თბილისი. 20 სექტემბერს არასამთავრობო ორგანიზაციები პრეზიდენტის 19 სექტემბრის განცხადებას გამოეხმარენენ. ორგანიზაციები მიიჩნევენ, რომ „გაჟღერებული ზომები არ არის საკმარისი და პროპორციული რეაგირება ადამიანის უფლებების დარღვევის იმ შემზარავ და სისტემურ ფაქტებზე, რომლის თვითმხილველიცაა საზოგადოება ბოლო დღეების განმავლობაში. განცხადება წყარო: osgf.ge

იმერეთი. 20 სექტემბერს დემოკრატიული ჩართულობის ცენტრში ქუთაისში მოქმედი საზოგადოებრივი და მედია ორგანიზაციების წარმომადგენლები შეიკრიბნენ, რომლებმაც შეიმუშავეს განცხადების ტექსტი საქართველოში ბოლო დროს განვითარებული მოვლენების შესახებ. ქუთაისში მომუშავე საზოგადოებრივი და მედია ორგანიზაციები სრულიად იზიარებენ და უერთდებიან თბილისში არასამთავრობო სექტორის მიერ გავრცელებულ განცხადების პათოსს და ჩამოყალიბებულ მთხოვნებს.  განცხადებას 34 საზოგადებრივ და მედია ორგანიზაციების წარმომადგენლებმა და აქტიურმა მოქალაქეებმა მოაწერეს ხელი. განცხადება

იმერეთი. „ლიბერალური კლუბის" ეგიდით, 19 სექტემბერს, დემოკრატიული ჩართულობის ცენტრში მოეწყო დისკუსია თემაზე „პოლიტიკური კულტურა-ცნება მოქალაქე". მწერალმა და ფილოსოფოსმა ტარიელ დათიაშვილმა იმ მოვლენებზე და სოციალურ პასუხისმგებლობაზე ისაუბრა, რომელიც დღეს ქართული საზოგადოების პოლიტიკურ კულტურაში არსებობს.  სრულად წყარო: ორგანიზაციის სოციალური ქსელი

თბილისი. „არასამთავრობო ორგანიზაციები გმობენ სასჯელაღსრულების სისტემაში წამებისა და არაადამიანური მოპყრობის პრაქტიკას. ისინი მოითხოვენ დაუყოვნებლივ გამოძიებას და შესაბამისი პირების სისხლის სამართლებრივ და პოლიტიკურ პასუხისმგებლობას", – ნათქვამია განცხადებაში, რომელსაც ხელს არასამთავრობო ორგანიზაციები აწერენ. განცხადებაში ნათქვამია, რომ არასათანადო მოპყრობა სისტემური ხასიათის პრობლემაა საქართველოს სასჯელაღსრულების სისტემაში, რომელზეც წლების განმავლობაში საუბრობს როგორც სახალხო დამცველი, ასევე არასამთავრობო ორგანიზაციები. არასამთავრობოები სისტემური პრობლემის აღმოსაფხვრელად მიიჩნევენ, რომ სახელმწიფომ დაუყოვნებლივ უნდა მიიღოს კონკრეტული ზომები. განცხადება სრულად წყარო: osgf.ge

სამეგრელო. საქართველოს ახალგაზრდა იურისტთა ასოციაციის იურისტებმა, 18 სექტემბერს, ზუგდიდში, სამეგრელოში მომუშავე საზოგადოებრივი ორგანიზაციებისა და მედიის წარმომადგენლებისთვის ტრენინგი ჩაატარეს. საუბარი შეეხო მედიის წარმომადგენლების ხელისშეშლის ფაქტებს, ასევე უშუალოდ კენჭისყრის დღის პროცედურებსა და საარჩევნო უბნებზე მყოფი დამკვირვებელი ორგანიზაციების უფლებებს. საქართველოს ახალგაზრდა იურისტთა ასოციაცია საარჩევნო კანონმდებლობაზე ტრენინგებს საქართველოს სხვა ქალაქებშიც გამართავს.

იმერეთი. საინფორმაციო საშუალებებით გავრცელებული კადრების შემდგომ, ქუთაისის მეორე სასჯელაღსრულების დაწესებულებასთან მედიის, საზოგადოებრივი ორგანიზაციების წარმომადგენლები შეიკრიბნენ და გამართეს აქცია – „არ აწამო". მათ დაგმეს გლდანის მე–8 საპყრობილეში პატიმრების მიმართ არასათანადო მოპყრობის ფაქტები, მხარდაჭერა გამოუცხადეს მათ და დამნაშავეების დასჯა მოითხოვეს. ღამით გამართული აქციის შემდგომ, 19 სექტემბერს, დღის 2 საათზე, ქუთაისის მეორე სასჯელაღსრულების დაწესებულებასთან სამოქალაქო სექტორის წარმომადგენლები კვლავ შეიკრიბნენ.      

თბილისი. 25 სექტემბრიდან 3 ოქტომბრის ჩათვლით სიქა-ს პარტნიორობით ჰოლანდიური ორგანიზაცია თბილისში მართავს საერთაშორისო სემინარს "‘European Identity and Democracy". კონფერენციაში მონაწილეობას მიიღებენ ახალგაზრდები ჰოლნადიიდან, დანიიდან, სომხეთიდან და საქართველოდან.  სემინარების თემაა მოქალაქეობის ცნება, მოქალაქის მოვალეობები, დემოკრატია, არჩევნები. ასევე მონაწილეები ოქტომბრის არჩევნებზე თავისუფალ დამკვირვებლად იმუშავებენ უცხოელ მონაწილეებთან ერთად.  წყარო: ორგანიზაციის გვერდი სოციალურ ქსელში

შიდა ქართლი. 17 სექტემბერს გორში, სამოქალაქო საზოგადოების ინსტიტუტის ორგანიზებით, გაიმართა ადგილორბივი საზოგადოებრივი ორგანიზაციებისა და მედიის წარმომადგენელების შეხვედრა, რომელის თემა საზოგადოებრივი ორგანიზაციების საკომუნიკაციო სტრატეგიები და მათი აქტივობების გაშუქება იყო.  შეხვედრაზე ნაჩვენები იყო სამოქალაქო საზოგადოების ინსტიტუტის მომაზადებული ფილმი, რომელიც ასახავს სამოქალაქო საზოგადოების და, კონკრეტულად, საზოგადოებრივი ორგანიზაციების განვითარების ისტორიას. ფილმში დასმული პრობლემური საკითხები, როგორიცაა მესამე სექტორის დაბალი ცნობადობა, მის მიმართ ნაკლები ნდობა და სექტორის გარშემო არსებული სტერეოტიპები, განიხილეს თავად ორგანიზაციების წარმომადგენლებმა და ჟურნალისტებმა.  

აჭარა. 14 სექტემბერს ბათუმში სამოქალაქო საზოგადოების ინსტიუტმა ადგილობრივ საზოგადოებრივ ორგანიზაციებს წარუდგინა ეროვნული პლატფორმის კონცეფცია. კონცეფციის მიხედვით, პლატფორმა სექტორში არსებული მოსაზრებების შეჯერების, გამოცდილების გაზიარების, საერთო აქტივობათა განხორციელებისა და ხელისუფლებასა და სხვა აქტორებთან დიალოგის გამართვის ინსტრუმენტია. შეხვედრის მიზანი, როგორც მის დასაწყისში აღინიშნა, პლატფრომის კონცეფციის შესახებ საზოგდოებრივი ორგანიზაციების მხრიდან შენიშვნების და კომენტარების მიღება იყო. კონცეფციის პრეზენტაციის შემდეგ გაიმართა ცოცხალი და საინტერესო დისკუსია ეროვნული პლატფორმის სამომავლო მოდელის, მისი მუშაობის წესის შესახებ. მიღებული შენიშვნები და წინადადებები გათვალისწინებული იქნება ეროვნული პლატფორმის დებულებების შედგენის დროს.   საზოგადოებრივი ორგანიზაციების ეროვნული პლატფორმის კონცეფციის პრეზენტაცია საქართველოს ყველა რეგიონშია დაგეგმილი. 

სამცხე–ჯავახეთი. კონკურსი ორიენტირებულია სამოქალაქო კლუბის წევრებზე. მსურველებს შეუძლიათ წარადგინონ პროექტები 8 ოქტომბრამდე სხვადასხვა მიმართულებით. კერძოდ, ბიზნეს-სექტორის ჩართვა ახალგაზრდებისათვის აქტუალური პრობლემების მოგვარებაში; ახალგაზრდების მედიასთან თანამშრომლობა; სკოლის თუ თემის პრობლემების მოგვარება ადგილობრივ ხელისუფლებასთან თანამშრომლობით; მოსწავლეთა თვითმმართველობის, ან სასკოლო სამოქალაქო კლუბების გაძლიერება; ახალგაზრდებს შორის ჯანსაღი ცხოვრების წესის პოპულარიზაცია; ადამიანთა უფლებების დაცვა და კანონის უზენაესობის ხელშეწყობა; სამოქალაქო განათლების პოპულარიზაცია; ინტეგრაციის ხელშეწყობა (მაგ: შეზღუდული შესაძლებლობების მქონე პირები, იძულებით გადაადგილებულები და ა.შ.), ეკოლოგიური პრობლემების მოგვარება, ადვოკატირება, გენდერული თანასწორობის ხელშეწყობა. კონკურსის გამოცხადებამდე ახალციხის ახალგაზრდულმა ცენტრმა, სამოქალაქო კლუბის წევრებისთვის, უზრუნველყო ტრენინგები პროექტების წერის უნარ-ჩვევების გასავითარებლად.

აჭარა. 11–12 სექტემბერს, ბათუმის დემოკრატიული ჩართულობის ცენტრში, გაიმართა ბათუმის განათლების, განვითარების და დასაქმების ცენტრის ორ დღიანი სემინარი თემაზე: აქტიური მოქალაქეობა. აღნიშნულ სემინარებს ესწრებოდნენ აგილობრივი საზოგადოებრივი ორგანიზაციების წარმომადგენლები და სტუდენტების. სემინარის თემიდან გამომდინარე, მონაწილეებმა იმსჯელეს აქტიური მოქალაქეობის დადებით მხარებზე და მის როლზე ქვეყნის განვითარებაში. ასევე აღნიშნეს ისიც, რომ წინასააეჩევნო პერიოდში ახალგაზრდების და ზოგადად მოქალაქეების აქტიურობა ძალიან მნიშვნელოვანია.  

აჭარა. 7 სექტემბრს, სამოქალაქო საზოგადოების ინსტიტუტის ბათუმის ფილიალმა გამართა საინფორმაციო სახის შეხვედრა ახალდაარსებულ საზოგადოებრივი ორგანიზაციების წარმომადგენლებთან. შეხვედრაზე განიხილეს მოხალისეობის არსი, სპეციფიკა, გამოწვევები, თუ როგორია საერთაშორისო პრაქტიკა და რა სიტუაციაა საქართველოში. დამსწრე საზოგადოებრივმა ორგანიზაციებმა ერთმანეთს გაუზიარეს თავიანთი გამოცდილებები აღნიშნულ საკითხზებ ასევე საუბარი შეეხო პრობლემს და მათი გადაჭრის შესაძლო გზებზე ისაუბრეს. 

გურია. საზოგადოებრივი ორგანიზაციის „ქალები რეგიონის განვითარებისთვის" ინიციატივით მოეწყო მოხალისეობრივი აქტივობა ხანდაზმულების დასახმარებლად. ახალგაზრდებმა საკუთარ თემში იპოვეს ადამიანები, რომლებსაც ესაჭიროებოდათ დახმარება.  მოხალისეებმა მათ შეავსებინეს სპეციალური ანკეტები, სადაც ჩამოწერილი იყო მათი საჭიროებები. მოხალისებმა გადაინაწილეს საქმე და ეხმარებოდნენ მოხუცებს, იქნებოდა ეს სახლის დალაგება, გადაადგილებაში დახმარება, ეზოს მოწესრიგება თუ სხვა რამ.  მოხალისეებმა ასევე დაასუფთავეს დვაბზუს ცენტრის ტერიტოერია. „მთელი საღამო გულდაგულ იმუშავეს ბავშვებმა, ადგილობრივი მუნიციპალიტეტის წარმომადგენლებსაც  შევუთანხმდით, რომ მეორე დღეს ბუნკერებს დაცლიდნენ. დაცალეს კიდევაც, მაგრამ დღეს უკვე მთელ გზაზე ბავშვების დასუფთავებულ სოფელში ისევ ნაგავი ყრია. ესაა საზოგადოების დამოკიდებულება,ზერელე, უსულგულო, სწორედ ამის შეცვლა გვინდა, სწორედ ამიტომ ფინანსდება საერთაშორისო ორგანიზაციების მხრიდან ამდენი პროექტი. შევცვალოთ დამოკიდებულება საკუთარი ქვეყნის მიმართ, ჩვენ ვეხმარებით ადამიანებს  გახდნენ  საკუთარ ქვეყანაზე მზრუნველი მოქალაქეები." – ნათქვამია ოგანიზაციის ბლოგზე სრულად წყარო:  wdrguria.wordpress.com

თბილისი. საიტი www.shenmartav.ge შესაძლებლობას აძლევს მომხმარებელს, მიიღოს მის მიერ არჩეული დეპუტატების პარლამენტში მოღვაწეობის შესახებ ინფორმაცია, გაეცნოს უახლეს კანონპროექტებს და პირდაპირ დაუკავშირდეს თავის წარმომადგენელს საკანონმდებლო ორგანოში. ვებგვერდი „მშვიდობის, დემოკრატიის და განვითარების კავკასიურმა ინსტიტუტმა" და „საერთაშორისო გამჭვირვალობა – საქართველომ" ერთობლივი პროექტის ფარგლებში შექმნა.  საიტზე მომხმარებელს ასევე შეუძლია დააკვირდეს, რა გადაწყვეტილებებს იღებს მის მიერ არჩეული დეპუტატი, გაეცნოს მის კენჭისყრაში მონაწილეობის მაჩვენებლებს, შრომით ბიოგრაფიას და ყოველწლიური ქონებრივი დეკლარაციის ჩანაწერებს, წერილობით დაუსვას მას შეკითხვა საიტის ან მოკლე ტექსტური შეტყობინების საშულებით და იმავე გზით მიიღოს პასუხი.  პროექტის მომდევნო ეტაპზე იგეგმება ვებ–გვერდის გაფართოება და მასში ახალი კომპონენტების შეტანა. სრულად წყარო: transparency.ge

თბილისი. 5 სექტემბერს, ეროვნულ–დემოკრატიულმა ინსტიტუტმა (NDI)  საზოგადოებრივი აზრის კვლევის შედეგები წარმოადგინა. კვლევის თანახმად, მოსახლეობისთვის სამ უმთავრეს პრიორიტეტს სამუშაო ადგილები, ხელმისაწვდომი ჯანდაცვა და ტერიტორიული მთლიანობა წარმოადგენს. ასევე საპარლამენტო არჩევნებში  მოსახლეობის უმრავლესობა (77%) აპირებს მონაწილეობის მიღებას.  კვლევა 2012 წლის 31 ივლისიდან 12 აგვისტოს პერიოდში ჩატარადა, პირისპირი ინტერვიუ საქართველოს მასშტაბით 2,038 რესპონდენტს ჩაუტარდა. კვლევაში ასახულია მოსახლეობის დამოკიდებულება დემოკრატიის, რეფორმების, საგარეო და საშინაო პოლიტიკის, მედიის  მიმართ. პარტიათა რეიტინგს NDI  7 სექტემბერს გამოაქვეყნებს.  NDI-ის კვლევები დაფინანსებულია შვედეთის საერთაშორისო განვითარების და თანამშრომლობის სააგენტოს (SIDA) მიერ და მას ახორციელებს კავკასიის კვლევითი რესურსების ცენტრი (CRRC).

თბილისი. 5 სექტემბერს, სასტუმრო „თბილისი მარიოტში" ოთხმა საზოგადოებრივმა ორგანიზაციამ კოალიციური პროექტი წარადგინა. პროექტი აღმოსავლეთ–დასავლეთის მართვის ინსტიტუტის პროგრამის ფარგლებში ხორციელდება და მასში ჩართულია ეკონომიკური პოლიტიკის კვლევის ცენტრი,   ISET–ის კვლევითი ინსტიტუტი, ლიბერალური აკადემია და „საერთაშორისო გამჭვირვალობა – საქართველო". პროექტი მიზნად ისახავს ქართული საზოგადოების ინფორმირებულობის გაზრდას წინასააჩევნოდ პოლიტიკური პარტიების პროგრამების შესახებ. ამ პროგრამებს ძირითადად განიხილავენ ეკონომიკური და სოციალური პერსპექტივიდან. პროექტის ფარგლებში იმუშავებს ვებ–გვერდი, რომელიც ამომრჩეველს მიაწოდებს ინფორმაციას პოლიტიკუი პარტიების პოზიციების შესახებ სხვადასხვა საკითხთან მიმართებაში. პროექტის ფარგლებში ასევე განხორციელდება ექსპერტული შეფასებები არასამთავრობო ორგანიზაციების მიერ და მოეწყობა პოლიტიკური პარტიების დებატები შესაბამის საკითხებზე.  პროექტმა უკვე დღეიდან აიღო სტარტი და ხვალ, 12 საათზე ეროვნულ დემოკრატიული პარტიის ეკონომიკური პროგრამის პრეზენტაცია გაიმართება თბილისი მარიოტში. მომდევნო დებატებში მონაწილეობას მიიღებენ „ახალი მემარჯვენეები", „ქრისტიან–დემოკრატიული მოძრაობა" და კოალიცია „ქართული ოცნება". ლეიბორისტული პარტიისა და ერთიანი ნაციონალური მოძრაობის ეკონომიკუირი პროგრამების პრეზენტაციის თარიღები ჯერ ცნობილი არ არის.

აჭარა. ნიდერლანდების მრავალპარტიული დემოკრატიის ინსტიტუტის და ფრიდრიხ ნაუმანის ფონდის თანამშრომლობით, 2012 წლის ოქტომბრიდან ბათუმში დემოკრატიის სკოლა გაიხსნება. სკოლა ითვალისწინებს ხუთთვიან საგანმანათლებლო პროგრამას, რომლის ფარგლებშიც მონაწილეები გაეცნობიან თანამედროვე უნარების, დემოკრატიული მმართველობის, ლიდერობის და სოციალური მეწარმეობის ძირეულ საკითხებს. ტრენინგებს ჩაატარებენ პრაქტიკოსები და ექსპერტები საქართველოდან და საზღვარგარეთიდან. მონაწილეები ასევე ისარგებლებენ ელექტრონული სასწავლო გარემოთი და მცირე გრანტების კონკურსში მონაწილეობის შესაძლებლობით. პროგრამაში მონაწილეობა შეუძლიათ დაინტერესებულ მოქალაქეებს, საზოგადოებრივი ორგანიზაციების, ადგილობრივი თვითმმართველობის, პოლიტიკური და მედია ორგანიზაციების წარმომადგენლებს. ბათუმის დემოკრატიის სკოლაში მონაწილეობისთვის განაცხადის წარდგენის ბოლო ვადაა 15 სექტემბერი. დამატებითი ინფორმაცია წყარო: nimd.ge

თბილისი. 31 აგვისტოს, სამოქალაქო საზოგადოების ინსტიტუტის ორგანიზებით გაიმართა შეხვედრა, სადაც წარადგინეს საზოგადოებრივი ორგანიზაციების დაბეგვრის თემაზე შექმნილი გზამკვლევი. გზამკვლევის ზოგად ნაწილში მოცემულია ინფორმაცია არასამეწარმეო იურიდიული პირის (ააიპ) დაარსების, საქმიანობის სამართლებრივი ასპეტებზე, ასევე საქველმოქმედო ორგანიზაციის საქმიანობის მარეგულირებელ ნორმებზე, არასამეწარმეო იურიდიული პირების შემოსავლის წყაროებზე და ა.შ. დოკუმენტის კერძო ნაწილში ყურადღება გამახვილებულია სამოქალაქო საზოგადოებრივ ორგანიზაციათა დაბეგვრის თავისებურებებსა და იმ შეღავათებზე, რომლებიც დაკავშირებულია არასამეწარმეო იურიდიულ პირებსა და საქველმოქმედო ორგანიზაციების საქმიანობასთან. გზამკვლევი მომზადდა ,,აღმოსავლეთ-დასავლეთის მართვის ინსტიტუტისა’’ და მის მიერ მართული პროექტის – „საქართველოში საჯარო პოლიტიკის, ადვოკატირებისა და სამოქალაქო საზოგადოების განვითარების" (G-PAC) ფარგლებში.  დოკუმენტი მიზნად ისახავს, ხელი შეუწყოს არასამეწარმეო (არაკომერციულ) იურიდიულ პირების ფინანსურ სტაბილურობას და ასევე დაეხმაროს საზოგადოებრივ ორგანიზაციებს, კანონით გათვალისწინებული საგადასახადო უფლებების და ვალდებულებების რეალიზებაში.  არასამეწარმეო იურიდიული პირების დაბეგვრის თავისებურებები საქართველოში (გზამკვლევი)

თბილისი. სამოქალაქო განვითარების ინსტიტუტი ტელეკომპანიებისა და საზოგადოების საინფორმაციო პრიორიტეტების  შესაბამისობის კვლევის მეათე ანგარიშს აქვეყნებს. ანგარიში ორკვირიანი პერიოდის შეჯამებას წარმოადგენს და  ორსაფეხურიანია. კვლევის პირველ ეტაპზე გამოვლინდა 2012  წლის 3-17 აგვისტოს ჩათვლით 7 ტელეკომპანიის მიერ (პირველი არხი, „იმედი", „რუსთავი 2", „კავკასია",  „მაესტრო", „მეცხრე არხი", „რეალ ტვ") ყველაზე ინტენსიურად გაშუქებული თემები. კვლევის მეორე ეტაპზე, „სოციალური კვლევისა და ანალიზის ინსტიტუტმა" (ISSA), სამოქალაქო განვითარების ინსტიტუტის დაკვეთით,  ჩაატარა მასობრივი სოციოლოგიური გამოკითხვა თბილისში. სულ გამოიკითხა 400 რესპონდენტი თბილისის ათივე ადმინისტრაციულ რაიონში. გამოკითხვის ფარგლებში,  რესპონდენტებს უნდა შეეფასებინათ თითოეული გაშუქებული თემის მნიშვნელობა და მოეხდინათ მათი რანგირება მნიშვნელოვნების მიხედვით. ტელევიზიების მონიტორინგი 2012  წლის 2  აპრილს დაიწყო და უკვე გამოქვეყნებულია ცხრა პერიოდის ანგარიში  კვლევა წყარო: cdi.org.ge 

აჭარა. 29 აგვისტოს, ბათუმის დემოკრატიული ჩართულობის ცენტრში, ბათუმის განათლების განვითარების და დასაქმების ცენტრმა, გამართა ბირთვული იარაღის ტესტირების წინააღმდეგ ბრძოლის დღისადმი მიძღვნილი კონფერენცია თემაზე _ „ბირთვული ტესტირება და საზოგადოება". კონფერენციაში მონაწილეობდნენ ბათუმის სხვადასხვა საჯარო სკოლების, სამოქალაქო კლუბის წევრები. კონფერენცია ჩატარდა „სამოქალაქო განათლებისა და პედაგოგდთა გადამზადების პროგრამის" ფარგლებში, ბათუმის მე-8 საჯარო სკოლის ეგიდით. აღნიშნული პროგრამა დაფინანსებული USAID-ის მიერ.

ქვემო ქართლი. საგანმანათლებლო ინიციატივების ქართული ასოციაცია (სიქა) 29 აგვისტოს  გამართავს სემინარს თემაზე „რატომ უნდა გავხდე მოხალისე?". სემინარზე განხილული იქნება საქართველოში მოხალისეობის კულტურა, სიქა-ს ის მიმდინარე პროგრამები, რომლებიც ახალგაზრდებს აძლევს მოხალისედ მუშაობის გამოცდილებას, „ევროპული მოხალისეობრივი სერვისის" (EVS) პროგრამაში მონაწილეობის შესაძლებლობები ქართველი ახალგაზრდებისათვის. სემინარი გაიმართება დემოკრატიული ჩართულობის რუსთავის ცენტრში. სრულად წყარო: სიქას სოციალური ქსელის გვერდი

 აჭარა. 22 აგვისტოს ბათუმის პრესკაფეში, თავისუფალ ჟურნალისტთა სახლის პროექტის - „დემოკრატიული იდეების განვითარებისთვის" – ფარგლებში პირველი დებატები გაიმართა თემაზე: რა როლს ასრულებს აჭარის უმაღლესი საბჭო რეგიონის განვითარების პროცესში? რას სთავაზობს აჭარა საქართველოს სხვა რეგიონებს რეგიონული განვითარების თვალსაზრისით? დებატებში მონაწილეობას 5 პოლიტიკური პარტიაღებულობდა. მონაწილეებმა განიხილეს აჭარის უმაღლესი საბჭოს მუშაობა, ისაუბრეს არსებულ მდგომარეობასა და სხვა აქტუალურ საკითხებზე. პროექტის მხარდაჭერას უზრუნველყოფს საერთაშორისო ორგანიზაცია დემოკრატიის მხარდამჭერი ნაციონალური ფონდი (NED). ვიდეო–ჩანაწერი