თბილისი. სახალხო დამცველი მოუწოდებს სპეციალურ პენიტენციურ სამსახურს დაუყოვნებლივ გადაიყვანონ მიხეილ სააკაშვილი აუცილებელი სამედიცინო გამოკვლევების ჩასატარებლად. „2022 წლის 9 მარტს სახალხო დამცველის რწმუნებულებმა განახორციელეს ვიზიტი N12 პენიტენციურ დაწესებულებაში, სადაც შეხვდნენ პატიმარ მიხეილ სააკაშვილს და გაესაუბრნენ სამედიცინო პერსონალს. ვიზიტმა ცხადყო, რომ აუცილებელია მიხეილ სააკაშვილისთვის რელევანტური გამოკვლევების შესაბამისი პროფილის კლინიკაში დაუყოვნებლივი ჩატარება და შემდგომი სამედიცინო მომსახურების მიწოდება“. სრულად... წყარო: ombudsman.ge

თბილისი. ჰააგის სისხლის სამართლის საერთაშორისო სასამართლოს პროკურორმა 2008 წლის ომის საქმეზე ოსი მაღალჩინოსნების დაპატიმრება მოითხოვა. „საქართველოს კოალიცია სისხლის სამართლის საერთაშორისო სასამართლოსათვის“ მიესალმება პროკურორი ხანის გადაწყვეტილებას 3 პირის მიმართ დაკავების განჩინებების გამოცემის მოთხოვნის წარდგენის თაობაზე. კოალიცია მოუწოდებს: „სისხლის სამართლის საერთაშორისო სასამართლოს წინასასამართლო პალატას - გონივრულ ვადაში განიხილოს პროკურორის მოთხოვნა განჩინებების გამოცემასთან დაკავშირებით; სისხლის სამართლის საერთაშორისო სასამართლოს პროკურორის ოფისს და რომის სტატუტის წევრ სახელმწიფოებს - განჩინებების დაკმაყოფილების შემთხვევაში, ეფექტიანად იმოქმედონ მათ აღსასრულებლად. სრულად... აღსანიშნავია, რომ „უფლებები საქართველო“ აქტიურად იყო ჩართული ჰააგის საერთაშორისო სასამართლოსთვის რუსეთის აგრესიის დამადასტურებელი ფაქტებისა და მტკიცებულებების მიწოდების პროცესში“. წყარო: rights.ge

გურია. ციფრული სივრცე - მეტი შესაძლებლობისთვის ინფორმაციით, დაიწყო პროექტის „თანასწორობა ძლიერი თემისთვის“ განხორციელება, რომელიც ასკანის და მზიანის თემში მაცხოვრებლებს შესაძლებლობას მისცემს განავითარონ პიროვნული უნარ-ჩვევები, მიიღონ ახალი ცოდნა და მნიშვნელოვანი გამოცდილება. „პროექტის ფარგლებში არაერთი საინტერესო აქტივობა იგეგმება, როგორიცაა: ტრენინგები, კურსები, ლექციები, სამეწარმეო-შემეცნებითი ტურები, ფლეშმობები, საინფორმაციო კამპანიები, ფილმის ჩვენება-განხილვები, მასტერკლასები. თითოეული აქტივობა კოვიდ რეგულაციების გათვალისწინებით განხორციელდება. პროექტში ჩართვის შესაძლებლობა აქვთ სოფელ ასკანის და მზიანის თემში მცხოვრებ პირებს, რომლებსაც უკვე შეუსრულდათ 13 წელი. თუ აკმაყოფილებ მონაწილეთა შერჩევის კრიტერიუმებს, მოდი ასკანის საჯარო სკოლაში, ან გააკეთე განაცხადი სატელეფონო კომუნიკაციით. პროექტს „თანასწორობა ძლიერი თემისთვის“ ახორციელებს „ნასაკირალის საინიციატივო ჯგუფი - ნასა“ და ასკანის საჯარო სკოლის „ციფრული სივრცე - მეტი შესაძლებლობა“, ქალთა ფონდი საქართველოში და ქალები საერთო მომავლისთვის (WECF) საქართველოს ოფისთან პარტნიორობით, პროექტის „ქალების ძალაუფლება ინკლუზიისთვის“ ფარგლებში, რომელიც ხორციელდება ადგილობრივ ორგანიზაციებთან „ახალგაზრდა პედაგოგთა კავშირი“, „რაჭის სათემო ორგანიზაცია“, „ქალი და რეალობა“ და „უხუცეს ქალთა საბჭო“ თანამშრომლობით. პროექტის ფინანსური მხარდამჭერია ევროკავშირი“. კითხვების ან რეგისტრაციის სურვილის შემთხვევაში, დარეკეთ: 555 53 78 19 ან 557 93 63 11. სრულად... წყარო: ციფრული სივრცე - მეტი შესაძლებლობა

თბილისი. 8 მარტს, ანიკას დღის ცენტრის ახალგაზრდების მშობლებთან ჩატარდა ტრენინგი „შშმ პირთა სწორი მხარდაჭერა დამოუკიდებელი ცხოვრების უნარების განვითარებაში“. ტრენინგზე განიხილეს ის მიდგომები და ტექნიკები, რომლებიც საჭიროა შშმ პირების დამოუკიდებლობის ხარისხის გაზრდისათვის. ტრენინგი ინტერაქციული ხასიათის იყო. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიისა და საერთაშორისო ურთიერთობების კვლევის ფონდი აქვეყნებს გიორგი ბილანიშვილის ბლოგპოსტს: რა ცვლილებები მოხდა პუტინის რეჟიმის პროპაგანდის ნარატივებში უკრაინაში რუსეთის შეჭრიდან დღემდე. „რუსული პროპაგანდა უდავოდ წარმოადგენს პუტინის რეჟიმის ერთ-ერთ მთავარ საყრდენს, რადგან იგი ამზადებს რუსეთის ფედერაციაში და ასევე მის ფარგლებს გარეთ საზოგადოებრივ აზრს და აყალიბებს რუსეთის აგრესიული მიზნების შესაბამისად. დღევანდელი გადასახედიდან უკვე ალბათ ბევრს აღარ ეპარება ეჭვი, რომ სწორედ პუტინის რეჟიმის პროპაგანდისტები, შესაბამისი ნარატივების გავრცელებისა და გამყარების გამო, არიან იმ გაუგონარი დანაშაულისა და აგრესიის სრულფასოვანი თანამონაწილეები, რასაც პუტინის რეჟიმი უკრაინაში სჩადის“. სრულად... წყარო: www.gfsis.org

იმერეთი. ადგილობრივი დემოკრატიის სააგენტო საქართველომ (LDA Georgia) პროექტის „სამოქალაქო საზოგადოების ინიციატივა“ ფარგლებში სამიზნე მუნიციპალიტეტებში არსებული სამოქალაქო საზოგადოებრივი ორგანიზაციის წარმომადგენლებისა და აქტიური მოქალაქეებისათვის ჩაატარა ტრენინგი ადვოკატირების როლის, მნიშვნელობის, ეტაპებისა და მეთოდების შესახებ. ტრენინგები ტარდება პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

11 მარტს, 17:00 საათზე, ეკონომიკური კვლევის ცენტრი (EPRC) გამართავს დისკუსიას და ტომას კლაინე-ბროკჰოფის წიგნის „მსოფლიოს სჭრიდება დასავლეთი. ლიბერლური წესრიგის ახალი დასაწყისი“ პრეზენტაციას. სრულად...

11 მარტს, 17:00 საათზე, პირდაპირი ჩართვისას ადვოკატები ანა არგანაშვილი და ანა აბაშიძე ისაუბრებენ შშმ ბავშვების მშობელთა უფლებებზე. სრულად...

10 მარტს, 20:00 საათზე, გაიმართება ონლაინ დისკუსია: ომი ევროპაში - შეფასებები აღმოსავლეთ ევროპიდან და სამხრეთ კავკასიიდან. სრულად...

თბილისი. ვოლუნტერის ინფორმაციით, უკრაინელი ხალხის დასახმარებლად თბილისში რამდენიმე ახალგაზრდა გაერთიანდა. ახალგაზრდებმა საკუთარი ინიციატივით მოხალისეობრივად დაიწყეს პირველადი დახმარების მედიკამეტების შესაძენად საჭირო თანხის შეგროვება. „დავიწყეთ თანხის შეგროვება და რამდენიმე დღეში 1400 ლარი შევაგროვეთ. შევიძინეთ მედიკამენტები და გავაგზავნეთ უკრაინაში“. პროექტი ხორციელდება კონრად ადენაუერის ფონდის (KAS) მიერ, საქართველოს სტრატეგიული კვლევებისა და განვითარების ცენტრთან (CSRDG), სამოქალაქო საზოგადოების ინსტიტუტთან (CSI), კონსულტაციის და ტრენინგის ცენტრთან (CTC), განათლების განვითარების და დასაქმების ცენტრთან (EDEC) და ევროპული პოლიტიკის ინსტიტუტთან (IEP) თანამშრომლობით. პროექტს აფინანსებს ევროკავშირი და კონრად ადენაუერის ფონდი. პროექტი მიზნად ისახავს, გააძლიეროს სამოქალაქო საზოგადოება როგორც დამოუკიდებელი, მდგრადი, გამჭვირვალე და ანგარიშვალდებული აქტორი მთელი საქართველოს მასშტაბით. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიისა და საერთაშორისო ურთიერთობების კვლევის ფონდი აქვეყნებს გიორგი ბადრიძის ბლოგპოსტს: მასობრივი უკონტროლო მიგრაცია და საქართველოს ხელისუფლების პოზიცია. „უკრაინაში რუსეთის გაჩაღებულ ომს, მრავალ სხვა შედეგთან ერთად, მოჰყვა რუსეთის მოქალაქეების მრავალათასიანი ნაკადის შემოდინება საქართველოში. ამან ქვეყანაში დაპირისპირების კიდევ ერთი კერა გააჩინა, ოღონდ ამჯერად არა იმდენად საზოგადოების შიგნით, რამდენადაც მოქალაქეთა უმრავლესობას, რომელიც უკონტროლო იმიგრაციაში საფრთხეს ხედავს, და მთავრობას შორის, რომელიც აცხადებს, რომ არ აპირებს კონტროლის თუნდაც მინიმალური დონის შემოღებას. ხელისუფლების ყველაზე მაღალი ტრიბუნებიდან შეიძლება მოისმინოთ კრიტიკოსების დადანაშაულება ქსენოფობიაში და საკუთარი პოზიციის პრაგმატულად წარმოჩენა. მოდი, გავერკვეთ ფაქტებში და იმაში, თუ რამდენად გამართლებულია თითოეული პოზიცია მორალურად ან პრაგმატულად“. სრულად... წყარო: www.gfsis.org

თბილისი. საქართველოში, ისევე როგორც მსოფლიოს ბევრ ქვეყანაში, სოციალური მეწარმეობის იდეას თანდათან მეტი მხარდაჭერა აქვს. მისი როლი სოციალურად მოწყვლადი ჯგუფების ყოველდღიურობაში თანდათანობით გაიზარდა და ამ თემის გარშემო მეტი საზოგადოებრივი კონსოლიდაციაც გაჩნდა, თუმცა ადგილობრივ კონტექსტში საკითხს კვლავაც არ აქვს ფართომასშტაბიანი საჯარო აღიარება და საზოგადოებრივი მხარდაჭერა, რისი ერთ-ერთი განმაპირობებელიც საქართველოში სოციალური მეწარმეობის სექტორის სახელმწიფო დონეზე საკანონმდებლო და პოლიტიკური აუღიარებლობაა. დოკუმენტის მიზანია სამაგიდო კვლევის საფუძველზე, საქართველოში სოციალური მეწარმეობის მცირეხნიანი წარსულისა და სამართლებრივი აღიარების არარსებობის ფონზე, მიმოიხილოს მსოფლიოს სხვადასხვა ქვეყანაში სოციალური მეწარმეობის მიმართულებით არსებული სახელმწიფო პოლიტიკა და ის სამართლებრივი ლანდშაფტი, რომელშიც სოციალური საწარმოები მუშაობენ. კვლევის ფარგლებში სხვა ქვეყნების გამოცდილებისა და საკანონმდებლო ჩარჩოების შეფასების მიზანია, იმ ძირითადი ინსტრუმენტების გამოკვეთა და იმ პოლიტიკის ჩარჩოს დასახვა, რომლის საქართველოში დანერგვაც ხელს შეუწყობს სოციალური მეწარმეობის სფეროს განვითარებას. კვლევა...

თბილისი. სოციალური სამართლიანობის ცენტრის ინფორმაციით, საქართველოში შესაძლოა, გამოსახლებების ახალი ტალღა დაიწყოს და ასობით ადამიანი უსახლკაროდ დარჩეს. „ამის თქმის საფუძველს 1 მარტს, იუსტიციის მინისტრის ბრძანებაში შესული ცვლილები გვაძლევს, რაც საცხოვრისიდან იძულებითი გამოსახლების საქმეებზე კვლავ ძველი, პანდემიამდელი, რეჟიმის განახლებასა და გამოსახლებების ახალი ტალღის დაწყებას ნიშნავდეს“. სრულად... წყარო: socialjustice.org.ge

თბილისი. სახალხო დამცველმა „სადაზღვევო კომპანია იმედი L“-ს ასაკის ნიშნით დისკრიმინაციის აღმოფხვრის შესახებ რეკომენდაციით მიმართა. „გადაწყვეტილებას საფუძვლად დაედო საქართველოს მოქალაქის განცხადება, რომელმაც სადაზღვევო კომპანიისგან სამოგზაურო დაზღვევა შეიძინა. განმცხადებელმა საზღვარგარეთ ყოფნისას ისარგებლა გადაუდებელი სამედიცინო დახმარებით, თუმცა, სადაზღვევო კომპანიამ დაზღვეულის მიერ გაწეული ხარჯების დაფარვაზე უარი განაცხადა იმ მიზეზით, რომ იგი 70 წლის იყო“. სრულად... წყარო: ombudsman.ge

თბილისი. გაეცანით ინფორმაციის თავისუფლების განვითარების ინსტიტუტის (IDFI) კვლევას „რუსული კაპიტალი ქართულ ბიზნესში“. „რუსეთ-უკრაინის კონფლიქტის ფონზე, მნიშვნელოვანია, მოსახლეობა ინფორმირებული იყოს თუ რამდენად მოწყვლადია ქართული ბიზნესი რუსული გავლენების მიმართ. კვლევის ფარგლებში გამოვლინდა, რომ საქართველოში რუსული მსხვილი კომპანიები წარმოდგენილნი არიან კავშირგაბმულობის, ბუნებრივი რესურსების, საბანკო სექტორსა და მობილური ოპერატორების სფეროებში. კვლევა განხორციელდა ამერიკის შეერთებული შტატების საერთაშორისო განვითარების სააგენტოს (#USAID) და Zinc Network-ის დახმარებით“. სრულად... წყარო: idfi.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. კოალიცია ინფორმაციის სანდოობისთვის წარმოგიდგენთ რუსეთის სამ, ყველაზე გავრცელებულ დეზინფორმაციას ომის შესახებ. „რუსეთის ფედერაციის უკრაინაში შეჭრის და საომარი მოქმედებების დაწყებისთანავე, აქტიურად დაიწყო რუსული საინფორმაცია კამპანიაც მთელს მსოფლიოში“. სრულად... წყარო: ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა - საქართველოს შეფასებით, უკრაინის მიმართ სოლიდარობის დემონსტრაციების ფონზე ხელისუფლებამ განაგრძო სამოქალაქო აქტივისტების მიმართ ადმინისტრაციული დაკავების შერჩევითად, არაპროპორციულად და დაუსაბუთებლად გამოყენების პრაქტიკა. „აღნიშნული მიუთითებს ხელისუფლების სურვილზე, რომ უსაფუძვლო დაკავებებით საზოგადოებამ თავი შეიკავოს პროტესტის თუ სოლიდარობის გამოხატვისა და შეკრებისა და მანიფესტაციის უფლებით სარგებლობისგან. მოვუწოდებთ ხელისუფლებას არ გასცდეს კონსტიტუციურ ჩარჩოებს, შეწყვიტოს სამოქალაქო აქტივისტების გამოხატვის თავისუფლების დაუსაბუთებელი, არაპროპორციული და თვითნებური შეზღუდვა“, ნათქვამია განცხადებაში. სრულად... წყარო: transparency.ge

თბილისი. „ფონდი ტასო“ აფხაზეთის ომში გმირულად დაღუპული ათი ქართველი ქალის ამბავს გვიზიარებს. „აფხაზეთის ომის არქივი საბრძოლო გმირობის არაერთ ისტორიას ინახავს, თუმცა, სხვადასხვა მიზეზის გამო, ქალები აქაც ჩრდილში რჩებიან. ბარათებში გამოყენებულია მარო მაყაშვილის ხელნაწერი შრიფტი, რომელიც ჯეპრა • Gepra -ს და კალიგრაფ დავით მაისურაძის თანამშრომლობით შეიქმნა. ორგანიზაცია გამოყენებული მასალების მოწოდებისთვის მადლობას უხდის მარინა ნაჭყებიას“.  სრულად... წყარო: ორგანიზაციის გვერდი სოციალურ ქსელში

თბილისი. საქართველოს წითელი ჯვრის საზოგადოება მადლობას ვუხდით კომპანია Onetoeight-ს და modoo.store-ს მხარდაჭერისთვის. „მათ უსასყიდლოდ გადმოგვცეს 65 ჰუდი, რომელიც გაიგზავნება უკრაინის წითელ ჯვარში დაზარალებული ადამიანებისთვის“. სრულად... წყარო: ორგანიზაციის გვერდი სოციალურ ქსელში

10 მარტს, 12:00 საათზე, კოალიცია „ინფორმაციის სანდოობის“ წევრი ორგანიზაცია „ინფორმაციის თავისუფლების განვითარების ინსტიტუტი“ (IDFI), საქართველოში რუსული კაპიტალის შესახებ კვლევის პრეზენტაციას გამართავს და კვლევის ძირითად მიგნებებს წარადგენს. მისამართი: თბილისი, ტარას შევჩენკოს ქ. 20

თბილისი. „საერთაშორისო გამჭვირვალობა - საქართველოს“ ინფორმაციით, 9 მარტს, ნიკა გვარამიას წინააღმდეგ თბილისის საქალაქო სასამართლოში თითქმის სამი წლის განმავლობაში მიმდინარე სისხლის სამართლის საქმეზე ერთ-ერთი ბოლო სასამართლო განხილვაა ჩანიშნული. შესაძლებელია, რომ სასამართლომ იმავე სხდომაზე განაჩენი გამოიტანოს.  ორგანიზაციის დასკვნით, დასკვნით არ დასტურდება ნიკა გვარამიას მიერ ქონებრივი უფლების გაფლანგვის, კომერციული მოსყიდვის, ყალბი ოფიციალური დოკუმენტის დამზადებისა და გამოყენების, ასევე უკანონო შემოსავლის ლეგალიზაციის ბრალდებები. სახალხო დამცველის შეფასებით, გვარამიასთვის წარდგენილი ბრალდება არ შეიცავს სისხლისსამართლებრივი პასუხისმგებლობის დაკისრებისთვის საკმარის მკაფიო ნიშნებს. „იმედს ვიტოვებთ, რომ სასამართლო პოლიტიკური ჩარევისგან დამოუკიდებელ, კანონიერ და დასაბუთებულ გადაწყვეტილებას მიიღებს.“ სრულად... წყარო: transparency.ge