ქუთაისი-ზუგდიდი. განათლების განვითარების და დასაქმების ცენტრის ინფორმაციით, ენისა და მეტყველების თერაპიის ცენტრი ქუთაისსა და ზუგდიდში უფასო კონსულტაციებს გთავაზობთ. მომსახურება: • უფასო კონსულტაცია მეტყველების დარღვევათა სრული დიაგნოსტირებისთვის (პირველი კონსულტაცია უფასოა); • საჭიროების შეფასება და დიაგნოზის დადგენა; • ინდივიდუალური სამუშაო გეგმის შედგენა, მომსახურების მიწოდება და მიღწეული შედეგების შეფასება; • მშობლების/მომხმარებლის კონსულტირება. უფასო კონსულტაციით სარგებლობისთვის დარეგისტრირდით ბმულზე: ქუთაისი... ზუგდიდი... სრულად... წყარო: ორგანიზაციის გვერდი სოციალურ ქსელში

თბილისი. პლატფორმა „მშობლის სკივრი“ გიზიარებთ გზამკვლევს სკოლაში ბავშვის ლაღი და წარმატებული ტრანზიციისთვის. „გზამკვლევის მიზანია მშობლებს მიაწოდოს სკოლაში ტრანზიციასთან დაკავშირებული ინფორმაცია, და მხარი დაუჭიროს მათ ბავშვის სათანადო მომზადებაში, რათა ტრანზიციის პროცესი სასიამოვნო და ნაკლებ სტრესული აღმოჩნდეს როგორც ბავშვისთვის, ასევე მშობლისთვის“. გზამკვლევი... სრულად... წყარო: ორგანიზაციის გვერდი სოციალურ ქსელში

27 აპრილს, 17:00 საათზე, მშობლის სკივრი პირდაპირ ჩართვას გამართავს: როგორ დავეხმაროთ ბავშვს სწორი არჩევანის გაკეთებაში. სრულად...

თბილისი. პლატფორმა „მშობლის სკივრი“ გიზიარებთ ცხრილს, რომელშიც საილუსტრაციოდ წარმოდგენილია ინფორმაცია იმის შესახებ, თუ რა სახის სექსუალური ქცევა არის ასაკის შესაფერისი და რომელი პრობლემური. „მოცემული ინფორმაცია არ არის ამომწურავი. ყველა ცალკეულ შემთხვევაში ქცევა განხილული უნდა იქნას ფართო კონტექსტში, რაც გულისხმობს ინდივიდუალური, სოციალური და კულტურული ასპექტების მხედველობაში მიღებას“. სრულად... წყარო: პლატფორმის გვერდი სოციალურ ქსელში

თბილისი. საქართველოს დაუნის სინდრომის ასოციაციის მშობელთა საინფორმაციო ცენტრის ინიციატივით, გრძელდება შეხვედრების ციკლი მშობლებთან. „ვსაუბრობთ ჩვენი შვილების საჭიროებებზე, გამოწვევებზე, პრობლემებსა და მათი გადაჭრის გზებზე". შეხვედრები იმართება ყოველ ხუთშაბათს, 15:00-დან 17:00 საათამდე, მისამართზე - სიმონ ჩიქოვანის ქ. #36. სრულად... წყარო: ასოციაციის გვერდი სოციალურ ქსელში

იმერეთი. განათლების განვითარების და დასაქმების ცენტრის ინფორმაციით, ქუთაისის შეზღუდული შესაძლებლობის მქონე ბავშვთა დღის ცენტრს „ჯადოსნური სამყარო” სამედიცინო ცენტრის „აილაინი“ წარმომადგენლები ესტუმრნენ და ცენტრის აღსაზრდელებს აღდგომის ბრწყინვალე დღესასწაული ტკბილეულითა და სხვადასხვა განმავითარებელი სათამაშოებით მიულოცეს. სრულად... წყარო: edec.ge

თბილისი. საქართველოს სახალხო დამცველმა სპეციალური ანგარიში წარადგინა, სადაც ბავშვთა უფლებებზე კოვიდ 19-ის პანდემიის ზემოქმედება და სახელმწიფოს მიერ მიღებული ზომები არის შეფასებული. კვლევის შედეგების თანახმად, პანდემიის გავრცელების თავიდან არიდების მიზნით, სახელმწიფოს მიერ მიღებულმა ზომებმა დაამძიმა ბავშვთა უფლებრივი მდგომარეობა საქართველოში. კვლევა მომზადდა გაეროს ბავშვთა ფონდის ევროპისა და აზიის რეგიონული ოფისის (UNICEF ECARO), გაეროს ბავშვთა ფონდის საქართველოს წარმომადგენლობის და ევროპის ბავშვთა ომბუდსმენთა ქსელის (ENOC) მხარდაჭერით. სრულად... წყარო: www.ombudsman.ge

სამცხე-ჯავახეთი. ღია კარის დღეების ფარგლებში, ასოციაცია ტოლერანტმა და სამცხე-ჯავახეთის განვითარების ცენტრმა, პირველი საჯარო სკოლის მოსწავლეებს უმასპინძლეს. ორგანიზაციის წარმომადგენლებმა მოსწავლეებს, განხორციელებული, მიმდინარე პროექტები და მათი საქმიანობის ძირითადი მიმართულებები გააცნეს, შეხვედრის ბოლოს კი მოსწავლეების შეკითხვებს უპასუხეს. ღია კარის დღეები ორგანიზებულია პროექტის „სამოქალაქო საზოგადოების ინიციატივა“ ფარგლებში, რომელიც ხორციელდება, ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. გაეროს ბავშვთა ფონდის ინფორმაციით, შეზღუდული შესაძლებლობის მქონე ბავშვები, რომლებიც აქამდე კოჯრის ბავშვთა სახლში ცხოვრობდნენ, ამიერიდან ოჯახური ტიპის გარემოთი ისარგებლებენ, სადაც ხარისხიან მზრუნველობას მიიღებენ. პროგრამას ახორციელებს გაეროს ბავშვთა ფონდი და MAC Georgia, დევნილთა, შრომის, ჯანმრთელობისა და სოციალური დაცვის სამინისტროსა და სახელმწიფო ზრუნვის სააგენტოსთან მჭიდრო თანამშრომლობით და ევროკავშირის მხარდაჭერით.  სრულად... წყარო: www.unicef.org

იმერეთი. 19 აპრილს, ქუთაისში, იმერეთის რეგიონული ჰაბის - ადგილობრივი დემოკრატიის სააგენტო საქართველოს (LDA Georgia) ორგანიზებით გაიმართა საჯარო შეხვედრა „მონაწილეობრივი ახალგაზრდობის პოლიტიკა ადგილობრივ დონეზე“.  შეხვედრა გაიმართა პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში, რომელიც ხორციელდება ევროკავშირისა (EU) და კონრად ადენაუერის ფონდის (KAS) მხარდაჭერით. სრულად... წყარო: ორგანიზაციის გვერდი სოციალურ ქსელში

გურია. ახალგაზრდა პედაგოგთა კავშირის ორგანიზებით, ლიდერთა სკოლის მოსწავლეებისთვის ჩატარდა ლექცია თემაზე: თვითშეფასება, გამბედაობა და მარცხის შიში. შეხვედრას უძღვებოდა მოწვეული ექსპერტი, ფსიქოლოგი ნათია ფანჯიკიძე.  სრულად... წყარო: ორგანიზაციის გვერდი სოციალურ ქსელში

თბილისი. 20 აპრილს 14:00, 15:00, 16:00 საათებზე გაიმართება დისტანციური კონსულტაცია ენისა და მეტყველების თერაპევტთან. კონსულტაციის დასაჯავშნად მიყევით ბმულს. რეგისტრაციისას სირთულეების შექმნის შემთხვევაში გთხოვთ დაგვიკავშირდეთ ნომერზე - 591 97 99 42. კონსულტაცია დაფინანსებულია MAC Georgia-ს მიერ, „მაკ ჯორჯია“ მუდმივად ზრუნავს შშმ ბავშვებისა და ოჯახების საჭიროებების დაკმაყოფილებაზე მათზე მორგებული სანდო, მაღალკვალიფიციური და ეფექტიანი სერვისების უზრუნველყოფით.  სრულად... წყარო: ორგანიზაციის გვერდი სოციალურ ქსელში

ქვემო ქართლი. ევროკავშირი აქვეყნებს ბლოგპოტს: 17 წლის სამაია ადრეული ქორწინების წინააღმდეგ – აქტივისტი თანატოლების განათლებისა და ღირსეული მომავლისთვის ბრძოლას აგრძელებს. „17 წლის სამაია ამბობს, რომ იღბლიანია, რადგან მისი მშობლები ამ ასაკში გათხოვებას არ აიძულებენ. მას სურს, რომ მის თანატოლ გოგონებსაც ჰქონდეთ სკოლის დასრულების და სწავლის გაგრძელების შესაძლებლობა, ამიტომ მათი უფლებების დასაცავად სამოქალაქო აქტივიზმში ჩაერთო. აქტივიზმის პირველი ნაბიჯები ჩვენი ერთ-ერთი პროექტის მიერ მხარდაჭერილ ტრენინგზე დაიწყო. მას შემდეგ უკეთესი საზოგადოების შესაქმნელად იბრძვის და ცდილობს თავისი საქმნიანობით მაგალითი მისცეს მისი თანატოლ გოგონებს“, ნათქვამია ევროკავშირის ვებგვერდზე. სრულად... წყარო: eu4georgia.eu

თბილისი. მშობლის სკივრი გიზიარებთ ინფორმაციას მარშალის სინდრომის სიმპტომების, დიაგნოსტირებისა და მკურნალობის შესახებ. მარშალის სინდრომი იშვიათი, მემკვიდრეობითი ქრომოსომული დაავადებაა. ამ დიაგნოზის მქონე ბავშვებს მხედველობასა და სმენასთან დაკავშირებით ყოველწლიური გამოკვლევები უნდა ჩაუტარდეთ. გაიგეთ მეტი... წყარო: ორგანიზაციის გვერდი სოციალურ ქსელში

თბილისი. რონდელის ფონდი აგრძელებს თემატურ შეხვედრებს მომავალ ლიდერ საჯარო მოხელეთა პროგრამის ფარგლებში. მონაწილეები შეხვდნენ ესტონეთში ევროკომისიის წარმომადგენლობის ხელმძღვანელს - ვივიან ლოონელას. მან საჯარო მოხელეებს ესტონეთისთვის ევროკავშირის მნიშვნელობაზე ესაუბრა. შეხვედრის ფარგლებში მონაწილეები ესტუმრნენ ესტონეთის პარლამენტს, სადაც საგარეო ურთიერთობათა კომიტეტის ხელმძღვანელმა მარკო მიხელსონმა ევროპის ამჟამინდელ, რეგიონალური უსაფრთხოების გამოწვევებზე ისაუბრა. სრულად... წყარო: ორგანიზაციის გვერდი სოციალურ ქსელში

სამცხე-ჯავახეთი. სამცხე-ჯავახეთის რეგიონული ჰაბის - დემოკრატ მესხთა კავშირის მიერ, პროექტის „სამოქალაქო საზოგადოების ინიციატივა“ ფარგლებში ორგანიზებული ღია კარის დღეებზე, ორგანიზაციის და ახალგაზრდული პროგრამების მონაწილეები - მარიამ ბოჩიკაშვილი და თათია ბერძენიძე -სამცხე-ჯავახეთის რეგიონში მცხოვრებ ახალგაზრდებს შეხვდნენ. მარიამი და თათია თანატოლებს ახალგაზრდული პროგრამების ფარგლებში მიღებული ცოდნის, გამოცდილების შესახებ ესაუბრნენ. ჯაბა ნათენაძემ კი მონაწილეებს ორგანიზაციის ძირითადი საქმიანობა, მიზნები და მიმდინარე პროგრამები გააცნო. შეგახსენებთ, რომ სამცხე-ჯავახეთის რეგიონული ჰაბის - დემოკრატ მესხთა კავშირის ახალგაზრდულ პროგრამაში მონაწილეობა, რეგიონში მცხოვრებ 14-21 წლამდე ნებისმიერ ახალგაზრდას შეუძლია. სამცხე-ჯავახეთის ჰაბი საქმიანობას ახორციელებს პროექტის „სამოქალაქო საზოგადოების ინიციატივა“ ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. ევროკავშირი და გაეროს ბავშვთა ფონდი მხარს უჭერს საქართველოს მთავრობას განრიდება გახდეს პრიორიტეტი კანონთან კონტაქტში მყოფი ბავშვებისათვის. ორგანიზაციებმა კონფერენციაზე იუსტიციის სამინისტროსთან ერთად განრიდებისა და მედიაციის პროგრამის გასული თერთმეტი წლის შედეგები შეაჯამეს. სრულად... წყარო: eu4georgia.eu

13 აპრილს, შიდა ქართლის ჰაბში გაიმართა პირველი გაცნობითი ხასიათის შეხვედრა სამოქალაქო საზოგადოების ინსტიტუტის გორის ოფისის წარმომადგენლებსა და გორის სამოქალაქო ბიუჯეტის ახალგაზრდული კლუბის წევრებს შორის. შეხვედრას ასევე ესწრებოდა გორის სტრატეგიული განვითარების სააგენტოს წარმომადგენელი.  შეხვედრაზე კლუბის წევრებს შესაძლებლობა ჰქონდათ გაცნობოდნენ კლუბის საქმიანობის ფარგლებში დაგეგმილ აქტივობებს და კონკურსის პირობებს. სამოქალქო ბიუჯეტის კლუბის საქმიანობა ხორციელდება კონკურსის ფარგლებში და რამდენიმე ეტაპისგან შედგება. პირველი ეტაპი მოიცავს სამოქალაქო ბიუჯეტის კლუბის ჩამოყალიბებას და წევრების შესაძლებლობების გაძლიერებას. მეორე ეტაპზე კლუბის წევრები მიიღებენ მონაწილეობას სამოქალაქო ბიუჯეტის პროგრამის საინფორმაციო კამპანიაში და ასევე ტერიტორიულ ერთეულებში მოიკვლევენ საჭიროებებს, პროექტების წერის პროცესში მოსახლეობას გაუწევენ მენტორობას. მესამე ეტაპზე გაიმართება კონკურსი გამარჯვებული პროექტების გამოსავლენად; კონკურსისთვის წარდგენილი პროექტები უნდა ემსახურებოდეს თემში სოციალური პრობლემების მოგვარებას, ახალგაზრდული და კრეატიული იდეების განხორცილებას.  კამპანია განხორციელდება 2022 წლის აპრილ-ოქტომბერში.  კამპანია ხორციელბედა სამოქალაქო საზოგადოების ინსტიტუტის მიერ, პროექტის – „ადგილობრივი განვითარების აქტორებს შორის მყარი კავშირების დამყარება“ (მეორე ფაზა) ფარგლებში, გერმანული ორგანიზაცია „პური მსოფლიოს“ მხარდაჭერითა და გორის მუნიციპალიტეტთან თანამშრომლობით.

კახეთი. სამართლიანი არჩევნებისა და დემოკრატიის საერთაშორისო საზოგადოების (ISFED) პროექტის ფარგლებში თელავში, ახალგაზრდებისთვის საგანმანათლებლო შეხვედრების სერია გაიმართება. შეხვედრებზე მონაწილეები აქტიური მოქალაქეობის შესახებ ისაუბრებენ და მასში მონაწილეობა 15-21წლამდე პირებს შეეძლებათ. მსურველებმა აპლიკაცია 17 აპრილამდე შემდეგ ბმულზე უნდა შეავსონ... სრულად... წყარო: ორგანიზაციის გვერდი სოციალურ ქსელში

12 აპრილს, 16:00 საათზე გაიმართება მოუსაფარ ბავშვთა საერთაშორისო დღესთან დაკავშირებით გაიმართება აქცია: ბავშვები ბავშვებისთვის. სრულად...

იმერეთი. ქუთაისის აკაკი წერეთლის სახელმწიფო უნივერსიტეტის ბავშვთა უფლებების ცენტრში გაიმართა შეხვედრა მედიის წარმომადგენლებთან. დამსწრეებმა მიიღეს ინფორმაცია გაეროს ბავშვთა ფონდისა და საქართველოს ადგილობრივ თვითმმართველობათა ეროვნული ასოციაცია (NALAG)-ის პროექტის შესახებ. „ბავშვის უფლებათა კოდექსის მიხედვით, ბავშვთა დაცვისა და მხარდაჭერაში მუნიციპალიტეტებს უმნიშვნელოვანესი როლი ენიჭებათ: მათ უნდა შეეძლოთ საჭიროების მქონე ოჯახებისა და ბავშვების იდენტიფიცირება და მათი მხარდაჭერა, ასევე არსებული სოციალური საჭიროებების იდენტიფიცირება და მათი მოგვარება ბავშვზე მორგებული სოციალური პროგრამების შემუშავების გზით“. პროექტი ხორციელდება ევროკავშირის მხარდაჭერით. სრულად... წყარო: ორგანიზაციის გვერდი სოციალურ ქსელში

იმერეთი. გაეროს ბავშვთა ფონდის ინფორმაციით, 8 აპრილს, ქუთაისში, აკაკი წერეთლის სახელმწიფო უნივერსიტეტში ათი მუნიციპალიტეტის მერი შეიკრიბა იმის განსახილველად, თუ როგორ გაიზარდოს მუნიციპალიტეტების ჩართულობა მათი თემების სოციალური კეთილდღეობის უზრუნველსაყოფად. მაღალი დონის შეხვედრას დაესწრნენ ცენტრალური ხელისუფლებისა და მუნიციპალური თვითმმართველობის წარმომადგენლები, დონორები და სამოქალაქო საზოგადოების ორგანიზაციები...  სრულად... პროექტი ხორციელდება ევროკავშირის მხარდაჭერით. წყარო: www.unicef.org