საქართველო. „საერთაშორისო გამჭვირვალობა - საქართველოს” ინფორმაციით, ორგანიზაციის სამოქალაქო საბჭოების 2021 წლის მუშაობის შედეგად საქართველოს 4 რეგიონში, სამეგრელოში, იმერეთში, სამცხე-ჯავახეთსა და აჭარაში 95 ინფრასტრუქტურული პრობლემა გადაიჭრა. სამოქალაქო საბჭოები საერთაშორისო გამჭვირვალობა - საქართველოს მიერ ქვეყნის 6 რეგიონში (აჭარა, სამეგრელო, იმერეთი, კახეთი, სამცხე-ჯავახეთი, შიდა ქართლი) შექმნილი მოქალაქეთა არაფორმალური გაერთიანებებია, რომელთა მიზანია ადგილობრივი მოსახლეობისა და თვითმმართველობების დახმარებით, სხვადასხვა თემში არსებული ინფრასტრუქტული საჭიროებების გამოვლენა და გადაწყვეტა. სრულად... წყარო: ორგანიზაციის გვერდი სოციალურ ქსელში

თბილისი. სამოქალაქო აქტივისტი, სამირა ბაირამოვა მის მიერ გამოხატული მშვიდობიანი პროტესტის გამო ძალადობრივი, პრორუსული ჯგუფის მხრიდან მუქარის სამიზნე გახდა. მის უფლებებს საია იცავს. საია მოუწოდებს საგამოძიებო ორგანოს: - გაატაროს სათანადო ზომები სამირა ბაირამოვას უსაფრთხოების დასაცავად; - გააკეთოს მკაფიო განცხადება, რომ ძალადობრივი ჯგუფების ქმედებები არ დარჩება დაუსჯელი; - დროულად გამოიძიოს მუქარის შემცველი ყველა ეპიზოდი და გამოავლინოს პასუხისმგებელი პირები. სრულად... წყარო: gyla.ge

თბილისი. გავრცელებული ინფორმაციით, სამოქალაქო აქტივისტი სამირა ბაირამოვა პრორუსული, ძალადობრივი, კრიმინალური დაჯგუფების, ალტ-ინფოს მუქარის მსხვერპლია. სამირა ბაირამოვამ სამოქალაქო, მშვიდობიანი პროტესტი გამოხატა ამ დაჯგუფების მიერ ქალაქ მარნეულში ოფისის გახსნისა და მათი ღიად კრემლისტური, აგრესიული პოლიტიკის მიმართ. მან ალტ-ინფოს მარნეულის ოფისის გარე ფასადზე უკრაინისა და ევროკავშირის დროშები დახატა. ამ მშვიდობიანი პროტესტის შემდეგ, სამირა ძალადობრივი დაჯგუფების მძიმე მუქარის სამიზნე გახდა. ტოლერანტობისა და მრავალფეროვნების ინსტიტუტი (TDI) მოუწოდებს საქართველოს ხელისუფლებას: „დაუყოვნებლივ გამოიძიოს და აღკვეთოს სამირა ბაირამოვას და სხვა აქტივისტების მიმართ მუქარის თითოეული ფაქტი. აღკვეთოს კრიმინალური დაჯგუფება ალტ-ინფოს საქმიანობა და მისი ლიდერები მიეცენ სისხლის სამართლებრივ პასუხისგებაში“. ორგანიზაცია სრულ მხარდაჭერას და სოლიდარობას უცხადებს სამირა ბაირამოვას და პრორუსული კრიმინალური დაჯგუფების, ალტ-ინფოს ძალადობრივი ქმედებების ყველა მსხვერპლ მოქალაქეს, აქტივისტსა და ჟურნალისტს. სრულად... წყარო: tdi.ge

თბილისი. გაეროს ქალთა ორგანიზაციის ინფორმაციით, ქალთა გაძლიერების ხელმომწერები PASHA Bank Georgia და BDO Academy • ბიდიო აკადემია, კვლავაც აგრძელებენ ქალების მხარდაჭერას და მეწარმე ქალებს მასტერკლასებს სთავაზობენ. სრულად... წყარო: ორგანიზაციის გვერდი სოციალურ ქსელში

სამეგრელო. 16 მარტს, შოთა მესხიას ზუგდიდის სახელმწიფო სასწავლო უნივერსიტეტში ბავშვის უფლებათა ცენტრი გაიხსნა. ღონისძიებას გაეროს ბავშვთა ფონდის წარმომადგენელი საქართველოში, ღასან ხალილი დაესწრო. ცენტრი ხელს უწყობს ბავშვების, მშობლების, დაინტერესებული პირებისა და პროფესიონალების ინფორმირებულობას ბავშვის უფლებების საკითხებზე. ბავშვის უფლებათა ცენტრი გაიხსნა ნორვეგიის დაფინანსებით. სრულად... წყარო: ორგანიზაციის გვერდი სოციალურ ქსელში

თბილისი. გავრცელებული ინფორმაციით, 2022 წლის 6 მარტს, დამოუკიდებელი რუსული მედიასაშუალების „მედიაზონის” ჟურნალისტი დავიდ ფრენკელი საქართველოში არ შემოუშვეს. საქართველოს შინაგან საქმეთა სამინისტროს გადაწყვეტილებაში მითითებულია, რომ ჟურნალისტი „არ აკმაყოფილებს საქართველოს კანონმდებლობით განსაზღვრულ სხვა მოთხოვნებს.“  კოალიცია „მედია ადვოკატირებისთვის“ მიიჩნევს, რომ სამინისტროს გადაწყვეტილება მოკლებულია სამართლებრივ საფუძველს. კოალიციის წევრმა ორგანიზაციამ „უფლებები საქართველომ” დავიდ ფრენკელის ინტერესების დასაცავად უკვე მიმართა საქართველოს შინაგან საქმეთა სამინისტროს და მოითხოვა 2022 წლის 6 მარტის გადაწყვეტილების ბათილად ცნობა. საქართველოში შემოსვლისას დამოუკიდებელი ჟურნალისტების დაბრკოლების პრაქტიკა ქმნის ვარაუდს, რომ დავიდ ფრენკელს დისკრიმინაციულად, სწორედ მისი ჟურნალისტური საქმიანობის გამო არ მიეცა საქართველოს საზღვრის გადაკვეთის შესაძლებლობა.  სრულად... წყარო: rights.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

17 მარტს, 17:00 საათზე, ილიას სახელმწიფო უნივერსიტეტის სამართლის სკოლის ადამიანის უფლებათა მიმართულება გაეროს განვითარების პროგრამასა (UNDP) და საერთაშორისო რესპუბლიკურ ინსტიტუტთან (IRI) თანამშრომლობით გამართავს ჰიბრიდულ საჯარო დისკუსიას თემაზე „ქალების როლი მშვიდობისა და დემოკრატიის მშენებლობის პროცესში“. სრულად...

17 მარტს, 17:00 საათზე, მშობლის სკივრის ორგანიზებით გაიმართება პირდაპირი ჩართვა. თემა: განვითარების მძიმე და ღრმა შეფერხების მქონე ბავშვთა ბინაზე მოვლით უზრუნველყოფის ქვეპროგრამა. სრულად...

17 მარტს, 16:00 საათზე, USAID-ის HICD ინსტიტუციური განვითარების ცენტრი წარმოგიდგენთ ვებინარს - საჯარო ფინანსების მართვის რისკების შეფასება. სრულად...

17 მარტს, 15:00 საათზე, კომუნიკაციების ეროვნული კომისია შპს „ალტ-ინფოს“ წინააღმდეგ, GDI-ს თავმჯდომარის, ედუარდ მარიკაშვილის საჩივრის განსახილველად მიღების საკითხს განიხილავს. სხდომა ონლაინ რეჟიმში ტარდება და მისი ტრანსლირება კომისიის ოფიციალური „Youtube - არხის“ მეშვეობით მოხდება.

თბილისი. ტოლერანტობისა და მრავალფეროვნების ინსტიტუტის ინფორმაციით, უკრაინაში რუსეთის სამხედრო აგრესიის ფონზე, საგანგაშო ხასიათი მიიღო პრორუსული, ძალადობრივი, ექსტრემისტული ჯგუფების გააქტიურებამ საქართველოში. ამავე პერიოდში, ცნობილი გახდა ანტისემიტიზმის რამდენიმე უკიდურესად შემაშფოთებელი ფაქტის შესახებ. ამას ემატება ცალკეული მართლმადიდებელი სასულიერო პირების მიერ გაკეთებული სიძულვილისა და ანტისემიტური, რუსეთის საპატრიარქოსთან თანმხვედრი განცხადებები. სრულად... წყარო: tdi.ge

თბილისი. გავრცელებული ინფორმაციით, სამირა ბაირამოვას „ალტ ინფოს“ მხარდამჭერი მოკვლით ემუქრება - შსს-მ გამოძიება მუქარის მუხლით დაიწყო. საქართველოს ახალგაზრდა იურისტთა ასოციაცია (საია) სამირა ბაირამოვას ინტერესებს დაიცავს მის მიმართ განხორციელებული მუქარისა და ადმინისტრაციული სამართალდარღვევის საქმეებზე. სრულად... წყარო: ორგანიზაციის გვერდი სოციალურ ქსელში ფოტო: marneulifm.ge

თბილისი. ადამიანის უფლებათა ცენტრი 2021-2022 წლის ნოემბერი-თებერვლის წარმატებული საქმეების შესახებ ბლოგპოსტს აქვეყნებს. სრულად... წყარო: www.hrc.ge

თბილისი. ჰაინრიხ ბიოლის ფონდის სამხრეთ კავკასიის რეგიონული ბიურო აქვეყნებს ნარგიზა არჯევანიძის სტატიას: „იარების პოლიტიკა“ - სხეულები და გრძნობები ომის დროს. „შეიარაღებული კონფლიქტების შედეგად გამოწვეული იძულებითი გადაადგილება ომთან შეხების სხეულებრივ განზომილებას მოიცავს, რომელსაც გადაადგილებული პირები არაერთ ემოციურ მდგომარეობასთან ურთიერთქმედებით განიცდიან.  მოცემულ ტექსტში, აფხაზეთიდან დევნილი ქალების ცხოვრების ისტორიების მაგალითზე, ვეცდები, იძულებითი გადაადგილების სწორედ ეს მრავალშრიანი გამოცდილება აღვწერო“, ნათქვამია სტატიაში. სრულად... წყარო: feminism-boell.org ნახატი: ნათია საპანაძე „როგორც პირველად“

თბილისი. „საერთაშორისო გამჭვირვალობა - საქართველომ“ საჯარო სამსახურის ბიუროს დეკლარაციების მონიტორინგის 2021 წლის ანგარიში გამოაქვეყნა. კვლევის შედეგად გამოიკვეთა, რომ „საქართველოში სულ მცირე ყოველმა მეორე თანამდებობის პირმა დეკლარაცია არაკეთილსინდისიერად შეავსო. არაკეთილსინდისიერად შევსებული დეკლარაციების უმეტესობაში თანამდებობის პირებს სამი და მეტი ტიპის დარღვევა ერთდროულად უფიქსირდებათ, რაც ნიშნავს იმას, რომ დეკლარაციებში მოცემული ინფორმაციის მნიშვნელოვანი ნაწილი არაზუსტი ან/და არასრულია. დარღვევებით წარდგენილი დეკლარაციების 76%-ში თანამდებობის პირებმა ნაწილობრივ ან საერთოდ არ მიუთითეს ოჯახის წევრებთან დაკავშირებული ინფორმაცია. მათ შორის: შემოსავლები, უძრავი ქონება, საბანკო ანგარიშები“. სრულად... წყარო: transparency.ge

ქვემო ქართლი. 14-15 მარტს, ქვემო ქართლის მუნიციპალიტეტებში - გარდაბანსა და დმანისში ჩატარდა 5 ტრენინგი „იყავი მის ადგილას“. „ტრენინგების მიზანი იმ მავნე გენდერული სტერეოტიპების, სოციალური ნორმებისა და დამოკიდებულებების ცვლილებაა, რომლებიც ხშირად ქალთა მიმართ ძალადობის გამოწვევია ან ამართლებს ასეთ ქცევას“. სრულად... წყარო: ორგანიზაციის გვერდი სოციალურ ქსელში

თბილისი. „უფლებები საქართველო“ მიიჩნევს, რომ საქართველოს პრეზიდენტის წინააღმდეგ კომპეტენციების შესახებ დავის დაწყების კანონისმიერი საფუძველი არ არსებობს და „ქართული ოცნების“ კონსტიტუციური სარჩელი საკონსტიტუციო სასამართლომ არსებითად განსახილველად არ უნდა მიიღოს. „ჩნდება საფუძვლიანი ეჭვი, რომ კონსტიტუციური სარჩელის შეტანის დაანონსება სალომე ზურაბიშვილის მიერ უკანასკნელ პერიოდში მმართველი ხელისუფლების მიმართ გამოხატულ კრიტიკას უკავშირდება და მიმართულია საქართველოს პრეზიდენტის ინსტიტუტის, მისი როლისა და მნიშვნელობის დაკნინების, ისევე როგორც მოქმედი პრეზიდენტის სამართლებრივი გზებით დაშინებისკენ“. სრულად... წყარო: rights.ge

თბილისი. საქართველოს ახალგაზრდა იურისტთა ასოციაცია (საია) მიიჩნევს, რომ საქართველოს პრეზიდენტის უფლებამოსილებათა პაკეტი გამომდინარეობს მისი სტატუსიდან, რომლის მიხედვითაც ის არის სახელმწიფოს მეთაური, ქვეყნის ერთიანობისა და ეროვნული დამოუკიდებლობის გარანტი. საია თვლის, „ქართული ოცნების განცხადება ემსახურება სალომე ზურაბიშვილის დასჯას მისი პოზიციონირების გამო, რაც აზიანებს პრეზიდენტის ინსტიტუტს და აფერხებს საქართველოს წინსვლას ევროატლანტიკურ სტრუქტურებში გაწევრიანების გზაზე“. სრულად... წყარო: gyla.ge

16 მარტს, 16:00 საათზე, გაიმართება ონლაინ ვებინარი ნიკო კეცხოველის სასკოლო პრემიის მონაწილე სკოლებისათვის. სრულად...

16 მარტს, 15:00 საათზე, საქართველოს ახალგაზრდა იურისტთა ასოციაციის (საია) იურიდიული განათლების ხელშეწყობის ფონდი გიწვევთ ონლაინ დისკუსიაზე: „უკრაინა და საერთაშორისო სამართალწარმოება - პერსპექტივა და გამოწვევები“. სრულად...

16 მარტს, 11:00 საათზე, ევროკავშირი-საქართველოს ბიზნეს საბჭოს ორგანიზებით, მრგვალი მაგიდა სახელწოდებით „ახალ სავაჭრო პარტნიორებთან თანამშრომლობის პერსპექტივები არსებული გეოპოლიტიკური სიტუაციიდან გამომდინარე“ გაიმართება.