7 აპრილს, 16:00 საათზე გიწვევთ საჯარო დისკუსიაზე: „რა შეიძლება გააკეთოს სახელმწიფომ კურიერების და, ზოგადად, პლატფორმული ეკონომიკის მშრომელების მდგომარეობის გასაუმჯობესებლად?“ სრულად...

7 აპრილს, 15:00 საათზე, ჰელფინგ ჰენდი, თბილისში, ყოველწლიურ მოხალისეობის გამოფენა-ფორუმს გამართავს. ღონისძიებას რამდენიმე წლის წინ საფუძველი ჩაეყარა მშვიდობის კორპუსის მოხალისეების მხარდაჭერით. ღონისძიების მიზანია მოხალისეობის, როგორც დემოკრატიული საზოგადოების განვითარების ერთ-ერთი მძლავრი მექანიზმის, პოპულარიზაცია და ახალგაზრდებისა და, ზოგადად, მოქალაქეების მოხალისეობრივ პროგრამებში აქტიური ჩართულობის ხელშეწყობა. სრულად...

თბილისი. კოალიცია გამჭვირვალე და დამოუკიდებელი მართლმსაჯულებისთვის განცხადებას აქვეყნებს და მიიჩნევს, რომ „გავლენიანი მოსამართლეების მიმართ სანქციების გამოყენება კიდევ ერთხელ ადასტურებს, რამდენად მწვავეა მართლმსაჯულების სისტემაში არაფორმალური გავლენებისა და კლანურობის პრობლემები. ამ პროცესებით რეპუტაციული ზიანი ადგება მთლიანად მართლმსაჯულების სისტემას, საქართველოს მოქალაქეებს კი ეზღუდებათ სამართლიანი, დამოუკიდებელი და ეფექტიანი მართლმსაჯულების უფლება“. კოალიცია მოუწოდებს მმართველ პარტიას: შეასრულოს ევროკავშირის რეკომენდაცია მართლმსაჯულებასთან დაკავშირებით და განახორციელოს მართლმსაჯულების ფუნდამენტური რეფორმა; გადადგას რეალური ნაბიჯები კლანური მმართველობის დასასრულებლად მართლმსაჯულების სისტემაში; დანიშნოს იუსტიციის უმაღლესი საბჭოს მიუკერძოებელი და კეთილსინდისიერი არამოსამართლე წევრები, ამავდროულად შეცვალოს გადაწყვეტილების მიღების არსებული წესი. სრულად... წყარო: idfi.ge

თბილისი. „რუსული კანონის” წინააღმდეგ გამართულ აქციაზე დაშავებული ზაზა ბიღიაშვილის უფლებებს „სამართლიანი არჩევნებთან” ერთად „წამების მსხვერპლთა ფსიქოსოციალური და სამედიცინო რეაბილიტაციის ცენტრიც” (GCRT) იცავს. „დამოუკიდებელი ექსპერტიზის პირველადი შეფასებით, ზაზა ბიღიაშვილის მიერ მიღებული დაზიანების ხარისხი არის მძიმე, მარჯვენა თვალში მხედველობა დაკარგული აქვს სრულად, ჩაშლილია თვალის ბადურა, მხედველობის აღდგენა ნებისმიერი სახის ჩარევისა და ოპერაციის მიუხედავად შეუძლებელია. სპეციალურმა საგამოძიებო სამსახურმა ზაზა ბიღიაშვილი ორჯერ, 9 და 15 მარტს დაკითხა. მას ამ დრომდე არ აქვს მინიჭებული დაზარალებულის სტატუსი“, ნათქვამია განცხადებაში. სრულად... წყარო: isfed.ge

თბილისი. ტოლერანტობისა და მრავალფეროვნების ინსტიტუტის (TDI) ინფორმაციით, 4 აპრილს პარლამენტმა, პირველი მოსმენით მიიღო თავდაცვის კოდექსი. ორგანიზაციის შეფასებით, „საკანონმდებლო ცვლილებები რელიგიის ნიშნით მორიგ დისკრიმინაციას გამოიწვევს, რადგან სამხედრო ვალდებულებისგან სრულად მხოლოდ მართლმადიდებელი ეკლესიის სასულიერო პირები გათავისუფლდებიან“. TDI მოუწოდებს ხელისუფლებას, არ დაუშვას კანონპროექტის დღეს არსებული ფორმით მიღება, ვინაიდან ეს ავტომატურად გამოიწვევს არადომინანტური რელიგიური გაერთიანებების სასულიერო პირების დისკრიმინაციულ მდგომარეობაში ჩაყენებას. სრულად... წყარო: tdi.ge

თბილისი. საქართველოს პოლიტიკის ინსტიტუტი აქვეყნებს ეკო მამალაძის ბლოგპოსტს: ახალგაზრდების უმუშევრობა საქართველოში: გამოწვევებთან ბრძოლა საუკეთესო პრაქტიკის გზით. ნაშრომის მიზანია უმუშევრობის პრობლემასთან ბრძოლის კუთხით სახელმწიფოს მიერ განხორციელებული ღონისძიებების განხილვა ევროკავშირის საუკეთესო პრაქტიკის მაგალითზე.  „ახალგაზრდების დასაქმების კრიზისიდან თავის დასაღწევად საერთაშორისო ორგანიზაციებისა და მთავრობების დღის წესრიგში აქტუალური გახდა ახალგაზრდობის დასაქმების მხარდამჭერი პოლიტიკის შემუშავება. დოკუმენტში პირველ რიგში, მიმოხილული იქნება საქართველოს მთავრობის პოლიტიკა უმუშევრობის წინააღმდეგ, ხოლო შემდგომ ამ პრობლემის დასაძლევად ევროკავშირის მიერ გადადგმული ქმედითი ნაბიჯები, რაც წარმოაჩენს, თუ რა დამატებითი ზომების მიღება შეუძლია საქართველოს ხელისუფლებას ახალგაზრდების უმუშევრობასთან ბრძოლის კუთხით“. სრულად... წყარო: gip.ge

კახეთი. ორგანიზაცია „კახეთმა“ ბავშვის უფლებების დაცვისა და მხარდაჭერის განყოფილებების საქმიანობის გაცნობის და პოპულარიზაციის მიზნით ანიმაცია მოამზადა. პროექტი ხორციელდება საქართველოს სტრატეგიული კვლევებისა და განვითარების ცენტრი მხარდაჭერით, ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. სრულად... წყარო: ორგანიზაციის გვერდი სოციალურ ქსელში

რეგიონები. საქართველოს სამ რეგიონში მცხოვრები მასწავლებელთათვის სამოქალაქო ჩართულობის, მონაწილეობისა და განათლება მდგრადი განვითარებისთვის (ESD) საკითხებზე ტრენინგები მიმდინარეობს. ტრენინგები კავკასიის გარემოსდაცვითი არასამთავრობო ორგანიზაციების ქსელის (CENN) ორგანიზებითა და ამერიკის საელჩოს ფინანსური მხარდაჭერით იმართება. პროგრამა მიზნად ისახავს, გაზარდოს რეგიონში მცხოვრები პედაგოგების ჩართულობა სამოქალაქო საზოგადოებისა და დემოკრატიის მშენებლობაში. სრულად... წყარო: www.cenn.org

6 აპრილს, 19:30 საათზე, მთავრობის კანცელარიასთან გაიმართება კურიერების მხარდასაჭერი აქცია. სრულად...

6 აპრილს, 15:00 საათზე კომლის სივრცეში გაიმართება შეხვედრაზე: რა არის ქრაუდფანდინგი? შეხვედრის მიზანია თემს გააცნოს ქრაუდფანდინგის, სახალხო დაფინანსების ინსტრუმენტი და მისი გამოყენების შესაძლებლობები. შეხვედრას გაუძღვება მარიამ მიროტაძე, რომელიც არის საქართველოს ქრაუდფანდინგის ასოციაციის დირექტორი. სრულად...

6 აპრილს, 12:00 საათზე, სამართლიანი არჩევნებისა და დემოკრატიის საერთაშორისო საზოგადოების ოფისში, 7 მარტის აქციაზე დაზარალებული ზაზა ბიღიაშვილის და ISFED-ის წარმომადგენლების პრესკონფერენცია გაიმართება. მისამართი: თბილისი, თაბუკაშვილის 5

შიდა ქართლი. 26 მარტს, შიდა ქართლის რეგიონალურ ჰაბში ახალგაზრდებს გორის მუნიციპალიტეტის მერიის განათლების განყოფილების ხელმძღვანელი ნინო ბერიანიძე შეხვდა. ნინო ბერიანიძემ ისაუბრა მერიის განათლების განყოფილების საქმიანობის ძირითად მიმართულებებზე, სტრატეგიულ მიზნებზე, რომლებიც დაკავშირებულია ახალგაზრდებში კომპეტენციების ზრდასთან და სათემო ცხოვრებაში მათ ჩართულობასთან..  შეხვედრა გაიმართა ევროკავშირისა (EU) და კონრად ადენაუერის ფონდის (KAS) მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. სრულად... წყარო: ორგანიზაციის გვერდი სოციალურ ქსელში

თბილისი. სოლიდარობა, რომელიც უკრაინის დროშის სახით თბილისის აივნებიდან გადმოიფინა - ფოტოგრაფი მარიამ მუმლაძე ამ სახლების შიგნით შეგვახედებს, ახლოდან გაგვაცნობს ადამიანებს, ვინც უკრაინის მხარდაჭერით არ დაიღალა და კიდევ ერთხელ გვაჩვენებს სიმბოლოების ძალას. სრულად... წყარო: chaikhana.media

სამეგრელო. ათინათის ახალგაზრდული ცენტრის წევრებმა დებატებში მიიღეს მონაწილეობა. პირველ დღეს ახალგაზრდები გაეცნენ დებატების ტექნიკებს, მეორე დღეს კი ჩატარდა დებატები, რომელსაც მოწვეული ჟიურის წევრები შესაბამისი შეფასების კრიტერიუმებით აფასებდნენ. შეხვედრა ჩატარდა USAID პროგრამა „ერთიანობა მრავალფეროვნებაშია“ ფარგლებში, რომელსაც საქართველოს გაეროს ასოციაცია, აშშ-ის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით ახორციელებს. სამეგრელოში პროგრამის პარტნიორია ათინათი. სრულად... წყარო: ორგანიზაციის გვერდი სოციალურ ქსელში

თბილისი. 5 აპრილს საქართველოს სახალხო დამცველი ლევან იოსელიანი „ვოლტის“ გაფიცულ კურიერებს შეხვდა და მათ შრომით უფლებებთან შრომით უფლებებთან და დისკრიმინაციასთან დაკავშირებული პრობლემები განიხილა. ომბუდსმენის აპარატში წარმოდგენილი განცხადებების თანახმად, კურიერების ნაწილს კომპანია „ვოლტმა“ აპლიკაცია დაუბლოკა, რის გამოც ისინი ვეღარ აგრძელებენ მუშაობას, ნაწილმა კი კომპანიიდან გათავისუფლების შესახებ გამაფრთხილებელი მესიჯი მიიღო. უფლებების დარღვევის მიზეზად კურიერები მათ მიერ კომპანიის მიმართ გამოხატულ პროტესტს ასახელებენ. სახალხო დამცველი აგრძელებს აღნიშნული განცხადებების შესწავლას და გადაწყვეტილებას უახლოეს მომავალში მიიღებს. სრულად... წყარო: ombudsman.ge

ქვემო ქართლი. 4 აპრილს, ორგანიზაციამ „კოალიცია დამოუკიდებელი ცხოვრებისათვის“, მარნეულში ორი შეხვედრა ჩაატარა.  ორგანიზაციის წევრები მარნეულში შეზღუდული შესაძლებლობის მქონე პირებსა და მარნეულის მუნიციპალიტეტის ჯანდაცვის, სოციალური უზრუნველყოფის, კულტურის, სპორტის, ბავშვის უფლებების დაცვისა და მხარდაჭერის სამსახურის ხელმძღვანელს, ნინო დეკანოიძეს შეხვდნენ. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი გთავაზობთ ვიდეო სერიას „სათქმელი“. „რა არის ქართული ოცნების ხელისუფლების მმართველობის მთავარი გამოწვევები და ჩავარდნა და რა უნდა გააკეთონ ამ რეალობაში პოლიტიკურმა, საზოგადოებრივმა და აკადემიურმა ჯგუფებმა - ვიდეო გთავაზობთ ფილოსოფოსის და ილიას სახელმწიფო უნივერსიტეტის ლექტორის, თამარ ცხადაძის სათქმელს“. სრულად... წყარო: socialjustice.org.ge

ამ წუთებში, „საერთაშორისო გამჭვირვალობა - საქართველო“ ახალ კვლევას „ელექტროენერგიის სექტორზე - ტარიფები, შუამავალი კომპანიები, რუსეთზე დამოკიდებულება“ წარადგენს. მისამართი: თბილისი, დავით აღმაშენებლის #61 („საერთაშორისო გამჭვირვალობა - საქართველოს“ ოფისი)

თბილისი. არასამთავრობო ორგანიზაციები 2023 წლის 2-3 და 7-9 მარტს გამართულ მშვიდობიან აქციაზე დაკავებულების უფლებების დაცვას განაგრძობენ. წარმოდგენილი ორგანიზაციები სასამართლოში 96 პირის ინტერესს იცავენ. გაეცანით დეტალურ სტატისტიკას... ორგანიზაციები საქმეებს USAID-ის სამართლის უზენაესობის პროგრამის მხარდაჭერით აწარმოებენ. წყარო: ორგანიზაციის გვერდი სოციალურ ქსელში

თბილისი. მოუსმინეთ მენტორს, გიორგი მელაძეს დილის რადიოში და გაიგეთ მეტი „სამოქალაქო აქტივიზმის“ ონლაინ სასწავლო კურსის შესახებ. ონლაინ კურსი შექმნა სამოქალაქო საზოგადოების ინსტიტუტმა, ევროკავშირისა და კონრად ადენაუერის ფონდის ფინანსური მხარდაჭერით.

აჭარა. აჭარის ჰაბის - თავისუფალ ჟურნალისტთა სახლის ორგანიზებით გაიმართა შეხვედრა მოსახლეობასთან შუახევის მუნიციპალიტეტში, ჭალას სოფლის სახლში. ადგილობრივებს შეხვდა კლუბ „სინერგიას“ წარმომადგენელი, მაია ჯაში. სოფლის მაცხოვრებლებმა მიიღეს ინფორმაცია კლუბის პრინციპებსა და სერვისებზე: მოზარდებსა და ახალგაზრდებში ფსიქიკური ჯანმრთელობის პრობლემების პრევენციასა და მართვაზე, უფასო მომსახურების გაწევაზე... შეხვედრა გაიმართა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. სრულად... წყარო: ორგანიზაციის გვერდი სოციალურ ქსელში

აჭარა. საქართველოს ახალგაზრდა იურისტთა ასოციაციის აჭარის ფილიალის ორგანიზებით, ბათუმის საქალაქო სასამართლოში, ნაფიც მსაჯულთა მონაწილეობით იმიტირებული სასამართლო პროცესი ჩატარდა. იმიტირებულ პროცესში მონაწილეობდნენ USAID-ის სამოქალაქო განათლების პროგრამაში ჩართული მოსწავლეები, რომლებმაც საია-ს აჭარის ფილიალში პრაქტიკული სწავლების კურსი გაიარეს. სრულად... წყარო: ორგანიზაციის გვერდი სოციალურ ქსელში