სამეგრელო. „ათინათის" ახალგაზრდული ცენტრის წევრებისთვის არტ–თერაპიაში ტრენინგები გაიმართა. არტ თერაპიის ერთ-ერთი მთავარი მიზანია ფოკუსირება მოხდეს შეგრძნებებზე და გრძნობებზე. ახალგაზრდებმა რამოდენიმე საათის განმავლობაში ხატვისა და ძერწვის საშუალებით გამოხატეს და ერთმანეთს გაუზიარეს საკუთარი ემოციები რამაც ხელი შეუწყო ახალგაზრდების დაახლოებას. ტრენინგი ჩატარდა USAID პროგრამა "ერთიანობა მრავალფეროვნებაშია" ფარგლებში, რომელსაც საქართველოს გაეროს ასოციაცია, აშშ-ის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით ახორციელებს. სამეგრელოში პროგრამის პარტნიორია ათინათი.  წყარო: ახალგაზრდული ცენტრი

თბილისი. საქართველოს ახალგაზრდა იურისტთა ასოციაციამ მოამზადა პრაქტიკული სახელმძღვანელო გაფიცვის უფლებით სარგებლობის შესახებ. გაეცანით რა პროცედურა უნდა დაიცვას ადამიანმა გაფიცვისა სრულად... წყარო: ახალგაზრდა იურისტთა ასოციაცია

აჭარა. სამოქალაქო საზოგადოების ინსტიტუტის (CSI) მიერ ხელვაჩაურის მუნიციპალიტეტში გამოცხადებული ახალგაზრდული კონკურსის გამარჯვებულები გამოვლინდნენ. კონკურსის ფარგლებში შემოვიდა საკონკურსო 4 განაცხადი. ჟიურიმ, რომლის შემადგენლობაში იყვნენ: ნინო ჩხაიძე, თეონა დიასამიძე, ნათია აფხაზავა და თემურ ჯალიაშვილი, გამარჯვებულად მარიამ ბოლოქვაძის და ნიკოლოზ უშარიძის განხორციელებული აქტივობა მიიჩნია, რომელიც მათი აზრით, უკეთ პასუხობს კონკურსის მიზნებს – ახალგაზრდების სამოქალაქო პასუხისმგებლობის ზრდას და ევროპული ღირებულებების დამკვიდრების ხელშეწყობა გამარჯვებული იდეის ავტორებმა - მარიამ ბოლქვაძემ და ნიკოლოზ უშარიძემ, ხელვაჩაურში, სოფელ შარაბიძეებში განახორციელეს სამოქალაქო აქტივიზმის კამპანია „ფემინიზმი“. ახალგაზრდებმა ფემინიზმთან დაკავშირებული სტერეოტიპული წარმოდგენების შესაცვლელად და ადგილობრივი მოქალაქეების ცნობიერების ასამაღლებლად არაერთი აქტივობა განახორციელეს. კონკურსი ჩატარდა სამოქალაქო საზოგადოების ინსტიტუტის (CSI) მიერ, პროექტის – „ადგილობრივი განვითარების აქტორებს შორის მყარი კავშირების დამყარება“ – ფარგლებში, გერმანული ორგანიზაციის „პური მსოფლიოს“ (BFTW) მხარდაჭერით. წყარო: სამოქალაქო საზოგადოების ინსტიტუტი

თბილისი. საქართველო–უკრაინის პლატფორმა გამოკითხვას ატარებს, რომლის მიზანია საქართველოში მცხოვრები უკრაინელების საკომუნიკაციო საჭიროებების გამოვლენა უკრაინული სახლის შემდგომი ეფექტური მუშაობისთვის და სამიზნე აუდიტორიის საინფორმაციო საჭიროებების უზრუნველყოფისთვის. კვლევა ხორციელდება გაეროს განვითარების პროგრამისა და გერმანიის მხარდაჭერით, პროექტის „კანონის უზენაესობისა და მართლმსაჯულებაზე ხელმისაწვდომობის გაუმჯობესება ყველასთვის“ ფარგლებში.  კონსულტაციის და ტრენინგის ცენტრი მხარს უჭერს საქართველოში უკრაინული თემის და უკრაინელი დევნილების საკომუნიკაციო საჭიროებების გამოკვლევას და საკომუნიკაციო სტრატეგიის შექმნას ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ (STAR Initiative) ფარგლებში. გამოკითხვას ატარებს ქართულ-უკრაინული პლატფორმა. სრულად...  წყარო: ქართულ–უკრაინული პლატფორმა

თბილისი. საქართველოს დაუნის სინდრომის ასოციაციამ დაუნის სინდრომის მქონე ბავშვებისა და ზრდასრულების ჯანმრთელობის მეთვალყურეობის მარტივად საკითხავი გზამკვლევი შექმნა.  გზამკვლევი პროექტის „დაუნის სინდრომის მქონე პირთა ჯანდაცვის სერვისების ადვოკატირების“ ფარგლებში შეიქმნა, რომელიც საქართველოს დაუნის სინდრომის ასოციაციამ USAID-ის სამოქალაქო საზოგადოების ჩართულობის პროგრამის მხარდაჭერით მოამზადა. სრულად... წყარო საქართველოს დაუნის სინდრომის ასოციაცია

თბილისი.დამოუკიდებელი და გამჭვირვალე მართლმსაჯულებისთვის კოალიციამ მართლმსაჯულების რეფორმის ხედვა წარადგინა. მართლმსაჯულების ფუნდამენტური რეფორმის განხორციელების მიზნით, კოალიცია მნიშვნელოვნად მიიჩნევს შემდეგი ნაბიჯების გადადგმას: „პირველი საფეხური: სასამართლო სისტემაში არსებული პრობლემების შეფასება საპარლამენტო/საგამოძიებო კომისიამ, ინკლუზიური და გამჭვირვალე პროცესით, სრულყოფილად და ობიექტურად უნდა გამოიკვლიოს სასამართლო სისტემაში არსებული არაფორმალური/კლანური და პოლიტიკური გავლენების მასშტაბი, ასევე კორუფციის დონე. მეორე საფეხური: სასამართლო სისტემის გაჯანსაღების სტრატეგია და სამოქმედო გეგმა სასამართლო სისტემაში არსებული პრობლემის მასშტაბის შეფასების შემდგომ, დაინტერესებულ პირთა ჩართულობით, მომზადდეს სასამართლო სისტემის რეალური გაჯანსაღების სტრატეგია და სამოქმედო გეგმა. მესამე საფეხური: სტრატეგიისა და სამოქმედო გეგმის იმპლემენტაცია  სტრატეგიითა და სამოქმედო გეგმით განსაზღვრულმა დაწესებულებებმა უნდა უზრუნველყონ შემუშავებული სტრატეგიისა და სამოქმედო გეგმის იმპლემენტაცია. იმპლემენტაციის პროცესი უნდა იყოს გამჭვირვალე და ინკლუზიური“.  სრულად...  წყარო: gyla.ge

ქვემო ქართლი. სამოქალაქო საზოგადოების ინსტიტუტმა(CSI), USAID-ის ადგილობრივი თვითმმართველობის პროგრამის ფარგლებში, დაიწყო შესაძლებლობების გაძლიერების პროგრამა მუნიციპალიტეტის თანამშრომლებისთვის, რომელიც ეყრდნობა მოქალაქეთა მონაწილეობის ხარისხის თვიშეფასებას (www.ppmeter.ge). პროგრამა, მუნიციპალიტეტების წარმომადგენლებს დაეხმარება განივითარონ სისტემური ხედვა და შესაძლებლობები მტკიცებულებებზე დაფუძნებული პოლიტიკის შემუშავებისათვის და შეძლონ სტანდარტების შესაბამისი სტრატეგიული დოკუმენტების, მათ შორის სამოქმედო გეგმების შემუშავება, რათა გააძლიერონ მოქალაქეთა მონაწილეობა ადგილობრივ დონეზე.  შესაძლებლობების გაძლიერების პროგრამა დაიწყო „სისტემური ხედვის“ ტრენინგით დმანისის მუნიციპალიტეტში. სწავლების პროგრამაში ამჯერად ჩართულები არიან მერიის და საკრებულოს თანამშრომლები და წევრები ოთხი მუნიციპალიტეტიდან - დმანისიდან, ჩოხატუარიდან, მარნეულიდან და ბათუმიდან.  იგი მოიცავს სამ მიმართულებას: „ადგილობრივ დონეზე მოქალაქეთა მონაწილეობის ხარისხის თვითშეფასების“ ინსტრუმენტს; დაგეგმვას - სისტემური ხედვის შემუშავებას; სტრატეგიული დოკუმეენტებს შემუშავებას. შესაძლებლობების გაძლიერების პროგრამა დაიწყო „სისტემური ხედვის“ ტრენინგით დმანისის მუნიციპალიტეტში. წყარო: სამოქალაქო საზოგადოების ინსტიტუტი

თბილისი. გაინტერესებთ როგორ რეგულირდება საჯარო სამსახურში საჯარო მოხელისათვის შესვენებისა და ბავშვის კვების მიზნით დამატებითი შესვენების საკითხი? გაეცანით საიას ბლოგს, რომლის ავტორია ნინო მაჭარაშვილი. სრულად...  წყარო: საქართველოს ახალგაზრდა იურისტთა ასოციაცია

აჭარა. აღმოსავლეთ პარტნიორობის ქვეყნებიდან ურბანულ ფორუმს 200–ზე მეტი დელეგატი ესწრებოდა, რომელიც ბათუმში გაიმართა. ფორუმი ევროკავშირის და გაეროს განვითარების პროგრამის მხარდაჭერით ჩატარდა. ქალაქების განვითარების ახალი გზების მოძიება იყო ფორუმის მთავარი მიზანი. მონაწილეებმა განიხილეს, თუ როგორ უნდა მოგვარდეს კომპლექსური მუნიციპალური საკითხები მწვანე, ინკლუზიური და მედეგი ქალაქების შექმნის გზით და რა შესაძლებლობებს ქმნის კერძო და საჯარო სექტორების პარტნიორობა და ფინანსირება ქალაქების მდგრადი ზრდისა და ინოვაციების განვითარებისთვის.  სრულად...  წყარო: ევროკავშირის წარმომადგენლობა

თბილისი. პლატფორმა „კომენტარი“ აქვეყნებს პუბლიკაციას, რომელიც იძულებითი გამოსახლების პრაქტიკებს ეხება.  „უძრავი ქონებით დატვირთული ვალდებულებები ზოგჯერ გამოსახლებით სრულდება. ამის მიზეზი შეიძლება იყოს მაღალი და მზარდი საპროცენტო განაკვეთი, ეკონომიკურად არასტაბილური გარემო და ისეთი უსამართლო ხელშეკრულებები, რომლებიც უთანასწორო მდგომარეობაში აყენებს მსესხებელს“.  რატომ უნდა გვაინტერესებდეს ეს საკითხი ან რა რეგულაციები მოქმედებს სფეროში იხილეთ „კომენტარის“ პუბლიკაციაში, ვრცლად... წყარო: პლატფორმა „კომენტარი“

თბილისი. სოციალური სამართლიანობის ცენტრი შოთა კინწურაშვილის სტატიას აქვეყნებს: „ რუსეთის იმპერიის რელიგიური კოლონიალიზმის სახე საქართველოს ეკლესიაში“.  „საინტერესოა, რა ფორმით შემოდიოდა იმპერიის საეკლესიო დღის წესრიგი, პოლიტიკა და ხედვები ივერიის ეკლესიის მრავალსაუკუნოვან ყოველდღიურობაში, რომელიც 1917 წლამდე მოთვინიერების, დამონებისა და მისი წარსული ავთენტურობის წაშლის ბოროტ ექსპერიმენტად შეიძლება შეფასდეს“, ნათქვამია სტატიაში. სრულად... წყარო: სოციალური სამართლიანობის ცენტრი  

თბილისი. საერთაშორისო გამჭვირვალობა-საქართველომ საპარლამენტო მონიტორინგის პროექტის ფარგლებში შესრულებულ კვლევა გამოაქვეყნა.  იგი მოიცავს გენდერული თანასწორობის საბჭოს საქმიანობას X მოწვევის პარლამენტში, 2022 წლის 1 ივნისიდან 2023 წლის 30 ივნისის ჩათვლით.  კვლევის ფარგლებში, ორგანიზაციამ შეისწავლა და შეაფასა საბჭოს საქმიანობა შემდეგი მიმართულებებით:  კანონმდებლობის გენდერული ანალიზი;  საკანონმდებლო ინიციატივებზე მუშაობა;  ანგარიშვალდებული ორგანოების საქმიანობის ზედამხედველობა და მონიტორინგი  გენდერულ საკითხებთან დაკავშირებით;  რეაგირება გახმაურებულ ფაქტებსა და მოვლენებზე;  განხილული და მიღებული განცხადებები.  ორგანიზაციის გვერდზე ნათქვამია, რომ კვლევა ეფუძნება პარლამენტიდან გამოთხოვილ საჯარო ინფორმაციას, ასევე პარლამენტის ვებგვერდზე არსებულ მონაცემებსა და ორგანიზაციის დაკვირვებებს. სრულად... წყარო: საერთაშორისო გამჭვირვალობა-საქართველო

თბილისი. საქართველოს ახალგაზრდა იურისტთა ასოციაციამ საქართველოს პარლამენტს ადამიანის უფლებათა ევროპული სასამართლოს გადაწყვეტილებების აღსრულებასთან დაკავშირებით ოთხი ალტერნატიული ანგარიში წარუდგინა. ალტერნატიული ანგარიშები სტრასბურგის სასამართლოს მიერ საქართველოს წინააღმდეგ გამოტანილი გადაწყვეტილებებისა და განჩინებების აღსრულების მიზნით სახელმწიფოს მხრიდან გატარებულ ზოგად და ინდივიდუალურ ღონისძიებებს აფასებს და, დამატებით, სახელმწიფოს კონკრეტული ნაბიჯების გადადგმისკენ მოუწოდებს. გაეცანით სრულად იმ საქმეებს, რომლის შესახებაც საიამ ანგარიში წარადგინა... წყარო: საქართველოს ახალგაზრდა იურისტთა ასოციაცია

თბილისი.საზოგადოებრივი ორგანიზაციები ერთობლივ განცხადებას ავრცელებენ – „ხელისუფლება სამოქალაქო საზოგადოების წევრებისა და საერთაშორისო პარტნიორების შევიწროების გზით ეროვნულ ინტერესებს საფრთხეში აგდებს“.  „ორგანიზაცია „კანვასისა“ და „კანვას საქართველოს“ მიმართ გაკეთებული ცილისმწამებლური განცხადებებით, ხელისუფლება ცდილობს, შეზღუდოს ადამიანები, რომლებმაც იციან და სხვებსაც ასწავლიან, როგორ დაიცვან საკუთარი ინტერესები, ხმა და უფლებები არაძალადობრივად“, ნათქვამია განცხადებაში.  სრულად...  წყარო: ღია საზოგადოების ფონდი

თბილისი. 5 ოქტომბერს გაიმართა მასწავლებელთა ეროვნული ჯილდო – 2023–ის დასკვნითი ღონისძიება. ჯილდოს მფლობელი გორის მე–8 საჯარო სკოლის ბიოლოგიის მენტორი მასწავლებელი ნინო ფსუტური გახდა. ორგანიზატორების ინფორმაციით, მასწავლებლის ეროვნული ჯილდოს კონკურსი 2017 წელს პირველად ჩატარდა. ჯილდოს კონკურსში შვიდი წლის განმავლობაში მონაწილეობა მიიღო 800-ზე მეტმა მასწავლებელმა, ხოლო წარდგენილი იყო 4 663 პედაგოგი. ეროვნული ჯილდოს ფინალურ ღონისძიებაზე, სამოქალაქო საზოგადოების ინსტიტუტის სამოქალაქო კამპანიის „ეს ქვეყანა შენიას“ ფარგლებში დაჯილდოვდა თბილისის ქაქუცა ჩოლოყაშვილის სახელობის #178 საჯარო სკოლის მასწავლებელი – თამარ ცანავა. სამოქალაქო კამპანიის „ეს ქვეყანა შენია“ მიმდინარეობს სამოქალაქო საზოგადოების ინიციატივის პროექტის ფარგლებში, რომლის მხარდამჭერია ევროკავშირი და კონრად ადენაუერის ფონდი.  კონკურსის გენერალური სპონსორია „გუდავაძე-პატარკაციშვილის ფონდი“, ოქროს სპონსორები არიან „ლიბერთი ბანკი“ და ილიას სახელმწიფო უნივერსიტეტი. სპონსორები არიან: EPAM Georgia, კონსულტაციისა და ტრენინგის ცენტრი (ctc) და ალტე უნივერსიტეტი, ხოლო ჯილდოს მხარდამჭერები არიან: განათლებისა და მეცნიერების სამინისტრო, მასწავლებელთა პროფესიული განვითარების ეროვნული ცენტრი, პირველი არხი|ტელესკოლა და ციფრული-კრეატიული სააგენტო „მავერიკი“. სრულად...

თბილისი. საქართველოს ახალგაზრდა იურისტთა ასოციაცია ვერიკო ჯგერენაიას ბლოგს ავრცელებს, რომელიც დედების შრომით უფლებებს ეხება. „მნიშვნელოვანია, დედებისთვის შვილის ყოლა არ ასოცირდებოდეს დაკარგულ სამსახურთან ან ნაკლებ სოციალურ გარანტიებთან. სახელმწიფოსთვის პრიორიტეტული უნდა იყოს ოჯახის მხარდაჭერა სათანადო შრომითი პირობების შექმნის გზით, რათა მშობლებმა მოახერხონ სამუშაოსა და ოჯახის საქმეების შეთავსება და უზრუნველყონ ბავშვის აღზრდისათვის შესაბამისი დროის ოჯახისათვის გამოთავისუფლება“, ნათქვამია ბლოგში.  სრულად...  წყარო: საქართველოს ახალგაზრდა იურისტთა ასოციაცია

ევროპის ფონდის ღია საგრანტო პროგრამის საკონსულტაციო ონლაინ შეხვედრა გაიმართება 6 ოქტომბერს, 15:00 საათზე. დასწრების მსურველებმა გაიარეთ რეგისტრაცია შემდეგ ბმულზე ... 

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი…

თბილისი. 5 ოქტომბერს მასწავლებელთა საერთაშორისო დღეა.  ევროკავშირის წარმომადგენლობა საქართველოში მასწავლებლების საერთაშორისო დღესთან დაკავშირებით მილოცვას ავრცელებს. „დღეს აღვნიშნავთ იმ როლს, რომელსაც მასწავლებლები უკეთესი სამყაროსკენ გზის გაკვალვაში ასრულებენ. მათ აქვთ სასიკეთო ცვლილებების გამოწვევის ძალა. ევროკავშირი კი, პარტნიორებთან ერთად, მასწავლებლებს აძლიერებს იმ უნარებით, რომლებიც მათ განათლების სფეროს ფორმირებასა და ინოვაციების დანერგვით მდგრადი მომავლის შექმნაში ეხმარება.“ სრულად... წყარო: ევროკავშირის წარმომადგენლობა საქართველოში  

თბილისი. კავკასიის გარემოს დაცვითი ორგანიზაციების ქსელი ავსტრიის განვითარების თანამშრომლობის მხარდაჭერით ახალ პროექტს „მწვანე კავკასია“ იწყებს. პროექტის მთავარი მიზანი ტყის რესურსების მდგრადი, მრავალფუნქციური გამოყენების ხელშეწყობა და ამ გზით სოფლის ეკონომიკის დივერსიფიკაციაა.  პროექტი აქცენტს დეცენტრალიზაციის ხელშეწყობაზე და, ასევე, ქალების, ახალგაზრდებისა და მოწყვლადი ჯგუფების გაძლიერებაზე გააკეთებს. სრულად... წყარო: კავკასიის გარემოს დაცვითი ორგანიზაციების ქსელი

თბილისი. პარტნიორობა ადამიანის უფლებებისთვის აქვეყნებს სოფო მენაბდიშვილის ბლოგს – „მოსწავლის შევიწროვება სასკოლო გარემოში“.  ბლოგი ამ თემის მიმართ არსებულ აქტუალურ კითხვებბზე პასუხებს აერთიანებს. სრულად... წყარო: ორგანიზაციის გვერდი სოციალურ ქსელში

თბილისი.ახალგაზრდა იურისტთა ასოციაცია სამართლებრივ შეფასებას აქვეყნებს.  „უსაფუძვლოა პრეზიდენტის მიმართ იმპიჩმენტის პროცედურის დაწყება, ვინაიდან პრეზიდენტი მოქმედებდა კონსტიტუციის 78-ე მუხლის მიერ მისთვის დაკისრებული ვალდებულების შესასრულებლად, ხოლო მთავრობამ თავად არ შეასრულა შემხვედრი ვალდებულება, რომელიც თანხმობის გაცემას გულისხმობდა პრეზიდენტის მიერ ისეთი ქმედებების სისრულეში მოსაყვანად, როგორიცაა ევროკავშირში გაწევრიანების მიზნებისთვის შეხვედრების და მოლაპარაკებების წარმოება“, ნათქვამია ორგანიზაციის შეფასებაში. სრულად... წყარო: საქართველოს ახალგაზრდა იურისტთა ასოციაცია