თბილისი. 29 აპრილს გაიმართა სასამართლო სხდომა, რომელზეც იხილებოდა „საერთაშორისო გამჭვირვალობა – საქართველოს" სარჩელი საქართველოს ფინანსთა სამინისტროს წინააღმდეგ. როგორც ორგანიზაციის გვერდზეა მითითებული „დავის მიზეზი გახდა საქართველოს ფინანსთა მინისტრის 2013 წლის 25 იანვარს გამოცემული ბრძანებულა, რომლის ამოქმედებამ ტვირთის გადამზიდველებს მნიშვნელოვანი ზიანი მიაყენა". ორგანიზაციის ინფორმაციით ფინანსთა სამინისტროს წარმომადგენლებმა იშუამდგომლეს პროცესის გადადებაზე, რადგანაც, მათი ინფორმაციით, სამინისტროში უკვე შექმნილია სამუშაო ჯგუფი, რომელიც სადავო აქტში ცვლილებებს ამზადებს. სრულად წყარო: transparency.ge

თბილისი. ქალთა ფონდმა 2012 წლის განმავლობაში ღია საგრანტო კონკურსით გაცემული გრანტების შესახებ ინფორმაცია გამოაქვეყნა. გასულ წელს ფონდმა 6 საპროექტო წინადადება დააფინანსა. მათ შორისაა, ძალადობის მსხვერპლი ქალების მხარდასაჭერი და პრევენციის პროექტები, სტუდენტებისთვის გენდერის საკითხებში ინფორმაციის მიწოდების, ლბტ თემის მიმართ საზოგადოების ცნობიერების ამაღლების, შშმ პირთა უფლებების დაღრვევების შემცირების პროექტები. წყარო: ქალთა ფონდის გვერდი სოციალურ ქსელში

კახეთი. სათემო განვითარების ცენტრი კახეთის რეგიონში (სიღნაღი, თელავი) ახალი, ორწლიანი პროგრამას იწყებს. „სათემო ინიციატივების განვითარების ხელშეწყობა კახეთის რეგიონში" მიზნად ისახავს ადგილობრივი თემის, საზოგადოების გააქტიურებას და განვითარების პროცესში მათი ჩართულობის სტიმულირებას კულტურულ–საგანმანათლებლო პროგრამების განხორციელების გზით. პროგრამა დაფინანსებული გერმანული ფონდის bfdw მიერ. წყარო: სათემო განვითარების ცენტრის გვერდი სოციალურ ქსელში

თბილისი. 25 აპრილს, „ციხის საერთაშორისო რეფორმის" ორგანიზებით გაიმართა მრგვალი მაგიდა თემაზე - „ბავშვები საქართველოს მართლმსაჯულების სისტემაში". შეხვედრაზე განიხილეს შემდეგი საკითხები: ბავშვთა ძალადობისაგან დაცვა პოლიციისა და პატიმრობის დაწესებულებებში; არასრულწლოვნები პენიტენციურ სისტემაში - მიმდინარე პროცესები, დაგეგმილი ცვილებები; გათავისუფლების შემდგომი დახმარება/რეაბილიტაციის პროგრამები და ალტერნატიული სასჯელები და ღონისძიებები. მრგვალ მაგიდას სხვადასხვა ადგილობრივი და საერთაშორისო არასამთავრობო ორგანიზაციების და საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს წარმომადგენლები ესწრებოდნენ. საქველმოქმედო ჰუმანიტარულმა ცენტრმა „აფხაზეთმა" შეხვედრაზე პირობით მსჯავრდებულებთან მიმდინარე სარეაბილიტაციო პროექტები წარმოადგინა, რომლებსაც ორგანიზაცია ზუგდიდსა და თელავში აპრილის თვიდან ახორციელებს. წყარო: ფონდ „აფხაზეთის" გვერდი სოციალურ ქსელში

ქვემო ქართლი. 28 აპრილს პროექტის „ეროვნული ინტეგრაციის გაძლიერება საქართველოში" ფარგლებში, მარნეულის ახალგაზრდული ცენტრის წევრება თეთრიწყაროს ტყეში დასუფთავების აქცია მოაწყვეს. აქციაში მონაწილეობა ორმოცამდე ახალგაზრდამ მიიღო. გარემოსდაცვითი აქტივობის ფარგლებში ტყის ის მონაკვეთები დასუფთავდა, სადაც დამსვენებლები და ტურისტები დადიან. აქციის მონაწილეებმა სპეციალურად გამოყოფილ ადგილებზე წარწერები გააკეთეს ქართულ და აზერბაიჯანულ ენებზე ტექსტით – „დაიცავი სისუფთავე". წყარო: სამოქალაქო აქტივიზმის ახალგაზრდული ქსელის გვერდი სოციალურ ქსელში

თბილისი. საერთაშორისო გამჭვირვალობა – საქართველომ მორიგი პოდკასტი გამოაქვეყნა. პოდკასტში ყურადღება გამახვილებულია – შუალედური საპარლამენტო არჩევნების შედეგებსა და ხარვეზებზე, ორ საკანონმდებლო აქტზე პრეზიდენტის ვეტოზე, პარლამენტის თბილისის შენობის შეკეთების ტენდერზე. საპარლამენტო ამბების პოდკასტი – 29 აპრილი წყარო: transparency.ge

იმერეთი. 29 აპრილს, ქუთაისის ახალგაზრდული ცენტრის წევრებმა წიგნის კვირეულის ფარგლებში მოაწყვეს წიგნის კითხვა ქუთაისის შეზღუდული შესაძლებლობის მქონე ბავშვთა დღის ცენტრის აღსაზრდელებისათვის. ახალგაზრდებმა 18 შშმ ბავშვს ძმები გრიმების ზღაპრები და იგავ-არაკები წაუკითხეს. რითაც მოსწავლეები ცდილობენ ხელი შეუწყონ შშმ ბავშვების ინტეგრაციას და ჩართვას სამოქალაქო აქტივობებში და პოპულარიზაცია გაუწიონ წიგნებს. ღონისძიება ორგანიზებულია „საქართველოში ეროვნული ინტეგრაციის გაძლიერების პროექტის" (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით. წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტმა (IDFI) საქართველოს შინაგან საქმეთა სამინისტროდან მიღებული დანაშაულობათა სტატისტიკური საჯარო ინფორმაცია გამოაქვეყნა. სამინისტროდან მოწოდებულ ინფორმაციაზე დაყრდნობით, ორგანიზაციის ინფორმაციაში აღნიშნულია, რომ „იანვარ-მარტის თვეებში საქართველოში სულ რეგისტრირებულ იქნა 11,708 დანაშაული, რაც წინა წლის შესაბამის თვეებში რეგისტრირებულ 10,033 დანაშაულთან მიმართებაში წარმოადგენს დანაშაულის 16,6%-ით მატებას. მართალია 2013 წლის იანვარი-მარტის თვეებში, წინა წლის შესაბამის თვეებთან შედარებით, აგრეთვე იმატა გახსნილ საქმეთა პროცენტულმა მაჩვენებელმა, თუმცა მეტი რაოდენობის გაუხსნელი დანაშაული (7871) წინა წელიწადთან შედარებით (7143) მაინც 2013 წლის პირველ კვარტალზე მოდის". სრულად წყარო: idfi.ge

კახეთი. 29 აპრილს თელავი ფეხით მოსიარულეთა უსაფრთხოების საერთაშორისო კვირეულს შეუერთდა. ქალაქის მე–5 საჯარო სკოლის სამოქალაქო კლუბ „ახალი სიცოცხლის"  ინიციატივით და პარტნიორი ორგანიზაციების „პარტნიორობა საგზაო უსაფრთხოებისთვის" „თელავის განათლების განვითარების და დასაქმების ცენტრის" დახმარებით მოეწყო მოსწავლეთა მსვლელობა.

აჭარა. 29 აპრილს, ახალაგაზრდულმა ორგნაიზაცია „არტ ვეიმ" ბათუმის უსინათლოთა კავშირის წევრებს პროექტ „რე-ანიმაციის" ფარგლებში ჩაწერილი მხატვრული ლიტერეტურა გადასცა. უსინათლოებს კავშირი მხატვრული ლიტერატურის თანამედროვე შექმომედებით ვერ უზრუნველყოფს, პროექტის ერთ-ერთი მნიშნველოვანი აქტივობა სწორედ აუდიო ლიტერატურის ჩაწერა და მათთვის მიწოდება იყო. პროექტის ბენეფიციარები კმაყოფილები არიან აღნიშნული საჩუქრით.

სამეგრელო. სახელმწიფო დაზღვევით მოსარგებლეთა პრობლემებზე ისაუბრეს, დღეს 29 აპრილს, დემოკრატიული ჩრთულობის ზუგდიდის ოფისში, ასოციაცია „ჰანგის" მიერ ორგანიზებულ შეხვედრაზე, სადაზღვევო კომპანიების და არასამთავრობო ორგანიზაციების წარმომადგენლებმა. „ჰანგის" ხელმძღვანელის რუსლან საჯაიას თქმით, სადაზღვევო პოლისებით სარგებლობის კომპლექსური პრობლემები არსებობს, რომნლიც სერიოზულ  კვლევას საჭიროებს. მისივე თქმით, კვლევის დასრულების შემდეგ გამოიკვეთება, არსებობს თუ არა ხარვეზები დაზღვევის პროგრამაში და საჭიროებს თუ არა ის  საკანონმდებლო ცვლილებებს.

კახეთი. თელავში მოქმედი ახალგაზრდული საინიციატივო ჯგუფი აგრძელებს აქციას, „წიგნები პატიმრებს", პირველ ეტაპზე სასჯელაღსრულების სამინისტროს უკვე გადაეცა 1000 წიგნი. „აქცია გრძელდება და მოქალაქეებს კვლავ შეუძლიათ მიიტინონ წიგნები თელავის მედია კაფეს და დემოკრატიული ჩართულობის ცენტრში, ჩვენ უკვე გავუგზავნეთ პატიმრებს ათასი წიგნი და ვიმედოვნებთ, რომ მოსახლეობა კვლავ ისეთი აქტიური იქნება, როგორც აქციის პირველ ეტაპზე". –განაცხადა საინიციატივო ჯგუფის წევრმა ერეკლე ცოცანიძემ.

აჭარა. 20–28 აპრილს, სამეცნიერო–ინტელექტუალურმა კლუბმა „თაობათა დიალოგმა" ქობულეთში, გაცვლითი პროგრამის ფარგლებში უმასპინძლა 6 ქვეყნის 54 ახალგაზრდას – სომხეთიდან, უკრაინიდან, ჩეხეთიდან, ლიტვიდან, ბულგარეთიდან და საქართველოდან. პროგრამის მიზანია სხვადასხვა ერებს შორის საერთო კულტურული ღირებულებებისა და ფასეულობების მოძიება. წყარო: ორგანიზაციის გვერდი სოციალურ ქსელში

30 აპრილს,12:00 საათზე, საქართველოს ახალგაზრდა იურისტთა ასოციაცია გამართავს  ანგარიშის პრეზენტაციას. მისამართი: ბათუმი, ფარნავაზ მეფის 62–64, დემოკრატიული ჩართულობის ცენტრი

30 აპრილს, 18.00 საათზე, ჟურნალისტური ეთიკის ქარტია გამართავს დისკუსიას თემაზე – „საავტორო უფლებები და მედია". მისამართი: თბილისი, კალისტრატე ცინცაძის 6–7, ჟურნალისტური ეთიკის ქარტია

თბილისი. „სამოქალაქო საზოგადოების საქართველოს ეროვნული პლატფორმის" და მედიის წარმომადგენლების ინიციატივით, 27 აპრილს სასტუმრო „რედისონში" გაიმართა კონფერენცია თემაზე - „სამოქალაქო კონტროლი უკანონო მოსმენების აღსაკვეთად". შეხვედრის მონაწილეებმა იმსჯელეს წინა ხელისუფლების მიერ მოქალაქეებზე უკანონო თვალთვალისა და მოსმენების შედეგად მოპოვებული მასალების საკითხთან დაკავშირებით. ღონისძიების ერთერთი ორგანიზატორისა და გაზეთ „რეზონანსის" რედაქტორის ლაშა ტუღუშის თქმით,"აუცილებელია მოხდეს იმ მასალების განადგურება, რომელიც წინა ხელისუფლებამ უკანონო გზით მოიპოვა. ეს მასალები არის საქართველოს უახლოესი ისტორიის შავი ლაქა" - აღნიშნა ტუღუშმა. კონფერენციაში მონაწილეობდნენ პრემიერ-მინისტრი ბიძინა ივანიშვილი, პარლამენტის თავმჯდომარე დავით უსუფაშვილი, შს მინისტრი ირაკლი ღარიბაშვილი, იუსტიციის მინისტრის მოადგილე ალექსანდრე ბარამიძე, სახალხო დამცველი უჩა ნანუაშვილი და მედიის წარმომადგენლები. შეხვედრა ფონდი „ღია საზოგადოება-საქართველოს" მხარდაჭერით ჩატარდა. წყარო: osgf.ge კონფერენციის ვიდეო ჩანაწერი (წყარო: livestream.com/nakadi)

იმერეთი.29 აპრილს, საქართველოს ახალგაზრდა იურისტთა ასოციაციის ქუთაისის ფილიალმა ქუთაისის წყალმომარაგების სისტემის რეაბილიტაციის მონიტორინგის შედეგების პრეზენტაცია გამართა. საია მიიჩნევს, რომ „ისეთი მნიშვნელოვანი პროექტის განხორციელება, როგორიცაა - ქუთაისის წყალმომარაგების სისტემის რეაბილიტაცია, საზოგადოებაში დიდ ინტერესს იწვევს და შესაბამისად, ყველა მიმდინარე პროცესი, რომელიც წყალმომარაგების სისტემის რეაბილიტაციის ფარგლებში განხორციელდა (განხორციელდება), უნდა იყოს საჯარო, გამჭვირვალე და ხელმისაწვდომი დაინტერესებულ პირთათვის.   მონიტორინგი განხორციელდა საიას ქუთაისის ფილიალის მიერ პროექტის „ანგარიშვალდებულებისა და გამჭვირვალობის ხელშეწყობა საქართველოში", რომელიც დაფინანსებულია „ფონდი ღია საზოგადოების ინსტიტუტის მიერ" (OSI)" სრულად წყარო: gyla.ge

თბილისი. „წითელი ტერორის ტოპოგრაფია" – ასეთი საგანმანათლებლო–კულტურული ტური დაიწყო საბჭოთა წარსულის კვლევის ლაბორატორიამ. 2 საათიანი ტურის ფარგლებში დაინტერესებული პირები ტურისტული მსვლელობისას ნახავენ იმ შენობებს, რომლებსაც საბჭოთა ბელადების სახელი უკავშირდება და მოისმენენ ამ ადამიანების შესახებ ამბებს, რომლებმაც შეცვალეს საქართველოს ისტორია. დაინტერესებულ პირებს შეუძლიათ დაუკავშირდნენ საბჭოთა წარსულის ლაბორატორიას ელ–ფოსტა: info@sovlab.ge, ან ტელეფონით: 593 78 59 01. წყარო: ორგანიზაციის გვვერდი სოციალურ ქსელში

თბილისი. IREX-ის და ამერიკის სახელმწიფო დეპარტამენტის მხარდაჭერით, თბილისის სახელმწიფო უნივერსიტეტი უმასპინძლებს Fulbright-ის ამერიკელ პროფესორს, ჯეისონ ლინდსის (Ph.D Columbia University), რომელიც 2 კვირის განმავლობაში წაიკითხავს ლექციათა ინტენსიურ კურსს: ამერიკის მთავრობა და დემოკრატიული მოქალაქეობა. კურსის ფარგლებში სტუდენტები გაეცნობიან ამერიკის მთავრობის მოწყობისა და ფუნქციონირების ძირითად მახასიათებლებს. ასევე სამოქალაქო უფლებათა მოძრაობების ისტორიას, მიზეზებსა და შედეგებს. კურსი გაიმართება 4-14 ივნისამდე, ყოველდღიურად (კვირის გარდა) საღამოს საათებში. დარეგისტრირება შეუძლია ნებისმიერი უნივერსიტეტის ყველა კურსის სტუდენტს. თსუ-ს მაგისტრატურის სტუდენტები ინტენსიური კურსის წარმატებით გავლის შემთხვევაში მიიღებენ 5 სასწავლო კრედიტს. კურსის დასრულების შემდეგ მონაწილეებს გადაეცემათ სერთიფიკატები. კურსის სამუშაო ენა არის ინგლისური. საჭიროების შემთხვევაში მოხდება ლექციების თარგმანი. ინტენსიური კურსის გავლის მსურველებმა გამოგზავნეთ თქვენი CV, შემდეგ მისამართზე: demcitizenship@gmail.com განაცხადების მიღების ბოლო ვადაა 15 მაისი.დამატებითი ინფორმაციისთვის ან შეკითხვების შემთხვევაში დაგვიკავშირდით შემდეგ ნომრებზე: 598478797, 555150555 წყარო: IREX

თბილისი. „საერთაშორისო გამჭვირვალობა – საქართველო" ნაძალადევის, სამტრედიისა და ბაღდათის ოლქებში მიმდინარე შუალედურ არჩევნებს ექვსი მობილური ჯგუფის მეშვეობით აკვირდებოდა. „სამივე ოლქში არჩევნებმა საერთო ჯამში მშვიდ გარემოში და ამომრჩეველთა დაბალი აქტივობის ფონზე ჩაიარა. საარჩევნო უბნების გახსნიდან დახურვამდე ორგანიზაციამ მხოლოდ ერთი საჩივარი დაწერა: სამტრედიის მუნიციპალიტეტის სოფელ ხიბლარის მე-20 საარჩევნო უბნის გადასატანი ყუთის მეშვეობით ხმა მისცა ამომრჩეველმა, რომელიც არ იმყოფებოდა არც ძირითად და არც გადასატანი საარჩევნო ყუთის სიაში. სხვა სახის სერიოზული გადაცდომები არ დაგვიფიქსირებია, თუმცა მცირე პროცედურული დარღვევების გამო ჩანაწერთა წიგნში ჩვენმა დამკვირვებლებმა რამდენიმე ათეული შენიშვნა შეიტანეს", ნათქვამია ორგანიზაციის განცხადებაში. სრულად წყარო: transparency.ge

თბილისი. ინფორმაციის განვითარების თავისუფლების ინსტიტუტმა რეგიონული განვითარებისა და ინფრასტრუქტურის სამინისტროდან მიღებული სხვადასხვა სახის საჯარო ინფორმაცია განათავსა საჯარო ინფორმაციის მონაცემთა ბაზაში. ნებისმიერ დაინტერესებულ პირს საშუალება აქვს მიიღოს ინფორმაცია სამინისტროს თანამშრომელთა პრემიების, ინფორმაცია ბიუჯეტიდან „სხვა ხარჯებისთვის" გამოყოფილი თანხების შესახებ,  ინფორმაცია 2012 წლის 20 ოქტომბრის შემდეგ დანიშნული თანამშრომლების შესახებ, ინფორმაცია ავტოპარკზე გაწეული ხარჯების შესახებ, ინფორმაცია დაფინანსებული ღონისძიებების შესახებ, ინფორმაცია საჯარო ინფორმაციის გაცემის ანგარიშების შესახებ, ინფორმაცია თანამშრომლების შესახებ, ინფორმაცია თანამდებობის პირების ბიოგრაფიული მონაცემების შესახებ და ასე შემდეგ. სრულად წყარო:www.opendata.ge

თბილისი. ელჩი ნორლანდი კლუბ „საქართველოს ახალგაზრდა პოლიტიკოსების" წევრებს შეხვდა. მათ ამერიკის შეერთებული შტატების საგარეო პოლიტიკაზე, აშშ-საქართველოს დიპლომატიურ ურთიერთობებსა და ელჩის დიპლომატიურ სამსახურში მოღვაწეობის გამოცდილებაზე ისაუბრეს. „საქართველოს ახალგაზრდა პოლიტიკოსები" არის ახალგაზრდული კლუბი, რომლის მიზანია განავითაროს და გაავრცელოს დემოკრატიული ღირებულებები სხვადასხვა უნივერსიტეტის იმ ახალგაზრდებში, რომლებიც დაინტერესებულები არიან პოლიტიკით. კლუბის ყოველთვიური შეხვედრები სხვადასხვა უნივერსიტეტში პოლიტიკოსებთან და დიპლომატებთან იმართება. 26 აპრილის შეხვედრას თბილისის ღია სასწავლო უნივერსიტეტმა უმასპინძლა. წყარო: აშშ–ს საელჩოს გვერდი სოციალურ ქსელში