28 მარტს, 15:00 საათზე, კომლი გიწვევთ ტრენინგზე: საპროექტო განაცხადის მომზადება. სრულად...

ამ წუთებში, სასტუმრო „ქორთიარდ მარიოტში“ დემოკრატიის კვლევის ინსტიტუტი ანგარიშის „ევროკომისიის 12 პრიორიტეტის შესრულების შეფასება“ პრეზენტაციას მართავს. ანგარიშში წარმოდგენილია ევროკავშირის კანდიდატი ქვეყნის სტატუსის მისაღებად ევროკომისიის 12 პრიორიტეტის შესრულებაზე მუშაობის პროცესი, თითოეული პუნქტის შესრულების შეფასება და არსებული გამოწვევები.

თბილისი. Grlz Wave ეხმაურება თათია სამხარაძის წინააღმდეგ წამოწყებულ კამპანიას, რომელიც ორგანიზაციის შეფასებით, მიზნად ისახავს შალვა რამიშვილის დაცვას და მსხვერპლის დისკრედიტაციას.  „სამწუხაროდ, ხელისუფლება მხარდაჭერას უცხადებს შემვიწროვებელს. გასული დღეების განმავლობაში ხელისუფლებამ მოძალადის რეპუტაციის დასაცავად და მსხვერპლის დასასჯელად, სახელმწიფო ინსტიტუციები გამოიყენა, შეიჭრა ადამიანის საცხოვრებელ სივრცეში დაშინების მიზნით. ვგმობთ ყველანაირ ძალადობას და სოლიდარობას ვუცხადებთ თათიას, ქალს, რომელმაც შალვა რამიშვილი სექსუალურ შევიწროვებაში საჯაროდ პირველმა ამხილა. მან სექსუალური შევიწროვების ფაქტის დადგენის და მასზე სამართლებრივი რეაგირების პირველი პრეცედენტი შექმნა საქართველოში“, ნათქვამია განცხადებაში. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი ეხმაურება უკანასკნელ დღეებში მედიასაშუალება „პოსტ ტვ-ის“ ჟურნალისტების მხრიდან ყოფილი ტელეწამყვანის, თათია სამხარაძის მიმართ განხორციელებულ ქმედებებს და საქართველოს შინაგან საქმეთა სამინისტროს მოუწოდებს, შესაძლო დანაშაულების (ცრუ დასმენის/ადევნების) თაობაზე დაუყოვნებლივ დაიწყოს გამოძიება. სრულად... წყარო: socialjustice.org.ge

თბილისი. საერთაშორისო გამჭვრივალობა - საქართველოს ინფორმაციით, მარტინ გაბრიელიანი, რომელსაც 2013 წლიდან დღემდე ახალქალაქის მუნიციპალიტეტში სხვადასხვა თანამდებობა უკავია, სახელმწიფო შესყიდვებს იღებს. „მისმა კუთვნილმა შპს „მეგობრობა-5”-მა, 2019 წლის აგვისტოდან დღემდე, 36 სახელმწიფო შესყიდვა მიიღო და ხელშეკრულებები 1,390,861 ლარზე გააფორმა. აქედან, 21 შესყიდვით 667,186 ლარი (47.9%) ახალქალაქის ბიუჯეტიდან დაერიცხა. მოვუწოდებთ სახელმწიფო უსაფრთხოების სამსახურის ანტიკორუფციულ სააგენტოს,  შეისწავლოს შპს „მეგობრობა-5”-ის სახელმწიფო შესყიდვები და გამოარკვიოს, ხომ არ ჰქონდა ადგილი შესაძლო კორუფციულ გარიგებებს მასსა და შემსყიდველ ორგანიზაციებს შორის“, ნათქვამია საერთაშორისო გამჭვირვალობა - საქართველოს ბლოგპოსტში. სრულად... წყარო: transparency.ge

გურია. ახალგაზრდა პედაგოგთა კავშირის ახალგაზრდული ცენტრის წევრებისა და „საზოგადოებრივი ჯანდაცვის ახალგაზრდული პროგრამის“ მონაწილეების ფასილიტაციით საზოგადოებრივი ჯანდაცვის შესახებ ტრენინგი ჩატარდა. „მონაწილეებმა მიიღეს ინფორმაცია საზოგადოებრივი ჯანდაცვის ბაზისურ საკითხებზე: გადამდები და არაგადამდები დაავადებების პრევენციის, ზოონოზური ინფექციების საფრთხეების, ბავშვთა ინფექციების, ვაქცინაციის, ჰიგიენის, დედათა და ბავშვთა ჯანმრთელობის, რეპროდუქციული ჯანმრთელობის, დამოკიდებულებების, თამბაქოს კონტროლის, ანტიმიკრობული რეზისტენტობის და სხვა საკითხების გარშემო“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. თუ გაქვთ კითხვები ბავშვის განვითარების შესახებ, მაკლეინის ასოციაცია გაძლევთ საშუალებას, უფასო დისტანციური კონსულტაცია გაიაროთ ფსიქოლოგთან. დაჯავშნეთ კონსულტაცია, თუკი ბავშვს აქვს სწავლის და აკადემიური საგნების ათვისების სირთულეები, ბავშვი ავლენს ასაკის შეუსაბამო ქცევებს, ბავშვი გამოირჩევა გადაჭარბებული ემოციურობით, შფოთვით ან დაქვეითებული გუნება-განწყობით. შეარჩიეთ თქვენთვის სასურველი დრო, კონსულტაცია გაიმართება ორშაბათს, 3 აპრილს, 15:00, 16:00, 17:00 საათებზე. ფსიქოლოგთან კონსულტაციის დასაჯავშნად მიყევით ბმულს... სრულად... წყარო: ორგანიზაციის გვერდი სოციალურ ქსელში

თბილისი. ქალთა საინფორმაციო ცენტრის ცნობით, 20 ახალგაზრდა მშვიდობის მშენებელი ქალი მთელი მსოფლიოდან, საქართველოში, ოთხდღიან სამუშაო შეხვედრაზე იმყოფებოდა.   ქალთა წამყვანი ორგანიზაციების მხარდაჭერა კონფლიქტური და პოსტ-კონფლიქტური ქვეყნებიდან, მშვიდობის დამყარების მიზნით, მშვიდობის მშენებელი ახალგაზრდა ქალების ლიდერობის უნარების გაძლიერება და მათი შესაძლებლობების განვითარება - 4 500 აპლიკანტიდან შერჩეული მშვიდობის მშენებლები საპილოტე პროგრამაში გაერთიანდნენ. შეხვედრების ფარგლებში, განიხილეს ისეთი საკითხები, როგორებიცაა: მშვიდობის მშენებლობა და მშვიდობის შენარჩუნება, ქალები, მშვიდობა და უსაფრთხოება (WPS), ახალგაზრდები, მშვიდობა და უსაფრთხოება (YPS). სრულად... წყარო: ginsc.net

თბილისი. სამოქალაქო და სათემო ორგანიზაციები ეხმაურებიან საქართველოს პარლამენტის დეპუტატ ტარიელ ნაკაიძეზე თავდასხმებს და მიიჩნევენ, რომ ეს შეტევა არა მხოლოდ ინდივიდუალური პოლიტიკოსის წინააღმდეგაა მიმართული, არამედ, მიზნად ისახავს ზოგადად, უფლებადაცვითი საქმიანობის დისკრედიტაციას და ზიანს აყენებს უმცირესობების უფლებრივ მდგომარეობას საქართველოში. „ტარიელ ნაკაიძე, რუსული კანონის მხარდამჭერი დეპუტატებისგან განსხვავებით, პარლამენტის ტრიბუნას ხშირად იყენებს ადამიანის უფლებების დასაცავად, რელიგიური და ეთნიკური უმცირესობების, ქალებისა და ლგბტქი ადამიანების გამოწვევებზე სასაუბროდ. ხელისუფლების მიერ წარმოებული სიძულვილის ენა და საზოგადოების გახლეჩაზე ორიენტირებული პოლიტიკა, გარდა იმისა, რომ ეწინააღმდეგება დემოკრატიულ ღირებულებებს და ადამიანის უფლებების დაცვის სულისკვეთებას, შეუქცევადად აღრმავებს პოლიტიკურ ველზე არსებულ პოლარიზებას და აზიანებს მრავალფეროვან და პლურალისტურ გარემოს“, ნათქვამია ერთობლივ განცხადებაში. სრულად... წყარო: socialjustice.org.ge ფოტო: IPN

თბილისი. არასამთავრობო ორგანიზაციების საქმიანობის შესახებ საზოგადოების ცნობიერების და დამოკიდებულების შესაფასებლად, ჩართულობის და განვითარების ცენტრის (CPD) პარტნიორი ორგანიზაცია „ტოლერანტობის სამყარო” ატარებს მცირე გამოკითხვას.  შეავსეთ კითხვარი და გაუზიარეთ სხვა ორგანიზაციებსა და ადამიანებს, რომლებისთვისაც შეიძლება კვლევის მიზანი და პროცესი საინტერესო იყოს. კითხვარი... სრულად... წყარო: ორგანიზაციის გვერდი სოციალურ ქსელში

იმერეთი. ადგილობრივი დემოკრატიის სააგენტო საქართველომ (LDA Georgia) გამართა ოთხდღიანი სემინარი  ახალგაზრდული კლუბის წევრებისათვის ზესტაფონის მუნიციპალიტეტში. სემინარები ჩაატარა შემდეგ თემებზე:  სამოქალაქო საზოგადოების დემოკრატიული  ფუნქციები; სოციალური კაპიტალი; სამოქალაქო საზოგადოების მნიშვნელობა და როლი; ახალგაზრდების ჩართულობა. ამ აქტივობის მიზანია ახალგაზრდების/სტუდენტების განწყობების შეცვლა სამოქალაქო საზოგადოებისა და სათემო ორგანიზაციების მიმართ, ახალგაზრდებში მოხალისეობის პოპულარიზაცია და მათი ინტერესების გაზრდა სამოქალაქო საზოგადოებრივი ორგანიზაციების საქმიანობის მიმართ. ახალგაზრდული კლუბი შეიქმნა პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. ქალთა საინფორმაციო ცენტრი გიზიარებთ ბლოგების კონკურსის მარტის თვის მესამე გამარჯვებულის, ლილე კობაიძის ბლოგპოსტს. „ავტორი აღწერს საზოგადოებრივ სტერეოტიპებს შეწირული დედის ფიქრებს. ქალი წარსულში იხედება და ნანობს, რომ სხვისი ცხოვრებით იცხოვრა“. სრულად... წყარო: ორგანიზაციის გვერდი სოციალურ ქსელში

სამცხე-ჯავახეთი. საქართველოში კიდევ ერთი ამერიკული სივრცე გაიხსნა. „გვიხარია, რომ უკვე ახალქალაქელებსაც შევთავაზებთ მრავალ რესურსსა და აქტივობას. მთელ მსოფლიოში ამერიკული სივრცეები ყველასთვის ღია ადგილია სწავლისა და თავშეყრისათვის“. სრულად... წყარო: საელჩოს გვერდი სოციალურ ქსელში

სამეგრელო. სამოქალაქო სოლიდარობის ფონდმა შემოწირულობით 5 ცალი 5 კილოვატიანი გენერატორი იყიდა, რაც იმას ნიშნავს, რომ უკრაინაში 15 ოჯახი მომარაგდება ელექტროენერგიით. „ასევე, გვაქვს ტრანსპორტირების თანხის ნაწილი და ცოტა დაგვრჩა შესაგროვებელი, რომ ჩვენი საჩუქარი, უახლოეს დღეებში, გავგზავნოთ პოკროვსკში“, ნათქვამია ორგანიზაციის მიერ გავრცელებულ სიახლეში. სრულად... წყარო: ორგანიზაციის გვერდი სოციალურ ქსელში

თბილისი. 22 მარტს, საქართველოს უნივერსიტეტში „მიშგოვ ლარდას“ სტატიების კონკურსის „სვანური სამართალი“ გამარჯვებულთა დაჯილდოების ცერემონია გაიმართა. გამარჯვებულებს: ანა ჯაფარიძეს, მარიამ ფანგანსდა  მარიამ ნიგურიანს ფულად ჯილდოებთან ერთად გადაეცათ სერტიფიკატები და ბრძანებები საქართველოს უნივერსიტეტის სამართლის სკოლის საბაკალავრო პროგრამაზე სწავლის სრულად დაფინანსების შესახებ. სრულად... წყარო: ორგანიზაციის გვერდი სოციალურ ქსელში

გურია. „ახალგაზრდა პედაგოგთა კავშირის“ პარტნიორი საჯარო სკოლების „იდეებისა და მეწარმეობის ლაბორატორიის“ წევრებმა საკუთარი ინიციატივების დაფინანასების შესაძლებლობების შესახებ შეხვედრა ჩაატარეს ოზურგეთის მუნიციპალიტეტის მერიის კულტურის, განათლების, სპორტის და ახალგაზრდულ საქმეთა სამსახურში. სრულად... წყარო: ახალგაზრდა პედაგოგთა კავშირის გვერდი სოციალურ ქსელში

24 მარტს, 14:00 საათზე, ქუთაისში, სასტუმრო Kutaisi Inn-ში, USAID სამართლის უზენაესობის პროგრამა შეხვედრა-დისკუსიას თემაზე: ქალთა უფლებების დაცვა-ადმინისტრაციული ღონისძიებები და სოციალური გარანტია გამართავს. თემა: მონაწილე მოსამართლეები, არასამათავრობო ორგანიზაციების და საჯარო უწყებების წარმომადგენლები იმსჯელებენ დამცავი ორდერების გამოყენების თაობაზე და მიმოიხილავენ ამ მიმართულებით არსებულ სასამართლო პრაქტიკას.

24 მარტს, 10:30 საათზე, „საერთაშორისო გამჭვირვალობა-საქართველო“ ქონებრივ დეკლარაციებში დარღვევებთან დაკავშირებით პრესკონფერენციას გამართავს. მისამართი: თბილისი, „საერთაშორისო გამჭვირვალობა - საქართველოს“ ოფისი (აღმაშენებლის #61)

თბილისი. საქართველოს ახალგაზრდა იურისტთა ასოციაციის ცნობით, ბუნების დაცვის საერთაშორისო კავშირმა IUCN-მა - ორგანიზაციის ადამიანის უფლებათა პროგრამის ანალიტიკოსის ანა ბერიძის სტატია “Wild Law: a shift towards the eco-centered legal systems“ (ველური ბუნების დაცვის სამართალი) ერთ-ერთ საუკეთესო სტატიად მიიჩნია და 2023 წლის გარემოსდაცვითი სამართლის კოლოქვიუმზე მომხსენებლად მიიწვია ფინეთში. სრულად... დამატებითი ინფორმაცია… წყარო: ორგანიზაცის გვერდი სოციალურ ქსელში

თბილისი. კოალიციის ცნობით, 2023 წლის 14 მარტს გამოქვეყნდა ვენეციის კომისიის მოსაზრება „საერთო სასამართლოების შესახებ“ საქართველოს ორგანულ კანონში დაგეგმილ ცვლილებებთან დაკავშირებით. „მმართველი პარტიის განმარტებით, დაინიცირებული ცვლილებები მიზნად ისახავდა ევროკომისიის მიერ 12 პუნქტიანი რეკომენდაციების მართლმსაჯულების ნაწილის  შესრულებას. ვენეციის კომისიამ სისტემურად შეაფასა ის გამოწვევები რომლის წინაშეც სასამართლო დგას. კომისია მიუთითებს, რომ ცვლილებების პროექტი არ არის ყოვლისმომცველი, იგი არც იუსტიციის უმაღლესი საბჭოს საფუძვლიან რეფორმას ითვალისწინებს და არც ვენეციის კომისიის წინა რეკომენდაციებს. მოვუწოდებთ საქართველოს პარლამენტს, აღიაროს სასამართლოში არსებული პრობლემები და ვენეციის კომისიის რეკომენდაციების გათვალისწინებით, დროულად დაიწყოს სასამართლო სისტემის ფუნდამენტური რეფორმა, რაც რეალურად მოემსახურება ევროკომისიის 12 პუნქტიანი გეგმის შესრულებას“. სრულად... წყარო: transparency.ge

თბილისი. გაეცანით ცირა ჯანანაშვილის ბლოგპოსტს: პირადი განცხადებით სამსახურიდან გათავისუფლება: საჯარო მოხელის ნამდვილი ნება თუ მანკიერი პრაქტიკა? „საქართველოში საჯარო სამსახურიდან მოხელეთა პირადი განცხადების საფუძველზე გათავისუფლება წლების განმავლობაში რჩება ერთ-ერთ პრობლემურ საკითხად. საჯარო სამსახურის ბიუროს მიერ გამოქვეყნებული სტატისტიკის მიხედვით,  2020-2021 წლებში 5 055 გათავისუფლებული მოხელიდან 3 007-მა მოხელემ საჯარო სამსახური პირადი განცხადების საფუძველზე დატოვა, რაც გათავისუფლებულთა თითქმის 60 პროცენტს შეადგენს. პირადი განცხადების საფუძვლით გამოცემული გათავისუფლების ბრძანებების კანონიერება არაერთხელ დამდგარა ეჭვქვეშ. საჯარო სამსახურიდან პირადი განცხადების საფუძველზე გათავისუფლებულ საჯარო მოხელეთა დიდი რაოდენობა და არსებული სასამართლო დავები წარმოშობს გონივრული ეჭვს მოხელეების ნების ნამდვილობის თაობაზე“, ნათქვამია ბლოგპოსტში. სრულად... წყარო: www.gyla.ge

თბილისი. სამოქალაქო საზოგადოების ორგანიზაციები ევროკომისარ ოლივერ ვარჰეის მიმართავენ. „სამოქალაქო საზოგადოების ნაწილი ჩართულია ევროკავშირის სტატუსის მისანიჭებლად 12 რეკომენდაციის შესრულების მონიტორინგის პროცესში. მივესალმებით ევროკომისიის გადაწყვეტილებას 2023 წლის გაზაფხულზე რეკომენდაციების შესრულებასთან დაკავშირებით შუალედური შეფასება მოამზადოს. მოგმართავთ თხოვნით, შუალედური შეფასება იყოს საჯარო და ხელმისაწვდომი დაინტერესებული მხარეების, მათ შორის ქვეყნის სამოქალაქო საზოგადოებისთვის. ევროკომისიის შუალედური შეფასების საჯაროობა უზრუნველყოფს პროცესის გამჭვირვალობას, შესაძლებელს გახდის მასში სამოქალაქო საზოგადოების აქტიურ მონაწილეობას და მნიშვნელოვნად შეუწყობს ხელს პრიორიტეტების შესრულებაზე ეფექტიანი ზედამხედველობის განხორციელებას“. სრულად... წყარო: transparency.ge