თბილისი. ადამიანის უფლებების სწავლებისა დამონიტორინგის ცენტრმა (EMC) სოფელ ჭელაში მიმდინარე მოვლენების ამსახველი ვიდეო მასალა გაავრცელეს. ცენტრის მიერ მომზადებული ვიდეო ჭელაში მინარეთის დემონტაჟის შემდეგ განვითარებულ მოვლენებს ასახავს და ადგილობრივი ქართველი მუსლიმების შეფასებებს აჩვენებს. ინტერვიუები ჩაწერილია 27 აგვისტოს, ახალციხეში შსს-ს სამმართველოსთან მიმდინარე საპროტესტო აქციის მსვლელობისა. ვიდეო   წყარო:ორგანიზაციის გვერდი სოციალურ ქსელში

თბილისი. „ქალთა ინიციატივების მხარდამჭერი ჯგუფი" უერთდება საერთაშორისო კამპანიას. კამპანია „მიზნად ისახავს მიაპყროს საერთაშორისო საზოგადოების ყურადღება რუსეთში ადამიანის უფლებათა დარღვევის ფაქტებზე სანკტ–პეტერბურგში 5–6 სექტემბერს დაგეგმილი G20 სამიტის წინ". ნებისმიერ მსურველს შეუძლია შეუერთდეს კამპანიას ბმულზე  წყარო:ორგანიზაციის გვერდი სოციალურ ქსელში

თბილისი. არასამთავრობო ორგანიზაციებმა სოფელ ჭელაში განვითარებული მოვლენების შესახებ ერთობლივი განცხადება გაავრცელეს. „26 აგვისტოს საბაჟო სამსახურის მიერ განხორციელებული ღონისძიებისას მოხელეთა ქმედებებში იკვეთება დანაშაულის ნიშნები, რაც აუცილებლად უნდა გახდეს საქართველო მთავარი პროკურატურის ძიების საგანი. შესაბამისად, მოვუწოდებთ მთავარ პროკურორს, დაიწყოს გამოძიება ხსენებულ ფაქტთან დაკავშირებით და პასუხისგებაში მიეცნენ ის მოხელეები და თანამდებობის პირები, რომელთა უკანონო მოქმედებებმაც უხეშად ხელყვეს სოფელ ჭელას მოსახლეობის კონსტიტუციით გარანტირებული უფლებები", ნათქვამია განცხადებაში.  განცხადებას ხელს აწერენ: საქართველოს დემოკრატიული ინიციატივა (GDI), ტოლერანტობის და მრავალფეროვნების ინსტიტუტი (TDI), ეთნოსთაშორის თანამშრომლობისა და კონსულტაციების ანალიტიკური ცენტრი (ACICC), საქართველოს ახალგაზრდა იურისტთა ასოციაცია (GYLA), მედიის განვითარების ფონდი (MDF), ფონდი ALPE, მრავალეროვანი საქართველო, ადამიანის უფლებათა  სწავლებისა და მონიტორინგის ცენტრი (EMC). სრულად  წყარო: gyla.ge

თბილისი. სამართლიანი არჩევნებისა და დემოკრატიის საერთაშორისო საზოგადოებამ ბლოგი – „პოლიციის მიერ ჩატარებულ რეიდები: რა უნდა იცოდეთ თქვენი უფლებების შესახებ?" –  გაავრცელა. „ბოლო დღეების განმავლობაში თბილისში განხორციელებული რამდენიმე რეიდის შესახებ „სამართლიანი არჩევნებისა და დემოკრატიის საერთაშორისო საზოგადოება" იზიარებს საზოგადოების შეშფოთებას და აუცილებლად მიიჩნევს მოქალაქეებს მიაწოდოს ინფორმაცია საქართველოს კანონმდებლობით დადგენილი წესებისა და პროცედურების შესახებ". სრულად წყარო: isfed.ge

თბილისი. ადამიანის უფლებათა ცენტრი, „საზოგადოებრივი დამცველი", „კონსტიტუციის 42-ე მუხლი" და მედიის ინსტიტუტი „გმობენ შემოსავლების სამსახურის მიერ 26 აგვისტოს ადიგენის მუნიციპალიტეტის სოფელ ჭელაში მეჩეთის მინარეთის დემონტაჟს. განსაკუთრებით შემაშფოთებელია დემონტაჟის დროს გამოყენებული უხეში ფორმები მუსლიმი მოქალაქეების მიმართ, რაც შეიძლება გაიგივდეს რელიგიური გრძნობების შეურაცხყოფასთან", ნათქვამია ორგანიზაციების მიერ გავრცელებულ განცხადებაში. ორგანიზაციები მოუწოდებენ ხელისუფლებას, ხელისუფლებას, „გამოიძიოს ჭელაში მომხდარი ინციდენტის რეალური მიზეზები და დაადგინოს, ხომ არ ჰქონდა ადგილი წინასწარ განზრახულ პროვოკაციას. ასევე, მოვუწოდებთ პოლიტიკურ ძალებს, არ გამოიყენონ ინციდენტის თანმხლები საზოგადოებრივი მღელვარება პოლიტიკური მიზნებისათვის".  სრულად წყარო: humanrights.ge

თბილისი. საქართველოს ახალგაზრდა მწვანეებმა სოფელ ჭელაში განვითარებულ მოვლენებზე განცხადება სოციალურ ქსელში გაავრცელეს. „მომხდარმა, კიდევ ერთხელ დაადასტურა რელიგიურ და ეთნიკურ ნიადაგზე საქართველოს მოქალაქეების დევნისა და შეუწყნარებლობის შემთხვევების კატასტროფული ზრდა, რომლის ბუნებრივ პირობებსაც სწორედ ხელისუფლების არათანმიმდევრული და პრივილეგირებულ ჯგუფებზე მორგებული პოლიტიკური კურსი ქმნის. სოფელ ჭელაში მინარეთის დეკონსტრუქციით უგულებელყოფილ იქნა ადგილობრივი მოსახლეობის ინტერესები და კონსტიტუციით მინიჭებული უფლებები, რაც შემდგომში გამოიხატა შინაგან საქამეთა სამინისტროს წარმომადგენლების მხიდან ძალადობრივ აქტებში", ნათქვამია განცხადებაში.  წყარო:ორგანიზაციის გვერდი სოციალურ ქსელში

თბილისი. „საერთაშორისო გამჭვირვალობა – საქართველომ" მინარეთის დემონტაჟთან დაკავშირებით განცხადება გაავრცელა. „საგანგაშოა შემოსავლების სამსახურის მიერ მიღებული გადაწყვეტილება და ის ფორმა, რომლითაც უწყებამ გადაწყვიტა შემოწმების ჩატარება, მაშინ როდესაც საკითხი ეხებოდა რელიგიურ უმცირესობებს და მათ კონსტიტუციით დაცულ უფლებებს. სახელმწიფო სამსახურის ამგვარი ზედაპირული დამოკიდებულება ჩვენი ქვეყნის რელიგიური უმცირესობების მიმართ დაუშვებელია. ამ ქმედებებით შეილახა ადგილობრივი მუსლიმი მოსახლეობის უფლებები. სახელმწიფო ვალდებულია დაიცვას საქართველოს კონსტიტუციით გარანტირებული რწმენის თავისუფლება და პატივი სცეს ყველა აღმსარებლობის წარმომადგენლებს", ნათქვამია განცხადებაში. სრულად წყარო:ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრი (EMC) ახორციელებს პროექტს, რომელიც ნიგვზიანსა და წინწყაროში გამოვლენილი რელიგიური კონფლიქტების კვლევასა და შესაბამისი რეკომენდაციის მომზადებას მოიცავს. კვლევა მოიცავს როგორც კონფლიქტების დარეგულირების პროცესშისახელმწიფოს როლის შეფასებას რელიგიის თავისუფლების, სეკულარიზმისა დასამართლიანობის პრინციპების საფუძველზე, ისე კონფლიქტების სოციალური, პოლიტიკურიდა კულტურული კონტექსტების თეორიულ ანალიზს. პროექტის ფარგლებში, 20 აგვისტოს გაიმართა შეხვედრა სახელმწიფოსა და რელიგიური ორგანიზაციების წარმომადგენლებთან, სადაც ადამიანის უფლებების სწავლებისა და მონიტორინგის ცენტრის წარმომადგენლებმა კვლევის პირაველადი შედეგები და რეკომენდაციების პროექტი წარადგინეს. სრულად წყარო: ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა – საქართველოს ინფორმაციით ქუთაისის საქალაქო სასამართლომ ქუთაისის მერიიდან გათავისუფლებული ათი პირის საქმეზე გადაწყვეტილება გამოიტანა. „სასამართლოს გადაწყვეტილებით ხუთი პირის სასარჩელო მოთხოვნა სრულად დაკმაყოფილდა, სამი – ნაწილობრივ, ხოლო ორი არ დაკმაყოფილდა. შეგახსენებთ, რეორგანიზაციისა და შტატების შემცირების საფუძვლით ქუთაისის მერიიდან 86 თანამშრომელი გათავისუფლდა, ხოლო მერის ორი მოადგილე – სამსახურებრივი უფლებამოსილების უხეში დარღვევის მოტივით". 12 მათგანის ინტერესებს „საერთაშორისო გამჭვირვალობა – საქართველო" იცავს. სრულად წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა კონსტიტუციონალისტთა ასოციაცია, კონსტიტუციის მიღების დღესთან დაკავშირებით, 24 აგვისტოს მართავს ამ დღისადმი მომზადებული სოციალური ჩვიდეორგოლის პრეზენტაციას. ასევე საქართველოს პარლამენტის შენობის წინ ორგანიზაციის წარმომადგენლები მოქალაქეებს მიაწვდიან ინფორმაციას კამპანიის – „შენ კონსტიტუცია გიცავს" – შესახებ ინფორმაციას. წყარო: ორგანიზაციის გვერდი სოციალურ ქსელში

აჭარა. საერთაშორის გამჭვირვალობა – საქართველომ გამოაქვეყნა პუბლიკაცია – „ინფრასტრუქტურული პროექტები და საკუთრების უფლება მაღალმთიან აჭარაში". ორგანიზაციის ბათუმის წარმომადგენლობის იურისტები  ადგილობრივი მოსახლეობისთვის უფასო იურიდიული კონსულტაციების მიზნით ზემო აჭარის სოფლებს ეწვივნენ. ივლისის ბოლოს იურიდიული კონსულტაცია 12 სოფლის მოსახლეობას გაეწია. სრულად წყარო: transparency.ge 

იმერეთი. საერთაშორისო გამჭვირვალობა საქართველოს ორი სარჩელი ნაწილობრივ დააკმაყოფილა ქუთაისის საქალაქო სასამართლომ. როგორც ორგანიზაციის გვერდზე სოციალურ ქსელშია ნათქვამია „ქუთაისის საქალაქო სასამართლომ ბათილად ცნო ქუთაისის მერის დიმიტრი კოპალიანის 24 ივნისის ბრძანებები დავით ცაგარეიშვილისა და ირაკლი ქანთარიას სამსახურიდან გათავისუფლეების შესახებ და ქუთაისის მერს საკითხი დამატებითი შესწავლისთვის დაუბრუნა". საერთაშორისო გამჭვირვალობა – საქართველო" აგრძელებს მოსარჩელეთა ინტერესების დაცვას. სრულად წყარო: ორგანიზაციის გვერდი სოციალურ ქსელში

თბილისი. ადამიანის უფლებათა ცენტრი მსჯავრდებულ გია ალავიძის საქმის შესწავლას მოითხოვს, ნათქვამია თბილისის ადამიანის უფლებათა სახლის ვებგვერდზე. პუბლიკაციაში აღნიშნულია: „გია ალავიძე იმ სკანდალური ვიდეოკადრების ავტორია, რომელიც 2009 წლის 25 მაისს გაშუქდა ტელეკომპანია „მაესტროს"  ეთერით, გადაცემაში - „პროფესია ჟურნალისტი". კადრებში ნათლად არის ასახული, როგორი პრივილეგიებით სარგებლობდნენ სანდრო გირგვლიანის გახმაურებული მკვლელობისათვის მსჯავდებული პირები სასჯელაღსრულების დაწესებულებაში. სწორედ აღნიშნული ვიდეოკადრების გასვლის შემდგომ დაიწყო გია ალავიძის  დევნა, რასაც მოჰყვა მის წინააღმდეგ წარმოებული სისხლის სამართლის საქმე და 20 წლით თავისუფლების აღკვეთა". ადამიანის უფლებათა ცენტრმა, როგორც ვებგვერზეა აღნიშნული, შეისწავლა აღნიშნული საქმე და მიიჩნევს, რომ მთავარმა პროკურატურამ და პარლამენტის ადამიანის უფლებათა დაცვის კომიტეტმა უნდა შეისწავლოს აღნიშნულ საქმეში არსებული დარღვევები და მოახდინოს რეაგირება. სრულად წყარო: humanrightshousetbilisi.wordpress.com

თბილისი. „საერთაშორისო გამჭვირვალობა – საქართველო" ქუთაისის მერიიდან გათავისუფლებულთა ინტერესებს დაიცავს. ინფორმაცია ორგანიზაციამ სოციალურ ქსელში გაავრცელა. გათავისუფლებულ თანამშრომლებს შორის არიან ვიცემერები, სამსახურის და განყოფილებების უფროსები, ასევე სხვადასხვა რანგის სპეციალისტები.  „საერთაშორისო გამჭვირვალობა – საქართველოს მიერ მოკვლეული მასალებიდან დგინდება, რომ ქუთაისის მერიიდან თანამშრომელთა გათავისუფლება კანონის დარღვევით განხორციელდა. ...  მიუხედავად იმისა, რომ ჩვენ ვუშვებთ ზოგიერთი საჯარო მოხელის მიერ უფლებამოსილებათა გადამეტების ალბათობას, მნიშვნელოვანია, რომ ნებისმიერი გადაწყვეტილება პირის თანამდებობიდან გათავისუფლების შესახებ იყოს დასაბუთებული და ყოველი გადაცდომა დადასტურებული შესაბამისი მოკვლევის შედეგად", ნათქვამია სოციალურ ქსელში. სრულად წყარო:ორგანიზაციის გვერდი სოციალურ ქსელში

იმერეთი.  6 აგვისტოს ქუთაისის ახალგაზრდული ცენტრის წევრებისათვის  გაიმართა დისკუსიას თემაზე: „არალეგალური მიგრაცია და ტრეფიკინგი". შეხვედრაზე მოწვეულმა სტუმარმა, მიგრაციის საერთაშორისო ორგანიზაციის (IOM) ქუთაისის ოფისის ხელმძღვანელმა დამსწრეებს გააცნო ისეთი მნიშვნელოვანი საკითხები, როგორიცაა: ტრეფიკინგის ნიშნები; ტრეფიკინგის ფორმები; მდგომარეობა საქართველოში ტრეფიკინგის და არალეგალური მიგრაციის საკითხებთან დაკავშირებით (ხელშემწყობი ფაქტორები); ტრეფიკინგის შემთხვევები საქართველოში და მასთან ბრძოლის სამართლებრივი მექანიზმები; ადამიანთა ვაჭრობის (ტრეფიკინგის) წინააღმდეგ ბრძოლის სამოქმედო გეგმა და სახელმწიფოს როლი ტრეფიკინგის პრევენციის საკითხებში და ა.შ. ახალგაზრდული ცენტრის წევრებს დაურიგდათ საინფორმაციო მასალები. დისკუსია გაიმართა „საქართველოში ეროვნული ინტეგრაციის გაძლიერების პროექტის" (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით. წყარო: ქუთაისის ახალგაზრდული ცენტრის გვერდი სოციალურ ქსელში

თბილისი. ადამიანის უფლებათა ცენტრმა ანგარიში – „საქართველოს ფსიქიატრიული დაწესებულებები – პრობლემები, საჭიროებები, რეკომენდაციები" – გამოაქვეყნა. ანგარიში ეყრდნობა ადამიანის უფლებათა ცენტრის წარმომადგენელთა მიერ საქართველოს რიგ ფსიქიატრიულ დაწესებულებებში განხორციელებული ვიზიტებისა და კვლევის შედეგებს. ჯგუფის შემადგენლობაში იყვნენ:  ორი იურისტი, პათოფსიქოლოგი, უფლებადამცველი (ამავდროულად, სერვისის მომხმარებელი) და ჟურნალისტი ოპერატორთან ერთად. პროექტის ფარგლებში მომზადდა ასევე  დოკუმენტური ორსერიანი ფილმი - „გარიყულები". კვლევა დაფინანსებულია Pro Viqtimis Fundations-ს მიერ. ანგარიში ფილმი – გარიყულები (ნაწილი  1) ფილმი – გარიყულები (ნაწილი 2) წყარო:humanrights.ge

თბილისი. 7-9 აგვისტოს, თბილისის ადამიანის უფლებათა სახლში „ქალთა იურიდიული გზამკვლევის" პრეზენტაცია გაიმართება. ღონისძიების ფარგლებში საუბრები იქნება თემენზე: ქალი და ოჯახი, ქალი და შრომა, განათლების უფლება, პოლიტიკურ ცხოვრებაში მონაწილეობა, ოჯახში ძალადობა, სოციალური საკითხები და ა.შ.  გზამკვლევი ორგანიზაცია „კონსტიტუციის 42–ე მუხლის" მიერ მომზადდა. პროექტი დაფინასებულია გერმანიის საერთაშორისო საზოგადოებისა (GIZ) და ქალთა გაეროს ფონდის (UN WOMAN) მიერ.  სრულად  წყარო:ორგანიზაციის გვერდი სოციალურ ქსელში

თბილისი. ადამიანის უფლებათა ცენტრმა 5 აგვისტოს ბაჩანა ახალაიას სასამართლო პროცესთან დაკავშირებით განცხადება გაავრცელა. ორგანიზაცია მიიჩნევს, რომ „პროცესის მცირე ზომის დარბაზში გამართვით ბევრ დაინტერესებულ პირს წაერთვა შესაძლებლობა დასწრებოდა სასამართლო პროცესს, როთაც შეიზღუდა საქმის საჯარო მოსმენის უფლება". ადამიანის უფლებათა ცენტრი მოუწოდებს თბილისის საქალაქო სასამართლოს უზრუნველყო საზოგადოებისთვის მნიშვნელოვანი საქმეების სასამართლოს პროცესების დიდი ზომის დარბაზში გამართვა. სრულად წყარო: humanrights.ge

თბილისი. პირველი აგვისტოდან ასოციაცია „ანიკამ" პროექტის– „შეზღუდული შესაძლებლობის მქონე პირთა უფლებების დაცვა" – განხორციელება დაიწყო. პროექტი მიზნად ისახავს ხელი შეუწყოს ქმედუუნაროდ აღიარებული და ყველა სხვა შეზღუდული შესაძლებლობის მქონე პირის, მათი კანონიერი წარმომადგენლების (მეურვე, მზრუნველი, ოჯახის წევრი) სამართლებრივი დაცვის გარანტიების შექმნას.  იმისათვის, რომ შეზღუდული შესაძლებლობის მქონე პირთა უფლებები სხვა სოციალური ჯგუფების უფლებათა თანაბრად იქნას დაცული, ასოციაცია „ანიკასთან" შეიქმნა „შეზღუდული შესაძლებლობის მქონე პირთა სამართლებრივი უფლებების დაცვის ცენტრი", რომლის იურისტები (ადვოკატები) იზრუნებენ პროექტის სამიზნე ჯგუფის სამართლებრივი დაცვის მექანიზმების შექმნაზე კვალიფიციური იურიდიული დახმარებისა და საადვოკატო საქმიანობის განხორციელების გზით, უფასოდ. სამართლებრივი კონსულტაციების მიღება შესაძლებელი იქნება ასევე ონლაინ რეჟიმში;  დაინტერესებულმა პირებმა შეგიძლიათ მიმართოთ „შეზღუდული შესაძლებლობის მქონე პირთა სამართლებრივი უფლებების დაცვის ცენტრს" მისამართზე: ქ. თბილისი, ც. დადიანის ქ. #136 (ნაძალადევის რაიონი). ტელ: +995 32 269 45 91; ელ. ფოსტა: anika97_13@mail.ru  anika97_13@mail.ru   წყარო: „კოალიცია დამოუკიდებელი ცხოვრებისათვის" გვერდი სოციალურ ქსელში

თბილისი. საერთაშორისო გამჭვირვალობა – საქართველომ საკუთრების უფლებების დარღვევის შესახებ მოპოვებული რამდენიმე ისტორიაზე ფილმი გადაიღო. სადაც უფლებაშელახული მესაკუთრეები თავად ყვებიან საკუთარ ისტორიებს. „საერთაშორისო გამჭვირვალობა – საქართველო" დაზარალებულებს საქართველოს რამდენიმე ქალაქში ესაუბრა: თბილისი, გარდაბანი, რუსთავი, სიღნაღი და ლაგოდეხი. ფილმი  წყარო: ორგანიზაციის გვერდი სოციალურ ქსელში

თბილისი. ორგანიზაციამ - ახალგაზრდული ცენტრი დამოუკიდებელი ცხოვრებისათვის ევროპული სტრუქტურების კვლევა სოციალურ ქსელში გაავრცელა. კვლევის თემაა ორმაგი დისკრიმინაციის შესახებ: გენდერისა და შეზღუდული შესაძლებლობის ნიშნით. სრულად წყარო:ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა – საქართველომ ფარული ჩანაწერების შესახებ თომას ჰამარბერგის წინასწარი რეკომენდაციის თარგმანი გამოაქვეყნა. „შესაძლებელია ერთი ჩანაწერის ნიმუშის სახით შენარჩუნება სასამართლოს წინაშე მისი წარდგენის მიზნით (რის შემდგომაც ის უნდა განადგურდეს) მხოლოდ იმ შემთხვევაში, თუ ის სრულიად აუცილებლად მიიჩნევა, როგორც მტკიცებულებითი მასალა და მხოლოდ იმ პირობით, თუ იარსებებს პირადი ცხოვრების ხელშეუხებლობის სრული გარანტიები. მაგრამ პირადი ცხოვრების ხელშეუხებლობის უფლებასა და პროკურატურის ინტერესებს შორის კონფლიქტის შემთხვევაში, უპირატესობა პირველს უნდა მიენიჭოს", ნათქვამია რეკომენდაციაში. სრულად წყარო: transparency.ge