თბილისი. „აღმოსავლეთ ევროპის მრავალპარტიული დემოკრატიის ცენტრი" (EECMD) და ფონდი „ღია საზოგადოება - საქართველო" 16 თებერვალს ბათუმში ევროკავშირთან ასოცირების ხელშეკრულებით ნაკისრი ვალდებულებების შესრულების ანგარიშის პრეზენტაციას მართავს. ანგარიშები შეეხება შემდეგ საკითხებს: კორუფციის წინააღმდეგ ბრძოლა და საჯარო სამსახურის რეფორმა; შრომის სტანდარტები; ბავშვთა უფლებები; გარემოს დაცვა თანასწორობა. 11:00 საათზე, „თავისუფალ ჟურნალისტთა სახლში" (მისამართზე - მემედ აბაშიძის №48) ორგანიზაცია „პარტნიორობა ადამიანის უფლებებისთვის" აღმასრულებელი დირექტორი, ანა არგანაშვილი ბავშვთა უფლებების საკითხზე ისაუბრებს; პარალელურად, მრავალპარტიული დემოკრატიის აღმოსავლეთ ევროპულ ცენტრში (დემოკრატიის სკოლა, ახმედ მელაშვილის №20) კორუფციის წინააღმდეგ ბრძოლისა და საჯარო სამსახურის რეფორმის, შრომის სტანდარტების, გარემოს დაცვისა და თანასწორობის საკითხებს მიმოიხილავენ. დასწრება ორივე შეხვედრაზე თავისუფალია. სრულად  წყარო: http://www.osgf.ge

თბილისი. გარემოსდაცვითი ინფორმაციისა და განათლების ცენტრმა "გარემოსდაცვითი მმართველის" მორიგი 5-დღიანი კურსი დაასრულა. მისი მთავარი მიზანი კომპანიებისთვის კადრების თანამედროვე მოთხოვნების შესაბამისად გადამზადებაა. კურსის გავლის შედეგად მონაწილეებს შეუძლიათ: კომპანიის ნარჩენების მართვის გეგმის მომზადება და განახლება; კომპანიის ნარჩენების მართვის გეგმის განხორციელების ორგანიზება; ნარჩენების მართვის სფეროში საქართველოს კანონმდებლობის მოთხოვნების შესრულების მონიტორინგი და შიდა კონტროლის განხორციელება. სრულად  წყარო: ორგანიზაციის გვერდი სოციალურ ქსელში

აჭარა. 2018 წლის 31 იანვარს და 1 თებერვალს, ევროკავშირის ENPARD-ის პროგრამის მიერ მხარდაჭერილი პროექტის - „ადგილობრივი რესურსებისა და პოტენციალის ოპტიმალური გამოყენება სოფლის განვითარებისათვის აჭარის ა.რ. ქედის მუნიციპალიტეტში", ფარგლებში, CENN-მა მრჩეველთა საბჭოსა და ადგილობრივი განვითარების ჯგუფების წარმომადგენელთა შეხვედრებს უმასპინძლა. ღონისძიებაში მონაწილეობა მიიღო საქართველოს გარემოს დაცვისა და სოფლის მეურნეობის სამინისტროს, აჭარის ა/რ სოფლის მეურნეობის სამინისტროს, საქართველოში ევროკავშირის წარმომადგენლობის, ENPARD-ის განმახორციელებელი ორგანიზაციებისა და პარტნიორების, ასევე ადგილობრივი განვითარების ჯგუფების წარმომადგენლებმა. მრჩეველთა საბჭოს შეკრების მიზანი იყო, პროექტის მიმდინარეობის გაცნობა და მონაწილეთა შორის ინფორმაციისა და რეკომენდაციების ურთიერთგაცვლა. ორდღიანი ღონისძების ფარგლებში, CENN-მა ასევე უმასპინძლა ევროკავშირის მიერ საქართველოს 8 მუნიციპალიტეტში ჩამოყალიბებული LAGs-ბის წარმომადგენელთა სამუშაო შეხვედრას. შეხვედრის მიზანი იყო მონაწილეთა შორის კავშირებისა და პარტნიორების შესაძლებლობების ჩამოყალიბება-გაძლიერება, მოსაზრებების გაცვლა შემდგომი განვითარებისათვის და გამოცდილებების გაზიარება. მომავალში თანამშრომლობის მიზნით, შეხვედრის ფარგლებში, CENN-ის გუნდმა წარადგინა სხვადასხვა მუნიციპალიტეტებში მიმდინარე გარემოსდაცვითი პროექტები რომელთა დაკავშირებაც შესაძლებელია ადგილობრივ განვითარების ჯგუფებთან და მათ ინიციატივებთან. სრულად  წყარო: http://enpard.ge

თბილისი. გარემოსდაცვითი ინფორმაციისა და განათლების ცენტრი გარემოს დაბინძურების რისკების შესახებ ინფორმაციას აქვეყნებს. „ავტომობილის ზედმეტად დატვირთვა და ღია ფანჯრებით მგზავრობა, როგორც შევიტყვეთ, საწვავის მოხმარებას ერთიორად ზრდის, თუმცა, როგორც აღმოჩნდა საწვავის ხარჯი და შესაბამისად გამონაბოლქვი მაშინაც იზრდება თუ ავტომობილს სტანდარტულ ზომაზე დიდ საბურავებს მოვარგებთ. დიდი ზომის საბურავებით, შესაძლოა ჩვენი ავტომობილი უფრო გამორჩეული და დასამახსოვრებელი, მისით მგზავრობა კი უფრო კომფორტული ჩანდეს, მაგრამ არ დაგვავიწყდეს, რომ დიდი ზომის საბურავები საწვავის მოხმარებას 2-3%-ით ზრდის. იზრდება ხარჯი, გამონაბოლქვი, ჰაერში მავნე ნივთიერებების კონცენტრაცია და დაავადებების რისკი", - ვკითხულობთ ინფორმაციაში. სრულად  წყარო: ორგანიზაციის გვერდი სოციალურ ქსელში

თბილისი. საქართველოს სახალხო დამცველი ავტოტრანსპორტის ტექდათვალიერებასთან დაკავშირებულ ცვლილებებს ეხმიანება. „საზოგადოებაში ყოველდღიურად სულ უფრო მეტ აქტუალობას იძენს ჰაერის დაბინძურების პრობლემა, რომელიც უარყოფითად აისახება მოსახლეობის ჯანმრთელობის მდგომარეობაზე. საქართველოს გარემოსა და ბუნებრივი რესურსების დაცვის სამინისტროს ცნობით, ქვეყანაში ჰაერის დაბინძურების სამ უმთავრეს წყაროს შორისაა ტრანსპორტის სექტორი", - ნათქვამია განცხადებაში, - „საქართველოს პარლამენტის მიერ მიღებული ცვლილებებითა და საქართველოს მთავრობის მიერ დამტკიცებული ახალი რეგლამენტით, ავტოტრანსპორტის ტექდათვალიერება კვლავ გადავადდა რამდენიმე წლით, რაც არ შეესაბამება ჰაერის დაბინძურების პრობლემის მოგვარებისა და მოსახლეობის ჯანმრთელობაზე ზრუნვის ინტერესებს". სრულად  წყარო: ორგანიზაციის ვებგვერდი

აჭარა. ენერგოეფექტური ტექნოლოგიებით აღჭურვილი სკვერი ოფიციალურად გაიხსნა. არსებული რეკრეაციული ზონა შაფათავასა და მარუხის ქუჩების კვეთაში მდებარეობს. „სპეციალურ მოწყობილობაზე მიერთებული განათების სისტემა, მზისგან მიღებული ენერგიით სრულად და გარანტირებულად უზრუნველყოფს არსებულ სკვერში განლაგებული ტაძრის ფასადისა და ეზოს განათებას. სკვერში სამომავლოდ დამონტაჟდება მზის ელემენტებით აღჭურვილი კონსტრუქცია USB დასამუხტი წერტილებით, სადაც შესაძლებელი იქნება მობილური ტელეფონების დამუხტვა, ასევე სკვერში ხელმისაწვდომი იქნება Wi-Fi. პროექტის მიზანია შექმნას გარე განათების სისტემაში განახლებადი ენერგიის გამოყენების სადემონსტრაციო პრეცედენტი", ნათქვამია დემოკრატიის ინსტიტუტის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. შოთა რუსთაველის ეროვნული სამეცნიერო ფონდის 2017 წლის კონკურსის - „მეცნიერება იწყება სკოლიდან – კვლევები მოსწავლეთა მონაწილეობით" - ფარგლებში, თბილისის N64-ე საჯარო სკოლის ბაზაზე, ეკოლოგიური კლუბი „ერთადერთი დედამიწა" დაარსდა. კლუბი საქართველოს აგრარული უნივერსიტეტის ინიციატივით, საქართველოს საპატრიარქოს წმინდა ილია მართლის თბილისის სკოლისა და „კავკასიის გარემოსდაცვითი არასამთავრობო ორგანიზაციების ქსელის" (CENN) აქტიური მხარდაჭერით შეიქმნა. შეხვედრები კლუბში ორ კვირაში ერთხელ გაიმართება და სხვადასხვა საკითხს მიეძღვნება. სრულად  წყარო: CENN

შიდა ქართლი. 28 ოქტომბერს „კეთილდღეობის და განვითარების ცენტრ"-თან არსებულმა სამოქალაქო აქტივიზმის ცენტრის მოხალისეებმა სოფელ ატენის ხეობაში, დამცვარი ტყის მიმდებარე ტერიტორიაზე განაშენიანების აქცია მოაწყვეს. ღონისძიების ფარგლებში, დაირგო სხვადასხვა ჯიშის ფოთლოვანი ხეები. განაშენიანებაში მონაწილეობდა სოფლის მოსახლეობამაც. აქციის მიზანი იყო ატენის ხეობის დამწვარი ტერიტორიის აღდგენა, აქცია პერმანენტულ ხასიათს მიიღებს. სრულად... წყარო: ორგანიზაციის ვებგვერდი სოციალურ ქსელში

აჭარა. 2017 წლის 23-27 ოქტომბერს, ევროკავშირის მხარდაჭერით მიმდინარე პროექტის, „ადგილობრივი რესურსებისა და პოტენციალის ოპტიმალური გამოყენება სოფლის განვითარებისათვის" ფარგლებში, CENN-მა ქედის მუნიციპალიტეტის 20-მდე სკოლაში მოსწავლეებს ჩაუტარა თავისუფალი გაკვეთილები კლიმატის ცვლილების თემაზე და ახალგაზრდებს კონკურში, „მე - ლიდერი", მონაწილეობის პირობები გააცნო. პროექტს - "ადგილობრივი რესურსებისა და პოტენციალის ოპტიმალური გამოყენება სოფლის განვითარებისათვის" - ევროკავშირის ფინანსური მხარდაჭერით ახორციელებს კავკასიის გარემოსდაცვითი არასამთავრობო ორგანიზაციების ქსელის (CENN), საქართველოს სტრატეგიული კვლევებისა და განვითარების ცენტრი (CSRDG), დემოკრატიის ინსტიტუტთან (IoD) და ავსტრიის რეგიონული კვლევებისა და სივრცითი დაგეგმარების ინსტიტუტთან (ÖIR) თანამშრომლობით. პროექტის მიზანია ადგილობრივი ეკონომიკური საქმიანობის დივერსიფიკაცია, ინვესტიციების მოზიდვა და კონკრეტული სასოფლო-სამეურნეო და გარემოსდაცვითი პრაქტიკის ხელშეწყობა სოფლის განვითარების თანამონაწილეობრივი, სტრატეგიული დაგეგმვის გზით. სრულად  წყარო: ორგანიზაციის ვებგვერდი

სამცხე-ჯავახეთი. ახალქალაქის მუნიციპალიტეტის სოფელ ორჯას მიმდებარე ტერიტორიაზე დასუფთავების აქცია გაიმართა. „ღონისძიება დაიგეგმა ტოლერანტობის სამოქალაქო ცნობიერებისა და ინტეგრაციის, მხარდაჭერის პროგრამა PITA-ს ფარგლებში, რომელსაც ახორციელებს საქართველოს გაეროს ასოციაცია, აშშ-ს საერთაშორისო განვითარე ბის სააგენტოს (USAID) ფინანსური მხარდაჭერით", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

შიდა ქართლი. 31 ივლისს, გორის მოხალისის მარიამ ისპირიანის მოხალისეთა კლუბმა და „ქართლოსის" EVS მოხალისეებმა ატენის ხეობაში დასუფთავების აქცია მოაწყვეს. სრულად... წყარო: ორგანიზაციის ვებ-გვერდი სოციალურ ქსელში

ნიკო კეცხოველის სასკოლო პრემიის ფინალისტებმა ეკობანაკში მოიყარეს თავი. „ათი დღის განმავლობაში ახალგაზრდა ლიდერებს ჩაუტარდათ სემინარები ტყის მართვის, ნარჩენების მართვის, საზოგადოებრივი ჩართულობის, დაცული ტერიტორიების და ეკოტურისტული სერვისების შესახებ. ამას მოჰყვა პრაქტიკული სავარჯიშოები და საველე პრაქტიკა თიანეთში, ხონსა და მარტვილში", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

სამეგრელო. საერთაშორისო გამჭვირვალობა - საქართველო აქვეყნებს ვიდეოს დაბინძურებულ მდინარე „ჩხოუშ"-ზე. „ზუგდიდში, მდინარე ჩხოუში და მისი სანაპირო სისტემატიურად ბინძურდება. დაბინძურების უმთავრეს წყაროს ბაზრობა წარმოადგენს, სადაც დაგროვილი ნარჩენების ნაწილს მოქალაქეები თუ მოვაჭრეები მდინარეში ან მის ნაპირზე ყრიან. „ზუგდიდდასუფთავებაში" მიაჩნიათ, რომ აუცილებელია მათ მიენიჭოთ მდინარის დაბინძურებისათვის პირთა დაჯარიმების უფლება, რომელიც ამჟამად მხოლოდ ზედამზედველობის სამსახურს აქვს, თუმცა საჯარიმო სანქციები ამ უწყებას დღემდე არ გაუტარებია. „საერთაშორისო გამჭვირვალობა - საქართველოს" პოზიციით: • ნარჩენებით გარემოს, მათ შორის მდინარის დაბინძურებისათვის საჯარიმო სანქციების დაკისრების უფლება დროულად უნდა მიეცეს „ზუგდიდდასუფთავებას" • მნიშვნელოვანია, რომ ქალაქ ზუგდიდის ბაზრის მიმდებარე ტერიტორიის, ასევე მდინარე ჩხოუშია და მისი სანაპიროს დაბინძურებაზე აქტიური მონიტორინგი როგორც "ზუგდიდდასუფთავებამ”, ასევე ზედამხედველობის სამსახურმა აქტიურად უნდა განახორციელონ”, ნათქვამია ორგანზიაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში

სამცხე-ჯავახეთი. დემოკრატიული ჩართულობის მხარდაჭერის პროგრამის (FID) მონაწილეთა ინიციატივით, დემოკრატ მესხთა კავშირის იურისტებმა შეიმუშავეს, ქალაქ ახალციხის მუნიციპალიტეტის საკრებულოსთვის წარსადგენი დადგენილების პროექტი. პროექტით ახალგაზრდები მოითხოვენ, ქალაქ ახალციხის მუნიციპალიტეტის სარეკრეაციო ტერიტორიებსა და საზოგადოებრივ სივრცეებში განაშენიანების რეგულირების წესების განსაზღვრას.  „ქალაქში არსებული არცერთი პარკი და სკვერი არ არის დარეგისტრირებული, როგორც სარეკრეაციო ზოლი, რაც შესაძლებელს ხდის, მის სივრცეში, მოხდეს, ნებისმიერი სახის ჩარევა, სწორედ მსგავსი ჩარევისგან თავის ასარიდებლად მნიშვნელოვანია, რომ თითოეულ მათგანს მიენიჭოს რეკრეაციული ზონის სტატუსი. ამ დროისათვის ახალგაზრდები, ელოდებიან მერიის მხრიდან, საკითხის (დადგენილების პროექტის) დეტალურ შესწავლას და ოფიციალური პოზიციის დაფიქსირებას", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. საქართველოს წითელი ჯვრის საზოგადოების ორგანიზებით, გაიმართა შეხვედრა კლიმატურ ცვლილებებთან ადაპტაციის თაობაზე. ღონისძიების მიზანი იყო პარტნიორებისთვის საქართველოში კლიმატის ცვლილების შედეგად არსებული გამოწვევებისა და საადაპტაციო ღონისძიებების წარდგენა. შეხვედრაზე განიხილეს ეროვნული საადაპტაციო გეგმის მომზადების პროცესი და სამომავლო გეგმები, საზოგადოებრივი ორგანიზაციების მიერ ამ მიმართულებით განხორციელებული საქმიანობები. ღონისძიებაში მონაწილეობდნენ კლიმატურ ცვლილებების ირგვლივ მომუშავე ორგანიზაციები: მსოფლიო ბანკის თბილისის ოფისი, მდგრადი განვითარების ცენტრი „რემისია", კავკასიის გარემოსდაცვითი არასამთავრობო ქსელი, გაეროს გარემოსდაცვისა და ენერგეტიკის დეპარტამენტი. შეხვედრა საქართველოს გარემოსა და ბუნებრივი რესურსების დაცვის სამინისტროს მხარდაჭერით გაიმართა. სრულად  წყარო: საქართველოს წითელი ჯვრის საზოგადოების გვერდი სოციალურ ქსელში

მცხეთა-მთიანეთი. ბულაჩაურის „მწვანე ცენტრში" მედიის წარმომადგენლებისთვის ტრეინინგ-კურსის შემაჯამებელი შეხვედრა გაიმართა. ჟურნალისტების შეკითხვებს გარემოსა და ბუნებრივი რესურსების დაცვის მინისტრის პირველმა მოადგილემ და ეროვნული სატყეო სააგენტოს უფროსმა უპასუხეს. სწავლების მიზანია ჟურნალისტების კვალიფიკაციის ამაღლება საქართველოს სატყეო რეფორმის, სატყეო პოლიტიკის ძირითადი გამოწვევებისა და განვითარების შესაძლებლობების მიმართულებით. ინიციატივა ხორციელდება CENN-ის მიერ პროექტის - „ტყის მდგრადი მართვა საქართველოში" - ფარგლებში. პროექტის პარტნიორები და ფინანსური მხარდამჭერები არიან: ავსტრიის თანამშრომლობა განვითარებისათვის (ADC), გერმანიის საერთაშორისო თანამშრომლობის საზოგადოება (GIZ). პროექტი Global Forest Watch, გლობალური გარემოსდაცვითი ფონდი (GEF), გაეროს გარემოსდაცვითი პროგრამა (UNEP). სრულად  წყარო: CENN-ის გვერდი სოციალურ ქსელში

7 ივლისს, 18:00 საათზე, გარემოსდაცვითი ინფორმაციისა და განათლების ცენტრი მართავს დებატებს თემაზე - ეკოსისტემის სერვისები და ურბანული განვითარება. მისამართი: ბესარიონ ჟღენტის #35 რეგისტრაციისათვის გადადით ბმულზე: https://docs.google.com/…/1FAIpQLSftultrzFT3leUxrE…/viewform

ხუთშაბათს, 6 ივლისს, 20:00 საათზე გარემოსდაცვითი ინფორმაციისა და განათლების ცენტრის ეკოჰაბში გაიმართება ქართველი რეჟისორების მიერ გადაღებული გარემოსდაცვითი ფილმების ჩვენება - „შავი მასა” (რეჟისორი - სანდრო სულაძე), „დახშული სივრცე” (რეჟისორი - ლევან შუბაშვილი). ჩვენების შემდეგ გაიმართება დისკუსია. მისამართი: თბილისი, ბესარიონ ჟღენტის #35.

კახეთი. გარემოსდაცვითი ინფორმაციისა და განათლების ცენტრმა კაჭრეთში საზოგადოებრივი კოლეჯის, „აისის" სტუდენტებსა და ლექტორებს ჩაუტარა ტრენინგი - „ლანდშაფტისა და მიწის რესურსების მდგრადი მართვის დანერგვა". ტრენინგი ამ ჯგუფებისთვის ნიადაგის დეგრადაციის კუთხით არსებული პრობლემების, მიწებისა და ლანდშაფტების მდგრადი მართვის თანამედროვე და ეფექტური გზების, მეთოდების გაცნობასა და ცნობიერების ამაღლებას ისახავდა მიზნად. სრულად წყარო: გარემოსდაცვითი ინფორმაციისა და განათლებს ცენტრის ოფიციალური ფეისბუქგვერდი

თბილისი. საქართველოს გარემოსა და ბუნებრივი რესურსების დაცვის სამინისტრო, გაეროს განვითარების პროგრამა (UNDP) და გლობალური გარემოსდაცვითი ფონდი (GEF) იწყებენ ახალ ინიციატივას, რომლის მიზანია საქართველოს ძალისხმევის ხელშეწყობა კლიმატის ცვლილების წინააღმდეგ. „ოთხწლიანი (2017-2021) ინიციატივა, რომლის ბიუჯეტი 850 ათას აშშ დოლარს აღემატება, ითვალისწინებს ინფორმაციის შეგროვებას საქართველოში კლიმატის ცვლილების გამოვლინებების შესახებ და სათბური აირის ემისიების ინვენტარიზაციას. ამ ინფორმაციის საფუძველზე საქართველოს მთავრობა მოამზადებს ანგარიშებს გაეროს კლიმატის ცვლილების ჩარჩო კონვენციის მიმართ, რომელიც ყველაზე ფართომასშტაბიანი საერთაშორისო შეთანხმებაა კლიმატის ცვლილების წინააღმდეგ მიმართულ გლობალურ ძალისხმევაში", ნათქვამია ორგანიზაციის ვებ-გვერდზე. სრულად... წყარო: www.ge.undp.org

კახეთი. გარემოსდაცვითი ინფორმაციისა და განათლების ცენტრმა სიღნაღის მუნიციპალიტეტში, თვითმმართველობის წარმომადგენლებსა და ადგილობრივ ფერმერებს ტრენინგი ჩაუტარა. „ტრენინგის - „ლანდშაფტისა და მიწის რესურსების მდგრადი მართვის დანერგვა", მიზანია გადაწყვეტილების მიმღებ პირთა, ადგილობრივი ფერმერებისა და სხვა დაინტერესებულ მხარეთათვის ცნობიერების ამაღლება; ასევე, ამ ჯგუფებისთვის ნიადაგის დეგრადაციის კუთხით არსებული პრობლემების, მიწებისა და ლანდშაფტების მდგრადი მართვის თანამედროვე და ეფექტური გზების, მეთოდების გაცნობა", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

თბილისი. ევროკავშირის კლიმატის დიპლომატიის კვირეულის ფარგლებში, ნატოსა და ევროკავშირის შესახებ საინფორმაციო ცენტრში, მედიის წარმომადგენლებისთვის საინფორმაციო შეხვედრა გაიმართა. „ევროკავშირის წვლილი საქართველოს მიერ კლიმატის ცვლილების პარიზის შეთანხმების შესრულებაში, საქართველოს დაბალემისიებიანი განვითარების სტრატეგია და მერების შეთანხმება, კლიმატის ცვლილება და ჯანდაცვა - ეს ის მნიშვნელოვანი საკითხებია, რაზეც მედიის წარმომადგენლებმა ამომწურავი ინფორმაცია მიიღეს", ნათქვამია ორგანიზაციის ვებ-გვერდზე. სრულად... წყარო: ორგანიზაციის ვებ-გვერდი სოციალურ ქსელში