თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს პანკისში დაგეგმილი ჰესების ეკოლოგიური დასკვნის დოკუმენტების კრიტიკულ ანალიზს. „თემის მიმართ არსებული მაღალი საზოგადოებრივი ინტერესიდან გამომდინარე, EMC აქვეყნებს შეფასებას, თუ რა ძირითად ხარვეზებს შეიცავს პანკისში ორივე ჰესის მშენებლობისა და ექსპლუატაციის სანებართვო დოკუმენტაცია, კერძოდ კი, გარემოზე ზემოქმედების ანგარიში (გზშ) და მასზე, გარემოს დაცვისა და სოფლის მეურნეობის სამინისტროს მიერ გაცემული დადებითი ეკოლოგიური ექსპერტიზის დასკვნა", ნათქვამია ორგანიზაციის ვებგვერდზე. სრულად... წყარო: emc.org.ge

<div style="text-align: justify;"><span style="font-weight: bold;">თბილისი. </span>საზოგადოებრივი ორგანიზაციები საქართველოს მთავრობას მოუწოდებენ, შეასრულოს ენერგეტიკის სექტორში ადამიანის უფლებების დაცვასთან დაკავშირებული ვალდებულებები.</div> <div style="text-align: justify;">„სამწუხაროდ, პრაქტიკაში მცირე ჰესის მშენებლობაც კი, გამოუსწორებელ ზიანს აყენებს ბუნებრივ და სოციალურ გარემოს. ამგვარად აშენებული ჰესების ენერგეტიკული ეფექტურობა და ეკონომიკური სარგებელი, ხშირად, მნიშვნელოვნად ჩამოუვარდება საპროექტო პირობებს. ზემოაღნიშნული ხარვეზების გამო, თითქმის ყველა რეგიონში, სადაც ჰესების მშენებლობა მიმდინარეობს/დაგეგმილია, ადგილობრივი მოსახლეობა და გარემოსდაცვითი ორგანიზაციები სხვადასხვა მშვიდობიანი ფორმით გამოთქვამენ პროტესტს. ამ სამართლიან პროტესტს გარკვეულ შემთხვევებში სახელმწიფო უკანონოდ ზღუდავს რეპრესიული ინსტრუმენტებით, რაც კიდევ უფრო ამწვავებს პრობლემებს და სოციალურ კონფლიქტებს", ნათქვამია ორგანიზაციის ვებგვერდზე.</div> <div style="text-align: justify;"><a href="http://emc.org.ge/ka/products/arasamtavrobo-organizatsiebi-sakartvelos-mtavrobas-moutsodeben-sheasrulos-energetikis-sektorshi-adamianis-uflebebis-datsvastan-dakavshirebuli-valdebulebebi" target="_blank" style="font-weight: bold;">სრულად...</a></div> <div style="text-align: justify;">წყარო: emc.org.ge</div>

<div style="text-align: justify;"><span style="font-weight: bold;">თბილისი. </span>ადამიანის უფლებების სწავლებისა და მონიტორინგის ცენტრმა (EMC) და მწვანე ალტერნატივამ, ადგილობრივი მოსახლეობის სახელით, ნენსკრა ჰესის პროექტის თაობაზე თბილისის საქალაქო სასამართლოს სარჩელით მიმართეს.</div> <div style="text-align: justify;">დავა შეეხება სვანეთში, ჭუბერისა და ნაკრას ტერიტორიებზე დაგეგმილი 280 მგვტ. სიმძლავრის ჰიდროელექტროსადგურის პროექტს, რომელსაც სახელმწიფო საკუთრებაში არსებული საპარტნიორო ფონდი და კორეული სახელმწიფო წყლის კომპანია K-water ახორციელებენ.</div> <div style="text-align: justify;"><a href="http://emc.org.ge/ka/products/mtsvane-alternativam-da-emc-im-nenskra-hesis-proektze-sasamartloshi-dava-daitsqes" target="_blank" style="font-weight: bold;">სრულად </a></div> <div style="text-align: justify;">წყარო: emc.org</div> <div style="text-align: justify;"><br /> </div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> 26 თებერვალს, სახალხო დამცველმა ნინო ლომჯარიამ საქართველოში ატმოსფერული ჰაერის დაბინძურების ხარისხთან დაკავშირებით სპეციალურ ანგარიში წარმოადგინა. მან სუფთა ჰაერზე უფლების მნიშვნელობაზე, მისი სრულფასოვნად რეალიზების კუთხით ქვეყანაში არსებულ გამოწვევებსა და მათი გადაჭრის გზებზე ისაუბრა.</div> <div style="text-align: justify;">„დოკუმენტის მომზადების მიზნით, საქართველოს სახალხო დამცველის აპარატმა შეისწავლა ეროვნული კანონმდებლობა, მისი ეფექტურობა და შესაბამისობა საერთაშორისო სტანდარტებთან, გამოკვეთა ჰაერის დამაბინძურებელი ძირითადი მავნე ნივთიერებები და მათი წყაროები, შეაფასა ატმოსფერული ჰაერის დაბინძურების მონიტორინგის სისტემა და შედეგებზე რეაგირების მექანიზმი", ნათქვამია ომბუდსმენის გვერდზე სოციალურ ქსელში.</div> <div style="text-align: justify;"><a href="http://www.facebook.com/pg/OmbudsmanofGeorgia/photos/?tab=album&album_id=2024970247540494&__tn__=-UC-R" target="_blank" style="font-weight: bold;">სრულად...</a></div> <div style="text-align: justify;">წყარო: ომბუდსმენის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">იმერეთი. </span>PITA ქუთაისის ახალგაზრდულმა ცენტრმა მოაწყო დასუფთავების აქცია, რომლის ფარგლებში ჭავაჭავაძის გამზირის მიმდებარე ტერიტორია დაასუფთავა.</div> <div style="text-align: justify;">აქციის მიზანი იყო ნარჩენების დაყრის ჩვევის შეცვლა საქართველოში, გარემოსდაცვითი საქმიანობის და ნარჩენების სეპარირების შესახებ მოსახლეობის ინფორმირებულობა.</div> <div style="text-align: justify;"><a href="http://www.facebook.com/pg/PITAkutaisi/photos/?tab=album&album_id=1024047454468909" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის ვებგვერდი სოციალურ ქსელში</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>გარემოს დაცვითი გამოწვევებისა და მათი დაძლევის სამომავლო გზებზე მსჯელობა გრძელდება.</div> <div style="text-align: justify;">„საიამ, EMC-მ და „მწვანე ალტერნატივამ" საზოგადოებას ერთობლივი პროექტის შესახებაც მიაწოდეს ინფორმაცია, რომელიც გარემოსდაცვით საკითხებზე იქნება ორიენტირებული.</div> <div style="text-align: justify;">შეხვედრის დროს ასევე ყურადღება გამახვილდა სამომავლო თანამშრომლობისა და მწვანე პლატფორმის ჩამოყალიბების პერსპექტივაზე", ნათქვამია ორგანიზაციის გვერდზე სოციალურ ქსელში.</div> <div style="text-align: justify;"><a href="http://www.facebook.com/GYLA.ge/photos/pcb.2177027572336356/2177021095670337/?type=3&theater" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">თბილისი.</span> არასამთავრობო ორგანიზაციები მოუწოდებენ საქართველოს პარლამენტს არ დაუშვას დაცულ ტერიტორიაზე დიდი ინფრასტრუქტურული პროექტების მშენებლობა.</div> <div style="text-align: justify;">„დაცული ლანდშაფტი წარმოადგენს დაცული ტერიტორიის ერთ-ერთ კატეგორიას, რომელიც იქმნება ეროვნული მნიშვნელობის მქონე, მაღალი ესთეტიკური ღირებულებით გამორჩეული როგორც ბუნებრივი, ასევე ადამიანისა და ბუნებრივი გარემოს ჰარმონიული ურთიერთქმედების შედეგად ჩამოყალიბებული ბუნებრივ-კულტურული ლანდშაფტის დასაცავად, სასიცოცხლო გარემოს შენარჩუნების, რეკრეაციულ-ტურისტული და ტრადიციული სამეურნეო საქმიანობისათვის.</div> <div style="text-align: justify;">შესაბამისად, დაცულ ტერიტორიაზე ნებისმიერი სამუშაო სწორედ ამ მახასიათებლების შენარჩუნებასა და აღდგენაზე უნდა იქნას ორიენტირებული, ხოლო სხვა ნებისმიერი სამუშაო, რომელმაც შესაძლოა დაარღვიოს დაცული ტერიტორიის მთლიანობა, მისი ლანდშაფტი, არათავსებადია დაცული ტერიტორიის კონცეფციასთან და შესაბამისად დაუშვებელი უნდა იყოს მისი ამ ტერიტორიაზე განხორციელება. დაცულ ლანდშაფტში ჰესების და ენერგეტიკასთან დაკავშირებული სხვა ინფრასტრუქტურის მშენებლობა კი, ვერანაირად ვერ იქნება განხილული როგორც ადგილობრივი ეკოლოგიური სივრცის შენარჩუნებისა და დაცვის ინტერესის მქონე და პირიქით, ზუსტად მსგავსი უხეში ჩარევისგან დაცვის მიზნით იქმნება დაცული ტერიტორიები", ნათქვამია ორგანიზაციის ვებგვერდზე.</div> <div style="text-align: justify;"><a href="http://gyla.ge/ge/post/arasamtavrobo-organizaciebi-moutsodeben-saqartvelos-parlaments-ar-daushvas-dacul-teritoriaze-didi-infrastruqturuli-proeqtebis-mshenebloba#sthash.tlaDafye.dpbs" target="_blank" style="font-weight: bold;">სრულად...</a></div> <div style="text-align: justify;">წყარო: gyla.ge</div> <div><br /> </div>

<div style="text-align: justify;"><span style="font-weight: bold;">აჭარა. </span>სასტუმრო ჰილტონში CENN, აჭარის სოფლის მეურნეობის სამინისტროსთან ერთად, სატყეო პროექტის გახსნის შეხვედრა გაიმართა.</div> <div style="text-align: justify;">„შეხვედრის მიზანი იყო სატყეო დარგის პრიორიტეტული მიმართულებები. ასევე განიხილეს უწყებათშორისი და საზოგადოებრივი დიალოგის ხელშეწყობა დარგში არსებული პრობლემების გადაჭრისა და ადგილობრივი ეკონომიკური შესაძლებლობების განვითარებისათვის.</div> <div style="text-align: justify;">პროექტი ტყის მდგრადი მართვა სოფლის განვითარებისათვის ხორციელდება CENN-ის მიერ ავსტრიის თანამშრომლობა განვითარებისათვის (ADC) ფინანსური მხარდაჭერით. პროექტი მიზნად ისახავს ადგილობრივი შემოსავლის წყაროების დივერსიფიკაციის ხელშემწყობი გარემოს შექმნას და ეკოლოგიური რისკების შემცირებას ტყის მართვის გაუმჯობესების, სოფლად მდგრადი ენერგეტიკული გადაწყვეტილებების, ბუნებრივი კატასტროფების შემცირების, განათლების, ცნობიერების ამაღლების, ქალთა დასაქმების შესაძლებლობების გაზრდისა და ამ საკითხებზე ეფექტიანი უწყებათაშორისი კოორდინაციის ხელშეწყობას", ნათქვამია ორგანიზაციის ვებგვერდზე სოციალურ ქსელში.</div> <div style="text-align: justify;"><a href="http://www.facebook.com/pg/MinistryOfAgricultureOfAjara/photos/?tab=album&album_id=1859468877492618&__tn__=-UC-R" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის ვებგვერდი სოციალურ ქსელში</div> <div><br /> </div>

თბილისი. „ადამიანის უფლებების სწავლებისა და მონიტორინგის ცენტრი" (EMC) მოუწოდებს შინაგან საქმეთა სამინისტროს, შეწყვიტოს პანკისის ხეობაში ადგილობრივი აქტივისტებისა და თემის წევრების შევიწროებისა და კონტროლის პრაქტიკა. როგორც ორგანიზაციის მიერ გავცელებულ განცხადებაშია აღნიშნული, EMC მოუწოდებს საქართველოს შინაგან საქმეთა სამინისტროს, - „განმარტოს, რა სამართლებრივი საფუძვლით და წესით იბარებს ადგილობრივ მოსახლეობის პოლიციაში და რა საფუძვლით ცდილობს, ჰესების მშენებლობისთვის მათი მხარდაჭერის მოპოვებას; დაუყოვნებლივ შეწყვიტოს პანკისის ხეობის მოსახლეობის დაშინებისა და მათი გამოხატვის თავისუფლების შეზღუდვის პრაქტიკა და საკუთარი საქმიანობა, პანკისის ხეობაში, არსებითად მოაქციოს კანონის მოთხოვნებში; დაიწყოს დისციპლინური დევნა ყველა იმ გადაწყვეტილების მიღებაზე პასუხისმგებელი თანამშრომლების მიმართ, რომელიც ადგილობრივი თემის თვითნებური შევიწროების და კონტროლის პროცესში არის ჩართული".  სრულად წყარო: ორგანიზაციის ვებგვერდი

აჭარა. ბათუმის ახალგაზრდული ცენტრის ეკოკლუბის ინიციატივით, ბათუმის შოთა რუსთაველის სახელმწიფო უნივერსიტეტში, გაიმართა შეხვედრა „ნარჩენების მართვის თანამედროვე ტექნოლოგიები”. „შეხვედრაზე ისაუბრეს თუ რა გამოწვევების წინაშე დგას საქართველო, რა მნიშვნელობა აქვს ნარჩენების მართვას გარემოს დაცვის მიმართულებით. ასოცირების ხელშეკრულების ვალდებულებები; როგორი უნდა იყოს თანამედროვე ნაგავსაყრელი და როგორ უნდა დავახარისხოთ ნარჩენები”, ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. ვაკის პარკში სასტუმროსა და სხვა ნებისმიერი ტიპის ნაგებობის განთავსება, მიუღებელია ქალაქის მოსახლეობის უმრავლესობისათვის. „საკითხის მიმართ ამგვარი მიდგომა გამოუსწორებელ ზიანს მიაყენებს ქალაქის უამისოდაც კრიტიკულ მდგომარეობაში მყოფ ეკოლოგიურ გარემოს, უგულებელყოფს საზოგადოების მოთხოვნას და შექმნის საზიანო პრეცედენტს მომავალში ეკოსისტემური სერვისების დაცვისა და განვითარების პროცესისათვის. ამასთან, ხაზგასმით აღვნიშნავთ, რომ სადავო ტერიტორია ვაკის პარკის საზღვრებშია, წარმოადგენს სარეკრეაციო ზონას და მასში მშენებლობის დაშვება, ეწინააღმდეგება კანონსა და საჯარო ინტერესს. აღნიშნულიდან გამომდინარე, აუცილებელია მშენებლობის ნებართვის ხელახლა მისაღებად, ინვესტორის მოთხოვნაზე უარის თქმით, ერთხელ და სამუდამოდ გადაიჭრას ეს საკითხი. ვაკის პარკის მხარდამჭერი საზოგადოება გთხოვთ, თქვენი დასწრებით გაიმართოს საჯარო შეხვედრა, სადაც შევათანხმებთ მშენებლობის ახალ ნებართვაზე უარის სამართლებრივ არგუმენტებს, ასევე ვიმსჯელებთ სადავო ტერიტორიის ქალაქის საკუთრებაში დაბრუნების სამართლებრივ პერსპექტივებზე", ნათქვამია ერთობლივ განცხადებაში. სრულად... წყარო: ორგანიზაციის ვებგვერდი სოციალურ ქსელში

აჭარა. საქართველოს სახალხო დამცველმა გაიზიარა „ადამიანის უფლებების სწავლებისა და მონიტორინგის ცენტრის" (EMC) კრიტიკა ბათუმის საკრებულოს იმ გადაწყვეტილების მიმართ, რომლითაც მწვანე კონცხის მნიშვნელოვნად გამწვანებულ სივრცეში 28 სართულიანი სასტუმროს კომპლექსის მშენებლობა ხდება ნებადართული.  EMC აღნიშნულ საკითხზე საზოგადოება „ბათომის" სახელით, ბათუმის საქალაქო სასამართლოში აწარმოებს საქმეს და მიიჩნევს, რომ ეს გადაწყვეტილება საკრებულომ ქალაქგანვითარების პრინციპებისა და საჯარო ინტერესების უგულებელყოფით მიიღო. როგორც EMC -ის მიერ გავრცელებულ ინფორმაციაშია ნათქვამი, საქართველოს სახალხო დამცველი მწვანე კონცხის განაშენიანების საკითხზე ქ. ბათუმის საკრებულოსა და მერიის მიმართ გაცემული რეკომენდაციით იზიარებს EMC-ს პოზიციას და უკანონოდ მიიჩნევს აღნიშნულ დადგენილებას. კერძოდ, რეკომენდაციის თანახმად, ქ. ბათუმის საკრებულოს მიერ მითითებული გადაწყვეტილება მიღებული იყო საკითხის ყოველმხრივი გამოკვლევის გარეშე და ეწინააღმდეგება კანონმდებლობის მოქმედ რეგულაციებს, რის გამოც არსებობს აღნიშნული გადაწვეტილების ბათილად ცნობის საფუძველი.  სრულად წყარო: emc.org.ge

თბილისი. პანკისის ხეობის ადგილობრივი მაცხოვრებლების სახელით, „ადამიანის უფლებების სწავლებისა და მონიტორინგის ცენტრმა" (EMC) კიდევ ერთი ჰესის მშენებლობის საკითხზე დავა დაიწყო. დავა შეეხება ახმეტის მუნიციპალიტეტში, პანკისის ხეობაში მდინარე სამყურისწყალზე, შ.პ.ს. ,,ფერი"-ს მიერ დაგეგმილი 26.28 მვტ სიმძლავრის ჰიდროელექტროსადგურის ,,სამყურისწყალი 2 ჰესი"-ს მშენებლობას, რომელზეც სახელმწიფოს მიერ შესაბამისი ნებართვების გაცემა ადგილობრივი მოსახლეობის სათანადო ჩართულობისა და კვლევების გარეშე განხორციელდა. სრულად  წყარო: ორგანიზაციის ვებგვერდი

თბილისი. ევროპის ფონდის ორგანიზებით, შედგა დისკუსია თემაზე: „ჰაერის ხარისხის კუთხით საქარათველოში არსებული ძირითადი გამოწვევები – საერთაშორისო ვალდებულებები, საქართველოს კანონმდებლობა და საჯარო პოლიტიკა". ღონისძიების მიზანი იყო, შემდგარიყო დისკუსია საქართველოში ჰაერის ხარისხის გაუმჯობესების თემაზე, კერძოდ, თუ როგორ უნდა მოხდეს ევროპული პრაქტიკის დროულად და ეფექტურად დანერგვა გარემოსდაცვითი სამოქალაქო საზოგადოების ორგანიზაციების და ბიზნეს სექტორისა მაქსიმალური მონაწილეობით. სრულად  წყარო: ორგანიზაციის ვებგვერდი

აჭარა. „ადამიანის უფლებების სწავლებისა და მონიტორინგის ცენტრმა" (EMC) საზოგადოებრივი ორგანიზაცია „ბათომის" სახელით, ბათუმის მუნიციპალიტეტის საკრებულოს წინააღმდეგ, ბათუმის საქალაქო სასამართლოში სარჩელი შეიტანა. EMC იმ გადაწყვეტილების ბათილად ცნობას ითხოვს, რომლის საფუძველზეც, მწვანე კონცხის მნიშვნელოვნად გამწვანებულ სივრცეში საკრებულომ 28-სართულიანი სასტუმროს კომპლექსის მშენებლობა დაუშვა. EMC -ის განცხადებით, ეს გადაწყვეტილება საკრებულომ ქალაქგანვითარების პრინციპებისა და საჯარო ინტერესების უგულებელყოფით მიიღო. სრულად  წყარო: ორგანიზაციის ვებგვერდი

17-21 სექტემბერს, საქართველოს რეგიონებში სამოქალაქო კვირეული მიმდინარეობს. თემატური შეხვედრები საგზაო უსაფრთხოების თემებთან დაკავშირებით საქართველოს 10 რეგიონს მოიცავს. „კამპანიის მიზანია მოსახლეობის ცნობიერების ამაღლება და განათლება საგზაო უსაფრთხოების თემაზე. კამპანია „სუფთა ჰაერი, უსაფრთხო მოძრაობა" იმართება არასამთავრობო ორგანიზაცია „სიდას" მიერ, სამოქალაქო საზოგადოების რეგიონული ქსელის, საქართველოს ალიანსი უსაფრთხო გზებისთვის და ფოთის პორტის მხარდაჭერით. სამოქალაქო კვირეულს ფინანსურ მხარდაჭერას უწევს აღმოსავლეთ-დასავლეთის მართვის ინსტიტუტის (EWMI) ACCESS-ის პროექტი", ნათქვამია სამოქალაქო საზოგადოების რეგიონული ქსელის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. ორმოცდაათამდე ქარველმა და ევროპელმა ახალგაზრდამ მონაწილეობა მიიღო თეთრიწყაროს მუნიციპალიტეტში გამართულ ახალგაზრდულ ღონისძიებაში. ღონისძიება ევროკავშირის სოფლისა და სოფლის მეურნეობის განვითარების ევროპის სამეზობლო პროგრამის (ENPARD) პროექტის „სოფლის მდგრადი განვითარება თეთრიწყაროს მუნიციპალიტეტში" ფარგლებში შედგა. ღონისძიება მიზნად ისახავდა თეთრიწყაროს ახალგზრდებისთვის ევროპული ღირებულებებისა და კულტურის გაცნობასა და ინფორმაციის მიწოდებას იმ შესაძლებლობების შესახებ, რასაც მათ ევროკავშირი სთავაზობს როგორც ERASMUS-ის, ისე RDFG-ის მიერ განხორციელებული ENPARD-ის პროექტის ფარგლებში. სრულად  წყარო: http://enpard.ge

სამცხე-ჯავახეთი. ტოლერანტობის სამოქალაქო ცნობიერებისა და ინტეგრაციის მხარდაჭერის პროგრამა PITA-ში ჩართულმა ახალგაზრდებმა მონაწილეობა მიიღეს, ბორჯომ-ხარაგაულის ეროვნული პარკის მიერ ორგანიზებულ პროექტში - „კავშირი ბუნებასთან". პროექტის ფარგლებში, ახალგაზრდები შეხვდნენ დაცული ტერიტორიების სხვადასხვა ტერიტორიული ადმინისტრაციის თანამშრომლებს და მონაწილეობა მიიღეს თემატურ გარემოსდაცვით აქტივობებში. სრულად  წყარო: ორგანიზაციის გვერდი სოციალურ ქსელში

აჭარა. ევროკავშირის მხარდაჭერით, ENPARD-ის პროგრამის ფარგლებში, ქედის ადგილობრივი განვითარების ჯგუფმა (LAG) ქედის ადგილობრივი განვითარების სტრატეგია დაამტკიცა. სოფლად ეკონომიკური საქმიანობის დივერსიფიკაცია, კლიმატ-გონივრული სოფლის მეურნეობის ღირებულებათა ჯაჭვის განვითარება, გარემოს დაცვა, ბუნებრივი რესურსების მართვა და კატასტროფის რისკის შემცირება, ახალგაზრდებისა და ქალების ჩართულობის ხელშეწყობა – ეს მიმართულებებია წარმოდგენილი ევროკავშირის მხარდაჭერით შემუშავებულ ქედის მუნიციპალიტეტის ადგილობრივი განვითარების სტრატეგიაში.  სრულად  წყარო: http://enpard.ge

აჭარა. ბათუმის ახალგაზრდული ცენტრისა და კავკასიის გარემოსდაცვითი არასამთავრობო ორგანიზაციების ქსელის" (CENN) ორგანიზებით, ბათუმის ცენტრალურ პარკში, მოეწყო ფილმის - "ნაგავსაყრელი" - ჩვენება. ფილმში ნაჩვენებია ნაგავსაყრელზე არსებული რეალობა, მოთხრობილია სიმართლე იმაზე, თუ რა საფრთხეს გვიქმნის ჩვენ და ჩვენ ჯანმრთელობას ნაგავსაყრელები. პროექტი ხორციელდება "ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის” [PITA] ფარგლებში, რომელსაც ახორციელებს საქართველოს გაეროს ასოციაცია (UNAG), ამერიკის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით. სრულად  წყარო: ორგანიზაციის გვერდი სოციალურ ქსელში

თბილისი. დიღმის ტყე-პარკში დაგეგმილ მშენებლობასთან დაკავშირებით, საზოგადოებრივი ორგანიზაციების ნაწილი თბილისის მერსა და საკრებულოს თავმჯდომარეს მიმართავს. „მოვითხოვთ, უარი ეთქვას დიღმის ტყე-პარკის ტერიტორიაზე ახალი ნაგებობის პროექტის შეთანხმებისა და მშენებლობის ნებართვის გაცემის მოთხოვნას; ქალაქ თბილისის მერის განცხადებასთან თანხმობაში, KIA Motors-ის ამ ტერიტორიაზე განლაგებულ შენობა-ნაგებობას მიენიჭოს შეუსაბამო ნაგებობის სტატუსი; ახალი გენგეგმის პროექტის ფარგლებში, დიღმის ტყე-პარკის მთლიან ტერიტორიაზე (აღმაშენებლის ხეივნის, ახმეტელის, ლიუბლიანას და ჭოხონელიძის ქუჩებს შორის სრული არეალი, აღმაშენებლის ხეივნის გასწვრივ არსებული ნაწილობრივ განაშენიანებული ზოლის ჩათვლით) გავრცელდეს ლანდშაფტურ-სარეკრეაციო ზონის სტატუსი, რათა მომავალში თავიდან იქნას აცილებული ყოველგვარი მშენებლობა; მომავალ გენერალურ გეგმაში შენარჩუნდეს ამ ტერიტორიისთვის 2006 წელს მინიჭებული სპეციალური გამწვანების ზონის სტატუსი და შეზღუდვის ზონა; გაიმართოს საჯარო შეხვედრები დაინტერესებულ ჯგუფებთან დიღმის ტყე-პარკის დაცვისა და შენარჩუნების სამოქმედო გეგმის განხილვის მიზნით", - ნათქვამია განცხადებაში. სრულად  წყარო: emc.org.ge

თბილისი. „ადამიანის უფლებების სწავლებისა და მონიტორინგის ცენტრმა" (EMC) მოამზადა ვიდეომასალა „ჰესები პანკისის ხეობაში", რომელშიც საუბარია იმ ეკოლოგიურ და სოციალურ ზიანზე, რასაც, მწვანე აქტივისებისა და ექსპერტების აზრით, პანკისის ხეობაში დაგეგმილი ჰესების კასკადის მშენებლობა მოიტანს. „ბოლო წლებში, პანკისის ხეობაში ორი ჰესი - „ხადორი 1" და „ხადორი 2" აშენდა. როგორც ადგილობრივები ამბობენ, ჰესებმა ხეობის ეკოსისტემას გამოუსწორებელი ზიანი მიაყენა. მომავალში, ხეობაში დამატებით სამი ჰესის მშენებლობა იგეგმება - „ხადორი 3"-ის, „სამყურისწყალი 1" და „სამყურისწყალი 2"-ს. „ხადორი 3"-ის მშენებლობაზე ნებართვა უკვე გაცემულია, თუმცა, კომპანიას სამშენებლო სამუშაოები ადგილობრივი მოსახლეობის წინააღმდეგობის გამო შეჩერებული აქვს", - აღნიშნულია EMC-ის მიერ გავრცელებულ ინფორმაციაში. სრულად  წყარო: ორგანიზაციის ვებგვერდი