თბილისი. ადამიანის უფლებათა სახლმა ბაჩანა ახალაიას სასამართლო პროცესის მიმდიანრეობის შესახებ ინფორმაცია განათავსა. „ბაჩანა ახალაიას სასამართლო პროცესზე დაცვის მხარის მოწმეებმა,  სენაკის ბატალიონის ყოფილმა მეთაურმა დავით ვეკუამ და  მეოთხე ბატალიონის სერჟანტმა ირაკლი ჯიმშელაძემ,  წინასწარი გამოძიების დროს მიცემული ჩვენებები შეცვალეს. ჯიმშელაძის თქმით, გამოძიების დროს მასზე ზეწოლა მიმდინარეობდა", ნათქვამია ორგანიზაციის ვებ–გვერდზე. სრულად წყარო: humanrights.ge 

აჭარა. ასოციაცია ღირსეულმა სიბერემ ქალთა და გოგონათა ძალადობის წინააღმდეგ ბრძოლის სოლიდარობის დღესთან დაკავშირებით საინფორმაციო კამპანია ჩაატარა. ინიციატივა მიზნად ისახავდა მოსახლეობის ინფორმირებულობის გაზრდას ქალთა და გოგონათა მიმართ ძალადობის შესახებ. ასოციაციის მოხალისეებმა ქობულეთის ხალხმრავალ ადგილებში საინფორმაციო მასალა დაარიგეს, რომელშიც გადმოცემული იყო ინფორმაცია ოჯახში ძალადობის მსხვერპლთა დაცვისა და დახმარების სახელმწიფო ფონდის მომსახურებების შესახებ, ასევე ეროვნული ცხელი ხაზის ტელეფონის ნომერი 2 309 903.  წყარო:ორგანიზაციის გვერდი სოციალურ ქსელში

თბილისი. არასამთავრობო ორგანიზაცია "უფლებების სკოლა" ეხმაურება პირველი სკოლის მიმდებარე ტერიტორიაზე  ბანერების გაკვრის დროს ნიკა ჩომახაშვილის დაკავების ფაქტს.  „პოლიციელების მხირდან მის მიმართ განხორციელდა ზეწოლა და ადგილი ქონდა სიტყვიერ შეურაწყოფას, რომელიც შეიცავდა დისკრიმინაციულ გამონათქვამებს. გარდა ამისა, ნიკა ჩომახაშვილის მიმართ დაირღვა სისხლის სამართლის საპროცესო კოდექსისა და კონსტიტუციის უმნიშვნელოვანესი მოთხოვნები, კერძოდ ეს შეეხებოდა ადვოკატის მოთხოვნის უფლებას, მტკიცებულებების არასწორ დალუქვას და ა.შ.", ნათქვამია ორგანიზაციის მიერ გავრცელებულ განცხადებაში.  სრულად https://www.facebook.com/notes/%E1%83%A3%E1%83%A4%E1%83%9A%E1%83%94%E1%83%91%E1%83%94%E1%83%91%E1%83%98%E1%83%A1-%E1%83%A1%E1%83%99%E1%83%9D%E1%83%9A%E1%83%90-school-of-rights/%E1%83%A3%E1%83%A4%E1%83%9A%E1%83%94%E1%83%91%E1%83%94%E1%83%91%E1%83%98%E1%83%A1-%E1%83%A1%E1%83%99%E1%83%9D%E1%83%9A%E1%83%90-%E1%83%94%E1%83%AE%E1%83%9B%E1%83%90%E1%83%A3%E1%83%A0%E1%83%94%E1%83%91%E1%83%90-%E1%83%9C%E1%83%98%E1%83%99%E1%83%90-%E1%83%A9%E1%83%9D%E1%83%9B%E1%83%90%E1%83%AE%E1%83%90%E1%83%A8%E1%83%95%E1%83%98%E1%83%9A%E1%83%98%E1%83%A1-%E1%83%93%E1%83%90%E1%83%99%E1%83%90%E1%83%95%E1%83%94%E1%83%91%E1%83%98%E1%83%A1-%E1%83%A4%E1%83%90%E1%83%A5%E1%83%A2%E1%83%A1/589832667728259 წყარო:ორგანიზაციის გვერდი სოციალურ ქსელში

თბილისი. 25 ივნისს, თბილისის ადამიანის უფლებათა სახლში გაიმართა პრესკონფერენცია ერთ–ერთი მსჯავრდებულის შესახებ, რომელსაც ადამიანის უფლებათა ცენტრის იურისტი ნესტან ლონდარიძე  იცავს. დაცვა ხორციელდება თბილისის ადამიანის უფლებათა სახლის პროექტის  („უფასო იურიდიული დახმარება სოციალურად დაუცველ მოქალაქეებს") ფარგლებში. „ნესტან ლონდარიძე პატიმრის ვადაზე ადრე გათავისუფლების მოთხოვნით მიმართავს საქართველოს სასჯელაღსრულების, პრობაციისა და იურიდიული  დახმარების საკითხთა სამინისტროსა და შრომის, ჯანმრთელობისა და სოციალური დაცვის სამინისტროს ერთობლივ მუდმივმოქმედ კომისიას. ზაზა აზარიაშვილს, რომელიც სამი ტომარა ცემენტის ყაჩაღური გზით მოპოვებისთვის არის გასამართლებული, აღენიშნება მძიმე დაავადებები, რის გამოც, საპატიმროში დარჩენის შემთხვევაში, მის სიცოცხლეს მნიშვნელოვანი საფრთხე ექმნება. ამასთანავე, მსჯავრდებული წამების მსხვერპლია", ნათქვამია ორგანიზაციის გვერდზე. სრულად  წყარო:humanrightshousetbilisi.wordpress.com

თბილისი.ორგანიზაცია იდენტობამ მეთორმეტე გეი–სთრეით ალიანსის ანგარიში გამოაქვეყნა. „გეი-სთრეით ალიანსის მორიგი შეხვედრა ძირითადად ჩვიდმეტი მაისის შეფასებას ემსახურებოდა. მონაწილეთა ნაწილი მიიჩნევდა, რომ პირადი ცხოვრების საჯაროდ გამოტანა, მით უმეტეს თუ ეს საზოგადოებას მტრულად განაწყობს, მიუღებელია. ნაწილს კი ქუჩის აქტივიზმი სწორედ რომ პირადი ცხოვრების დაცვის მნიშვნელოვან ბერკეტად წარმოუდგენია", ნათქვამია ორგანიზაციის ვებგვერდზე. სრულად წყარო: identoba.com

თბილისი. შშმ ბავშვთა დაცვის ცენტრმა გაავრცელა შეზღუდული შესაძლებლობის მქონე ბავშვების მშობელთა პეტიცია. „შეზღუდული შესაძლებლობის მქონე ბავშვები წარმოადგენენ საზოგადოების იმ ნაწილს, რომელსაც პიროვნების თავისუფალი განვითარების უფლებით სარგებლობისათვის განსაკუთრებული ხელშეწყობა სჭირდება. სახელმწიფო ვალდებულია ზრუნავდეს ყველა მის მოქალაქეზე ადეკვატურად, ადეკვატური ზრუნვა კი გამოიხატება თანაბარი შესაძლებლობების უზრუნველყოფაში", ნათქვამია პეტიციაში. პეტიცია წყარო:შშმ ბავშვთა დაცვის ცენტრი სოციალურ ქსელში

თბილისი. თბილისის ადამიანის უფლებათა სახლმა საიდუმლო საცავში აღმოჩენილი წამების ამსახველი ვიდეო მასალის შესახებ განცხადება გაავრცელა. ადამიანის უფლებათა ცენტრის აღმასრულებელი დირექტორი ალეკო ცქიტიშვილი მიიჩნევს, რომ წამების მსხვერპლის დაცვა და მისი რეაბილიტაცია არის ყველაზე მნიშვნელოვანი გამოწვევა დღევანდელი სახელმწიფოსთვის. „შსს-მ და ზოგადად ხელისუფლებამ ყველაფერი უნდა გააკეთოს იმისათის, რომ არ მოხდეს წამების მსხვერპლთა იდენტიფიკაცია, რათა მათ კიდევ ერთხელ არ მივაყენოთ ტკივილი. მსგავსი „კინოსეანსების” ჩვენებები გამოძიებას არაფერს არგებს და საჭიროა მიუკერძოებელი გამოძიება და მსხვერპლთან ერთად ეჭვმიტანილების დაცვა." სრულად წყარო: humanrightshousetbilisi.wordpress.com

აჭარა. 22 ივნისს, ბათუმის დემოკრატიული ჩართულობის ცენტრში საქართველოს დემოკრატიული ინიციატივის ორგანიზებით ტრენინგი ჩატარდა, რომლის თემა იყო დისკრიმინაციის აკრძალვა. ტრენინგი ადამიანის უფლებათა სამართლის სპეციალისტებმა გიორგი მშვენიერაძემ და ბესარიონ ბოხაშვილიმა ჩაატარეს. აღნიშნულ ღონისძიებაში მონაწილეობდნენ ბათუმის შოთა რუსთაველის სახელმწიფო უნივერსიტეტის სტუდენტები, ადგილობრივი საზოგადოებრივი ორგანიზაციებისა და მედიის წარმომადგენლები. ტრენინგი მთელი დღის განმავლობაში გრძელდებოდა და აქცენტი საქართველოს კონსტიტუციაში არსებული დისკრიმინაციის აკრძალვასთნ დაკავშირებული მუხლების განხილვას დაეთმო. 

თბილისი. საქართველოს ახალგაზრდა იურისტთა ასოციაცია 26 ივნისს, წამების მსხვერპლთა დაცვის საერთაშორისო დღეს საჯარო ლექცია/დისკუსიის ჩაატარებს. შეხვედრაზე დასწრება ნებისმიერ მსურველს შეუძლია. სრულად წყარო:ორგანიზაციის გვერდი სოციალურ ქსელში

თბილისი. ჟურნალისტური ეთიკის ქარტია ბავშვთა საკითხების გაშუქების მედიამონიტორინგს იწყებს. პროექტი გაეროს ბავშვთა ფონდის მხარდაჭერით ხორციელდება. მიმდინარე წლის ივნისის, ივლისის და აგვისტოს პერიოდში ქარტიის მკვლევრები 25 მედიასაშუალებას დააკვირდებიან, მათ შორის 10 ტელევიზიაა, 8 ელექტრონული და 7 ბეჭდური გამოცემა. ჟურნალისტური ეთიკის ქარტიის აღმასრულებელი დირექტორის განცხადებით, მონიტორინგის ქვეშ მოხვდება ყველა ის მასალა, რომელიც ბავშვის შესახებ მომზადდება. დააკვირდებიან რამდენად შეესაბამება გაშუქება  „მაუწყებელთა ქცევის კოდექსს", პროფესიულ და ეთიკურ სტანდარტებს. სრულად წყარო:media.ge

თბილისი. ჟურნალისტური ეთიკის ქარტია შეშფოთებულია იმ ფორმებით, როგორც შინაგან საქმეთა სამინისტრომ სამეგრელოში აღმოჩენილი მასალები დღეს მედიასა და არასამთავრობო სექტორს წარუდგინა. „ეთიკის ქარტია მიმართავს მედიის წარმომადგენლებს, განსაკუთრებული სიფრთხილით მოეკიდონ უკანონოდ მოპოვებული ფარული ვიდეოჩანაწერების შესახებ ინფორმაციის გავრცელებას, გამოიჩინონ თუნდაც სახელმწიფო სტრუქტურებზე მეტი კეთილგონიერება და დაიცვან მასზე ასახული ადამიანების, როგორც მსხვერპლის, ისე მოძალადის ანონიმურობა", ნათქვამია ორგანიზაციის მიერ გავრცელებულ განცხადებაში. სრულად წყარო: qartia.org.ge

თბილისი. საქართველოს იურისტთა ასოციაცია 17 მაისის მოვლენებთან დაკავშირებით ადამიანის უფლებათა და სამოქალაქო ინტეგრაციის საპარლამენტო კომიტეტის დასკვნის პროექტს ეხმაურება. „ვიმედოვნებთ, რომ ადამიანის უფლებათა და სამოქალაქო ინტეგრაციის კომიტეტი 17 მაისის მოვლენებზე მისი დასკვნის განხილვის პროცესში უზრუნველყოფს სამოქალაქო საზოგადოების წარმომადგენლების ეფექტურ მონაწილეობას და მის მიერ მიღებული დოკუმენტი შესაბამისობაში მოვა ადამიანის უფლებათა დაცვის საერთაშორისო სტანდარტებთან. ამასთან, მიზანშეწონილად მიგვაჩნია საკითხის პლენარულ სხდომაზე გატანა და საკანონმდებლო ორგანოს მიერ სათანადო დოკუმენტის მიღება ლგბტ პირების უფლებების დაცვის კუთხით არსებული გამოწვევების შესახებ", ნათქვამია ორგანიზაციის მიერ გავრცელებულ განცხადებაში. სრულად წყარო: gyla.ge

თბილისი. კოალიციას „დამოუკიდებელი ცხოვრებისათვის" საქართველოს პარლამენტში იურიდიული კომიტეტის მიერ, გაეროს 2006 წლის შშმ პირთა უფლებების დაცვის კონვენციის რატიფიცირების ჩაგდება არაპოზიტიურ მოვლენად მიაჩნია. „გვინდა აღვნიშნოთ, რომ კოალიციისთვის ის მიზეზი, რომლის მიხედვითაც განიმარტა კონვენციის არგასვლა - ის,  რომ კონვენცია იწვევს საკანონმდებლო ცვლილებებს და ამიტომ საკანონმდებლო ცვლილებების პაკეტი მას თან უნდა ახლდეს, სერიოზული შენიშვნაა, მაგრამ არა გადაულახავი და ეს არ უნდა გამხდარიყო კონვენციის რატიპიცირების შეჩერებისათვის საკმარისი", ნათქვამია ორგანიზაციის მიერ გავრცელებულ განცხადებაში. სრულად წყარო:disability.ge

თბილისი. არასამთავრობო ორგანიზაცია- საქართველოს დემოკრატიული ინიციატივა (GDI) დასავლეთ საქართველოს სამ ქალაქში აწყობს ტრენინგებს დისკრიმინაციის შესახებ. ტრენინგზე განხილული იქნება დისკრიმინაციის აკრძალვა, უფლების დაცვის მექანიზმები, საერთაშორისო სტანდარტები და შიდა კანონმდებლობა. ტრენინგებს ჩაატარებენ ადამიანის უფლებათა სამართლის სპეციალისტები.  ტრენინგები ჩატარდება 21 ივნისს-ზუგდიდში, 22 ივნისს-ბათუმში, 23 ივნისს- ქუთაისში. ტრენინგები იმართება პროექტის - "ადამიანის უფლებათა დაცვის გაძლიერების ხელშეწყობა საქართველოში” ფარგლებში. პროექტი დაფინანსებულია ნიდერლანდების სამეფოს მთავრობის მიერ. ტრენინგებში მონაწილეობის მისაღებად შეავსეთ აპლიკაცია  რეგისტრაციის ბოლო ვადაა 20 ივნისი, 18:00 საათი.  წყარო:ორგანიზაციის გვერდი სოციალურ ქსელში

თბილისი. „იდენტობა" შეშფოთებულია 17 მაისს განვითარებულ მოვლენებზე პარლამენტის ადამიანის უფლებათა დაცვის და სამოქალაქო ინტეგრაციის კომიტეტის მიერ მომზადებულ დასკვნის პროექტით. „ადამიანის უფლებათა დაცვის სფეროში ასეთი მნიშვნელოვანი საკითხის შესახებ მცდარმა და მიზანმიმართულად დამახინჯებულმა ინფორმაცია კიდევ უფრო ართულებს ლგბტ ადამიანთა უფლებრივი მდგომარეობას. თავს ვალდებულად ვთვლით. დასკვნაში არსებული ლოგიკური და შინაარსობრივი ხარვეზები გამოვყოთ და მათზე საქართველოს აღმასრულებელი თუ საკანონმდებლო ხელისუფლებისა  და სამოქალაქო საზოგადოების ყურადღება გავამახვილოთ", ნათქვამია ორგანიზაციის მიერ გავრცელებულ განცხადებაში. სრულად  წყარო: identoba.com

თბილისი. 17 ივნისს, კონსტიტუციის 42-ე მუხლის ორგანიზებით გაიმართება შეხვედრა - „ფორუმი პაციენტის უფლებათა დასაცავად". შეხვედრის მიზანია პაციენტთა უფლებათა დაცვის სფეროში არსებული პრობლემური საკითხების განსაზღვრა, ასევე სამთავრობო და არასამთავარობო სექტორებს შორის დიალოგის წარმართვა. შეხვედრას დაესწრნენ შრომის, ჯანმრთელობის დაცვისა და სოციალურ საკითხთა სამინისტროს,  სასჯელაღსრულების, პრობაციისა და იურიდიული დახმარების საკითხთა სამინისტროს წარმომადგენლები, ასევე სახალხო დამცველის ოფისის თანამშრომლები, ჯანმთრელობის დაცვის სფეროში მომუშავე არასამთავრობო ორგანიზაციები და წარმომადგენლები და პრაქტიკოსი ექიმები. შეხვედრა გაიმართა პროექტის – „სტრატეგიული სამართალწარმოება ჯანმრთელობის უფლებათა დასაცავად" – ფარგლებში.  პროექტი დაფინანსებულია „ღია საზოგადოება - საქართველოს" (OSGF) მიერ.  წყარო: ორგანიზაციის გვერდი სოციალურ ქსელში

თბილისი.თბილისის ადამიანის უფლებათა სახლში ამოქმედდა  იურიდიული დახმარების ცენტრი, რომელიც სოციალურად დაუცველ, ღარიბ მოქალაქეებს გაუწევს უფასო სამართლებრივ დახმარებას. პროექტს ახორციელებენ ადამიანის უფლებათა სახლის წევრი ორგანიზაციები - ადამიანის  უფლებათა ცენტრი და „კონსტიტუციის 42-ე მუხლი". პროექტის ფარგლებში, სისხლის, სამოქალაქო და ადმინისტრაციულ საქმეებზე, ხუთი იურისტი სამართლებრივ მომსახურებას გაუწევს მოსახლეობის ყველაზე მოწყვლად ფენას: სოციალურად დაუცველ პირებს, დევნილებს, უნარშეზღუდულ ადამიანებს, პენსიონერებს, პატიმრებს და სხვა დახურულ ინსტიტუციებში მყოფ ადამიანებს. მიმდინარე საქმეები გასაჩივრდება სასამართლო ინსტანციის ყველა დონეზე. მოქმედებს. ცხელი ხაზი - სისხლის სამართლის საკითხებზე: 2 14 80 94; სამოქალაქო და ადმინისტრაციულ საკითხებზე: 2 18 04 71. სრულად წყარო: humanrights.ge

თბილისი. ეთნოსთაშორისო თანამშრომლობისა და კონსულტაციების ანალიტიკური ცენტრმა (ACICC) ეროვნული უმცირესობების დაცვის საერთაშორისო ჯგუფთან ერთად (MRG Europe) ჩაატარა ტრენინგი თემაზე „უმცირესობათა უფლებების საერთაშორისო ადვოკატირება". ტრეინინგი გაიმართა პროექტ „აღმოსავლეთ პარტნიორობის უმცირესობათა ქსელის" ფარგლებში, რომელიც დაფინანსებულია ევროპის კავშირის მიერ. ტრენინგი გამიზნული იყო სამოქალაქო საზოგადოების ორგანიზაციების, სახელმწიფო და ადგილობრივი ხელისუფლების და აკადემიური წრეების წარმომადგენლებისთვის. ტრენინგზე განხილული იქნა ეროვნული უმცირესობათა დაცვის საერთაშორისო მექანიზმები. წყარო: ორგანიზაციის გვერდი სოციალურ ქსელში

არასამთავრობო ორგანიზაცია- საქართველოს დემოკრატიული ინიციატივა (GDI) დასავლეთ საქართველოს სამ ქალაქში აწყობს ტრენინგებს დისკრიმინაციის შესახებ. ტრენინგზე განხილული იქნება დისკრიმინაციის აკრძალვა, უფლების დაცვის მექანიზმები, საერთაშორისო სტანდარტები და შიდა კანონმდებლობა. ტრენინგებს ჩაატარებენ ადამიანის უფლებათა სამართლის სპეციალისტები გიორგი მშვენიერაძე და ბესარიონ ბოხაშვილი. ტრენინგები ჩატარდება: 21 ივნისს ზუგდიდში, 22 ივნისს ბათუმში, ხოლო 23 ივნისს ქუთაისში. ტრენინგები იმართება პროექტის - „ადამიანის უფლებათა დაცვის გაძლიერების ხელშეწყობა საქართველოში" ფარგლებში. პროექტი დაფინანსებულია ნიდერლანდების სამეფოს მთავრობის მიერ. ტრენინგებში მონაწილეობის მსურველებმა აპლიკაცია უნდა შევსონ. აპლიკაცია წყარო: ორგანიზაციის გვერდი სოციალურ ქსელში

აჭარა. 14 ივნისს, ახალგაზრდულმა ორგანიზაცია „არტ ვეიმ" და „კოალიცია დამოუკიდებლი ცხოვრებისათვის" ერთობლივი ღონისძიება გამართეს. იგი 14 ივნისს - შშმ პირების უფლებების დაცვის დღეს მიეძღვნა. ორგანიზატორებმა ბულვარში ფოტო გამოფენა მოაწყვეს, რომელზეც წარმოდგენილი იყო ბათუმის მაგალითზე ფასადურად გაკეთებული პანდუსები, უსინათლოთა ბილიკები და ის ბარიერები, რასაც შშმ პირი დამოუკიდებლად გადაადგილებისას ქალაქში აწყდება. გამოფენილი იყო ასევე ერთ-ერთი შშმ პირის ხელნაკეთი კერამიკული ნივთები, რომლის დათვალიერებასთან ერთად მსურველებს საშუალება ჰქონდათ შეეძინათ.

თბილისი. 14 ივნისს სამოქალაქო საზოგადოების წარმომადგენლები დედოფლისწყაროს რაიონის სოფელ სამთაწყაროში ადგილობრივი მუსლიმი მოსახლეობისთვის უკანასკნელი 3 კვირის მანძილზე ღვთისმსახურების ხელშეშლის ფაქტს გააპროტესტებენ და რელიგიური უმცირესობის უფლებებისა და ტოლერანტობის დაცვის მნიშვნელობას ადგილზე გამართული სოლიდარობის აქციით გამოხატავენ. „მიგვაჩნია, რომ სახელმწიფომ ეფექტური ქმედებებით ნათლად უნდა დააფიქსიროს მისი პატივისცემა რელიგიური უმცირესობების უფლებების მიმართ და განახორციელოს შესაბამისი ღონისძიებები სოფელ სამთაწყაროში მუსლიმი თემის რელიგიის თავისუფლების სათანადოდ დაცვის მიზნით. ამ საკითხებზე პოლიტიკური და სამოქალაქო აქტორების ძალისხმევა არსებითია თავისუფლებაზე, თანასწორობასა და ტოლერანტობაზე დაფუძნებული საზოგადოების მშენებლობისთვის.", ნათქვამია ორგანიზაციების მიერ გავრცელებულ განცხადებაში.  სრულად წყარო:კონსტიტუციის 42–ე მუხლის გვერდი სოციალურ ქსელში

თბილისი. 5 ივნისს საქართველოს სახალხო დამცველის პრევენციისა და მონიტორინგის დეპარტამენტის თანამშრომლებმა, საქართველოს ახალგაზრდა იურისტთა ასოციაციის წარმომადგენელთან ერთად, მონიტორინგი განახორციელეს N9 სასჯელაღსრულების დაწესებულებაში, სადაც განთავსებულები არიან სამართალდამცავი ორგანოების ყოფილი თანამშრომლები და მაღალჩინოსნები. „დადებითად უნდა აღინიშნოს, რომ უკლებლივ ყველა პატიმრის განცხადებით, მათ მიმართ მოპყრობა ნორმალურია. მათივე თქმით, დაწესებულების ადმინისტრაცია და თანამშრომლები, შეძლებისდაგვარად, ყველა მათ კანონიერ თხოვნას ითვალისწინებენ. ამასთან, მონიტორინგისას გაირკვა, რომ ბრალდებულებს/მსჯავრდებულებს არ აქვთ საშუალება, ისარგებლონ ტელევიზორით", ნათქვამია საიას მიერ გავრცელებულ განცხადებაში.  სრულად წყარო: gyla.ge