იმერეთი. ქუთაისის აკაკი წერეთლის სახელმწიფო უნივერსიტეტის ბავშვთა უფლებების ცენტრში გაიმართა შეხვედრა მედიის წარმომადგენლებთან. დამსწრეებმა მიიღეს ინფორმაცია გაეროს ბავშვთა ფონდისა და საქართველოს ადგილობრივ თვითმმართველობათა ეროვნული ასოციაცია (NALAG)-ის პროექტის შესახებ. „ბავშვის უფლებათა კოდექსის მიხედვით, ბავშვთა დაცვისა და მხარდაჭერაში მუნიციპალიტეტებს უმნიშვნელოვანესი როლი ენიჭებათ: მათ უნდა შეეძლოთ საჭიროების მქონე ოჯახებისა და ბავშვების იდენტიფიცირება და მათი მხარდაჭერა, ასევე არსებული სოციალური საჭიროებების იდენტიფიცირება და მათი მოგვარება ბავშვზე მორგებული სოციალური პროგრამების შემუშავების გზით“. პროექტი ხორციელდება ევროკავშირის მხარდაჭერით. სრულად... წყარო: ორგანიზაციის გვერდი სოციალურ ქსელში

იმერეთი. გაეროს ბავშვთა ფონდის ინფორმაციით, 8 აპრილს, ქუთაისში, აკაკი წერეთლის სახელმწიფო უნივერსიტეტში ათი მუნიციპალიტეტის მერი შეიკრიბა იმის განსახილველად, თუ როგორ გაიზარდოს მუნიციპალიტეტების ჩართულობა მათი თემების სოციალური კეთილდღეობის უზრუნველსაყოფად. მაღალი დონის შეხვედრას დაესწრნენ ცენტრალური ხელისუფლებისა და მუნიციპალური თვითმმართველობის წარმომადგენლები, დონორები და სამოქალაქო საზოგადოების ორგანიზაციები...  სრულად... პროექტი ხორციელდება ევროკავშირის მხარდაჭერით. წყარო: www.unicef.org

შიდა ქართლი. 6 აპრილს გაიმართა ახალგაზრდული კლუბის წევრების შეხვედრა რეგიონში მოქმედ ახალგაზრდულ სამოქალაქო საზოგადოების და სათემო ორგანიზაციების წარმომადგენლებთან. შეხვედრისას გაიმართა დისკუსია თემაზე: „პრობლემები, რომელსაც ვხვდებით ახალგაზრდული ორგანიზაციები და როგორ ვაპირებთ ამ პრობლემების გადაჭრას“. შეხვედრა ჩატარდა პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“. პროექტი ხორციელდება ევროკავშირისა და კონრად-ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

ქვემო ქართლი. სამოქალაქო ინტეგრაციის ფონდის მიერ ბოლნისში, ადგილობრივ ახალგაზრდებთან ტრენინგი გაიმართა თემაზე „ლიდერობა და გუნდურობა“. შეხვედრა გაიმართა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივის ფარგლებში, რომელსაც ახორციელებს კონსორციუმი კონრად ადენაუერის ფონდის (KAS) ხელმძღვანელობით. სრულად... წყარო: ორგანიზაციის გვერდი სოციალურ ქსელში

შიდა ქართლი. ამერიკის ელჩი საქართველოში, კელი დეგნანი, გორის ამერიკულ თაროს ესტუმრა, სადაც მოსწავლეებთან, მასწავლებლებსა და ადგილობრივ ოფიციალურ პირებთან დისკუსიაში ჩაერთო. „შეხვედრისას განიხილეს განათლებისა და კულტურის როლი გორის მაცხოვრებლებისა და ახალგაზრდების განვითარებაში. ამერიკის მისია სიამაყით უჭერს მხარს 15 ამერიკულ სივრცეს საქართველოში“. სრულად... წყარო: საელჩოს გვერდი სოციალურ ქსელში

აჭარა. 30 მარტს, სამოქალაქო საზოგადოების ინსტიტუტისა (CSI) და ხელვაჩაურის მერიის ახალგაზრდობის ცენტრის ერთობლივი ორგანიზებით, ხელვაჩაურში მცხოვრები ახალგაზრდებისთვის გაიმართა საგანმანათლებლო კამპანიის პრეზენტაცია - „შენი ხმა ხელვაჩაურის მუნიციპალიტეტში.“ შეხვედრას ახალგაზრდები, ხელვაჩაურის რესურს-ცენტრის წარმომადგენლები, მუნიციპალიტეტის მერიისა და საკრებულოს წევრები ესწრებოდნენ. კამპანიის მიზანია ახალგაზრდებში სამოქალაქო აქტივიზმის პოპულარიზაცია და მხარდაჭერა, ასევე თვითმმართველობის საქმიანობაში მათი ჩართულობის წახალისება. აღნიშნულ კამპანაში ხელვაჩაურის მუნიციპალიტეტის სოფლებში: კირნათაში, მარადიდში, ახალშენსა და სარფში მცხოვრები ახალგაზრდები არიან ჩართული. კამპანია „შენი ხმა ხელვაჩაურის თვითმმართველობაში“ ხორციელდება სამოქალაქო საზოგადოების ინსტიტუტის მიერ, პროექტის - „ადგილობრივი განვითარების აქტორებს შორის მყარი კავშირების დამყარება“ - ფარგლებში, რომლის ფინანსური მხარდამჭერია საერთაშორისო ორგანიზაცია „პური მსოფლიოსთვის“ (BftW).

იმერეთი. განათლების განვითარების და დასაქმების ცენტრმა (EDEC) მეტყველების განვითარების და კორექციის ცენტრთან „ლოგომედი“ ერთად, 26 მარტს ქუთაისში მცხოვრებ 70-მდე ბავშვს მეტყველების პირველადი დიაგნოსტიკა უფასოდ ჩაუტარა. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიისა და საერთაშორისო ურთიერთობების კვლევის ფონდი სოლიდარობას უცხადებს ორგანიზაციის კურსდამთავრებულებს, პარტნიორებს, რომლებიც საქართველოში კრემლის არადემოკრატიული პოლიტიკის გავლენის გაძლიერებას ეწინააღმდეგებიან. „ჩვენი სასწავლო პროგრამის მონაწილეები სხვადასხვა რეგიონში ალტ-ინფოს ოფისების გახსნას აპროტესტებენ. ახალგაზრდები ევროინტეგრაციას, მშვიდობასა და უსაფრთხოებას ირჩევენ“. სრულად... წყარო: ორგანიზაციის გვერდი სოციალურ ქსელში

იმერეთი. ადგილობრივი დემოკრატიის სააგენტო საქართველომ ბაღდათის მუნიციპალიტეტში მორიგი სემინარი გამართა ახალგაზრდული კლუბის წევრებისათვის. „მოწვეულმა სპიკერმა ქეთევან კუხიანიძემ სემინარი ჩაატარა ელექტრონული მონაწილეობისა და დემოკრატიის, გადაწყვეტილების მიღების პროცესში მოქალაქეთა ჩართულობის შესაძლებლობების შესახებ. ახალგაზრდული კლუბი შეიქმნა პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის მხარდაჭერით“. სრულად... წყარო: ორგანიზაციის გვერდი სოციალურ ქსელში

თბილისი. თბილისის საქალაქო სასამართლომ წარმოებაში მიიღო პარტნიორობა ადამიანის უფლებებისთვის სარჩელი, რომლითაც ორგანიზაცია ონკოდაავადების მქონე ბავშვებისთვის სახელმწიფო დაფინანსების გაზრდას მოითხოვს. PHR-ი სარჩელით ითხოვს: ბავშვების საქართველოში მკურნალობა დაფინანსდეს სრულად; ბავშვების საზღვარგარეთ მკურნალობა დაფინანსდეს სრულად; იყოს შესაძლებელი მეორე აზრის მოპოვება ქვეყანაში, რაც გულისხმობს მინიმუმ კიდევ ერთი სპეციალისტის (ექიმის) არსებობას; გაიზარდოს კლინიკების გეოგრაფიული მისაწვდომობა (რაც გულისხმობს რეგიონებში ონკოცენტრების გახსნას), რათა ოჯახებს არ დაშორდნენ ბავშვები და არ მოუწიოთ დედაქალაქში გადასვლა. სრულად... წყარო: ორგანიზაციის გვერდი სოციალურ ქსელში ფოტო: ნეტგაზეთი

სამეგრელო. 16 მარტს, შოთა მესხიას ზუგდიდის სახელმწიფო სასწავლო უნივერსიტეტში ბავშვის უფლებათა ცენტრი გაიხსნა. ღონისძიებას გაეროს ბავშვთა ფონდის წარმომადგენელი საქართველოში, ღასან ხალილი დაესწრო. ცენტრი ხელს უწყობს ბავშვების, მშობლების, დაინტერესებული პირებისა და პროფესიონალების ინფორმირებულობას ბავშვის უფლებების საკითხებზე. ბავშვის უფლებათა ცენტრი გაიხსნა ნორვეგიის დაფინანსებით. სრულად... წყარო: ორგანიზაციის გვერდი სოციალურ ქსელში

აჭარა. 14 მარტს, შუახევის მუნიციპალიტეტში მცხოვრები ახალგაზრდებისთვის სამოქალაქო საზოგადოების კურსის მესამე შეხვედრა გაიმართა. აქტივობა ხორციელდება პროექტის „თავისუფალ ჟურნალისტთა სახლის ინსტიტუციური გაძლიერება“ ფარგლებში. პროექტის ფინანსური მხარდამჭერია „საქართველოს ახალგაზრდა იურისტთა ასოციაცია“. სრულად... წყარო: ორგანიზაციის გვერდი სოციალურ ქსელში

თბილისი. ვოლუნტერის ინფორმაციით, უკრაინელი ხალხის დასახმარებლად თბილისში რამდენიმე ახალგაზრდა გაერთიანდა. ახალგაზრდებმა საკუთარი ინიციატივით მოხალისეობრივად დაიწყეს პირველადი დახმარების მედიკამეტების შესაძენად საჭირო თანხის შეგროვება. „დავიწყეთ თანხის შეგროვება და რამდენიმე დღეში 1400 ლარი შევაგროვეთ. შევიძინეთ მედიკამენტები და გავაგზავნეთ უკრაინაში“. პროექტი ხორციელდება კონრად ადენაუერის ფონდის (KAS) მიერ, საქართველოს სტრატეგიული კვლევებისა და განვითარების ცენტრთან (CSRDG), სამოქალაქო საზოგადოების ინსტიტუტთან (CSI), კონსულტაციის და ტრენინგის ცენტრთან (CTC), განათლების განვითარების და დასაქმების ცენტრთან (EDEC) და ევროპული პოლიტიკის ინსტიტუტთან (IEP) თანამშრომლობით. პროექტს აფინანსებს ევროკავშირი და კონრად ადენაუერის ფონდი. პროექტი მიზნად ისახავს, გააძლიეროს სამოქალაქო საზოგადოება როგორც დამოუკიდებელი, მდგრადი, გამჭვირვალე და ანგარიშვალდებული აქტორი მთელი საქართველოს მასშტაბით. სრულად... წყარო: ორგანიზაციის გვერდი სოციალურ ქსელში

შიდა ქართლი. 7 მარტს, „საზოგადოება ბილიკში“ (შიდა ქართლის რეგიონული ჰაბი), გორის ახალგაზრდულ საბჭოს წევრი ახალგაზრდებისთვის ტრენინგი გაიმართა თვითმმართველობის სტრუქტურის და ორგანიზაციული მართვის შესახებ. გორის ახალგაზრდული საბჭოს გაძლიერება ხდება პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში. პროექტი ხორციელდება ევროკავშირისა და კონრად-ადენაუერის ფონდის მხარდაჭერით. გორის ახალგაზრდული საბჭოს მხარდამჭერია გორის მუნიციპალიტეტის მერია. სრულად... წყარო: ორგანიზაციის გვერდი სოციალურ ქსელში

თბილისი. ომბუდსმენი ნინო ლომჯარია მთავრობას მოუწოდებს, უკრაინას მზრუნველობამოკლებული ბავშვების დროებით, ვითარების გამოსწორებამდე საქართველოში განთავსება შესთავაზოს.  თავის მხრივ, სახალხო დამცველი და მისი გუნდი გამოთქვამს აღნიშნულ პროცესში ჩართვის მზაობას, როგორც დროებითი მიმღები ოჯახების მოძიება/შეფასებისა და მონიტორინგის, ასევე, გამოკვეთილი საჭიროებისამებრ, მრავალმხრივი მოხალისეობრივი საქმიანობის კუთხით. ომბუდსმენი და მისი თანამშრომლები, უშუალოდ უკრაინის ადამიანის უფლებათა საპარლამენტო კომისრისგან, ევროპის ბავშვთა ომბუდსმენთა ქსელისგან (ENOC) და მის მიღმა აქტიურად იღებენ ინფორმაციას უკრაინაში არსებული ვითარების, მათ შორის, ბავშვთა უფლებრივი მდგომარეობის შესახებ. სრულად... წყარო: ombudsman.ge

შიდა ქართლი. 22 თებერვალს „საზოგადოება ბილიკში“ შიდა ქართლის რეგიონული ჰაბის ფარგლებში ახალგაზრდული კლუბის წევრებისათვის ჩატარდა ტრენინგი თემაზე „ეფექტური კომუნიკაცია“. ტრენინგის მიზანი იყო ახალგაზრდების კომუნიკაციის უნარ-ჩვევების განვითარება და გაუმჯობესება. ტრენინგი განხორციელდა პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ (2021-2025) ფარგლებში. პროექტს ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციებთან ერთად - საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციის და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP). სრულად... წყარო: ორგანიზაციის გვერდი სოციალურ ქსელში

შიდა ქართლი. ინფორმაციის თავისუფლების განვითარების ინსტიტუტის (IDFI) წარმომადგენლები, პროექტის - „სტალინის გარშემო არსებული დეზინფორმაციისა და ნოსტალგიის დაძლევა: ახალი იდენტობა ქალაქ გორისთვის“ - ფარგლებში, გორის სკოლის მოსწავლეებს, მასწავლებლებსა და სტუდენტებს შეხვდნენ. „18 თებერვალს შეხვედრა გაიმართა გორის ფოტოგრაფთა კლუბის საგამოფენო სივრცეში, ხოლო 21 თებერვალს - ვერხვების დასახლებაში, 2008 წლის რუსეთ-საქართველოს ომის შედეგად, ცხინვალის რეგიონიდან დევნილ ახალგაზრდებთან. პროექტი იანვარში დაიწყო და მიზნად ისახავს გორისა და შიდა ქართლის ალტერნატიული ისტორიის შესახებ ცნობიერების ზრდას. პროექტი ხორციელდება კრეატიულ სააგენტო ლივინსტრონსა და “საბჭოთა წარსულის კვლევის ლაბორატორიასთან” (Sovlab) თანამშრომლობით”. სრულად... წყარო: idfi.ge

თბილისი. გაეროს ბავშვთა ფონდის ინფორმაციით, 22 თებერვალს, გრიგოლ რობაქიძის უნივერსიტეტში გაიმართა საქართველოში გაეროს ბავშვთა ფონდის წარმომადგენლის, ღასან ხალილის წიგნის პრეზენტაცია: „ბავშვთა უფლებები - ისტორიული ევოლუცია“, რომელშიც მიმოხილულია ბავშვის უფლებების განვითარება უძველესი ცივილიზაციებიდან თანამედროვეობამდე. სრულად... წყარო: ორგანიზაციის გვერდი სოციალურ ქსელში

აჭარა. 13 და 14 თებერვალს, პროექტის „ქალთა და ახალგაზრდების გაძლიერება შუახევის მუნიციპალიტეტში“ მოხალისეებმა და ბარათაულის საჯარო სკოლის მოსწავლეებმა „სამოქალაქო ბიუჯეტის“ თემაზე თანატოლებთან ტრენინგი ჩაატარეს. პროექტის მხარდამჭერია გერმანიის საერთაშორისო თანამშრომლობის საზოგადოება (GIZ). სრულად... წყარო: ორგანიზაციის გვერდი სოციალურ ქსელში

თბილისი. უსაფრთხო ინტერნეტის დღესთან დაკავშირებით გაეროს ბავშვთა ფონდმა მოამზადა რჩევები თუ როგორ უნდა დავიცვათ ბავშვების უსაფრთხოება ინტერნეტში. დაიცავით ბავშვები ღია კომუნიკაციის მეშვეობით გამოიყენეთ ტექნოლოგია, რათა უკეთ დაიცვათ ბავშვები გაატარეთ ბავშვთან ერთად დრო ინტერნეტში დაეხმარეთ ბავშვს, გამოიმუშაოს ჯანსაღი ჩვევები ინტერნეტის მოხმარებისას შეეცადეთ, ბავშვს მისცეთ გართობისა და საკუთარი თავის გამოხატვის საშუალება სრულად... წყარო: www.unicef.org

გურია. Book Club • წიგნის კლუბი სოციალური პროექტია, რომლის ფარგლებშიც მედია სააგენტო კლიპარტი • ClipArt-მა, ლანჩხუთის მუნიციპალიტეტის სოფელ ჩოჩხათში, ახალგაზრდებისთვის თანამედროვედ აღჭურვილი სამუშაო სივრცე შექმნა. წინგის კლუბის პროექტით მედია სააგენტო ერთი მხრივ, ეხმარება ახალ თაობას ხარისხიანი განათლების მიღებაში, ხოლო მეორე მხრივ ახალისებს მათ ბიზნესში პირველი ნაბიჯების გადადგმაში.  პროექტი ხორციელდება „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. ევროკავშირისა და გაეროს განვითარების პროგრამის (UNDP) ხელშეწყობით, მიმდინარეობს ახალგაზრდული მუშაკების შერჩევა და გადამზადება ცხრა სასწავლებლისთვის. ინიციატივას ახორციელებს ახალგაზრდული ცენტრი „მზიანი სახლი“. „24-30 იანვარს, შერჩევის მეორე საფეხურზე გადასულმა მონაწილეებმა გაიარეს გადამზადების საბაზო ტრენინგი, რომელიც მიზნად ისახავდა ახალგაზრდული მუშაკების ცნობიერების ამაღლებასა და კომპეტენციების განვითარებას“. სრულად... წყარო: ორგანიზაციის გვერდი სოციალურ ქსელში