაციის მიმართულებით. შეხვედრისას განიხილეს სახალხო დამცველის ახალი ინიციატივები და სამოქალაქო საზოგადოების წარმომადგენელთა მოსაზრებები კონფლიქტებების მოგვარებაში ომბუდსმენის როლის შესახებ. უჩა ნანუაშვილის ინიციატივით ომბუდსმენის ოფისმა გააქტიურა თავისი საქმიანობა კონფლიქტებით დაზარალებულ რეგიონებში ადამიანის უფლებების მიმართულებით. ამისათვის, შეიქმნა კონფლიქტურ რეგიონებში ადამიანის უფლებების საკითხებში სახალხო დამცველის მრჩევლის პოზიციაც.  უჩა ნანუაშვილმა დამსწრე საზოგადოებას წარუდგინა მედეა ტურაშვილი, რომელიც  2014 წლის თებერვლიდან იკავებს ამ თანამდებობას. წყარო: ombudsman.ge

თბილისი. 28 თებერვალს, საქართველოს ახალგაზრდა იურისტთა ასოციაციამ, საყდრისი-ყაჩაღიანის შესახებ პრეზენტაცია-გამოფენა გამართა. ღონისძიების დროს წარმოდგენილი იყო საქართველოს მთავრობიდან, საქართველოს კულტურისა და ძეგლთა დაცვის სამინისტროდან და კულტურული მემკვიდრეობის დაცვის ეროვნული სააგენტოდან საყდრისი-ყაჩაღიანთან დაკავშირებით მიღებული ოფიციალური ინფორმაცია. მათ შორის დოკუმენტები, რომელიც ამ დრომდე ფართო საზოგადოებისთვის არ იყო ცნობილი. წყარო: ახალგაზრდა იურისტთა ასოციაციის ვებგვერდი სოციალურ ქსელში

თბილისი. ორგანიზაციამ „კონსტიტუციის 42-ე მუხლმა" საქართველოს პარლამენტს წარუდგინა მოსაზრებები, ფარულ საგამოძიებო მოქმედებების ჩატარების შესახებ, საქართველოს სისხლის სამართლის საპროცესო კოდექსში ცვლილებების შეტანასთან დაკავშირებით. ორგანიზაცია „მიესალმება ფარულ საგამოძიებო მოქმედებების ჩატარებასთან დაკავშირებით საქართველოს სისხლის სამართლის საპროცესო კოდექსსა და სხვა საკანონმდებლო აქტებში ცვლილებების შეტანას". სრულად წყარო:ორგანიზაციის გვერდი სოციალურ ქსელში

თბილისი. დღეს ვირტუალურ სივრცეში განთავსდა საჯარო ინფორმაციის (opendata.ge) განახლებული პორტალი. პორტალის მიზანია გააუმჯობესოს სახელმწიფოს გამჭვირვალობისა და ანგარიშვალდებულების ხარისხი. იგი მიაწვდის ინფორმაციას მომხმარებლებს როგორ მუშაობენ საჯარო დაწესებულებები, როგორ ხარჯავენ სახელმწიფო ბიუჯეტს, რა პროგრამებს ახორციელებენ, ასევე თანამდებობის პირთა საქმიანობისა და მათი შემოსავლების შესახებ. ფონდის „ღია საზოგადოება საქართველოს" ინიციატივით, ვებგვერდი გარდაიქმნა საჯარო ინფორმაციაზე მომუშავე არასამთავრობო ორგანიზაციების ერთაინ პორტალად და დღეინდან იგი გააერთიანებს ინფორმაციის თავისუფლების განვითარების ინსტიტუტის (IDFI), საქართველოს ახალგაზრდა იურისტთა ასოციაციის (GYLA), საერთაშორისო გამჭვირვალობა - საქართველოსა (TI-G) და ასოციაცია „მწვანე ალტერნატივას" მიერ მოთხოვნილ და მოპოვებულ საჯარო ინფორმაციას. წყარო: opendata.ge

თბილისი. არასამთავრობო ორგანიზაციამ „მწვანე ალტერნატივამ" გამოაქვეყნა პუბლიკაცია „რუსული ენერგო–გიგანტი და ხუდონჰესის ლობისტები". „ბოლო პერიოდში ხუდონჰესის პროექტის ლობისტების მიერ წარმოებული კამპანია სულ უფრო აგრესიულ ხასიათს იძენს. როგორც ჩანს, ეს უკავშირდება იმ გარემოებას, რომ კომპანია „ტრანს ელექტრიკა" ვერ ასრულებს მთავრობასთან დადებული ხელშეკრულების პირობებს, რომლის თანახმად, ის ვალდებული იყო 2014 წლის 1 მარტამდე აეღო ხუდონჰესის მშენებლობის ნებართვა. თავისი წარუმატებლობის დასაფარად (და შესაძლო სამართლებრივი სანქციების თავიდან ასაცილებლად), პროექტის ლობისტები ძველ, ნაცად ხერხს მიმართავენ – ისინი ცდილობენ თავისი წარუმატებლობა დაუძლეველი გარე ფაქტორებით ახსნან და აქაც მათ ყველაზე მარტივი გზა აირჩიეს – პროექტის ოპონენტების სამშობლოს მტრებად და რუსეთის აგენტებად გამოცხადება... შევეცდებით წარმოვაჩინოთ, რომ ადამიანები, რომლებიც რუსულ კვალს ხუდონჰესის პროექტის კრიტიკოსებში ეძებენ, თავად პირდაპირ არიან დაკავშირებული რუსეთის სახელმწიფო ინტერესების გამტარებელ ორგანიზაციებთან", ნათქვამია ორგანიზაციის ვებგვერდზე 26 თებერვალს გამოქვეყნებულ პუბლიკაციაში. სრულად წყარო: greenalt.org

თბილისი. 26 თებერვალს, ჰაინრიჰ ბიოლის ფონდში დებატები - „რას მოუტანს თვითმმართველობის რეფორმა საქართველოს დემოკრატიას?" – გაიმართა. ანალოგიური დებატები მანამდე ფონდმა რეგიონებში გამართა. შეხვედრაში მონაწილეობა მიიღეს ადგილობრივი დემოკრატიის ქსელის ცენტრის, გამგეობის თავმჯდომარემ დავით ლოსაბერიძემ, რეგიონული განვითარების ცენტრის აღმასრულებელმა დირექტორმა ლიზი სოფრომაძემ და საქართველოს რეგიონული განვითარებისა და ინფრასტრუქტურის მინისტრის პირველმა მოადგილემ თენგიზ შერგელაშვილმა. დებატების ჩანაწერი წყარო:ორგანიზაციის გვერდი სოციალურ ქსელში

თბილისი. 26 თებერვალს სასტუმრო „ჰოლიდეი ინში" ინფორმაციის თავისუფლების განვითარების ინსტიტუტმა გამართა მრგვალი მაგიდა – „საჯარო ინფორმაციის პროაქტიული გამოქვეყნება". ღონისძიებაში მონაწილეობას იღებდნენ პრეზიდენტის ადმინისტრაციის, სამინისტროების, საჯარო სამართლის იურიდილი პირები და არასამთავრობო ორგანიზაციების წარმომადგენლები. შეხვედრის თემას საქართველოში საჯარო ინფორმაციის ელექტრონული მოთხოვნისა და პროაქტიული გამოქვეყნების დანერგვის მიმდინარეობის განხილვა წარმოადგენდა. წარმოდგენილი იყო ამ კუთხით დღეს საქართველოში არსებული პრაქტიკა. მრგვალი მაგიდის მონაწილეებიმა იმსჯელს საჯარო ინფორმაციის ხელმისაწვდომობისა და „ღია მმართველობის პარტნიორობის" ფარგლებში ნაკისრი ვალდებულებების შესრულების შესახებ. წყარო: ინსტიტუტის ვებგვერდი სოციალურ ქსელში

თბილისი. 26 თებერვალს, ფონდ „ღია საზოგადოება – საქართველოს" ოფისში გაიმართა ჟურნალის „პოსტსაბჭოთა პოლიტიკის ანალიტიკური დაიჯესტის" პრეზენტაცია. შეხვედრაზე დაიჯესტში შესული ერთ–ერთი სტაიიის ავტორმა, გიორგი ბობღიაშვილმა წარადგინა მოხსენება: „ევროკავშირის ნორმატიული საგარეო პოლიტიკა აზერბაიჯანისა და ბელარუსის მიმართ: შედარებითი ანალიზი". მოხსენების შემდეგ გაიმართა დისკუსია თემაზე: „სტუდენტების აკადემიური საქმიანობის პერსპექტივები". ჟურნალს ორგანიზაცია „პოსტსაბჭოთა კვლევების ცენტრი" ინციატივით გამოდის და მისი მთავარი მიზანია პოსტსაბჭოთა სივრცეში მიმდინარე პოლიტიკური, ეკონომიკური და სოციალური პროცესების ანალიზი. ჟურნალი საშუალებას აძლევს სტუდენტებს საკუთარი მოსაზრებები გააცნონ ფართო საზოგადოებას.

თბილისი. „ტოლერანტობისა და მრავალფეროვნების ინსტიტუტმა" და ადამიანის უფლებების სწავლებისა და მონიტორინგის ცენტრმა" ერთობლივი კვლევის ჩატარება დაიწყეს. კვლევის მიზანია 2013 წელს და 2014 წლის დასაწყისში საქართველოს მართლმადიდებელი ეკლესიის და სხვა რელიგიური ორგანიზაციებისთვის სახელმწიფოს მიერ გადაცემული ფინანსებისა და სხვა მატერიალური სიკეთეების მასშტაბისა და მიზნობრიობის შესწავლა.  სრულად წყარო: tdigeorgia.wordpress.com

თბილისი. საქართველოს სახალხო დამცველმა რეკომენდაციით მიმართა საქართველოს სასჯელაღსრულებისა და პრობაციის მინისტრს, უზრუნველყოს სასჯელაღსრულების დეპარტამენტის #7 დაწესებულებაში მყოფი პატიმრების უფლებების რეალიზება. „სახალხო დამცველის აპარატმა პრევენციის ეროვნული მექანიზმის ფარგლებში განახორციელა არაგეგმური მონიტორინგი სასჯელაღსრულების დეპარტამენტის #7 დაწესებულებაში. მონიტორინგის შედეგად გამოვლინდა დაწესებულებაში მყოფი პატიმრების უფლები დარღვევის ფაქტები და გამოიკვეთა ის პრობლემები, რაც შესაბამისი ორგანოების მიერ შესწავლას საჭიროებს", ნათქვამია სახალხო დამცველის გვერდზე. სრულად წყარო: www.ombudsman.ge

თბილისი. აღმოსავლეთ–დასავლეთის მართვის ინსტიტუტის საჯარო პოლიტიკის, ადვოკატირებისა და სამოქალაქო საზოგადოების განვითარების პროგრამის ფარგლებში გაცემული საგრანტო კონკურსებით გამოცემული პუბლიკაციები შეგიძლიათ გაეცნოთ ორგანიზაციის ვებგვერდზე. კერძოდ, კვლევებს ინტერკულტურული განათლების, ვიზების ლიბერალიზაციის, სოფლის მეურნეობის შესახებ და ა.შ. ანალიტიკური კვლევის ბაზა წყარო: პროგრამის ვებგვერდი სოციალურ ქსელში

თბილისი. საერთაშორისო გამჭვირვალობა – საქართველომ, საქართველოს ახალგაზრდა იურისტთა ასოციაციამ და სამართლიანი არჩევნებისა და დემოკრატიის საერთაშორისო საზოგადოებამ განცხადება გაავრცელეს. არასამთავრობოები თვითმმართველობის მოხელეებთან დაკავშირებით კანონში შესულ ცვლილებებს ეხმაურებიან. „მიღებული ცვლილების მიხედვით, 2014 წლის ადგილობრივი თვითმმართველობის ორგანოების მორიგი არჩევნების შემდეგ ადგილობრივი თვითმმართველობის ყველა მოხელე, მათ შორის კონკურსის წესით დანიშნულიც, ჩაითვლება დროებით მოვალეობის შემსრულებლად, ხოლოგამოთავისუფლებულ ადგილზე გამოცხადდება კონკურსი. ეს დებულება საკანონდელო პაკეტის თავდაპირველ, ინიცირებულ ვერსიაში არ ყოფილა. ირკვევა, რომ მისი დამატება დისკუსიის ბოლო ეტაპზე მოხდა, კანონპროქტის მესამე მოსმენით პლენარულ სხდომაზე განხილვისას, რის გამოც ის საზოგადოებრივი დისკუსიის მიღმა აღმოჩდა. ის, რომ ამ ნორმის თაობაზე საზოგადოება სათანადო წესით ინფორმირებული არ იყო, კიდევ ერთხელ ადასტურებს, თუ როგორი ხარვეზიანი და ნაკლული იყო თვითმმართველობის კოდექსისა და თანდართული კანონპროექტების განხილვის პროცედურა, რაც დაუშვებელია, მით უფრო ამ მასშტაბისა და მნიშვნელობის რეფორმის წარმოებისას", ნათქვამია განცხადებაში. სრულად წყარო: transparency.ge

თბილისი. მედიის განვითარების ფონდმა და საქართველოს დემოკრატიულმა ინიციატივამ გაზეთ „პრაიმ-ტაიმის" პუბლიკაციასთან დაკავშირებით ერთობილი განცხადება გაავრცელეს. „გვინდა შეშფოთება გამოვთქვათ გაზეთ "პრაიმ-ტაიმში" 17 თებერვალს გამოქვეყნებული სტატიის "რა სკანდალებშია გახვეული სახალხო დამცველი. უჩა ნანუაშვილი სექტანტია?" გამო. სტატიის ავტორის მიერ შემოთავაზებული სპეკულაცია საქართველოს სახალხო დამცველის რელიგიურ მრწამსზე, სცილდება ეთიკის ფარგლებს და პროფესიური სტანდარტების დარღვევას წარმოადგენს. ადამიანის რელიგიური მრწამსი ან სხვა იდენტობა, თვითიდენტიფიცირების სფეროს განეკუთვნება და თუ პირი არ ახდნეს საკუთარი მრწამსის საჯაროდ გაცხადებას, რაც მისი, როგორც ინდივიდის უფლებაა, ჟურნალისტის მხრიდან ასეთ პრივატულ საკითხებზე, ანონიმურ წყაროებზე დაყრდნობით საუბარი დაუშვებელია", ნათქვამია განცხადებაში. სრულად წყარო:ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა - საქართველომ ბლოგპოსტი - „მორატორიუმი მიწის გაყიდვაზე: მსხვილი უცხოელი ფერმერების ისტორიები" - გამოაქვეყნა. „საქართველოს სოფლის მეურნეობის სექტორი იმ მდგომარეობაში არ არის, რომ ხელისუფლებამ უარი თქვას ქვეყანაში უცხოური კომპანიების ფინანსების, უნარებისა და ცოდნის შემოდინებაზე. პირიქით, ამ რესურსის გამოყენება აუცილებელია, რაც მიწათმფლობელობის ყოვლისმომცველი პოლიტიკის ჩამოყალიბებით გახდება შესაძლებელი", ნათქვამია ბლოგპოსტში. სრულად წყარო: transparency.ge

თბილისი. ადვოკატთა ასოციაციის თავმჯდომარემ ზაზა ხატიაშვილმა განცხადება გაავრცელა. იგი ადვოკატ გიორგი ონიანის დაკავების საკითხს ეხება. განცხადება წყარო: ორგანიზაციის ვებგვერდი სოციალურ ქსელში

თბილისი. არასამთავრობო ორგანიზაციები საქართველოს პრემიერ–მინისტრს მიმართავენ „ღია მმართველობის პარტნიორობის" (OGP) შესახებ. მისი ინიციატორია აშშ–ის პრეზიდენტი ბარაკ ობამა. ღია მმართველობა წარმოადგენს უმნიშვნელოვანეს პლატფორმას, მთავრობებისა და სამოქალაქო საზოგადოების ერთობლივი თანამშრომლობის ფორმატში მთავრობის ღიაობის, ანგარიშვალდებულების და გამჭვირვალობის, მოქალაქეთა ჩართულობის, ინოვაციების და ტექნოლოგიების განვითარების კუთხით. „...მიგვაჩნია, რომ საქართველოს მთავრობამ, იმისთვის, რომ საერთაშორისო დონეზე გამორჩეულად დააფიქსიროს OGP-ის პრიორიტეტულობა, უნდა აიღოს მნიშვნელოვანი ვალდებულებები, რომელიც საქართველოს მოსახლეობის საჭიროებებს გამოეხმაურება და დაკავშირებული იქნება OGP-ის დეკლარირებულ პრინციპებთან. აღნიშნულ პროცესში მთავრობამ უნდა უზრუნველყოს საჯარო დაწესებულებებისა და საზოგადოების მაქსიმალური ჩართულობა...", ნათქვამიაგ ანცხადებაში სრულად წყარო: gyla.ge

თბილისი. 21 თებერვალს არასამთავრობო ორგანიზაციამ „ახალგაზრდა კონსტიტუციონალისტებმა" საქართველოს დემოკრატიული რესპუბლიკის პირველი კონსტიტუციის 93 წლის იუბილე აქციით აღნიშნეს. ორგანიზაციის წევრებმა რუსთაველის გამზირზემდებარე მოსწავლე–ახალგაზრდობის სასახლის მიმდებარე ტერიტორიაზე აქცია გამართეს და მოსახლეობას 1921 წლის საქართველოს კონსტიტუცია საჩუქრად დაურიგეს.

ქვემო ქართლი. არასამთავრობო ორგანიზაციის „სიდას" ორგანიზებით 19–20 თებერვალს რუსთავის დემოკრატიული ჩართულობის ცენტრში გაიმართა ტრენინგი. მისი თემა იყო აქტიური მოქალაქეობისა და მოხალისეობის ინსტიტუტის ხელმშეწყობა. წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა ეკონომისტთა ასოციაცია საქართველოს მთავრობის მიერ „სოფლის მხარდაჭერის პროგრამის შესახებ" 20 თებერვალს დამტკიცებულ დადგენილებას ეხმაურება. ორგანიზაცია მიესალმება სიახლეებს, რომელსაც პროგრამა ითვალისწინებს და მიიჩნევს, რომ „ცვილებები ხელს შეუწყობს „სოფლის მხარდაჭერის პროგრამის" ეფექტიანობის გაზრდას... წლების განმავლობაში ჩვენი ორგანიზაცია პარტნიორებთან ერთად ამ პროგრამის ეფექტიანობის გაზრდაზე მუშაობს. პროგრამის განხორციელებაში არსებობს მრავალი პრობლემა". ორგანიზაცია მიმართვაში პრობლემებზე დეტალურად საუბრობს და მზადყოფნას გამოთქვამს „პროგრამის გაუმჯობესების მიზნით აქტიურად ითანამშრომლოს სამინისტროსთან და ყველა დაინტერესებულ ორგანიზაცისთან, რათა მაქსიმალურად მოხდეს პროგრამის ეფეტიანობის გაზრდა". სრულად წყარო: ორგანიზაციის ვებგვერდი სოციალურ ქსელში

თბილისი. 50-ზე მეტი ევროპული არასამთავრობო ორგანიზაცია, კვლევითი ინსტიტუტი თუ ანალიტიკოსი აწერს ხელს მიმართვას, რომელიც უკრაინაში მიმდინარე მოვლენებს უკავშირდება. 20 თებერვალს გამოქვეყნდა ინიციატორები არიან საქართველოს რეფორმების ასოციაცია და საქართველოს სტრატეგიული კვლევების ინსტიტუტი. მიმართვა რადიო „თავისუფლების" სიუჟეტი წყარო: რადიო „თავისუფლება"

აღმოსავლეთ პარტნიორობის სამოქალაქო საზოგადოების ფორუმმა 20 თებერვალს უკრაინაში მიმდინარე მოვლენებზე განცხადება გაავრცელეს. განცხადებით ფორუმი ევროკავშირს მიმართავს. განცხადება წყარო: ადამიანის უფლებების სახლის ვებგვერდი სოციალურ ქსელში

თბილისი. საქართველოს ახალგაზრდული პარლამენტი საკანონმდებლო ორგანოში 19 თებერვალს მომხდარ ინციდენტს ეხმაურება. „საქართველოს ახალგაზრდული პარლამენტი მიიჩნევს, რომ დაუშვებელია საკანონმდებლო ორგანოში მსგავსი პრეცედენტების არსებობა. ამ ფონზე, აუცილებელია მოხდეს საქართველოს პარლამენტში 2004 წელს მიღებული ეთიკის კოდექსის გადახედვა და რეალური მექანიზმების შემუშავება, რომელიც მსგავსი ფაქტების არსებობის შემთხვევაში სანქციებს დააკისრებს საქართველოს პარლამენტის დეპუტატებს. საქართველოს ახალგაზრდული პარლამენტი აგრეთვე მიმართავს თხოვნით საერთაშორისო ორგანიზაციებს, რომლებიც ჩართულნი არიან აღნიშნულ პროცესში და გამოთქვამს მზადყოფნას შესთავაზოს საკანონმდებლო ორგანოს ახალგაზრდების ხედვა აღნიშნულ საკითხზე", ნათქვამია სოციალურ ორგანიზაციის ვებგვერდზე გამოქვეყნებულ განცხადებაში. წყარო: საქართველოს ახალგაზრდული პარლამენტის ვებგვერდი სოციალურ ქსელში