იმერეთი. ევროპის იურისტ სტუდენტთა ასოციაცია – ქუთაისი 2023 წლის 9 ოქტომბერს გამართავს საჯარო ლექციას „შრომითი დავები დისკრიმინაციის ნიშნით.“  პროექტის მიზანია:  სტუდენტებში ცნობიერების ამაღლება  დასაქმებულის და დამსაქმებლის უფლებების გაცნობა  დისკრიმინაციის აკრძალვის პრინციპების დახასიათება  სასამართლო პრაქტიკის გაზიარება სტუდენტებისთვის სრულად... წყარო: ევროპის იურისტ სტუდენტთა ასოციაცია – ქუთაისი  

თბილისი. სოციალური სამართლიანობის ცენტრი სტატიას ავრცელებს, რომელიც ოკუპირებულ ტერიტორიებზე ხარისხიან განათლებაზე ხელმისაწვდომობას ეხება.  „სტატიაში გაანალიზებულია ხარისხიან განათლებაზე ხელმისაწვდომობის ბარიერები საქართველოს ცენტრალურიხელისუფლების კონტროლს მიღმა დარჩენილ ამ ორ რეგიონში.  ასევე, წარმოდგენილია და გაანალიზებულია ის შესაძლებლობები და რესურსები, რასაც საქართველოს ხელისუფლება სთავაზობს, ან უნდა სთავაზობდეს ამ ორ რეგიონში მცხოვრებ მოსახლეობას განათლების უფლების სრულყოფილად და ხარისხიანად განხორციელებისთვის.“ სრულად... წყარო: სოციალური სამართლიანობის ცენტრი

26 სექტემბერს, სასტუმრო „ჰოლიდეი ინში“, 11:00–18:00 საათამდე, სამოქალაქო საზოგადოების ინსტიტუტი გამართავს ფორუმს „მოქალაქეთა მონაწილეობა ადგილობრივი განვითარებისთვის. ფორუმის მიზანია მოქალაქეთა მონაწილეობის მიმართულებით არსებული გამოცდილებისა და საუკეთესო პრაქტიკების გაზიარება. ასევე, გამოწვევებისა და შესაძლებლობების გაანალიზება, ამ კუთხით მნიშვნელოვან საკითხებზე დიალოგისა და დისკუსიის სივრცის შექმნა, რაც ხელს შეუწყობს სამოქალაქო მონაწილეობის საკითხით დაინტერესებული აქტორების შესაძლებლობების გაძლიერებას და მათ შორის თანამშრომლობის სტიმულირებას. ფორუმი რამდენიმე პანელს მოიცავს: მოქალაქეთა მონაწილეობის ფორმალური და დამატებითი მექანიზმები; •ახალგაზრდების მონაწილეობა ადგილობრივ დონეზე გადაწყვეტილების მიღების პროცესში – გამოწვევები და წარმატებული მაგალითები; დისკუსია დონორი ორგანიზაციების წარმომადგენლებთან. ფორუმი ორგანიზებულია სამოქალაქო საზოგადოების ინსტიტუტის (CSI) პროექტის – „ადგილობრივი განვითარების აქტორების მდგრადი კავშირის შექმნა საქართველოში“ – ფარგლებში, რომლის ფინანსური მხარდამჭერია გერმანული საერთაშორისო ფონდი „პური მსოფლიოსთვის“ (Bread for the World).

თბილისი.მედიის განვითარების ფონდმა ახალი ანგარიში გამოაქვეყნა, რომელიც გენდერულ დეზინფორმაციას ეხება.  „კვლევაში განხილულია ფაქტების გადამოწმების პლატფორმის მითების დეტექტორი მიერ საქართველოსა და რუსეთში 2023 წლის 1 იანვრიდან 30 ივნისის ჩათვლით გამოვლენილი გენდერული დეზინფორმაციის/მანიპულაციის შემთხვევები, გაანალიზებულია სამიზნეები, წყაროები და მავნე აქტორების მოქმედების ტაქტიკა. ანგარიში ორი თავისგან შედგება და საერთო რაოდენობრივი მონაცემების შემდეგ მასში გენდერული დეზინფორმაცია სამიზნეების მიხედვით არის გაანალიზებული.“ სრულად... წყარო: მედიის განვითარების ფონდი 

სამეგრელო. სოციალური სამართლიანობის ცენტრმა, მოსახლეობის სახელით, სასამართლოს განცხადებით მიმართა და „დავის განხილვის ვადით, ბალდის კანიონის ტერიტორიაზე კერძო კომპანიის მიერ სამუშაოების შეჩერება მოითხოვა“.  ორგანიზაცია მიიჩნევს „რომ დაცული ტერიტორიების სააგენტოს მიერ ბუნების ძეგლის განკარგვის პროცესი ააშკარავებს იმ სისტემურ და ფუნდამენტურ ჩავარდნებს, რომლებიც გარემოსდაცვით საკითხებზე გადაწყვეტილების მიღების პროცესს ახასიათებს საქართველოში.  ეს ჩავარდნები არ შემოიფარგლება მხოლოდ ერთი სექტორით და თანაბრად პრობლემურია წიაღისეულის მოპოვების, ენერგეტიკული და ინფრასტრუქტურული პროექტების, ურბანული განვითარების და დაცული ტერიტორიების მართვის თაობაზე სხვადასხვა უწყებების მიერ გადაწყვეტილებების მიღებისას, რომლებიც ადგილობრივების უფლებების და ინტერესების სრული უგულებელყოფით წარიმართება.“ სრულად... წყარო: სოციალური სამართლიანობის ცენტრი 

შიდა ქართლი. პროგრამა „ერთიანობა მრავალფეროვნებაშია“ მონაწილეები საველე ტრენინგს დაესწრნენ.  პროექტი USAID -ის პროგრამა ,,ერთიანობა მრავალფეროვნებაშია” ფარგლებში მიმდინარეობს, რომელიც საქართველოს გაეროს ასოციაციის UNAG-ის მიერ ხორციელდება.  აშშ-ს საერთაშოროსო განვითარების სააგენტოს USAID-ის ფინანსური მხარდაჭერით. სრულად... წყარო: გორის სამოქალაქო აქტივიზმის ცენტრი

თბილისი. ფრიდრიხ ებერტის ფონდი, 26 სექტემბერს გამართავს ახალი კვლევის პრეზენტაციას –  „დამოუკიდებელი საქართველოს თაობა: იმედებსა და გაურკვევლობას შორის - ახალგაზრდობის კვლევა 2023“.  „ახალგაზრდობის კვლევა პირველად საქართველოში 2016 წელს ჩატარდა და 7 წლის შემდეგ შესაძლებლობა მოგვეცა განმეორებით ჩატარებულიყო. პუბლიკაცია წარმოადგენს ქვეყნის მასშტაბით ჩატარებულ, ემპირიულ კვლევას, რომელიც შეისწავლის ახალგაზრდა თაობის განწყობას, ცნობიერებას თუ მოლოდინებს, ასევე, ცვალებადი გარემოს მიმართ მათი დამოკიდებულებას. ამასთანავე, ის მოიცავს ახალგაზრდების წინაშე მდგარ გამოწვევებს და საზოგადოებისთვის მნიშვნელოვან საკითხებს. აღნიშნული კვლევა სათავეს იღებს შელის ახალგაზრდული კვლევისგან (Shell Youth Study), რომელიც პერიოდულად ტარდებოდა გერმანიაში 1953 წლიდან მოყოლებული. ფრიდრიხ ებერტის ფონდმა მსგავსი კვლევა განახორციელა აღმოსავლეთ ევროპასა და ცენტრალურ აზიაში“ ნათქვამი ორგანიზაციის ინფორმაციაში.  სრულად... წყარო: ფრიდრიხ ებერტის ფონდი

თბილისი. სამოქალაქო პლატფორმა „არა ფობიას!“ ეხმიანება 2023 წლის 21 სექტემბერს საქართველოს პარლამენტის მიერ თავდაცვის კოდექსის და კოდექსთან დაკავშირებული კანონპროექტის მე–3 მოსმენით მიღებას. პლატფორმა მიიჩნევს, რომ „მიღებული ცვლილებები არ შეესაბამება ადამიანის უფლებათა სტანდარტებს“. სრულად...  წყარო: gdi.ge

სამეგრელო. „ზუგდიდის დამოუკიდებელი ცხოვრების ცენტრში“, 20 სექტემბერს გაიმართა სამუშაო შეხვედრა პროექტის „ორგანიზაციის სტრატეგიისა და მონიტორინგის და შეფასების სისტების შემუშავება“ ფარგლებში.  პროექტი მიზნად ისახავს ორგანიზაციის განვითარების ხელშეწყობას, სტრატეგიისა და მონიტორინგისა და შეფასების სისტემის შემუშავება-დანერგვას.  აღნიშნული პროექტი ხორციელდება ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ (#STARInitiative) ფარგლებში, კონსულტაციისა და ტრენინგის ცენტრის მიერ (CTC) გამოცხადებული საგრანტო კონკურსის „სამოქალაქო ორგანიზაციის საქმიანობისა და მისი შედეგების შეფასება-ფარგლებში." სრულად... წყარო: ზუგდიდის დამოუკიდებელი ცხოვრების ცენტრი

საზოგადოებრივი ორგანიზაციების ფინანსური აღრიცხვა–ანგარიშგებისა და საგადასახადო საკითხებზე, სამოქალაქო საზოგადოების ინსტიტუტის მიერ შექმნილ ონლაინ სასწავლო კურსზე სწავლება 21 სექტემბერს დაიწყო. მსურველი 157 აპლიკანტიდან 59 ჩაირიცხა კურსზე. კურსის მსმენელები საქართველოს სხვადასხვა რეგიონში მომუშავე სახოგადოებრივი ორგანიზაციების ხელმძღვანელები და ფინანსისტები არიან.  კურსის მიზანია მსმენელებს მიაწოდოს უახლესი ინფორმაცია არასამეწარმეო არაკომერციული იურიდიული პირების ფინანსური მართვის საკითხებზე. ლექციებში დაწვრილებით განხილულია ფინანსური პრობლემატიკის თეორიული ქეისები და პრაქტიკული მაგალითები, ასევე მათი გადაჭრის ალტერნატივები და პრაქტიკაში დანერგვის მეთოდები.  სწავლა დისტანციურ რეჟიმში წარიმართება და 16 დეკემბერს დასრულდება. პირველი გაცნობითი ხასიათის შეხვედრა უკვე გაიმართა 21 სექტემბერს და სასწავლო პროცესის მიმოხილვას დაეთმო. სასწავლო კურსი „საზოგადოებრივი ორგანიზაციების ფინანსური აღრიცხვა ანგარიშგება და საგადასახადო საკითხები“ განთავსებულია სამოქალაქო საზოგადოების ინსტიტუტის (CSI) ონლაინ პლატფორმაზე http://e-learning.ge  აღნიშნული კურსზე სწავლება ხორციელდება ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში.

თბილისი.მაკ–ჯორჯიას პროგრამას „მესტუმრეს“ 95 მოხალისე შეუერთდა, რომლებიც ხანდაზმულების მეგობრები და თანამოსაუბრეები გახდებიან.  „მესტუმრეს“ მოხალისეები ერთი თვის განმავლობაში ინტენსიურ ტრენინგებს გაივლიან, რათა მოხალისეებმა ყველა ის საჭირო უნარს შეიძინონ, რაც პროექტის მსვლელობისას, ხანდაზმულებთან ურთიერთობას საჭირო და აუცილებელია. სრულად...  წყარო: მაკ-ჯორჯია

თბილისი.ტრანსპორტი მთავარ როლს თამაშობს ჰაერის დაბინძურებაში.  ევროპის მობილობის კვირეულის ფარგლებში შეუერთდით საერთაშორისო დღეს – 22 სექტემბერი ავტომობილების გარეშე.  ამით ხელს შეუწყობთ გადაადგილებას გამონაბოლქვის გარეშე და გამონაბოლქვით დაბინძურების შემცირებას.  სრულად... წყარო: ევროკავშირის წარმომადგენლობა საქართველოში

შიდა ქართლი.გორში მშვიდობის საერთაშორისო დღეს, 21 სექტემბერს, ღონისძიება გაიმართა, რომელსაც რეგიონში მცხოვრები დევნილები, კონფლიქტით დაზარალებული ქალები და ადმინისტრაციულ გამყოფ ხაზთან მდებარე სოფლების მოსახლეობა დაესწრო.  ღონისძიების ორგანიზატორი იყო ადგილობრივ ქალთა ორგანიზაცია “მშვიდობის კვლევის ცენტრი თბილისი”, ხოლო მხარდამჭერები ევროკავშირი (EU) და გაეროს განვითარების პროგრამა (UNDP), EU4Dialogue პროექტის ფარგლებში. სრულად... წყარო: ევროკავშირის წარმომადგენლობა საქართველოში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. მედიის ადვოკატირების კოალიცია განცხადებას ავრცელებს.  კოალიცია განცხადებაში გმობს „ ოთარ ფარცხალაძის დაცვის მიერ ტელეკომპანია „პირველისა და „ფორმულას“ გადამღებ ჯგუფებზე თავდასხმისა და პროფესიული საქმიანობის განხორციელების უკანონოდ ხელშეშლის ფაქტებს. კოალიცია მოუწოდებს ხელისუფლებას სასწრაფოდ გამოიძიოს აღნიშნული ფაქტები და პასუხისმგებაში მისცეს დამნაშავე პირები“.  სრულად... წყარო: მედიის ადვოკატირების კოალიცია

თბილისი. კონსულტაციისა და ტრენინგის ცენტრი სამოქალაქო საზოგადოების ორგანიზაციებისთვის 3 დღიან სამუშაო შეხვედრას გამართავს.  შეხვედრის თემაა „სოციალური ინოვაციები სამოქალაქო საზოგადოებისთვის.“  სამუშაო შეხვედრის ჩატარების თარიღებია: 1, 2 და 3 ნოემბერი.  შეხვედრა ტარდება პოლონური ორგანიზაცია „Shipyard”-ის წამყვან ექსპერტებთან ერთად, რომლებიც უკვე მრავალი წელი მუშაობენ პოლონეთში სოციალური ინოვაციების ხელშეწყობის მიმართულებით. სრულად... წყარო: სოციალური ინოვაციები 

მუნიციპალიტეტებში მონაწილეობითი პროცესების თვითშეფასების ფოკუს–ჯგუფის მონაწილე, „დმანისის თემთა განვითარების ცენტრის“ ერთ–ერთი დამფუძნებელი, 2021–22 წლებში დმანისის მუნიციპალიტეტის მერიის ახალგაზრდული საბჭოს წევრი, ბინნათ ისკანდაროვი გვიზიარებს თავის შეხედულებებს მოქალაქეთა მონაწილეობის მექანიზმების პრაქტიკაში გამოყენების მნიშვნელობაზე. „ადგილობრივი თვითმმართველობის არსი და ფუნქცია ისაა, რომ მოსახლეობის მონაწილეობით ეფექტიანად და სამართლიანად წარიმართოს რესურსები ადგილობრივი პრობლემების გადასაჭრელად. მონაწილეობითი მექანიზმების გამოყენების პრაქტიკა კი ხელს შეუწყობს, რომ თვითმმართველობის საქმიანობა უფრო ღია და გამჭვირვალე გახდეს, ადგილობრივ ხელისუფლებასა და მოსახლეობას შორის უკეთესი კომუნიკაცია შედგეს და ნდობა გაიზარდოს.  მნიშვნელოვანია, რომ მუნიციპალიტეტი პერიოდულად აფასებდეს ადგილობრივი თვითმმართველობის საქმიანობაში მოქალაქეთა მონაწილეობის პრაქტიკას. დროის სხვადასხვა მონაკვეთში შესაძლოა, განსხვავებულ გამოწვევასთან გვქონდეს საქმე, რამაც ხელი შეუშალოს მონაწილეობის მექანიზმების ეფექტურ მუშაობას. მუნიციპალიტეტს ასეთი შეფასება, საშუალებას მისცემს დროულად აღმოფხვრას პრობლემა და შეძლოს ეფექტური და ინკლუზიური მუშაობა.  მუნიციპალიტეტმა უნდა მოისმინოს მოქალაქეებისა და სამოქალაქო საზოგადოების წარმომადგენლების წუხილები იმ ბარიერებისა და გამოწვევების შესახებ, რომლებსაც ისინი მონაწილეობის მექანიზმების გამოყენების დროს აწყდებიან. მუნიციპალიტეტებს შეუძლიათ პრობლემის განსაზღვრა, გადაწყვეტის გზების მოძიება.  მადლობა USAID–ის თვითმმართველობის პროგრამას, სამოქალაქო საზოგადოების ინსტიტუტს (CSI) პროგრამაში დმანისის მუნიციპალიტეტის მონაწილეობისთვის და თავის მხრივ, დმანისის მუნიციპალიტეტს მონაწილეობის მზაობისთვის. ვიმედოვნებ, რომ დმანისის მუნიციპალიტეტი თავის საქმიანობაში გაითვალისწინებს თვითშეფასების პროცესიდან მიღებულ ინფორმაციას“.  სამოქალაქო საზოგადოების ინსტიტუტი USAID ადგილობრივი თვითმმართველობის პროგრამის მხარდაჭერით ოთხ მუნიციპალიტეტში: მარნეულში, დმანისში, ბათუმსა და ჩოხატაურში ახორციელებს მოქალაქეთა მონაწილეობის თვითშეფასების ინსტრუმენტის დანერგვას სწორედ ამ მიზნით ჩატარდა აღნიშნული ფოკუს ჯგუფები, რომელშიც მონაწილეობდნენ საზოგადოებრივი ორგანიზაციების, ადგილობრივი თვითმმართველობის წარმომადგენლები, აქტივისტები, მოქალაქეები.

თბილისი. გამჭვირვალობა საქართველო, სამართლიანი არჩევნები და საია ერთობლივ განცხადებას ავრცელებენ „სამართლებრივი განმარტებები ოთარ ფარცხალაძის მოქალაქეობის საკითხებზე“.  „სებ-ის მხრიდან ბრძანებაში ცვლილების შეტანის დრო და გარემოებები აჩენს დასაბუთებულ საფუძველს, რომ ეს სწორედ ერთი პირის, ოთარ ფარცხალაძის ინტერესებს ემსახურება, რაც მიუღებელი და შეუთავსებელია კონსტიტუციურ წესრიგთან. ნებისმიერ კონტექსტში მის მიმართ საქართველოს მოქალაქისთვის განკუთვნილი იურიდიული გარანტიების კუთხით აპელირება მოკლებულია საფუძველს. ის ფაქტი, რომ ფორმალურად იგი ჯერ კიდევ ფლობს საქართველოს მოქალაქეობას, კანონის დარღვევას წარმოადგენს“., ნათქვამია განცხადებაში. სრულად... წყარო: საერთაშორისო გამჭვირვალობა საქართველო

რა ღირებულებებს ეფუძნება საქართველოსა და ევროკავშირის ურთიერთობა და რა მიზანი აქვს ამ ურთიერთობას - ნახეთ ევროკავშირის ვიდეო რგოლი  „დღეს ევროკავშირი საქართველოს ყველაზე დიდი სავაჭრო პარტნიორია.  ჩვენი მიზანი? სტანდარტების და ხარისხის გაზრდა, ეს ყველაფერი ქართული კულტურული მემკვიდრეობის, ტრადიციებისა და კულტურის პატივისცემით.  ევროკავშირი და საქართველო საერთო მიზნისკენ ისწრაფვიან, შექმნან უფრო სუფთა გარემო და ხელი შეუწყონ მდგრადი ცხოვრების წესს.“ სრულად... წყარო: ევროკავშირის წარმომადგენლობა საქართველოში

გურია. პროექტი „სკოლის მოსწავლეებში მოქალაქეობის კომპეტენციის განვითარებისა და ცოდნის პრაქტიკული გამოყენების ხელშეწყობის პროგრამა“ - გრძელდება.  პროექტის ფარგლებში ოზურგეთის N2 საჯარო სკოლაში ჩატარდა სამუშაო შეხვედრა მშვიდობის მშენებლობის შესახებ.  შეხვედრის მიზანია მხარი დაუჭიროს ახალგაზრდებს განივითარონ ცოდნა უნარები და შესაბამისი დამოკიდებულებები კონფლიქტების ანალიზის გაგების, ტრანსფორმაციისა და მშვიდობის მშენებლობის მიმართულებით. სრულად... წყარო: თაობათა დიალოგი

გურია. ოზურგეთის, ჩოხატაურისა და ლანჩხუთის მოსახლეობას შესაძლებლობა ეძლევათ ერთდღიან ტრენინგს დაესწრონ, რომელიც კავკასიის გარემოსდაცვითი არასამთავრობო ორგანიზაციების ქსელის (CENN) - მიერ, ევროკავშირის მიერ მხარადჭერილი პროექტების ფარგლებში ტარდება.  ჩოხატაური: 25 ან 26 სექტემბერი  ოზურგეთი: 27 ან 28 სექტემბერი  ლანჩხუთი: 29 ან 30 სექტემბერი სრულად... წყარო: ევროკავშირის წარმომადგენლობა საქართველოში

სამეგრელო.საერთაშორისო გამჭირვალობა-საქართველო ევროკავშირის კანდიდატობის სტატუსის შესახებ შეხვედრებს მართავს.  ანაკლიაში ამ საკითხებზე, ადგილობრივ მოსახლეობასთან დისკუსიები გაიმართა.  ასევე შეხვედრაზე განხილული იყო ევროპელი პარტნიორების მოლოდინები და ის ნაბიჯები, რომელიც ქვეყნის სტატუსის მიღების გზაზეა გადასადგმელი. შეხვედრები იმართება USAID-ის სამოქალაქო საზოგადოების ჩართულობის პროგრამის მხარდაჭერით. სრულად... წყარო: საერთაშორისო გამჭვირვალობა-საქართველო