თბილისი. საქართველოს დაუნის სინდომის ასოციაციამ დაუნის სინდრომის მქონე ბავშვთა, მოზარდთა და ზრდასრულთა სამედიცინო მეთვალყურეობის ცხრილები შექმნა,რომლებიც პოსტერების სახით გადაეცემა პირველადი ჯანდაცვის დაწესებულებებს. ცხრილები შექმნილია ამერიკის პედიატრიის აკადემიის და დაუნის სინდრომის გლობალური ფონდის, ამერიკის სამედიცინო აკადემიის გაიდლაინების საფუძველზე აღნიშნული პოსტერების მიზანია პედიატრებისთვის და ოჯახის ექიმებისთვის მუშაობის გამარტივება. ცხრილები აშშ–ის საერთაშორისო განვითარების სააგენტოს სამოქალაქო საზოგადოების ჩართულობის პროგრამის მხარდაჭერით, პროექტის, „დაუნის სინდრომის მქონე პირთა ჯანდაცვის სერვისების ადვოკატირების“ ფარგლებში შეიქმნა. სრულად... წყარო: საქართველოს დაუნის სინდომის ასოციაცია

თბილისი. საქართველოს ახალგაზრდა იურისტთა ასოციაცია „რუსული კანონის“ წინააღმდეგ მასობრივი აქციების დროს დაკავებული აქციის მონაწილის უფლებებს ადამიანის უფლოებათა ევროპულ სასამართლოში დაიცავს.  ბოლო 2 თვის განმავლობაში ეს საიას მიერ ადამიანის უფლებათა ევროპულ სასამართლოში გაგზავნილი მეორე საჩივარია, რომელიც „საქართველოში თვითნებური დაკავების პრაქტიკასა და ადმინისტრაციულ სამართალდარღვევათა საქმეებში სასამართლო კონტროლის გარანტიების ნაკლოვანებებს შეეხება“, ნათქვამია ორგანიზაციის გვერდზე. სრულად...  წყარო: საქართველოს ახალგაზრდა იურისტთა ასოციაცია

თბილისი. 10 ოქტომბერს, თბილისში, ამ სახელწოდებით გაიმართა საჯარო ჰიბრიდული კონფერენცია, რომლის ორგანიზატორები იყვნენ სამოქალაქო საზოგადოების ინსტიტუტი (CSI) და არასამეწარმეო სამართლის ევროპული ცენტრი (ECNL). ღონისძიება გახსნა საქართველოში ევროკავშირის დელეგაციის თანამშრომლობსი ხელმძღვანელმა, ბატონმა ნიკოლას სენდროვიჩმა, რომელმაც ისაუბრა სამოქალაქო სივრცის მნიშვნელობაზე ქვეყნისათვის ევროკავშირისკენ გზის გაკვლევის ამ მნიშვნელოვან პროცესში. სიტყვით მიმართეს ღონისძიების სტუმრებს, ასევე, სამოქალაქო საზოგადოების ინსტიტუტის დირექტორმა და არასამეწარმეო სამართლის ევროპული ცენტრის წარმომადგენელმაც. კონფერენციის პირველი, უცხოენოვანი, პანელი შედგებოდა აღმოსავლეთ პარტნიორობის ქვეყნების წარმომადგენლებისაგან, რომლებმაც ისაუბრეს საკუთარი ქვეყნების გამოცდილებებსა და რეგიონში დღეისათვის არსებულ გამოწვევებზე. მეორე, ქართულენოვანი პანელის დისკუსია კი შედგა საიას, დემოკრატიის დამცველების, ECNL-ისა და OGP -ის წარმომადგენლის, აღმოსავლეთ პარტნიორობა/ევროკავშირი მთლიანობისთვის პროგრამის ლიდერის მონაწილეობით. ღონისძიების ფარგლებში გაანალიზდა საქართველოში სამოქალაქო საზოგადოების გარემოს; გაზიარდა სამოქალაქო სივრცის შეზღუდვისა და ამ პროცესის პრევენციისთვის რეგიონის მასშტაბით არსებული გამოცდილება; ასევე შედგა მსჯელობა პრიორიტეტებისა და მომდევნო ნაბიჯების შესახებ, საქართველოში გარემოს გაუმჯობესებისათვის. კონფერენცია სსო მეტრის პროექტის ნაწილია, რომელიც სამოქალაქო საზოგადოების ორგანიზაციების გარემოს იკვლევს და 11 უფლებრივი სტანდარტით აფასებს. პროექტი ხორციელდება აღმოსავლეთ ევროპის ქვეყნების ორგანიზაციების მიერ ECNL – ის ხელმღვანელობითა და ევროკავშირის ფინანსური მხარდაჭერით.

თბილისი. რა უფლებები აქვს მოქალაქეებს და რა მოვალეობები აქვთ სამართალდამცავებს აქციების შემთხევაში.  გაეცანით საინფორმაციო ბარათს, რომელსაც ახალგაზრდა იურისტთა ასოციაცია აქვეყნებს. საინფორმაციო ბარათი მომზადებულია საერთაშორისო პარტნიორობა ადამიანის უფლებებისათვის (IPHR) -ის ფინანსური ხელშეწყობით, პროექტის „პროტესტის უფლების ხელშეწყობა ევრაზიის რეგიონში" ფარგლებში. სრულად... წყარო: საქართველოს ახალგაზრდა იურისტთა ასოციაცია 

თბილისი. „უფლებები საქართველომ“ მოამზადა გზამკვლევი დამწყები მეწარმეებისათვის, რომლის მიზანიცაა ხელი შეუწყოს ქალებს ბიზნესის დაწყებასა და მართვაში, ასევე არსებული ბიზნესის გაფართოებაში.  გზამკვლევი მომზადდა პროექტის - „გენდერული და ოჯახში ძალადობის მსხვერპლთა მხარდაჭერა“ - ფარგლებში, რომელსაც „უფლებები საქართველო“ და კიდევ ოთხი არასამთავრობო ორგანიზაცია, ევროკავშირისა და ASB საქართველოს მხარდაჭერით ახორციელებს.  სრულად...  წყარო: უფლებები საქართველო

სამეგრელო. „ათინათის" ახალგაზრდული ცენტრის წევრებისთვის ტრენინგი თემაზე „მშვიდობა, გენდერი და მრავალფეროვნება" ჩატარდა. ტრენინგი ჩატარდა USAID პროგრამა "ერთიანობა მრავალფეროვნებაშია" ფარგლებში, რომელსაც საქართველოს გაეროს ასოციაცია, აშშ-ის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით ახორციელებს. სრულად... წყარო: ათინათი

მცხეთა-მთიანეთი.დუშეთში, ქალაქის ცენტრალურ მოედანზე, სადაც მდებარეობს ადმინისტრაციული შენობები, არ იყო გამოყოფილი შეზღუდული შესაძლებლობების მქონე პირების ავტომანქანებისთვის შესაბამისი პარკირების ადგილები.  საქართველოს ახლაგაზრდა იურისტთა ასოციაცია 2017 წლიდან დღემდე აწარმოებდა საადვოკაციო კამოანიას პრობლემის მოგვარების მიზნით 2023 წელს მუნიციპალიტეტმა დაიწყო შესაბამისი სამუშაოების წარმოება. შედეგად, შშმ პირებისთვის ქალაქის ცენტრალურ ქუჩაზე გამოიყო პარკირების ადგილები.სამუშაოები უახლოეს პერიოდში დასრულდება და შშმ პირებს შესაძლებლობა ექნებათ ისარგებლონ ინდივიდუალურად მათთვის გამოყოფილი პარკირების ადგილებით. სრულად...   წყარო: საქართველოს ახალგაზრდიურისტთა ასოციაცია

თბილისი. საერთაშორისო გამჭვირვალობა-საქართველო მაუწყებლობის შესახებ კანონში შეტანილ ცვლილებებს ანალიტიკური მასალით ეხმაურება – „კანონის ძალით: ქართული მედია ცენზურის საფრთხის პირისპირ“.  ორგანიზაცია მოუწოდებს საქართველოს პრეზიდენტს ვეტო დაადოს „მაუწყებლობის შესახებ“ კანონში დაჩქარებული წესით მიღებულ ცვლილებებს. საერთაშორისო გამჭვირვალობა-საქართველო მიიჩნევს, რომ „მსგავსი მნიშვნელობის ცვლილებები არ უნდა მიიღებოდეს დაინტერესებულ მხარეებთან კონსულტაციებისა და ფართო ჩართულობის გარეშე, რასაც მოითხოვს ევროდირექტივაც აუდიოვიზუალური მედიამომსახურების შესახებ“, ნათქვამია განცხადებაში სრულად... წყარო: საერთაშორისო გამჭვირვალობა-საქართველო

ქვემო ქართლი. კავკასიის გარემოსდაცვითი არასამთავრობო ორგანიზაციების ქსელმა (CENN) შვეიცარიული ორგანიზაცია HEKS/EPER-ის ფინანსური მხარდაჭერით, ახალგაზრდებისათვის გარემოს დაცვისა და კლიმატის ცვლილებების მიმართ მედეგი სოფლის მეურნეობის თემატურ ბანაკს უმასპინძლა.  ბანაკი გაიმართა პროექტის – „კლიმატის ცვლილების მიმართ მედეგი სოფლის მეურნეობა – PRAISE Marneuli” ფარგლებში. ბანაკში მონაწილეობდნენ მარნეულის მუნიციპალიტეტში მცხოვრებმა 15 ახალგაზრდა. მათ გაიღრმავა ცოდნა სასურსათო სისტემების, სოფლის განვითარებისა, სოფლის მეურნეობის კლიმატის ცვლილების შესახებ.  სრულად... წყარო: კავკასიის გარემოსდაცვითი არასამთავრობო ორგანიზაციების ქსელი

თბილისი. სოციალური სამართლიანობის ცენტრი მაუწყებლობის კანონში შეტანილ ცვლილებებს ეხმაურება.  „19 ოქტომბერს მაუწყებლობის კანონში შეტანილი ცვლილებები, რაც განსაკუთრებულად აფართოებს ეროვნული კომისიის უფლებამოსილების ფარგლებს ჩაერიოს მაუწყებლების პროგრამების შინაარსში, საქართველოში მედია ორგანიზაციების კონტროლისა და ცენზურის დაწესების საფრთხეს ზრდის.“ - ნათქვამია განცხადებაში.  სრულად... წყარო: სოციალური სამართლიანობის ცენტრი

ქვემო ქართლი. ბოლნისის მუნიციპალიტეტის სოფელ ტანძიასა და ხატისსოფელში, 17 ოქტომბერს დასახლების საერთო კრება გაიმართა.  შეხვედრის მიზანი იყო თვითდახმარების ჯგუფთა და ადგილობრივი თვითმმართველობის წარმომადგენელთა თანამშრომლობა, რათა თემის დონეზე გამოკვეთილი პრიორიტეტები და საჭიროებები გათვალისწინებული იქნას ადგილობრივი ბიუჯეტირების პროცესში.  შეხვედრა ჩატარდა „ქალთა ეკონომიკური გაძლიერება სოციალური მობილიზაციისა და შესაძლებლობათა განვითარების გზით” პროექტის მეორე ფაზის ფარგლებში, რომელსაც ფონდი „ტასო“ გაეროს ქალთა ორგანიზაციასთან, კახეთის რეგიონალური განვითარების ფონდსა და ქეა საერთაშორისო კავკასიასთან პარტნიორობით ახორციელებს.  პროექტის მხარდამჭერია შვეიცარიის განვითარების და თანამშრომლობისა (SDC) და ავსტრიის განვითარების თანამშრომლობის (ADC) სააგენტოების მიერ.  სრულად... წყარო: ფონდი ტასო

თბილისი. თბილისის ადამიანის უფლებათა სახლი უფლებადამცველების, ჟურნალისტებისა და აქტივისტებისთვის აწყობს ონლაინ შეხვედრას „ციფრული უსაფრთხოება და მასთან დაკავშირებული გამოწვევები“.  შეხვედრა 25 ოქტომბერს გაიმართება მსურველებმა უნდა გაიაროთ რეგისტრაცია – https://shorturl.at/eglvL  Შეხვედრა თბილისის ადამიანის უფლებათა სახლის ინიციატივის ნაწილია, რომლის მიზანსაც უფლებადამცველებისა და აქტივისტებისთვის მათთვის საინტერესო საკითხებზე შეხვედრების ორგანიზება წარმოადგენს.  სრულად... წყარო: თბილისის ადამიანის უფლებათა სახლი

თბილისი. სამოქალაქო საზოგადოების ინსტიტუტმა სსო–ების ინსტიტუციური განვითარების დამხმარე სახელმძღვანელო გამოაქვეყნა – „საზოგადოებრივი ორგანიზაციების ინსტიტუციური განვითარების დამხმარე სახელმძღვანელო“.  პუბლიკაცია მომზადდა ევროკავშირისა და კონრად ადენაუერის ფონდის ფინანსური მხარდაჭერით, პროექტის „სამოქალაქო საზოგადოების ინიციატივის“ ფარგლებში. სახელმძღვანელო...

სამეგრელო. მარტვილის მუნიციპალიტეტში, ბალდის კანიონის მიმდებარედ მცხოვრები მოსახლეობა და სოციალური სამართლიანობის ცენტრი ბალდის კანინოზე მიმდინარე სამუშაოების შეჩერებას ითხოვენ.  „მნიშვნელოვანია, სახელმწიფო უწყებებმა კიდევ უფრო დიდი ეკოლოგიური ზიანის თავიდან ასარიდებლად, გააძლიერონ ზედამხედველობა მიმდინარე სამუშაოებზე და შეაფასონ კანიონზე ამ დროისთვის არსებული მდგომარეობა. ამასთან, რამდენადაც კანიონის კერძო კომპანიისთვის იჯარით გადაცემის შესახებ გადაწყვეტილება კანონდარღვევით იქნა მიღებული, აუცილებელია, გარემოს დაცვის სამინისტრომ ბალდის კანიონზე მიმდინარე სამუშაოები შეაჩეროს - ადგილობრივ მოსახლეობასთან შეთანხმების მიღწევამდე და საკითხის სამართლებრივ გადაწყვეტამდე“ - ნათქვამია განცხადებაში სრულად... წყარო: სოციალური სამართლიანობის ცენტრი

თბილისი. 23 ოქტომბერს, ქალთა მოძრაობა, აქტივისტები აზერბაიჯანული თემიდან და ექსპერტები საქართველოში ბავშვთა ქორწინების წინააღმდეგ შეხვედრას გამართავენ. შეხვედრაზე ამ პრობლემის გარშემო სახელმწიფოსადმი მოთხოვნებს შეაჯერებენ და იმსჯელებენ ქმედითი ნაბიჯების გადადგმის შესახებ.  სრულად... წყარო: საფარი

თბილისი. საქართველოს დემოკრატიული ინიციატივა ეხმიანება საკანონმდებლო ცვლილების მიღების პროცესს.  ცვლილების მიხედვით საქართველოს კომუნიკაციების ეროვნულ კომისიას მიენიჭება სიძულვილის ენის გამოყენებაზე, აგრეთვე უხამსობის შემცველ პროგრამებზე ზედამხედველობის უფლებამოსილება.  „აღნიშნული ცვლილებები საგანგაშოა მედიის თავისუფლების ისედაც სავალალო მდგომარეობის ფონზე და კიდევ ერთხელ ადასტურებს სამოქალაქო საზოგადოების შიშებს ხელისუფლების რეალურ მიზნებთან დაკავშირებით- მაქსიმალურად შეზღუდოს განსხვავებული აზრის გავრცელება ქვეყანაში.“ - ნათქვამია განცხადებაში სრულად... წყარო: საქართველოს დემოკრატიული ინიციატივა

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი…

თბილისი. DataFest Tbilisi 2023– ის ფარგლებში რამდენიმე ჰაკათონი გაიმართება. იგი აღმოსავლეთ ევროპასა და ცენტრალურ აზიაში ყველაზე მასშტაბური ფესტივალია მონაცემების, ტექნოლოგიებისა და კომუნიკაციების შესახებ. ფესტივალი 2017 წლიდან დღემდე 80–მდე ქვეყნიდან 4 ათასამდე მონაწილეს, 200–ზე მეტ ვორქშოფსა და სპიკერს მასპინძლობდა. მათ შორის ისეთი კომპანიებიდან როგორიცაა: Google, Meta, და Amazon. წლევანდელი ფესტივალი, რომლის ორგანიზატორია „ფორსეტი“, 9-11 ნოემბერს ჩატარდება. დეტალური ინფორმაცია ფესტივალის შესახებ: https://www.datafest.ge/. ფესტივალი სამ ჰაკათონს მასპინძლობს:  . დემტექი; . გენდერული მონაცემების ვიზუალიზაციის ჰაკათონი; . ჰაკათონი ციფრულ სივრცეში სიძულვილის ენასთან ბრძოლის შესახებ; სამ ჰაკათონში მონაწილეს შესაძლებლობა ეძლევა სტიპენდია მიიღოს.  მონაწილეობის მიღება შეუძლიათ მკვლევრებს, ვებ და გრაფიკულ დიზაინერებს, დეველოპერებს, მონაცემთა მეცნიერებს, ჟურნალისტებს, კომუნიკაციების სპეციალისტებს, მარკეტოლოგებს, არტისტებს, არასამთავრობო ორგანიზაციებს და ყველას, ვისაც აინტერესებს ტექნოლოგიების და მონაცემების ვიზუალიზაციის როლი დემოკრატიისა და ადამიანის უფლებების სფეროში. შერჩეული კანდიდატები შეძლებენ, უფასოდ დაესწრონ DataFest Tbilisi 2023-ს და გაივლიან მენტორობის კურსს, რომელსაც წარუძღვებიან ტექნოლოგიების, დემოკრატიის, ადამიანის უფლებების სფეროს ექსპერტები. მონაწილეებს თავიანთი პროექტების წარდგენა ფესტივალის დახურვით საღამოზე, ჟიურის წინაშე მოუწევთ.  ჰაკათონში გამარჯვებულებს გადაეცემათ ფულადი პრიზები, დემტეკის გამარჯვებული კი დამატებით, მონაწილეობას მიიღებს სტაჟირების პროგრამაში „the Democracy Tech Entrepreneur“ და გაემგზავრება კოპენჰაგენის დემოკრატიის სამიტზე, რომელიც 2024 წლის მაისშია დაგეგმილი. რას წარმოადგენს ჰაკათონები დემტექის შესახებ: ამ ჰაკათონში შერჩეულმა მონაწილეებმა უნდა შექმნან მონაცემთა ვიზუალიზაციის, ან ტექნოლოგიური პროექტები, შემდეგ საკითხებზე: . საარჩევნო პროცესებში მოქალაქეთა ჩართულობა ინტერაქციული მედიაპლატფორმების დახმარებით; . ამომრჩევლის ინფორმირება ციფრული რესურსების გამოყენებით; . ციფრულ სამყაროში დეზინფორმაციასთან და მისინფორმაციასთან ბრძოლა, სხვადასხვა ინსტრუმენტის დახმარებით. მონაწილეობის მისაღებად, 29 ოქტომბრამდე უნდა შეავსოთ აპლიკაცია: https://bit.ly/3tK0AJF ჰაკათონი გენდერულ საკითხებზე: ამ ჰაკათონში შერჩეულმა მონაწილეებმა უნდა შექმნან მონაცემთა ვიზუალიზაციის პროექტები, სხვადასხვა ფორმატით: ინფოგრაფიკა, ანიმაცია, ინტერაქციული ვიზუალიზაცია, თამაში და სხვა. მონაწილეები ვიზუალიზაციას UN Women-ის მიერ, ქალების აუნაზღაურებელ შრომაზე ჩატარებულ კვლევაზე დაყრდნობით შექმნიან. მონაწილეობის მისაღებად, 1 ნოემბრამდე უნდა შეავსოთ აპლიკაცია: https://bit.ly/3tCKtO8 ჰაკათონი სიძულვილის ენასთან ბრძოლის შესახებ: ეს ჰაკათონი კი ევროპის საბჭოსთან პარტნიორობით მოეწყობა და შერჩეულმა მონაწილეებმა უნდა შექმნან მონაცემთა ვიზუალიზაციის, ან ტექნოლოგიური პროექტები, რომლებიც შეეხება ციფრულ სამყაროში ქალთა მიმართ სიძულვილის ენის წინააღმდეგ ბრძოლას. (მაგ: ქვიზი, გიფი, ინფოგრაფიკა, ჩეტბოტი, მონიტორინგის და ანალიზის პლატფორმა და სხვა). მონაწილეობის მისაღებად, 1 ნოემბრამდე უნდა შეავსოთ აპლიკაცია: https://bit.ly/46YBZzr როგორც აღვნიშნეთ, ფესტივალის ორგანიზატორია „ფორსეტი“ – არასამთავრობო ორგანიზაციის, კრეატიული სააგენტოს, დიზაინის სტუდიისა და დეველოპერული კომპანიის უნიკალური ჰიბრიდი. ორგანიზაციის მიზანია სოციალურად მნიშვნელოვან თემებზე საზოგადოების ინფორმირებულობის გაზრდა მონაცემების, დიზაინისა და ახალი ტექნოლოგიების გამოყენებით. ფესტივალის მთავარი პარტნიორები არიან: საქართველოს ბანკი, ევროპის საბჭო, USAID-ის ინფორმაციის სანდოობის ხელშეწყობის პროგრამა. პარტნიორები არიან: საქართველოს ინოვაციებისა და ტექნოლოგიების სააგენტო, გრანთ თორნთონ საქართველო, Alliance of Democracies, National Endowment for Democracy. მხარდამჭერები არიან: making science sweeft, ოპტიო, ტერმინალი, სმარტ აკადემია, USAID-ის ეკონომიკური მმართველობის პროგრამა, askgov.ge და ღია მმართველობის პარტნიორობის პროგრამა. წყარო: ფორსეტი

თბილისი. საერთაშორისო გამჭვირვალობა-საქართველო 2024 წლის სახელმწიფო ბიუჯეტის შესახებ მოკლე შეფასებას და რეკომენდაციებს ავრცელებს.  ორგანიზაცია იქვე დასძენს, რომ „ გასათვალისწინებელია ისიც, რომ ეს ბიუჯეტის პირველადი ვარიანტია და საბოლოო დამტკიცებამდე ორჯერ დაუბრუნდება მთავრობას ცვლილებებისთვის.  არ არის გამორიცხული, დეკემბერში პარლამენტმა დღეს არსებული ვერსიისგან განსხვავებული ბიუჯეტი დაამტკიცოს“.  არსებული ვერსიის ძირითადი მიგნებები...  წყარო: საერთაშორისო გამჭვირვალობა-საქართველო

შიდა ქართლი. გერმანიისა და გაეროს განვითარების პროგრამის (UNDP) მხარდაჭერით, იურიდიული დახმარების სამსახურმა გახსნა საქართველოში პირველი მობილური საკონსულტაციო ცენტრი, რომელიც შორეული სოფლებისა და რთულად მისადგომი რეგიონების მოსახლეობას მოემსახურება.  მობილურ იურიდიულ დახმარებას მიიღებენ მაღალმთაში ან კონფლიქტით დაზარალებულ სოფლებში მცხოვრები ადამიანები, სადაც ადგილობრივი საკონსულტაციო ცენტრები ჯერ არ გახსნილა.  იურიდიული დახმარების სამსახურის მობილური საკონსულტაციო ცენტრი შეიქმნა გერმანიის მთავრობისა და გაეროს განვითარების პროგრამის ხელშეწყობით, კანონის უზენაესობისა და მართლმსაჯულების ხელმისაწვდომობის პროექტის ფარგლებში.  სრულად...   წყარო: გაეროს განვითარების პროგრამა

თბილისი. ონლაინ ვებინარი: „ „ომის კვალდაკვალ: გეოპოლიტიკის ცვლილებები სომხეთში, აზერბაიჯანსა და საქართველოში“.  ღონისძიება ინფორმაციის თავისუფლების განვითარების ინსტიტუტისა და Northwestern University-ის ერთობლივი ღონისძიებაა.  ღონისძიების მთავარ საკითხს წარმოადგენდა ის გეოპოლიტიკური ცვლილებები, რომლებიც სომხეთში, აზერბაიჯანსა და საქართველოში მიმდინარეობს. ღონისძიების სპიკერთა შორის იყვნენ მიჩიგანის უნივერსიტეტის პროფესორი რონალდ სუნი; აშშ-ის ყოფილი ელჩი აზერბაიჯანში, ამჟამად ჯორჯ მეისონის სახელობის უნივერსიტეტის პროფესორი რიჩარდ კაუზლარიჩი; თბილისის სახელმწიფო უნივერსიტეტის ასოცირებული პროფესორი გიორგი მჭედლიშვილი და ჩრდილო-დასავლეთის უნივერსიტეტის ასოცირებული პროფესორი ოლგა კამენჩუკი. შეხვედრას მოდერაციას უწევდა საქართველოში აშშ-ის ყოფილი ელჩი, იან კელი. სრულად... წყარო: ინფორმაციის თავისუფლების განვითარების ინსტიტუტი

თბილისი. ინფორმაციის თავისუფლების განვითარების ინსტიტუტი აქვეყნებს პუბლიკაციას „თანამდებობის პირის ქონებრივი დეკლარაციის შემოწმების შედეგების გასაიდუმლოება ეწინააღმდეგება კონსტიტუციის და კონვენციის მოთხოვნებს“.  პუბლიკაციაში ნათქვამია, რომ „საკასაციო სასამართლომ უგულებელყო კონსტიტუციით დაცული ეროვნული სტანდარტი, დაავიწროვა საჯარო ინფორმაციის დეფინიცია და შეზღუდა საზოგადოების წვდომა მაღალი საჯარო ინტერესის მქონე ინფორმაციაზე“. სრულად... წყარო: ინფორმაციის თავისუფლების განვითარების ინსტიტუტი