თბილისი. კატასტროფების რისკის შემცირების საერთაშორისო დღეს, გაეროს განვითარების პროგრამის ახალგაზრდა კლიმატის ელჩები, ეკო-ლიდერები, აგრარული სკოლის მოსწავლეები და მწვანე სტიპენდიანტები ახალგაზრდულ ფორუმზე შეიკრიბნენ და გარემოსა და კლიმატის ცვლილების შესახებ ისაუბრეს.  ახალგაზრდებმა გარემოს დაცვისა და სოფლის მეურნეობის სფეროებში პროფესიული უნარების გაუმჯობესების, დეფიციტური პროფესიის მქონე ახალგაზრდებისთვის შესაძლებლობების შექმნისა და მწვანე ინოვაციური კვლევითი პროექტების აუცილებლობის შესახებ იმსჯელა.  ახალგაზრდული ფორუმის ორგანიზატორია გარემოსდაცვითი ინფორმაციისა და განათლების ცენტრი, ხოლო მხარდამჭერები გაეროს განვითარების პროგრამა, კლიმატის მწვანე ფონდი და საქართველოს, შვედეთისა და შვეიცარიის მთავრობები. სრულად... წყარო: გაეროს განვითარების პროგრამა 

თბილისი. კოალიცია „დამოუკიდებელი და გამჭვირვალე მართლმსაჯულებისთვის“ განცხადებას ავრცელებს და „ქართული ოცნების“ მიერ დაინიცირებულ კანონპროექტს და ვენეციის კომისიის დასკვნას ეხმიანება.  „კოალიცია დამოუკიდებელი და გამჭვირვალე მართლმსაჯულებისთვის მოუწოდებს საქართველოს პარლამენტს, პირველ რიგში აღიაროს მართლმსაჯულების სისტემაში არსებულ პრობლემათა კომპლექსურობა, გაითვალისწინოს ვენეციის კომისიისა და ადგილობრივი აქტორების მოსაზრებები და დაიწყოს ინკლუზიური პროცესი რეალური და ფუნდამენტური რეფორმის გასატარებლად.“ - ნათვამია განცხადებაში  სრულად...  წყარო: კოალიცია „დამოუკიდებელი და გამჭვირვალე მართლმსაჯულებისთვის“

სამეგრელო. ორგანიზაცია „ათინათის“ ახალგაზრდული ცენტრის წევრებისთვის ტრენინგი თემაზე ემოციური გონიერება გაიმართა.  ტრენინგის მიზანია ახალგაზრდებმა გააცნობიერონ და შეიცნონ საკუთარი ემოციები, შეისწავლონ ემოციების დასახელებები, გაიაზრონ და მართონ ის.  ტრენინგი ჩატარდა USAID პროგრამა "ერთიანობა მრავალფეროვნებაშია" ფარგლებში, რომელსაც საქართველოს გაეროს ასოციაცია, აშშ-ის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით ახორციელებს.  სრულად... წყარო: ზუგდიდის ახალგაზრდული ცენტრი

თბილისი. ორგანიზაცია „მშობლები განათლებისთვის“ სკოლებში ჯანსაღი კვების უზრუნველსაყოფად პეტიციას აქვეყნებს.  პეტიციის ხელმომწერები ითხოვენ: „დაუყოვნებლივ შეწყდეს სკოლის ბუფეტში ჯანმრთელობისთვის მავნე საკვებით ვაჭრობა და სახელმწიფომ დააფინანსოს სკოლებში ჯანსაღი კვების პროგრამა“.  სრულად...  წყარო: ორგანიზაცია „მშობლების განათლებისთვის“

თბილისი. ეკონომიკური პოლიტიკის კვლევის ცენტრი საფრანგეთის შავი ზღვის პოლიტიკის ისტორიასთან დაკავშირებით ახალ კვლევას ავრცელებს.  კვლევა რეგიონის ქვეყნებთან ურთიერთობის დღევანდელი მდგომარეობის განხილვას და იმ ხედვების ანალიზს ეხება, რომლებიც ამ პოლიტიკას აყალიბებს.  სრულად...  წყარო: ეკონომიკური პოლიტიკის კვლევის ცენტრი

სამეგრელო. ლესიჭინეს თემის ქალთა საინიციატივო ჯგუფი "დეკა" 2023 წლის პროექტის "შემოიჭყიტე ჩვენთან" ფარგლებში ლესიჭინეს თემის ახალგაზრდებისთვის იწყებს ჭრა-კერვის კურსის ორგანიზებას.  კრუსის ფარგლებში მონაწილე თემის ახალგაზრდები ადგილობრივი მკერავის კოორდინირებით შეისწავლიან/განივითარებენ ჭრა-კერვის პროფესიულ უნარებს და დაამზადებენ სხვადასხვა აქსესუარებს.  განაცხადების მიღების ბოლო ვადაა - 25 ოქტომბერი.  ჭრა-კერვის კურსი ხორციელდება საქართველოს სტრატეგიული კვლევებისა და განვითარების ცენტრის მხარდაჭერით, ვროკავშირისა და კონრად ადენაუერის ფონდის მიერ დაფინანსებული პროექტის “სამოქალაქო საზოგადოების ინიციატივა“ ფარგლებში. სრულად... წყარო: სამოქალაქო საზოგადოების ინიციატივა

თბილისი. ეკონომიკური პოლიტიკის კვლევის ცენტრი და რადიო თავისუფლება, ლიეტუვის საელჩოს მხარდაჭერით, ახალი პოდკასტის EUფორია მეოთხე ეპიზოდს წარმოადგენს, რომელიც ევროკავშირის „ასოცირებული ტრიოს“ ჩამოყალიბების ისტორიას და საქართველოს პოზიციას ეხება. სრულად... წყარო: ეკონომიკური პოლიტიკის კვლევის ცენტრი

თბილისი. მედიის ადვოკატირების კოალიცია ეხმიანება მმართველი პარტიის მიერ “მაუწყებლობის შესახებ კანონში” ინიციირებულ მორიგ ცვლილებებს.  „მარეგულირებლის ხელში დამატებითი ძალაუფლების კონცენტრაცია ზრდის მისი ბოროტად გამოყენების რისკს. წარსული პრაქტიკის გათვალისწინებით, მედიის ადვოკატირების კოალიციისა და მედია ორგანიზაციებს შეშფოთების სრულიად ლეგიტიმური საფუძველი აქვს. კოალიცია კიდევ ერთხელ მოუწოდებს საპარლამენტო უმრავლესობას, რომ მედიასთან დაკავშირებული საკანონმდებლო ცვლილებები არ მიიღოს მაუწყებლებთან კონსულტაციისა და ფართო კონსენსუსის გარეშე, რასაც მოითხოვს ევროდირექტივა აუდიოვიზულაური მედიამომსახურების შესახებ.“ - ნათქვამია განცხადებაში  სრულად... წყარო: მედიის ადვოკატირების კოალიცია

თბილისი. საქართველოს ახალგაზრდა იურისტთა ასოციაცია სიღარიბის დაძლევის საერთაშორისო დღესთან დაკავშირებით განცხადებას ავრცელებს.  „მნიშვნელოვანია, რომ სახელმწიფომ შეიმუშაოს სიღარიბის დაძლევის იმგვარი ერთიანი და მდგრადი პოლიტიკა, რომელიც იქნება მაქსიმალურად ინკლუზიური, მოიცავს ქვეყანაში არსებული ყველა მოწყვლად ჯგუფს და მიმართული იქნება არსებული სოციალური უთანასწორობის აღმოფხვრისაკენ. სახელმწიფოს მიერ შემუშავებული დასაქმებისა და სოციალური მხარდაჭერის პროგრამები საჭიროებს გადახედვას და არსებულ სოციალურ რისკებზე ადაპტირებას, რათა არ იყოს დამოკიდებული ხელისუფლების მხრიდან ერთჯერად ინიციატივებზე და ერთიანი ეროვნული სტანდარტი იყოს ჩამოყალიბებული.„ - ნათქვამია განცხადებაში სრულად... წყარო: საქართველოს ახალგაზრდა იურისტთა ასოციაცია

თბილისი. სოციალური სამართლიანობის ცენტრი მოწვეულ მეცნიერებთან ერთად 3 დღიან ფორუმს გამართავს.  ფორუმის ფარგლებში განხილული იქნება ნაციონალიზმის, მოქალაქეობის, დაქვემდებარებისა და წინააღმდეგობის გამოცდილებები საქართველოში.  ფორუმი 24,25,26 ოქტომბერს გაიმართება. სრულად... წყარო: სოციალური სამართლიანობის ცენტრი

ქვემო ქართლი.სათემო ორგანიზაცია "გუმბათი" მხარს უჭერს წალკის გოგონათა საფეხბურთო გუნდს "ეძანს" და ეხმარება გოგონებს საკუთარი შესაძლებლობების რეალიზებაში. 11 ოქტომბერს ჯანსაღი ცხოვრების პოპულარიზაციის მიზნით საფეხბურთო გუნდი „ეძანის“ ფეხბურთელი გოგონები სოფელ ახაშენის სკოლის მოსწავლეებს შეხვდნენ.  შეხვედრაზე გოგონებმა გენდერულ როლებთან დამკვიდრებულ სტერეოტიპებზე და წარმატების მიღწევის სხვადასხვა გზებზე ისაუბრეს.  ინიციატივის ფარგლებში გოგონები წალკის მუნიციპალიტეტში თანატოლებთან სხვა შეხვედრებსაც გამართავენ. „გუმბათის“ ინიციატივა ხორციელდება კონსულტაციის და ტრენინგის ცენტრის მხარდაჭერით ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. სრულად... წყარო: სამოქალაქო საზოგადოების ინიციატივა

კახეთი. კახეთის რეგიონიდან 100-ზე მეტმა გუნდმა მონაწილეობა მიიღო პოპულარულ თამაშში „რა? სად? როდის?“ ევროპის შესახებ.  თამაშის კითხვები მომზადებული იყო სპეციალურად ახალგაზრდებისათვის, რომ მათ, მხიარული და ინტერაქციური გზით, ევროკავშირის შესახებ მეტი ინფორმაცია მიეღოთ.  წლის განმავლობაში თამაშები საქართველოს 63 მუნიციპალიტეტში ჩატარდება და 2024 წლის გაზაფხულზე თბილისში დასრულდება. სრულად... წყარო: ევროკავშირი საქართველოსთვის 

კახეთი. უფლებები საქართველომ, ახმეტის ახალგაზრდულ ცენტრში, გენდერულ თანასწორობასა და ქალთა მიმართ და ოჯახში ძალადობის საკითხებზე, კახეთის რეგიონული განვითარების ფონდის წარმომადგენლებთან და ადგილობრივ მოსახლეობასთან საინფორმაციო შეხვედრა გამართა. შეხვედრაზე უფლებები საქართველოს თელავის სამართლებრივი დახმარების ცენტრის იურისტებმა, მონაწილეებს ორგანიზაციის საქმიანობა და უფასო სამართლებრივი დახმარებით სარგებლობის შესაძლებლობა გააცნეს. საინფორმაციო შეხვედრა გაიმართა პროექტის - „გენდერული და ოჯახში ძალადობის მსხვერპლთა მხარდაჭერა“ - ფარგლებში, რომელიც ხორციელდება ASB საქართველოს, „უფლებები საქართველოსა” და კიდევ ოთხი არასამთავრობო ორგანიზაციის მიერ, ევროკავშირის მხარდაჭერით. სრულად... წყარო: უფლებები საქართველო 

თბილისი. სოციალური სამართლიანობის ცენტრი ანი ისაკაძის სტატიას აქვეყნებს – „ეთნიკური უმცირესობების განათლების უფლების გარანტიები და მისი დაცვის საუკეთესო მიდგომები“.  „...დღესდღეისობით ეთნიკური უმცირესობები, საზოგადოების ერთ-ერთი ყველაზე მოწყვლადი სოციალური ჯგუფია, რაც, როგორც სხვადასხვა სოციალურ-ეკონომიკური ფაქტორით, ისე ამ ჯგუფების გარიყულობისა და მივიწყების სისტემური პრაქტიკითაა განპირობებული. ამდენად, მათი უფლებრივი მდგომარეობის გაუმჯობესების მნიშვნელოვანი ბერკეტი უშუალოდ ხარისხიან განათლებაზე წვდომასთანაა დაკავშირებული“ - ნათქვამია სტატიაში სრულად... წყარო: სოციალური სამართლიანობის ცენტრი 

თბილისი. ეკონომიკური პოლიტიკის კვლევის ცენტრი და რადიო თავისუფლება ახალ პოდკასტს სთავაზობს მაყურებელს EUფორიას ფარგლებში.  მესამე ეპიზოდი, ევროკავშირის „აღმოსავლეთ სამეზობლოს“ პოლიტიკას, მისი ჩამოყალიბების ისტორიას და იმ მიზეზებს ეხება, რომლებმაც გამოიწვიეს ცვლილებები ამ სამეზობლოში შემავალი ქვეყნების მიმართ ბოლო წლებში. სრულად... წყარო: ეკონომიკური პოლიტიკის კვლევის ცენტრი 

თბილისი.26 სექტემბერს, სასტუმრო „ჰოლიდეი ინში“, სამოქალაქო საზოგადოების ინსტიტუტის ორგანიზებით გაიმართა ფორუმი „მოქალაქეთა მონაწილეობა ადგილობრივი განვითარებისთვის“. ფორუმის მიზანი იყო მოქალაქეთა მონაწილეობის მიმართულებით არსებული გამოცდილებისა და საუკეთესო პრაქტიკების გაზიარება, გამოწვევებისა და შესაძლებლობების გაანალიზება, ამ კუთხით მნიშვნელოვან საკითხებზე დიალოგისა და დისკუსიის სივრცის შექმნა, რაც ხელს შეუწყობს სამოქალაქო მონაწილეობის საკითხით დაინტერესებული აქტორების შესაძლებლობების გაძლიერებას და მათ შორის თანამშრომლობის სტიმულირებას.  ფორუმი რამდენიმე პანელს მოიცავდა: 1.მოქალაქეთა მონაწილეობის ფორმალური და დამატებითი მექანიზმები; 2.ახალგაზრდების მონაწილეობა ადგილობრივ დონეზე გადაწყვეტილების მიღების პროცესში – გამოწვევები და წარმატებული მაგალითები; 3.დისკუსია დონორი ორგანიზაციების წარმომადგენლებთან. ფორუმის მონაწილეებმა ისაუბრეს გადაწყვეტილების მიღების პროცესში მოქალაქეთა მონაწილეობის მნიშვნელობასა და არსებულ მექანიზმებზე. საზოგადოებრივი ორგანიზაციებისა და ადგილობრივი თვითმმართველობის წარმომადგენლებმა ასევე ისაუბრეს ადგილობრივ დონეზე ახალგაზრდების მონაწილეობის საკითხებზე.  სამოქალაქო საზოგადოების ინსტიტუტის (CSI) მიერ ორგანიზებული ფორუმი დონორთა პანელით დასრულდა, სადაც საუბარი შეეხო იმ პროგრამებსა და შესაძლებლობებს, რომლებიც ხელს უწყობს მოქალაქეთა მონაწილეობას ადგილობრივ დონეზე.  ფორუმი ორგანიზებულია სამოქალაქო საზოგადოების ინსტიტუტის (CSI) პროექტის – „ადგილობრივი განვითარების აქტორების მდგრადი კავშირის შექმნა საქართველოში“ – ფარგლებში, რომლის ფინანსური მხარდამჭერია გერმანული საერთაშორისო ფონდი „პური მსოფლიოსთვის“ (Bread for the World). ფორუმის ფოტო–რეპორტაჟი... წყარო: სამოქალაქო საზოგადოების ინსტიტუტი

თბილისი. სამართლიანმა არჩევნებმა ახალი პოლიტიკის დოკუმენტი გამოაქვეყნა.  მასში გაანალიზებულია პოლიტიკურ ფინანსებთან დაკავშირებით საქართველოში მოქმედი კანონმდებლობა, ჩამოყალიბებული პრაქტიკა და მათი საერთაშორისო სტანდარტებთან შესაბამისობა. „ერთ-ერთი მთავარი პრობლემა, რაც ამ კუთხით არსებობს, არის ფინანსური უთანასწორობა, რასაც ძირითადად ხელისუფლებაში მყოფი პარტიის მიერ, სხვა პარტიებთან შედარებით, გაცილებით მეტი შემოწირულობების მოზიდვის პრაქტიკა განაპირობებს. გარდა ამისა, შემოწირულობების საკითხი პრობლემურია პოლიტიკურ კორუფციაზე სუსტი ზედამხედველობის თვალსაზრისითაც“, ნათქვამია ორგანიზაციის ინფორმაციაში. სრულად... წყარო: სამართლიანი არჩევნები 

„საფარმა“ დანიის მთავრობისა და დანიის გენდერული და თანასწორობის ცენტრის, KVINFO-ს მხარდაჭერით ორ რეგიონში, კახეთსა და აჭარაში ქალთა მიმართ ეკონომიკური ძალადობის შესახებ კვლევა ჩაატარა. საფარის თქმით, ჩატარებული კვლევის მთავარ მიზანს „რეგიონებში მცხოვრები ქალების მიმართ მათი პარტნიორის/ქმრის მხრიდან განხორციელებული ეკონომიკური ძალადობისა და ამ ძალადობასთან მიმართებაში ქალების გამოცდილებისა და მდგომარეობის შესწავლა წარმოადგენდა“. სრულად... წყარო: საფარი 

თბილისი. 8 ნოემბერს, სოციალური მეწარმეობის რიგით მე-12 ფორუმი გაიმართება, სადაც საუკეთესო საწარმო დასახელდება.  ჟიურის გადაწყვეტილებით, აღნიშნული ნომინაციის ფინალისტები არიან – „თავისუფალი სივრცე“, „ედენა“ და „იკორთა“.  სწორედ ამ სამი ნომინანტიდან შეირჩევა გამარჯვებული – სოციალური საწარმო 2023–ის ტიტულის მფლობელი, ღონისძიების მიზანია სოციალური მეწარმეობის კონცეფციის პოპულარიზაცია და საქმიანი კავშირების გაძლიერება სოციალურ მეწარმეებსა და სხვადასხვა სექტორის წარმომადგენლებს შორის.  ფორუმს სოციალურ საწარმოთა ალიანსი, ევროკავშირის ფინანსური მხარდაჭერით მართავს პროექტის – „სოციალური მეწარმეობის განვითარება მდგრადი და ინკლუზიური საზოგადოების“ ფარგლებში. სრულად... წყარო: სოციალურ საწარმოთა ალიანსი

აჭარა. საერთაშორისო გამჭვირვალობა - საქართველოს სამოქალაქო საბჭოების ორგანიზებით, ქობულეთში, ჭახათის თემის სოფლებისთვის ელექტრონული პეტიციისთვის ხელმოწერების შეგროვება დაიწყო. კერძოდ, საქმე ეხება მაღალმთიანი დასახლებების სტატუსის მინიჭებას და სოფელ ჭახათში საბავშვო ბაღის აშენების საკითხს. სრულად... წყარო: საერთაშორისო გამჭვირვალობა-საქართველო

სამცხე-ჯავახეთი. ევროპის ინტერკულტურული ფორუმის პროექტის „აღმოაჩინე კავკასია“ 2023-2023 წლის ფარგლებში ახალციხეში ჩასულმა მოხალისეებმა პირველი გაცნობითი შეხვედრა გამართეს.  მოხალისეების ინიციატივით, კვირაში ერთხელ, ინგლისური და გერმანული ენის სასაუბრო კურსები გაიმართება, რომელში მონაწილეობა, წლის განმავლობაში, ნებისმიერ ახალგაზრდას შეეძლება. ღონისძიებას USAID- ის პროგრამის ერთიანობა მრავალფეროვნებაშია ფარგლებში საქართველოს გაეროს ასოციაცია ახორციელებს. სრულად... წყარო: დემოკრატ მესხთა კავშირი 

თბილისი. საქართველოში გენდერული ნიშნით ძალადობის მსხვერპლებისა და დაზარალებულების მხარდამჭერი სერვისების შესახებ პირველი საერთაშორისო კონფერენცია გაიმართა.  ღონისძიების მიზანს წარმოადგენდა საერთაშორისო გამოცდილებისა და საუკეთესო პრაქტიკის გაზიარება, ძალადობის მსხვერპლი და დაზარალებული ქალებისა და გოგოების მხარდამჭერი სერვისების გაუმჯობესება, რათა თითოეულ მათგანს მათ საჭიროებებზე მორგებულ სერვისებზე დაუბრკოლებლად წვდომა ჰქონდეს.  კონფერენცია ორგანიზებული იყო ევროპის საბჭოს პროექტის „ქალთა მიმართ ძალადობის აღსაკვეთად ინტეგრირებული მიდგომის ხელშეწყობა და გენდერული თანასწორობის გაძლიერება საქართველოში“ და პროექტის „ქალებისა და გოგოების მიმართ ძალადობის წინააღმდეგ“ ერთობლივი მხარდაჭერით, რომელსაც გაეროს ქალთა ორგანიზაცია და გაეროს მოსახლეობის ფონდი ევროკავშირის დაფინანსებით ახორციელებენ. სრულად... წყარო: გაეროს ქალთა ფონდი