თბილისი. ინფორმაციის თავისუფლების გაnვითარების ინსტიტუტი (IDFI) აქვეყნებს გიორგი თუშიშვილის სტატიას: „მუდმივი საცხოვრებლის მოლოდინში მყოფი დევნილი ოჯახები - შეზღუდული სახელმწიფო რესურსი თუ არასაკმარისი პოლიტიკური ნება". „IDFI მიიჩნევს, რომ წლების განმავლობაში, საქართველოს ხელისუფლებების მიერ სხვადასხვა ადმინისტრაციული ხარჯების ეკონომიის პირობებში, შესაძლებელი იქნებოდა სახელმწიფო ბიუჯეტიდან დამატებითი სახსრების მოძიება, რაც მნიშვნელოვნად შეუწყობდა ხელს დევნილი ოჯახების გრძელვადიანი საცხოვრებელი ფართებით უზრუნველყოფას. ... სამწუხაროდ, 2011 წლამდე მსგავსი მონაცემები ინსტიტუტისათვის უცნობია, თუმცა არსებული ტენდენციების გათვალისწინებით, 2008 წლიდან მხოლოდ პრემია/დანამატებზე 50%-იანი ეკონომიის და დაზოგილი თანხების დევნილთა საცხოვრებლით უზრუნველყოფისთვის მიმართვის პირობებში, დღეის მდგომარეობით ყველა დევნილი ოჯახი საქართველოში უკვე უზრუნველყოფილი იქნებოდა მუდმივი საცხოვრებლით", ნათქვამია სტატიაში. სრულად... წყარო: idfi.ge

თბილისი. 9 თებერვალს, სახალხო დამცველმა საზოგადოებას სპეციალური ანგარიში წარუდგინა, რომელშიც „ოკუპირებული ტერიტორიების შესახებ" საქართველოს კანონისა და პრაქტიკის ანალიზი და რეკომენდაციებია თავმოყრილი. „ანგარიში ოკუპირებულ ტერიტორიებზე შესვლის, ეკონომიკური საქმიანობის, დე ფაქტო ორგანოების მიერ გაცემული დოკუმენტებისა და ადამიანის უფლებათა დაცვის თვალსაზრისით „ოკუპირებული ტერიტორიების შესახებ" კანონსა და პრაქტიკაში არსებულ ხარვეზებსა და დაბრკოლებებს მიმოიხილავს და მათი აღმოფხვრის გზებს მიუთითებს", ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. ქალთა საინფორმაციო ცენტრი განცხადებას ავრცელებს აფხაზეთის საოკუპაციო რეჟიმის მიერ გზის ჩაკეტვასთან დაკავშირებით. „ქალთა საინფორმაციო ცენტრს სურს გამოეხმაუროს აფხაზეთის საოკუპაციო რეჟიმის მიერ გალიდან ზუგდიდის მიმართულებით გზის გადაკეტვის გადაწყვეტილებას. უკიდურესად ვგმობთ ამ ნაბიჯს, რაც ადგილობრივ მოსახლეობას სერიოზულ ჰუმანიტარულ პრობლემას შეუქმნის. საკონტროლო-გამშვები პუნქტები კიდევ უფრო გაურთულებს სასწავლო პროცესს მოსწავლეებს, რომლებიც ვეღარ მოახერხებენ სკოლებამდე მისვლას და მათ მხოლოდ შემოვლითი გზა დარჩებათ. ასევე ენგურის ხიდზე ე.წ საბაჟო გამშვები პუნქტის ამოქმედება მძიმე ეკონომიკურ ტვირთად დააწვება მოსახლეობას. გართულდება ჯანდაცვის სერვისებზე წვდომაც. მოვითხოვთ, ხელისუფლებამ გააკეთოს ყველაფერი რათა შეწყდეს საოკუპაციო რეჟიმის ამგვარი ქმედება. მნიშვნელოვანია რომ, ეს საკითხი წამოიჭრას ჟენევის მოლაპარაკებების დღის წესრიგში, რომელიც 28-29 მარტს არის დაგეგმილი", ნათქვამია ქალთა საინფორმაციო ცენტრის ვებ-გვერდზე. სრულად... წყარო: ქალთა საინფორმაციო ცენტრის ვებ-გვერდი

თბილისი. საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრომ მარნეულში, საცხოვრებელი ფართის მიღების მოთხოვნით განაცხადების მიღება დაიწყო. მარნეულში, რუსთაველის ქ.N78ა-ში, ახალაშენებულ კორპუსში საცხოვრებელი ფართის მიღების მოთხოვნით განაცხადის შევსება მარნეულის, ბოლნისის, დმანისის, თეთრიწყაროსა და წალკის მუნიციპალიტეტებში რეგისტრირებულ დევნილ ოჯახებს შეუძლიათ", ნათქვამია სამინისტროს ვებ-გვერდზე. სრულად... წყარო: საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს ვებ-გვერდი

თბილისი. 13-16 დეკემბერს, სახალხო დამცველმა და სახალხო დამცველის აპარატის წარმომადგენლებმა მონაწილეობა მიიღეს ევროპის საბჭოს მიერ ორგანიზებულ ქარულ-აფხაზურ შეხვედრაში. „შეხვედრას, რომლის მიზანი იყო ინფორმაციის გაცვლა და კონფლიქტით დაზარალებული მოსახლეობის უფლებრივი მდგომარეობის განხილვა, ასევე ესწრებოდნენ ქართული და აფხაზური არასამთავრობო ორგანიზაციების წარმომადგენლები. თემები მოიცავდა განათლების უფლებას და ადამიანის უფლებების შესახებ ცნობიერების ამაღლებას, გადაადგილების თავისუფლებას და მასთან დაკავშირებულ ჯანმრთელობის უფლებას, ქალთა და ბავშვთა უფლებებს და ასევე, პენიტენციალურ სისტემაში არსებულ მდგომარეობას", ნათქვამია ომბუდსმენის ვებ-გვერდზე. სრულად... წყარო: www.ombudsman.ge

იმერეთი. ფონდი ტასოს დაფინანსებით, ხონის დევნილთა დასახლებაში სათემო სარესურსო ცენტრის დაფუძნების პროექტის ფარგლებში, მოხდა კომპიუტერული ტექნიკოს გადმოცემა. "ეს არის პროექტი რომელიც იძლევა საშუალებას, მოხდეს მოსახლეობის აღჭურვა შესაბამისი უნარ-ჩვევებით, ახალგაზრდების ჩართვა აქტიურ საზოგადოებრივ ცხოვრებაში, ცნობიერების ამაღლება და თანამშრომლობის გაღრმავება ადგილობრივ თვითმმართველობასთან", ნათქვამი ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

  თბილისი. სახალხო დამცველის ინსტიტუტი კოპენჰაგენში თავშესაფრის მაძიებელთა და ლტოლვილთა საკითხებზე შეხვედრას დაესწრო. „სახალხო დამცველის აპარატი მიღებულ ცოდნასა და წარმატებული ქვეყნის საუკეთესო გამოცდილებას, შესაბამისი დამუშავების საფუძველზე, გამოიყენებს შემდგომ საქმიანობაში თავშესაფრის მაძიებელთა და ლტოლვილთა უფლებების დაცვისა და მათი მდგომარეობის გაუმჯობესების კუთხით", ნათქვამია ომბუდსმენის ვებ-გვერდზე. სრულად... წყარო: www.ombudsman.ge

იმერეთი. ქუთაისში, ლესელიძის ქუჩაზე მდებარე დევნილთა დასახლებაში დასუფთავების აქცია მოეწყო. აქციის მონაწილეებმა მოუწოდეს კომპეტენტურ ორგანოებს, რომ მომავალში დევნილების საცხოვრისით დაკმაყოფილების გადაწყვეტილების მიღებამდე მშენებლობის დროს გათვალისწინებულ იქნას სამშენებლო და სხვა ნარჩენების გატანა. წყარო: ორგანიზაციის ვებ-გვერდის სოციალურ ქსელში

მცხეთა-მთიანეთი. 12-14 სექტემბერს, გუდაურში საქართველოს სახალხო დამცველის ადამიანის უფლებათა აკადემიამ გამართა ტრენინგი თემაზე „ლტოლვილთა საერთაშორისო დაცვა." „შეხვედრაზე განიხილეს ლტოლვილთა დაცვის საერთაშორისო სამართლის პრინციპები და მექანიზმები, ასევე ეროვნული საკანონმდებლო ბაზა და პრაქტიკა საერთაშორისო სტანდარტებთან მიმართებაში," ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. „საერთაშორისო გამჭვირვალობა - საქართველო" 11 მოქალაქის უფლებების დასაცავად, სტრასბურგში, რუსეთის წინააღმდეგ საჩივარს შეიტანს. „საჩივრით ჩვენ ვამტკიცებთ რომ, 2008 წლის შემდეგ რუსეთის საოკუპაციო ჯარების მიერ განხორციელებული მცოცავი ოკუპაციით დაირღვა საქართველოს მოქალაქეების საკუთრების უფლება, კერძოდ, მათ უკანონოდ წაართვეს სახნავ-სათესი მიწის ნაკვეთები, საცხოვრებელი სახლები და სხვა სამეწარმეო ობიექტები. საქართველოს მოქალაქეებს შეეზღუდათ წვდომა სალოცავებზე და ოჯახის წევრების საფლავებზე. ყოველივე წარმოადგენს ადამიანის უფლებათა ევროპული კონვენციით გარანტირებული უფლებების დარღვევას," ნათქვამია ორგანიზაციის განცხადებაში. სრულად... წყარო: www.transparency.ge

თბილისი. საქართველოს ახალგაზრდა იურისტთა ასოციაცია (საია) სასამართლოში წარმოადგენდა გ.გ.-ს, რომელიც 2006 წლიდან მუდმივად ცხოვრობდა ახალგორის მუნიციპალიტეტში. „საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2014 წლის 20 ივნისის ბრძანებით გ.გ.-ს ჩამოერთვა დევნილის სტატუსი იმ საფუძვლით, რომ მან ყალბი დოკუმენტისა და ინფორმაციის საფუძველზე მოიპოვა სტატუსი. თბილისის საქალაქო სასამართლოს 2015 წლის 9 ივნისის გადაწყვეტილებით ბათილად იცნო მინისტრის ბრძანება და გ.გ.-ს აღუდგა სტატუსი. სასამართლომ განმარტა, რომ სამინისტროსათვის წარდგენილი იყო ყველა აუცილებელი მტკიცებულება, რომელიც ადასტურებდა 2008 წლის აგვისტომდე გ.გ.-ს ოკუპირებულ ტერიტორიაზე მუდმივად ცხოვრების ფაქტს. მიუხედავად ამისა სამინისტრო უსაფუძვლოდ აგრძელებდა გადაწყვეტილების გასაჩივრებას და 2 წლის განმავლობაში გ.გ. ვერ ახერხებდა დევნილის შემწეობას მიღებას. უზენაესი სასამართლოს განჩინების საფუძველზე ძალაში დარჩა ქვედა ინსტანციის სასამართლოს გადაწყვეტილებები, გ.გ.-ს აღუდგა დევნილის სტატუსი და აუნაზღაურდა განაცდური შემწეობა. უზენაესი სასამართლოს განჩინების საფუძველზე ძალაში დარჩა ქვედა ინსტანციის სასამართლოს გადაწყვეტილებები, გ.გ.-ს აღუდგა დევნილის სტატუსი და აუნაზღაურდა განაცდური შემწეობა," ნათქვამია ორგანიზაციის ვებ-გვერდზე. სრულად... წყარო: gyla.ge

სამეგრელო. საქველმოქმედო ჰუმანიტარულმა ცენტრმა „აფხაზეთისთვის" დევნილთა საჭიროებებზე კვლევის პრეზენტაცია გამართა. „კვლევა მომზადებულია „ეისითის" (ACT) მიერ ლტოლვილთა დანიის საბჭოსა (DRC) და საქველმოქმედო ჰუმანიტარული ცენტრის „აფხაზეთისთვის" (CHCA) პროექტის „დამოკიდებულებიდან თვითკმარობამდე - ინოვაციური და ეფექტური საარსებო წყაროების გადაწყვეტილებები საქართველოსთვის" ფარგლებში," ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

იმერეთი. 13 ივლისს, ქუთაისში, სასტუმრო „ბაგრატი 1003" მრგვალი მაგიდის სხდომა გაიმართა თემაზე „დევნილთა ახალ დასახლებებში არსებული მდგომარეობა და გამოწვევები’". „მრგვალი მაგიდის სხდომის მიზანი გახლდათ ახალი გზების გამონახვა, რაც სახელმწიფო და სამოქალაქო სექტორებს შორის მჭიდრო თანამშრომლობით დევნილი და მასპინძელი თემის წარმომადგენლთა საარსებო წყაროებზე ხელმისაწვდომობას, მათი შესაძლებლობების განვითარებას, უსაფრთხო და ღირსეული გარემოს შექმნას შეუწყობს ხელს," ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. 12-14 სექტემბერს, ომბუდსმენი იწვევს იურიდიული ფაკულტეტის სამართლის სამაგისტრო პროგრამისა და საერთაშორისო სამართლის სამაგისტრო პროგრამის სტუდენტებს ტრენინგზე – „ლტოლვილთა საერთაშორისო დაცვის საკითხები". სრულად... წყარო: www.ombudsman.ge

თბილისი. 21 ივნისს, ომბუდსმენმა 2015 წლის საპარლამენტო ანგარიშში ასახული იძულებით გადაადგილებულ პირთა და კონფლიქტით დაზარალებული მოსახლეობის უფლებრივი მდგომარეობაზე ისაუბრა. „მონიტორინგმა და ინდივიდუალური განცხადებების შესწავლამ ცხადყო, რომ გარკვეული პროგრესის მიუხედავად, იძულებით გადაადგილებულ პირთა უდიდესი ნაწილისთვის მძიმე საცხოვრებელი პირობები და საცხოვრებელი ფართის არქონა კვლავ უმთავრესი პრობლემაა. პრობლემად რჩება დევნილთა ინფორმირებულობის დაბალი ხარისხი - იძულებით გადაადგილებულ პირთა უფლებრივი მდგომარეობის სფეროში მიმდინარე მოვლენებზე," ნათქვამია სახალხო დამცველის ვებ-გვერდზე. სრულად... წყარო: ombudsman.ge

თბილისი. 20 ივნისს, ლტოლვილთა/დევნილთა საერთაშორისო დღეს, სასტუმრო „თბილისი მერიოტში" მრგვალი მაგიდის სხდომა გაიმართა თემაზე „დევნილთა საარსებო წყაროები: მიგნებები და საჭიროებები". „მრგვალი მაგიდის სხდომაზე საარსებო წყაროების თემაზე მომუშავე ორგანიზაციების მიერ განხილული იყო შემდეგი საკითხები: დევნილთა ამჟამინდელი მდგომარეობა საქართველოში, მათი საჭიროებები და გზები პრობლემის აღმოსაფხვრელად, მხარეების მაქსიმალური ჩართულობა დევნილთა საარსებო წყაროების გაზრდისა და განვითარების ხელშეწყობის მიზნით და სხვ.," ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. სახალხო დამცველი ქალებზე, მშვიდობასა და უსაფრთხოებაზე ეროვნული სამოქმედო გეგმის განხორციელება საქართველოში - მონიტორინგის შედეგებზე ანგარიშს აქვეყნებს. „მონიტორინგის შედეგებმა ცხადყო, რომ სამოქმედო გეგმა ფაქტიურად არ ასახულა იმ მოსახლეობაზე, რომელსაც განსაკუთრებული საჭიროებები აქვთ ამ მიმართულებით. ოკუპირებული რეგიონების მიმდებარე სოფლებსა და დევნილთა ჩასახლებებში მცხოვრები ქალები ძალიან ბევრი პრობლემის წინაშე დგანან, თუმცა მათზე მიმართული დამცავი თუ სარეაბილიტაციო ღონისძიებების ნაკლებობა თვალსაჩინოა", ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. 30 მარტს, საქართველოს კულტურისა და ძეგლთა დაცვის სამინისტროში პროგრამა „შემოქმედებითი ევროპის" ფარგლებში გამოცხადებული „ლტოლვილთა ინტეგრაციის" კონკურსის პრეზენტაცია გაიმართა. „შემოქმედებითი ევროპის" ფარგლებში გამოცხადებული „ლტოლვილთა ინტეგრაციის" კონკურსი მხარს უჭერს კულტურულ, აუდიოვიზუალურ და მულტიმედიურ პროექტებს, რომელიც მიზნად ისახავს ლტოლვილთა ინტეგრაციას ევროპაში", ნათქვამია ორგანიზაციის ვებ-გვერდზე. სრულად... წყარო: culture.gov.ge

თბილისი. „საქართველოში დაბრუნებულ მიგრანტთა სარეინტეგრაციო დახმარების" 2016 წლის პროგრამის საგრანტო კონკურსში გამოვლინდა 6 გამარჯვებული არასამთავრობო ორგანიზაცია. საგრანტო პროგრამა 6 საგრანტო მიმართულებას მოიცავს და დაფინანსების საერთო მოცულობა 600 000 ლარს შეადგენს. „ახალგაზრდა ადვოკატები" მიგრანტთა ადვოკატირების პროექტს საქართველოს მასშტაბით განახორციელებს. სრულად... წყარო: barristers.ge

სამეგრელო. 17 მარტს, ზუგდიდის მუნიციპალიტეტის მერიის სხდომათა დარბაზში მრგვალი მაგიდის სხდომა გაიმართა თემაზე „სოციალურ სერვისებსა და პროგრამებზე ხელმისაწვდომობა". „შეხვედრაში მონაწილეობა მიიღეს ადგილობრივი ხელისუფლების, სამოქალაქო სექტორის და საერთაშორისო არასამთავრობო ორგანიზაციების წარმომადგენლებმა. მრგვალი მაგიდის სხდომაზე წარმოდგენილი იყო ორი კვლევის პრეზენტაცია - „მოხუცთა დაცვის მონიტორინგი" და „დევნილთა საარსებო წყაროები და ინტეგრაცია". კვლევის პრეზენტაციების შემდეგ გაიმართა დისკუსია, რომელშიც მონაწილეობა მიიღეს მრგვალი მაგიდის წევრებმა", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

თბილისი. 25-26 თებერვალს, ჟურნალისტებისთვის ჩატარდა ტრენინგი „იძულებით გადაადგილებულ პირთა-დევნილთა საკითხების გაშუქების თაობაზე". „პროგრამა მიზნად ისახავდა, მონაწილეთა ცნობიერების ამაღლებას იძულებით გადაადგილებულ პირთა-დევნილთა უფლებების საკითხებზე", ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. 19 თებერვალს, ფრონტლაინ ჯორჯია კლუბში სამოქალაქო საზოგადოების განვითარების ცენტრი (CSDC) გიწვევთ დოკუმენტური ფილმის, „ეს არ არის ჩემი სახლი", ჩვენებაზე. „ფილმი გადაღებულია „ლიბერალის" მიერ „ქალთა გლობალური ფონდის " მხარდაჭერით და გვიჩვენებს აფხაზეთიდან დევნილი 4 ქალის ისტორიას, რომელთაც ერთი საერთო ნიშანი - მომავლის რწმენა და სახლში დაბრუნების სურვილი აერთიანებთ. იძულებით გადაადგილებული პირები და მათი შვილები ომის შედეგებს დღემდე იმკიან. ფილმში ოთხი ქალი საკუთარ ამბავს ჰყვება, - თუ როგორი ახსოვთ მათ საკუთარი ცხოვრება ომამდე და რა შეიცვალა ომის შემდეგ, როგორ მოახერხეს საკუთარი თავის დამკვიდრება ახალ გარემოში და როგორ იბრძვიან დღემდე. მათი ისტორია განსხვავებულია: ზოგიერთი ახერხებს დე ფაქტო საზღვრის გადაკვეთას და ახლობლებთან ურთიერთობას ინარჩუნებს, ზოგიერთი კი ამისთვის მზად არ არის, თუმცა ყოველდღე ელოდება სახლში დაბრუნებას", ნათქვამია განცხადებაში. სრულად... წყარო: liberali.ge