თბილისი. 6 სექტემბერს, ომბუდსმენთან არსებული შეზღუდული შესაძლებლობის მქონე პირთა უფლებების კონვენციის პოპულარიზაციის, დაცვისა და იმპლემენტაციის მონიტორინგის საკონსულტაციო საბჭოს მეშვიდე სხდომა გაიმართა. „უჩა ნანუაშვილმა აღნიშნა, რომ სამუშაო შეხვედრის მსგავსი ფორმატი მიზნად ისახავს დაინტერესებული საზოგადოების ინფორმირებას საკონსულტაციო საბჭოს საქმიანობის შესახებ, ასევე მათი ჩართულობის უზრუნველყოფას მიმდინარე პროცესებში. სხდომაზე ისაუბრეს შეზღუდული შესაძლებლობის მქონე პირთა უფლებების კონვენციის პოპულარიზაციის, დაცვისა და იმპლემენტაციის მონიტორინგის მიზნით შესრულებულ/დაგეგმილ ღონისძიებებზე, მოისმინეს საბჭოს მოწვეულ წევრთა მოხსენებები საბჭოს საქმიანობაში მათი მონაწილეობის შესახებ," ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. „ადამიანის უფლებების სწავლებისა და მონიტორინგის ცენტრმა (EMC)” გამართა კვლევის პრეზენტაცია, რომელიც მიმოიხილავს პოლიციის სისტემაში პოლიტიკური ნეიტრალიტეტის დაცვის მდგომარეობას. „კვლევა სამნაწილიანია და მასში განხილულია: 1) შინაგან საქმეთა სამინისტროში არსებული საკადრო პოლიტიკა და მასთან დაკავშირებული რეგულირებები, 2) საპოლიციო პრაქტიკა და კონკრეტულ საქმეებში გამოვლენილი პრობლემური საპოლიციო ინსტრუმენტები, 3) სამინისტროს ხელმძღვანელების საჯარო გამოსვლების კრიტიკული ანალიზი," ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. საერთაშორისო გამჭვირვალობა - საქართველო აქვეყნებს ბლოგპოსტს: „2014-2016 წლებში სამეგრელო-ზემო სვანეთში რელიგიური ორგანიზაციებისათვის გადაცემული ქონება და თანხები." ორგანიზაცია პერიოდულად აქვეყნებს ინფორმაციას სახელმწიფო და ადგილობრივი თვითმმართველობის ბიუჯეტიდან რელიგიური ორგანიზაციების დაფინანსების, მათთან დაკავშირებული ბიზნესკომპანიებისა და მათთვის გადაცემული ქონების შესახებ. „ამჯერად წარმოგიდგენთ ინფორმაციას, თუ რა მოცულობის თანხა მიიღეს რელიგიურმა ორგანიზაციებმა სამეგრელო-ზემო სვანეთის რეგიონში მუნიციპალიტეტებისაგან და ასევე, რა სახის ქონება გადაეცათ სახელმწიფო ქონების ეროვნული სააგენტოდან," ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. სამართლიანი არჩევნებისა და დემოკრატიის საერთაშორისო საზოგადოება (ISFED) ამომრჩევლის სავარაუდო მოსყიდვის ფაქტის შესწავლას მოითხოვს. „„სამართლიან არჩევნებს" მიაჩნია, რომ სოციალურად შეჭირვებული ადამიანების მდგომარეობის საარჩევნო მიზნებისთვის გამოყენება და ამომრჩევლის მოსყიდვა ჯანსაღი საარჩევნო გარემოსთვის საფრთხის შემცველი ქმედებაა, რაზეც კომპეტენტურმა უწყებებმა სათანადო რეაგირება უნდა მოახდინონ," ნათქვამია ორგანიზაციის ვებ-გვერდზე. სრულად... წყარო: www.isfed.ge

თბილისი. 19-22 აგვისტოს, „საზოგადოებრივმა დამცველმა", წინასაარჩევნო პერიოდის მონიტორინგის ფარგლებში, საუბნო საარჩევნო კომისიის წევრთა არჩევის (ე.წ. პროფესიული ნიშნით დაკომპლექტება) პროცესის მონიტორინგი განახორციელა. გრძელვადიანი დამკვირვებლების შეფასებით იმ საოლქო საარჩევნო კომისიებში, სადაც საზოგადოებრივი დამცველის წარმომადგენლები იმყოფებოდნენ და განახორციელეს მონიტორინგი საარჩევნო ადმინისტრაციის მიერ საუბნო საარჩევნო კომისიის წევრთა არჩევასთან დაკავშირებით, პროცესი გამჭვირვალედ და დარღვევების გარეშე წარიმართა. არასამთავრობო ორგანიზაცია საზოგადოებრივი დამცველი, პარლამენტის არჩევნებისათვის ადგილობრივ დამკვირვებელ ორგანიზაციად ცესკომ 30 ივლისს დაარეგისტრირა. ორგანიზაცია სადამკვირვებლო მისიას განახორციელებს მთელი ქვეყნის მასშტაბით, ყველა დონის საარჩევნო კომისიაში. გრძელვადიანი და მოკლევადიანი დამკვირვებლები აქტიურად დააკვირდებიან წინასაარჩევნო პერიოდს, კენჭისყრის დღეს და არჩევნების შემდგომ პერიოდს. თუ ფლობთ ინფორმაციას წინასაარჩევნო დარღვევების, საარჩევნო მიზნებისთვის ამომრჩევლის მოსყიდვის შემთხვევის, მოქალაქეთა საარჩევნო უფლებების დარღვევის, საარჩევნო კანონმდებლობის ნებისმიერი დარღვევის შესახებ გთხოვთ გვაცნობოთ ელ-ფოსტაზე: election.advocacy@yahoo.com ან დაგვიკავშირდით ტელეფონზე: (+995)32 2969120 წყარო: ორგანიზაციის ვებ-გვერდი სოციალურ ქსელში

თბილისი. 22 აგვისტოს, საქართველოს ახალგაზრდა იურისტთა ასოციაციამ (საია) გაეროს ქალთა დისკრიმინაციის აღმოფხვრის კომიტეტს ალტერნატიული ანგარიში წარუდგინა. ანგარიში ეხება 2014 წლის ივლისში კომიტეტის მიერ საქართველოსთვის მიცემული რეკომენდაციების შესრულებას ქალთა მიმართ ძალადობის საკითხზე. „ანგარიში მოიცავს ქალთა მიმართ ძალადობის, მათ შორის სექსუალური ძალადობის თაობაზე როგორც კანონმდებლობაში ასევე პრაქტიკაში არსებული სიტუაციის შეფასებას და ამ მიმართულებით არსებულ ხარვეზებს. ანგარიშში შეფასებულია სახელმწიფოს პოლიტიკა ქალთა მიმართ ძალადობისა და ფემიციდის საქმეებში, ასევე ბავშვთა ქორწინების, როგორც ქალთა მიმართ ძალადობის ერთ-ერთ ფორმის, წინააღმდეგ. ანგარიში ასევე აანალიზებს ნარკოტიკების მომხმარებელ და სექს-მუშაკ ქალთა მიმართ ძალადობას და მათთვის მართლმსაჯულების ხელმისაწვდომობას, რაც თანადგომასა და აკესოსთან თანამშრომლობით ჩატარებული ფოკუს-ჯგუფების მეშვეობით შეფასდა," ნათქვამია ორგანიზაციის ვებ-გვერდზე. სრულად... წყარო: gyla.ge

თბილისი. სახალხო დამცველი არჩევნების საკითხებზე მომუშავე ორგანიზაციებს შეხვდა და საარჩევნო პერიოდში ადამიანის უფლებათა დარღვევის ფაქტების მონიტორინგის შესახებ პროექტი წარუდგინა. „ფონდ „ღია საზოგადოება საქართველოს" მხარდაჭერით განხორციელებული პროექტის მიხედვით სახალხო დამცველის აპარატის 8 რეგიონულ ოფისში რეაგირების 26 ჯგუფი იმუშავებს, დაინიშნება 8 სასამართლო მონიტორი და ამდენივე რეგიონული კოორდინატორი," ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. სამართლიანი არჩევნებისა და დემოკრატიის საერთაშორისო საზოგადოება საქართველოს პარლამენტისა და აჭარის ა/რ უმაღლესი საბჭოს 2016 წლის 8 ოქტომბრის არჩევნების წინასაარჩევნო პერიოდის მონიტორინგს 1 ივლისიდან ახორციელებს. „საარჩევნო კამპანიის გააქტიურებასთან ერთად, საანგარიშო პერიოდში მნიშვნელოვნად მოიმატა დარღვევებმა, რომლებზეც სახელმწიფოს შესაბამისი უწყებების მხრიდან არასათანადო რეაგირება საფრთხის შემცველია თავისუფალი და სამართლიანი საარჩევნო გარემოსთვის," ნათქვამია ორგანიზაციის ვებ-გვერდზე. სრულად... წყარო: isfed.ge

თბილისი. საერთაშორისო გამჭვირვალობა - საქართველო აქვეყნებს ბლოგპოსტს: „„საპარტნიორო ფონდის” საქმიანობა მეტ გამჭვირვალობას საჭიროებს". „ჩვენ მიერ შესწავლილი ინფორმაციის საფუძველზე შეგვიძლია ვთქვათ, რომ „საპარტნიორო ფონდის” მიერ განხორციელებული და მიმდინარე პროექტების უმრავლესობა აკმაყოფილებს მიზანშეწონილობისა და გამჭვირვალობის კრიტერიუმს, თუმცა არის სამი პროექტი (ხუთვარსკვლავიანი სასტუმრო Hyatt Regency, სამოქალაქო თვითმფრინავების კომპოზიტური ნაწილების ქარხანა და კომპანია სს „ჰუმანითი ჯორჯია’’), რომლებიც გარკვეულ კითხვებს აჩენს," ნათქვამია ორგანიზაციის ვებ-გვერდზე. სრულად... წყარო: transparency.ge

თბილისი. 23 აგვისტოს, „სამართლიანი არჩევნებისა და დემოკრატიის საერთაშორისო საზოგადოებამ" 2016 წლის 8 ოქტომბრის წინასაარჩევნო პერიოდის მონიტორინგის მეორე შუალედური ანგარიში გამოაქვეყნა. „საანგარიშო პერიოდში გამოვლინდა პოლიტიკური ნიშნით ზეწოლა-მუქარის 4, ფიზიკური დაპირისპირების 2, ამომრჩევლის სავარაუდო მოსყიდვის 3, არაუფლებამოსილი პირის მიერ აგიტაციაში მონაწილეობის 4, ადმინისტრაციული რესურსის გამოყენების 8, წინასაარჩევნო კამპანიისთვის ხელის შეშლის 4, სიძულვილის ენის გამოყენების 4, ადგილობრივი თვითმმართველობების მიერ სოციალური და ინფრასტრუქტურული პროექტებისთვის ბიუჯეტის ცვლილებების 7, საარჩევნო კომისიის წევრების გადაცდომის 3 ფაქტი," ნათქვამია ორგანიზაციის ვებ-გვერდზე. სრულად... წყარო: www.isfed.ge

თბილისი. საერთაშორისო გამჭვირვალობა - საქართველო აქვეყნებს ბლოგპოსტს: „სახელმწიფო აუდიტის სამსახურის ბიუჯეტის შესრულების ანგარიშის 15 მნიშვნელოვანი მიგნება". 2016 წლის 15 მაისს სახელმწიფო აუდიტის სამსახურმა ბიუჯეტის შესრულებაზე ვრცელი ანგარიში გამოაქვეყნა. ანგარიში მოიცავს 2015 წლის პროგრამული ბიუჯეტირების, შემოსავლების აღრიცხვის, გადასახდელების შესრულების, სახელმწიფო შესყიდვების და ფულის მართვის უმნიშვნელოვანეს პრობლემებს და შესაბამის რეკომენდაციებს. ბოლო წლების მანძილზე ორგანიზაცია ამ პრობლემებს არაერთხელ შეეხო პუბლიკაციაში. სრულად... წყარო: www.transparency.ge

თბილისი. გაეროს ბავშვთა ფონდი (იუნისეფი) აქვეყნებს საინფორმაციო ბიულეტენს. სრულად... წყარო: unicef.ge

თბილისი. იუსტიციის სახლში თავისუფალი და სამართლიანი არჩევნებისთვის უწყებათაშორისი კომისიის სხდომა გაიმართა, რომელსაც იუსტიციის მინისტრი თეა წულუკიანი ხელმძღვანელობდა. „უწყებათაშორისი კომისიამ 2016 წლის 8 ოქტომბრის საქართველოს პარლამენტის არჩევნების მიმდინარეობა შეაფასა და არჩევნების გამჭვირვალე და სამართლიან გარემოში ჩატარებისათვის მორიგი რეკომენდაციები გამოსცა, რომლითაც მოუწოდა ადგილობრივი თვითმმართველობის ორგანოებს, წინასაარჩევნო პერიოდში ცენტრალურ საარჩევნო კომისიაში პარტიების მიერ წარდგენილი სიების, წარმომადგენლებისა თუ დამკვირვებლების რეგისტრაციისას ხარვეზების თავიდან ასაცილებლად არჩევნების შედეგების შეჯამებამდე თავი შეიკავონ არსებული გეოგრაფიული ობიექტების, მათი კომპლექსებისა და ნაწილების სახელდებისგან," ნათქვამია ორგანიზაციის ვებ-გვერდზე. სრულად... წყარო: cdd.ge

თბილისი. ტოლერანტობისა და მრავალფეროვნების ინსტიტუტი (TDI) ამერიკის სახელმწიფო დეპარტამენტის 2015 წლის რელიგიის თავისუფლების ანგარიშს აქვეყნებს საქართველოს შესახებ. „ანგარიშში საუბარია მართლმადიდებელი ეკლესიისთვის მინიჭებულ პრივილეგიებზე, მთავრობის მიერ შექმნილი რელიგიის საკითხთა სახელმწიფო სააგენტოს გაუმჭვირვალე და არაეფექტურ საქმიანობაზე, რელიგიური მოტივით ჩადენილი სამართალდარღვევების მაღალ მაჩვენებელზე, სახელმწიფოს რელიგიურ პოლიტიკაზე, რელიგიური უმცირესობებისთვის საკულტო ნაგებობების მშენებლობისას შექმნილ დაბრკოლებებსა და საკუთრებასთან დაკავშირებულ პრობლემებზე, საჯარო სასწავლო დაწესებულებებში რელიგიური ნეიტრალობისა და სეკულარობის პრინციპების დარღვევებზე. სახელმწიფო დეპარტამენტის ანგარიშში ასახულია არასამთავრობო ორგანიზაციების შეფასებები, მათ შორის არაერთხელაა ნახსენები ტოლერანტობის და მრავალფეროვნების ინსტიტუტის პოზიცია რელიგიის თავისუფლების პრობლემატიკასთან დაკავშირებით," ნათქვამია ორგანიზაციის ვებ-გვერდზე. სრულად... წყარო: tdi.ge

თბილისი. „ახალგაზრდა ადვოკატები" მიგრაციის საკითხთა სამთავრობო კომისიის „სარეინტეგრაციო საკითხების კონსოლიდაციის სამუშაო ჯგუფის" რიგით მე-13 შეხვედრას დაესწრო. კომისიამ „საქართველოში დაბრუნებულ მიგრანტთა სარეინტეგრაციო დახმარების" სახელმწიფო პროგრამის მიმდინარეობა შეაფასა. „შეხვედრაზე განიხილეს 2015 წლის პროგრამის ანგარიში, 2016 წლის პროგრამის ახალი მიდგომები, საზოგადოების ინფორმირების მიზნით განხორციელებული და დაგეგმილი აქტივობები," ნათქვამია ორგანიზაციის ვებ-გვერდზე. სრულად... წყარო: barristers.ge

სამცხე-ჯავახეთი. 7-8 აგვისტოს, ბორჯომში, სახალხო დამცველის რეგიონული ოფისების წარმომადგენლებს ჩაუტარდათ ტრენინგი ბავშვის უფლებათა მონიტორინგის საკითხებში. „ტრენინგის განმავლობაში განიხილეს ბავშვთა განთავსების ღია და დახურული ტიპის სასჯელაღსრულების დაწესებულებების, არასრულწლოვანთა სახელმწიფო პროგრამებისა და სერვისების მონიტორინგის საკითხები. განსაკუთრებული ყურადღება დაეთმო ძალადობის, ექსპლუატაციისა და სხვა ტიპის არასათანადო მოპყრობის მსხვერპლ ბავშვთა დაცვისა და დახმარების ღონისძიებებს, სახელმწიფო მზრუნველობაში განთავსებულ არასრულწლოვანთა უფლებრივ მდგომარეობას," ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. საქართველოს ახალგაზრდა იურისტთა ასოციაცია აგრძელებს საქართველოს პარლამენტის 2016 წლის 8 ოქტომბრის არჩევნების წინასაარჩევნო კამპანიის მონიტორინგს. „ამჯერად გვსურს საზოგადოების ყურადღება გავამახვილოთ საქართველოს ორ ქალაქში, ბათუმსა და თელავში 4 აგვისტოს მომხდარ ინციდენტებზე და მოვუწოდოთ საარჩევნო პროცესებში ჩართულ მხარეებს, რომ გამოიჩინონ სათანადო პასუხისმგებლობა, ჯეროვნად შეასრულონ მათზე საქართველოს კანონმდებლობით დაკისრებული ვალდებულებები და ხელი შეუწყონ არჩევნების მშვიდ, სტაბილურ და ძალადობისაგან თავისუფალ გარემოში ჩატარებას.," ნათქვამია ორგანიზაციის ვებ-გვერდზე. სრულად... წყარო: gyla.ge

თბილისი. საერთაშორისო გამჭვირვალობა - საქართველო აქვეყნებს ბლოგპოსტს: „2011 - 2016 წლებში კახეთში სახელმწიფოს მიერ რელიგიური ორგანიზაციებისთვის გადაცემული ქონება". 20 ივნისს, მასობრივი ინფორმაციის საშუალებებით ცნობილი გახდა, რომ თვითმმართველი თემი თელავის საკრებულომ არ დააკმაყოფილა სახელმწიფო ქონების მართვის სააგენტოს მოთხოვნა თელავის რაიონის სოფელ იყალთოს ცენტრში სკვერის გადაცემაზე. აღნიშნული ტერიტორია ქონების მართვის სააგენტოს, საქართველოს კათალიკოს-პატრიარქის ქორეპისკოპოსის წერილის საფუძველზე, საქართველოს საპატრიარქოსთვის უსასყიდლოდ უნდა გადაეცა. „საერთაშორისო გამჭვირვალობა - საქართველო" დაინტერესდა, თუ რამდენად მიზნობრივად და დასაბუთებულად ხდება სახელმწიფო ქონების გადაცემა რელიგიური ორგანიზაციებისთვის. მოწოდებული ინფორმაციიდან ვარკვევთ, რომ ქონება გადაცემული აქვთ მხოლოდ 2 რელიგიურ ორგანიზაციას: საქართველოს მართლმადიდებელ ავტოკეფალიურ ეკლესიასა და სრულიად საქართველოს მუსლიმთა სამმართველოს. აქედან მუსლიმთა სამმართველოს ქონება გადაცემული აქვს 49 წლიანი იჯარით, ხოლო მართლმადიდებელ ეკლესიას ქონება გადაეცა საკუთრებაში, სიმბოლურ ფასად - 1 ლარად", ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. ომბუდსმენის ვებ-გვერდზე ხელმისაწვდომია თანასწორობის დეპარტამენტის წარმოებაში არსებული საქმეების განახლებული სია. „ინფორმაციის განახლება მიზნად ისახავს, რომ დისკრიმინაციის საკითხებზე მომუშავე ორგანიზაციებს, ასევე სხვა დაინტერესებულ პირებს, შესაძლებლობა მიეცეთ გაეცნონ დისკრიმინაციასთან დაკავშირებულ მიმდინარე საქმეებს, რომელსაც სახალხო დამცველი სწავლობს," ნათქვამია ორგანიზაციის ვებ-გვერდზე. სრულად... წყარო: www.ombudsman.ge

აჭარა. საერთაშორისო გამჭვირვალობა საქართველო ინფორმაციას ავრცელებს „მიხეილ სააკაშვილის საარჩევნო აგიტაცია „ნაციონალური მოძრაობის" შეკრებაზე უკანონოა". ორგანიზაციის ვებგვერდზე განთავსებულ ინფორმაციაში ნათქვამია, რომ „31 ივლისს, ბათუმში ... „ერთიანმა ნაციონალურმა მოძრაობამ" ... მაჟორიტარი დეპუტატობის კანდიდატების წარადგინა. ... წარდგენის ბოლოს კი შეკრების ორგანიზატორებმა აქტივისტებს საქართველოს ყოფილი პრეზიდენტისა და ამჟამად ოდესის ოლქის გუბერნატორის მიხეილ სააკაშვილის ვიდეო მიმართვის ჩანაწერი შესთავაზეს... საქართველოს ყოფილი პრეზიდენტი 2015 წლიდან უკრაინაში, ოდესის გუბერნატორის პოსტს იკავებს. ფაქტს წინ უძღოდა უკრაინის მოქალაქეობის მიღება. შესაბამისად, ამავე პერიოდიდან სააკაშვილი აღარ არის საქართველოს მოქალაქე. საქართველოს საარჩევნო კოდექსი (45-ე მუხლის მე-4 პუნქტის „ვ" ქვეპუნქტი) უცხო ქვეყნის მოქალაქეებს წინასაარჩევნო აგიტაციაში მონაწილეობას ცალსახად უკრძალავს. მიხეილ სააკაშვილის მიერ 31 ივლისის პარტიულ ღონისძიებაში გაკეთებული განცხადებები კი აშკარა აგიტაცია იყო ...". ორგანიზაცია მოუწოდებს აჭარის ავტონომიური რესპუბლიკის უმაღლეს საარჩევნო კომისიას უახლოეს სხდომაზე შეისწავლოს აღნიშნული ფაქტები და მიმართოს კანონმდებლობით განსაზღვრულ ზომებს. სრულად... წყარო: transparency.ge

კახეთი. სახალხო დამცველის რეგიონული დეპარტამენტის ორგანიზებით, პრევენციის ეროვნული მექანიზმის წევრები კახეთში მოქმედ არასამთავრობო ორგანიზაციის წარმომადგენლებსა და ადვოკატებს შეხვდნენ. შეხვედრა მიზნად ისახავდა „პოლიციის მხრიდან ძალის გადამეტებისა და დაკავებულთა უფლებრივი მდგომარეობის შესახებ დამატებითი ინფორმაციის მიღებასა და თავის მხრივ, სახალხო დამცველის აპარატის საქმიანობის გაზიარებას დამსწრე საზოგადოებისთვის". სრულად... წყარო: ombudsman.ge

სამეგრელო. საერთაშორისო გამჭვირვალობა – საქართველო აქვეყნებს ინფორმაციას „რა ქონებას ფლობენ სამეგრელოს მუნიციპალიტეტების მაჟორიტარი დეპუტატობის კანდიდატები „ქართული ოცნებიდან". ინფორმაცია ეყრდნობა საჯარო რეესტრის მონაცემებსა და ზოგიერთი მათგანის მიერ შევსებული ქონებრივი დეკლარაციების ანალიზს. ორგანიზაციას წარმოდგენილი აქვს მერაბ ქვარაიას, ედიშერ თოლორაიას, ოთარ დანელიას, გოგა გულორდავას, გოდერძი ბუკიას,  ირაკლი ბერაიას, ირაკლი ხახუბიას შესახებ ინფორმაცია. სრულად... წყარო: transparency.ge