თბილისი. ადამიანის უფლებათა ცენტრის მიერ მომზადებული კონსტიტუციური სარჩელი საკონსტიტუციო სასამართლომ დააკმაყოფილა. ორგანიზაცია შუალედურ არჩევნებში დამარცხებული კანდიდადებისთვის მათ მიერვე ცესკოს ანგარიშზე განთავსებული თანხა - 5 ათასი ლარის უკან დაბრუნებას ითხოვდა. სრულად წყარო: humanrights.ge

აჭარა. 11 ივნისს, ბათუმის მერიის მიმდებარე ტერიტორიაზე, საქართველოს უსინათლოთა კავშირის აჭარის ფილიალის წევრებმა მშვიდობიანი აქცია გამართეს, რომლის მიზანი იყო შშმ პირების პრობლემების გაცნობა თვითმმართველ ქალაქ ბათუმის მერიისთვის და  საზოგადოებისთვის. აქციის წევრებმა ბათუმის მერს წერილობითაც მიმართეს, სადაც საუბარია შშმ პირების სამოქალაქო და პროფესიული განათლების მიღებასთან დაკავშირებულ პრობლემებზე, დასაქმებასა და სამედიცინო მომსახურების უზრუნველყოფაზე. აღნიშნულ აქციას ადგილობრივი საზოგადოებრივი ორგანიზაციებისა და მედიის წარმომადგენელიც შეუერთდნენ.

სამეგრელო. ზუგდიდში მოქმედი  არასამთავრობო ორგანიზაციის – „თანადგომა განვითარებისთვის"  – ინიციატივით, 11 ივნისს მხედველობადაქვეითებულთა პრობლემებსა და საჭიროებებზე, საზოგადოებაში მათ ინტეგრაციაზე ისაურეს. შეხვედრაში მონაწილეობდნენ არასამთავრობო, სამთავრობო სექტორის, მცირედ მხედველთა და მედიის წარმომადგენლები. „არ მინდა საზოგადოებაში იყოს განწყობა, უსინათლოა და ვერაფერს გააკეთებსო. არადა პირიქით. არ მინდა ჩაკეტილი ვიყო, მინდა ყველას გავუთანაბრდე. საზოგადოებამ ბევრი რამ არ იცის ჩვენზე. მათი ცნობიერება უნდა ამაღლდეს და განწყობები შეიცვალოს", -  უამბო შეხვედრის მონაწილეებს მხედველობადაქვეითებულმა ერთ–ერთმა მონაწილემ. შეხვედრის მონაწილეთა განცხადებით, შეზღუდული შესაძლებლობა ერთგვარი განაჩენია, რაც სტერეოტიპებისგან დისკრედიტირებულ ადამიანებს ჩაკეტილობისკენ უბიძგებს, სადაც ყველასთან გათანაბრების სურვილი ხშირად აზრს კარგავს. ერთის მხრივ, სოციუმი არ არის მზად, ისინი განურჩევლად მიიღოს, პარალელურად შეზღუდული შესაძლებლობის ადამიანებს საზოგადოების გაუცნობიერებელი დამოკიდებულებები აბრკოლებთ. მხედველობადაქვეითებულთა პრობლემებზე შეხვედრა პროექტის, „შეზღუდული შესაძლებლობების მქონე ქალების ხელშეწყობა საზოგადოებაში ინტეგრაციისთვის" ფარგლებში გაიმართა.

თბილისი. დღეს, საქართველოს პარლამენტის რამდენიმე კომიტეტი შეზღუდული შესაძლებლობის მქონე პირთა უფლებების (UN CRPD) კონვენციისა და მისი დამატებითი ოქმის რატიფიცირების საკითხს განიხილავს. ადამიანის უფლებათა სწავლებისა და მონიტორინგის ცენტრი, დამოუკიდებელი ცხოვრების ახალგაზრდული ცენტრი და ხელმისაწვდომი გარემო ყველასათვის მიესალმებიან აღმასრულებელი და საკანონმდებლო ხელისუფლების ქმედებებს და ამავე დროს მოუწოდებენ საქართველოს პარლამენტს მაქსიმალურად შემჭიდროვებულ ვადებში განიხილოს შეზღუდული შესაძლებლობების მქონე პირთა უფლებების კონვენცია და მხარი დაუჭირონ მის რატიფიცირებას. გაეროს შეზღუდული შესაძლებლობის მქონე პირთა კონვენცია 2008 წლის 3 მაისს შევიდა ძალაში. აღნიშნული დოკუმენტი საერთაშორისო თანამეგობრობის პასუხია შეზღუდული შესაძლებლობის მქონე ადამიანების დისკრიმინაციის, გარიყვისა და მათ მიმართ არაჰუმანური მოპყრობის ხანგრძლივ ისტორიაზე.კონვენცია ასახავს ადამიანის უფლებების თანამედროვე და ყველაზე პროგრესულ ტენდენციებს. სრულად წყარო: ადამიანის უფლებების სწავლებისა და მონიტორინგის ცენტრის გვერდი სოციალურ ქსელში

თბილისი. ჟურნალისტური ეთიკის ქარტია მედიას და შინაგან საქმეთა სამინისტროს მიმართავს. „ქარტია სთხოვს მედიის წამომადგენლებს ნუ ეცდებიან მსხვერპლისა და ბრალდებულის იდენტიფიცირებას, რადგან მათი საცხოვრებელი ადგილისა და ვინაობის დასახელება ამ ახალ ამბავს დამატებით ინფორმაციას ნამდვილად არ სძენს", ნათქვამია განცხადებაში. ქარტია ასევე მოუწოდებს შინაგან საქმეთა სამინისტროს, ანონიმურობა შეუნარჩუნოს არა მხოლოდ ბრალდებულს, არამედ მსხვერპლსაც.  სრულად  წყარო: qartia.org.ge

თბილისი. ადამიანის უფლებათა ცენტრი შემაშფოთებლად მიიჩნევს შრომის კოდექსის პროექტის ირგვლივ ბოლო დროს განვითარებულ მოვლენებს. „სამწუხაროდ, საქართველოს პარლამენტში  შრომის კოდექსის პროექტის  განხილვასთან დაკავშირებით ბოლოდროინდელი პროცესების შედეგად,   ეჭვქვეშ დადგა  ქვეყნის ერთგულება და პატივისცემა ევროპული შრომითი სტანდარტებისა და შრომის საერთაშორისო ორგანიზაციის პრინციპებისადმი", ნათქვამია ორგანიზაციის მიერ გავრცელებულ განცხადებაში. ადამიანის უფლებათა ცენტრი საქართველოს პარლამენტის წევრებს მოუწოდებს, დაიცვან ევროპული ღირებულებები და დასაქმებულთა კანონიერი ინტერესები. სრულად წყარო: humanrights.ge

გურია. ლანჩხუთის მუნიციპალიტეტის სოფელ ჩიბათში გაიმართა სპექტაკლი ყოფილ პატიმართა და პირობითმსჯავრდებულთა რესოციალიზაციის საკითხებზე. სპექტაკლი გაიმართა პროექტის - „პირობითმსჯავრდებულთა რესოციალიზაციის ხელშეწყობა გურიის რეგიონში" - ფარგლებში, რომელსაც ახორციელებს გურიის ახალგაზრდული რესურსცენტრი ევროკავშირის ფინანსური მხარდაჭერით. პროექტის პარტნიორია საქართველოს დემოკრატიული განვითარების კავშირი. დასმა გურიის რეგიონის მასშტაბით 6 თემში ჩაატარა სპექტაკლი და კიდევ 10 თემს ესტუმრება.

თბილისი. ორგანიზაციამ „საქართველოს დემოკრატიულმა ინიციატივამ"  (GDI) გამომცემელთა სახელით საქართველოს განათლებისა და მეცნიერების მინისტრის წინააღმდეგ სარჩელით საკონსტიტუციო სასამართლოს მიმართა. როგორც ორგანიზაციის ვებგვერდზეა აღნიშნული „საქართველოში არსებული 7 გამომცემლობა საქართველოს საკონსტიტუციო სასამართლოს განათლებისა და მეცნიერების მინისტრის ბრძანების იმ დებულებების არაკონსტიტუციურად ცნობის მოთხოვნით მიმართავს, რომლის საფუძველზეც განათლებისა და მეცნიერების სამინიტრომ მათ მფლობელობაში არსებული საავტორო უფლებები მიითვისა. გამომცემლებს სამართლებრივ დახმარებას საკონსტიტუციო სასამართლოში საქმისწარმოებისას საქართველოს დემოკრატიული ინიციატივა (GDI)  გაუწევს". სრულად წყარო: gdi.ge

თბილისი. ორგანიზაცია „მერცესმა" გამოსცა სახელმძღვანელო ბროშურა პაციენტის სწორი მოვლის საკითხებზე.  მათ შორის ისეთღი მძიმე გართულებების პრევენციის შესახებ როგორიცაა ნაწოლი და კონტრაქტურა. ბროშურა წყარო:ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაციამ საოკუპაციო ხაზის გასწვრივ განვითარებულ მოვლენებთან დაკავშირებით განცხადება გააკეთა. „საია მოუწოდებს რუსეთის ხელისუფლებას, შეწყვიტოს საქართველოს ტერიტორიული მთლიანობის ხელყოფა, ადამიანის უფლებების უხეში დარღვევა და დაიცვას 2008 წლის ცეცხლის შეწყვეტის ხელშეკრულების პირობები. ... საქართველოს ხელისუფლებას, გამოიყენოს ყველა შესაძლო დიპლომატიური თუ სამართლებრივი ბერკეტები საქართველოს მოქალაქეების უფლებების დასაცავად ... საერთაშორისო ორგანიზაციებისა და დიპლომატიური კორპუსის წარმომადგენლებს, მოსთხოვონ რუსეთის ფედერაციას ნაკისრი საერთაშორისო ვალდებულებების შესრულება, რათა არ გაგრძელდეს საქართველოს ტერიტორიის ანექსია და ოკუპირებული ხაზის გასწვრივ მცხოვრები მოსახლეობის უფლებების დარღვევა". სრულად  წყარო: gyla.ge

თბილისი. 3 ივნისს შედგა შეზღუდული შესაძლებლობების მქონე პირთა საკითხებზე მომუშავე სახელმწიფო საკოორდინაციო საბჭოს მორიგი სხდომა. შეხვედრაზე განხილულ საკითხთა შორისაა: ინფორმაცია შშმ პირთა თანაბარი შესაძლებლობების უზრუნველყოფის 2013-2016 წლების სამოქმედო სამთავრობო გეგმის შემუშავების პროცესის თაობაზე; ინფორმაცია 2013 წლის შშმ პირთა უფლებათა დაცვის წლად გამოცხადების შესახებ; ინფორმაცია გაეროს 2006 წლის 13 დეკემბრის შშმ პირთა უფლებების კონვენციის რატიფიცირების პროცესის შესახებ. წყარო:ახალგაზრდული ცენტრი დამოუკიდებელი ცხოვრებისათვის გვერდი სოციალურ ქსელში

თბილისი. 3 ივნისს არასამთავრობბოებმა დედოფლისწყაროს რაიონის სოფელ სამთაწყაროში უკანასკნელი ორი კვირის მანძილზე რელიგიურ ნიადაგზე მომხდარი დაპირისპირების შემთხვევებზე განცხადება გაავრცელეს. აღსანიშნავია, რომ ხელმომწერი არასამთავრობო ორგანიზაციები უშუალოდ აკვირდებოდნენ 31 მაისს სოფელ სამთაწყაროში მიმდინარე პროცესებს და წინამდებარე განცხადებაში წარმოდგენილი ფაქტები და შეფასებები სწორედ მათი მონიტორინგის შედეგებს ეფუძნება. განცხადება წყარო: gyla.ge

შიდა ქართლი. 2 ივნისს, კონსტიტუციის 42-ე მუსლის, სამართლიანი არჩევნებისა და დემოკრატიის საერთაშორისო საზოგადოების (ISFED), საერთაშორისო გამჭვირვალობა - საქართველოს და ადამიანის უფლებების სწავლებისა და მონიტორინგის ცენტრი  წარმომადგენლებმა სოფელი დიცისა და დვანის ადგილობრივი მოსახლეობა მოინახულეს. მათ  და გააპროტესტეს ცხინვალის რეგიონის კონფლიქტური ზონის მიმდებარე სოფლებში განვითარებული მოვლენები, კერძოდ, მოქალაქეების გატაცების ფაქტები და საქართველოს ოკუპაცია. წყარო: კონსტიტუციის 42–ე მუხლის გვერდი სოციალურ ქსელში

თბილისი. არასამთავრობო ორგანიზაციები აღშფოთებას გამოთქვამენ საქართველოს სამი მოქალაქის გატაცებისა და თავისუფლების უკანონო აღკვეთის ფაქტებზე. „მშვიდობიანი მოქალაქეების გატაცებისა და საოკუპაციო ხაზის გადმოწევის ფაქტები გვაფიქრებინებს, რომ კონფლიქტის ზონაში და მის მიმდებარე ტერიტორიაზე მცხოვრები მშვიდობიანი მოქალაქეების უსაფრთხოება და კონსტიტუციური უფლებები სრულიად უგულებლყოფილია", – ნათქვამია განცხადებაში. სრულად წყარო: ადამიანის უფლებების სწავლებისა და მონიტორინგის ცენტრის გვერდი სოციალურ ქსელში

2 ივნისს არასამთავრობო ორგანიზაციები მდგომარეობის გასაცნობად სოფელ დიცში ადგილობრივ მოსახლეობას შეხვდებიან. „სამართლიანი არჩევნებისა და დემოკრატიი სსაერთაშორისო საზოგადოება" (ISFED), "საერთაშორისო გამჭვირვალობა-საქართველო", „კონსტიტუციის 42-ე მუხლი", „ადამიანი სუფლებების სწავლებისა და მონიტორინგის ცენტრი" სხვა არასამთავრობო ორგანიზაციებთან ერთად გააპროტესტებენ ცხინვალის რეგიონის კონფლიქტური ზონის მიმდებარე სოფლებში განვითარებულ მოვლენებს, კერძოდ, მოქალაქეების გატაცების ფაქტებსა და საქართველოს ტერიტორიების ოკუპაციას.  წყარო: isfed.ge

თბილისი. 28 მაისს, არასამთავრობო ორგანიზაციების – „იდენტობა", „ქალთა ინიციატივების მხარდამჭერი ჯგუფი", „საქართველოს ახალგაზრდა იურისტთა ასოციაცია" ინიციატივითა და საქართველოს სახალხო დამცველის მხარდაჭერით, გაიმართა სამუშაო შეხვედრა  საქართველოს შს სამინისტროს თბილისის მთავარი სამმართველოს უფროსსა და ამავე სამმართველოს უფროსის მოადგილესთან.  სამუშაო შეხვედრაზე მსჯელობა წარიმართა 17 მაისის შემდგომ, ლგბტ თემის წევრთა მიმართ გახშირებული შეურაცხყოფისა და ძალადობის ფაქტების შესახებ. შეხვედრის მონაწილეებმა ისაუბრეს სამართალდამცავთა მუშაობის ეფექტურობის გაძლიერებაზე და ინტერვენციის ეფექტური სტრატეგიების შემუშავებაზე. ყურადღება დაეთმო სიძულვილით მოტივირებული დანაშაულების იდენტიფიცირების აუცილებლობას და პოლიციის მიმართ ლგბტ თემის წარმომადგენელთა მიმართვიანობის გაზრდის საჭიროებას. თბილისის შს მთავარი სამმართველოს წარმომადგენლებმა აღნიშნეს, რომ მზად არიან თანამშრომლობისთვის. დაიგეგმა ერთობლივი სამუშაო ჯგუფის ჩამოყალიბება, რომელიც იზრუნებს სამართალდამცავთა ცნობიერების ამაღლებასა და პროფესიული ღონისძიებების გაძლიერებაზე ლგბტ თემის წევრთა უფლებების დაცვის მიზნით. სრულად წყარო: ombudsman.ge

გურია. „ახალგაზრდა პედაგოგთა კავშირმა" ბავშვთა უფლებების დაცვის დღისადმი მიძღვნილი კვირეულის განრიგი გაავრცელა. ღონისძიებები ოზურგეთში 30, 31 მაისსა და 1 ივნისს გაიმართება.  განრიგი  წყარო:ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია აფხაზეთის ავტონომიური რესპუბლიკის მთავრობაში განხორციელებულ ცვლილებებზე განცხადებას ავრცელებს. ბოლო დროს განვითარებული მოვლენების შესწავლისა და შეფასების მიზნით საიას აფხაზეთიდან იძულებით გადაადგილებულ პირთა საინიციატივო ჯგუფმა მიმართა. ფაქტების შესწავლის შემდგომ, საზოგადოების ინტერესის გათვალისწინებით, ორგანიზაციამ ამ საკითხზე განცხადება გამოაქვეყნა. განცხადება წყარო: gyla.ge

თბილისი. საქართველოს ჟურნალისტური ეთიკის ქარტია მოუწოდებს აჭარის უმაღლეს საბჭოს, მის ხელმძღვანელს და საბჭოს პრესსამსახურს, არ შეუშალონ ხელი მედიის წარმომადგენლებს მუშაობაში.  არ ჩააყენონ ჟურნალისტები განსხვავებულ პირობებში ამა თუ იმ მედიასაშუალების ან ჟურნალისტის მიმართ პირადი დამოკიდებულების გამო და მისცენ მათ პრესკონფერენციებსა და სხვა ნებისმიერ საჯარო შეხვედრაზე თავისუფლად დასწრების საშუალება. სრულად წყარო: media.ge

გურია. 27 მაისს, ოზურგეთის დრამატული თეატრის ჰოლში საზეიმოდ გაიხსნა ბავშვთა უფლებების დაცვისადმი მიძღვნილი კვირეული. გახსნას სხვადასხვა სკოლის მოსწავლეები ესწრებოდნენ. ნაჩვენები იყო „ახალგაზრდა პედაგოგთა კავშირის" ბაზაზე არსებული „ლიდერთა სკოლის" მოსწავლეების მიერ სხვადასხვა დროს გადაღებული სოციალური რგოლები: „ცხოვრების ჯანსაღი წესი", „განათლების უფლება", ანიმაციური რგოლები – „ცივი სახლი", „მე, ჩიტი და მასწავლებელი", „საფეხური", „თამაში"და დოკუმენტური ფილმი – „მე ბოშა ვარ". აღსანიშნავია, რომ დოკუმენტური ფილმი – „მე ბოშა ვარ" წელს ფესტივალ ფანარტის ფარგლებში „თი ბი სი" ბანკის რჩეული გახდა. თეატრის შემდეგ, აუდიტორიამ „ახალგაზრდა პედაგოგთა კავშირის" საკონფერნციო დარბაზში გადაინაცვლა, სადაც გაიმართა სპეკტაკლის – „თანასწორობა?!" ჩვენება. ბავშვთა უფლებების დაცვის კვირეული ახალგაზრდა პედაგოგთა კავშირის ორგანიზებით, 27 მაისიდან 1 ივნისის ჩათვლით იმართება და აღნიშნულ თემაზე გამართულ სპეკტაკლებს, მასტერკლასებსა და საჯარო ლექციებს აერთიანებს.  წყარო: ორგანიზაციის გვერდი სოციალურ ქსელში

თბილისი. ახალგაზრდა იურისტთა ასოციაცია შეშფოთებას გამოთქვამს პატიმარ ლ.კ-ს გარდაცვალების გამო და განცხადებას ავრცელებს. „... გავრცელებული ურთიერთგამომრიცხავი ვერსიები და არათანმიმდევრული ოფიციალური განცხადებები კიდევ უფრო მეტ ბუნდოვანებას მატებს აღნიშნული საქმეს და უამრავ კითხვის ნიშანს ბადებს. აუცილებელია, საქმეზე ჩატარდეს ყოველმხრივი და ობიექტური გამოძიება, რომელიც დაადგენს სასიკვდილო მდგომარეობამდე მსჯავრდებულის მიყვანის მიზეზებსა და გამოკვეთავს ბრალეულ პირებს. იმისათვის რათა, გამოძიება იყოს ობიექტური, აუცილებლად მიგვაჩნია იგი აწარმოოს არა ამავე სამინისტროს დაქვემდებარებაში მყოფმა საგამოძიებო დეპარტამენტმა, არამედ საქართველოს მთავარმა პროკურატურამ. ...ვსარგებლობთ ამ შემთხვევით და კიდევ ერთხელ აღვნიშნავთ, რომ აუცილებელია საკანონმდებლო ცვლილებები, რათა  სასჯელაღსრულების დაწესებულების ტერიტორიაზე მომხდარ ფაქტთან დაკავშირებით გამოირიცხოს სასჯელაღსრულების სამინისტროს საგამოძიებო ორგანოების კომპეტენცია", ნათქვამია განცხადებაში. სრულად წყარო gyla.ge

თბილისი. ფარული თვალთვალისა და პირადი მონაცემების დაცვის მთავარი გამოწვევების შესახებ მსჯელობდნენ დღეს ორგანიზაცია „საერთაშორისო გამჭვირვალობა-საქართველოს" მიერ ორგანიზებულ კონფერენციაზე. კონფერენციას ესწრებოდნენ არასამთავრობო ორგანიზაციების და მთავრობის წარმომადგენლები.  საერთაშორისო გამჭვირვალობის წარმომადგენლებმა აღნიშნეს, რომ მთავრობის მიერ ფარული თვალთვალის წარმოება ბოლო რამდენიმე წელიწადია სერიოზულ პრობლემას წარმოადგენს, უკონტროლო სისტემატური თვალთვალი და მიყურადება მედიის თვისუფლებასა და სამოქალაქო უფლებებს უქმნის საფრთხეს. ამ პრინციპებზე კი, თავისუფალი და დემოკრატიული სახელმწიფო არის დაფუძნებული. კონფერენციაზე თვალთვალისა და პირად მონაცემთა დაცვის კუთხით არსებულ პრობლემებზე ისაუბრეს. ფარული თვალთვალისა და პირადი მონაცემების დაცვის კუთხით, „საერთაშორისო გამჭვირვალობა – საქართველო", „საქართველოს ახალგაზრდა იურისტთა ასოციაცია" და „ინოვაციებისა და რეფორმების ცენტრი" შეეცადნენ, გაეანალიზებინათ სტატუსკვო და შეეფასებინათ არსებული კანონმდებლობა ევროპის ადამიანის უფლებათა კონვენციის სტანდარტებთან მიმართებაში. ორგანიზაციები ხელისუფლებას კონკრეტული რეკომენდაციებით მიმართავენ საკანონმდებლო ჩარჩოს გასაუმჯობესებლად. კონფერენციის შესახებ სრულად  პრობლემები და რეკომენდაციები წყარო: transparency.ge, media.ge