2014 წლის თებერვლის დასაწყისში ბრიუსელში გაიმართა აღმოსავლეთ პარტნიორობის სამოქალაქო საზოგადოების ფორუმის საკოორდინაციო საბჭოს შეხვედრა. შეხვედრაზე ექვსმა ქვეყანისს: უკრაინის, საქართველოს, სომხეთის, ბელორუსის, სომხეთისა და მოლოდოვის ეროვნულმა კოორდინატორებმა მიმოიხილეს თავიანთ ქვეყნებში არსებული სიტუაცია ევროინტეგრაციის ჭრილში. აღმოსავლეთ პარტნიორობის საქართველოს ეროვნული პლატფორმა აქვეყნებს კოორდინატორის ივანეჩხიკვაძის ანგარიშსს აღნიშნული შეხვედრის შესახებ. ანგარიში წყარო: eapnationalplatform.ge

თბილისი. 2013 წლის ივნისში საქართველოს პარლამენტმა დაამტკიცა კანონპროექტი, რომლის მიხედვითაც გამოცხადდა დროებითი მორატორიუმი უცხო ქვეყნების მოქალაქეების მიერ სასოფლო-სამეურნეო დანიშნულების მიწის ნაკვეთების ყიდვასა და მემკვიდრეობით მიღებაზე. როგორც უკვე ცნობილია ორგანიზაციამ გაასაჩივრა დროებითი სამართლებრივი შეზღუდვის დაწესება, საკონსტიტუციო სასამართლო უახლოეს მომავალში გამოიტანს გადაწყვეტილებას. „აღნიშნულ შეზღუდვაში ამჟამად ცვლილებების შეტანა განიხილება... ხელისუფლება დროებითი მორატორიუმის აუცილებლობას თავდაპირველად იმით ამართლებდა, რომ მას სჭირდებოდა დრო, 2013 წლის დეკემბრამდე, რათა შეემუშავებინა სასოფლო-სამეურნეო დანიშნულების მიწის საკუთრების შესახებ ერთიანი სახელმწიფო პოლიტიკა და შეექმნა მიწის კადასტრისა (რეგისტრაციის) და მიწათმოწყობის ერთიანი სისტემა. თუმცა ხელისუფლება ვერ ჩაეტია კანონში გაწერილ ვადაბში, და ახლა მისი 2014 წლის 30 ნოემბრამდე გაგრძელება სურს", ნათქვამია პუბლიკაციაში. პუბლიკაციაში განხილულია ცვლილებები დროებით მორატორიუმში, ასევე იგი მოიცავს რეკომენდაციებს. სრულად წყარო: transparency.ge

თბილისი. არასამთავრობო ორგანიზაციამ „ახალგაზრდა ადვოკატებმა", უფლებადამცველთა მონაწილეობით, ხუდონჰესის პროექტის სამართლებრივ საკითხებზე კონფერენცია გამართეს. კონფერენციაში მონაწილეობას იღებდნენ საზოგადოებრივი ორგანიზაციების, აღმასრულებელი ხელისუფლებისა და ბიზნესის წარმომადგენლები. სრულად წყარო: ორგანიზაციის ვებგვერდი სოციალურ ქსელში

თბილისი. კოალიცია „მედია ადვოკატირებისთვის" ეხმაურება საქართველოს პარლამენტის მიერ ციფრულ მაუწყებლობაზე გადასვლის შესახებ საკანონმდებლო ცვლილებების პროექტის დაჩქარებული წესით მიღებას. ცვლილებები შედის „ელექტრონული კომუნიკაციების შესახებ" და „ლიცენზიებისა და ნებართვების შესახებ" კანონში. „18 თებერვალს, საქართველოს პარლამენტის ვებ გვერდზე გამოქვეყნდა „ელექტრონული კომუნიკაციების შესახებ" საქართველოს კანონში ცვლილებების პროექტი, რომელსაც პირველი მოსმენით საქართველოს პარლამენტმა უყარა კენჭი 19 თებერვალს და დაამტკიცა 75 ხმით 0-ის წინააღმდეგ. ჩვენი მოსაზრებებით წარმოდგენილი ცვლილებები მოითხოვს დაზუსტებას, რადგან არ ასახავს ყველა იმ სამართლებრივ ურთიერთობას, რომლის მოსაწესრიგებლადაც არის მიმართული აღნიშნული ცვლილებები. ვფიქრობთ, რომ ასეთი დაჩქარებული წესით, საზოგადოებრივი განხილვის გარეშე კანონში ცვლილებების პროექტის დამტკიცება არ მოდის შესაბამისობაში გამჭვირვალობის და მოქალაქეთა ჩართულობის პრინციპთან", ნათქვამია განცხადებაში სრულად წყარო: media.ge

თბილისი. საერთაშორისო გამჭვირვალობა – საქართველომ პუბლიკაცია გამოაქვეყნა: „საქართველოს ბიუჯეტის პრიორიტეტები 2012–1014 წლები: ანალიზი და რეკომენდაციები". პუბლიკაციის ავტორია მიხეილ კუკავა. პუბლიკაციაში აღნიშნულია, რომ „2012-2014 წლებში. საქართველოს მთავრობის პრიორიტეტები მნიშვნელოვნად შეიცვალა. ახალი პრიორიტეტების დაფინანსების აუცილებლობამ ხარჯების თითქმის მილიარდი ლარით ზრდა გამოიწვია". პუბლიკაციაში ვიზუალურად წარმოდგენილია თუ როგორ შეიცვალა ეს პრიორიტეტები ბოლო ორი წლის მანძილზე, რა პოზიტიური ცვლილებები გვაქვს და პუბლიკაციის ავტორი რა პრობლემებს ხედავს 2014 წლის ბიუჯეტში და რა საშუალებებით აპირებს მთავრობა თავისი პრიორიტეტების დაფინანსებას. სრულად წყარო: transparency.ge

სამეგრელო. არასამთავრობო ორგანიზაცია „სამოქალაქო მონიტორინგისა და კვლევების ცენტრსა" და წალენჯიხის და ჩხოროწყუს მუნიციპალიტეტების გამგეობებს შორის გაფორმდა ურთიერთთანამშრომლობის მემორანდუმი. მემორანდუმის მიზანია ურთიერთთანამშრომლობის გზით პროექტის „წალენჯიხისა და ჩხოროწყუს მუნიციპალიტეტების ადგილობრივი თვითმმართველობის ორგანოთა საქმიანობის მონიტორინგი" მხარდაჭერა, რითაც ხელი შეეწყობა მოსახლეობის ინფორმირებულობის ამაღლებას, ადგილობრივი თვითმმართველობის კომპეტენციებსა და ვალდებულებებზე, ასევე მოქალაქეთა უფლებებსა და პასუხისმგებლობებზე ადგილობრივი თვითმმართველობის სფეროში. წყარო: ორგანიზაციის ვებგვერდი სოციალურ ქსელში

თბილისი. საერთაშორისო გამჭვირვალობა – საქართველოს ინფორმაციით, პარლამენტის ადამიანის უფლებათა დაცვისა და სამოქალაქო ინტეგრაციის კომიტეტში მიმდინარეობს განხილვა. კომიტეტი იხილავს „საზოგადოებრივ და პოლიტიკურ ორგანიზაციათა გაერთიანება „უფლის სახელით - უფალია ჩვენი სიმართლის" მიერ წარმოდგენილ საკანონმდებლო წინადადება „საქართველოში ალტერნატიული პირადობის დამადასტურებელი საბუთის დაწესების თაობაზე" საქართველოს კანონის პროექტთან დაკავშირებით", ნათქვამია გამჭვირვალობის ვებგვერდზე სოციალურ ქსელში. ორგანიზაცია აღნიშნავს, რომ „ევროკავშირთან სავიზო რეჟიმის ლიბერალიზაციის სამოქმედო გეგმის ერთ-ერთი მნიშვნელოვანი მოთხოვნა მოქალაქეთა სამგზავრო დოკუმენტების უსაფრთოხოებას უკავშირდება. ევროკავშირი საქართველოსგან ითხოვს, რაც შეიძლება მალე გადავიდეს ქვეყანა ბიომეტრული პარამეტრების მქონე დოკუმენტებზე. აქედან გამომდინარე, ალტერნატიული პირადობის დამადასტურებელი საბუთების დაშვება, რომლებიც არ მოიცავს შესაბამის ბიომეტრულ პარამეტრებს, სერიოზულ საფრთხეს შეუქმნის ევროპასთან შედგომი ინტეგრაციის პროცესს". სრულად წყარო: ორგანიზაციის ვებგვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) საკონსტიტუციო სამართლოს მიმართავს. მიმართვის საგანია, სადავო აქტის მოქმედების შეჩერების საკითხი. ცენტრი მიიჩნევს, რომ „სადავო ნორმის მოქმედების შეჩერების ერთთვიანი პერიოდით შემოფარგვლა ერთი მხრივ, არათანაზომეიერად, მეორე მხრივ კი ლეგიტიმური მიზნის არარსებობის პირობებშიც შეიძლება შეზღუდოს ... პოტენციური მოსარჩელის უფლებები და ითხოვს სადავო ნორმების არაკონსტიტუციურად ცნობას", ნათქვამია მიმართვაში. სრულად წყარო: emc.org.ge

თბილისი. სამართლიანი არჩევნები, საერთაშორისო გამჭვირვალობა და ახალგაზრდა იურისტთა ასოციაცია მიესალმებიან მმართველი კოალიციის მზაობას თვითმმართველობის არჩევნებში საარჩევნო ბარიერის 50%-მდე აწევის შესახებ. ორგანიზაციების ერთობლივ განცხადებაში ნათქვამია, რომ „ხელისუფლებამ მეტი მზაობა უნდა გამოხატოს მასშტაბური ცვლილებებისთვის, ვინაიდან მხოლოდ ბარიერის გაზრდა სისტემის მნიშვნელოვნად გაუმჯობესებას ვერ უზრუნველყოფს". ორგანიზაციების შესაბამის რეკომენდაციებს აქვეყნებენ და გამოთქვამენ მზადყოფნას აღნიშნული რეკომენდაციების ირგვლივ დისკუსიისთვის და იმედს გამოთქვამენ, რომ ხელისუფლება საბოლოო დოკუმენტის მიღებამდე „კიდევ ერთხელ გადახედავს საკუთარ პოზიციას აღნიშნულ საკითხებთან დაკავშირები". სრულად წყარო: isfed.ge

თბილისი. ახალგაზრდა ეკონომისტებმა მეწარმეობის განვითარების სააგენტოს შესახებ პუბლიკაცია გამოაქვეყნეს. 13 თებერვლის გადაწყვეტილებით, საქართველოს ეკონომიკისა და მდგრადი განვითარების სამინისტროში იქმნება „მეწარმეობის განვითარების სააგენტო". „მსგავსი პროფილის სააგენტოები უკვე წლებია არსებობს აღმოსავლეთ ევროპის სახელმწიფოებში რომლებმაც განვითარების იგივი გზა გაიარეს რასაც ჩვენ დღეს გავდივართ. საქართველოს ახალგაზრდა ეკონომისტთა ასოციაცია მიესალმება მის ფორმირებას და იმედს გამოთქვამს რომ აღნიშნული სააგენტო მნიშვნელოვან ფუნქციას შეასრულებს მცირე და საშუალო საწარმოების განვითარებაში. მეწარმოების განვითარების სააგენტოსთვის ვფიქრობთ მნიშვნელოვანია სხვა ქვეყნების გამოცდილების გაზიარება", აღნიშნულია პუბლიკაციაში. ორგანიზაცია ესტონის მეწარმეობის სააგენტოს პროექტებსა და ფუნქციებს მიმოიხილავს პუბლიკაციაში. სრულად წყარო: ორგანიზაციის ვებგვერდი სოციალურ ქსელში

თბილისი. არასამთავრობო ორგანიზაცია „რადარამის" ორგანიზებით ეროვნულ ბიბლიოთეკაში გაიმართა დისკუსია–დებატები ტონი ჯატის წიგნის –„უკეთურება ეუფლება ქვეყნირებას" – შესახებ. დისკუსიის მიზანი იყო წიგნის შინაარსის განალიზება ჩვენი ქვეყნის რეალობასთან კონტექსტში. სრულად წყარო: freea.ge

თბილისი. ტოლერანტობის და მრავალფეროვნების ინსტიტუტი (TDI) იკვლევს სახელმწიფოს მიერ საქართველოს საპატრიარქოს, ეპარქიებისა და ეკლესია-მონასტრების დაფინანსებისა და მატერიალური მხარდაჭერის საკითხებს. ორანიზაციამ შუალედური ანგარიში გამოაქვეყნა, რომელიც მოიცავს ინფორმაციას „თბილისში (რაიონული გამგეობები), ქუთაისში, ბათუმში, ოზურგეთსა და რუსთავში 2011-2013 წლებში ეკლესიების საბიუჯეტო დაფინანსებაზე", ნათქვამია ანგარიშში. სრულად წყარო: tdigeorgia.wordpress.com

თბილისი. საერთაშორისო გამჭვირვალობა საქართველო ფინანსთა სამინისტროს საგამოძიებო სამსახურის წარმომადგენლების კომპანია „ჯეოსელში" შესვლას გამოეხმაურნენ. „მოვუწოდებთ საქართველოს ფანანსთა სამინისტროს საზოგადოებას მაქსიმალურად დასაბუთებული ინფორმაცია მიაწოდოს "ჯეოსელის” საქმესთან დაკავავშირებით. მნიშვნელოვანია ფინანსური პოლიციის ქმედებებთან დაკავშირებით დამატებითი კითხვის ნიშნები არ დარჩეს. წინააღმდეგ შემთხვევაში „ჯეოსელის” საქმე, შესაძლოა, ბიზნესმენებმა გამაფრთხილებელ გზავნილად აღიქვან და ჩათვალონ, რომ შინაგან საქმეთა სამინისტროს მიმართ გამოთქმული კრიტიკა ან მათ წინააღმდეგ განხორციელებული ნებისმიერი ქმედება პასუხგაუცემელი არ დარჩება. მსგავსი ქმედებები მრავლად გვხვდებოდა ბოლო წლების განმავლობაში, როდესაც კერძო სექტორს ხელისუფლების კრიტიკის ეშინოდა, რადგან იცოდნენ, რომ ამას ბიზნესისთვის სავალალო შედეგები მოჰყვებოდა", ნათქვამია ორგანიზაციის ვებგვერდზე. სრულად წყარო: transparency.ge

თბილისი. აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნულმა პლატფორმამ საყდრისი–ყაჩაღიანის საბადოს შესახებ განცხადება გაავრცელა. განცხადებაში ხაზგასმულია საბადოს აღმოჩენის, არქეოლოგიური სამუშაოებისა და მისი მნიშვნელობის შესახებ. ეროვნული პლატფორმის წევრი ორგანიზაციები მიმართავენ კულტურისა და ძეგლთა დაცვის მინისტრს და საერთაშორისო ორგანიზაციებს. „საყდრისი-ყაჩაღიანის მაღარო არის საერთაშორისო მნიშვნელობის კულტურული მემკვიდრეობა. შესაბამისად, მივმართავთ საქართველოს კულტურისა და ძეგლთა დაცვის მინისტრს დაუყონებლივ მკვეთრად და საჯაროდ დააფიქსიროს საკუთარი და სამინისტროს პოზიცია საყდრისი-ყაჩაღიანთან დაკავშირებით, გაიზიაროს კულტურული მემკვიდრეობის დაცვის საბჭოს სტრატეგიული სექციის რეკომენდაცია, ასევე საზოგადოების მაღალი ინტერესი და მოთხოვნა, ადგილობრივი და საერთაშორისო სამეცნიერო წრეების რჩევა, საყდრისი-ყაჩაღიანის კულტურული მემკვიდრეობის უძრავი ძეგლის სტატუსის აღდგენის შესახებ და ხელი შეუწყოს ძეგლზე საერთაშორისო კვლევების გაგრძელებას", აღნიშნულია განცხადებაში. ეროვნული პლატფორმის წევრი ორგანიზაციები ასევე მიმართავენ საერთაშორისო ორგანიზაციებს და მათ წარმომადგენლობებს საქართველოსა და მის ფარგლებს გარეთ , რათა გაითვალისწინონ „საყდრისი-ყაჩაღიანის ზოგადსაკაცობრიო ღირებულება და გამომდინარე დღევანდელი საგანგაშო მდგომარეობიდან მოახდინონ მყისიერი რეაგირება ობიექტის გადასარჩენად". განცხადებას თან ერთის საერთაშორისო ექსპერტების და სპეციალისტები წერილები. სრულად წყარო: osgf.ge

თბილისი. საერთაშორისო გამჭვირვალობა - საქართველომ სოციალურ ქსელში განცხადება გაავრცელა. „მივესალმებით პრემიერმინისტრის დღევანდელ ინიციატივას, ქალაქის მერებისა და მუნიციპალიტეტის გამგებლების ასარჩევად 50%-იანი ბარიერის დაწესების შესახებ. ვფიქრობთ, რომ ამ რეგულაციით უფრო მაღალი ნდობისა და ლეგიტიმაციის მერები და გამგებლები ეყოლება ქვეყანას. საარჩევნო სისტემასთან დაკავშირებით ორი მნიშვნელოვანი საკითხი კვლავ საჭიროებს ყურადღებას და იმედი გვაქვს, რომ ხელისუფლება მათაც გაითვალისწინებს", ნათქვამია განცხადებაში. სრულად წყარო:ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა მონიტორინგის ცენტრმა (EMC), ცენტრის სამოქალაქო აქტივიზმის პლატფორმის წევრის თეა კახაძის პუბლიკაცია გამოაქვეყნა სახელწოდებით: „საქართველოს კათოლიკოს–პატრიარქის ეპისტოლეების ანალიზი (1997–2014)". პუბლიკაციაში ყურადღება გამახვილებულია საქართველოს კათოლიკოს–პატრიარქის ეპისტოლეებში სახელმწიფო და სოციალური მიმართულებით ყველაზე ხშირად წამოწეულ საკითხებზე. სრულად წყარო: emc.org.ge

თბილისი. ორგანიზაცია „ახალგაზრდა ადვოკატებმა" განცხადება გაავრცელა, რომლთაც უზენაესი სასამართლოს თავმჯდომარეს მიმართავს. ორგანიზაცია კონსტანტინე კუბლაშვილს 10 საჯარო კითხვით მიმართავს, რომელიც მართლმსაჯულების სისტემაში გამოკვეთილ საკითხებსა და გარემოებებს ეხება. სრულად წყარო:barristers.ge

თბილისი. სტუდენტური მოძრაობა „მწვანე მუშტი" მიმართვას ავრცელებს და უერთდება აქციას „მუშა და არა მონა! სოლიდარობა გაფიცულ მუშებს!" კომპანია RMG GOLD-ის წინააღმდეგ". სტუდენტები თავის მიმართვაში კომპანიისგან მოითხოვენ „დაუყოვნებლივ აღდგენილ იქნას ყველა უსამართლოდ განთავისუფლებული მუშა..., დაუყოვნებლივ შეჩერდეს ყველა უკანონო მშენებლობა, რომელიც საფრთხეს უქმნის ადამიანს, ბუნებრივ და კულტურულ გარემოს, დაშვებულ იქნას გარემოსა და ბუნებრივი რესურსებისა და კულტურისა და ძეგლთა დაცვის სამინისტროების მონიტორინგის ჯგუფები". თავის მხრივ ახალგაზრდები ხელისუფლებისგან მოითხოვენ: „უზრუნველყოს შრომითი კანონმდებლობის დაუყოვნებლივ დახვეწა და მოახდინოს ადამიანის შრომითი უფლებების გარანტირება, მოახდინოს ტერიტორიის ობიექტური მონიტორინგი და ყველა კანონდარღვევაზე პასუხი აგებინოს კომპანიას". სრულად წყარო: მოძრაობის ვებგვერდი სოციალურ ქსელში

თბილისი. ორგანიზაცია „ახალგაზრდა ადვოკატებმა" განცხადება გაავრცელა. ორგანიზაციის შეფასებით, „საქართველოს შინაგან საქმეთა სამინისტრომ ბიოპლანის ამკრძალავი მექანიზმის შემოღებისთვის სწრაფი ქმედებები უნდა განახორციელოს". „ახალგაზრდა ადვოკატები" სამინისტროს ოფიციალური წერილით მიმართავს და საქართველოში, განსაკუთრებით კი თბილისში, ბოლო პერიოდში, ერთ–ერთი ყველაზე გავრცელებული ნარკოტიკული საშუალების ე.წ. „ბიოპლანის" მოხმარების, შესყიდვისა და გამოწერის ამკრძალავი მექანიზმის შემოღების დაჩქარებას მოითხოვს", ნათქვამია განცხადებაში. სრულად წყარო:ორგანიზაციის გვერდი სოციალურ ქსელში

აჭარა. 15 თებერვალს, არასამთავროო ორგანიზაციამ „ბორჯღალმა" ახალი პროექტი - „დემოკრატიის მთხრობელთა სკოლა" დაიწყო. პირველი სემინარი ქართულ-ამერიკული უნივერსიტეტის პროფესორმა და პოლიტოლოგმა ბაქარ ბერეკაშვილიმა ჩაატარა, რომლის თემა იყო: „დემოკრატია - მისი კლასიკური და თანამედროვე აღქმა". მან ისაუბრა თუ საიდან მოდის დემოკრატიის ცნება და როგორია მისი ისტორიული განვითარების დინამიკა. 16 თებერვალს კი სკოლის 22 მოსწავლეს კობა კუპრაშვილიმა, დემოკრატიასა და სახელმწიფოს შორის არსებულ კავშირზე ესაუბრა. „დემოკრატიის მთხრობელთა სკოლა" შეიქმნა პროექტის „დემოკრატიის ისტორიები სამოქალაქო ცნობიერებისათვის" ფარგლებში, რომელიც ფონდი „ღია საზოგადოება - საქართველოს" მხარდაჭერით ხორციელდება.

თბილისი. არასამთავრობო ორგანიზაციებმა „ერთიანი ნაციონალური მოძრაობის" პარტიის წევრების დაკავების შესახებ განცხადება გაავრცელეს. „ა.წ. 10 თებერვალს სამართალდამცავმა ორგანოებმა დააკავეს ხონის მუნიციპალიტეტის გამგებელი ზურაბ ჯიბუხაია და გამგებლის მოადგილე ბესარიონ ჭელიძე, ასევე, დუშეთის „...ერთიანი ნაციონალური მოძრაობის” რაიონული ორგანიზაციის თავმჯდომარის მოადგილე ზურაბ ოტიაშვილი. მიგვაჩნია, რომ კანონის წინაშე ყველა თანასწორია და ბრალის დამტკიცების შემთხვევაში ნებისმიერი პირის პასუხისმგებლობა უნდა დადგეს, მიუხედავად მისი პარტიული კუთვნილებისა. თუმცა, ასევე აუცილებლად გასათვალისწინებელია, რომ თვითმმართველობის არჩევნების წინ ოპოზიციური პარტიის აქტიური წევრების დაკავება რამდენიმე წლის წინ ჩადენილი დანაშაულისთვის და სამართალდამცავი ორგანოების მიერ აღკვეთის ღონისძიების მოთხოვნა დამატებით კითხვის ნიშნებს ბადებს...", ნათქვამია განცხადებაში. სრულად წყარო: gyla.ge

თბილისი. საქართველოს ახალგაზრდა იურისტთა ასოციაციამ განცხადება გაავრცელა. „გავრცელებული ინფორმაციით 2014 წლის 14 თებერვალს, თბილისის პროკურატურაში მოწმის სტატუსით დაკითხულ იქნა ლევან მარუაშვილი, დაკითხვამდე კი მისი საცხოვრებელი სახლის ჩხრეკა მოხდა. ვრცელდება ინფორმაცია, რომ მისი დაკითხვა შესაძლოა უკავშირდებოდეს ბაჩანა ახალაის მიმართ წაყენებულ ერთ-ერთ ბრალდებას. აღნიშნულ ფაქტთან დაკავშირებით გვსურს განვმარტოთ, რა პროცედურების დაცვით უნდა მოხდეს ჩხრეკის ჩატარება და მოწმის სტატუსით პირის დაკითხვა. ...საია მოუწოდებს საგამოძიებო ორგანოებს, შესაბამისი საგამოძიებო მოქმედებების ჩატარებისას, ნუ გასცდებიან კანონის მოთხოვნებს და ყველა კონკრეტულ შემთხვევაში დაცული იყოს კანონმდებლობით დადგენილი პროცედურები", ნათქვამია განცხადებაში. სრულად წყარო: gyla.ge