თბილისი. პარტნიორობა ადამიანის უფლებების (PHR) და მშობლის მიმართვით, შინაგან საქმეთა სამინისტროში გამოძიება დაიწყო სურსათის მაღაზიაში არასრულწლოვნების მიმართ განხორციელებულ იძულების ფაქტზე. ორგანიზაციის მიერ გავრცელებული ინფორმაციით, მაღაზიაში ტკბილეულის საყიდლად შესულ ბავშვებს თანამშრომლებმა ტკბილეულის მოპარვა დააბრალეს.  „მაღაზიის თანამშრომლებმა ბავშვებს უთხრეს რომ უსაფრთხოების თანამშრომლის მოსვლამდე არსად გასულიყვნენ. ბავშვები ეკითხებოდნენ მაღაზიის თანამშრომლებს, როდის გაუშვებდნენ, თუმცა მაღაზიის თანამშრომლები არ პასუხობდნენ. თანამშრომლების მხრიდან იგნორირების გამო ერთ-ერთმა ბავშვმა თავში ხელების დარტყმა და ყვირილი დაიწყო“. სრულად... წყარო: phr.ge

იმერეთი. გაეროს ბავშვთა ფონდის ინფორმაციით, 1 თებერვალს, იუნისეფის წარმომადგენელი საქართველოში, ღასან ხალილი ქუთაისის მერს, იოსებ ხახალეიშვილს შეხვდა. „საუბარი შეეხებოდა, თუ როგორ უნდა გახდეს ქუთაისი ბავშვზე მორგებული ქალაქი. გასულ წელს ქუთაისმა აიღო ვალდებულება შეერთებოდა გაეროს ბავშვთა ფონდის ინიციატივას ბავშვზე მორგებული ქალაქების შესახებ“. სრულად... წყარო: www.unicef.org

აჭარა. 28 იანვარს, აჭარის ჯანდაცვის სამინისტროს მხარდაჭერით, ბათუმში გაიმართა სამუშაო შეხვედრა, რომლის მთავარი თემებიც რუტინული იმუნიზაცია და ბავშვების სისხლში ტყვიის შემცველობის მაღალი დონე იყო. „2018 წლის მრავალინდიკატორულმა კლასტერულმა კვლევამ საქართველოში ბავშვების სისხლში ტყვიის მაღალი დონე გამოავლინა. კვლევის შედეგებს მოჰყვა ტყვიით მოშხამვის პრევენციის სახელმწიფო პროგრამის შემუშავება. სამუშაო შეხვედრის ფარგლებში მოხდა პროგრამის ეფექტიანობის შეფასება და მომდევნო ნაბიჯების დაგეგმვა 2022 წლისათვის. აუცილებელია, მთავრობამ გადადგას მნიშვნელოვანი ნაბიჯები ტყვიით მოშხამვის პრევენციისათვის“. სრულად... წყარო: ორგანიზაციის გვერდი სოციალურ ქსელში

იმერეთი. „ადგილობრივი დემოკრატიის სააგენტო საქართველო“-ს, „განათლების განვითარების და დასაქმების ცენტრი“-ს და ბაღდათის მუნიციპალიტეტის მერიას შორის ხელი მოეწერა ურთიერთთანამშრომლობის მემორანდუმს. „ურთიერთთანმშრომლობის მემორანდუმის მიზანია ბაღდათის მუნიციპალიტეტის მერიასთან არსებული ახალგაზრდული საბჭოს გაძლიერება, ახალგაზრდულ საკითხებზე თანამშრომლობის გაზრდა ადგილობრივ და საერთაშორისო ორგანიზაციებთან და ადგილობრივ ახალგაზრდებთან კომუნიკაციისთვის ეფექტიანი მექანიზმის შემუშავება და დანერგვა“. ღონისძიება ორგანიზებული იყო ადგილობრივი დემოკრატიის სააგენტო საქართველოს (LDA Georgia) მიერ, „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ პროექტის ფარგლებში, რომელიც დაფინანსებულია ევროკავშრისა და კონრად ადენაუერის ფონდის მიერ. პროექტს ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციასთან ერთად: საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციისა და ტრენინგის ცენტრი(CTC), განათლების განვითარების და დასაქმების ცენტრი (EDEC), და ევროპული პოლიტიკის ინსტიტუტი (IEP). სრულად... წყარო: ორგანიზაციის გვერდი სოციალურ ქსელში

აჭარა. სამოქალაქო საზოგადოების ინსტიტუტისა და ხელვაჩაურის მერიის ახალაგაზრდული ცენტრის ერთობლივი ორგანიზებით, ხელვაჩაურში მცხოვრები ახალგაზრდებისთვის იწყება გრძელვადიანი საგანამანათლებლო კამპანია – „შენი ხმა ხელვაჩაურის მუნიციპალიტეტში!“. კამპანიის მიზანია სამოქალაქო აქტივიზმის მხარდაჭერა და თვითმმართველობის საქმიანობაში ახალგაზრდების აქტიური ჩართვა. კამპანიაში მონაწილეობისთვის განაცხადის შემოტანა შეუძლიათ ხელვაჩაურში მცხოვრებ 14-29 წლის ახალგაზრდებს. მსურველებმა 2022 წლის 1 თებერვლამდე უნდა შეავსონ სააპლიკაციო ფორმა... სრულად... კამპანია – „შენი ხმა ხელვაჩაურის მუნიციპალიტეტში!“ ხორციელდება სამოქალაქო საზოგადოების ინსტიტუტის მიერ, პროექტის – „ადგილობრივი განვითარების აქტორებს შორის მყარი კავშირების დამყარება“ (მეორე ფაზა) ფარგლებში, გერმანული ორგანიზაცია „პური მსოფლიოს“ მხარდაჭერითა და ხელვაჩაურის მუნიციპალიტეტის ახალგაზრდულ ცენტრთან პარტნიორობით.

თბილისი. პარტნიორობა ადამიანის უფლებების (PHR) ინფორმაციით, 22 იანვარს მედიაში გავრცელდა ნელი დოროყაშვილისა და ნიკოლოზ ბასილაშვილის საუბრის ჩანაწერები, რაც წარმოადგენს მტკიცებულებებს სისხლის სამართლის საქმეში. აღნიშნული ჩანაწერები აგრეთვე შეიცავს ინფორმაციას ბავშვის შესახებ. ორგანიზაციას მიუღებლად მიაჩნია აუდიო ჩანაწერების გასაჯაროება, რაც პირველ რიგში ზიანს აყენებს დაზარალებულების, განსაკუთრებით ბავშვის ინტერესებს და იწვევს მათ მეორეულ ვიქტიმიზაციას. „ჩვენთვის უცნობია ინფორმაციის გასაჯაროების პირველადი წყარო, შესაბამისად, მოვუწოდებთ ინფორმაციის შენახვაზე პასუხისმგებელ ყველა პირს, ასევე მედიას, თავი შეიკავონ პირადი ცხოვრების ამსახველი ჩანაწერების გასაჯაროებისაგან და უზრუნველყონ აღნიშნული ჩანაწერების აღება საჯარო სივრციდან“. სრულად... წყარო: ორგანიზაციის გვერდი სოციალურ ქსელში

თბილისი. გაეროს ბავშვთა ფონდის მიერ გავრცლეებულ ვიდეოში ნეიროფსიქოლოგი თამარ გაგოშიძე მოგვითხრობს მშობლობაზე იზოლაციის დროს. „ექვს წლამდე ასაკის ბავშვისთვის მეცადინეობა და დასწავლა წამყვანი ქცევა არ არის. მისი ქცევა თამაშია. ზოგადად, ჩვენი საზოგადოება არასერიოზულად უყურებს თამაშს, განსაკუთრებით მშობლები. ისინი ფიქრობენ, რომ ბავშვი თავისთვის რაღაცებს შვრება, დროს ატარებს. ეს არ არის დროის გატარება, დროის ფუჭად კარგვა. რატომ? იმიტომ რომ ბავშვისთვის თამაში არის ცხოვრების შესწავლა, უნარების განვითარება, თავისი პოტენციალის რეალიზება, მომავალი ცხოვრებისთვის მომზადება“. ვიდეო ბლოგი მომზადებულია არასამთავრობო ორგანიზაციის „მშობლები განათლების“ მიერ, პროექტის „მსობლობა იზოლაციის დროს“ ფარგლებში. პროექტი ხორციელდება გაეროს ბავშვთა ფონდისა და აშშ-ს საერთაშორისო განვითარების სააგენტოს მიერ. სრულად... წყარო: ორგანიზაციის გვერდი სოციალურ ქსელში

თბილისი. ევროკავშირმა მონაწილეობა მიიღო მიმღები მშობლებისა და სოციალური მუშაკებისათვის World Vision in Georgia მიერ ორგანიზებულ ღონისძიებაში „მადლობა ზრუნვისთვის“. „მათი საქმიანობა და თავდადება, რომლითაც უდიდესი წვლილი შეაქვთ მოწყვლადი ბავშვების ცხოვრების გაუმჯობესებაში, დასაფასებელია და ვამაყოფთ რომ მხარს ვუჭერთ მათ ამ საქმეში. ევროკავშირი და World Vision საქართველო ერთად მუშაობენ ბავშვთა დაცვისა და კეთილდღეობის უზრუნველსაყოფად“.  გაიგეთ მეტი... წყარო: eeas.europa.eu

თბილისი. პარტნიორობა ადამიანის უფლებებისთვის (PHR) აქვეყნებს ინფოგრაფიკას: ბავშვის უფლება ღირსეულ საცხოვრისზე. „განვითარებად ქვეყნებში სამიდან ერთი ბავშვი არ ცხოვრობს ადეკვატურ პირობებში. იძულებით გამოსახლება ბავშვების განვითარებაზე შეიარაღებული კონფლიქტით გამოწვეულ გავლენას უტოლდება“. სრულად... წყარო: ორგანიზაციის გვერდი სოციალურ ქსელში

თბილისი. საერთაშორისო ასოციაციამ „კივიტას გეორგიკა“ პარტნიორ არასამთავრობო ორგანიზაცია „მილენიუმთან“ თანამშრომლობით ახალი პროექტი დაიწყო საქართველოსა და სომხეთში მშობლების მიგრაციით გამოწვეული გავლენის შემცირება. „პროექტის მიზანია მიგრაციის გავლენის შემცირება სამშობლოში დარჩენილ ბავშვებზე საზოგადოებრივი პასუხისმგებლობის ამაღლების და მიგრანტი ოჯახების მხარდაჭერით, რათა ხელი შევუწყოთ ბავშვების ჰარმონიულ განვითარებას ბედნიერებისა და სიყვარულის ატმოსფეროში“. სრულად... წყარო: ორგანიზაციის გვერდი სოციალურ ქსელში

თბილისი. ევროკავშირის ინფორმაციით, 90-მდე ახალგაზრდა იყო ჩართული ევროკავშირის მხარდაჭერით შექმნილ „ინოვაციურ ცოდნის ჰაბებში“, რომლებსაც მათი აქტიურობისათვის მადლობის სიგელი გადაეცათ. „გაიგეთ მეტი ამ პლატფორმების შესახებ, სადაც ახალგაზრდებს ექნებათ შესაძლებლობა ჩაერთონ ღონისძიებების, პროექტებისა და კამპანიების ორგანიზებაში, რომლებიც ეხება სოციალურ და მწვანე მეწარმეობას და ახალგაზრდების მხარდაჭერას“. სრულად... წყარო: eu4georgia.eu

თბილისი. პლატფორმა „მშობლის სკივრი“ გირჩევთ, თვალი ადევნოთ ბავშვთა განვითარების სტანდარტს, რათა დარწმუნდეთ, რომ თქვენი ბავშვი ასაკის შესაბამისად ვითარდება. სრულად... წყარო: პლატფორმის გვერდი სოციალურ ქსელში

თბილისი. ევროკავშირის დაფინანსებით საქართველოში პირველი სოციალური მეწარმეობის პროფესიული სკოლა-სახელოსნო გაიხსნა. „იმ ფონზე, რომ სოციალური მეწარმეობა საქართველოში ახლა ვითარდება, მეწარმეობის სკოლის გახსნა კიდევ უფრო მეტ მნიშვნელობას იძენს. პროექტის მიზანია, პრაქტიკაზე დაფუძნებული ცოდნით, 18-დან 29 წლამდე ასაკის ბენეფიციარებმა, თბილისიდან, კახეთიდან და შიდა ქართლიდან, მომავალი პროფესიული განვითარებისთვის საჭირო უნარები მიიღონ და დასაქმების მეტი შესაძლებლობა გაუჩნდეთ“. სრულად... წყარო: eu4georgia.eu

შიდა ქართლი. 28 დეკემბერს „საზოგადოება ბილიკში“ გაიმართა საინფორმაციო შეხვედრა ახალგაზრდული კლუბის წევრობის მსურველ ახალგაზრდებთან. ახალგაზრდული კლუბის საქმიანობა ხორციელდება პროექტის „სამოქალაქო საზოგადოების ინიციატივა“ ფარგლებში, ევროკავშირისა და კონრად ადენაუერის ფონდის მხარდაჭერით“. სრულად... წყარო: პროექტის გვერდი სოციალურ ქსელში

თბილისი. გაეროს განვითარების პროგრამის ცნობით, დიღმის ჭალებში ფრინველების უნიკალური სახეობები, ალკუნი, დიდი თეთრი ყანჩა, მცირე თეთრი ყანჩა, ღამის ყანჩა და კიდევ 20-მდე სახეობა ბინადრობს. „ჩვენი ჩართულობით, 50-მდე მოსწავლე ამ უნიკალური ფრინველების შესასწავლად და მათზე დასაკვირვებლად დიღმის ჭალებს ესტუმრა და ორნითოლოგებთან ერთად ფრინველების ამოცნობას შეეცადა“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სახალხო დამცველი აქვეყნებს სპეციალურ ანგარიშს „(ა)იპ ჯავახეთის ნინოწმინდის წმინდა ნინოს სახელობის მზრუნველობამოკლებულ ბავშვთა პანსიონის აღსაზრდელთა უფლებრივი მდგომარეობის შესახებ“. „კვლევის შედეგებმა ცხადყო, რომ 2021 წლის გაზაფხულზე განვითარებული მოვლენების შემდეგ გადადგმული ნაბიჯების მიუხედავად, პანსიონში კვლავ რჩება არაერთი გამოწვევა, როგორც დაწესებულების და აღსაზრდელთა დოკუმენტაციის წარმოების, ისე არასრულწლოვანთა ინდივიდუალური, მათ შორის, ბიო-ფსიქო-სოციალური საჭიროებების შეფასებისა და უზრუნველყოფის კუთხით. პრობლემური და არაეფექტურია ბავშვებთან მომუშავე უწყებებსა და დაწესებულებებს შორის კომუნიკაციისა და ინფორმაციის გაცვლის საკითხი, რაც არსებითად უარყოფითად აისახება არასრულწლოვანთა საჭიროებების დაკმაყოფილების პროცესზე და ეწინააღმდეგება მათ ინტერესებს“, - ნათქვამია კვლევაში. სრულად... წყარო: ombudsman.ge

თბილისი. სოციალური სამართლიანობის ცენტრი გთავაზობთ ტიგრან თარზიანის ბლოგპოსტს, რომელშიც მიმოხილულია ჯავახეთის რეგიონში ადრეული განათლების გარეშე დარჩენილი ბავშვების პრობლემები. „სოფელში, სადაც მე ვცხოვრობ, არ იყო და არ არის საბავშო ბაღი. არადა, ამჟამად სოფელში 15-მდე საბავშვო ბაღის ასაკის ბავშვია. სოფლის ყოველდღიური ცხოვრება მძიმეა. ესაა დამქანცველი შრომა, გრძელი სამუშაო დღე, ბევრი საქმე შინ და გარეთ. დილა იწყება ადრიანად, სამეურნეო და საშინაო საქმეების კეთებით. ოჯახის თითოეულ წევრს განსაკუთრებული როლი აქვს. ყველა შრომობს დილიდან გვიან ღამემდე. არც ბავშვები არიან გამონაკლისი. სოფელში ისინიც ჩართულნი არიან სამუშაო პროცესში და, შესაბამისად, არ აქვთ ასაკის შესაბამისი აღზრდისა და განათლების შესაძლებლობა. ის, რომ განათლება ადრეული ასაკიდანვე არაა ხელმისაწვდომი, ამძიმებს ეთნიკური უმცირესობის წარმომადგენელი ბავშვების ინტეგრაციის მდგომარეობას. ისინი არ სწავლობენ ენას და ეს კიდევ უფრო ამძაფრებს ვითარებას“. სრულად... წყარო: socialjustice.org.ge

აჭარა. 18-19 დეკემბერს, დაბა შუახევში, თავისუფალ ჟურნალისტთა სახლმა, პროექტის „ქალთა და ახალგაზრდების გაძლიერება შუახევის მუნიციპალიტეტში“ ფარგლებში ტრენინგები ჩაატარა.  „ტრენინგებში მონაწილეობა მიიღეს შუახევის მუნიციპალიტეტში მცხოვრებმა ახალგაზრდებმა და ქალებმა“. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი წარმოგიდგენთ ჯავახეთის რეგიონის სოფლებიდან ქალების ისტორიების მესამე ეპიზოდს. „ადრე გოგოები 18 წლის შემდეგ, უკვე თხოვდებოდნენ, ახლა ბევრი სწავლას ამჯობინებს. მინდა, რომ ყველა გოგომ ისწავლოს...“ წყარო: socialjustice.org.ge

თბილისი. სამართლიანი არჩევნები შავი ზღვის ფონდის (Black Sea Trust) მხარდაჭერით იწყებს პროექტს „ახალგაზრდა სამოქალაქო ლიდერების გაძლიერება საქართველოში”. „პროექტის ფარგლებში ხორციელდება სამოქალაქო განათლების ტრენინგების სესია, რომელიც მიზნად ისახავს, შექმნას მოტივირებული ახალგაზრდა ლიდერთა მრავალფეროვანი ჯგუფი, რომლებიც შემდგომში, შესაბამისი უნარებითა და ცოდნით, აქტიურად ჩაერთვებიან სოციალურ და პოლიტიკურ აქტივობებში. ტრენინგების ბოლოს, ახალგაზრდები შეიმუშავებენ თავიანთი რეგიონისა და თემის საჭიროებების მიხედვით პროექტებს, რომლის განხორციელებაშიც მათ „სამართლიანი არჩევნები“ დაეხმარება.  მონაწილეთა ნაწილი პროექტის დასრულების შემდგომ, გაივლის სტაჟირების წამყვან ადგილობრივ თუ საერთაშორისო ორგანიზაციებში“. სრულად... წყარო: ორგანიზაციის გვერდი სოციალურ ქსელში

თბილისი. 10 დეკემბერს, ადამიანის უფლებათა დაცვის საერთაშორისო დღეს, IDFI-ის ზამთრის სკოლის „კანონის უზენაესობა და ადამიანის უფლებები“ გახსნითი ღონისძიება გაიმართა. ზამთრის სკოლაში მონაწილეობენ საქართველოში ავტორიზებული უნივერსიტეტების იურიდიული ფაკულტეტის მე-2, მე-3 და მე-4 კურსის სტუდენტები. სკოლის ფარგლებში განიხილება შემდეგი მნიშვნელოვანი საკითხები: ხელისუფლების დანაწილების პრინციპი, საკონსტიტუციო კონტროლი და სამართალწარმოება, სასამართლოს დამოუკიდებლობა, ღია მმართველობა და ხელისუფლების ანგარიშვალდებულება, ინფორმაციის თავისუფლება, პირადი და ოჯახური ცხოვრების უფლება, სახალხო დამცველისა და სახელმწიფო ინსპექტორის სამსახურის როლი, გამოხატვის თავისუფლება. სრულად... წყარო: ორგანიზაციის ვებგვერდი

თბილისი. რონდელის ფონდის ინფორმაციით, მომავალ ლიდერ საჯარო მოხელეთა სასწავლო პროგრამა დაიწყო. „პირველი ლექცია ეროვნული უსაფრთხოების შესახებ რონდელის ფონდის მკვლევარმა გიორგი ბილანიშვილმა წაიკითხა. ლექციას ვირტუალურად შემოუერთდა ესტონეთის დიპლომატიის სკოლის დირექტორი ეკე ნომი და მონაწილეთა პირველ ნაკადს წარმატება უსურვა“. სრულად... წყარო: ორგანიზაციის გვერდი სოციალურ ქსელში