თბილისი. 26 სექტემბერს, საზოგადოებრივი დამცველის, ადამიანის უფლებათა ცენტრის, საერთო სამოქალაქო მოძრაობა „მრავალეროვანი საქართველოსა" და სამოქალაქო კულტურის საერთაშორისო ცენტრის ხელმძღვანელები, ეუთო-ს სადამკვირვებლო მისიის ანალიტიკოსს საარჩევნო საკითხებში ვანია ანგუელოვას შეხვდნენ. შეხვედრა საზოგადოებრივი დამცველის ინიციატივით, ადამიანის უფლებათა ცენტრის ოფისში ჩატარდა. შეხვედრისას არასამთავრობო ორგანიზაციებმა ეუთო-ს წარმომადგენელს სრული ინფორმაცია მიაწოდეს თავიანთ საარჩევნო პროექტებზე და დღეისთვის არსებული საარჩევნო გარემოს შესახებ. მხარეებმა წინასაარჩევნო გარემოს შესახებ გაცვალეს ფაქტობრივი ინფორმაცია, რომელიც გრძელვადიანი მონიტორინგის შედეგებზეა დაფუძნებული. საუბარი შეეხო ეთნიკური უმცირესობებისა და კომპაქტურ დასახლებებში მცხოვრები იძულებით გადაადგილებული პირების საარჩევნო პროცესებში ჩართულობის საკითხებს, რასაც მოიცავს არასამთავრობო ორგანიზაციების პროექტები და აქტივობები. მნიშვნელოვანი განხილვის საგანი გახლდათ ოკუპირებულ ტერიტორიებზე მცხოვრები საქართველოს მოქალაქეების მდგომარეობა არჩევნების დღისთვის და ის პრობლემები, რაც მათ შეიძლება შეექმნათ ხმის მიცემისას. ეუთოს სადამკვირვებლო მისიის და აღნიშნული არასამთავრობო ორგანიზაციების წარმომადგენლები გააგრძელებენ კოორდინაციას, როგორც არჩევნების დღეს, ისე შემდეგ პერიოდში. წყარო: საზოგადოებრივი დამცველი

თბილისი. საერთაშორისო გამჭვირვალობა საქართველო აქვეყნებს ახალ ბლოგს: „ნეპოტიზმის სავარაუდო ფაქტები GNCC–ის მომხმარებელთა ინტერესების საზოგადოებრივი დამცველის სამსახურში". ორგანიზაციამ ინფორმაცია გამოითხოვა კომუნიკაციების ეროვნული კომისიისგან, რომლის თანახმად „კომისიასთან არსებულმა მომხმარებელთა ინტერესების საზოგადოებრივი დამცველის სამსახურმა 2015 წელს შრომის ანაზღაურების სახით  335,095 ლარი, ხოლო პრემიის სახით 70,978 ლარი მიიღო. 2014 წლის ანალოგიურ მონაცემებთან შედარებით, 2015 წელს აპარატმა ანაზღაურებაზე 150 ათასი ლარით მეტი დახარჯა მიუხედავად იმისა, რომ აპარატმა პრემიებზე 6,561 ლარი დაზოგა". სრულად... წყარო: transparency.ge

თბილისი. ინფორმაციის თავისუფლების განვითარების ინსტიტუტის სიგელი გადაეცა ყველა იმ უწყებას, რომელმაც საჯარო ინფორმაციის ხელმისაწვდომობის 100%-იანი მაჩვენებელი აჩვენა. სულ დაჯილდოვდა 55 საჯარო დაწესებულება, მათ შორის: საქართველოს პარლამენტის აპარატი. „2016 წელს საჯარო ინფორმაციის ხელმისაწვდომობის შეზღუდვისთვის დაწესებულებების რეკორდულად მაღალი რაოდენობა (25) დაფიქსირდა. ყველაზე დახურულ საჯარო დაწესებულებად დასახელდა მთლიანად იუსტიციის სამინისტროს სისტემა. წელს იუსტიციის სამინისტროს სისტემაში შემავალ 12 უწყებას გაეგზავნა 346 მოთხოვნა, საიდანაც პასუხი არც ერთ მოთხოვნაზე არ მიგვიღია," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია 2016 წლის არჩევნებზე საინფორმაციო ბიულეტენს აქვეყნებს. „საიასათვის სხვადასხვა წყაროებიდან მიღებული ინფორმაციის თანახმად, პოლიტიკური პარტიების წარმომადგენლები აწარმოებენ ამომრჩეველთა პირადი მონაცემების (სახელი, გვარი, პირადი ნომერი) აღრიცხვას, თუმცა ისინი არ განმარტავენ აღნიშნული მონაცემების შეგროვების მიზანს. განსაკუთრებით მნიშვნელოვანია ის ფაქტი, რომ აღნიშნული პირების სამიზნე ჯგუფებს წარმოადგენენ სოციალურად დაუცველი, ეთნიკური უმცირესობების წარმომადგენელი და დევნილი მოქალაქეები. აღსანიშნავია, რომ სახელი, გვარი და პირადი ნომერი პირის პერსონალურ ინფორმაციას წარმოადგენს და მისი დამუშავება დასაშვებია, თუ არსებობს მონაცემთა სუბიექტის თანხმობა", ნათქვამია ორგანიზაციის ვებ-გვერდზე. სრულად... წყარო: www.gyla.ge

თბილისი. სამართლიანი არჩევნებისა და დემოკრატიის საერთაშორისო საზოგადოება (ISFED) ეხმაურება ბათუმის მუნიციპალიტეტის ბიუჯეტის 2 მილიონი ლარით გაზრდას. „...წინასაარჩევნოდ ბათუმის მერიის აღნიშნული ინიციატივა არღვევს საარჩევნო კოდექსით დადგენილ აკრძალვებს და მიმართულია ადმინისტრაციული რესურსის გამოყენებისკენ," ნათქვამია ორგანიზაციის ვებ-გვერდზე. სრულად... წყარო: www.isfed.ge

შიდა ქართლი. 24 სექტემბერს, „საზოგადოებრივმა დამცველმა” „2016 წლის საპარლამენტო არჩევნების დაკვირვება, შიდა ქართლის, მცხეთა-მთიანეთის და თბილისის დევნილთა ჩასახლებებში და კონფლიქტისპირა სოფლებში” პროექტის ფარგლებში, დამკვირვებელთათვის ტრენინგი გამართა. „აღნიშნული პროექტი ხორციელდება „ფონდი ღია საზოგადოება საქართველოს” მხარდაჭერით და მიზნად ისახავს წინასაარჩევნო, არჩევნების დღის და არჩევების შემდგომი პერიოდის მონიტორინგს”, ნათქმია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 22 სექტემბერს, საერთაშორისო გამჭვირვალობა - საქართველომ წარადგინა მედიასივრცის შეფასება 2012 წლის საპარლამენტო არჩევნებიდან დღემდე. „2012 წლიდან დღემდე ქართული მედიასივრცე უფრო პლურალისტური გახდა, რასაც სხვადასხვა საერთაშორისო რეიტინგებში ცვლილებებიც მიუთითებს. 2015 წლის ზაფხულში საქართველო მთლიანად ციფრულ მაუწყებლობაზე გადავიდა რაც უდაოდ პოზიტიური მოვლენაა ქართული მედია გარემოსთვის. ბოლო ოთხი წლის მანძილზე საქართველოს მაჩვენებელი მედიის თავისუფლების რეიტინგებში გაუმჯობესდა. 2015 წელს მაუწყებელთა სარეკლამო შემოსავლებმა მნიშვნელოვნად იკლო. თუმცა, 2012 წლამდე პერიოდისგან განსხვავებით სახელმწიფო არ ერევა სარეკლამო ბაზარში და ის ნაკლებად მონოპოლიზებულია," ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ბლოგპოსტს: „შეზღუდული შესაძლებლობის მქონე პირთა უფლებების რეალიზების ხედვა პოლიტიკური პარტიების წინასაარჩევნო პროგრამებში". „დასახელებული პარტიების წინასაარჩევნო პროგრამები გარკვეულწილად მიემართება შეზღუდული შესაძლებლობის მქონე პირთა უფლებების დაცვის საკითხს, რაც დეტალურად ქვემოთ იქნება წარმოდგენილი. თუმცა, აღსანიშნავია, რომ ამგვარ ხედვას საერთოდ არ მოიცავს პარტია „საქართველოს პატრიოტთა ალიანსის" წინასაარჩევნო პროგრამა," ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. საერთაშორისო გამჭვირვალობა - საქართველო აქვეყნებს ბლოგპოსტს: „მუნიციპალური SMS-ები მმართველი პარტიის სამსახურში". „განხორციელებული პროექტების შესახებ ინფორმაციის მიწოდება მაშინ, როდესაც არჩევნებამდე სულ ცოტა დრო არის დარჩენილი, შეიძლება აღქმული იქნას, როგორც მმართველი პარტიის სასარგებლოდ ამომრჩეველზე პირდაპირი გავლენის მცდელობა; მიუხედავად იმისა, რომ აღნიშნულ მოკლე ტექსტურ შეტყობინებებში არ არის მოწოდება მმართველი პარტიის სასარგებლოდ, ცხადია, რომ მოქმედი ხელისუფლების მიერ განხორციელებულ პროექტებზე საუბარი ირიბად მაინც ადმინისტრაციული რესურსის გამოყენების ნიშნებს შეიცავს, მითუმეტეს, რომ მუნიციპალიტეტების უმრავლესობაში მსგავსი სერვისის გამოყენება მხოლოდ ახლა, წინასაარჩევნო პერიოდის დასასრულს დაიწყეს," ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. ჰაინრიჰ ბიოლის ფონდი საზოგადოებას ახალ ინიციატივას სთავაზობს – „იკითხეთ პოლიტიკა", რომლის მიზანია საზოგადოებაში პოლიტიკური კითხვის კულტურის ამაღლება და ხელშეწყობა. საწყის ეტაპზე ფონდის მხარდაჭერით, საზოგადოებას საშუალება ეძლევა  2016 წლის საპარლამენტო არჩევნებში მონაწილე სუბიექტების საარჩევნო პროგრამის, გენდერულ ჭრილში, მონიტორინგს და პარტიების წარმომადგენლებთან ინტერვიუებს გაეცნოს. სრულად... წყარო: ბიოლის ფონდის ვებგვერდი სოციალურ ქსელში

თბილისი. „საერთაშორისო გამჭვირვალობა - საქართველო" აქვეყნებს ანგარიშს, რომელიც მართლმსაჯულების სისტემაში უკანასკნელი ოთხი წლის განმავლობაში დაგეგმილ და განხორცილებულ მნიშვნელოვან ცვლილებებს აფასებს. ანგარიში ასახავს როგორც დადებით ისე უარყოფით ტენდენციებს. სრულად... წყარო: www.transparency.ge

თბილისი. 2016 წლის ივლისიდან დაიწყო ახალი პროექტი - ინფორმირებული ამომრჩეველი საარჩევნო ანგარიშვალდებულების გასაუმჯობესებლად. „პროექტს ახორციელებს ეკონომიკური პოლიტიკის კვლევის ცენტრი (EPRC), საქართველოში აშშ საელჩოს მცირე გრანტების პროგრამის ფარგლებში. პროექტის ძირითად მიზანს წარმოადგენს საქართველოს დემოკრატიული სისტემის გამჭვირვალობისა და ეფექტურობის გაუმჯობესება, საზოგადოებისთვის დროული და პროფესიული შეფასების მიწოდება წინასაარჩევნო დაპირებების და შეთავაზებების შესახებ," ნათქვამია ორგანიზაციის ვებ-გვერდზე. სრულად... წყარო: www.econpolicyfact.ge

თბილისი. „საერთაშორისო გამჭვირვალობა - საქართველო" „ეროვნული ფორუმის" მიერ სოციალურ ქსელში გავრცელებულ საარჩევნო კამპანიას ეხმაურება. „სოციალურ ქსელში გავრცელდა „ეროვნული ფორუმის” ფოთის მაჟორიტარი დეპუტატობის კანდიდატის ოთარ ხარჩილავას „ახალგაზრდული ფრთის” განცხადება, რომლითაც პარტია იწვევს 17-დან 30 წლამდე ფოთელ ახალგაზრდებს სხვადასხვა სახის გასართობ ღონისძიებებში (ექსკურსია, კარაოკე, ფოტოსესია და სხვა) მონაწილეობის მისაღებად. მიგვაჩნია, რომ აღნიშნული ქმედება შეიცავს ამომრჩევლის მოსყიდვის ნიშნებს. მივმართავთ საქართველოს აუდიტის სამსახურსა და საქართველოს მთავარ პროკურატურას, შეისწავლოს აღნიშნული შემთხვევა და საჭიროების შემთხვევაში მიიღოს კანონით გათვალისწინებული ზომები," ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. „ახალგაზრდა ადვოკატები" მონიტორინგის შედეგებს აქვეყნებს, რომელიც საქართველოს მთავრობის ორ უწყებაში გაცემული პრემიების, დანამატებისა და სამივლინებო ხარჯვითი ნაწილის საკითხს ეხება. „ორგანიზაციის მიერ შესწავლილი მასალის თანახმად, შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატმა 2016 წლის პირველი 7 თვის მონაცემებით, პრემიების, დანამატებისა და სამივლინებო ხარჯის სახით, სულ დახარჯა: 146,267,08 ლარი. ... გაცილებით კოლოსალურია საქართველოს თავდაცვის სამინისტროს პრემიების, დანამატებისა და სამივლინებო ხარჯები," ნათქვამია ორგანიზაციის ვებ-გვერდზე. სრულად... წყარო: www.barristers.ge

თბილისი. 9 სექტემბერს, სასტუმრო „რედისონ ბლუ ივერიაში" 2016 წლის საპარლამენტო არჩევნების მედიამონიტორინგის შუალედური შედეგების პრეზენტაცია გაიმართა. „ანგარიშის მიხედვით სახელისუფლებო შტოებისა და პოლიტიკური სუბიექტების მედიით გაშუქების მხრივ არსებული მდგომარეობა წინა წლებთან შედარებით გაუმჯობესებულია. მონიტორინგი სამმა არასამთავრობო ორგანიზაციამ, საქართველოს ჟურნალისტიკის ეთიკის ქარტიამ, „ინტერნიუს – საქართველომ" და სამოქალაქო განვითარების ინსტიტუტმა (CDI) ჩაატარა," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. 13 სექტემბერს, „კონსტიტუციის 42-ე მუხლმა" 13-14 ივნისის თბილისის სტიქიის სალიკვიდაციო სამუშაოების ანგარიშის პრეზენტაცია გამართა. „ანგარიშის პრეზენტაცია 13 ივნისის თბილისის სტიქიის შემდგომ განხორციელებულ სალიკვიდაციო სამუშაოებსა და მობილიზებული თანხების მონიტორინგს მიეძღვნა," ნათქვამია როგანიზაცის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. „ახალგაზრდა ადვოკატები" უმაღლეს სასწავლებლებში სტატუსშეჩერებული სტუდენტების საკითხზე მოკვლევის შედეგებს აქვეყნებს. 2016 წლის აგვისტოს მდგომარეობით, საქართველოს 35 841 სტატუსშეჩერებული სტუდენტი ჰყავს. „მარიამ ფირცხალაიშვილის განცხადებით, საქართველოში მოქმედი 75 ავტორიზებული უმაღლესი სასწავლებელში სტატუსშეჩერებული სტუდენტების რაოდენობა ჯამში 35 841 სტუდენტს შეადგენს. ორგანიზაციის მიერ 2014 წლის ანალოგიურ კვლევასთან მიმართებით, სტატუსშეჩერებული სტუდენტების მდგომარეობა უკიდურესად გაზრდილია. საერთო შეფასებით, წარმოდგენილი მონაცემი ცხადყოფს, რომ 2013 წლიდან 2016 წლის მდგომარეობით, სტატუსშეჩერებიული სტუდენტთა რაოდენობა გაიზარდა 7 786-ით, რაც პრობლემის არსებობას და მისი გადაჭრის სწრაფ მოქმედებაზე მიუთითებს," ნათქვამია ორგანიზაციის ვებ-გვერდზე. სრულად... წყარო: barristers.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ბლოგპოსტს: „მართლმსაჯულების საკითხები პოლიტიკური პარტიების პროგრამებში". „პარტიების პროგრამების ანალიზის საფუძველზე, ზოგადი შეფასების სახით უნდა ითქვას, რომ საკმარისი ძალისხმევა არ არის გაწეული სასამართლოში დღეს არსებული ვითარების და იმ პოლიტიკურ-სამართლებრივი რეალობის ანალიზისთვის, რომელიც თვისობრივად განსხვავებული და კომპლექსურია. ამდენად, გეგმების დიდი ნაწილი ძირითადად ზოგადი ხასიათისაა, ზოგიერთ შემთხვევაში კი არაგონივრულად რადიკალური და სისტემურ გააზრებას მოკლებული ნაბიჯებია შემოთავაზებული," ნათქვამია სტატიაში. სრულად... წყარო: emc.org.ge

თბილისი. „საერთაშორისო გამჭვირვალობა - საქართველო" აგრძელებს თანამდებობის პირთა ქონებრივი დეკლარაციების მონიტორინგს. ხშირია შემთხვევები, როცა სხვადასხვა სახელისუფლებო შტოს წარმომადგენლებს დეკლარაციებში არასრული ან არაზუსტი ინფორმაცია შეაქვთ, არ ასაჯაროებენ საკუთარ ბიზნესინტერესებსა და სამეწარმეო საქმიანობაში მონაწილეობის შემთხვევებს, რაც კორუფციულ რისკებთან არის დაკავშირებული. ამავე დროს, არ არსებობს ქონებრივი დეკლარაციების გადამოწმების მექანიზმი, რაც ხელს უწყობს ამ მავნე პრაქტიკის შენარჩუნებას. 2015-2016 წლების ქონებრივი მდგომარეობის დეკლარაციების ნაწილის ანალიზმა აჩვენა, რომ ასეთ დარღვევებს კვლავაც ვხვდებით როგორც ცენტრალური, ისე ადგილობრივი ხელისუფლების დონეებზე," ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. 9 სექტემბერს, 18-მა არასამთავრობო ორგანიზაციამ ფინანსური გამჭვირვალობის დეკლარაციას მოაწერა ხელი. „ხელმომწერი ორგანიზაციები იღებენ ვალდებულებას პროაქტიულად გამოაქვეყნონ ინფორმაცია მათი ორგანიზაციების შემოსავლების და დაფინანსების წყაროების, ასევე მიმდინარე საქმიანობების/პროექტების შესახებ. ინფორმაცია უკვე განთავსებულია ვებგვერდზე დაინტერესებული ორგანიზაციები, ვისაც სურვილი აქვთ გამოაქვეყნონ ანალოგიური ინფორმაცია ვებგვერდზე და შეუერთდნენ გამჭვირვალობის დეკლარაციას, უნდა დაუკავშირდნენ სიდა-ს (CiDA) წარმომადგენელს," ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. „საერთაშორისო გამჭვირვალობა - საქართველო" პერიოდულად აქვეყნებს ინფორმაციას ადგილობრივ თვითმმართველობებში ქალთა წარმომადგენლობის შესახებ. ამჯერად, ორგანიზაცია კახეთის რეგიონში არსებული ვითარებით დაინტერესდა და კვლევის შედეგები გაასაჯაროვა. „საერთაშორისო გამჭვირვალობა - საქართველო" მოუწოდებს ხელისუფლებას, პოლიტიკურ პარტიებს, ადგილობრივი თვითმმართველობის ორგანოებს, იზრუნონ პოლიტიკურ ცხოვრებაში ქალთა აქტიურად ჩართვაზე. სრულად... წყარო: www.transparency.ge

თბილისი. არასამთავრობო ორგანიზაციები ტელეკომპანია GDS-ზე გასულ გადაცემათა ციკლს განცხადებით ეხმაურებიან. „ვინაიდან გადაცემა ოფიციალური წინასაარჩევნო რეკლამის სტატუსით არ გადის, ეს ქმედება შესაძლოა წარმოადგენდეს „მოქალაქეთა პოლიტიკური გაერთიანებების შესახებ" ორგანული კანონის 25-ე მუხლის მე-2 პუნქტის გათვალისწინებული იურიდიული პირისგან უსასყიდლოდ ან ფასდაკლებით მიღებული მომსახურებას, რაც იმავე ნორმის თანახმად შემოწირულებად ითვლება. აქედან გამომდინარე, მიგვაჩნია, რომ თითოეული გადაცემა ტელეკომპანია GDS-ის მხრიდან „ქართული ოცნება - დემოკრატიული საქართველოს" სასარგებლო განხორციელებულ შემოწირულებად უნდა ჩაითვალოს. ასევე, მიგვაჩნია, რომ აღნიშნული სატელევიზიო ფორმატი წინასაარჩევნო პერიოდში უგულებელყოფს საქართველოს კომუნიკაციების ეროვნული კომისიის მიერ დამტკიცებულ „საქართველოს მაუწყებელთა ქცევის კოდექსის” რამდენიმე პრინციპს," ნათქვამია ორგანიზაციის ვებ-გვერდზე. სრულად... წყარო: www.transparency.ge