<div style="text-align: justify;"><span style="font-weight: bold;">თბილისი.</span> „ადამიანის უფლებების სწავლებისა და მონიტორინგის ცენტრმა" (EMC) მოამზადა ანალიტიკური დოკუმენტი „განმანათლებლობა და ამიერკავკასიის მუსლიმები - მირზა ფათალი ახუნდზადეს ცხოვრება და პოლიტიკური პროექტი". დოკუმენტი მე-19 საუკუნის საქართველოში განვითარებულ მოვლენებსა და აქ მცხოვრებ ეთნიკურ უმცირეოსობებს ეხება.</div> <div style="text-align: justify;">„მე-19 საუკუნეში, რუსეთის გავლით, კავკასიაში გავრცელდა განმანათლებლური იდეები. ქართველებში, სომხებსა და რუსეთის მიერ დამორჩილებულ ამიერკავკასიის სახანოებში მცხოვრებ ხალხებში ეს პროცესი განსხვავებულად წარიმართა. მუსლიმური საზოგადოებიდან გამოსული განმანათლებლებისთვის, შეიძლება ითქვას, რომ ცენტრალური გახდა ანტიისლამური შეხედულებები. ხშირად, მათი პოზიციები ეფუძნებოდა გულუბრყვილო ევროპაცენტრიზმს - სურვილს, რომ დასავლური ღირებულებები პირდაპირ გადმოეტანათ აღმოსავლეთის ხალხებში. ამ გარემოებამ განმანათლებლები და ექსპლუატირებული კლასი დასაწყისშივე დააშორა ერთმანეთს და მათ ბრძოლას წაართვა გამათავისუფლებელი ძალა", - ნათქვამია დოკუმენტში, - „აღმოსავლეთის ადრეული განმანათლებლების ისტორიის, გამოცდილების შესწავლა და გააზრება, დღეს, პრინციპული მნიშვნელობისაა, რადგან თანამედროვე „განმანათლებლური’’ პროექტები, რომლებიც ასევე ხშირად ხასიათდება ევროპაცენტრიზმით და რელიგიის ზედაპირული კრიტიკით, უმეტეს შემთხვევაში, მხოლოდ უთანასწორობის გაზრდას უწყობს ხელს. ნაცვლად იმისა, რომ დაუპირისპირდეს გაბატონებულ ეკონომიკურ, პოლიტიკურ და კულტურულ ძალაუფლებებს, ის აქცენტს აკეთებს ადგილობრივების უმწიფრობასა და კულტურულ ჩამორჩენილობაზე. მაშინდელ განმანათლებლებს აღმოსავლეთში ასევე გამორჩათ განმანათლებლობის პოლიტიკური პროექტის კრიტიკა, რომელიც დასავლეთისთვის სხვა რეგიონებში ეკონომიკური და პოლიტიკური გავლენების მოპოვების იარაღი გახდა".</div> <div style="text-align: justify;"><a href="http://emc.org.ge/ka/products/ganmanatlebloba-da-amierkavkasiis-muslimebi-mirza-fatali-akhundzades-tskhovreba-da-politikuri-proekti" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> ორგანიზაციამ „პარტნიორობა ადამიანის უფლებებისთვის" დაიწყო ხანდაზმულთა საკითხების შესწავლა, რისთვისაც სისტემატიურ ვიზიტებს ახორციელებს საქართველოში არსებულ ხანდაზმულთა პანსიონატებში მოხუცების უფლებრივი მდგომარეობის მონიტორინგის მიზნით.</div> <div style="text-align: justify;">„ვიზიტების დროს, ერთ-ერთ მძიმე პრობლემად ინფრასტრუქტურული პირობები გამოვლინდა. დაწესებულებებში საზოგადოებრივი ტრანსპორტი შენობამდე არ აღწევს, რაც იქ მცხოვრებ მოხუცებს გადაადგილების და ჯანმრთელობის დაზიანების მნიშვნელოვან რისკებს უქმნის. გადაადგილებისას დაფიქსირდა ჯანმრთელობის დაზიანების რამდენიმე მძიმე შემთხვევა.</div> <div style="text-align: justify;">აღნიშნული პრობლემების აღმოფხვრის თხოვნით, PHR-მა ქალაქ თბილისის მუნიციპალიტეტის მერიას განცხადებით მიმართა. პასუხად, ორგანიზაციას დაუკავშირდა თბილისის მერიის სატრანსპორტო სამსახურის წარმომადგენელი, რომელმაც ოფიციალურად გვაცნობა, რომ მუშაობა დაწყებულია, ადგილზე მოინახულეს ობიექტები და უახლოესი პერიოდის განმავლობაში შესაბამისი სატრანსპორტო მარშრუტის დასაგეგმად ცვლილებები განხორციელდება, რაც ხანდაზმულებს მისცემს საშუალებას, უპრობლემოდ შეძლონ საზოგადოებრივი ტრანსპორტით სარგებლობა", ნათქვამია ორგანიზაციის ვებგვერდზე.</div> <div style="text-align: justify;"><a href="http://phrgeorgia.wordpress.com/2019/02/26/%E1%83%9E%E1%83%90%E1%83%9C%E1%83%A1%E1%83%98%E1%83%9D%E1%83%9C%E1%83%90%E1%83%A2%E1%83%94%E1%83%91%E1%83%98%E1%83%A1/?fbclid=IwAR2-WYqxvs_Fl9_jpSIwxqe7mW-wZrPLpX4fvoGDlRey3BBvq5BfCtHpuco" target="_blank" style="font-weight: bold;">სრულად...</a></div> <div style="text-align: justify;">წყარო: phrgeorgia.wordpress.com</div> <div><br /> </div>

<div style="text-align: justify;"><span style="font-weight: bold;">გურია.</span> 26 თებერვალს, ოზურგეთის №1 საჯარო სკოლაში „სიტყვის თავისუფლების მხარდაჭერის” პროექტის ფარგლებში ინტერმუნიციპალური დისკუსია ჩავატარეთ.</div> <div style="text-align: justify;">„დისკუსიის თემას არჩევანის თავისუფლება წარმოადგენდა. მოსწავლეებთან ერთად ვისაუბრეთ პროფესიის არჩევის შესახებ, განვიხილეთ კონკრეტული მაგალითები თუ როგორ შეიძლება მიიღონ გადაწყვეტილება მომავალ პროფესიასთან დაკავშირებით. ვიმსჯელეთ საზოგადოებაში არსებულ სტერეოტიპებზე და შევთანხმდით რომ არ არსებობს ცალკეული პროფესია ქალებისა და მამაკაცებისთვის, რომ არჩევანი საკუთარი სურვილების, ინტერესებისა და ხედვის მიხედვით უნდა გააკეთონ”, ნათქვამია ორგანიზაციის გვერდზე სოციალურ ქსელში.</div> <div style="text-align: justify;"><a href="http://www.facebook.com/pg/media.org.ge/photos/?tab=album&album_id=2152866631426092" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი</span>. 25 თებერვალს, „ადამიანის უფლებების სწავლების და მონიტორინგის ცენტრმა" (EMC) გამართა მრგვალი მაგიდა, თემაზე - "ეროვნული უსაფრთხოების საბჭო - ინიცირებული საკანონმდებლო ცვლილებების განხილვა”.</div> <div style="text-align: justify;">ღონისძიებაზე, უსაფრთხოების სფეროს ექსპერტებთან, ადგილობრივ და საერთაშორისო ორგანიზაციებთან ერთად, განიხილეს, ეროვნული უსაფრთხოების საბჭოს ჩამოყალიბების მიზნით, პარლამენტში წარდგენილი კანონპროექტი და მისი დახვეწის გზები. შეხვედრაზე შეჯერებული მოსაზრებები კი შემდგომში წარედგინება პარლამენტს.</div> <div style="text-align: justify;"><a href="http://emc.org.ge/ka/events/mrgvali-magida-erovnuli-usafrtkhoebis-sabcho-initsirebuli-sakanonmdeblo-tsvlilebebis-gankhilva" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">იმერეთი.</span> საქართველოს ახალგაზრდა იურისტთა ასოციაციის (საია) ქუთაისის ფილიალი წყალტუბოს მუნიციპალიტეტის მერიისა და საკრებულოს აპარატის თანამშრომლებს შეხვდა.</div> <div style="text-align: justify;">გასვლითი შეხვედრის მიზანი იყო ორგანიზაციის მიერ მუნიციპალიტეტის შემადგენლობაში არსებულ სოფლებში იდენტიფიცირებულ პრობლემათა გაცნობა და შესაბამისი რეკომენდაციების შემუშავება.</div> <div style="text-align: justify;"><a href="http://www.facebook.com/gylakutaisi/photos/pcb.2113145438770392/2113117292106540/?type=3&theater" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">სამეგრელო. </span>23 თებერვალს, ასოციაცია „ათინათის” ახალგაზრდული ცენტრის წევრების ინიციატივით, სოციალურ კაფე „მეგო-ბარში” გაიმართა შეხვედრა ხანდაზმულთა კლუბის წევრებთან.</div> <div style="text-align: justify;"><span style="font-family: Sylfaen, serif; font-size: 11pt;">„</span>ახალგაზრდებმა გაიცნეს ხანდაზმულები, ისაუბრეს და დაგეგმეს სხვადასხვა სახის აქტივობა და ღონისძიება, რომელსაც ერთობლივად განახორციელებენ. მათ შორის, სოც. მედის გაკვეთილები, ფილმის ჩვენება, ხელთნაკეთი ნივთების დამზადება, კულინარიული ვორქშოპი და სხვა”, ნათქვამია ორგანიზაციის გვერდზე სოციალურ ქსელში.</div> <div style="text-align: justify;"><a href="http://www.facebook.com/pg/PitaAtinati/photos/?tab=album&album_id=2113709435362095&__tn__=-UC-R" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div>

<div style="text-align: justify;"><span style="font-weight: bold;">თბილისი. </span>საქართველოს დემოკრატიული ინიციატივა (GDI) აქვეყნებს იაკობ გოგებაშვილის სტატიას „ილია ჭავჭავაძის შეხედულება წოდებათა დამოკიდებულებაზე".</div> <div style="text-align: justify;">„თავადი ილია გრიგოლის-ძე ჭავჭავაძე ყოველთვის შეურიგებელი მტერი იყო ვიწრო ეგოისტური წოდებრიობისა. ასეთ წოდებრიობას იგი თვლიდა ერთი და იმავე ხალხის ნაწილებს შორის ანტაგონიზმს, მტრობისა და ბრძოლის წყაროდ, ხოლო ეს ბრძოლა მიაჩნდა დიდ უბედურებად. განსაკუთრებით ისეთი პატარა დამოკიდებული ეროვნებისათვის, როგორიცაა ქართველობა. ამიტომ იგი სარგებლობდა ყოველი ხელსაყრელი შემთხვევით, რათა ხელი შეეწყო ქართველ თავად-აზნაურობასა და გლეხობას შორის დაზავებისა, მათი გაერთიანებისა და სოლიდარობისათვის. ჩვენი ძვირფასი განსვენებულის ამ მისწრაფებამ ყველაზე მკვეთრად</div> <div style="text-align: justify;">თავი იჩინა თბილისის თავად-აზნაურთა საადგილმამულო ბანკის წესდების შედგენისას, როცა საჭირო იყო გადაწყვეტა საკითხისა, თუ რისთვის ყოფილიყო გამოყენებული ბანკის ყოველწლიური წმინდა მოგება", ნათქვამია დოკუმენტში.</div> <div style="text-align: justify;"><a href="http://gdi.ge/uploads/other/0/917.pdf?fbclid=IwAR0IvSAGf6_3r25B39eMJE-6uJV34f0atpaknP3UnV4K6hA9ILDIzRSAF1c" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">კახეთი.</span> პროექტის „წყალი სიღარიბის აღმოსაფხვრელად" ფარგლებში, საგარეჯოს მუნიციპალიტეტის წარმომადგენლებთან სამუშაო შეხვედრა გაიმართა.</div> <div style="text-align: justify;">„შეხვედრაზე ადამიანის უფლებათა ცენტრის აღმასრულებელი დირექტორის მოადგილემ, ნინო ტლაშაძემ ადგილობრივი თვითმმართველობის თანამშრომლებს ერთობლივად განსახორციელებელი ღონისძიებები და მოსალოდნელი შედეგები გააცნო.</div> <div style="text-align: justify;">პროექტს „წყალი სიღარიბის აღმოსაფხვრელად" ევროკავშირის ფინანსური დახმარებით კავკასიის გარემოსდაცვითი არასამთავრობო ორგანიზაციების ქსელი (CENN) ადამიანის უფლებათა ცენტრთან პარტნიორობით ახორციელებს. პროექტის მიზანია, სოციალურად დაუცველი მრავალეთნიკური თემების ჯანმრთელობის დაცვისა და საცხოვრებელი პირობების გაუმჯობესების ხელშეწყობა, დისკრიმინაციის თავიდან აცილება, წყალთან ხელმისაწვდომობის უზრუნველყოფა და WaSH სტანდარტების დამკვიდრება დაინტერესებული მხარეების ჩართულობის გზით", ნათქვამია ორგანიზაციის გვერდზე.</div> <div style="text-align: justify;"><a href="http://www.facebook.com/pg/humanrights.ge/photos/?tab=album&album_id=2503609822983161" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი. </span>საქართველოს პოლიტიკის ინსტიტუტი (GIP) აქვეყნებს სალომე მინესაშვილის პოლიტიკის დოკუმენტს: ულტრამემარჯვენე პოპულიზმის სოციალური საფუძვლები საქართველოში.</div> <div style="text-align: justify;">„ულტრამემარჯვენე პოპულიზმის მომძლავრება დაკავშირებულია არაერთ ფაქტორთან, რომელსაც გავლენა აქვს განვითარებადი ქვეყნების საზოგადოებებზე. ფინანსური კრიზისის შემდეგ წარმოქმნილი ეკონომიკური სიდუხჭირე ნაწილობრივ ხსნის რადიკალური პარტიების მიმართ მხარდაჭერის ზრდას, თუმცა ამ ფენომენს ასევე ხსნიან ლიბერალიზმისა და მომძლავრებული სოციალური კონსერვატიზმის საპასუხოდ წარმოქმნილი კულტურული დაპირისპირებით, განსაკუთრებით იმიგრანტების საკითხთან მიმართებაში. სხვები, ამ ფენომენს ზემოთ აღწერილი ორი ფაქტორის გაერთიანებით ხსნიან – ლიბერალური ნორმატიული წესრიგი და ეკონომიკური სიდუხჭირე საზოგადოების ნაწილის იზოლაციას და მარგინალიზაციას ახდენს. სწორედ საზოგადოების ეს გარიყული წარმომადგენლები არიან ისინი, ვინც რადიკალური პოლიტიკური პარტიების პოტენციური მხარდამჭერები ხდებიან", ნათქვამია დოკუმენტში.</div> <div style="text-align: justify;"><a href="http://gip.ge/ge/%E1%83%A3%E1%83%9A%E1%83%A2%E1%83%A0%E1%83%90%E1%83%9B%E1%83%94%E1%83%9B%E1%83%90%E1%83%A0%E1%83%AF%E1%83%95%E1%83%94%E1%83%9C%E1%83%94-%E1%83%9E%E1%83%9D%E1%83%9E%E1%83%A3%E1%83%9A%E1%83%98%E1%83%96/?fbclid=IwAR3CkguzqTyCxRuCQDQESeLAGopIaVrL_W306i0lsbsNTNIWfHR4YgE3KOo" target="_blank" style="font-weight: bold;">სრულად...</a></div> <div style="text-align: justify;">წყარო: gip.ge</div> <div><br /> </div>

<div style="text-align: justify;"><span style="font-weight: bold;">თბილისი. </span>ასოციაცია „ანიკასა" და „დავით ტვილდიანის სახელობის სამედიცინო უნივერსიტეტის საზოგადოებრივი საექთნო კოლეჯის" ერთობლივი ძალისხმევით მიმდინარეობს პრაქტიკული კურსი - „ექთნის პროფესია და მისი არსი".</div> <div style="text-align: justify;">„ანიკას" ახალგაზრდების დღის ცენტრის 12 მონაწილე სრულიად უფასოდ გაივლის კურსს და გაიზიარებს კოლეჯის სპეციალისტების ცოდნასა და გამოცდილებას.</div> <div style="text-align: justify;"><a href="http://www.facebook.com/AssociationAnika/photos/pcb.1564707240339634/1564706530339705/?type=3&theater" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>ევროპის ფონდმა დაასრულა „2018 წლის საუკეთესო სასურსათო საწარმოს" შესარჩევი კონკურსი. მონაწილე საწარმოების მიერ კონკურსის ფარგლებში მიღწეული მნიშვნელოვანი პროგრესის მიუხედავად, კონკურსის ვერცერთმა მონაწილემ შეძლო კონკურსის ფარგლებში მიღებული რეკომენდაციების შესაბამისი ცვლილებების სრულად დანერგვა. ამის გათვალისწინებით, 2018 წელს ფონდმა კონკურსის გამარჯვებული არ გამოავლინა.</div> <div style="text-align: justify;">კონკურსს „წლის საუკეთესო სასურსათო საწარმო" ევროპის ფონდი საქართველოში მოქმედ საწარმოებში სურსათის უვნებლობის ევროპულ ნორმებთან მიახლოების წასახალისებლად ატარებს. კონკურსი ითვალისწინებს ექსპერტების გაუფრთხილებელ ვიზიტებს საწარმოებში და ლაბორატორიულ შემოწმებას, რის საფუძველზეც თითოეული საწარმოსათვის რეკომენდაციები მზადდება. გამარჯვებული საწარმოების შერჩევა ხდება იმის მიხედვით, თუ რამდენად სწრაფად და ეფექტურად მოხდენენ საწარმოები ექსპერტთა რეკომენდაციების გათვალისწინებას.</div> <div style="text-align: justify;"><a href="http://www.epfound.ge/ge/%e1%83%94%e1%83%95%e1%83%a0%e1%83%9d%e1%83%9e%e1%83%98%e1%83%a1-%e1%83%a4%e1%83%9d%e1%83%9c%e1%83%93%e1%83%9b%e1%83%90-%e1%83%93%e1%83%90%e1%83%90%e1%83%a1%e1%83%a0%e1%83%a3%e1%83%9a%e1%83%90-2018/" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">იმერეთი. </span>11 თებერვალს, იმერეთის რეგიონში, კერძოდ საჩხერისა და ქუთაისის მუნიციპალიტეტებში გაიმართა საკონსულტაციო შეხვედრები, რომელიც ეხებოდა გაეროს უშიშროების რეზოლუცია 1325 ეროვნული სამოქმედო გეგმის (NAP) განხორციელებას ადგილობრივ დონეზე. შეხვედრები ჩატარდა კოალიციური პროექტის: „ქალები და გოგონები ძლიერი საზოგადოებისთვის" ფარგლებში, სოფელ პერევსა და ქუთაისში.</div> <div style="text-align: justify;">„შეხვედრები გაეროს ქალთა ორგანიზაციისა და აშშ სახელმწიფო დეპარტამენტის ინიციატივით, ქალთა საინფორმაციო ცენტრისა და კულტურულ-ჰუმანიტარული ფონდი „სოხუმი"-ს ორგანიზებით გაიმართა და მისი მონაწილეები გახდნენ სოფელ პერევის კონფლიქტის შედეგად დაზარალებული მოსახლეობა, საჩხერის მუნიციპალიტეტის რეზოლუცია 1325 ეროვნული სამოქმედო გეგმის ლოკალიზაციის სამუშაო ჯგუფის წევრები და ქუთაისის სამოქალაქო საზოგადოების ორგანიზაციების წარმომადგენლები.</div> <div style="text-align: justify;">პერევში გაეროს ქალთა ორგანიზაციისა და აშშ სახელმწიფო დეპარტამენტის წარმომადგენლებმა კონსულტაციები კონფლიქტის შედეგად დაზარალებულ მოსახლეობასთან და მუნიციპალიტეტში შექმნილ 1325-ის ლოკალიზაციის სამუშაო ჯგუფის წევრებთან გამართეს. გამოიკვეთა გამოწვევები და საჭიროებები, რომელიც მაქსიმალურად იქნება გათვალისწინებული მუნიციპალიტეტის მიერ. ასევე ჯგუფის წევრებმა მუშაობის შედეგებზე და სამომავლო გეგმებზე ისაუბრეს", ნათქვამია ორგანიზაციის გვერდზე სოციალურ ქსელში.</div> <div style="text-align: justify;"><a href="http://www.facebook.com/pg/WICgeorgia/photos/?tab=album&album_id=2304524852913371" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი.</span> რონდელის ფონდი წარმოგიდგენთ ახალ საინფორმაციო-ანალიტიკურ გვერდს „კრემლის პოლიტიკის გზამკვლევი აფხაზეთსა და ცხინვალის რეგიონში".</div> <div style="text-align: justify;">„პროექტის მიზანია 2008 წლის რუსეთ-საქართველოს ომის შემდეგ აფხაზეთსა და ცხინვალის რეგიონში კრემლის მიერ განხორციელებული პოლიტიკის შესახებ გადაწყვეტილების მიმღებების, ანალიტიკური ცენტრების, ექსპერტებისა და მედია საშუალებების წარმომადგენლების ინფორმირებულობის უზრუნველყოფა”.</div> <div style="text-align: justify;">პროექტის ფარგლებში ხელმისაწვდომია საინფორმაციო-ანალიტიკური შინაარსის მასალები შემდეგ თემებზე:</div> <div style="text-align: justify;">• რუსეთში მოღვაწე საჯარო მოხელეები და უწყებები, რომლებიც აფხაზეთსა და ცხინვალის რეგიონთან მიმართებაში კრემლის პოლიტიკის ფორმირებასა და განხორციელებაზე არიან პასუხისმგებელნი;</div> <div style="text-align: justify;">• რუსეთის მიერ აფხაზეთისა და ცხინვალის რეგიონის დამოუკიდებლობის აღიარების შემდეგ, ორმხრივ ურთიერთობებში განვითარებული მნიშვნელოვანი მოვლენების ქრონოლოგია;</div> <div style="text-align: justify;">• მხარეებს შორის გაფორმებული ორმხრივი შეთანხმებები;</div> <div style="text-align: justify;">• აფხაზეთსა და ცხინვალის რეგიონში რუსეთის მაღალჩინოსნების მიერ განხორციელებული ვიზიტები;</div> <div style="text-align: justify;">• აფხაზეთსა და ცხინვალის რეგიონში კრემლის პოლიტიკის განხორციელებასთან დაკავშირებული მნიშვნელოვანი სიახლეები.</div> <div style="text-align: justify;"><a href="http://kremlin-roadmap.gfsis.org/ge/?fbclid=IwAR1wtAiYVb8aoTmfIopxJE1KadMicQV6fQY3vzDWMJKYs_zdOn-ILxtmh6o" target="_blank" style="font-weight: bold;">სრულად...</a></div> <div style="text-align: justify;">წყარო: ფონდის გვერდი სოციალურ ქსელში</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>ინფორმაციის თავისუფლების განვითარების (IDFI) ინფორმაციით, ეკონომიკური თანამშრომლობისა და განვითარების ორგანიზაციის ანტიკორუფციულმა ქსელმა (OECD-ACN) 2019 წლის თებერვალში გამოაქვეყნა მეორე პროგრესის ანგარიში. დოკუმენტი აფასებს ორგანიზაციის მიერ საქართველოში ანტიკორუფციული რეფორმების მეოთხე რაუნდის შეფასების შედეგად გაცემული რეკომენდაციების შესრულებას.</div> <div style="text-align: justify;">„22 გაცემული რეკომენდაციიდან არც ერთი „მნიშვნელოვანი პროგრესი" არ დაფიქსირებულა, 17 მათგანი „პროგრესად" შეფასდა, ოთხში „პროგრესის არარსებობა" დაფიქსირდა, ხოლო ერთი მათგანი არ შეფასდა", ნათქვამია ორგანიზაციის ვებგვერდზე.</div> <div style="text-align: justify;"><a href="http://idfi.ge/ge/government_of_georgia_reduces_its_efforts_to_implement_oecd_acn_recommendations" target="_blank" style="font-weight: bold;">სრულად...</a></div> <div style="text-align: justify;">წყარო: idfi.ge</div>

<div style="text-align: justify;"><span style="font-weight: bold;">აჭარა.</span> ამ წუთებში, მიმდინარეობს კვლევის „აჭარის რეგიონული განვითარების პოლიტიკის ფორმირებისა და დაფინანსების პროცესში სხვადასხვა დაინტერესებული მხარეების მონაწილეობის შეფასება" ანგარიშის პრეზენტაცია.</div> <div style="text-align: justify;">„შეხვედრის მიზანია აჭარის რეგიონული განვითარების პოლიტიკის ფორმირების, სტრატეგიების შემუშავების და დაფინანსების პროცესში აჭარის ავტონომიური რესპუბლიკის მთავრობას, აჭარის ავტონომიური რესპუბლიკის უმაღლესი საბჭოს და სხვა დაინტერესებულ მხარეთა (მუნიციპალიტეტი, სამოქალაქო საზოგადოება, აკადემიური/სამეცნიერო წრეები, ადგილობრივი და საერთაშორისო ორგანიზაციები, ბიზნესი, მედია) შორის თანამშრომლობის და დიალოგის გაძლიერების ხელშეწყობა", ნათქვამია ორგანიზაციის ვებგვერდზე.</div> <div style="text-align: justify;">წყარო: ორგანიზაციის ვებგვერდი სოციალურ ქსელში</div> <div><br /> </div>

<div style="text-align: justify;">საქართველოს ფერმერთა ასოციაციის თავმჯდომარე, ნინო ზამბახიძე თეთრ სახლში ქალთა გლობალური განვითარებისა და წარმატების ინიციატივის გახსნას დაესწრო. ხელმოწერის ცერემონიაზე ნინო ზამბახიძემ პრეზიდენტ ტრამპსა და დამსწრე საზოგადოებას უამბო, როგორ შეცვალა აშშ-ის მთავრობის გრანტმა მისი ცხოვრება.</div> <div style="text-align: justify;"><a href="http://www.facebook.com/usingeo/videos/301712673865298/" target="_blank" style="font-weight: bold;">სრულად...</a></div> <div style="text-align: justify;">წყარო: აშშ-ს საელჩოს ვებგვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">აჭარა.</span> 7 თებერვალს, ბათუმის №9 საჯარო სკოლაში „თავისუფალ ჟურნალისტთა სახლის" ორგანიზებით გაიმართა დისკუსია თემაზე: უსაფრთხო სკოლა.</div> <div style="text-align: justify;">დისკუსიის მიზანი მსჯელობის განვითარება სკოლების მზადყოფნაზე სხვადასხვა საგანგებო სიტუაციების დროს შესაბამისი რეაგირებისთვის.</div> <div style="text-align: justify;">საუბარი შეეხო შემდეგ თემებს:</div> <div style="text-align: justify;">- როგორ უნდა გამოიყურებოდეს უსაფრთხო სკოლა;</div> <div style="text-align: justify;">- რამდენად იციან ხანძარსაწინააღმდეგო სისტემის გამოყენება სკოლის პედაგოგებმა ან მოსწავლეებმა;</div> <div style="text-align: justify;">-რამდენად არიან ინფორმირებული როგორ უნდა მოიქცნენ საჭიროების შემთხვევაში;</div> <div style="text-align: justify;">- თეორიული და პრაქტიკული სწავლების როგორი დონეა?</div> <div style="text-align: justify;">- სიმულაციური ვარჯიშები თუ ტარდება? სისტემატიური ხასიათი რამდენად აქვს?</div> <div style="text-align: justify;"><a href="http://www.facebook.com/pg/media.org.ge/photos/?tab=album&album_id=2123333987712690" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის ვებგვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">აჭარა.</span> 4 თებერვალს, „ინტელექტის" ორგანიზებით, „თავისუფალ სივრცეში", სოციალური მეწარმეობის საკითხებზე, ტრენინგი გაიმართა. ტრენინგი მოიცავდა ყველა იმ ძირეულ საკითხს, რომელიც მნიშვნელოვანია სოციალური საწარმოს წარმატებით ფუნქციონირებისთვის.</div> <div style="text-align: justify;"><a href="http://www.facebook.com/pg/YSUIGeorgia/photos/?tab=album&album_id=2052813558089003" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის ვებგვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი. </span>GIZ-ის პროგრამის - კერძო სექტორის განვითარება და პროფესიული განათლება სამხრეთ კავკასიაში (PSD TVET SC) გამოიცა პუბლიკაცია: „ენერგოეფექტურობა მშენებლობაში".</div> <div style="text-align: justify;"><a href="http://lawlibrary.info/…/books/energy_effective_building.pdf" target="_blank" style="font-weight: bold;">ელ. ვერსია...</a></div> <div style="text-align: justify;">GIZ-ის პროგრამა - კერძო სექტორის განვითარება და პროფესიული განათლება სამხრეთ კავკასიაში (PSD TVET SC) ხორციელდება საქართველოში პასუხისმგებელი სამინისტროების მიერ, გერმანიის ეკონომიკური თანამშრომლობისა და განვითარების ფედერალური სამინისტროს (BMZ) სახელით.</div> <div style="text-align: justify;">წყარო: პროგრამის ვებგვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">ზემო სვანეთი. </span>„საერთაშორისო გამჭვირვალობა-საქართველოს" წარმომადგენლებმა მობილური იურიდიული კლინიკის ფარგლებში, შეხვედრები გამართეს მესტიის მუნიციპალიტეტის სოფლებში და ადგილზე გაუწიეს ინდივიდუალური დახმარება იმ მაცხოვრებლებს, რომლებსაც მიწის რეგისტრაციის პროცესში დაბრკოლებები შეხვდათ.</div> <div style="text-align: justify;">„შეხვედრებმა დაადასტურა, რომ ზემო სვანეთში მიწების რეგისტრაციის პრობლემა მწვავედ დგას. პრობლემათა შორის, ყველაზე გამოკვეთილად კი მათი სატკივარი იმ მამა-პაპისეული მიწების დაკანონებას უკავშირდება, რომელთა კუთვნილების შესახებ არანაირი დოკუმენტი არ გააჩნიათ. ჩვენი ორგანიზაციის იურისტები ამ პრობლემის საკანონმდებლო დონეზე მოგვარების ცდებს კვლავაც განაგრძობენ", ნათქვამია ორგანიზაციის ვებგვერდზე სოციალურ ქსელში.</div> <div style="text-align: justify;"><a href="http://www.facebook.com/pg/tigeorgia/photos/?tab=album&album_id=2430919346982660" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის ვებგვერდი სოციალურ ქსელში</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>წამების მსხვერპლთა ფსიქოსოციალური რეაბილიტაციის და სამედიცინო რეაბილიტაციის ცენტრი (GCRT) გთავაზობთ შეუერთდეთ ორგანიზაციის ახალ ინიციატივას „მეგობრობის პროგრამა".</div> <div style="text-align: justify;">„პროგრამა ორიენტირებულია მოზარდებზე, რომლებსაც აქვთ გარკვეული გამოწვევები და ესაჭიროებათ ჰყავდეთ როლური მოდელი, რომელთან მჭიდრო ურთიერთობაც ხელს შეწყობს მათში პასუხისმგებლობის გრძნობის გამომუშავებას, გაუჩენს ნდობას უფროსი ადამიანებისადმი და ჩამოუყალიბებს ფასეულობებს, სადაც წამყვანია თანამშრომლობა და თანასწორობა.</div> <div style="text-align: justify;">22 -დან 45 წლამდე ასაკის ადამიანებს, რომლებსაც გაქვთ სურვილი და ინტერესი, ითამაშოთ პოზიტიური როლი 12-დან 18 წლამდე ასაკის მოზარდების ცხოვრებაში, გთხოვთ, დაგვიკავშირდით: friendsprogramgeorgia@gmail.com</div> <div style="text-align: justify;"><a href="http://www.facebook.com/GCRT-194857340569501/?__tn__=kC-R&eid=ARCx4PQn9RmmK3duClQEM5IS3Vb378mVdzuWyJEIbhCK_51qB3pQdTeV7sJTJHjxZpXkmS44YznX-tbU&hc_ref=ARRVSSRccY0O0-OtFKOgqu2SvdktLA1XqpkpgXSWBOXze1jKBg-l72uy8Bv3RlbAAng&__xts__[0]=68.ARD2Qs1g3KyfTmmLfsIraD5KxGWfP7b31K5HPt0cOfrGjEU1--M4XHNnJlVVTIs8SV5bPaF5UvbuPGySqSthohCmy7nbu4EOgOl8pr2dbSaPRjRWX37Koc-0nae23z7Puy6mDAsLt0ReIs6mxxGZs6fu4XlsmL-clrIuE9rCMgEoHvrSYNpgE70YQdOvwwYHvYj_WdSudBfiGAVgDqtUitwkhsk1Vm3XH7_XzVRcRPYtLGN8bgyzpDzg_ovk0vYzJynSzpP4UlGJQ0GBDCQdWPD0AI4TvXpofTOSzJEaZ3-tjF5u3IXLUO1ChGpGBeXGvJ-QMZUKRTKqOA40NbsY6AzoCJ1GnHED9U29rxCZcM2K0NnZXxTX17zE" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის ვებგვერდი სოციალურ ქსელში</div> <div><br /> </div>

თბილისი. „ადამიანის უფლებების სწავლებისა და მონიტორინგის ცენტრი" (EMC) ეროვნული უსაფრთხოების საბჭოს შექმნის შესახებ ინიცირებულ კანონპროექტს ეხმიანება. გავრცელებულ მოსაზრებაში, EMC-ს გამოჰყოფს რამდენიმე მნიშვნელოვან მიმართულებას და მოუწოდებს საქართველოს პარლამენტს, საკითხის დეტალური განხილვისთვის, ორგანიზება გაუწიოს დამატებით შეხვედრებს და ჩართოს პროცესში დაინტერესებული ჯგუფები.  სრულად წყარო: ორგანიზაციის ვებგვერდი