თბილისი. 7 ოქტომბერს, ქართულ-ამერიკულ უნივერსიტეტში გაიმართა დისკუსია თემაზე: სოციალური მოძრაობები უკრაინასა და საქართველოში. პროექტი ბავშვთა და ახალგაზრდობის განვითარების ფონდის მიერაა დაფინანსებული და მიზნად ისახავს ახალგაზრდების სამოქალაქო თვითშეგნებით, პოლიტიკური კულტურით, პოლიტიკით დაინტერესებას და საჯარო პოლიტიკის კონკრეტულ მიმართულებებში მათი კვალიფიკაციის ამაღლებას. სრულად... წყარო: ორგანიზაციის ვებ-გვერდი სოციალურ ქსელში

კახეთი. 5 ოქტომბრიდან 9 ოქტომბრამდე, პროექტის „ქალები, როგორც აქტორები ცვლილებებისა და გაძლიერებისთვის" ფარგლებში, სამიზნე რეგიონებში შექმნილი ახალგაზრდული სათემო ჯგუფების წარმომადგენლები ტრენინგებს დაესწრებიან. „ახალგაზრდები ტრენინგის შედეგად გახდებიან მეტად მგრძნობიარე და ინფორმირებული გენდერული საკითხების, მათ შორის, ქალთა მიმართ ძალადობისა და მის წინააღმდეგ მიმართული 16–დღიანი კამპანიის შესახებ; მიიღებენ ინფორმაციას იმის შესახებ, თუ როგორ დაწერონ პროექტი, მოიძიონ ფონდები მათი სამომავლო აქტივობებისთვის., ნათქვამია ორგანიზაციის ვებ-გვერდზე. ქალთა საინფორმაციო ცენტრის პროექტი აშშ-ს განვითარების სააგენტოს - USAID-ის მხარდაჭერით ხორციელდება. სრულად... წყარო: ორგანიზაციის ვებ-გვერდი სოციალურ ქსელში

თბილისი. შინ ზრუნვის სამსახური შეიქმნა პალიატიური მზრუნველობის საჭიროების მქონე ბავშვებისთვის. შინ ზრუნვის მიზანია უკურნებელი დაავადების მქონე ბავშვების ფიზიკური მოვლა და ფსიქოლოგიური მხარდაჭერა. მომსახურება 18 წლამდე ასაკის ბავშვებისთვის უფასოა. შინ ზრუნვის სამსახური ფონდი „ღია საზოგადოება-საქართველოს” მხარდაჭერით მუშაობს. სრულად... წყარო: www.osgf.ge

თბილისი. 5 ოქტომბერს, თბილისის სახელმწიფო უნივერსიტეტში გაიმართა პუბლიკაციის პრეზენტაცია: „ბავშვის უფლებები საერთაშორისო სამართალში". პუბლიკაცია იუნისეფის, ევროკავშირის და ნიდერლანდების მთავრობის დახმარებით მომზადდა. სრულად... წყარო: ორგანიზაციის ვებ-გვერდი სოციალურ ქსელში

შიდა ქართლი. ცენტრმა „აფხაზეთმა" მშვიდობის კორპუსის დაფინანსებით, ოქტომბერში ახალი პროექტის განხორციელება დაიწყო. პროექტის ფარგლებში დაგეგმილია შეხვედრები და ტრენინგ-სემინარები, რომელიც ხელს შეუწყობს ახალგაზრდებში ფინანსური განათლების დონის გაზრდას. პროექტის ხანგრძლივობა 8 თვეს მოიცავს და გორის მუნიციპალიტეტის 8 სოფელში (შავშვები, ხურვალეთი, ტირძნისი, დიცი, ახალდაბი, შინდისი, ფხვენისი, ხიდისთვი) განხორციელდება. პროექტი - „ფინანსური განათლება კონფლიქტის შედეგად დაზარალებულ სოფლებში მცხოვრები ახალგაზრდებისა და მათი ოჯახებისათვის" ხორციელდება „მშვიდობის კორპუსის" ფინანსური ხელშეწყობით. სრულად... წყარო: ორგანიზაციის ვებ-გვერდი სოციალურ ქსელში

თბილისი. ნატოსა და ევროკავშირის შესახებ საინფორმაციო ცენტრმა „ლიბცენტრის” სტუდენტებს უმასპინძლა. შეხვედრაზე საუბარი შეეხო საქართველოს ევროპულ ინტეგრაციას. საინფორმაციო ცენტრის დირექტორმა ყურადღება გაამახვილა ინტეგრაციის პროცესში სტუდენტების ჩართულობის მნიშვნელობაზ. ასევე, ისაუბრა იმ შესაძლებლობებზე, რომლებსაც ახალგაზრდებს ევროკავშირის პროექტები სთავაზობს.  სრულად... წყარო: ორგანიზაციის ვებ-გვერდი სოციალურ ქსელში

თბილისი. ათასწლეულის გამოწვევის ფონდმა 2015-16 წლის ათასწლეულის ინოვაციის კონკურსი გამოცხადა. პრეზენტაციაზე სტუმრებს სიტყვით მიმართეს აშშ-ს ელჩმა, საქართველოს განათლებისა და მეცნიერების მინისტრმა და OpenNet-ის დირექტორმა. კონკურსის მიზანია, გამოავლინოს სამი საუკეთესო გუნდი საქართველოს მასშტაბით, რომლებიც წარმოადგენენ ინოვაციურ პროექტებს ტექნოლოგიებისა და საბუნებისმეტყველო სფეროებში. კონკურსის შედეგად პირველ ადგილზე გასული გუნდი მონაწილეობას მიიღებს კონრადის ფონდის მიერ ორგანიზებულ ყოველწლიურ სამიტში რომელიც გაიმართება 2016 წლის აპრილში, ფლორიდის შტატში. სრულად... წყარო: ორგანიზაციის ვებ-გვერდი სოციალურ ქსელში

თბილისი. გაეროს ბავშვთა ფონდი (UNICEF) ეროვნული კანონმდებლობის ანალიზს აქვეყნებს ბავშვთა უფლებების კონვენციის და შეზღუდული შესაძლებლობის მქონე პირთა კონვენციის მიხედვით. „ანგარიშში წარმოდგენილია საქართველოს ეროვნული საკანონმდებლო ბაზის ანალიზი და განხილულია ძირითადი საკანონმდებლო ხარვეზები გაეროს ბავშვთა უფლებების კონვენციასა (შმდეგ - CRC) და შეზღუდული შესაძლებლობის მქონე პირთა უფლებების კონვენციასთან მიმართებაში. აგრეთვე, შემოთავაზებულია რეკომენდაციები საკანონმდებლო ცვლილებებისთვის”, ნათქვამია ორგანიზაციის ვებ-გვერდზე. სრულად... წყარო: unicef.ge

იმერეთი. 1 ოქტომბერს, ქუთაისის დემოკრატიული ჩართულობის ცენტრში, პროექტის ,,ახალგაზრდული მუშაკების გაძლიერების’’ ფარგლებში, გაიმართა საინფორმაციო შეხვედრა თემაზე: „მოხალისეობა, მისი არსი და მნიშვნელობა". შეხვედრაზე განიხილეს შემდეგი საკითხები: მოხალისეობის არსი, საზოგადოების მოხალისეობისადმი დამოკიდებულება, როგორ და რატომ უნდა გავხდეთ მოხალისე, მოხალისეობის მნიშვნელობა და მისი როლი კარიერული დაგეგმარებისთვის. სრულად... წყარო: ორგანიზაციის ვებ-გვერდი სოციალურ ქსელში

შიდა ქართლი. ევროპის დემოკრატიის ფონდი შიდა ქართლში ჩამოყალიბებულ არასამთავრობო ორგანიზაციების წარმომადგენლებს შეხვდა. „ფონდის წარმომადგენლებმა ორგანიზაციის წევრებს პრიორიტეტები გააცნეს, თავის მხრივ ფონდის წარმომადგენლებმა მიიღეს ინფორმაცია თუ რა საჭიროებები გააჩნიათ რეგიონში უფრო მეტი აქტივობებისა და სხვადასხვა ღონისძიებების ჩასატარებლად. „ევროპის დემოკრატიის ფონდი" „მეგობრობის ხიდი ქართლოსის" პარტნიორი ორგანიზაციაა, რომელიც უკვე 1 წელია აფინანსებს პროექტს „ახალგაზრდების ჩართულობის გაძლიერება რეგიონულ დონეზე საქართველოში", ნათქვამია ორგანიზაციის განცხადებაში. სრულად... წყარო: kartlosinews.wordpress.com

შიდა ქართლი. 26 სექტემბერს, გორში, დემოკრატიული ჩართულობის ცენტრში, გარემოს დაცვით საკითხებზე ტრენინგი ჩატარდა. პროექტში მონაწილეობა მიიღო საჯარო სკოლების გარემოს დაცვის კლუბის მოსწავლეებმა. ტრენინგი გაიმართა პროექტის - „ახალგაზრდობის ჩართულობა და განვითარება" ფარგლებში, რომელსაც საქველმოქმედო ჰუმანიტარული ცენტრი „აფხაზეთი" UNICEF-თან პარტნიორობითა და USAID საქართველოს ფინანსური მხარდაჭერით ახორციელებს. „სემინარზე განხილული იყო მოსწავლეებისათვის საინტერესო და მნიშვნელოვანი საკითხები - გარემოსდაცვითი კლუბების შესაძლებლობის გაძლიერება და საქმიანობის შეფასება, პრობლემების/გამოწვევების გაანალიზება და გადაჭრის გზების ძიება, ბუნებაში მიმდინარე პროცესები (კვებითი ჯაჭვი, მზის ენერგია, მცენარეების მნიშვნელობა) და სხვა", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. სიქას ორგანიზებით, მარნეულის მუნიციპალიტეტის სოფელ კაჩაგნის #1 და #2 სკოლის მოსწავლეები ილიაუნის სამეცნიერო პიკნიკი 2015-ს ესტუმრნენ. სამეცნიერო პიკნიკი ერთდღიანი ღონისძიებაა, რომელიც ღია ცის ქვეშ ტარდება ყოველწლიურად და მიზნად ისახავს მეცნიერების სხვადასხვა დარგისა და მიმართულების სახალისო და მიმზიდველი ფორმით წარმოჩენას ნებისმიერი ასაკის ადამიანისთვის. მოსწავლეებმა მოინახულეს მეცნიერების სხვადასხვა დარგის 65 პავილიონი, გაეცვნენ ახალგაზრდა გამომგონებლების ნამუშევრებს და თავად მიიღეს მონაწილეობა ექსპერიმენტებში. ვიზიტი განხორციელდა პროგრამა „მომავლის თაობის" ფარგლებში. სრულად... წყარო: ორგანიზაციის ვებ-გვერდი სოციალურ ქსელში

აჭარა. 23 სექტემბერს, ბათუმის შოთა რუსთაველის სახელობის სახლემწიფო უნივერსიტეტში სემინარი ჩატარდა. ახალგაზრდებში საარჩევნო კულტურის განვითარება, სამოქალაქო ცნობირების ამაღლება და მეტი ინფორმირებულობა - ამ საკითხებზე „სოციალური დაცვის ლიგის" წარმომადგენლები უნივერსიტეტის სტუდენტური თვითმმართველობის წევრებს ესაუბრნენ. შეხვედრაზე საუბარი შეეხო შეზღუდული შესაძლებლობების მქონე პირებისთვის ადაპტირებული საარჩევნო გარემოს შექმნასაც. ასევე, განხილულ იქნა საზოგადოების დამოკიდებულება არჩევნების მიმართ, სამოქალაქო პასუხისმგებლობის დაბალი დონის გამომწვევი მიზეზები და სხვა. მსგავსი შინაარსის შეხვედრებს, ორგანიზაცია „სოციალური დაცვის ლიგა” საქართველოს 8 რეგიონში ჩაატარებს.

სამეგრელო. 22 სექტემბერს, ასოციაცია „ათინათში" დაიწყო ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამა. პროექტი დაფინანსებულია აშშ-ის საერთაშორისო განვითარების სააგენტოს (USAID) მიერ, რომელსაც ახორციელებს საქართველოს გაეროს ასოციაცია (UNAG). პროგრამის მიზანია ეროვნული ინტეგრაციის გაძლიერება საქართველოში. კერძოდ, არასამთავრობო ორგანიზაციების გაძლიერება სამოქალაქო ჩართულობისა და მრავალფეროვნების მართვის მიმართულებებით, სხვადასხვა რეგიონების ახალგაზრდებს შორის ურთიერთობისა და თანამშრომლობის ხელშეწყობა... შეხვედრაზე შეკრებილმა ახალგაზრდებმა მიიღეს ინფორმაცია და სამომავლო გეგმები შეიმუშავეს. სრულად... წყარო: ორგანიზაციის ვებ-გვერდი სოციალურ ქსელში

იმერეთი. სამოქალაქო განათლების პროგრამის „მომავლის თაობა" ფარგლებში, ჩატარდა ტრენინგი: „როგორ ჩავატაროთ სკოლის თვითმმართველობის არჩევნები". ტრენინგს პროგრამის სამიზნე სკოლების სამოქალაქო კლუბების წევრები ესწრებოდნენ. მონაწილეები თავიანთ სკოლებში თვითმმართველობის არჩევნებს გაუწევენ ორგანიზებას. სრულად... წყარო: ორგანიზაციის ვებ-გვერდი სოციალურ ქსელში

შიდა ქართლი. 19 სექტემბერს, გორის სახელმწიფო სასწავლო უნივერსიტეტში პროექტ „უცნობი საბჭოთა ისტორიების" პრეზენტაცია გაიმართა. საინფორმაციო შეხვედრაზე დაინტერესებულ ახალგაზრდებს „თანამშრომლობა მშვიდობისა და პროგრესისთვის" წევრებმა პროექტში მონაწილეობის წესები გააცნეს. კერძოდ, გამოცხადდა კონკურსი, რომელიც გულისხმობს საინტერესო რესპოდენტების გამოკითხვასა და ზეპირი ისტორიების ჩაწერას. პროექტი ხორციელდება ჰაინრიჰ ბიოლის ფონდის სამხრეთ კავკასიის რეგიონული ბიუროს მხარდაჭერით. სრულად... წყარო: ორგანიზაციის ვებ-გვერდი სოციალურ ქსელში

თბილისი. საქართველოს ახალგაზრდა ეკონომისტთა ასოციაცია კვლევის ანგარიშს აქვეყნებს – „ახალგაზრდების სამეწარმეო შესაძლებლობები და საჭიროებები რეგიონებში". მისი მიზანია ახალგაზრდების სამეწარმეო შესაძლებლობების შეფასება, მათი საჭიროებების გამოვლენა და რეკომენდაციების შემუშავება. კვლევა ჩატარდა პროექტის „ახალგაზრდების სამეწარმეო შესაძლებლობების მხარდაჭერა საქართველოში" ფარგლებში, ბიზნეს საკონსულტაციო ქსელი საქართველოსა და ჰარჯუს ეკონომიკური განვითარების ცენტრის პარტნიორობით. პროექტი დაფინანსებულია ესტონეთის საგარეო საქმეთა სამინისტროსა და ამერიკის შეერთებული შტატების მთავრობის მიერ. სრულად... წყარო: economists.ge

ქვემო ქართლი. 17 სექტემბერს, სიქას ახალგაზრდა წარმომადგენელმა და გერმანელმა მოხალისემ აზერბაიჯანელი მოსწავლეებისათვის ჩაატარეს ტრენინგი „როგორ მოვიქცეთ სტიქიური მოვლენების დროს". ტრენინგის დასასრულს, მონაწილეებისთვის მოეწყო სახალისო ვიქტორინა, ტრენინგზე მიღებული ცოდნის გამოყენების შესაძლებლობა. ტრენინგი ჩატარდა სამოქალაქო განათლების პროგრამა "მომავლის თაობა" ფარგლებში. სრულად... წყარო: ორგანიზაციის ვებ-გვერდი სოციალურ ქსელში

თბილისი. საქართველოში, შესაძლოა 16-დან 18 წლამდე პირთა ქორწინებისთვის სასამართლო ნებართვა გახდეს საჭირო. ადრეულ ასაკში ქორწინების პრევენციისა და 18 წლამდე პირთა ქორწინებაზე თანხმობის წესის ცვლილების თაობაზე, სახალხო დამცველმა პარლამენტს საკანონმდებლო წინადადებით მიმართა. „ამ ინიციატივით, სახალხო დამცველმა გაიზიარა ქალთა მიმართ დისკრიმინაციის ყველა ფორმის აღმოფხვრის (CEDAW) კომიტეტის რეკომენდაცია, რომელიც საქართველოს სახელმწიფოს სწორედ ამგვარი ცვლილების განხორციელებისკენ მოუწოდებს. კომიტეტმა საბოლოოდ წინადადებას მხარი დაუჭირა და მის საკანონმდებლო ინიციატივად ქცევაზე დაიწყო მუშაობა", ნათქვამია ორგანიზაციის განცხადებაში. სრულად... წყარო: www.ginsc.net

თბილისი. საერთაშორისო საზაფხულო სკოლა „სოციალური მეწარმეობა და სოციალური ინოვაციები" ოფიციალურად დაიხურა. პროექტი ბავშვთა და ახალგაზრდობის ფონდის დაფინასებით საერთაშორისო ორგანიზაცია „oikos Tbilisi"-მა განახორციელა. საზაფხულო სკოლაში მონაწილეობა მიიღო 30-მდე ქართველმა და უცხოელმა წარმატებულმა სტუდენტმა. პროექტი ითვალისწინებდა ქართველი და უცხოელი ახალგაზრდების ინფორმირებას, ცნობიერების ამაღლებასა და ჩართულობის გაზრდას სოციალური მეწარმეობის სფეროში, ასევე სვანეთის ეკონომიკური მოდელის შემუშავებასა და მცირე სამეწარმეო ბიზნეს იდეების დამუშავებას. სრულად... წყარო: ორგანიზაციის ვებ-გვერდი სოციალურ ქსელში

აჭარა. ახალგაზრდა იურისტთა ასოციაციისა და ცენტრალური საარჩევნო კომისიის პარტნიორობით, ბათუმში, ჩატარდა ტრენინგი გენდერსა და უმცირესობების უფლებებზე. „ახალი თაობის ხედვა" ევრო საბჭოს ფინანსური მხარდაჭერით, ხორციელდება. პროექტის ფარგლებში ადგილობრივი დემოკრატიის სააგენტო საქართველოს მიერ შერჩეულ იქნა 10-10 აქტიური გოგონა ქალაქ ქუთაისში, ზუგდიდსა და ბათუმში. შერჩეულმა მონაწილეებმა წარმატებით გაიარეს ცენტრალური საარჩევნო კომისიის „საარჩევნო განვითრების სკოლა 2015". ტრენინგი თანაბრად იყო დატვირთული როგორც თეორიული მასალით, ასევე პრაქტიკული სავარჯიშოებით. სრულად... წყარო: ორგანიზაციის ვებ-გვერდი სოციალურ ქსელში

თბილისი. 2 სექტემბერს საქართველოს ახალგაზრდული ევროატლანტიკური კოალიციის წარმომადგენლები ნატოსა და ევროკავშირის შესახებ საინფორმაციო ცენტრის წარმომადგენლებს შეხვდნენ. კოალიციის მიზანია ახალგაზრდების ჩართულობის გაზრდა ქვეყნის ევროატლანტიკური ინტეგრაციის პროცესში და ამ პროცესის ხელშეწყობა. შეხვედრაზე დაიგეგმა საინფორმაციო ცენტრთან უახლოეს მომავალში ერთობლივი პროექტების განხორციელება. წყარო: კოალიციის ვებგვერდი სოციალურ ქსელში