თბილისი. ახალგაზრდულმა ორგანიზაციებმა ჭიდაობის ფედერაციიაში მომხდარი ინციდენტის შემდეგ, 31 იანვარს განცხადება გაავრცელეს. განცხადებაში ორგანიზაციები გმობენ თანამდებობის პირების მიერ „გარკვეული საკითხების თავისათვის სასიკეთოდ გადაწყვეტის მოტივით ოპონენტების ფიზიკურ ანგარიშსწორებას". ორგანიზაციები აღნიშნულ ფაქტთან დაკავშირებით გამოძიებას ითხოვენ. სრულად   წყარო ტოლერანტონის სახლის გვერდი სოციალურ ქსელში

იმერეთი. ქუთაისის დემოკრატიული ჩართულობის ცენტრში ახალგაზრდა ეკონომისტთა ასოციაციის პროექტის – „კერძო მესაკუთრეთა ინტერესების დაცვა ზესტაფონი-სამტრედიის ავტომაგისტრალების მშენებლობისას" – შედეგების პრეზენტაცია გაიმართა. როგორც  „ახალგაზრდა ეკონომისტთა ასოციაციის" წარმომადგენელმა პაატა კლდიაშვილმა განაცხადა, პროექტის ფარგლებში ჩატარდა საინფორმაციო შეხვედრები მოსახლეობასთან, პროფესიონალმა ეკონომისტებმა და იურისტებმა ბენეფიციარებს გაუწიეს კონსულტაციები ქონებაზე საკუთრების უფლების დამადასტურებელი დოკუმენტაციის მოწესრიგების მიზნით. „ქუთაისი-სამტრედიის მონაკვეთზე ბენეფიციართა უმრავლესობამ კუთვნილი ქონების სანაცვლოდ უკვე მიიღო კომპენსაცია, თუმცა მცირე ნაწილს კვლავაც აქვს გარკვეული პრობლემები, მათ დასახმარებლად ამჟამად აქტიური მუშაობა მიმდინარეობს."-აღნიშნა კლდიაშვილმა. პროექტი დაფინანსდა აშშ–ს საერთაშორისო განვითარების სააგენტოს მიერ, აღმოსავლეთ-დასავლეთის მართვის ინსტიტუტის „საჯარო პოლიტიკის, ადვოკატირებისა და სამოქალაქო საზოგადოების განვითარების" პროგრამების ფარგლებში.

თბილისი. ადამიანის უფლებათა სახლი შეზღუდული შესაძლებლობების მქონე პირთა (შშმ)  ეკონომიკური, სოციალური და პოლიტიკური ცხოვრების ხელმისაწვდომობისა და ინტეგრაციისთვის ქალაქის რეკონსტრუქციის პროცესში მათი საჭიროებების გათვალიწინებას ითხოვს. „ადამიანის უფლებათა სახლი მოუწოდებს პოზიტიური ვალდებულებების შესრულებით ქალაქის მუნიციპალიტეტმა მოახდინოს ადმინისტრაციულ შენობათა, ტრანსპორტისა და სასიცოცხლო მნიშვნელობის ობიექტების ადაპტირება, როგორც ეს შეზღუდული შესაძლებლობების მქონე პირთა სოციალური დაცვის შესახებ საქართველოს კანონის მიხედვითაა გათვალისწინებული" ნათქვამია ორგანიზაციის მიერ 31 იანვარს გავრცელებულ განცხადებაში. სრულად წყარო: npo.ge

თბილისი. საქართველოს ახალგაზრდა იურისტთა ასოციაცია მონიტორინგს უწევს ადგილობრივ თვითმმართველობის ორგანოებში მიმდინარე მოვლენებს. პრობლემების ერთი ჯგუფი, რაც ბოლო პერიოდში ამ მიმართულებით შეიქმნა, მუნიციპალიტეტებში მომუშავე პირთა სამსახურიდან გათავისუფლებას უკავშირდება, ნათქვამია ორგანიზაციის საიტზე მოცემულ შემთხვევაშიც საია ორი პირის – ქარელის მუნიციპალიტეტიდან საჯარო მოხელეების გათავისუფლებას ეხმიანება. სრულად წყარო: gyla.ge

შიდა ქართლი. 29 იანვარს, გორის დემოკრატიული ჩართულობის ცენტრში, გაიმართა შეხვედრა საქართველოს ახალგაზრდა იურისტთა ასოციაციის ორგანიზებით. შეხვედრის თემა იყო წინა ხელისუფლების დროს დაპატიმრებულ მოქალაქეთა როგორც სისხლის სამართლის, ასევე ადმინისტრაციულ სამართალდარღვევათა იმ საქმეთა ანალიზი, რომლებიც საიამ შეისწავლა. შეხვედრას ესწრებოდა საზოგადოების წარმომადგენელთა ფართო სპექტრი: პოლიტიკური პარტიების წარმომადგენლები, საზოგადოებრივი ორგანიზაციები, მედია და აქტიური მოქალაქეები. შეხვედრის მონაწილეებს დაურიგდათ საიას მიერ გამოცემული წიგნის - „სავარაუდოდ პოლიტიკური მოტივაციის მქონე სისხლის სამართლის და ადმინისტრაციულ სამართალდარღვევათა საქმეების ანალიზი" -  მეორე ნაწილი, რომელშიც გაანალიზებული იყო რამდენიმე საქმე. ასევე იგივე სახელწოდებით მცირე ზომის ბროშურა – ინგლისურ და ქართულ ენებზე. წიგნი – „სავარაუდოდ პოლიტიკური მოტივაციის მქონე სისხლის სამართლის და ადმინისტრაციულ სამართალდარღვევათა საქმეების ანალიზი"

იმერეთი. 25 იანვარს, ანდრია რაზმაძის სახელობის ქუთაისის №41 საჯარო სკოლის პროექტის – „ძალადობა ჩვენი წარსულია" – ფარგლებში წერეთლის უნივერსიტეტის იურიდიული კლინიკის წარმომადგენლებმა ტრენინგი ჩაატარეს. თემატიკა: ადამიანის უფლებები. შეხვედრაზე ძალადობის ფაქტები განიხილეს ადამიანის უფლებათა ჭრილში. ტრენინგი ინტერაქტიული იყო და მსმენელებს ქონდათ შესაძლებლობა აქტიური მონაწილეობა მიეღოთ მის მსვლელობაში.  აღნიშნული პროექტი დაფინანსებულია სამოქალაქო განათლებისა და პედაგოგთა გადამზადების პროგრამის მცირე საგრანტო კონკურსის ფარგლებში. წყარო: kedec.ge

აჭარა. 24 იანვარს, ბათუმის დემოკრატიული ჩართულობის ცენტრში, საქართველოს სახალხო დამცველმა  აჭარის საზოგადოებრივი ორგანიზაციების წარმომადგენლებთან გაცნობითი შეხვედრა გამართა. სადაც კითხვა-პასუხის რეჟიმში ადგილბრივ პობლემებსა და მისი გადაჭრის ერთობლივ გზებზე ისაუბრეს. სახალხო დამცველმა, უჩა ნანუაშვილმა, განაცხადა, რომ სახალხო დამცველის აპარატის აჭარის ფილიალის წარმომადგენლობის უფლებები აუცილებლად გაიზრდება, ასევე, მართლმსაჯულების დეპარტამენტის უფროსმა სოფო ბენუაშვილმა საზოგადოებრივ ორგანიზაციებს მოუწოდა, რომ მოსახლეობას თავიანთი უფლებების დასაცავად გააქტიურებაში დაეხმარონ და საჩივარი დოკუმენტის სახით დროულად მოხვდეს სახალხო დამცველთან, რადგან მათი მხრიდან შესაბამისი და დროული რეაგირება მოხდეს.

სამეგრელო.ზუგდიდის დემოკრატიული ჩართულობის ცენტრში, 23 იანვარს, არასამთავრობო ორგანიზაციის „დევნილი ქალები საკუთარი უფლებებისთვის" ორგანიზებით არასამთავრობო ორგანიზაციები და აფხაზეთიდან დევნილები შეიკრიბნენ. შეხვედრა დევნილთა საინიციატივო ჯგუფის შექმნის მიზნით გაიმართა. შეხვედრაზე მივიდნენ პრეზიდენტის ზუგდიდის რეზიდენციასთან მიმდინარე საპროტესტო აქციის მონაწილეები, რასაც ხმაური მოჰყვა, რადგან ჯგუფის შექმნას აზრთა სხვადასხვაობა გამოიწვია. არასამთავრობო ორგანიზაცია „სამართლებრივი დაცვის ცენტრის" იურისტი რუსუდან პაჭკორია დაინტერესდა, თუ რისთვის იქმნება დევნილთა საინიციატივო ჯგუფი და რა ფუნქციები ექნება მას. მისი თქმით, „იმისათვის, რომ ასეთი ხმაური და გაუგებრობა თავიდან ავიცილოთ უნდა ვიცოდეთ, რა სამართლებრივი საფუძველი აქვს ამ ჯგუფს". თავის მხრივ, არასამთავრობო ორგანიზაცია „დევნილი ქალები საკუთარი უფლებებისთვის" ხელმძღვანელმა ნონა უბილავამ განაცხადა, რომ შეხვედრის მიზანია დაიწყოს საუბარი საინიციატივო ჯგუფის შექმნაზე, ჯგუფის წესდება ჯერ შექმნილი არ არის.

აჭარა. 18 იანვარს, ახალგაზრდულმა ორგანიზაციამ „არტ ვეიმ", პროეტ რე-ანიმაციის ფარგლებში, მორიგი თეატრალიზირებული აქცია გამართა. აქციის მონაწილეებმა ხმოვანი შუქნიშნების იმიტირებით საზოგადოების დიდ ნაწილს  ხმა მიაწვდინეს უსინათლოთა პრობლემების შესახებ. სამინისტროებს, რომელთა უშუალო კომპეტენციაშია შშმ პირების უფლებების დაცვა შედის, მოუწოდეს, რომ კანონი, რომელიც მათ სოციალური მდგომარეობის გაუმჯობესებას გულისხმობს, სრულფასოვნად შესრულდეს. აღნიშნულ აქტივობაში „არტ ვეის" კლუბის წევრების გარდა, ადგილობრივი საზოგადოებრივი ორგანიზაციების წარმომადგენლებიც მონაწილებდნენ.

თბილისი. საერთაშორის გამჭვირვალობა – საქართველო აგრძელებს საჯარო სამსახურებში საკადრო პოლიტიკის საკითხების მონიტორინგს და უახლოეს მომავალში ამ საკითხზე კვლევას გამოაქვეყნებს. 17 იანვარს ორგანიზაციამ საპარლამენტო არჩევნების შემდეგ საჯარო სამსახურებიდან თანამშრომელთა გათავისუფლების შესახებ განცხადება გაავრცელა. განცხადებაში აღნიშნულია, რომ „ბევრ საჯარო უწყებაში საკმაოდ ბევრმა ადამიანმა უკვე დაკარგა სამსახური და ეს პროცესი ახლაც გრძელდება. გათავისუფლებები მიმდინარეობს როგორც დედაქალაქში. ასევევე – რეგიონებში". განცხადებაში განხილულია გათავისუფლების ტენდენციები და კონკრეტული მაგალითები. ასევე დოკუმენტი მოიცკავს რეკომენდაციებს.სრულად

თბილისი. საქართველოს ახალგაზრდა იურისტთა ასოციაცია ვიდეომასალების გავრცელების ფაქტს ეხმაურება და განცხადებას ავრცელებს. მასში აღნიშნულია, „...სახელმწიფოს მიერ კონკრეტული პირების პირადი ცხოვრების ამსახველი ვიდეო მასალის ჩაწერა, შეგროვება და შენახვა, რომელიც არ ეხება პირის დანაშაულებრივ საქმიანობას, აშკარად გაუმართლებელი და დანაშაულის ნიშნების შემცველი ქმედებაა... გავრცელებული ინფორმაციის თანახმად, მსგავს ქმედებებს მასობრივი ხასიათი ჰქონდა და სავარაუდოდ ხდებოდა მაღალი თანამდებობის პირის ორგანიზებით". საიას მიაჩნია, რომ სახელმწიფოს მხრიდან ვიდეო მასალის ამ ფორმით გავრცელება, პირადი ცხოვრების დაცვისთვის აუცილებელი წინდახედულობის მოთხოვნის დარღვევაა, რაც წინააღმდეგობაში მოდის ევროპული კონვენციის მე-8 მუხლით დადგენილ სტანდარტებთან. საიას მოუწოდებს მედია საშუალებებს შეაჩერონ აღნიშნული ვიდეო მასალის გავრცელება და მომავალში არ დაუშვან მსგავსი ფორმით პირადი ცხოვრების ამსახველი ვიდეო მასალის გავრცელება საზოგადოებაში. ამასთან, საია მოუწოდებს გამოძიებას მომავალში განსაკუთრებით სიფრთხილით მოეკიდოს იმ ინფორმაციის გავრცელებას, რომელიც შესაძლოა პირადი ცხოვრების ხელშეუხებლობის ან სხვა უფლების დარღვევას იწვევდეს.  სრულად წყარო: gyla.ge

თბილისი. „საერთაშორისო გამჭვირვალობა – საქართველო" ფარული ვიდეო–ჩანაწერების მედიით გამოქვეყნების შემდეგ განცხადებას ავრცელებს. საერთაშორისო გამჭვირვალობა – საქართველო” მოუწოდებს „პროკურატურას საქმის წარმოებისას დაიცვას ჩანაწერებში წარმოდგენილი პირების უფლებები და მათი ღირსება, ასევე არ დაუშვას, რომ აღნიშნული პირები საზოგადოებამ ამოიცნოს. მთავრობამ უნდა უზრუნველყოს ყველა მოქალაქის პირადი ხელშეუხებლობის კონსტიტუციური უფლების დაცვა განურჩევლად სექსუალური ორიენტაციისა. ჩვენ ვთხოვთ ჟურნალისტებსა და მედია საშუალებებს, ეს საკითხი მაღალპროფესიულად გააშუქონ და არ დაუშვან პირების ვინაობის გამჟღავნება. ასევე, მოვუწოდებთ საქართველოს მთავარ პროკურატურას, თავი შეიკავონ ნებისმიერი სახის ფარული ჩანაწერების გამოქვეყნებისგან, თუ ეს უმნიშვნელოვანეს საზოგადოებრივ ინტერესს არ წარმოადგენს". სრულად წყარო: transparency.ge

თბილისი. მედიის განვითარების ფონდი შეშფოთებას გამოთქვამს თბილისის პროკურატურის მიერ მედიისთვის ვიდეო კადრების მიწოდების გამო. რომელიც საქართველოს თავდაცვის სამინისტროს სამხედრო პოლიციის დეპარტამენტის ყოფილი ხელმძღვანელობის მიმართ აღძრულ სისხლის სამართლის საქმეს შეეხება. სრულად წყარო: mdfgeorgia.ge

თბილისი. ასოციაციამ „ლგბტ საქართველომ" 15 იანვარს განცხადება გაავრცელა, რომელიც 14 იანვარს პროკურატურის მიერ გავრცელებულ ვიდეო მასალებს ეხება. ორგანიზაცია შეშფოთებას გამოთქვამს აღნიშნული კადრების გადაღების და შემდგომში გავრცელების შესახებ. „ვიდეო მასალის მიხედვით ნათლად ჩანს რომ ირღვევა ადამიანის კონსტიტუციით მინიჭებული და გარანტირებული ფუნდამენტური უფდება, პირადი ცხოვრების ხელშეუხებლობის შესახებ", – ნათქვამია განცადებაში. აღნიშნული განცხადებით ორგანიზაცია მიმართავს საქართველოს პრეზიდენტს, პრემიერ–მინისტრს, სახალხო დამცველს, გენერალურ პროკურორს. სრულად წყარო: lgbt.ge

თბილისი. საქართველოს ჟურნალისტური ეთიკის საბჭო მოუწოდებს საინფორმაციო საშუალებებს, დაუყოვნებლივ შეწყვიტონ იმ ვიდეომასალის გავრცელება, სადაც ფარულად არის აღბეჭდილი სექსუალური უმცირესობის წარმომადგენლების პირადი ცხოვრება. ეს კადრები მედიასაშუალებებს 14 იანვარს მთავარმა პროკურატურამ გადასცა. ჟურნალისტური ეთიკის ქარტიის საბჭო მედიის წარმომადგენლებს ქარტიის მე–7 მუხლს ახსენებს, „რომლის თანახმად, ჟურნალისტს უნდა ესმოდეს მედიის მიერ დისკრიმინაციის წახალისების საფრთხე; ამიტომ ყველაფერი უნდა იღონოს ნებისმიერი პირის დისკრიმინაციის თავიდან ასაცილებლად რასის, სქესის, სექსუალური ორიენტაციის, ენის, რელიგიის, პოლიტიკური და სხვა შეხედულებების, ეროვნული ან სოციალური წარმოშობის საფუძველზე ან რაიმე სხვა ნიშნით". ამასთან, ჟურნალისტური ეთიკის ქარტიის საბჭო მიმართავს საქართველოს მთავარ პროკურატურას, უფრო მეტი ყურადღება მიაქციოს ფარულად გადაღებული მასალების გასაჯაროების საკითხს, მით უფრო თუ ვიდეომასალა შეიცავს ადამიანის პირადი ცხოვრების ამსახველ ინფორმაციას. სრულად წყარო: media.ge

თბილისი. ქალთა ინიციატივების მხარდამჭერმა ჯგუფმა გამოაქვეყნა კვლევა – „ლგბტ ადამიანთა მდგომარეობა საქართველოში 2012". პუბლიკაცია ორი ნაწილისაგან შედგება. პირველი ნაწილი ასახავს იმ სამართლებრივ და სოციო–კულტურულ გარემოს, რომელშიც ცხოვრობენ ლგბტ ჯგუფის წევრები საქართველოში. პუბლიკაციის მეორე ნაწილი ეთმობა ლგბტ დისკრიმინაციის კვლევის შედეგებს, რომელიც 2012 წელს ჩატარდა და ორგანიზაციას მისცა საშუალება შეეფასებინა თუ რამდენად ფართოდაა გავრცელებული დისკრიმინაცია ლგბტ ჯგუფების მიმართ სხვადასხვა სფეროშში, რა ფორმის ფიზიკურ და ფსიქოლოგიურ ძალადობას აქვს ადგილი და რა სიხშირით და სხვა. ლგბტ ადამიანთა მდგომარეობა საქართველოში 2012 წყარო: women.ge

სამცხე–ჯავახეთი. 21 დეკემბერს, ახალციხის დემოკრატიული ჩართულობის ცენტრში ბავშვთა მიმართ ძალადობის პრევენციის შესახებ იმსჯელეს.  ისკუსია ახალციხის დემოკრატიული ჩართულობის ცენტრისა და არასამთავრობო ორგანიზაცია ,,სამცხე-ჯავახეთის დემოკრატ ქალთა საზოგადოების” ინიციატივით გაიმართა.  არასამთავრობო ორგანიზაციების, სამოქალაქო საზოგადოების წარმომადგენელმა და ადგილობრივმა ექსპერტებმა ისაუბრეს ძალადობის მიზეზების, შედეგების, მისი არსისა და გართულებების შესახებ. ასევე ნაჩვენები იქნა საზოგადოებრივი ორგანიზაცია ,,სახლის" მიერ მიწოდებული ფილმი ოჯახური ძალადობის შესახებ და ძალადობის მსხვერპლთათვის განკუთვნილი ცხელი ხაზის სარეკლამო რგოლები. ფილმის ჩვენების შემდეგ  გაიმართა დისკუსია საქართველოში ძალადობის სტატისტიკის შესახებ. 

თბილისი. არასამთავრობო ორგანიზაციების, სამთავრობო წარმომადგენლებისა და დამოუკიდებელი ექსპერტებისაგან შემდგარმა სამუშაო ჯგუფმა სასჯელაღსრულების კანონმდებლობის გაუმჯობესების მიზნით რეკომენდაციები წარმოადგინეს. შეხვედრაზე განსაკუთრებული ყურადღება გამახვილდა პატიმრებისათვის ჯანდაცვის ხელმისაწვდომობის გაზრდაზე, უფრო ხარნგძლივი პაემნების  შემოღებაზე, იურიდიული მომსახურების ხელმისაწვდომობისა და არაჰუმანური მოპყრობის გამოვლენის მექანიზმების გაუმჯობესებაზე. კონსტიტუციის 42-ე მუხლმა სამუშაო ჯგუფი სექტემბერში, ციხეებში მომხდარი სკანდალის შემდეგ ჩამოაყალიბა. სამუშაო ჯგუფში  შედიან ახალგაზრდა იურისტთა ასოციაცია, საერთაშორისო ორგანიზაცია „ციხის საერთაშორისო რეფორმა", ადამინის უფლებათა დაცვის ცენტრი, ევროკომისიის წარმომადგენლობა და საქართველოს სასჯერლაღსრულებისა და პრობაციის სამინისტრო. EWMI G-PAC-მა კონსტიტუციის 42-ე მუხლის ეს პროექტი ღია საგრანტო პროექტის ფარგლებში დააფინანსა. სრულად წყარო: ewmi-gpac.org 

სამცხე–ჯავახეთი. 14 დეკემბერს  სამოქალაქო განათლებისა და პედაგოგთა გადამზადების პროგრამის ფარგლებში, ახალციხის ახალგაზრდული ცენტრის ორგანიზებით, ასპინძის საჯარო სკოლას ,,ახალგაზრდა იურისტთა ასოციაციის" გორის ოფისის ხელმძღვანელი ქეთევან ბებიაშვილი ესტუმრა. შეხვედრას  ასპინძის მუნიციპალიტეტის  პარტნიორი სკოლების სამოქალქო კლუბის წევრები, მათი მშობლები და პედაგოგები ესწრებოდნენ. შეხვედრის თემა - „ოჯახური ძალადობა" იყო, საუბარი შეეხო როგორც ძალადობის ფაქტებსა და სახეებს, ასევე ადამიანის უფლებებს. ქეთევან ბებიაშვილმა ისაუბრა სამოქალაქო ვალდებულებებზე და მოქალაქეობრივ თვითშეგნებაზე, რომელიც საზოგადოებაში ნაკლებად არის გათავისებული, როდესაც  ირგვლივ ძალადობის ფაქტები ფიქსირდება. სამოქალაქო კლუბის წევრებმა საკუთარ თემში არსებულ ძალადობის ფაქტები გაიხსენეს, ასევე დასვეს შეკითხევები  ადამიანის უფლებების და იმის შესახებაც, თუ კონკრეტული ძალადობის ფაქტების შემთხვევაში ვის უნდა მიმართონ, რაზეც ამომწურავი პასუხები მიიღეს.

აჭარა.  17 დეკემბერს, ბათუმის დემოკრატიული ჩართულობის ცენტრში, საზოგადოებრივმა ორგანიზაციამ „ბორჯღალმა" გამართა პრესკონფერენცია, თემაზე: „ეკომიგრაციის პოლიტიკა საქართველოში". პრესკონფერენცია მიზნად ისახავდა ეკომიგრაციის სფეროში ორგანიზაციის საქმიანობის მიმოხილვას, მიმდინარე წლის შედეგების მეჯამებას და აღნიშნულ სფეროში გასატარებელი ღონისძიებების შესახებ ინფორმაციის საზოგადოებისათვის გაცნობას. ორგანიზაცია „ბორჯღალი" სამი წელია აქტიურად ახორციელებს იძულებით გადაადგილებული პირების – ეკომიგრანტების უფლებების ადვოკატირებას და შესაბამის უწყებებს წარუდგენს შემუშავებულ რეკომენდაციებს, მართავს ეკომიგრაციის თემაზე საინფორმაციო ტიპის შეხვედრებს, კონფრენციებს და დისკუსიებს. ორგანიზაცია აღნიშნულ საქმიანობას აღმოსავლეთ-დასავლეთის მართვის ინსტიტუტის ფინანსური მხარდაჭერით მიმდინარე პროექტის - „ადვოკატირება ეკომიგრანტთა ინტერესების" – ფარგლებში ახორციელებს, რომლის მიზანია საქართველოში ეკომიგრანტთა ინტერესების დაცვა და მათი სოციალურ-სამართლებრივი მდგომარეობის გაუმჯობესება.

კახეთი. ორგანიზაცია ,,ძალადობისაგან დაცვის ეროვნულ ქსელი" ძალადობისგან დაცვის თემაზე საჯარო დისკუსიებს ატარებს. ,,ძალადობის მსხვერპლი ბავშვების დახმარება" კახეთის რვავე რეგიონში ხორციელდება. ,,ძალადობისაგან დაცვის ეროვნული ქსელის’’ კახეთის რეგიონალური კომიტეტის თავმჯდომარის, ჯილდა ხარიტონაშვილის თქმით, ორგანიზაციის მიზანია, გადაარჩინოს და დაიცვას ქალები ძალადობისგან. ,,ორგანიზაციის ძირითად საქმიანობას წარმოადგენს ფსიქო-სამედიცინო და იურიდიული კონსულტაციები კახეთის რეგიონში. ვატარებთ ტრენინგებს და დისკუსიებს სხვადასხვა მუნიციპალიტეტში დაინტერესებული პირებისათვის და ახალგაზრდებისთვის, რომელიც შეეხება ძალადობას და მისი თავიდან აცილების გზებს.’’ ძალადობისაგან დაცვის ეროვნული ქსელის ფსიქოლოგის მანანა სოლოღაშვილის თქმით,  პროექტის ფარგლებში საჯარო დისკუსიები კახეთის რეგიონის სხვადასხვა მუნიციპალიტეტში ჩატარდა, რომელიც ძირითადად გათვლილია მოზარდებზე, მშობლებსა და პედაგოგებზე: ,,პროექტის ფარგლებში ჩავატარეთ საჯარო დისკუსიები მოსწავლეებთან. ძირითადად აქცენტი გვაქვს სოციალურ სააგენტოებზე და მათ წარმომადგენლებზე. როდესაც ბავშვი ძალადობის მსხვერპლია, ყველა ერთად უნდა დავეხმაროთ. საზოგადოების ცნობიერების დონე უნდა ამაღლდეს ამ მიმართულებით, რომ როგორ  დავეხმაროთ ძალადობის მსხვერპლ ბავშვებს.’’

აჭარა. 14 დეკემბერს, ბათუმის პრეს–კაფეში, ჰაინრიხ ბიოლის ფონდმა საჯარო დისკუსია გამართა, თემაზე - „ქართული საზოგადოების ინკლუზიურობის შესაძლებლობები: განსხვავებულობის მიმღებლობის კულტურული და სამართლებრივი ასპექტები". მომხსენებლებმა სექსუალურ, ეთნიკურ და რელიგიურ უმცირესობათა უფლებების დაცვის კუთხით საქართველოში არსებულ მდგომარეობაზე, საზოგადოების აღნიშნული სეგმენტის  კულტურულ და სამართლებრივ კუთხით  დანაჩენი საზოგადოების მათდამი დამოკიდებულებაზე ისაუბრეს. დისკუსიაზე აქცენტი გაკეთდა იმ ძირეულ პრობლემებზე, რაც ხშირ შემთხვევაში მათშორის დაპირისპირების მიზეზი ხდება. შეხვედრა კითხვა პასუხის რეჟიმში მიმდინარეობდა სადაც მოსაზრებებს სტუდენტები, სამთავრობო და არასამთავრობო სექტორის და მედიის წარმომადგენლები აფიქსირებდნენ.