თბილისი. ინფორმაციის თავისუფლების განვითარების ინსტიტუტმა (IDFI) საქართველოს პარლამენტიდან მიიღო სრული ინფორმაცია 2012 წლის პირველი იანვრიდან დღემდე.საქართველოს პარლამენტის წევრების (დეპუტატების) და პარლამენტის აპარატში დასაქმებულ თანამშრომელთა შემოსავლების (თანამდებობრივი სარგო, პრემია, სახელფასო დანამატი) შესახებ.  ინფორმაცია საშუალებას იძლევა ძველი და ახალი  მოწვევის პარლამენტის დეპუტატთა და აპარატში დასაქმებულ თანამშრომელთა შემოსავლების გაანალიზება. სრულად წყარო: opendatablog.wordpress.com

აჭარა. 10 ივნისს, ბათუმის დემოკრატიული ჩართულობის ცენტში, განვითარებისა და თანამშრომლობის ხელშეწყობის კავშირმა „პროგრესმა" და თვითმმართველ ქალაქ ბათუმის საკრებულომ საინფორმაციო შეხვედრა გამართა. თემა:  ბათუმის თვითმმართველობაში ახალგაზრდების სტაჟირების პროგრამა. პროექტის მიზანია საკრებულოს დარგობრივი კომისიებისა და მერიის შესაბამისი სამსახურების საქმიანობაში ახაგაზრდების ჩართვა და მათ ცნობიერების ამაღლების ხელშეწყობაა. სტაჟირებას გაივლის 20/25 ახალგაზრდა (18-27 წელი), რომელთა შერჩევა მოხდება კონკურსის გზით. მსურველები წარმოადგენენ სპეციალურ განაცხადს, რომელიც მოიცავს სააპლიკაციო ფორმას. სააპლიკაციო ფორმების მიღება მოხდება ელექტრონულად. ისინი გაივლიან  სპეციალურ ტრენინგებს, რის შემდეგაც გადანაწილდებიან საკრებულოსა და მერიის შესაბამის  კომისიებსა და სამსახურებში.  სტაჟირებაში მონაწილე პირები  სპეციალურ სერთიფიკატებს მიიღებენ.

თბილისი. ჟურნალისტური ეთიკის ქარტია მედიას და შინაგან საქმეთა სამინისტროს მიმართავს. „ქარტია სთხოვს მედიის წამომადგენლებს ნუ ეცდებიან მსხვერპლისა და ბრალდებულის იდენტიფიცირებას, რადგან მათი საცხოვრებელი ადგილისა და ვინაობის დასახელება ამ ახალ ამბავს დამატებით ინფორმაციას ნამდვილად არ სძენს", ნათქვამია განცხადებაში. ქარტია ასევე მოუწოდებს შინაგან საქმეთა სამინისტროს, ანონიმურობა შეუნარჩუნოს არა მხოლოდ ბრალდებულს, არამედ მსხვერპლსაც.  სრულად  წყარო: qartia.org.ge

თბილისი. 12 ივნისს „თავისუფლების კლუბი" გამართავს საჯარო ლექციას - „რუსეთ–საქართველოს ურთიერთობა მცოცავი ოკუპაციის ფონზე". ლექციას წაიკითხავს არასამთავროგო ორგანიზაცია საქართველოს რეფორმების ასოციაციის (GRASS) წევრი, პოლიტოლოგი, ელენე ხოშტარია.  ლექციის ბოლოს დამსწრეებს საშუალება ექნებათ მომხსენებელს დაუსვან კითხვები. სრულად  წყარო:ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა – საქართველომ ყოველკვირეული საპარლამენტო პოდკასტის 10 ივნისის გამოშვება გამოაქვეყნა. გადაცემის თემებია: საარჩევნო სიების ფორმირების ახალი წესი, პოლიტიკური პარტიების დაფინანსების რეგულაციები, ადმინისტრაციული რესურსების გამოყენება და აგიტაცია, მედიის მიერ წინასაარჩევნო კამპანიის გაშუქება: 13 ივნისს არასამთავრობო ორგანიზაციები საკუთარ რეკომენდაციებს წარადგენენ პარლამენტში.  საპარლამენტო ამბების პოდკასტი – 10 ივნისი წყარო: transparency.ge

კახეთი. „ადგილობრივი დემოკრატიისა და განვითარების ცენტრი" იწყებს ტრენინგების ციკლს, რომელიც ხელს შეუწყობს ქალის როლის გაზრდას გადაწყვეტილების მიღების პროცესებში. 11 ივნისს საგარეჯოს დემოკრატიული ჩართულობის ცენტრში ჩატარდება პირველი ტრეინინგი სახელწოდებით „ეფექტური კომუნიკაცია და პრეზენტაცია". წყარო:ორგანიზაციის გვერდი სოციალურ ქსელში

იმერეთი. სამეცნიერო-ინტელექტუალური კლუბი „თაობათა დიალოგი" ზოგად საგანმანათლებლო სკოლების დამამთავრებელი კლასების მოზარდებისთვის იწყებს ერთთვიან პილოტურ პროგრამას, სახელწოდებით „კოდი". პროგრამის მიზანია ხელი შეუწყოს ახალგაზრდებში ლიდერული უნარ ჩვევების გამოვლენას და განვითარება.  პროგრამა სიმულაციურ თამაშს წარმოადგენს, რომლის განმავლობაში მონაწილეები შეისწავლიან: გუნდური მუშაობის უნარ-ჩვევებს;  კონფლიქტების რეგულირებას; სტრატეგიის დაგეგმვისა და ანალიზის უნარ-ჩვევებს; საკუთარი უნარების წარმოჩინების ხერხებს; ამოცანების დასახვისა და შესრულების ტექნიკას; რუკის კითხვას და ორიენტირებას ველზე.  წარმატებული მონაწილეები მიიღებენ სერთიფიკატს და ექნებათ უფლება პროგრამის შემდეგ ეტაპზე გადავიდნენ, ასევე მათ გადაეცემათ წამახალისებელი პრიზები. განაცხადის შეტანის ბოლო ვადაა 15 ივნისი. სრულად წყარო:ორგანიზაციის გვერდი სოციალურ ქსელში

სამეგრელო. ასოციაცია „ათინათი" 8, 9, 10 წლის ბავშვებს იწვევს ინგლსურენოვან საზაფხულო სკოლაში. მონაწილეები გასართობი აქტივობების გამოყენებით მიიღებენ საბაზისო ცოდნას ინგლისურ ენაში. სრულად  წყარო:ორგანიზაციის გვერდი სოციალურ ქსელში

5–9 ივნისს საქართველოში ეროვნული ინტეგრაციის გაძლიერების პროექტის (ANI) ფარგლებში განხორციელდება გაცვლითი პროგრამა გორსა და გარდაბანს შორის. გაცვლითი პროგრამის მიზანია განსხვავებული ტრადიციების მქონე ქალაქების დაახლოება და ახალგაზრდების დამეგობრება. პროგრამის ფარგლებში ახალგაზრდებმა განახორციელეს აქტივობები, იყო დასუფთავებისა და პოლიეთილენის პარკების წინააღმდეგ მიმართული აქციები. ახალგაზრდებმა მოისმინეს თანატოლგანმანათლებელთა სემინარი „როგორ შევიძინოთ მეგობრები", რომელიც დაფუძნებული იყო დეილ კარნეგის წიგნზე „როგორ შევიძინოთ მეგობრები". ასევე ჩატარდა არტ-თერაპიის საათი, სადაც ჯგუფებმა წარმოადგინეს საკუთარი ნახატები და შემდეგ გააკეთეს მათი პრეზენტაცია.  წყარო: ეროვნული ინტეგრაციის გაძლიერება-გორის ახალგაზრდული ცენტრის გვერდი სოციალურ ქსელში

11 ივნისს, 12 საათზე კონსტიტუციის 42-ე მუხლის იურისტები პროექტის ფარგლებში "სტრატეგიული სამართალწარმოება მოწყვლადი და მარგინალური მოსახლეობისათვის" ადგილობრივი მოსახლეობისათვის გამართავს იურიდიულ კონსულტაციებს.  მისამართი:ზესტაფონი, წერეთლის 11, მუნიციპალიტეტის საკრებულო

11 ივნისს, 14:30 საათზე ახალგაზრდა უფლებადამცველთა ასოციაციის წარმომადგენლები პრესკონფერენციას გამართავენ. თემა: ვიდეომასალის განადგურება  მისამართი:თბილისი, „პრაიმ-ტაიმის" პრესკლუბი

თბილისი. საერთაშორისო გამჭვირვალობა საქართველო, საქართველოს ახალგაზრდა იურისტთა ასოციაცია, ინფორმაციის თავისუფლების განვითარების ინსტიტუტი, სამართლიანი არჩევნებისა და დემოკრატიის საერთაშორისო საზოგადოება, საქართველოს ადვოკატები დამოუკიდებელი პროფესიისათვის და ადამიანის უფლებათა ცენტრი ეხმაურებიან მოსამართლეთა რიგგარეშე X კონფერენციის მიმდინარეობას. განცხადება წყარო: gyla.ge

თბილისი. საერთაშორისო გამჭვირვალობა – საქართველომ 2013 წლის გაზაფხულის სამუშაო ბარათი გამოაქვეყნა. „კვარტალურ დოკუმენტში მოცემულია ქვეყნის იმ ძირითადი სფეროების შემაჯამებელი შეფასებები, რომელთა დახვეწა და განვითარება ქვეყნის დემოკრატიულ სახელმწიფოდ ჩამოყალიბების გარანტი იქნება", ნათქვამია ორგანიზაციის ვებგვერდზე. სამუშაო ბარათი წყარო: transparency.ge

11 ივნისს, 17:00 საათზე თბილისის ფსიქიკური ჯანმრთელობის ცენტრის არტ–თერაპიული განყოფილების მხარტვრული ნამუშევრების გამოფენა. მისამართი: თბილისი, მოსწავლე ახალგაზრდობის ეროვნული სასახლის მარმარილოს დარბაზი

თბილისი. საქართველოს ჟურნალისტური ეთიკის ქარტიამ ეროვნულ ბიბლიოთეკასთან თანამშრომლობის მემორანდუმი გააფორმა. მემორანდუმის მიზანია ერთობლივი პროექტების განხორციელება, კონფერენციების, დისკუსიებისა, სემინარების მოწყობა. „ქარტია იმედოვნებს, რომ ბიბლიოთეკასთან დადებული შეთანხება სამომავლოდ აქტიური თანაშმრომლობის საფუძველი გახდება. მემორანდუმი საშუალებას მისცემს ეთიკის ქარტიას გამოიყენოს ეროვნული ბიბლიოთეკის დარბაზები საგანმანათლებლო საქმიანობის განხორციელებისას, თავის მხრივ კი მაქსიმალური მხარდაჭერა გაუწიოს ბიბლიოთეკის იმ პროექტებს, რომელთა მიზანი და ინტერესებიც თანხვედრაშია ქარტიის საქმიანობასთან", ნათქვამია ორგანიზაციის გვერდზე. ჟურნალისტური ეთიკის ქარტიამ ბიბლიოთეკის სამოქალაქო განათლების განყოფილებას რამდენიმე მედია სახელმძღვანელო გადასცა. წყარო:ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტმა საქართველოს ეროვნული ბანკიდან მიღებული ინფორმაცია გამოაქვეყნა. ვებგვერდზე განთავსდა დოკუმენტები თანამდებობის პირების პრემიების, თანამშრომლების პრემიების, მოქმედი საშტატო ნუსხისა და თანამდებობრივი სარგოს, ორგანიზაციის ბალანსის, საჯარო ინფორმაციის გაცემის ანგარიშების, ავტოპარკის ხარჯების, განცხადების საფუძველზე განთავისუფლებული თანამშრომლების,  ხელმძღვანელობის მიერ განთავისუფლებული თანამშრომლების, დაფინანსებული ღონისძიებების, სამივლინებო ხარჯების, შიდა აუდიტის ანგარიშის შესახებ. სრულად წყარო: opendata.ge

თბილისი. 10-14 ივნისს საქართველოს ეწვევა გაერთიანებული ერების ორგანიზაციის სპეციალური მომხსენებლი ჩალოკა ბეიანი. ვიზიტის მიზანია იძულებით გადაადგილებულ პირთა მდგომარეობის შეფასება  და შესაბამისი ინფორმაციის მოპოვება პირველწყაროდან. ვიზიტის ფარგლებში დაგეგმილია სპეციალური მომხსენებლის შეხვედრები  მთავრობისა და ადგილობრივი ხელისუფლების წარმომადგენლებთან, სამოქალაქო საზოგადოებასა და გაეროს სააგენტოებთან. ის ასევე ეწვევა იძულებით გადაადგილებულ პირთა განსახლების ადგილებს. სრულად წყარო: პორტალი GINSC

თბილისი. საერთაშორისო გამჭვირვალობა საქართველო თავდაცვის სამინისტროს განცხადებას გამოეხმაურა. „მოხარულები ვართ, რომ თავდაცვის სამინისტრო მზად არის, გადადგას კონკრეტული ნაბიჯები თავდაცვის საბიუჯეტო პროცესის ანგარიშვალდებულების ხარისხის ასამაღლებლად და ხელი შეუწყოს სამინისტროს ხარჯებზე გაზრდილ სამოქალაქო კონტროლს. ჩვენი ორგანიზაცია მომავალშიც გააგრძელებს თავდაცვის სამინისტროს ბიუჯეტის მართვით დაინტერესებას", ნათქვამია ორგანიზაციის გვერდზე სოციალურ ქსელში. თავდაცვის სამინისტრომ განცხადება გამჭვირვალობის 27 მაისის ბლოგპოსტზე – „თავდაცვის ბიუჯეტი: 7 წელი კონტროლის გარეშე" –  გააკეთა. საერთაშორისო გამჭვირვალობა საქართველოს 27 მაისის განცხადება თავდაცვის სამინისტროს განცხადება წყარო:ორგანიზაციის გვერდი სოციალურ ქსელში www.mod.gov.ge

თბილისი. 11-12 ივნისს ევროკომისიის, მოლდოვის რესპუბლიკისა და ევროპის განათლების ფონდის ორგანიზებით ევროპული პარტნიორობის პლატფორმის ფარგლებში გაიმართება კონფერენცია „მეწარმეობის მთავარი განმსაზღვრელი ფაქტორი: მეთოდიკა და პრაქტიკა აღმოსავლეთ პარტნიორობის რეგიონში". აღნიშნულ კონფერენციაზე მიწვეული არის საქართველოს მცირე და საშუალო საწარმოთა ასოციაციის სამეთვალყურეო საბჭოს წევრი და ამავე ასოციაციის საგადასახადო კომიტეტის თავმჯდომარე. კონფერენციის მიზანს წარმოადგენს დებატების გამართვა აღმოსავლეთ პარტნიორობის რეგიონიდან მოწვეულ სპეციალისტებსა და კანონმდებლებს შორის. დისკუსია შეეხება მეწარმეობას, როგორც ძირითად განმსაზღვრელ ფაქტორს ფორმალურ და არაფორმალურ განათლებაში, რომელიც ხელს შეუწყობს სამეწარმეო სწავლების მეთოდიკისა და პრაქტიკის განვითარებას როგორც ეროვნულ, ასევე რეგიონალურ დონეზე.კონფერენცია წარმოადგენს 2012 წლის მცირე ბიზნესის რეგულაციების შეფასების გაგრძელებას აღმოსავლეთ პარტნიორობის რეგიონში. წყარო: მცირე და საშუალო  საწარმოთა ასოციაციის გვერდი სოციალურ ქსელში

თბილისი. საიმ 10 ივნისს გამოაქვეყნა მაისის თვეში ორგანიზაციის განხორციელებული საქმეები და მიღწევები. საიას ადვოკატირებით რამდენიმე მოქალაქეს არ დაეკისრა ადმინისტრაციული პასუხისმგებლობა, საიას დახმარებით პოლიტიკური რეპრესიების ერთ–ერთი მსხვერპლი ფულად კომპენსაციას მიიღებს. ერთ–ერთმა მოქალაქემ შეძლო ორგანიზაციის დახმარებით საკუთრების უფლების დაცვა და ა.შ. სრულად წყარო: gyla.ge

სამეგრელო. ინტერნიუს–საქართველოს ორგანიზებით, 7–8 ივნისს, ზუგდიდის საჯარო სკოლების მასწავლებლებისთვის ჩატარდა საინფორმაციო შეხვედრა თემაზე – „გავეცნოთ ევროკავშირს".სემინარი ევროპული ინტეგრაციის, გლობალურ პოლიტიკაში ევროპის კავშირის როლსა და საქართველოთან თანამშრომლობის საკითხებს დაეთმო. ღონისძიების  მონაწილეებმა ინფორმაცია მიიღეს ევროპული ინტეგრაციის ისტორიისა და ევროკავშირის გაფართოების ეტაპების შესახებ; ევროკავშირის ინსტიტუტებსა და ევროკავშირის საერთო საგარეო და უსაფრთხოების პოლიტიკაზე; საქართველო-ევროკავშირის თანამშრომლობის ჩარჩოებზე,   სამეზობლო პოლიტიკასა და აღმოსავლეთის პარტნიორობაზე;  ასევე  ევროკავშირის როლზე საქართველოში კონფლიქტების მოგვარების საქმეში. თითოეული საკითხის განხილვის შემდეგ დისკუსიები იმართებოდა. სემინარის მსვლელობის დროს ნაჩვენები იყო დოკუმენტური ფილმები: "ევროკავშირი მსოფლიოში", "გზა ევროპისკენ - ლიტვა"  და "მწვანე მარშრუტი". წყარო: media.ge

ანონსი 10 ივნისს, 19:00 საათზე CISV საქართველოს საერთაშორისო გაცვლითი პროგრამა 12–16 წლის ახალგაზრდებისთვის გამართავს ღია კარის დღეს. შეხვედრაზე პროგრამის მონაწილეები დამსწრეებს საკუთარი გამოცდილების შესახებ უამბობენ. მისამართი: თბილისი, დავით გამრეკელის 21, CISV საქართველოს ოფისი