წარმატებით დასრულდა NATO-ს ეგიდით ჩატარებული საერთაშორისო ახალგაზრდული სემინარი ბულგარეთში 1-7 ივნისი. საერთაშორისო სემინარი მიზნად ისახავდა ახალგაზრდების ჩართულობას, სხვადასხვა ადგილობრივ და საერთაშორისო პროგრამებში, ასევე მონაწილეებს საშუალება მიეცათ გაცნობოდნენ უმაღლესი ინსტიტუტების მუშაობის სპეციფიკას და შეხვედროდნენ დიპლომატებს. სრულად... წყარო: ორგანიზაციის ვებ-გვერდი სოციალურ ქსელში

იმერეთი. 16 ივნისს, ქუთაისის განათლების განვითარების და დასაქმების ცენტრის ინიციატივით გაიმართა სამოქალაქო განათლების პროგრამის ,,მომავლის თაობა’’ შემაჯამებელი ღონისძიება. პრეზენტაციაზე სამოქალაქო კლუბებმა წარმოადგინეს პროგრამის ფარგლებში მიღებული გადაწყვეტილებების პრეზენტაციები... სრულად... წყარო: ორგანიზაციის ვებგვერდი სოციალურ ქსელში

შიდა ქართლი. 11 ივნისს გორში პროგრამის - „მომავლის თაობის" შემაჯამებელი ღონისძიება გაიმართა, სადაც პროგრამის ფარგლებში განხორციელებული საქმიანობა გააცნეს ადგილობრივ საზოგადოებას - პარტნიორი სკოლების, საგანმანათლებლო რესურს-ცენტრის, ადგილობრივი თვითმმართველობის, არასამთავრობო ორგანიზაციების წარმომადგენლებს. შემაჯამებელ ღონისძიებაზე სასკოლო პროექტების პრეზენტაციებით წარსდგნენ სურამის #2 საჯარო სკოლის, კასპის სკოლა-გიმნაზიის და ხცისის საჯარო სკოლის მოსწავლეები. საანგარიშო პერიოდში განხორციელებული მცირე გრანტის პროექტების შესახებ ისაუბრეს გორის მუნიციპალიტეტის სოფელ სკრის და ხაშურის დ. ყიფიანის სახელობის სკოლა-პანსიონის მოსწავლეებმა. რეგიონში სამოქალაქო განათლების პედაგოგთა პროფესიული განათლებისა და ფორუმის ფარგლებში მიმდინარე აქტივობების შესახებ ისაუბრა სამოქალაქო განათლების რეგიონალურმა კოორდინატორმა. მოსწავლეებმა ისაუბრეს სტაჟირების პროგრამაზე, ნაჩვენები იქნა სტაჟირების პროგრამის ფარგლებში მედია სკოლის მოსწავლეების მიერ მომზადებული ფილმი. შეხვედრის დასასრულს საოფისე ტექნიკის კონკურსში გამარჯვებულ სკოლებს გადაეცათ სერთიფიკატები. ხოლო პროექტის განმავლობაში გაწეული მხარდაჭერისთვის საზოგადოებამ „ბილიკი" მადლობის სიგელები გადასცა შიდა ქართლის ადგილობრივი ხელისუფლების და პარტნიორი ორგანიზაციების წარმომადგენლებს. „მომავლის თაობა" ხორციელდება ორგანიზაცია PH International აშშ საერთაშორისო სააგენტოს დაფინანსებით და საქართველოს განათლებისა და მეცნიერების სამინისტროს მხარდაჭერით. პარტნიორი ორგანიზაცია შიდა ქართლში - საზოგადოება „ბილიკი".

ქვემო ქართლი. არასამთავრობო ორგანიზაცია „სვანეთის განვითარების კავშირი ლინდი" დმანისში ერთ–ერთი საბავშვო ბაღის დახმარების მიზნით საბავშვო წიგნებს და სათამაშოებს აგროვებს. ვისაც სურვილი აქვს ჩაერთოს სოციალურ აქციაში შეუძლია შეუერთდეს ორგანიზაციის ინიციატივას. სრულად... წყარო: სოციალური ქსელი

კახეთი. 3 ივნისს, პანკისის ხეობის სოფელ დუისში, მშვიდობის და ომის გაშუქების ინსტიტუტის ინიციატივით ჟურნალისტების ტური მოეწყო. შეხვედრაზე ყურადღება გამახვილდა ჩეჩენი ლტოლვილების პრობლემებზე და პანკისიდან სირიაში საბრძოლველად წასულ ახალგაზრდებზე. „ყველაფერს უმუშევრობის პრობლემაც ემატება, მათი 90% დაუსაქმებელია. აქ არაფერია გასაკეთებელი. ახალგაზრდებს ბევრი თავისუფალი დრო რჩებათ, ინტერნეტით გავრცელებულ მასალას ეცნობიან, მთელი დღე სირიაში მიმდინარე მოვლენებზე საუბრობენ. ვერ ვხედავთ, ვინმე სირიაში საბრძოლველად წასვლის პროპაგანდას ეწეოდეს. არცერთ მეჩეთში არ ეწევიან მაგაზე პროპაგანდას. მიზეზი თვითონ ახალგაზრდებშია, ყოფით საკითხებშია. მათი დაინტერესება არაფრით არ ხდება. ძირითადად, იქ ჰყავთ მათ მისაბაძი ადამიანები, ბავშვები სირიაში მებრძოლებს ბაძავენ", - აცხადებენ ადგილობრივები... სრულად... წყარო: www.humanrights.ge

გურია. 10 ივნისს, ,,ახალგაზრდა პედაგოგთა კავშირის" ოფისში ჩატარდა ბავშვთა თეატრალური სტუდია ,,პეპილოტას" მიერ მომზადებული სპეკტაკლის ,,გაკვეთილი მშობლებს" ჩვენება. სპეკტაკლის მიზანი ბავშვთა უფლებების პოპულარიზაცია იყო. წარმოდგენა 2 ნაწილად დაიყო, პირველი ნაწილი სიცოცხლის უფლებას შეეხო. მოზარდები წარმოადგენდნენ იმ ბავშვებს, რომლებიც სელექციური აბორტების მსხვერპლნი გახდნენ. ასევე, იმ გენდერულ პრობლემებსა და სტერეოტიპებს, რომლებსაც ქალები ყოველდღიურ ცხოვრებაში აწყდებიან. სრულად... წყარო: ორგანიზაციის ვებ-გვერდი სოციალურ ქსელში

კახეთი. თელავში, სამოქალაქო განათლების პროგრამის ,,მომავალი თაობის'' შემაჯამებელი ღონისძიება გაიმართა. აღნიშნულ პროგრამას თელავის განათლების, განვითარებისა და დასაქმების ცენტრი, აშშ-ის საერთაშორისო განვითარების სააგენტოს (USAID) ფინანსური მხარდაჭერით ახორციელებს. პროგრამაში კახეთის რეგიონის 13 საჯარო სკოლაა ჩართული. თელავის განათლების, განვითარებისა და დასაქმების ცენტრის დირექტორის, ნათია ქარჩაიძეს განცხადებით, აღნიშნული პროექტი კახეთის რეგიონის პარტნიორ საჯარო სკოლებში განათლებისა და მეცნიერების სამინისტროს ხელშეწყობით ხორციელდება. მისივე ინფორმაციით, პროგრამა საჯარო სკოლებში გაგრძელდება, რომლის მიზანია ხელი შეუწყოს სამოქალაქო განათლების საგნის სწავლების გაძლიერებას მასწავლებელთა გადამზადებისა და დამხმარე სახელმძღვანელოების შექმნის გზით: ,,შეხვედრას 13 პარტნიორი სკოლის მოსწავლეები და პედაგოგები ესწრებოდნენ, რომლებმაც წარმოადგინეს პრეზენტაცია განხორციელებული აქტივობების შესახებ. ვისაუბრეთ რა ღონისძიებები შეიძლება ჩატარდეს სამთავრობო და არასამთავრობო სექტორთან თანამშრომლობით, რომელიც ხელს შეუწყობს სამოქალაქო ცნობიერების ამაღლებას სამომავლოდ''.

იმერეთი. პროექტის ,,საქართველოს მოხალისე'' ფარგლებში სამტრედიელმა მოხალისეებმა გარემოს დაცვის საერთაშორისო დღე აღნიშნეს, მისალოცი ბარათები დაამზადეს და თანაქალაქელებს გარემოს დაცვის დღე მიულოცეს. შემდეგ კი ერთობლივად დაასუფთავეს სამტრედიის ბალნეოლოგიური კურორტი. სრულად... წყარო: ორგანიზაციის ვებ-გვერდი სოციალურ ქსელში

აჭარა. 5 ივნისს, გარემოს დაცვის დღესთან დაკავშირებით, პროგრამა ,,საქართველოს მოხალისის" ფარგლებში მოეწყო ფილმის ჩვენება და გაიმართა დისკუსია: ,,ადამიანის როლი გარემოსდაცვით საქმიანობაში." ღონისძიების მიზანს წარმოადგენადა მოხალისეობის არსის გათავისება და ინფორმაციის მოწოდება ახალგაზრდებისთვის, რათა ისინი მაქსიმალურად ჩაერთონ ასეთი სახის ღონისძიებებში. შეხვედრის მონაწილეები გადანაწილდნენ ჯგუფებში, სადაც განიხილეს ბათუმში არსებული ეკოლოგიური პრობლემები და მათი გადაჭრის გზებზე იმსჯელეს, შეხვედრის ბოლოს კი დაიგეგმა სამომავლო ღონისძიებები.

იმერეთი. 6 ივნისს ქუთაისის საქალაქო სასამართლოში საიას ქუთაისის ფილიალის ორგანიზებით ნაფიც მსაჯულთა იმიტირებული სასამართლო პროცესი გაიმართა. პროცესში ქუთაისის მე-40 საჯარო სკოლის მოსწავლეები მონაწილეობდნენ, რომლებსაც 2 კვირის განმავლობაში ინტენსიური ტრენინგები ჩაუტარდათ სასამართლო უნარ-ჩვევებში. ნაფიც მსაჯულთა ვერდიქტის შედეგად გაიმარჯვა ბრალდების მხარემ. გამარჯვებულებს საიას იურიდიული განათლების ხელშეწყობის ფონდის მიერ გამოცემული ლიტერატურა გადაეცათ. წყარო: ფილიალის ვებგვერდი სოციალურ ქსელში

აჭარა. 6 ივნისს, არასამთავრობო ორგანიზაციამ „შეზღუდული შესაძლებლობის მქონე პირთა უფლებებისთვის'' ხელვაჩაურის სკოლების მოსწავლეების მიერ გადაღებული ფილმების პრეზენტაცია გამართა. გამოვლინდა საუკეთესო ფილმების ავტორები, რომლებიც დაჯილდოვდნენ. ასევე, აღნიშნულ შეხვედრაზე ბათუმის სახელმწიფო უნივერსიტეტში პროექტ „ლიდერთა თაობის" კურსდამთავრებულებს სერტიფიკატები გადაეცათ. პროექტი 2 თვის განმავლობაში მიმდინარეობდა, რომელიც IX-XI კლასების მოსწავლეებისთვის ლიდერული თვისებების გამომუშავებას ისახავდა მიზნად.

გაეროს ბავშვთა ფონდი აქვეყნებს რეგიონულ უახლეს ანგარიშს. „ბავშვთა უფლებები ევროპასა და მოსაზღვრე ქვეყნებში კვლავაც ირღვევა. ბავშვების მხოლოდ მცირე ნაწილს აქვს საშუალება, სამართლიანად და დროულად დაიცვას საკუთარი უფლებები", ნათქვამია გაეროს ბავშვთა ფონდის ვებგვერდზე სოციალურ ქსელში. ანგარიში... წყარო: გაეროს ბავშვთა ფონდის ვებგვერდი სოციალურ ქსელში

თბილისი. სახალხო დამცველმა საქართველოს პარლამენტს საკანონმდებლო წინადადებით მიმართა ადრეულ ასაკში ქორწინების პრევენციის საკითხზე. საკანონმდებლო წინადადების გათვალისწინებით, „საქართველოს სამოქალაქო კოდექსში საჭიროა შევიდეს ცვლილება, რომლის თანახმადაც 16–დან 18 წლამდე პირთა ქორწინებაზე ნებართვის გაცემის შესაძლებლობა მხოლოდ სასამართლოს ექნება". სრულად... წყარო: ombudsman.ge

შიდა ქართლი. 30 მაისს ხაშურის დ. ყიფიანის სახელობის სკოლა- პანსიონში, მცირე გრანტის პროექტის - „ფოტოგრაფია ძალადობის წინააღმდეგ" ფარგლებში ფოტოების და ესეების გამოფენა მოეწყო. პროექტი, ძალადობის წინააღმდეგ საზოგადოების ცნობიერების დონის ამაღლებას ისახავდა მიზნად და ამისათვის პრობლემის ხელოვნებაში, კერძოდ ფოტოგრაფიაში ასახვა იყო გამოყენებული. მოსწავლეებმა პროექტის განხორციელების სხვადასხვა ეტაპზე მრავალი საინტერესო ღონისძიება გამართეს. კერძოდ, სკოლაში გამოაცხადეს ესეებისა და ნახატების კონკურსი, მოამზადეს საინფორმაციო ბანერი და ფლაერები, მოეწყო პრეზენტაციები ბულინგსა და ოჯახურ ძალადობაზე; ასევე, ძალადობის თემაზე ჩატარდა ტრენინგები მოწვეული სპეციალისტების იურისტების და ფსიქოლოგების მიერ, ხოლო ფოტოგრაფიით დაინტერესებული მოსწავლეებისათვის ჩატარდა მასტერკლასი, რის შემდეგ ფოტომოყვარულებმა ძალადობის ამსახველი მოვლენები ფირზე აღბეჭდეს. ფოტოების და ესეების გამოფენა მოეწყო აშშ საერთაშორისო განვითარების სააგენტოს მიერ დაფინანსებული სამოქალაქო განათლების პროგრამის „მომავლის თაობა" ფარგლებში. პროგრამა ორგანიზაცია PH International-ის მიერ საქართველოს განათლებისა და მეცნიერების სამინისტროს მხარდაჭერით ხორციელდება. შიდა ქართლში პროგრამის პარტნიორია საზოგადოება „ბილიკი".

გურია. 1 ივნისს, ახალგაზრდა პედაგოგთა კავშირის გურიის მოსწავლეთა რეგიონული პარლამენტის ინიციატივით, ადვოკატირების კამპანიის „მე ბოშა ვარ" ფარგლებში ბავშვთა უფლებების დღისადმი მიძღვნილი აქცია გაიმართა. აქციის მიზანი იყო, ბავშვთა უფლებების პოპულარიზაცია; ეთნიკური უმცირესობების, კერძოდ ბოშების საზოგადოებაში ინტეგრაციის თემის აქტუალიზაცია. აქციაში ჩართულმა ახალგაზრდებმა, ქუჩაში ფლეშმობი მოაწყვეს. სრულად... წყარო: ორგანიზაციის ვებ-გვერდი სოციალურ ქსელში

თბილისი. ეთნოსთაშორის თანამშრომლობისა და კონსულტაციების ანალიტიკურმა ცენტრმა პროექტ HUMRA-ს პირველი ციკლის პრეზენტაცია გამართა. ღონისძიებაზე აჩვენეს ბავშვების მიერ მომზადებული ანიმაციური ფილმები. ანიმაციის შემქმნელებს კი სიგელები და სამახსოვრო საჩუქრები გადაეცათ. სრულად... წყარო: ორგანიზაციის ვებ-გვერდი სოციალურ ქსელში

თბილისი. კავკასიის კვლევითი რესურსების ცენტრი აქვეყნებს ახალ ბლოგს: „რა სჭირდებათ ბავშვებს და ახალგაზრდებს საქართველოში იმისთვის, რომ თავი კარგად და ბედნიერად იგრძნონ?". გაეროს 2013 წლის მსოფლიო ბედნიერების ანგარიშში 156 ქვეყნიდან საქართველო 134-ე ადგილზეა. ქვეყნების სიას სათავეში ჩრდილო და ცენტრალური ევროპის ქვეყნები - დანია, ნორვეგია და შვედეთი უდგას. ... „სიაში საქართველოს ყველა მეზობელი ქვეყანა უსწრებს: რუსეთი 68-ე ადგილზეა, თურქეთი 77-ე, აზერბაიჯანი 116-ე და სომხეთი - 128-ე. ქვეყნების რანჟირება რიგ ფაქტორებს ითვალისწინებს, მათ შორისაა: მთლიანი შიდა პროდუქტი ერთ სულ მოსახლეზე, სიცოცხლის ხანგრძლივობა, კორუფციისა და ცხოვრებისეული გადაწყვეტილებების მიღების თავისუფლების აღქმა", ნათქვამია ბლოგში. ბლოგში ასახულია ამ საკითხზე 2014 წლის ნოემბერში თბილისში ჩატარებული თვისებრივი კვლევის წინასწარი შედეგები. თვისებრივი კვლევა, რომელიც ოცი სიღრმისეული ინტერვიუსა და ოთხი ფოკუს ჯგუფისგან შედგებოდა, CRRC-საქართველომ ჩაატარა პროექტისთვის MYWEB. სრულად... წყარო: blog.crrc.ge

თბილისი. საქართველოში ბავშვთა პირველი ჰოსპისი 2016 წლის ბოლოს გაიხსნება. ჰოსპისში ქრონიკული და უკურნებელი სენით დაავადებულ ბავშვებს პალიატიურ მზრუნველობას გაუწევენ. 29 მაისს, სასტუმრო „რუმს თბილისის" ეზოში თანამშრომლობის მემორანდუმს გააფორმებენ ფონდი „ღია საზოგადოება-საქართველო", „ბავშვთა ჰოსპისი" და ,,სამედიცინო კორპორაცია „ევექსი", რის შემდეგაც დიღომში, ვაშლიჯვრის მიმდებარე ტერიტორიაზე ბავშვთა ჰოსპისის მშენებლობა დაიწყება. პალიატიური მზრუნველობა დაავადებით გამოწვეული სიმპტომების შემსუბუქებას, სულიერი და ფსიქოლოგიური დახმარების გაწევას გულისხმობს. ბავშვებისა და მათ ოჯახებისთვის მომსახურება უფასო იქნება. სრულად... წყარო: www.osgf.ge

აჭარა. 27 მაისს, საზოგადოებრივი ორგანიზაციის „ბორჯღალის" პროექტის მონაწილეებმა – „დემოკრატიის აგენტებმა", სამოქალაქო კვირეულის ფარგლებში, ბათუმის მეორე საჯარო სკოლის მოსწავლეებისთვის დემოკრატიის შესახებ, თხრობითი პერფორმანსის გამოყენებით, ისაუბრეს. შეხვედრის მიზანი სამოქალაქო აქტივობისა და დემოკრატიის ძირითადი პრინციპების შესახებ ინფორმაციის თანამედროვე ხერხებით გადაცემა და მოსწავლეებში სამოქალაქო კულტურის ამაღლების ხელშეყობა იყო.

სამცხე-ჯავახეთი. ახალციხეში, ახალგაზრდული ფორუმი გაიმართა. ღონისძიებას სკოლის მოსწავლეები, სტუდენტები, არასამთავრობო ორგანიზაციების წარმომადგენლები, ბიზნესმენები და ხელისუფლების პირველი პირები დაესწრნენ. ადიგენისა და ახალციხის სამოქალაქო და სასკოლო კლუბის წევრებმა საზოგადოებას დასაფინანსებლად ხუთი პროექტი წარუდგინეს. ახალგაზრდებმა პრობლემის მოგვარება ეკოლოგიისა და გარემოს დაცვის, თანასწორობის, ტურიზმის, ცხოვრების ჯანსაღი წესისა და მოხალისეობის კუთხით გადაწყვიტეს. პროექტების წარდგენის შემდეგ საზოგადოებასა და ჯგუფებს შორის კითხვა პასუხი შედგა. სამოქალაქო და სასკოლო კლუბების წევრებმა გამოცდილი ადამიანებისგან რეკომენდაციებიც მიიღეს. წარმოდგენილი პროექტებიდან ორ მათგანს მხარდაჭერა ფორუმზევე აღუთქვეს. გარემოს დაცვის მინისტრის მოადგილემ შესაბამის ჯგუფს გამწვანებასთან დაკავშირებით, დახმარება შესთავაზა. ცხოვრების ჯანსაღის წესის დამკვიდრებაში კი ახალგაზრდებს მხარი ფირმა „ლელას" დირექტორმაც დაუჭირა. „ვორლდ ვიჟენის", ახალციხის ახალგაზრდული ცენტრის, სამოქალაქო განათლების პროგრამა „მომავლის თაობისა" და „ახალციხის დემოკრატ მესხთა კავშირის" ორგანიზებით, მსგავსი მასშტაბის ფორუმი რეგიონში პირველად შედგა. ორგანიზატორთა განმარტებით, ფორუმის მიზანს ახალგაზრდების გააქტიურება, მათი პრობლემების კვლევა და საკითხის გადაჭრის გზების ძიება იყო.

თბილისი. ფრონტლაინ კლუბისა და ჟურნალ „ლიბერალის" ერთობლივი პროექტის – „დისკუსიები ბავშვთა უფლებებზე" გაიმართა დისკუსია: „სასკოლო მზაობის წელი". მათ ვინც ვერ შეძლო დისკუსიაზე დასწრება ჟურნალი საშუალებას აძლევს იხილოს დისკუსიის ვიდეოჩანაწერი. „სასკოლო მზაობის წელი"...   წყარო: liberali.ge

თბილისი. საქართველოს ახალგაზრდული პარლამენტის წარმომადგენლებმა „რეპორტიორის" პრესკლუბში გამართულ პრესკონფერენციაზე უკრაინის ახალგაზრდული პარლამენტის ფორმირების შესახებ ისაუბრეს. მათ აღნიშნეს, რომ კონსულტაციების პროცესში აქტიურად არიან ჩართულნი. მათივე თქმით, ზემოაღნიშნულიდან გამომდინარე, 2015 წლის მოწვევის საქართველოს ახალგაზრდული პარლამენტის წევრების შერჩევა გაზაფხულზე არ გამოცხადდა. კონკურსის დაწყების შესახებ ორგანიზაცია უახლოეს მომავალში გაავრცელებს ინფორმაციას. სრულად წყარო: ორგანიზაციის გვერდი სოციალურ ქსელში