თბილისი. მაკ ჯორჯიას რუბრიკა კვებითი აშლილობის ცნების განმარტებას და გთავაზობთ. „სხეულის წონითა და ფორმებით დაინტერესება მოზარდობის ჩვეული, თანმდევი მოვლენაა. თუმცა, კვებითი აშლილობა უფრო მეტია, ვიდრე ამ პერიოდისათვის დამახასიათებელი ხანმოკლე დიეტა ან წონის მცირედი ცვლილება. კვებითი აშლილობები გულისხმობს კვების პატერნის დარღვევას, რომელსაც განაპირობებს პიროვნების არაჯანსაღი დამოკიდებულება საკუთარი სხეულის წონისა და ფორმის მიმართ“. სრულად... წყარო: ორგანიზაციის გვერდი სოციალურ ქსელში

აჭარა. „ფორთოხლისფერი მსოფლიო - შეწყვიტე ძალადობა ქალებისა და გოგონების მიმართ!“ გენდერული ძალადობის წინააღმდეგ ბრძოლის 16 დღიანი კამპანიის ფარგლებში, ჩაქვის სკოლის მოსწავლეებთან შეხვედრა გაიმართა. საიას იურისტმა სალომე ღოღობერიძე და ბათუმის დემოკრატიული ჩართულობის ცენტრის ხელმძღვანელმა თეონა დიასამიძემ ისაუბრეს ქალთა მიმართ ძალადობის წინააღმდეგ სახელმწიფოს დაცვის მექანიზმებსა და ქალთა მიმართა ძალადობის საკითხებზე, არსებულ კანონმდებლობაზე, კრიზისულ ცენტრებზე, რეგიონში მოქმედ სერვისებზე...  სრულად... წყარო: ორგანიზაციის გვერდი სოციალურ ქსელში

თბილისი. საქართველოს პარლამენტის და გაეროს ბავშვთა ფონდის ორგანიზებით, პარლამენტარებისა და ბავშვის უფლებათა დაცვის მუდმივმოქმედი საპარლამენტო საბჭოს წევრებისთვის ბავშვთა უფლებების შესახებ სემინარი გაიმართა. „შეხვედრაზე განიხილეს ბავშვის უფლებათა კონვენციის შემუშავების პროცესი, ძირითადი პრინციპები და კონვენციის განხორციელების მექანიზმები“.  სრულად... წყარო: ორგანიზაციის გვერდი სოციალურ ქსელში

კახეთი. რონდელის ფონდის ორგანიზებით, თელავში ჩატარდა სასწავლო პროგრამა „ახალგაზრდები ცვლილებისთვის“. „პროგრამის ფარგლებში 5 დღის განმავლობაში ახალგაზრდა აქტივისტები კახეთის რეგიონიდან გაეცნენ ისეთ თემებს როგორებიცაა: საშინაო და საგარეო პოლიტიკის გამოწვევები, პოლიტიკური იდეოლოგიები და საარჩევნო პროცესები საქართველოში“. სრულად... წყარო: ორგანიზაციის გვერდი სოციალურ ქსელში

თბილისი. საფარის ინფორმაციით, ჟურნალისტური ეთიკის ქარტიამ დააკმაყოფილა ორგანიზაციის საჩივარი: „საფარი ნატო გოგელიას წინააღმდეგ“. „საქმე ეხება პედოფილიის შემთხვევას, რომლის გაშუქების დროსაც, ჟურნალისტმა სავარაუდო მსხვერპლის იდენტიფიცირების სტანდარტები არ დაიცვა და ამბავი მსხვერპლის მეზობლებშიც კი გაავრცელა“. სრულად... წყარო: sapari.ge

თბილისი. ახალგაზრდობის სააგენტოს ინფორმაციით, ფორუმი მუნიციპალური ახალგაზრდობის პოლიტიკის შესახებ დასრულდა. „ფორუმის მიზანია მუნიციპალური ახალგაზრდობის პოლიტიკის და მისი პრინციპების - უფლებებზე დაფუძნებული მიდგომების და ახალგაზრდების მონაწილეობის პოპულარიზაცია და ხელშეწყობა“. სრულად... წყარო: ორგანიზაციის გვერდზე სოციალურ ქსელში

თბილისი. მაკ ჯორჯია გირჩევთ თვალი ადევნოთ ბავშვთა განვითარების სტანდარტს, რათა დარწმუნდეთ, რომ თქვენი ბავშვი ასაკის შესაბამისად ვითარდება. „ყველა ბავშვს განვითარების ინდივიდუალური ტემპი აქვს, თუკი ბავშვის განვითარება ზუსტად არ მიყვება დადგენილ სტანდარტს არ ნიშნავს რომ მას განვითარების დარღვევა აქვს. დაელოდეთ, ხელი შეუწყვეთ განვითარებაში და საჭიროების შემთხვევაში მიმართეთ სპეციალისტს“. სრულად... წყარო: ორგანიზაციის გვერდი სოციალურ ქსელში

თბილისი. ორგანიზაცია „საფარის“ ინფორმაციით, გამომცემლობები: „დიოგენე“, „სულაკაურის გამომცემლობა“, „კლიო“, „სედი“, „წყაროსთვალი“, „ინტელექტი“, „სწავლანი“ და მაღაზია „ინგლისური წიგნი საქართველოში“ გაერთიანდნენ საქართველოს საპატრიარქოს ჯავახეთის ქ. ნინოწმინდის წმიდა ნინოს ობოლ, უპატრონო და მზრუნველობამოკლებულ ბავშვთა სახლის დასახმარებლად და პანსიონატის ბენეფიციარებს უსასყიდლოდ გადასცეს მათთვის საჭირო სასკოლო წიგნები.  „მარტვილის პანსიონში არსებულ სკოლაში ოთხი მოსწავლეა, რომელთაც არ ჰქონდათ სახელმძღვანელოები სასწავლო პროცესში სრულყოფილად ჩასართავად. ვინაიდან, პანსიონი არ შედის განათლების სამინისტროს საჯარო სკოლების შემადგენლობაში, პანსიონში არსებული სკოლა მოსწავლეებს ვერ უზრუნველყოფს შესაბამისი სასკოლო სახელმძღვანელოებით, ხოლო ოჯახებს არ აქვთ საკმარისი სახსრები მათ შესაძენად“. სრულად... წყარო: sapari.ge

თბილისი. საქართველოს სახალხო დამცველი ეხმიანება 2021 წლის 9 ნოემბერს აქციის მიმდინარეობისას გიგი უგულავას მიერ გაკეთებულ განცხადებას. ომბუდსმენი მიიჩნევს, რომ პოლიტიკოსის მოწოდება საფრთხის შემცველია ბავშვის ფსიქო-ემოციური მდგომარეობისთვის და არღვევს მის საუკეთესო ინტერესს - დაცული იყოს ნებისმიერი ფორმით ძალადობისგან. „სახალხო დამცველი ხაზგასმით აღნიშნავს, რომ დაუშვებელია პოლიტიკური ოპონირების იარაღად ბავშვების, მათი პირადი ცხოვრებისა და ოჯახური სტატუსის გამოყენება“. სრულად... წყარო: ombudsman.ge

თბილისი. ბიოლის ფონდი აქვეყნებს თათა ვერულაშვილის სტატიას: მარტოხელა დედობის საფასური. „მარტოხელა დედებისთვის მთავარი საკითხი უსახსრობა და ფინანსური სირთულეებია. ეს დაკავშირებულია დაბალ შემოსავალთან, შრომის გაუზიარებლობასთან - არ არსებობს ის, ვინც ბავშვს დაიტოვებს და დედისთვის თავისუფალ დროს გამოათავისუფლებს. მუდმივი დაკავებულობის პირობებში მათ არ აქვთ გადამზადების ან კვალიფიკაციის ამაღლების შესაძლებლობა. ამასთან, როგორც ზემოთ ვნახეთ, შრომის ბაზარი მარტოხელა დედის საჭიროებაზე მორგებული არ არის - ნახევარ განაკვეთზე დასაქმების შესაძლებლობა მათ არ აქვთ, ბაღის და სკოლის განრიგის შეთავსება შრომის ბაზართან შეუძლებელია - ჩატარებული ინტერვიუების საფუძველზე, ქალებისთვის მომავალი მხოლოდ ემიგრაციაზე საუბრის დროსაა იმედიანი. საქართველოში მათი მდგომარეობა ყოველდღიურად უარესდება, ყოველ მომდევნო დღეს მეტია საჭიროება და ნაკლებია შესაძლებლობა“. სრულად... წყარო: feminism-boell.org

თბილისი. მსოფლიო მეწარმეობის კვირეულთან დაკავშირებით, CENN, ევროკავშირის მხარდაჭერით, ახალგაზრდული პოლიტიკის ლაბის საქმიანობის ფარგლებში, 8 ნოემბერს საინფორმაციო ვებინარს უმასპინძლებს. ვებინარის თემა: ახალგაზრდობა და სოციალური მეწარმეობა - არსებული რეალობა და პერსპექტივები. სრულად... ვებინარი ტარდება ევროკავშირის მხარდაჭერილი „EU4Youth: სოციალური მეწარმეობის ეკოსისტემის განვითარება (SEED) მწვანე ზრდისთვის საზღვრისპირა რეგიონებში“ პროექტისა, განმახორციელებლები - CENN, პარტნიორ ორგანიზაციებთან Green Lane NGO და KRDF-თან ერთად, და EU4Youth ახალგაზრდული ჩართულობის საგზაო რუკები (Youth Engagement Roadmaps) პროექტის ფარგლებში შექმნილი ახალგაზრდული პოლიტიკის ლაბის საქმიანობის ფარგლებში. წყარო: ორგანიზაციის გვერდი სოციალურ ქსელში

შიდა ქართლი. 3-4 ნოემბერს საქართველოს საპატრიარქოსა და გაეროს ბავშვთა ფონდის ორგანიზებით გორში მართლმადიდებელი სასულიერო პირებისთვის ორდღიანი სემინარი გაიმართა. სემინარის მთავარი თემა იყო ბავშვთა უფლებები და რელიგიური ლიდერების როლი ამ უფლებების დაცვის პოპულარიზებაში. სრულად... წყარო: ორგანიზაციის გვერდი სოციალურ ქსელში

სამეგრელო. „ათინათმა“ პროექტის „ეკონომიკური მონაწილეობა, საცხოვრებლით უზრუნველყოფა და სოციალური ინფრასტრუქტურა იძულებით გადაადგილებულ პირთა და მასპინძელი თემებისთვის“ ფარგლებში, სენაკის #4 საბავშვო ბაღის აღსაზრდელებს საჩუქრად გადასცა სხვადასხვა სახის სათამაშოები და ტექნიკური ინვენტარი. პროექტს ლტოლვოლთა დანიის საბჭო ახორციელებს და მისი ფინანსური მხარდამჭერია: გერმანიის მთავრობა - „გერმანიის განვითარების ბანკი - KfW“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს დემოკრატიული ინიციატივა (GDI) აქვეყნებს ანალიზს, კომუნიკაციების ეროვნული კომისიის მიერ ბავშვთა უფლებების დაცვის საკითხზე მიღებული გადაწყვეტილებების შესახებ. ორგანიზაციამ შეისწავლა არასრულწლოვანთათვის შეუფერებელ პროგრამებთან დაკავშირებით მიღებული გადაწყვეტილებები და თვლის, რომ კომისიას უჭირს კონკრეტული სტანდარტების ჩამოყალიბება კანონით გათვალისწინებულ ზოგად და, რიგ შემთხვევაში, ბუნდოვან ცნებებთან დაკავშირებით. სრულად... წყარო: gdi.ge

თბილისი. ახალი ინიციატივის ფარგლებში, მშობლის სკივრი მშობლებთან დახურულ ჯუფში შეხვედრას იწყებს. მომავალი შეხვედრის თემაა ყურადღების დეფიციტის და ჰიპერაქტივობის სინდრომი (ADHD) სასკოლო ასაკში. შეხვედრა გაიმართება ზუმში, 9 ნოემბერს, 4 საათზე. რეგისტრაცია შესაძლებელია 7 ნოემბრის ჩათვლით. სრულად... წყარო: ორგანიზაციის გვერდი სოციალურ ქსელში

თბილისი. პარტნიორობა ადამიანის უფლებებისთვის (PHR) 12 წლის ბავშვის ინტერესებს იცავს, რომელმაც ორგანიზაციის ინფორმაციით, 2021 წლის მაისში ხილი უნებართვოდ მოკრიფა. „ხილის ერთერთმა მეპატრონემ ბავშვს პლასტმასის მილით ფიზიკური დაზიანება მიაყენა ფეხზე, ხოლო მეორემ ბავშვი ძალის გამოყენებით ჩამოიყვანა ხიდან, რამდენჯერმე გაარტყა სახეში ხელი, დაარტყა ფეხი, მიაყენა სიტყვიერი შეურაცხყოფა, ძალის გამოყენებით წელსზემოთ გააშიშვლა, აიძულა შარვლის გახდა და ამ მდგომარეობაში ბავშვი ქუჩაში გაუშვა. მოზარდს სხეულზე ფიზიკური დაზიანების კვალი აღენიშნებოდა“. სრულად... წყარო: phr.ge

თბილისი. ორგანიზაცია „კივიტას გეორგიკა“ მომდევნო ტრენინგზე რეგისტრაციას აცხადებს. ტრენინგი ჩატარდება 27 ოქტომბერს 11:00 საათზე, ონლაინ. თემატიკა: ბავშვის უფლებების დაცვა ბაღის პრაქტიკაში. სწავლება განკუთვნილია საქართველოს სკოლამდელი განათლების ეროვნული ასოციაციის წევრებისთვის. სრულად... წყარო: ორგანიზაციის გვერდი სოციალურ ქსელში

თბილისი. მშობლის სკივრის ინფორმაციით, 22 ოქტომბერს ენის ბორძიკის ცნობადობის ამაღლების მსოფლიო დღეა. „ბავშვების ნაწილი ბუნებრივად ძლევს ენაბორძიკს. თუმცა, შეუძლებელია წინასწარ იმის ცოდნა თუ რომელი ბავშვი დაძლევს ენაბორძიკს ბუნებრვად და რომელს დასჭირდება თერაპია. ამიტომ, რეკომენდირებულია რომ ყველა ბავშვმა, რომელსაც განუვითარდება ენაბორძიკი სკოლამდელ ასაკში, მიიღოს თერაპიული სერვისი.  ენაბორძიკის თერაპიული მეთოდი განსხვავდება ასაკის მიხედვით. თერაპია 6 წლის ასაკამდე საუკეთესო შედეგის მომტანია ბავშვისთვის, თუმცა მოზრდილებში და ზრდასრულებშიც ეფექტურია ენაბორძიკის მართვისთვის“. სრულად... წყარო: მშობლის სკივრის გვერდი სოციალურ ქსელში

თბილისი. ფსიქოსოციალიური მომსახურების ცენტრი კვალიფიციურ ფსიქო-სოციალურ მომსახურებას სთავაზობს ქცევითი და ემოციური პრობლემების მქონე ბავშვებს, მოზარდებსა და მათ ოჯახებს.  სრულად... წყარო: „მშობლის სკივრის“ გვერდი სოციალურ ქსელში

თბილისი. 15 ოქტომბერს, 20:00 საათზე, ორგანიზაციის „ოჯახები დისკრიმინაციის წინააღმდეგ“ (FAD) ორგანიზებით, გაიმართება ონლაინ შეხვედრა შეზღუდული შესაძლებლობის მქონე ბავშვთა სექსუალური განათლების შესახებ. შეხვედრაზე განიხილება შემდეგი საკითხები: 1. რა არის სექსუალური განათლება 2. რატომ არის მნიშვნელოვანი სექსუალური განათლება 3. რა ასაკიდან უნდა მიეწოდოს ბავშვს სექსუალური განათლება 4. მშობლის როლი სექსულურ განათლბაში 5. რომელი ასაკიდან იწყება გარდატეხის ასაკი შშმ ბავშვებში 6. მშობლის მხარდაჭერა სრულად... წყარო: ორგანიზაციის გვერდი სოციალურ ქსელში

თბილისი. ქართულ-პოლონური პროექტის: „თითოეული ბავშვისათვის - სკოლამდელი განათლების ადგილობრივი პოლიტიკის სისტემური მხარდაჭერა“ ფარგლებში, გაიმართება უფასო ონლაინ სემინარები, ვებინარები და ტრენინგები. პირველი სემინარი გაიმართება 16 ოქტომბერს 11:00 საათზე. თემა: „ბავშვთა უფლებები ბაღის პრაქტიკაში“. სრულად... წყარო: ორგანიზაციის გვერდი სოციალურ ქსელში

თბილისი. მაკლეინის ასოციაცია საქართველოში გთავაზობთ უფასო პირად კონსულტაციას ფსიქოლოგთან ან ნეიროფსიქოლოგთან. „დაჯავშნეთ კონსულტაცია, თუკი: ბავშვს აქვს სწავლის და აკადემიური საგნების ათვისების სირთულეები, ბავშვი ავლენს ასაკის შეუსაბამო ქცევებს, ბავშვი გამოირჩევა გადაჭარბებული ემოციურობით, შფოთვით ან დაქვეითებული გუნება-განწყობით“.  სრულად... წყარო: ორგანიზაციის გვერდი სოციალურ ქსელში