თბილისი.თბილისი 24-ე საერთაშორისო კინოფესტივალი დაიწყო. ფესტივალის განმავლობაში 120 ევროპული და მსოფლიო კინოს საუკეთესო ნამუშევარი იქნება ნაჩვენები. ევროკავშირი გასცემს ჯილდოს “ადამიანის უფლებები კინოში” გამორჩეული დოკუმენტური და მხატვრული ფილმებისთვის, რომლებიც წარმოაჩენენ ადამიანის უფლებების თემატიკას. გამარჯვებულები დაჯილდოვდებიან დასკვნით ღონისძიებაზე.  სრულად... წყარო: ევროკავშირის წარმომადგენლობა საქართველოში

თბილისი. 29 ნოემბერს, 15:00 საათზე, ილია ჭავჭავაძის ლიტერატურულ-მემორიალურ მუზეუმში (ივანე ჯავახიშვილის ქ. 7, თბილისი) გაიმართება ევროკავშირისა (EU) და გაეროს განვითარების პროგრამის (UNDP) საჯარო დისკუსიათა ციკლის „საუბრები უფლებებსა და თავისუფლებებზე“ დასკვნითი შეხვედრა იგი საქართველოში ქალთა უფლებებისთვის ბრძოლის საკითხებს მიეძღვნება, განხილული იქნება ისტორიული და თანამედროვე კონტექსტი.  მომხსენებელი: თამთა მელაშვილი, მწერალი.  დასწრება თავისუფალია. დარბაზი ადაპტირებულია შეზღუდული შესაძლებლობის მქონე პირებისთვის. ღონისძიების მსვლელობაში უზრუნველყოფილია თარგმანი ქართულ, ინგლისურ და ჟესტურ ენებზე.  სრულად... წყარო: undp.org

თბილისი. ღირსეული შრომის პლატფორმას შრომის ინსპექტირების მიმართულებით ახალი კვლევის შედეგები გამოაქვეყნა. კვლევა მოიცავს ისეთ საკითხებს, როგორიცაა რა ფაქტორები აბრკოლებს შრომის ინსპექციის საქმიანობის ეფექტურობასა და სანდოობას? დაცულია თუ არა დასაქმებულთა კონფიდენციალურობა ინსპექტირების პროცესში, ან მის შემდეგ? ხდება თუ არა დამსაქმებლის რეინსპექტირება, რაც დარღვევების გამოსწორების მნიშვნელოვანი წინაპირობა სრულად...  წყარო: ღია საზოგადოების ფონდი

თბილისი. საერთაშორისო ორგანიზაციები ქალთა და გოგოების მიმართ ძალადობის წინააღმდეგ ბრძოლის საერთაშორისო დღესთან დაკავშირებით ერთობლი განცხადებას ავრცელებენ. ,, მოვუწოდებთ საერთო ქმედებისკენ ქალთა და გოგოების მიმართ ძალადობის ყველა ფორმის აღმოსაფხვრელად.” განცხადებას აქვეყნებენ გაერთიანებული ერების ორგანიზაცია საქართველოში, ევროკავშირის წარმომადგენლობა საქართველოში, ევროპის უშიშროებისა და თანამშრომლობის ორგანიზაცია, ნატოს სამეკავშირეო ოფისი და ავსტრიის, ახალი ზელანდიის, ბელგიის, გაერთიანებული სამეფოს, გერმანიის, დანიის, ესპანეთის, ესტონეთის, ირლანდიის, იტალიის, კანადის, ლატვიის, ნიდერლანდების, ნორვეგიის, პორტუგალიის, რუმინეთის, საბერძნეთის, საფრანგეთის, სლოვაკეთის, სლოვენიის, ფინეთის, შვედეთის, შვეიცარიის და ჩეხეთის საელჩოები საქართველოში.  განცხადება...  წყარო: გაეროს განვითარების პროგრამა

თბილისი. გაეროს განვითარების პროგრამა, ადამიანის უფლებების დღესთან დაკავშირებით კამპანია „იმოქმედე უფლებებისთვის!“ იწყებს, რომელიც 2023 წლის ბოლომდე გაგრძელდება. კამპანია განხორციელდება გაეროს განვითარების პროგრამის პარტნიორებთან და მხარდამჭერებთან თანამშრომლობით, რომელთა შორისაა საქართველოს საჯარო უწყებები, სამოქალაქო საზოგადოება, კერძო სექტორი, საერთაშორისო ორგანიზაციები, საელჩოები და დონორები, მათ შორის, ევროკავშირი და გერმანიის, ნორვეგიისა და შვედეთის საელჩოები.  სრულად...  წყარო: გაეროს განვითარების პროგრამა

თბილისი.17 ნოემბერს, თბილისში ადამიანის უფლებათა სახლის ყოველწლიური ღონისძიება „ფორუმი ადამიანის უფლებებისთვის“ გაიმართა. ფორუმზე წარმოდგენილნი იყვნენ რეგიონებში მომუშავე უფლებადაცვითი ორგანიზაციები, ინიციატივები და ინდივიდუალური აქტივისტები.  ფორუმი ადამიანის უფლებებისთვის 2018 წელს დაფუძნდა ადამიანის უფლებათა სახლის მიერ და მისი მიზანია ადამიანის უფლებების საკითხებზე მომუშავე რეგიონული ორგანიზაციებისა და აქტივისტებისთვის საკონტაქტო ქსელის გაზრდა, რეგიონებში უფლებადაცვითი აქტივიზმის გაძლიერება და ხელშეწყობა. სრულად...  წყარო: თბილისის ადამიანის უფლებათა სახლი

თბილისი.14 ნოემბერს, თანასწორობის კვირეულის ფარგლებში, „კოალიციამ თანასწორობისთვის“ სტუდენტებისა და სტუდენტური ორგანიზაციებისთვის გამართა შეხვედრა „ადამიანის უფლებებისა და თანასწორობის დამცველები.“  შეხვედრაზე მომხსენებლებმა ისაუბრეს თანასწორობის დაცვასა და დისკრიმინაციასთან ბრძოლაში უფლებადამცველების განსაკუთრებულ როლზე და მათ წინაშე არსებულ გამოწვევებზე. სრულად...  წყარო: მე ვირჩევ თანასწორობას

თბილისი.17 ნოემბერს, იურიდიული განათლების ხელშეწყობის ფონდმა და ბალტიის ადამიანის უფლებათა საზოგადოებამ, ადამიანის უფლებათა გზამკვლევის ციფრული პლატფორმის პრეზენტაცია გამართა.  ადამიანის უფლებათა გზამკვლევი არის ადამიანის უფლებების სწავლების ევროპული ციფრული პლატფორმა, რომელიც ხელმისაწვდომია ევროპის თერთმეტ ქვეყანაში და ძალიან მალე ამოქმედდება საქართველოში.  გზამკვლევი გთავაზობთ რესურსებსა და ინსტრუმენტებს, რომლებიც საზოგადოებას დაეხმარება შეისწავლონ ადამიანის უფლებები ყოველდღიური სიტუაციებისა და მაგალითების საფუძველზე.  ადამიანის უფლებათა გზამკვლევი შექმნილია ორგანიზაციების ქსელის მიერ ევროპის მასშტაბით და ეფუძნება მოსაზრებას, რომ ყველას აქვს უფლება იცოდეს თავისი უფლებები.  სრულად... წყარო: იურიდიული განათლების ხეშეწყობის ფონდი

თბილისი.საქართველოს ახალგაზრდა იურისტთა ასოციაცია საინფორმაციო ბარათს ავრცელებს, რომელიც შრომისუუნარობის დროს ანაზღაურების მიღებას ეხება. მასალა მომზადდა საქართველოს ახალგაზრდა იურისტთა ასოციაციის მიერ, საქართველოს ღია საზოგადოების ფონდის ფინანსური მხარდაჭერით. სრულად... წყარო: საქართველოს ახალგაზრდა იურისტთა ასოციაცია

თბილისი.25 ნოემბერს, ქალთა მოძრაობა, აქტივისტები აზერბაიჯანული თემიდან და ექსპერტები საპროტესტო მარშს გამართავენ.  „საქართველოში მხოლოდ სრულწლოვანებს აქვთ ქორწინების უფლება, მიუხედავად ამისა, ჩვენ გვესმის შემზარავი ამბები ბავშვთა ქორწინებისა, იძულებითი ნიშნობისა და ქორიწნებისა, 16 წლამდე გოგოების მშობიარობისა და ბოლოს 14 წლის აითაჯის მკვლელობისა „ქმრისგან“.- ნათქვამია ორგანიზაციის განცხადებაში  სრულად...  წყარო: ქალთა მოძრაობა

თბილისი.საქართველოს ახალგაზრდა იურისტთა ასოციაცია საინფორმაციო ბარათს ავრცელებს, რომელიც დეკრეტული შვებულების ანაზღაურების საკითხებს ეხება. მასალა მომზადებულია საქართველოს ახალგაზრდა იურისტთა ასოციაციის მიერ, საქართველოს ღია საზოგადოების ფონდის მხარდაჭერით.  სრულად... წყარო: საქართველოს ახალგაზრდა იურისტთა ასოციაცია

თბილისი.პლატფორმა „არა-ფობია!" ეხმიანება საქართველოს ადამიანის უფლებათა დაცვის 2024-2026 წლების ეროვნული სამოქმედო გეგმის პირველ ვერსიას.  „სრულიად მიუღებელი და თანასწორობისა და სხვა ფუნდამენტური უფლებების დაცვასთან ყოვლად შეუსაბამოა ლგბტქი+ თემის საჭიროებების უგულებელყოფა სამოქმედო გეგმაში“, ნათქვამია განცხადებაში.  პლატფორმის წევრი ორგანიზაციები მიიჩნევენ, რომ „აუცილებელია სამოქმედო გეგმაში აისახოს ლგბტქი+ თემის საჭიროებები, რათა კიდევ უფრო არ დასუსტდეს თანასწორობის დაცვა, არ გაუარესდეს თემის მიმართ არსებული აგრესიული გარემო და ხელი არ შეეშალოს ქვეყნის ევროინტეგრაციის პროცესს“.  სრულად...   წყარო: პლატფორმა „არა ფობია“ 

თბილისი.ადამიანის უფლებათა ცენტრმა გამოაქვეყნა ანალიტიკური დოკუმენტი -„მოსამართლის მიერ კითხვების დასმის უფლებამოსილების გამოყენება სავარაუდოდ პოლიტიკურად მოტივირებულ სისხლის სამართლის საქმეებზე“.  ანალიტიკური დოკუმენტის საკვლევი თემიდან გამომდინარე, ყურადღება გამახვილდება ადამიანის უფლებათა ცენტრის მონიტორინგის ქვეშ არსებულ 2 სისხლის სამართლის საქმეზე:  1. ივერი მელაშვილის და ნატალია ილიჩოვას (ე. წ. კარტოგრაფების) საქმე;  2. ბესიკ თამლიანის, ემზარ სიუკაევის, კახაბერ ქეშიკაშვილის, სტეფანე გიქოშვილისა და ლაშა სამხარაძის საქმე.  ადამიანის უფლებათა ცენტრი აღნიშნავს, რომ ანალიტიკურ დოკუმენტში, აგრეთვე, გაანალიზებულია მხარეთა მტკიცებულებების გამოკვლევის პროცესში მოსამართლის მონაწილეობის ხარისხი, შეფასდება მტკიცებულებების გამოკვლევის ეტაპზე მოსამართლის „აქტიურობა“ რამდენად თავსებადია საქართველოს საკონსტიტუციო სასამართლოს მიერ დადგენილ ზემოთ აღნიშნულ სტანდარტებთან. სრულად...  წყარო: ადამიანის უფლებათა ცენტრი

თბილისი.საქართველოს ახალგაზრდა იურისტთა ასოციაციამ, საქართველოში ბუნებრივი კატასტროფების რისკის მართვის კანონმდებლობასა და პრაქტიკასთან დაკავშირებით საადვოკაციო დოკუმენტის პრეზენტაცია გამართა. როგორც საია აღნიშნავს, საადვოკაციო დოკუმენტი, ადამიანის უფლებები ბუნებრივი კატასტროფების პირისპირ - ეხმიანება 2023 წლის აგვისტოში რაჭასა და 2023 წლის სექტემბერში გურიაში მომხდარ ბუნებრივ კატასტროფებთან დაკავშირებულ გარემოებებს, რათა დასვას საკვანძო შეკითხვები, როგორც სტიქიური მოვლენების გამომწვევი მიზეზების, ისე, სამაშველო ოპერაციის მართვის ეფექტიანობასთან დაკავშირებით. სრულად... წყარო: საქართველოს ახალგაზრდა იურისტთა ასოციაცია

კახეთი.ყვარლის მუნიციპალიტეტში, სოფელ ჩანთლისყურის საჯარო სკოლაში, არადომინანტური ეთნიკური ჯგუფების ახალგაზრდების მშობლებთან, საინფომრაციო შეხვედრა გაიმართა.  შეხვედრა „უფლებები საქართველოსა“ და „ახალსოფლის ახალგაზრდული ცენტრის“ ორგანიზებით ჩატარდა.  საინფორმაციო შეხვედრა ჩატარდა პროექტის - „ეთნიკური უმცირესობების ახალგაზრდათა ჩართულობის და ინკლუზიური მმართველობის ხელშეწყობა ლაგოდეხის და ყვარლის მუნიციპალიტეტებში“ - ფარგლებში, რომელსაც „უფლებები საქართველო“, „ლელიანის ზრდასრულთა განათლების ცენტრთან“ და „ახალსოფლის ახალგაზრდულ ცენტრთან“ პარტნიორობით, და „ომისა და მშვიდობის გაშუქების ინსტიტუტის“ (IWPR) მხარდაჭერით ახორციელებს.  სრულად...  წყარო: უფლებები საქართველო

თბილისი.სოციალური სამართლიანობის ცენტრი ეხმაურება ეუთოს დემოკრატიული ინსტიტუტებისა და ადამიანის უფლებების ოფისის შეფასებას „შეკრებებისა და მანიფესტაციების შესახებ“ კანონში დაგეგმილი ცვლილებების თაობაზე.  „კანონპროექტი უხეშად ეწინააღდეგება შეკრებისა და გამოხატვის თავისუფლების დაცვისთვის დადგენილ კონსტიტუციურ და საერთაშრისო სტანდარტებს და მკვეთრად აუარესებს პლურალიზმისა და დემოკრატიის ხარისხს ქვეყანაში. შესაბამისად, მოვუწოდებთ საქართველოს პარლამენტს, უარი თქვას კონსტიტუციური უფლებების სტანდარტების გაუარესებისკენ მიმართულ საკანონმდებლო ცვლილებებზე და არ დაძლიოს პრეზიდენტის ვეტო.“ - ნათქვამია განცხადებაში  სრულად...   წყარო: სოციალური სამართლიანობის ცენტრი

სოციალური სამართლიანობის ცენტრი აქვეყნებს, ოკუპაციის პირობებში, საქართველოს მოქალაქეების უფლებების დარღვევის შესახებ ინფოგრაფიკებს.  ორგანიზაციის ინფორმაციით: „საოკუპაციო ხაზებთან მხოლოდ 2016 წლიდან 2022 წლამდე დაკავებული იყო 961 ადამიანი. (...) არ ფუნქციონირებს ადრეული შეტყობინების სისტემა, არასაკმარისია საპოლიციო მუშაობა“.  ორგანიზაციის თქმით, მნიშვნელოვანია ხელისუფლებამ მეტი ძალისხმევა გასწიოს უსარფხოვების დაცვის და რისკების პრევენციის მიზნით.  სრულად... წყარო: სოციალური სამართლიანობის ცენტრი

თბილისი.საქართველოს ახალგაზრდა იურისტთა ასოციაცია მარიამ გაბროშვილის ბლოგს -„დასაქმებულის უფლებები სამსახურიდან გათავისუფლებისას“ ავრცელებს.  „შრომითი ურთიერთობის დაქვემდებარებული ხასიათიდან გამომდინარე, არსებობს საფრთხე, დასაქმებული აღმოჩნდეს არახელსაყრელ და არათანაბარ პირობებში დამსაქმებელთან შედარებით. სწორედ „ძლიერი მხარის“ მიერ „სუსტის“ საწინააღმდეგოდ ძალაუფლების ბოროტად გამოყენების თავიდან აცილებას ემსახურება შრომის კანონმდებლობით შრომითი ხელშეკრულების შეწყვეტის საფუძვლების დეტალური მოწესრიგება.“ - ნათქვამია ბლოგში  გაეცანით ვრცლად...  წყარო: საქართველოს ახალგაზრდა იურისტთა ასოციაცია

შიდა ქართლი.სოციალური სამართლიანობის ცენტრი განცხადებას ავრცელებს თამაზ გინტურის მკვლელობის საქმეზე.  „თამაზ გინტურის მკვლელობის საქმისა და საოკუპაციო ხაზთან არსებული უმძიმესი უსაფრთხოების კონტექსტის გათვალისწინებით, მიგვაჩნია, რომ არსებითია საქართველოს ხელისუფლებამ:  დაიწყოს გამოძიება თამაზ გინტურის მკვლელობის საქმეზე და უზრუნველყოს დამნაშავე პირების იდენტიფიცირება და დასჯა;  გააძლიეროს ძალისხმევა დაკავებული ლევან დოთიაშვილის დროული გათავისუფლების მიზნით;  საოკუპაციო ხაზთან მდებარე სოფლებში დაუყოვნებლივ დანერგოს ადრეული შეტყობინების სისტემა და არსებითად გააძლიეროს ამ სოფლებში საპოლიციო მუშაობა საქართველოს მოქალაქეების სიცოცხლის, უსაფრთხოებისა და ღირსების დაცვის მიზნით. გააძლიეროს საერთაშორისო დონეზე პოლიტიკური და დიპლომატიური მუშაობა საქართველოში რუსეთის ოკუპაციისა და მისგან მომდინარე მასობრივი უფლების დარღვევის ფაქტების აღიარებისა და რუსეთზე საგარეო პოლიტიკური ზეწოლის გაძლიერების მიზნით.  სამწუხაროდ, ამ მიმართულებით პოლიტიკური ძალისხმევა შემცირებული და დასუსტებული ჩანს; გამოიყენოს საერთაშორისო სამართლებრივი მექანიზმები აგვისტოს ომის შემდეგ უფლების დარღვევის უმძიმესი ფაქტებზე დავისთვის და მსხვერპლების ინტერესების დაცვისთვის.“ - ნათქვამია განცხადებაში  სრულად... წყარო: სოციალური სამართლიანობის ცენტრი

თბილისი.გაეროს განვითარების პროგრამამ ახალი სახელმძღვანელო „შეზღუდული შესაძლებლობის მქონე პირთა არსებითი მონაწილეობა გადაწყვეტილების მიღების პროცესში“ გამოაქვეყნა.  სახელმძღვანელოს საჯარო განხილვა 25 ოქტომბერს გაიმართა. მსჯელობაში მონაწილეობა მიიღეს შშმ პირებმა და შშმ პირთა საკითხებზე მოუშავე ორგანიზაციების, სამოქალაქო საზოგადოებისა და საქართველოს სახალხო დამცველის წარმომადგენლებმა.  სახელმძღვანელო გაეროს განვითარების პროგრამისა და გაეროს შშმ პირთა უფლებების დაცვის მრავალ-პარტნიორული ნდობის ფონდის (UNPRPD MPTF) მხარდაჭერით შეიქმნა.  სრულად... წყარო: გაეროს განვითარების პროგრამა

აფხაზეთი.სოციალური სამართლიანობის ცენტრი აფხაზეთის დე ფაქტო ხელისუფლების მიერ უკანონოდ დაპატიმრებული საქართველოს კიდევ ორი მოქალაქის საქმეს ეხმიანება.  „აფხაზეთში პატიმრობაში მყოფი პირების ჯანმრთელობა და უსაფრთხოება მძიმეა და მნიშვნელოვანია, საქართველოს ხელისუფლებას გააჩნდეს სისტემური მიდგომები და ინსტრუმენტები კონფლიქტის რეგიონებში ადამიანის უფლებების დაცვის ხელშეწყობისთვის, მათ შორის, არსებითია საერთაშორისო ორგანიზაციების წინაშე კონფლიქტის რეგიონებში ადამიანის უფლებათა დარღვევის ფაქტებზე და მათი ჩარევის გზებზე სისტემური მუშაობა, ასევე, გაჭიანურებული კონფლიქტის პირობებში დე ფაქტო ხელისუფლებებთან ადამიანური უსაფრთხოების, უფლებებისა და ჰუმანიტარული საკითხებზე პირდაპირი დიალოგის ფორმატების შექმნა.“ - ნათქვამია განცხადებაში  სრულად...   წყარო: სოციალური სამართლიანობის ცენტრი

თბილისი. საქართველოს ახალგაზრდა იურისტთა ასოციაცია აქვეყნებს ეკო მამალაძის ბლოგს – „უმუშევრობის დაზღვევის მექანიზმი და მისი მნიშვნელობა დასაქმებულთა ფინანსური სტაბილურობის უზრუნველყოფაში“.  „ახალ სოციალურ კოდექსზე მუშაობის დასრულება 2023 წლის ბოლოსთვის იყო დაანონსებული და მის განხორციელებაში საქართველოს ევროკავშირი, საფრანგეთის და ჩეხეთის სააგენტოები უწევდნენ დახმარებას, თუმცა, 2021 წლის ბოლოს მინისტრის ცვლილების შემდეგ, ახალ სოციალურ კოდექსზე მუშაობის საკითხი აქტიურ დღის წესრიგში აღარ დგას და უცნობია თუ რა ბედი ეწევა როგორც სოციალურ კოდექსს, ასევე უმუშევრობის დაზღვევის ქართულ პერსპექტივას“, ნათქვამია ბლოგში.  სრულად...  წყარო: საქართველოს ახალგაზრდა იურისტთა ასოციაცია