თბილისი. საქართველოს ახალგაზრდა იურისტთა ასოციაციამ უზენაესი სასამართლოს პლენუმის მონიტორინგის ანგარიში მოამზადა.  „ანგარიშში პლენუმის საქმიანობის მარეგულირებელი ნორმებია შესწავლილი და საანგარიშო პერიოდში (2021 წლის იანვარი - 2022 წლის დეკემბერი) მათი იმპლემენტაციის მონიტორინგის შედეგად, ძირითადი ხარვეზებია გამოვლენილი. ასევე, შესაბამისი რეკომენდაციებია შემუშავებული“. სრულად... წყარო: gyla.ge

თბილისი. არბაითერ სამარიტერ ბუნდი (ASB) გიზიარებთ ინფორმაციას მიწისძვრისას ქცევის წესების შესახებ. წესების თანახმად, მიწისძვრის დროს უნდა მოვერიდოთ ავეჯს, ფანჯრებს, სანათებს. თავი უნდა შევაფაროთ მაგიდას, კარის ჩარჩოს... ეტლით მოსარგებლემ უნდა ჩაკეტოს ბორბლები, დაიფაროს თავი და დაელოდოს ბიძგების დასრულებას. საწოლში მწოლიარე უნდა დარჩეს საწოლში, თავი ბალიშით დაიფაროს და დაელოდოს. სრულად... წყარო: ორგანიზაციის გვერდი სოციალურ ქსელში

თბილისი. „ხელოვნება ცოცხალი და დამოუკიდებელია!“ - სამართლიანი არჩევნებისა და დემოკრატიის საერთაშორისო საზოგადოება (ISFED) არტისტ სანდრო სულაბერიძეს მხარდაჭერას უცხადებს. ორგანიზაცია მიიჩნევს, რომ სანდრო სულაბერიძის მიმართ ქურდობის მუხლით საქმის წარმოების დაწყება მიუღებელია და არტისტის გამოხატვის თავისუფლების ზღუდავს. სამართლიანმა არჩევნებმა კულტურის სამინისტროში მიმდინარე საკადრო წმენდის შესახებ ვიდეო მოამზადა, რომელშიც ყოფილი თანამშრომლები საკუთარი გამოცდილებას იხსენებენ. ფოტო... წყარო: ორგანიზაციის გვერდი სოციალურ ქსელში

სამეგრელო. „მუსიკალური საღამო პოკროვსკისთვის“, საქველმოქმედო კონცერტი გაიმართა ზუგდიდში ომის შედეგად დაზარალებული, უკრაინული ქალაქის პოკროვსკის დასახმარებლად. შემოსული თანხა, სრულად შესაბამის ფონდში გადაირიცხება. დახმარების მსურველებს შეგიძლიათ თანხა გადმორიცხოთ მითითებულ ანგარიშზე: თიბისი ბანკი: GEL GE39TB7290236080100014 USD GE89TB7290236180100003 EU GE62TB7290236180100004 საქართველოს ბანკი: GEL/USD/EU GE85BG0000000541617501 სრულად... წყარო: ორგანიზაციის გვერდი სოციალურ ქსელში

თბილისი. რონდელის ფონდი გიზიარებთ ორგანიზაციის სტაჟიორის, რეიჩელ მორის უახლეს სტატიას თემაზე „სამოქალაქო საზოგადოების განვითარება და რეპრესიები“. სრულად... წყარო: gfsis.org.ge

ამ წუთებში, მუნიციპალური სტატისტიკის პორტალის პრეზენტაცია მიმდინარეობს, რომელიც საქსტატმა ევროკავშირის, დანიისა და გაეროს განვითარების პროგრამის ხელშეწყობით შექმნა. პორტალის მომხმარებლები შეძლებენ სანდო და გამჭვირვალე მონაცემების მიღებას მუნიციპალიტეტების ეკონომიკური, სოციალური და დემოგრაფიული მდგომარეობის შესახებ. სრულად...

იმერეთი. საქართველოს სტრატეგიული კვლევებისა და განვითარების ცენტრი (CSRDG) ევროკავშირისა და კონრად ადენაუერის ფონდის (KAS) მხარდაჭერით აფინანსებს რეგიონულ საზოგადოებრივ ორგანიზაციებს, რათა მათ თავის მხრივ, ასოცირების შეთანხმებით გათვალისწინებული რეფორმების სამოქალაქო მონიტორინგი და ადვოკატირება განახორციელონ. ორგანიზაცია გიზიარებთ კვლევას „სუფთა გარემო ნარჩენების გარეშე ხაშურის მუნიციპალიტეტში“, რომელიც სწორედ ამ მხარდაჭერის ფარგლებში ორგანიზაციებმა მეგობრობის ხიდი „ქართლოსი'“ და ახალგაზრდა მკვლევართა და ანალიტიკოსთა გაერთიანებამ შექმნეს. წყარო: CSRDG-ის გვერდი სოციალურ ქსელში

თბილისი. საქართველოს დემოკრატიულმა ინიციატივამ (GDI) გამოხატვის თავისუფლებაზე გაეროს სპეციალურ მომხსენებელს წარუდგინა ანგარიში, ქვეყანაში არსებული მედია გარემოს შესახებ. კერძოდ, ანგარიშში განხილულია ის პრობლემები, რომელიც ცალსახად უშლის ხელს თავისუფალი მედია გარემოსა და მდგრადი განვითარების მიზნების, კერძოდ კი მე-16 მიზნის მიღწევას. სრულად... წყარო: gdi.ge

სამეგრელო-ზემო სვანეთი. საერთაშორისო გამჭვირვალობა - საქართველოს ცნობით, მესტიის საკრებულოს ეკონომიკის საკითხთა და ტურიზმის განვითარების კომისიის თავმჯდომარესთან, ბაჩუკი ნაკანთან დაკავშირებულმა კომპანიამ, შპს “ბუილდერ 21”-მა ადგილობრივი შესყიდვებიდან 1,212,404 ლარი მიიღო, მათ შორის 578,898 ლარი - ბაჩუკი ნაკანის თანამდებობაზე არჩევის შემდეგ. ორგანიზაცია მოუწოდებს სახელმწიფო უსაფრთხოების სამსახურის ანტიკორუფციულ სააგენტოს, შეისწავლოს შპს “ბუილდერ 21”-ის მონაწილეობა მესტიის მერიის შესყიდვებში და დაადგინოს, შეიცავს თუ არა კორუფციის შესაძლო  ნიშნებს. სრულად... წყარო: transparency.ge

სამეგრელო. თუ თქვენ აივ ინფექციითა და С ჰეპატიტით ინფიცირების რისკი გქონდათ და არ შეგიძლიათ, ან არ გსურთ ტესტირების ჩატარება სამედიცინო თუ სხვა დაწესებულებაში, ასოციაცია „ქსენონი“ უსასყიდლოდ მოგაწვდით აივ/ინფექციისა და С ჰეპატიტის ნერწყვის სწრაფ ტესტებს. „თვითტესტების გამოყენებით თქვენ შეძლებთ სახლიდან გაუსვლელად, სპეციალისტის დახმარების გარეშე, გაიგოთ თქვენი აივ- ის და С ჰეპატიტის სტატუსი რამდენიმე წუთში“. დამატებითი ინფორმაციისთვის მისწერეთ ასოციაცია „ქსენონს“ ფეისბუქის გვერდზე. სრულად... წყარო: ორგანიზაციის გვერდი სოციალურ ქსელში

თბილისი. „საერთაშორისო გამჭვირვალობა-საქართველოს“ (TI Georgia) კვლევის შედეგად გამოიკვეთა, რომ ხელისუფლებას არ აქვს დეზინფორმაციასთან ბრძოლის სისტემური მიდგომა და უფრო მეტიც, ხშირად თავად გვევლინება ანტიდასავლური ნარატივების გამავრცელებლად. „აუცილებელია ხელისულებამ მზარდი დეზინფორმაციული საფრთხეების შესაბამისად განაახლოს სტრატეგიული დოკუმენტები, გამოავლინოს პოლიტიკური ნება და იყოს ეფექტური არსებულ გამოწვევებთან გასამკლავებლად”. სრულად... წყარო: transparency.ge

10 თებერვალს, 19:00 საათზე, სასტუმროში Rooms Tbilisi, გაიმართება საჯარო შეხვედრა და საუბარი დარენ დოჰერტისთან. თემა: რეგენერაციული მეურნეობა - სოფლის მეურნეობის განახლება მომდევნო 10 000 წლის განმავლობაში. ავსტრალიელი სპეციალისტი დარენ დოჰერტი Regrarians Platform®‐ის დამფუძნებელია, რომელიც მსოფლიოში მოწინავე ორგანიზაციაა აგროეკოლოგიური წარმოების, ლანდშაფტების დაგეგმვისა და მოწყობის მიმართულებით. ლექცია გაიმართება ინგლისურ ენაზე, უზრუნველყოფილი იქნება სინქრონული თარგმანი. სრულად...

10 თებერვალს, 16:00 საათზე, განვითარების საწყის ეტაპზე მყოფ შშპ პირთა და სამოქალაქო საზოგადოების ორგანიზაციებისათვის გამოცხადებული საგრანტო კონკურსით დაინტერესებული პირებისათვის გაიმართება ონლაინ კონსულტაცია. შეხვედრაზე რეგისტრაცია შესაძლებელია შემდეგ ბმულზე... საგრანტო კონკურსის შესახებ დეტალურ ინფორმაციას გაეცანით ბმულზე...

თბილისი. სახალხო დამცველის აპარატმა 30-მდე შეტყობინება მიიღო სხვადასხვა საქონლისა და მომსახურების მიღებაზე საქართველოს მოქალაქეების წვდომის შეზღუდვის ფაქტებზე.  განცხადების თანახმად, განსაკუთრებით პრობლემური იყო შემთხვევა, როდესაც, სავარაუდოდ, ე.წ. სამაკლერო საქმიანობით დაკავებულმა პირმა ბათუმში ბინის გაყიდვის თაობაზე რუსულ ენაზე გამოქვეყნებულ განცხადებაში მიუთითა, რომ ბინა ქართველებზე არ გაიყიდება. „საქართველოს კანონმდებლობა მოქალაქეობის, ეროვნებისა თუ სხვა ნიშნით დისკრიმინაციას კრძალავს ყველა სფეროში, მათ შორის, კერძო სამართლებრივ ურთიერთობებში. ამდენად, საჯაროდ ხელმისაწვდომი შეთავაზებებით სარგებლობაზე უარი, არარაციონალური, დისკრიმინაციული საფუძვლებით, დაუშვებელია ქირავნობით საკითხებთან დაკავშირებითაც. სახალხო დამცველის აპარატი უძრავი ქონების აგენტებსა და მომსახურების გამწევ სხვა პირებსა თუ ორგანიზაციებს მოუწოდებს, თავი შეიკავონ ნებისმიერი ნიშნით დისკრიმინაციული მოპყრობისგან და საქმიანობა თანასწორობის პრინციპის დაცვით წარმართონ, მათ შორის, საბინაო სფეროშიც.  ამავე დროს, სახალხო დამცველის აპარატი მზად არის შეისწავლოს სავარაუდო დისკრიმინაციის ყველა შემთხვევა მსგავსი მომართვის და სავარაუდო დისკრიმინაციის ჩამდენი პირის იდენტიფიცირების შემთხვევაში“. სრულად... წყარო: ომბუდსმენის გვერდი სოციალურ ქსელში

იმერეთი. სამართლიანი არჩევნების და დემოკრატიის საერთაშორისო საზოგადოების ინფორმაციით (ISFED) ტყიბულის მაგისტრატმა სასამართლომ „სამართლიანი არჩევნების” დაცვის ქვეშ მყოფი კიდევ ერთი საჯარო მოხელის, ლელა კახიძის სასარჩელო მოთხოვნები სამსახურიდან გათავისუფლებისა და მოხელეთა რეზერვში ჩარიცხვის ბრძანებების ბათილად ცნობის შესახებ დააკმაყოფილა. ტყიბულის მუნიციპალიტეტის მერიას დაევალა გარემოებების სრულყოფილად შესწავლისა და გამოკვლევის საფუძველზე  გადაწყვეტილების მიღება. „სამართლიანი არჩევნები”, USAID სამართლის უზენაესობის პროგრამისა და ღია საზოგადოების ფონდის მხარდაჭერით, ახორციელებს სტრატეგიული სამართალწარმოების პროექტს, რომლის ფარგლებშიც უფასო იურიდიულ დახმარებას უწევს სამსახურიდან სავარაუდო პოლიტიკური  ნიშნით გათავისუფლებულ პირებს. განცხადება სრულად... წყარო: isfed.ge

გურია. ახალგაზრდა პედაგოგთა კავშირის „სკოლის მხარდამჭერთა პროგრამის“ ფარგლებში სოფ. გუთურის იდეებისა და მეწარმეობის ლაბორატორიაში ენობრივი მრავალფეროვნების თემაზე ლექცია ჩატარდა. შეხვედრას გაუძღვა სკოლის მენტორი - მწერალი, საქართველოს პარლამენტის ეროვნული ბიბლიოთეკის გენერალური დირექტორი გიორგი კეკელიძე (გუთურის საჯარო სკოლის მენტორი). „შეხვედრის პირველ ეტაპზე განიხილეს იდენტობის ფორმირების ეტაპები, ენობრივი მრავალფეროვნების მნიშვნელობა, ენის ფუნდამენტური კავშირი სახელმწიფოებრიობასთან, ეთნიკური და კულტურული იდენტობის მსაზღვრელებზე. ყურადღება გამახვილდა ენის, როგორც თვითგამორკვევისთვის, თვითგამოხატვისთვის საჭირო მთავარ ინსტრუმენტზე. ასევე, საუბარი წარიმართა ქართველური ენების მრავალფეროვნების მნიშვნელობის შესახებ ეროვნულ და საერთაშორისო დონეებზე“. შეხვედრა განხორციელდა პროექტის „უკეთესი მომავლისთვის“ ფარგლებში ორგანიზაცია Brot für die Welt-ის ფინანსური მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი გთავაზობთ იაელ ნავარო-იაშინის სტატიის თარგმანს „გამოგონილი სივრცე: აფექტური გეოგრაფია ომისშემდგომ სახელმწიფოში“. „ჩრდილოეთ კვიპროსის ტერიტორია არის სივრცე, რომელიც კუნძულის დაყოფის შემდეგ წარმოიქმნა და ამოიქარგა. 1963 წლიდან, თურქი-კვიპროსელების სეგრეგირებულ ანკლავებში ცხოვრებას “Türk Mukavemet Teşkilatı” (TMT) სპეცდანაყოფი იცავდა. სასაზღვრო ზონასა და ბერძნების საცხოვრებელ რაიონებს კი − გაერო. 1974 წლიდან, კუნძულის სამხრეთში მყოფ, თურქ-კვიპროსელებს ჩრდილოეთში გაქცევა მოუწიათ, რადგან მათი ანკლავებში დარჩენა სიცოცხლისთვის საშიში იყო. მსგავსი გამოწვევის წინაშე იყვნენ ჩრდილოეთში მყოფი ბერძენ-კვიპროსელებიც, რომლებიც, კუნძულზე თურქეთის ჯარის შემოსვლის შემდეგ სამხრეთში გარბოდნენ. ხშირად, დევნილებს, გზაში, ნაციონალისტური დაჯგუფება (ჩრდილოეთში − TMT, სამხრეთში − EOKA) არბევდნენ. კონფლიქტს ორივე ეთნიკური ჯგუფის წარმომადგენლები შეეწირნენ. დევნილებმა მხოლოდ რამდენიმე პირადი ნივთის წაღება მოახერხეს. მათი თითქმის მთელი ქონება − სახლები, მინდვრები, მეურნეობა, პირადი საკუთრების ნივთები და სხვ. მიტოვებულ სივრცეში დარჩა. ადამიანები იმ პირად საკუთრებას, მატერიალურსა და გარემოს დაშორდნენ, რომელიც მათთვის თვით-იდენტიფიკაციის წყაროს წარმოადგენდა“. სრულად... წყარო: socialjustice.org.ge

სამცხე-ჯავახეთი. 8 თებერვალს, ახალციხეში გაიმართა კონკურსის „ეს ქვეყანა შენიას“ გამარჯვებულთა დაჯილდოება. გაიცანით გამარჯვებული გუნდი და მისი წევრები: სოფო მსხვილიძე, თამთა მსხვილიძე, თათია მსხვილიძე, სალომე მსხვილიძე, საბა მსხვილიძე. სპეციალური პრიზი გადაეცა ვენერა ალექსანიანს. კონკურსი გაიმართა სამოქალაქო საზოგადოების ინსტიტუტის მიერ, პროექტის „სამოქალაქო საზოგადოების ინიციატივის“ ფარგლებში, რომლის მხარდამჭერია ევროკავშირი და კონრად ადენაუერის ფონდი.

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

ამ წუთებში, „ტოლერანტობის და მრავალფეროვნების ინსტიტუტი“ (TDI) და საქართველოს ევანგელისტური ეკლესია ერთობლივ პრესკონფერენციას მართავენ. თემა: „ევანგელისტური ეკლესიისა და მისი პასტორის, ზაალ ტყეშელაშვილის წინააღმდეგ წარმოებული საქმე“. მისამართი: თბილისი, ო. ხიზანიშვილის 228 (შესასვლელი ცენტრალური გზიდან - ხიზანიშვილის ქუჩიდან).

სამცხე-ჯავახეთი. სამცხე-ჯავახეთის რეგიონული ჰაბის - დემოკრატ მესხთა კავშირის (UDM) ორგანიზებით, მიმდინარეობს შეხვედრა სამცხე-ჯავახეთში მოქმედი სამოქალაქო საზოგადოებისა და დონორი ორგანიზაციების მონაწილეობით. შეხვედრის მიზანია, ადგილობრივმა სსო-ებმა მიიღონ ინფორმაცია დონორი ორგანიზაციებისგან დაფინანსების არსებული შესაძლებლობების შესახებ. სრულად... შეხვედრა იმართება ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. წყარო: STAR პროექტის გვერდი სოციალურ ქსელში

თბილისი. სოციალური სამართლიანობის ცენტრი გთავაზობთ ინტერვიუების ციკლის მორიგ ეპიზოდს - „ისტორია, მეხსიერება, პოლიტიკა“. ამ ციკლში მშვიდობის მშენებლებთან ერთად საუბარია ქართულ-აფხაზური და ქართულ-ოსური ურთიერთობებისა და ეთნოპოლიტიკური კონფლიქტების შესახებ. ორგანიზაცია დღევანდელ ეპიზოდში „მშვიდობისა და სამოქალაქო განვითარების ცენტრის“ დამფუძნებელს, ელიკო ბენდელიანს ესაუბრა. „უკრაინის ომმა თვალნათლივ დაგვანახა, რომ ომის შიში, რომელიც ორივე საზოგადოებას აქვს კონფლიქტის ორივე მხარეს, არის არა ეფემერული, არამედ რეალური. იმისთვის, რომ ჩვენ ერთი მხრივ, თავიდან ავირიდოთ ახალი შეიარაღებული დაპირისპირება, მეორე მხრივ, შევძლოთ მშვიდობიანად თანაცხოვრება, მნიშვნელოვანია, გვქონდეს მეტი დისკუსია და დიალოგი ერთმანეთთან“. სრულად... წყარო: ორგანიზაციის გვერდი სოციალურ ქსელში