მცხეთა-მთიანეთი. მცხეთა-მთიანეთის რეგიონული ჰაბი მოხალისეობის კვირეულს იწყებს მცხეთა-მთიანეთის რეგიონში. ადგილობრივმა ახალგაზრდებმა დაგეგმეს მოხალისეობრივი აქტივობები, რომლებიც 27 მაისიდან 1 ივნისის ჩათვლით განხორციელდება. 27 მაისი - მეორადი ნივთების გამოყენებით ღია ახალგაზრდული სივრცის შექმნა -დაბა თიანეთში, (მეორე საბავშვო ბაღის წინ) 15:00 საათი. 28 მაისი, ფილმის ჩვენება - a dog way home, წეროვნის დევნილთა დასახლება, სკვერი, 20:00 საათი. 29 მაისი - ძაღლის საკვებურების დამონტაჟება, მიუსაფარი ცხოველების კასტრაცია-სტერილიზაცია და საინფორმაციო კამპანია. 30 მაისი - ლექცია ქაღალდის გადამუშავებაზე და მაკულატურის შესაგროვებელი პუნქტების დამონტაჟება, ქ. დუშეთი (ყოფილი სამუსიკო სკოლა), 15:00 საათი 31 მაისი - გამწვანების და დასუფთავების აქცია, ყაზბეგის მუნიციპალიტეტის საბავშვო ბაღებში: არშა, გარბანი, აჩხოტი, სნო, სიონი ) 1 ივნისი - ბავშვთა უფლებების სტენდის შექმნა და საინფორმაციო შეხვედრა, ქსნის საჯარო სკოლა, 14:00 საათი. შეუერთდით მოხალისეობის კვირეულს და შეიტანეთ წვლილი ადგილობრივი თემების განვითარებაში. კვირეული ტარდება პროექტის „სამოქალაქო საზოგადოების ინიციატივა“ ფარგლებში, ევროკავშირისა და კორნად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

გურია. ევროკავშირის ელჩი კარლ ჰარცელი გურიას ეწვია რეგიონში ევროკავშირის მხარდაჭერის წარმოსაჩენად და ადგილობრივ სკოლას და ევროკავშირის მიერ მხარდაჭერილი პროექტების ბენეფიციარებს ესტუმრა. სრულად... წყარო: www.eeas.europa.eu

შიდა ქართლი. 21 მაისს, ევროკავშირის მიერ მხარდაჭერილი პროექტის „სამოქალაქო საზოგადოების ინიციატივა“ ფარგლებში, განათლების განვითარების და დასაქმების ცენტრის (EDEC) და შიდა ქართლის რეგიონული ჰაბის - საზოგადოება „ბილიკის“ ორგანიზებით, გორის სახელმწიფო სასწავლო უნივერსიტეტში „რეგიონული ფორუმი ახალგაზრდული და მოხალისეობრივი საქმიანობის განვითარებისთვის“ გაიმართა. ფორუმის მიზანი იყო შიდა ქართლის რეგიონის ახალგაზრდების აქტიური ჩართვა ადგილობრივი თემის საჭიროებების გადაწყვეტაში, მოხალისეობის კულტურის პოპულარიზაცია, მოხალისეების მიმღებ ორგანიზაციებსა და მოხალისეობით დაინტერესებულ პირებს შორის კომუნიკაციის ხელშეწყობა, ახალგაზრდული საბჭოების როლისა და საქმიანობის მხარდაჭერა. ასევე, მოსახლეობაში რეგიონული საზოგადოებრივი ორგანიზაციების ცნობადობის გაზრდა... ფორუმის ფარგლებში, ახალგაზრდებმა, მცირე ჯგუფებში, ფასილიტატორებთან ერთად, შეიმუშავეს საპროექტო იდეები. გამოფენაზე გორის ახალგაზრდულმა საბჭომ, ახალგაზრდული საბჭოების როლის და საქმიანობის პოპულარიზაციის მიზნით, საზოგადოებას საბჭოს საქმიანობა გააცნო. შტეფან მალერიუსმა, რეგიონული პროგრამის „პოლიტიკური დიალოგი სამხრეთ კავკასია“ ხელმძღვანელმა, სიტყვით მიმართა აუდიტორიას. ასევე, ფორუმის ფარგლებში გაიმართა პანელური დისკუსია თემაზე -  „სამოქალაქო აქტივიზმი და მოხალისეობა“. ღონისძიება განხორციელდა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. სრულად... წყარო: პროექტის გვერდი სოციალურ ქსელში

რეგიონები. მშვიდობის კორპუსი საქართველო, USAID-ის მცირე გრანტების პროგრამის დაფინანსებით, მაისსა და ივნისში საქართველოს სხვადასხვა რეგიონში (ბორჯომში, ქუთაისში, ბათუმსა და თბილისში) ატარებს ტრენინგების სერიას. ორგანიზაციის ინფორმაციით, ტრენინგი განკუთვნილია მშვიდობის კორპუსის პარტნიორი სკოლის მოსწავლეებისა და ორგანიზაციის ბენეფიციარებისთვის, კერძოდ 16-22 წლის ასაკობრივი ჯგუფის ახალგაზრდებისთვის, რომლებსაც სურთ სამსახურის მოძიება, დასაქმება ან განათლების შესაძლებლობებით სარგებლობა.  სრულად...  წყარო: ორგანიზაციის გვერდი სოციალურ ქსელში

თბილისი. „საფარმა” ახალგაზრდების ფემინისტური მოძრაობის, Girls Voice-ის (გოგონების ხმა) წევრებისთვის ტრენინგები ჩაატარა. ტრენინგების ძირითადი თემა იყო რეპროდუქციული ჯანმრთელობა. Girls Voice ახალგაზრდების ფემინისტური მოძრაობაა, რომელიც „საფარის“ ბაზაზე, 2020 წელს ჩამოყალიბდა. მისი მიზანია საზოგადოების, განსაკუთრებით ახალგაზრდების ცნობიერების ამაღლების ხელშეწყობა ქალთა უფლებებისა და ფემინიზმის შესახებ. სრულად... წყარო: sapari.ge

იმერეთი. გაეროს ბავშვთა ფონდი და კანტის აკადემია • Kant's Academy აგრძელებენ პროექტს „იმოქმედე ჯანმრთელობისთვის“, რომელიც USAID/Georgia-ს მხარდაჭერით ხორციელდება. საქართველოს 5 რეგიონში იმართება შეხვედრები ახალგაზრდებთან ჯანსაღი ცხოვრებისა და პირადი ჰიგიენის თანამედროვე გაგებასა და მნიშვნელობაზე. ამჯერად გაიმართა შეხვედრა ჭიათურაში, რომელსაც 35 მონაწილე დაესწრო. პროექტის ფარგლებში დაგეგმილია მსგავსი ტიპის ტრენინგები გორის, ახმეტის, მარნეულისა და ახალციხის მუნიციპალიტეტებში. ტრენინგებს 150 მდე მონაწილე დაესწრება.  გაიგეთ მეტი...  წყარო: www.unicef.org

იმერეთი. გაეროს ბავშვთა ფონდის ინფორმაციით, ორგანიზაციამ საქართველოს ადგილობრივ თვითმმართველობათა ეროვნული ასოციაცია (NALAG)-თან ერთად ადგილობრივ დონეზე ბავშვებისა და ბავშვიანი ოჯახების საჭიროებათა კვლევის მეთოდოლოგია და ინსტრუმენტები შეიმუშავა.  „ინიციატივის ფარგლებში, ქალაქ ქუთაისის მერიაში გაიმართა მერიის წარმომადგნელების და სოციალური სამსახურის თანამშრომლების ტრენინგი აღნიშნული მეთოდოლოგიისა და ინსტრუმენტების დანერვის თაობაზე. ტრენინგს დაესწრო გაეროს ბავშვთა ფონდის წარმომადგენელი საქართველოში, ღასან ხალილი. ტრენინგის შემდეგ, საპილოტე მუნიციპალიტეტებში დაიწყება საჭიროებათა კვლევა შემუშავებული მეთოლოგიის საშუალებით“. პროექტი ხორციელდება ევროკავშირის მხარდაჭერით. სრულად... წყარო: ორგანიზაციის გვერდი სოციალურ ქსელში

შიდა ქართლი. 13 მაისს, გორის ადგილობრივ მოსწავლეებსა და სტუდენტებს ინფორმაციის თავისუფლების განვითარების ინსტიტუტის (IDFI) წარმომადგენლები შეხვდნენ. „9 მაისის აღნიშვნას ქალაქ გორში განსაკუთრებულად სენსიტიური დატვირთვა აქვს და ზოგიერთი ჯგუფისთვის ძირითადად სტალინის სახელთან და მის პირად გამარჯვებასთან ასოცირდება. თუმცა, აღსანიშნავია, რომ ახალგაზრდა თაობა დაინტერესებულია ახალი კითხვების დასმითა და 9 მაისის სიმბოლურ მნიშვნელობაზე დისკუსიის გამართვით“. სრულად... წყარო: idfi.ge

თბილისი. ევროკავშირმა და CENN-მა ადგილობრივი და საერთაშორისო ორგანიზაციები შეკრიბა კონფერენციაზე, სადაც საქართველოში ახალგაზრდობის მიმართულებით არსებული გამოწვევები და შესაძლებლობები განიხილეს. სრულად... წყარო: www.eeas.europa.eu

თბილისი. პლატფორმა „მშობლის სკივრი“ გიზიარებთ ინფორმაციას თვითკონტროლის ცნების შესახებ. თვითკონტროლის მქონე ბავშვები/მოზარდები გამოირჩევიან მაღალი აკადემიური მოსწრებით, თავდაჯერებითა და სტრესთან გამკლავების უკეთესი სტრატეგიებით. სრულად... წყარო: ორგანიზაციის გვერდი სოციალურ ქსელში

აჭარა. „საერთაშორისო გამჭვირვალობა - საქართველოს“ ინფორმაციით, ბათუმის ოფისის კოორდინატორი, მალხაზ ჭკადუა, ბათუმის მე-18 საჯარო სკოლის უფროსკლასელებს შეხვდა და მოზარდებს ადგილობრივი თვითმმართველობის მუშაობასა და ადგილობრივი პრობლემების ადვოკატირებაში მოქალაქეთა ჩართულობის მექანიზმებზე ესაუბრა.  „სკოლის მოსწავლეები გაეცნენ თვითმმართველობის კომპეტენციებსა და, ამასთან, მიიღეს ინფორმაცია „საერთაშორისო გამჭვირვალობა - საქართველოსთან“ არსებული სამოქალაქო საბჭოების მუშაობის პრინციპებსა და მიღწეულ შედეგებზე“. შეხვედრა „თავისუფალ ჟურნალისტთა სახლის“ ორგანიზებით გაიმართა. სრულად... წყარო: ორგანიზაციის გვერდი სოციალურ ქსელში

თბილისი. პარტნიორობა ადამიანის უფლებებისთვის (PHR) აქვეყნებს ბლოგპოსტს: ბავშვების დაცვა ასაკის ნიშნით დისკრიმინაციისგან - საუკეთესო საკანონმდებლო ინიციატივების მიმოხილვა. „ბავშვების მიმართ სხვადასხვა ნიშნით დისკრიმინაცია ერთ-ერთი მნიშვნელოვანი პრობლემაა ბავშვის უფლებების დაცვის მიმართულებით. დისკრიმინაციული დამოკიდებულება მყარად არის ფესვგადგმული ცხოვრების თითქმის ყველა სფეროში - სკოლა, დასაქმების ადგილი, ოჯახი - ამიტომ, მნიშვნელოვანია, სახელმწიფოს პროაქტიული მოქმედებები ასაკის ნიშნით დისკრიმინაციის აღმოსაფხვრელად. დღემდე ეროვნულ კანონმდებლობაში შეტანილი ცვლილებებით თუ კონსტიტუციური შესწორებებით, არაერთმა ქვეყანამ განახორციელა კონკრეტული ღონისძიებები იმისათვის, რომ ბავშვებმა ისარგებლონ საკუთარი უფლებებით უფროსების თანასწორად“, ნათქვამია ბლოგპოსტში. სრულად... წყარო: phr.ge

იმერეთი. 4-5 მაისს, წყალტუბოში გაიმართა ორდღიანი სამუშაო შეხვედრა, რომელიც უნივერსიტეტებში ბავშვის უფლებების სწავლებას მიეძღვნა.  ღონისძიება ჩატარდა გაეროს ბავშვთა ფონდის პროექტის ფარგლებში, რომელიც უმაღლესი სასწავლებლების პროფესორების პროფესიულ განვითარებას შეეხება ბავშვის უფლებების კუთხით. სრულად... წყარო: ორგანიზაციის გვერდი სოციალურ ქსელში

ქვემო ქართლი. მარნეულში, დემოკრატიული ჩართულობის ცენტრში, ახალგაზრდებისთვის სოციალური მეწარმეობის ახალგაზრდა ელჩების პროგრამის შესახებ საინფორმაციო შეხვედრა გაიმართა. „შეხვედრაზე სოციალური მეწარმეობის მნიშვნელობასა და ახალგაზრდების კარიერისა და სამომავლო საქმიანობის მხრივ სოციალური მეწარმეობის პერსპექტივებზე ისაუბრეს, მოწვეულმა სოციალურმა მეწარმეებმა კი თავიანთი გამოცდილება გააზიარეს. პროგრამაში მონაწილეობის შედეგად, რეგიონებიდან შეირჩევა სოციალური მეწარმეობის 5 ახალგაზრდა ელჩი, რომლებიც მიიღებენ ფინანსურ მხარდაჭერას და თანამოაზრეებთან ერთად იმუშავებენ სოციალური მეწარმეობით მეტი ადამიანის დაინტერესებაზე“. პროგრამას ახორციელებს საქართველოს სტრატეგიული კვლევებისა და განვითარების ცენტრი (CSRDG) ევროკავშირისა და პური მსოფლიოსთვის მხარდაჭერით. სრულად... წყარო: ორგანიზაციის გვერდი სოციალურ ქსელში

აჭარა. 5 მაისს, ქალაქ ბათუმში, გაეროს ბავშვთა ფონდისა და ორგანიზაცია პრევენცია პროგრესისთვის/Prevention For Progress ორგანიზებით და European Union in Georgia-ს მხარდაჭერით არასრულწლოვანთა რეფერირების მულტიუწყებრივი რეგიონალური შეხვედრა გაიმართა. სრულად... წყარო: ორგანიზაციის გვერდი სოციალურ ქსელში

იმერეთი. გაეროს ბავშვთა ფონდისა და ორგანიზაცია ჰელფინგ ჰენდ (Helping Hand)-ის პროექტის ფარგლებში, რომელიც USAID/Georgia-ს მხარდაჭერით ხორციელდება, საქართველოს 63 მუნიციპალიტეტში მოზარდებმა ახალგაზრდული კლუბები დააფუძნეს, რომელთა ძირითადი მიზანი ადგილობრივ თემებში ჰიგიენის საკითხებისა და მოხალისეობის პოპულარიზაცია, ასევე მოზარდებში COVID-19-ის გავრცელების პრევენციაა. პროექტის ფარგლებში, 2 მაისს, ქუთაისში გაიმართა საგანმანათლებლო ღონისძიება-გამოფენა, რომლის მიზანიც პროექტის ფარგლებში ჩამოყალიბებული ჰიგიენის კლუბების საქმიანობის ფართო საზოგადოებისთვის ჩვენება გახლდათ. სრულად... წყარო: ორგანიზაციის გვერდი სოციალურ ქსელში

სამცხე-ჯავახეთი. გრძელდება ღია კარის დღეები, რომლის ფარგლებში ახალციხეში მცხოვრები ახალგაზრდები ამჯერად ახალციხის ახალგაზრდული ცენტრის, მეცხრე არხის და დემოკრატ მესხთა კავშირის (UDM) წარმომადგენლებს შეხვდნენ. პროექტი ხორციელდება, პროექტ Civil Society STAR Initiativeს ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. EU NEIGHBOURS east პროექტმა EU4Energy პროგრამასთან ერთად დაიწყო საინფორმაციო კამპანია ბავშვებისათვის ენერგოეფექტურობის შესახებ ცნობიერების ასამაღლებლად. კამპანიის ფარგლებში შეიქმნა ახალი კომიქსი „ნათურა“, რომლის მთავარი პერსონაჟია „ზაზუნა ოზი“ და ბავშვებს თავისი რჩევებით ენერგიის დაზოგვაში დაეხმარება. კომიქსის მიზანია, ახალგაზრდა თაობამ უკეთ გაიაზროს ენერგიის ეფექტიანობის მნიშვნელობა და ენერგიის გაფლანგვის უარყოფითი გავლენა ბუნებასა და გარემოზე. წიგნი ბავშვებს ენერგიის დაზოგვის ისეთ მარტივ გზებს ასწავლის, როგორიცაა, მაგალითად, გათბობის დაბალ ტემპერატურაზე დაყენება ან იმ მოწყობილობების გამორთვა, რომლებსაც არ ვიყენებთ. კამპანიის ფარგლებში, კომიქსთან ერთად შეიქმნა სპეციალური გვერდი, სადაც ბავშვებს და მასწავლებლებს აქვთ შესაძლებლობა გაეცნონ რჩევებს, ჩამოტვირთონ კომიქსი ქართულად და უყურონ მოკლე ანიმაციურ ვიდეოს ოზის მონაწილეობით...  სრულად... დაეხმარე ოზის ენერგიის დაზოგვაში... წყარო: euneighbourseast.eu

სამცხე-ჯავახეთი. გაეროს ბავშვთა ფონდი მედიის განვითარების ფონდთან (MDF) ერთად, USAID/Georgia-ის მხარდაჭერით, მედიაწიგნიერების შესახებ ტრენინგების სერიას იწყებს. „კამპანიის სლოგანია „ნუ დაინფიცირდები დეზინფორმაციით!“ და მიზნად ისახავს ახალგაზრდებს მიაწოდოს ინფორმაცია და უნარები, რათა მათ COVID-19-ზე დეზინფორმაციის იდენტიფიცირება, გადამოწმება და მიღებული ცოდნის გავრცელება შესძლონ. პირველი შეხვედრა ახალციხეში გაიმართა“. სრულად... წყარო: www.unicef.org

კახეთი და სამეგრელო. მაკლეინის ასოციაციის ცნობით, შეზღუდული შესაძლებლობების მქონე ბავშვები, რომლებიც კოჯორის დაწესებულებაში ცხოვრობდნენ, საოჯახო ტიპის გარემოში გადავიდნენ საცხოვრებლად, სადაც მათზე უკეთესად იზრუნებენ. ორგანიზაციის გადმოცემით, ევროკავშირისა და UNICEF-ის საერთო პროგრამის „ბავშვთა დაცვისათვის სისტემებისა და სერვისების გაძლიერების“ ფარგლებში UNICEF-ი და MAC Georgia მულტიდისციპლინურ პროფესიულ მხარდაჭერას სთავაზობენ საოჯახო ტიპის სახლებს თელავსა და ჩხოროწყუში, სადაც დღეს 13 ბავშვი ცხოვრობს. სრულად... წყარო: ორგანიზაციის გვერდი სოციალურ ქსელში

თბილისი. დემოკრატიის კვლევის ინტიტუტი და ადამიანის უფლებათა ცენტრი ერთობლივი პროექტის ფარგლებში ძალადობის მსხვერპლ ბავშვებს უფასო იურიდიულ დახმარებას სთავაზობენ. კონსულტაციები განკუთვნილია ძალადობის მსხვერპლი ყველა მოზარდისთვის. გთხოვთ, დაურეკოთ იურისტებს მობილურ ტელეფონებზე: 593 75 54 44; 555 78 77 55; სრულად... წყარო: ორგანიზაციის გვერდი სოციალურ ქსელში

აჭარა-იმერეთი. საქართველოს სტრატეგიული კვლევებისა და განვითარების ცენტრი (CSRDG) ახალგაზრდებს აძლევს შესაძლებლობას ჩაერთონ სოციალური მეწარმეობის ახალგაზრდა ელჩების პროგრამაში და გახდნენ ცვლილებების ინიციატორები.  სოციალური მეწარმეობისა და პროგრამაში მონაწილეობის პირობების შესახებ ბათუმსა და ქუთაისში საინფორმაციო შეხვედრები გაიმართა. სრულად... წყარო: ორგანიზაციის გვერდი სოციალურ ქსელში