თბილისი. საქართველოს ახალგაზრდა იურისტთა ასოციაცია (საია) მთავრობის მიერ საბიუჯეტო თანხების შემცირების გადაწყვეტილებას ეხმაურება. „აუცილებელია, რომ საქართველოს მთავრობამ წარმოადგინოს ერთიანი ხედვა და საზოგადოებას მიაწოდოს ინფორმაცია საბიუჯეტო სახსრების შემცირების ძირითადი მიმართულებების, სფეროებისა და კრიტერიუმების თაობაზე; პირველ რიგში, მიგვაჩნია, რომ საქართველოს მთავრობამ დაასაბუთოს საბიუჯეტო სახსრების შემოთავაზებული პროცენტული ოდენობით შემცირების მიზანშეწონილობა და მისი პოზიტიური გავლენა ეკონომიკური მდგომარეობის გაუმჯობესებასა და ლარის კურსის სტაბილურობის მიმართებით", ნათქვამია ორგანიზაციის ვებ-გვერდზე. სრულად... წყარო: gyla.ge

თბილისი. ადამიანის უფლებების სწავლებისა და მონიტორინგის ცენტრი აქვეყნებს კვლევას რელიგიის საკითხთა სახელწიფო სააგენტოს საქმიანობაზე. „რელიგიისა და უსაფრთხოების მიმართულებით საქმიანობის გაძლიერების დეკლარირების მიუხედავად, სააგენტოს რეალურად არ გააჩნია რელიგიური ექსტრემიზმის პრევენციის სტრატეგია და გეგმა. მეტიც, რელიგიური ორგანიზაციების, განსაკუთრებით კი მუსლიმური ორგანიზაციების უხეში კონტროლის, ცალკეული რელიგიური ჯგუფების არაღიარებისა და ადამიანის უფლებების დაცვის უგულებელყოფის  სახელმწიფო პოლიტიკა ხელს უწყობს რელიგიური ჯგუფების ექსკლუზიას, გაუცხოებასა და შესაძლო რადიკალიზებას", ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. ინფორმაციის თავისუფლების განვითარების ინსტიტუტმა 2016 წლის დანაშაულის სტატისტიკური ანალიზი გამოაქვეყნა. „...სტატისტიკის ეროვნული სამსახურის ვებგვერდზე გამოქვეყნებული 2016 წლის 9 თვის  და შინაგან საქმეთა სამინისტროს ვებგვერდზე გამოქვეყნებული 2014-2015 წლების ანალოგიური პერიოდის მონაცემების შედარებითი ანალიზიდან ირკვევა, რომ 2016 წლის 9 თვის განმავლობაში რეგისტრირებული დანაშაულის ყველაზე მაღალი მაჩვენებელი ფიქსირდება. კერძოდ, 2016 წლის 9 თვეში 2014 წლის ანალოგიურ პერიოდთან შედარებით რეგისტრირებულია 154 ერთეულით მეტი  დანაშაული,  ხოლო 2015 წელთან შედარებით 1394 ერთეულით მეტი".., ნათქვამია გამოქვეყნებულ კვლევაში. სრულად... წყარო: idfi.ge

თბილისი. სახალხო დამცველის აპარატმა გამოაქვეყნა კვლევა: „არასრულწლოვანი ბრალდებულის უფლებები სისხლის სამართლის პროცესში". დოკუმენტში განხილულია სისხლის სამართლის  მართლმსაჯულების პროცესში, კანონთან კონფლიქტში  მყოფი  ბავშვების  მიმართ  გამოსაყენებელი დეტალური პროცედურები და  პრაქტიკა, სამართალდამცავ ორგანოებთან  ბავშვის პირველი კონტაქტიდან სასამართლო განხილვის, ასევე სასჯელის აღსრულების  ნაწილს. სრულად... წყარო: www.ombudsman.ge

თბილისი. ადამიანის უფლებების სწავლებისა და მონიტორინგის ცენტრი (EMC) ეხმიანება ადამიანის უფლებების დაცვის საერთაშორისო დღეს და 2016 წელს ადამიანის უფლებების მდგომარეობას აჯამებს. „პოზიტიურად უნდა შეფასდეს ის, რომ წინა საპარლამენტო არჩევნებისგან განსხვავებით, მიმდინარე წინასაარჩევნო პროცესი არ ხასიათდებოდა მასობრივი და რეპრესიული საპოლიციო ძალების გამოყენებით. მიუხედავად მედიის თავისუფლების მიმართულებით არსებული გამოწვევებისა და ტელეკომპანია რუსთავი 2-ის წინააღმდეგ მიმდინარე სასამართლო დავისა, რომელთან დაკავშირებით საზოგადოებაში  არა ერთი კითხვა არსებობს პროცესის პოლიტიკური ხასიათის თაობაზე, მედია გარემო ძირითადად უზრუნველყოფდა განსხვავებული პოლიტიკური ჯგუფებისა და მოსაზრებების გაშუქებას. პოლიტიკური სუბიექტების მიერ ჩატარებული შეკრებები ასევე მეტწილად მშვიდ გარემოში ჩატარდა", ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. საერთაშორისო გამჭვირვალობა - საქართველო აქვეყნებს ბლოგპოსტს: „საჯარო სამსახურის რეფორმა მნიშვნელოვნად ფერხდება".  „კანონის სრულად ამოქმედების ვადად 2017 წლის 1 იანვარი განისაზღვრა, თუმცა ამჟამად არსებული გარემოებებით, მისი ორ კვირაში ამოქმედება პრაქტიკულად შეუძლებელი იქნება, რაც მნიშვნელოვნად დააზიანებს საჯარო სამსახურის რეფორმის მიმდინარეობას. კანონის ამოქმედების შეფერხება გამოიწვია მისი 126-ე მუხლით გათვალისწინებული მოთხოვნების დარღვევამ, კერძოდ, ამ მუხლის თანახმად მთავრობა ვალდებული იყო 1 სექტემბრამდე პარლამენტში წარედგინა ორი კანონპროექტი და მიეღო სამი დადგენილება, ხოლო 31 დეკემბრამდე დამატებით - ათი დადგენილება. ამ დროისთვის მთავრობას არ აქვს შესრულებული არცერთი ვალდებულება", ნათქვამია საერთაშორისო გამჭვირვალობა - საქართველოს ვებ-გვერდზე. სრულად... წყარო: www.transparency.ge

თბილისი. 9 დეკემბერს, საქართველოს ახალგაზრდა იურისტთა ასოციაციამ საზოგადოებას კვლევის „მინისტრის ბინაში რეგისტრირებული კომპანია სახელმწიფოს მილიონზე მეტი ვალით" შედეგები გააცნო. „კვლევა ეხება, სახელმწიფოსა და შპს ინტერნეიშენალ ივენთს შორის 2005 წელს გაფორმებული ხელშეკრულების შესრულების დეტალებს, რომლის მიხედვითაც ინტერნეიშენალ ივენთს, თბილისის საკონცერტო დარბაზი (ფილარმონია) 49 წლიანი იჯარით გადაეცა", ნათქვამია ორგანიზაციის ვებ-გვერდზე. სრულად... წყარო: gyla.ge

თბილისი. 8 დეკემბერს, „საერთაშორისო გამჭვირვალობა - საქართველომ’’ ფარმაცევტული ბაზრის შესახებ კვლევა გამოაქვეყნა. „ანგარიშში მოცემულია ამ დარგში არსებული ძირითადი ტენდენციები, პრობლემები და მათ გადასაჭრელად საჭირო რეკომენდაციები. კვლევის საანგარიშო პერიოდი ძირითადად 2012-2016 წლებს მოიცავს, თუმცა ზოგიერთ უფრო ადრინდელ საკითხსაც მოიცავს", ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. 8 დეკემბერს, საქართველოს ახალგაზრდა იურისტთა ასოციაციამ თბილისისა და ქუთაისის საქალაქო და სააპელაციო სასამართლოების სისხლის სამართლის საქმეების მონიტორინგის შედეგების პრეზენტაცია გამართა. „საიამ დღემდე მონიტორინგის რვა ანგარიში წარმოადგინა, რომლებიც, ერთიანობაში, მოიცავდა პერიოდს 2011 წლის ოქტომბრიდან 2015 წლის ოქტომბრის ჩათვლით. საიას მეცხრე ანგარიში კი მოიცავს პერიოდს 2016 წლის თებერვლიდან 2016 წლის ივლისის ჩათვლით. ამ საანგარიშო პერიოდის განმავლობაში მონიტორინგი განხორციელდა განახლებული მეთოდოლოგიით, რომელიც სხვა საკითხებთან ერთად, მოწყვლადი ჯგუფების (ქალები, შშმ პირები, რელიგიური და ეთნიკური უმცირესობები, ლგბტ თემის წარმომადგენლები და ა.შ) მიმართ მართლმსაჯულების ხელმისაწვდომობის შეფასებას გულისხმობს", ნათქვამია ორგანიზაციის ვებ-გვერდზე. სრულად... წყარო: gyla.ge

თბილისი. კანონის მოთხოვნათა მიუხედავად, ქალაქ ქუთაისის თვითმმართველობას 2017 წლის ბიუჯეტის პროექტი ამ დრომდე საჯაროდ არ განუხილავს. „მიგვაჩნია, რომ გადაწყვეტილების მიღების პროცესში სამოქალაქო სექტორის ჩართულობა კრიტიკულად მნიშვნელოვანია გამჭვირვალე მმართველობისათვის, შესაბამისად მივმართავთ ქუთაისის ადგილობრივ თვითმმართველობას უზრუნველყოს ქალაქის ბიუჯეტის პროექტის დროული მომზადება და კანონით გათვალისწინებული ვადების დაცვით, ქალაქის საკრებულოში წარდგენამდე მისი საჯარო განხილვა, სამოქალაქო სექტორის ჩართულობით", ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. საქართველოს ახალგაზრდა იურისტთა ასოციაცია (საია) აქვეყნებს კვლევას: „საჯარო მოხელის სამსახურიდან გათავისუფლება და დისციპლინური პასუხისმგებლობა თვითმმართველ ქალაქებში". „კვლევაში წარმოდგენილი ინფორმაცია მნიშვნელოვანია ადგილობრივი თვითმმართველობის ორგანოებში დასაქმებული საჯარო მოხელეების უფლებრივი მდგომარეობის შესწავლისა და ადგილობრივი თვითმმართველობის დონეზე საჯარო სამსახურის სტაბილურობის შეფასების მიზნით. კვლევის პროცესში დამუშავდა თვითმმართველი ქალაქების მერიებიდან და საკრებულოებიდან მიღებული სტატისტიკური ინფორმაცია 2015 წლის 1 იანვრიდან 2015 წლის 31 დეკემბრის ჩათვლით საჯარო მოხელის გათავისუფლების საფუძვლებისა და გათავისუფლებულ საჯარო მოხელეთა რაოდენობის, ასევე საჯარო მოხელის მიერ ჩადენილი დისციპლინური გადაცდომის სახეების, გამოყენებული დისციპლინური პასუხისმგებლობის ზომებისა და დისციპლინური წარმოების პროცესის თაობაზე", ნათქვამია საის ვებ-გვერდზე. სრულად... წყარო: gyla.ge

თბილისი. „საერთაშორისო გამჭვირვალობა - საქართველო" აქვეყნებს რეკომენდაციებს ქალაქ ზუგდიდის მუნიციპალიტეტის 2017 წლის ბიუჯეტის პროექტთან დაკავშირებით. „მიუხედავად იმისა, რომ 2017 წლის ბიუჯეტის პროექტი როგორც სტრუქტურული, ასევე პროგრამული თვალსაზრისით, წინა წლების ბიუჯეტებთან შედარებით, უმჯობესია, „საერთაშორისო გამჭვირვალობა-საქართველოს” აქვს რამდენიმე შენიშვნა და რეკომენდაცია რომელთაც ქვემოთ წარმოგიდგენთ", ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. საერთაშორისო გამჭვირვალობა - საქართველო აქვეყნებს კვლევას, რომელშიც საქართველოს სახელმწიფო საწარმოებში გამჭვირვალობის, ანგარიშვალდებულებისა და კორუფციის პრევენციის საკითხებია შესწავლილი. „საუკეთესო საერთაშორისო გამოცდილებისა და საქართველოში არსებული პრაქტიკის შესწავლის საფუძველზე ანგარიშის ბოლოს წარმოდგენილია კონკრეტული რეკომენდაციები საქართველოს ხელისუფლებისთვის, რომელთა განხორციელებაც, ვფიქრობთ, ხელს შეუწყობს სახელმწიფო საწარმოებში კორუფციის რისკების შემცირებას და მთავრობის ანტიკორუფციული პოლიტიკის ეფექტურობის ზრდას", ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. თბილისის მთავრობამ „ღია მმართველობის პარტნიორობის" ფარგლებში 2017 წლის სამოქმედო გეგმა დაამტკიცა. „აღსანიშნავია, რომ თბილისის მერია ზემოთ ჩამოთვლილ ვალდებულებებს „ღია მმართველობის პარტნიორობის" საპილოტე პროგრამის ფარგლებში იღებს და ამ ნაბიჯით აქტიურად უერთდება საქართველოში OGP-ს პრინციპების დანერგვის პროცესს. შეგვიძლია ვივარაუდოთ, რომ თბილისის 2017 წლის სამოქმედო გეგმის სრულად და დროულად შესრულების შემთხვევაში, თბილისში საგრძნობლად გაიზრდება და გამარტივდება მმართველობით პროცესში მოსახლეობის ჩართულობის მექანიზმები", ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. 11 ნოემბერს, საქართველოს მთავრობამ „ღია მმართველობის პარტნიორობის" რიგით მესამე, 2016-2017 წლების, სამოქმედო გეგმა დაამტკიცა. „აღნიშნული სამოქმედო გეგმა, სამოქალაქო და ბიზნეს სექტორებთან, აგრეთვე საერთაშორისო ორგანიზაციებთან მჭიდრო თანამშრომლობით, „ღია მმართველობა საქართველოს" სამდივნოს (საქართველოს იუსტიციის სამინისტროს ანალიტიკური დეპარტამენტის) მიერ „ღია მმართველობა საქართველოს" ფორუმის ფარგლებშია შემუშავებული და მასში 24 უწყების 24 ვალდებულებაა გაერთიანებული. აღსანიშნავია, რომ 2016-2017 წლების სამოქმედო გეგმის შემუშავების მიზნით, საქართველოს მასშტაბით 19 შეხვედრა გაიმართა", ნათქვამია ინფორმაციის თავისუფლების განვითარების ინსტიტუტის ვებ-გვერდზე. სრულად... წყარო: idfi.ge

22-24 ნოემბერს, საქართველოს სახალხო დამცველის აპარატის პრევენციისა და მონიტორინგის დეპარტამენტის თანამშრომლები სამუშაო/სასწავლო ვიზიტით ხორვატიის დედაქალაქ ზაგრებში იმყოფებოდნენ. „ვიზიტის ფარგლებში პრევენციის და მონიტორინგის დეპარტამენტის წარმომადგენლები გაეცნენ ხორვატიის პრევენციის ეროვნული მექანიზმის მუშაობის სტრუქტურას, ანგარიშების მომზადების თავისებურებებს, ფოტო გადაღებასთან დაკავშირებით არსებულ პრაქტიკას, მონიტორინგის ინსტრუმენტებსა და რეკომენდაციების შესრულების კონტროლის მეთოდოლოგიას," ნათქვამია ომბუდსმენი ვებ-გვერდზე. სრულად... წყარო: www.ombudsman.ge

თბილისი. 28 ნოემბერს „ინფორმაციის თავისუფლების განვითარების ინსტიტუტმა" მიიღო ინფორმაცია შინაგან საქმეთა სამინისტროს თანამდებობის პირთა მიერ 2013 წელს მიღებული პრემიების შესახებ. „მიღებული დოკუმენტაციის მიხედვით, 2013 წლის ნოემბრამდე, შინაგან საქმეთა სამინისტროს ცენტრალური აპარატის თანამდებობის პირებზე სულ გაცემულია 2 325 789 ლარი. შინაგან საქმეთა მაშინდელ მინისტრს, ირაკლი ღარიბაშვილს აღნიშნულ პერიოდში პრემია მიღებული აქვს მხოლოდ თებერვალში - 4 335 ლარი. მინისტრისგან განსხვავებით, სხვა თანამდებობის პირების შემთხვევაში უმეტესწილად პრემია გაიცემოდა ყოველთვიურად და მნიშვნელოვნად აღემატებოდა მათ ყოველთვიურ თანამდებობრივ სარგოს", ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. საქართველოს ახალგაზრდა იურისტთა ასოციაცია საარჩევნო საჩივრების განხილვის, შედეგების შეჯამების პროცედურების მონიტორინგის შედეგებს აქვეყნებს. „საარჩევნო დავების განხილვისას გამოვლინდა საარჩევნო კანონმდებლობის ვიწროდ განმარტებისა და საჩივრების დაუკმაყოფილებლობის ტენდენცია. როგორც საარჩევნო კომისიები, ასევე სასამართლოები საარჩევნო კანონმდებლობის ჩანაწერებს ძალიან ვიწროდ განმარტავდნენ, რაც ფაქტობრივად, მათთან წარდგენილი საჩივრების დაუკმაყოფილებლად დატოვების საფუძველი ხდებოდა. რჩებოდა შთაბეჭდილება, რომ ასეთი მიდგომა არა საქმეზე კანონიერების/მართლმსაჯულების დადგენას, არამედ საჩივრების თავიდან არიდებას ისახავდა მიზნად. მიუხედავად დარღვევის სიმძიმისა, ზემდგომი საარჩევნო კომისიები მხოლოდ დისციპლინური პასუხისმგებლობის ზომებს უფარდებდნენ საუბნო საარჩევნო კომისიების წევრებს და არ ახდენდნენ საჩივარში დაყენებული სხვა კანონიერი მოთხოვნების დაკმაყოფილებას", ნათქვამია ორგანიზაციის ვებ-გვერდზე. სრულად... წყარო: gyla.ge

თბილისი. 2016 წლის 7-9 დეკემბერს პარიზი ღია მმართველობის პარტნიორობის (OGP) მეოთხე ყოველწლიურ სამიტს უმასპინძლებს. „OGP 70 სახელმწიფოს და ასობით სამოქალაქო საზოგადოების ორგანიზაციას აერთიანებს, რომლებიც მოწოდებული არიან გააუმჯობესონ გამჭვირვალობა, სამოქალაქო ჩართულობა და დემოკრატიული ინოვაცია. ... სამიტის ფარგლებში დაგეგმილია OGP-ს ახალი მიმართულებების გამოცხადება, რესურსების და გამოცდილების გაზიარება და ახალი კოლექტიური ქმედებების წარდგენა. ღონისძიებაზე დაგეგმილია არაერთი პანელი, სემინარი, დისკუსია და მასტერკლასი, რომელშიც როგორც საჯარო დაწესებულებები, ისე არასამთავრობო ორგანიზაციებიც მონაწილეობენ. OGP-ს სამიტის ერთ-ერთი მნიშვნელოვანი მოვლენა პარიზის დეკლარაციის წარდგენა და მიღება იქნება", ნათქვამია „პარტნიორობის ღია მმართველობისთვის" ბლოგზე. სრულად... წყარო: ogpgeoblog.wordpress.com

თბილისი. საქართველოს რეგიონულ მაუწყებელთა ასოციაცია აქვეყნებს მაღაროებში საფრთხის კონტროლის მექანიზმზე „ადამიანის უფლებების სწავლებისა და მონიტორინგის ცენტრის" და მწვანე ალტერნატივის" დასკვნას. „ინსპექტირების დოკუმენტების ანალიზმა აჩვენა, რომ სააგენტოს მხრიდან ინსპექტირების ყოველწლიური პრაქტიკის მიუხედავად, დასახელებულ ობიექტებში წლების მანძილზე არ მცირდება გამოვლენილ დარღვევათა რაოდენობა და მათი სიმძიმის ხარისხი, რაც ხშირად კრიტიკულ შეუსაბამობასაც კი აღწევს", ნათქვამია რეგიონული მაუწყებლის ვებ-გვერდზე. სრულად... წყარო: garb.ge

თბილისი. 21 ნოემბერს, მოსახლეობის კეთილდღეობის კვლევის შედეგების პრეზენტაცია გაიმართა. „ყოველი მეხუთე ბავშვი სიღარიბის ზღვარს მიღმა ცხოვრობს, ხოლო ყოველი მეექვსე ბავშვი საარსებო მინიმუმზე ნაკლებს მოიხმარს; მიუხედავად იმისა, რომ გაიზარდა ოჯახების საშუალო მოხმარება, არ შეცვლილა მათი შემოსავალი. ღარიბ ბავშვებს კვლავ ნაკლები შესაძლებლობა აქვთ ისწავლონ საგანმანათლებლო დაწესებულებებში, ვიდრე მათ თანატოლებს მდიდარი ოჯახებიდან - ეს არის იუნისეფის მიერ დღეს წარმოდგენილი მოსახლეობის კეთილდღეობის კვლევის ზოგიერთი შედეგი", ნათქვამია იუნისეფის ვებ-გვერდზე. სრულად... წყარო: unicef.ge

თბილისი. ინფორმაციის თავისუფლების განვითარების ინსტიტუტი (IDFI) და საია აქვეყნებს ერთობლივ პოლიტიკის დოკუმენტს: „სახელმწიფო საკუთრებაში არსებული საწარმოების მართვა, გამჭვირვალობა და ანგარიშვალდებულება". „პოლიტიკის დოკუმენტი მომზადდა საქართველო-ევროკავშირის ასოცირების შეთანხმებით გათვალისწინებული ერთ-ერთი მნიშვნელოვანი ვალდებულების, კორუფციის პრევენციის სამოქმედო გეგმის ეფექტური იმპლემენტაციის მიზნით. პოლიტიკის დოკუმენტის მიზანია სახელმწიფოს საწარმოების დაფუძნების, მართვის, ანგარიშვალდებულებისა და გამჭვირვალობის სტანდარტების შეთავაზება საუკეთესო საერთაშორისო პრაქტიკის გათვალისწინებით", ნათქვამია ორგანიზაციის ვებ-გვერდზე. სრულად... წყარო: idfi.ge