თბილისი. საქართველოს სტრატეგიული კვლევებისა და განვითარების ცენტრის (CSRDG) ინფორმაციით, სოციალური მუშაობის საბაკალავრო და სამაგისტრო აკადემიური პროგრამებისთვის მომზადდა სახელმძღვანელო უფლებებზე დაფუძნებული სოციალური მომსახურების შესახებ. „სახელმძღვანელოს მიზანია სოციალური მუშაობის პრაქტიკოსებს, პედაგოგებს და სტუდენტებს დაეხმაროს სოციალური მუშაობის პრაქტიკის ახალი მიდგომის ამოქმედებაში, რომელიც ადამიანის უფლებებს ემყარება“. სრულად... წყარო: ორგანიზაციის გვერდი სოციალურ ქსელში

თბილისი. სახალხო დამცველის ვებგვერდზე გავრცელებული ინფორმაციის თანახმად, 10 დეკემბერს, ადამიანის უფლებათა დღეს, ადამიანის უფლებათა ფორუმი გაიმართა. „ფორუმზე სამ ძირითადი სფერო განიხილეს, სადაც პანდემიამ განსაკუთრებით გაამწვავა ეკონომიკური და სოციალური უთანასწორობა: 1. გენდერული თანასწორობა, 2. ლგბტქი+ თემის სამართლებრივი და სოციალური დაცვა, 3. ეთნიკური და რელიგიური უმცირესობების უფლებები“. სრულად... წყარო: ombudsman.ge

თბილისი. ქალთა ინიციატივების მხარდამჭერი ჯგუფი (WISG) იწყებს ახალ პროექტს: „გენდერისა და სექსუალობის საკითხების ადვოკატირება ციფრულ და აკადემიურ სივრცეებში“. „პროექტის ფარგლებში, მიზნად ვისახავთ, ეთიკური პრაქტიკისა და კვლევის ხელშეწყობის გზით, ფსიქიკური ჯანმრთელობის სფეროში გენდერული იდენტობის/სექსუალური ორიენტაციის ნიშნით დისკრიმინაციისა და ე.წ. „გამასწორებელი თერაპიის“ პრაქტიკის პრობლემატიზებას და ლგბტქი+ აფირმაციული მიდგომების დამკვიდრებას“, ნათქვამია ორგანიზაციის ვებგვერდზე. სრულად... წყარო: ორგანიზაციის გვერდი სოციალურ ქსელში

სამეგრელო. ასოციაცია „ათინათის“ გამგეობის თავნჯდომარე, რუსუდან ყალიჩავა 2021 წლის ბერტა ფონ ზუტნერის მშვიდობის პრემიით დაჯილდოვდა. „ბერტა ფონ ზუტნერის მშვიდობის პრემია 2021-ადამიანის უფლებებისთვის“ წარდგენილი იყო 10 კანდიდატი, მათგან გამარჯვებული სპეციალურმა ჟიურიმ შეარჩია. ნომინანტები იყვნენ: ნათია ჭანკვეტაძე, ირინე ჯიქია, მარიამ ნარმანია, ნანა გოგოხია, ხათუნა გოგუა, ირა ძირკვაძე, რუსუდან ყალიჩავა, არზუ გეიბულლა, მარინე ელბაქიძე და ლია ჩლაჩიძე“. სრულად... წყარო: ასოციაციის გვერდი სოციალურ ქსელში ფოტო: ზუგდიდის მუნიციპალიტეტის მერია

თბილისი. ადამიანის უფლებების საერთაშორისო დღესთან დაკავშირებით, სოციალური სამართლიანობის ცენტრი ადამიანის უფლებების მდგომარეობის შესახებ ყოველწლიურ ანგარიშს აქვეყნებს.   „2021 წელს ქვეყანა განგრძობადი პოლიტიკური კრიზისით შეხვდა, რომელიც ვერც საერთაშორისო პარტნიორების მედიატორობით გაფორმებულმა 19 აპრილის პოლიტიკურმა შეთანხმებამ განმუხტა და ვერც 2021 წლის ადგილობრივი თვითმმართველობის არჩევნებმა. პოლიტიკური კრიზისზე დაფუძნებული დღის წესრიგიდან სრულად აღმოჩნდა გამოტოვებული: პანდემიის შემაშფოთებელი ადამიანიური და სოციალური შედეგები; ქვეყანაში არსებული მძიმე სოციალური და ეკონომიკური მდგომარეობა, რომელიც ინფილაციის უპრეცედენტო მასშტაბების ფონზე კიდევ უფრო დამძიმდა; ადამიანის უფლებებისა და თანასწორობის დაცვაზე მიმართული რეფორმების საკითხები“, - ვკითხულობთ ანგარიშში.  სრულად...   წყარო: ორგანიზაციის ვებგვერდი

თბილისი. „საქართველოს დემოკრატიული ინიციატივა“ წარმოადგენს ანგარიშს „ადამიანის უფლებები საქართველოში 2021“.  ანგარიშში განხილულია ადამიანის უფლებათა დაცვის კუთხით საქართველოში 2021 წელს არსებული მდგომარეობა. დოკუმენტში თემატურად მიმოხილულია ამ წლის ის ძირითადი მოვლენები და შემთხვევები, რომელიც წარმოაჩენს, თუ რამდენად ასრულებს საქართველოს ხელისუფლება თავის ვალდებულებებს ადამიანის უფლებებისა და სამართლის უზენაესობის სფეროებში. სრულად...  წყარო: ორგანიზაციის ვებგვერდი

თბილისი. ადამიანის უფლებათა დაცვის დღესთან დაკავშირებით, საია 2021 წელს საქართველოში ადამიანის უფლებათა დაცვის მდგომარეობის შეფასებას აქვეყნებს.  „10 დეკემბერს აღინიშნება ადამიანის უფლებათა დაცვის საერთაშორისო დღე. ეს თარიღი უკავშირდება 73 წლის წინანდელ ფაქტს, როდესაც გაერთიანებული ერების ორგანიზაციის გენერალურმა ასამბლეამ ადამიანის უფლებათა საყოველთაო დეკლარაცია მიიღო. საია ტრადიციულად წარმოადგენს მიმდინარე წლის განმავლობაში ადამიანის უფლებათა სფეროში იდენტიფიცირებულ ძირითად გამოწვევებს“, - ნათქვამია დოკუმენტში, რომელიც ქვეყანაში ადამიანის უფლებებს სოციალურ-ეკონომიკური, განათლების, შეკრებისა და გამოხატვის თავისუფლების, გარემოსდაცვითი, საარჩევნო კუთხით მიმოიხილავს.  სრულად...  წყარო: ორგანიზაციის ვებგვერდი

თბილისი. საქართველოს ახალგაზრდა იურისტთა ასოციაცია (საია) აქვეყნებს კვლევას „სექსუალური შევიწროება საჯარო სივრცეში“. „გამოთხოვილ საჯარო ინფორმაციაზე დაყრდნობით, საიამ შეისწავლა საჯარო სივრცეში სექსუალური შევიწროების შემთხვევების გამოვლენის სიხშირე, საერთო სასამართლოების მიერ მიღებული გადაწყვეტილებების დასაბუთებულობა, სექსუალური შევიწროების ფაქტებზე სათანადო პასუხისმგებლობის დაკისრების საკითხი“. სრულად... წყარო: gyla.ge

ქვემო ქართლი. სამოქალაქო საოზგადოების ორგანიზაციების ნაწილი ეხმიანება რამიზ რამაზანოვის სავარაუდო პოლიტიკური შევიწროების საქმეს. ორგანიზაციების ხელისუფლებას მოუწოდებენ, მიიღოს ყველა ზომა მისი უსაფრთხოების და ღირსების დასაცავად. „რამიზ რამაზანოვი უკვე 2 დღეა სახლში არ იმყოფება. მისი სახლის გარშემო პოლიციაა მობილიზებული. ოჯახის წევრების განმარტებით, რამიზ რამაზანოვი მათთან კონტაქტზეა, თუმცა მისი ადგილსამყოფელი და ზუსტად რა ხდება მასთან, არ იციან. ამ დრომდე შინაგან საქმეთა სამინისტროს ან სხვა უწყებას ოფიციალური განმარტება არ გაუკეთებია“. სრულად... წყარო: socialjustice.org.ge

თბილისი. საფარის საქმის თანახმად, პოლიციელებმა სამსახურეობრივი გულგრილობა გამოიჩინეს და არ მოარიდეს მსხვერპლს მოძალადე, რასაც მძიმე შედეგები მოჰყვა. „ხშირად ხდება, რომ შსს-სა და საპატრულო პოლიციის უმოქმედობის შედეგად ხდება ფემიციდის შემთხვევები ან მსხვერპლის სიცოცხლეს საფრთხე ემუქრება. ეს საქმე უნდა იყოს პრევენციული შსს-ს იმ თანამშრომლებისთვის, რომლებიც არ იჩენენ ემპათიას ძალადობის მსხვერპლების მიმართ და მხარდაჭერას უცხადებენ მოძალადე პირებს“. სრულად... წყარო: sapari.ge

ქვემო ქართლი. დმანისის, გარდაბნის და მარნეულის მუნიციპალიტეტებში ტრენინგები „იყავი მის ადგილას“ ჩატარდა. „ტრენინგების მიზანი იმ მავნე გენდერული სტერეოტიპების, სოციალური ნორმებისა და დამოკიდებულებების ცვლილებაა, რომლებიც ხშირად ქალთა მიმართ ძალადობის გამოწვევია ან ამართლებს ასეთ ქცევას“. სრულად... წყარო: ქალთა საინფორმაციო ცენტრის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია (საია) აქვეყნებს კვლევას „5-6 ივლისის მოვლენების ქრონოლოგია და სამართლებრივი შეფასება“. „კვლევამ აჩვენა, რომ 2021 წლის 5 ივლისს სახელმწიფომ არ მიიღო სათანადო ზომები საზოგადოებრივი უსაფრთხოების და ჯანმრთელობის დასაცავად“. სრულად... წყარო: gyla.ge

თბილისი. თბილისის ადამიანის უფლებათა სახლი, 9 დეკემბერს, უფლებადამცველთა საერთაშორისო დღის აღსანიშნავ ღონისძიებაზე, „ლექსოს პრემიის“ გამარჯვებულებს გამოავლენს. „მედიის სფეროში მომუშავე პროფესიონალები, განსაკუთრებით კი ჟურნალისტები, პროფესიული საქმიანობის განხორციელებისას, ხშირად ადამიანის უფლებებს იცავენ. ადამიანის უფლებათა სახლმა „ლექსოს პრემია მედია პროფესიონალებისთვის“, საქართველოში უფლებადამცველი მედიის მხარდაჭერის, შენარჩუნების და მისი შემდგომი განვითარების მიზნით დააწესა“. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრმა პლატფორმა სალამის სახელით სარჩელით მიმართა თბილისის საქალაქო სასამართლოს საქართველოს პარლამენტის ბიუროს მიერ კამპანიის „გვარი დამიბრუნე“ ფარგლებში, კანონპროექტის ინიცირებაზე უარის გამო. „ორგანიზაცია მიიჩნევს, რომ საქართველოს პარლამენტის ბიურომ გადაწყვეტილება მიიღო საქმის გარემოებების არსებითი შესწავლისა და საკითხის მნიშვნელობის გათვალისწინების გარეშე. თავის მხრივ საპროცედურო საკითხთა და წესების კომიტეტმა ფორმალური, სრულიად დაუსაბუთებელი არგუმენტებით გააბათილა ხელმოწერები, რითაც ათასობით ამომრჩევლის საკანონმდებლო ინიციატივის უფლება დარღვევის რისკის ქვეშ დააყენა“. სრულად... წყარო: socialjustice.org.ge

თბილისი. სოციალური სამართლიანობის ცენტრი გთავაზობთ ვიდეო მასალას, სადაც ლგბტქ აქტივისტები და თემის წევრები აანალიზებენ, რა არის ქვიარ წინააღმდეგობა, რატომაა მნიშვნელოვანი სოლიდარობის აქტი და ამის პარალელურად, რა სახის წინააღმდეგობები არსებობს, რაც ხელს უშლის და აზიანებს საქართველოში ქვიარ აქტივიზმს. „დრო მოვიდა, რომ ზედაპირულ, ვიწრო აქტივიზმზე უარი ვთქვათ და აქვე ვთქვათ უარი აქტივიზმზე, რომელიც ჩაგვრის მხოლოდ ერთ მხარეს ხედავს და მეორეს უგულებელყოფს“. წყარო: socialjustice.org.ge

თბილისი. საქართველოში ნიდერლანდების საელჩოს გვერდზე გავრცელებული ინფორმაციის თანახმად, ლუსინე დოსტიბეგიანი ნიდერლანდების ელჩისგან „ადამიანის უფლებათა ტიტის“ მეორე ადგილის პრიზით დაჯილდოვდა. „ლუსინე ახალგაზრდა აქტივისტია თეთრიწყაროდან. ის ბევრს შრომობს, რათა თავისი მუნიციპალიტეტის მოსახლეობის ცხოვრება უკეთესობისკენ შეცვალოს... მას ბევრი გეგმა აქვს და ვიმედოვნებთ, საელჩოს ჯილდო კიდევ უფრო წაახალისებს, რომ თავისი შესანიშნავი საქმიანობა გააგრძელოს“. სრულად... წყარო: საელჩოს გვერდი სოციალურ ქსელში

თბილისი. შეზღუდული შესაძლებლობების მქონე პირთა საერთაშორისო დღესთან დაკავშირებით „მაკ ჯორჯია“ და მშობლის სკივრი წარმოგიდგენთ ადამიანებს, რომლებიც თავიანთ გამოცდილებებს, დაბრკოლებებსა და წარმატებებს გვიზიარებენ. რაიბული ფირუზი დავითის შესახებ... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი აქვეყნებს სალომე ქაჯაიას სტატიას: „შრომა დასაქმების მიღმა“. „შრომის ბაზარი მხოლოდ ფორმალურ და არაფორმალურ სექტორებად, დაქირავებულებად და თვითდასაქმებულებად არ იყოფა. შრომისა და შრომითი ურთიერთობის არაერთი ფორმა ამ კატეგორიებს შორის, ან სულაც მათ მიღმაა“. სრულად... წყარო: socialjustice.org.ge

თბილისი. საია-ს ინფორმაციით, ევროპის საბჭოს მინისტრთა კომიტეტმა სახელმწიფოს 5 ივლისის საქმეებზე ეფექტიანი გამოძიების წარმოებისა და იდენტობის ჯგუფის საქმეების აღსასრულებლად ქმედითი ნაბიჯების გადადგმისკენ მოუწოდა. „კომიტეტი გამოხატავს ღრმა შეშფოთებას 2021 წლის ივლისის მოვლენებთან („ღირსების მარში“) დაკავშირებით და მოუწოდებს ხელისუფლებას გამოავლინოს მტკიცე პოლიტიკური ნება სიძულვილის დანაშაულთან საბრძოლველად და შეკრების თავისუფლების დასაცავად მკაფიო ნულოვანი ტოლერანტობის გზავნილის უმაღლეს დონეზე გადაცემის გზით. კომიტეტი ხელისუფლებას მოუწოდებს, მიიღოს ყველა საჭირო ზომა ლგბტი თემისა და აქტივისტების მშვიდობიანი შეკრების უფლების შეუფერხებლად განხორციელების უზრუნველსაყოფად, მათ შორის, უსაფრთხოების ადეკვატური დაცვის უზრუნველყოფის გზით და შედეგების შესახებ მოახდინოს კომიტეტის ინფორმირება“. სრულად... წყარო: gyla.ge

თბილისი. მაკ ჯორჯია წარმოგიდგენთ გიორგი მრევლიშვილის ფილმს „თორმეტი გაკვეთილი“. „ფილმი მოგვითხრობს გურიაში მცხოვრებ ვალერი ბაბუზე, რომელიც სხვადასხვა გზით ცდილობს მისი აუტისტური სპექტრის მქონე შვილიშვილის ინტეგრაციას საზოგადოებაში. დიდი გამოწვევების და ადგილობრივად რესურსების უქონლობის პირობებში, ვალერი ცდილობს ვაკოს ის გაკვეთილები ასწავლოს, რომელიც ცხოვრებისეული გამოწვევების დამოუკიდებლად დაძლევაში დაეხმარება“. ფილმი... წყარო: ორგანიზაციის გვერდი სოციალურ ქსელში

თბილისი. ადამიანის უფლებათა ტიტა 2021-ის (Local Human Rights Tulip 2021) გამარჯვებულებს შორის ადამიანის უფლებათა ცენტრის შიდა ქართლის რეგიონული ოფისის კოორდინატორი, იურისტი და უფლებადამცველი, ალექსი მერებაშვილიც არის. „ძალადობის მსხვერპლმა ქალებმა, იძულებით გადაადგილებულმა პირებმა, გამყოფი ხაზის მიმდებარე სოფლებში მცხოვრებმა ადამიანებმა, სამართალდამცავი უწყების მიერ დაზარალებულმა ადამიანებმა ალექსი მერებაშვილის კვალიფიციური დახმარებით შეძლეს დაპირისპირებოდნენ სახელმწიფო უწყებებს და მოძალადეებს“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია (საია) აქვეყნებს კვლევას: „შეზღუდული შესაძლებლობის მქონე ბავშვთა განათლების უფლება კოვიდ-19-ის დროს“. „დოკუმენტი მიზნად ისახავს, შეაფასოს სპეციალური საგანმანათლებლო საჭიროების მქონე ბავშვების მისაწვდომობა განათლების უფლებაზე და მისი ეფექტიანობა. დაადგინოს არსებული გამოწვევები ქვეყნის კანონმდებლობისა და საერთაშორისო აქტების ანალიზის საფუძველზე. მიმოიხილოს პანდემიის პირობებში განათლების უფლების რეალიზების მიზნით სახელმწიფოს მხრიდან გადადგმული ნაბიჯები“. სრულად... წყარო: gyla.ge