იმერეთი. PITA ქუთაისის ახალგაზრდულმა ცენტრმა მოაწყო დასუფთავების აქცია, რომლის ფარგლებში დავით აღმაშენებლის გამზირის მიმდებარე ტერიტორია დაასუფთავა. აქციის ფარგლებში, ასევე, მოსახლეობას მიეწოდა ინფორმაცია გარემოსდაცვითი საქმიანობისა და ნარჩენების სეპარირების შესახებ.  ღონისძიება ორგანიზებული იყო ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის (PITA) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) ფინანსური მხარდაჭერით. პროგრამის პარტნიორია განათლების განვითარების და დასაქმების ცენტრი (EDEC).  სრულად  წყარო: ორგანიზაციის გვერდი სოციალურ ქსელში

თბილისი. “ადამიანის უფლებების სწავლებისა და მონიტორინგის ცენტრი“ (EMC) აქვეყნებს კვლევას „ჰესების მშენებლობა სვანეთში და მისი ზეგავლენა ადამიანის უფლებებზე”.  კვლევაში, ნენსკა ჰესისა და ხუდონ ჰესის მაგალითზე, მიმოხილულია ჰესების მშენებლობასთან დაკავშირებით სახელმწიფო პოლიტიკის ძირითადი გამოწვევები და ხარვეზები.  სრულად   წყარო: ორგანიზაციის ვებგვერდი

თბილისი. 18 ივლისს, ადამიანის უფლებების სწავლებისა და მონიტორინგის ცენტრმა (EMC) წარადგინა კვლევის პირველად შედეგები: „ჰესების მშენებლობა სვანეთში და მისი ზეგავლენა ადამიანის უფლებებზე“. „კვლევაში, ნენსკა ჰესისა და ხუდონ ჰესის მაგალითზე, მიმოხილულია ჰესების მშენებლობასთან დაკავშირებით, სახელმწიფო პოლიტიკის ძირითადი გამოწვევები და ხარვეზები“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. „ადამიანის უფლებების სწავლებისა და მონიტორინგის ცენბტრი“ (EMC) აქვეყნებს ლუკა ნახუცრიშვილის თვალსაზრისს - „ფიცის სიმტკიცე და მოხეტიალე კონსტიტუცია-ხაიშელები სახელმწიფოს პირისპირ”, რომელიც ხუდონ-ჰესის მშენებლობის ირგვლივ მიმდინარე მოვლენებს ეხება.  „სოფელ ხაიშის მკვიდრი სვანები, 1980-იანი წლების წარმატებული პროტესტის შემდეგ, კვლავ დარაზმულან ხუდონ-ჰესის მშენებლობის წინააღმდეგ, რომლის პროექტმაც აქტუალურობა “ნაციონალური მოძრაობის“ მმართველობის დროს დაიბრუნა“, - ვკითხულობთ, თვალსაზრისში, - „სვანები არ ჯერდებიან მოქალაქეობის იმ სუსტ, გამოფიტულ ფორმას, რომელსაც მათ სახელმწიფო სთავაზობს, და თავად იღებენ ინიციატივას საერთო ინტერესზე, რომლის თანაგანსაზღვრის უფლებაც მათ სახელწმიფომ ე.წ. ეროვნული ინტერესის სახელით ჩამოართვა. მათი საჯარო გამოსვლები კანონის, უფლებებისა და ეროვნული ინტერესის ენაზე მეტყველებს; ისინი ითხოვენ, “მიეცეს საქართველოს მოსახლეობას უფლება, ძირითადი და მტკივნეული საკითხები გადაიჭრას მისი უშუალო ჩარევით ანუ საერთო სახალხო რეფერენდუმისა და პლებისციტის გზით“. ამავდროულად, წმ. გიორგის ხატზე ფიცი იდება; 2018 წელს კი, პირველად 1948 წლის შემდეგ, ეწყობა სრულიად სასვანეთო ლალხორი, სვანეთის თემთა წარმომადგენლების შეკრება, რომლის გადაწყვეტილებებიც ტრადიციულად ასევე ხატზე ფიცის დადებით მტკიცდებოდა“. სრულად...  წყარო: ორგანიზაციის ვებგვერდი

კახეთი. საქართველოს სტრატეგიული კვლევებისა და განვითარების ცენტრმა (CSRDG) თელავში, დაინტერესებულ მხარეთა დიალოგი გამართა ნარჩენების მართვასთან დაკავშირებულ საკითხებზე. „შეხვედრის მიზანი იყო, ბიოდეგრადირებადი და სპეციფიკური ნარჩენების მართვასთან დაკავშირებულ საკითხებზე დაინტერესებულ მხარეთა შორის დიალოგის წარმოება და რეგიონში ღია წვის თემატიკით მიმდინარე პროექტის შედეგების პრეზენტაცია“, ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. ქალთა ფონდმა საქართველოში წარმოადგინა We Research-ის მიერ მომზადებული კვლევა “სიტუაციური ანალიზი და რეკომენდაციები გარემოსდაცვით სამართლიანობასა და ქალთა უფლებებზე საქართველოში”. “კვლევის შედეგების მიხედვით, გარემოსდაცვით და გენდერულ საკითხებს შორის სუსტი კავშირის მიუხედავად, ნელ-ნელა ხდება ამ ორი თემის ურთიერთმიმართების წინ წამოწევა. We Research-ის მიერ მიმოხილული, ბოლო წლებში ჩატარებული კვლევები ცხადად უსვამს ხაზს იმ ფაქტს, რომ ქალთა ჯანმრთელობაზე გარემოში მიმდინარე მოვლენები განსაკუთრებით დიდ როლს ასრულებს. მაგ. ქალებს უფრო ხშირად უწევთ წყლის რესურსის გამოყენება, შეშის ღუმელთან მეტ ხანს ყოფნა, მეტი მანძილის გავლა ბავშვებთან ერთად მაშინ, როდესაც გზები იხერგება და ტრანსპორტი აღარ მოძრაობს. კენიაში, წყლის მოატანა ოჯახში კენიელი ქალების დღიური ენერგიის 85% მოიხმარს; გვალვის პერიოდში, ქალთა მდგომარეობა კიდევ უფრო მძიმდება და ისინი დღეში დაახლოებით 8 საათს ხარჯავენ იმაზე, რომ როგორმე წყალი მოიპოვონ. ამასთან, ქალებს უფრო ნაკლებად აქვთ განვითარებული ბუნებრივი კატასტროფების დროს გადარჩენისთვის საჭირო უნარ-ჩვევები. მაგალითად, ცურვა, ხეზე ასვლა, სირბილი და ა.შ.”, - აღნიშნულია კვლევაში.  სრულად  წყარო: ორგანიზაციის ვებგვერდი

თბილისი. ადამიანის უფლებების სწავლებისა და მონიტორინგის ცენტრი აქვეყნებს ვიდეოს იმის შესახებ თუ რატომ ეწინააღმდეგება სვანეთის მოსახლეობა ჰესების მშენებლობას. სრულად... წყარო: emc.org.ge

გურია. სოფ. გორაბერეჟოულის დენდროლოგიურ ტყე-პარკში ახალგაზრდა პედაგოგთა კავშირის ბაზაზე არსებული ახალგაზრდული ცენტრის წევრებისთვის და ლიდერთა სკოლის მოსწავლეებისთვის ჩატარდა სკაუტების ტრენინგი. სწავლება მოიცავდა რამდენიმე მნიშვნელოვან თემას, რომელიც აქტუალურია, კერძოდ: ლაშქრობის დაგეგმვა, აღჭურვილობის სწორად შერჩევა, ცხოველებისგან, შხამიანი მწერების და ქვეწარმავლებისგან თავდაცვა, ტყეში გზის გაკვლევა, მოკლე მარშრუტების შერჩევა, გადაუდებელი დახმარების აღმოჩენა და კარვის გაშლა. სრულად... წყარო: ორგანიზაციის გვერდი სოციალურ ქსელში

აჭარა. 11 ივნისს, ბათუმის №7 საჯარო სკოლის მოსწავლეებისთვის ჩატარდა თანატოლგანმანათლებელთა ტრენინგი თემაზე „ნარჩენების მართვა”, რომელსაც „ევროკლუბის” წევრები, თამარ აბაშიძე და ნინი ბერიძე უძღვებოდნენ. „მომხსენებლებმა ისაუბრეს ნარჩენების სეპარირების, რეციკლირების და ხელახალი აღდგენის მეთოდებზე. დისკუსიის რეჯიმში, მოსწავლეებმა, განიხილეს ჩვენს ქვეყანაში არსებული მდგომარეობა და ჩამოთვალეს ნარჩენების მართვის ეფექტური გზები”, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. „ინფორმაციის თავისუფლების განვითარების ინსტიტუტი" (IDFI) ავტომანქანების ტექდათვალიერებასთან დაკავშირებით არსებულ მონაცემებს ეხმიანება. „იქიდან გამომდინარე, რომ ტექნიკური ინსპექტირების ერთ-ერთი მთავარი მიზანი გარემოზე მავნე ზემოქმედების შემცირებაა, მნიშვნელოვანია ვიცოდეთ, ავტოსატრანსპორტო საშუალებები, რომლებიც ვერ გადიან ინსპექტირებას, წარმოადგენენ თუ არა გარემოსათვის საფრთხეს. ხარვეზის დადგენის საფუძვლის არ აღრიცხვა პრინციპულად ეწინააღმდეგება ტექნიკური ინპექტირების მიზანს გარემოზე მავნე ზეგავლენის შემცირების კუთხით, რადგან ვერ ხდება იდენტიფიცირება თუ რა პრობლემის გამო ვერ გადიან ავტომობილები ტექნიკურ ინსპექტირებას, როგორც პირველი, ასევე განმეორებითი ინსპექტირების შემთხვევაში. შესაბამისად, ვერ მოხდება შეფასება, რამდენად აისახება ტექნიკური ინსპექტირების ვალდებულება ჰარის დაბინძურებაზე და გამოიწვევს თუ არა ეს პროცესი გამუჯობესებას გარემოს დაცვის მიმართულებით", - აღნიშნულია IDFI-ის მიერ მომზადებულ ანალიზში. სრულად  წყარო: ორგანიზაციის ვებგვერდი

აჭარა. 25 მაისს, „ახალგაზრდა პედაგოგთა კავშირთან" არსებული ახალგაზრდული ცენტრის წევრები იმყოფებოდნენ ქ. ბათუმში, ბოტანიკურ ბაღში, სადაც ბათუმის ახალგაზრდული ცენტრის (PITA) ორგანიზებით გაიმართა საქალაქო თამაშები, რომლის მთავარი თემაც ეკოლოგია იყო. „საქალაქო თამაშების ერთობლივად ჩატარების მიზანი იყო ახალგაზრდული ცენტრების წევრებს შორის კომუნიკაციის გაღრმავება და გუნდური მუშაობის უნარების გაუმჯობესება", ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

გურია. „ახალგაზრდა პედაგოგთა კავშირთან" არსებულმა ახალგაზრდული ცენტრის წევრებმა, გარემოს დაცვის და უსახლკარო ძაღლების ადვოკატირების ფარგლებში, ქალაქ ოზურგეთსა და დაბა ნასაკირალში რამდენიმე აქტივობა ჩაატარეს. ახალგაზრდული ცენტრის წევრებმა და ლიდერთა სკოლის მოსწავლეებმა უსახლკარო ძაღლებისთვის შეღებეს ხის სახლები, რომელიც ქალაქში წინასწარ შერჩეულ ადგილზებზე დაიდგმება; საინფორმაციო აბრები განათავსეს დაბაში, სადაც, რამდენიმე ხნის წინათ, მათ ხელოვნური ნაგავსაყრელი დაასუფთავეს.  სრულად...  წყარო: გვერდი სოციალურ ქსელში

თბილისი. მაღალი საზოგადოებრივი ინტერესიდან გამომდინარე, „ადამიანის უფლებების სწავლებისა და მონიტორინგის ცენტრი" (EMC), პანკისის ხეობაში დაგეგმილი, „ხადორი-3" ჰესის გარემოზე ზემოქმედების შეფასების ანგარიშის კრიტიკულ ანალიზს აქვეყნებს. დოკუმენტი მომზადებულია დამოუკიდებელი ექსპერტის მიერ, სპეციალური საერთაშორისო მეთოდოლოგიის შესაბამისად და მასში დეტალურად არის შეფასებული, ჰესთან დაკავშირებით, საქართველოს გარემოს დაცვისა და სოფლის მეურნეობის სამინისტროს მიერ შეთანხმებული, გარემოზე ზემოქმედების ანგარიშის შესაბამისობა საერთაშორისო სტანდარტებსა და საქართველოს კანონმდებლობასთან.  სრულად...  წყარო: ორგანიზაციის ვებგვერდი

აჭარა. 22 აპრილი დედამიწის დაცვის საერთაშორისო დღეა. „ამ დღესთან დაკავშირებით ბათუმის შოთა რუსთაველის სახელმწიფო უნივერსიტეტის ეზოში ნარჩენების სეპარაციის სტენდების გახსნის ოფიციალური ცერემონია გაიმართა. ღონისძიების ფარგლებში, ბსუ-ს სტუდენტებმა, ბათუმის ახალგაზრდული ცენტრის მოხალისეებმა და მოწვეულმა სტუმრებმა სეპარაციის სტენდში სიმბოლურად განათავსეს დახარისხებული ნარჩენები. ღონისძიების დასრულების შემდეგ მონაწილეებმა დაასუფთავეს შავი ზღვის სანაპირო ზოლი", ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. პანკისის ხეობაში დაგეგმილი ორივე ჰესის საკითხთან დაკავშირებით, „ადამიანის უფლებების სწავლებისა და მონიტორინგის ცენტრი" (EMC), ადგილობრივი მოსახლეობის სახელით, სასამართლო დავას აწარმოებს. EMC-ის მიერ გავრცელებული ინფორმაციის თანახმად, სულ, სასამართლოში მიმდინარეობს 4 პარალელური დავა: „ხადორი 3" ჰესთან დაკავშირებით, ახმეტის მუნიციპალიტეტის მერიის წინააღმდეგ, რომელმაც კანონდარღვევით გასცა მშენებლობის ნებართვა ჰესის მშენებლობაზე; „ხადორი 3-ის" დავის ფარგლებში EMC-მ შუამდგომლობა დააყენა და ითხოვდა, სამშენებლო სამუშაოების შეჩერებას, სასამართლო დავაზე საბოლოო გადაწყვეტილების გამოტანამდე; დავა ,,სამყურისწყალი 2 ჰესი"-ს იმ აქტების ბათილად ცნობისთვის, რომლის საფუძველზეც შესაძლებელი გახდა პანკისის ხეობაში აღნიშნული ჰესის მშენებლობა; სამართლებრივი დავა, მშენებლობის ნებართვის კანონიერებასთან დაკავშირებით, სსიპ „ტექნიკური და სამშენებლო ზედამხედველობის სააგენტოსა და საქართველოს ეკონომიკისა და მდგრადი განვითარების სამინისტროს წინააღმდეგ; დავა ჰესის მშენებლობასა და ექსპლუატაციის საკითხზე ეკოლოგიური ექსპერტიზის კანონიერებასთან დაკავშირებული, სოფლის მეურნეობისა და გარემოს დაცვის სამინისტროს წინააღმდეგ. სრულად... წყარო: ორგანიზაციის ვებგვერდი

თბილისი. საზოგადოებრივი ორგანიზაციების ნაწილი პანკისის ხეობაში საპოლიციო ძალის გამოყენების ფაქტს ეხმაურება. „1 წელზე მეტია პანკისის ხეობის მოსახლეობა აქტიურად აპროტესტებს პანკისის ხეობაში დაგეგმილი „ხადორი 3" და „სამყურისწყალი 2" ჰესის მშენებლობას, რის თაობაზეც სასამართლოშიც მიმდინარეობს დავა. ჰესების ნებართვების დოკუმენტების ანალიზი აჩვენებს, რომ ისინი აშკარად დაუსაბუთებელია და სათანადოდ არ არის შესწავლილი ჰესების მშენებლობისგან გარემოზე ზემოქმედების რისკები, მათ შორის, სასმელ წყალზე მისი ზეგავლენა. ხეობაში უკვე აშენებული ჰესების გამოცდილებიდან გამოდინარე, ადგილობრივები უთითებენ პატარა ხეობაში ჰესების კასკადის (მთლიანობაში 4 ჰესის) დამაზიანებელ გავლენას მათ უნიკალურ ბუნებრივ და სოციალურ გარემოზე და ხეობის მდგრადი ეკონომიკური განვითარების რესურსზე", ნათქვამია ერთობლივ განცხადებაში. სრულად... წყარო: gyla.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს პანკისში დაგეგმილი ჰესების ეკოლოგიური დასკვნის დოკუმენტების კრიტიკულ ანალიზს. „თემის მიმართ არსებული მაღალი საზოგადოებრივი ინტერესიდან გამომდინარე, EMC აქვეყნებს შეფასებას, თუ რა ძირითად ხარვეზებს შეიცავს პანკისში ორივე ჰესის მშენებლობისა და ექსპლუატაციის სანებართვო დოკუმენტაცია, კერძოდ კი, გარემოზე ზემოქმედების ანგარიში (გზშ) და მასზე, გარემოს დაცვისა და სოფლის მეურნეობის სამინისტროს მიერ გაცემული დადებითი ეკოლოგიური ექსპერტიზის დასკვნა", ნათქვამია ორგანიზაციის ვებგვერდზე. სრულად... წყარო: emc.org.ge

<div style="text-align: justify;"><span style="font-weight: bold;">თბილისი. </span>საზოგადოებრივი ორგანიზაციები საქართველოს მთავრობას მოუწოდებენ, შეასრულოს ენერგეტიკის სექტორში ადამიანის უფლებების დაცვასთან დაკავშირებული ვალდებულებები.</div> <div style="text-align: justify;">„სამწუხაროდ, პრაქტიკაში მცირე ჰესის მშენებლობაც კი, გამოუსწორებელ ზიანს აყენებს ბუნებრივ და სოციალურ გარემოს. ამგვარად აშენებული ჰესების ენერგეტიკული ეფექტურობა და ეკონომიკური სარგებელი, ხშირად, მნიშვნელოვნად ჩამოუვარდება საპროექტო პირობებს. ზემოაღნიშნული ხარვეზების გამო, თითქმის ყველა რეგიონში, სადაც ჰესების მშენებლობა მიმდინარეობს/დაგეგმილია, ადგილობრივი მოსახლეობა და გარემოსდაცვითი ორგანიზაციები სხვადასხვა მშვიდობიანი ფორმით გამოთქვამენ პროტესტს. ამ სამართლიან პროტესტს გარკვეულ შემთხვევებში სახელმწიფო უკანონოდ ზღუდავს რეპრესიული ინსტრუმენტებით, რაც კიდევ უფრო ამწვავებს პრობლემებს და სოციალურ კონფლიქტებს", ნათქვამია ორგანიზაციის ვებგვერდზე.</div> <div style="text-align: justify;"><a href="http://emc.org.ge/ka/products/arasamtavrobo-organizatsiebi-sakartvelos-mtavrobas-moutsodeben-sheasrulos-energetikis-sektorshi-adamianis-uflebebis-datsvastan-dakavshirebuli-valdebulebebi" target="_blank" style="font-weight: bold;">სრულად...</a></div> <div style="text-align: justify;">წყარო: emc.org.ge</div>

<div style="text-align: justify;"><span style="font-weight: bold;">თბილისი. </span>ადამიანის უფლებების სწავლებისა და მონიტორინგის ცენტრმა (EMC) და მწვანე ალტერნატივამ, ადგილობრივი მოსახლეობის სახელით, ნენსკრა ჰესის პროექტის თაობაზე თბილისის საქალაქო სასამართლოს სარჩელით მიმართეს.</div> <div style="text-align: justify;">დავა შეეხება სვანეთში, ჭუბერისა და ნაკრას ტერიტორიებზე დაგეგმილი 280 მგვტ. სიმძლავრის ჰიდროელექტროსადგურის პროექტს, რომელსაც სახელმწიფო საკუთრებაში არსებული საპარტნიორო ფონდი და კორეული სახელმწიფო წყლის კომპანია K-water ახორციელებენ.</div> <div style="text-align: justify;"><a href="http://emc.org.ge/ka/products/mtsvane-alternativam-da-emc-im-nenskra-hesis-proektze-sasamartloshi-dava-daitsqes" target="_blank" style="font-weight: bold;">სრულად </a></div> <div style="text-align: justify;">წყარო: emc.org</div> <div style="text-align: justify;"><br /> </div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> 26 თებერვალს, სახალხო დამცველმა ნინო ლომჯარიამ საქართველოში ატმოსფერული ჰაერის დაბინძურების ხარისხთან დაკავშირებით სპეციალურ ანგარიში წარმოადგინა. მან სუფთა ჰაერზე უფლების მნიშვნელობაზე, მისი სრულფასოვნად რეალიზების კუთხით ქვეყანაში არსებულ გამოწვევებსა და მათი გადაჭრის გზებზე ისაუბრა.</div> <div style="text-align: justify;">„დოკუმენტის მომზადების მიზნით, საქართველოს სახალხო დამცველის აპარატმა შეისწავლა ეროვნული კანონმდებლობა, მისი ეფექტურობა და შესაბამისობა საერთაშორისო სტანდარტებთან, გამოკვეთა ჰაერის დამაბინძურებელი ძირითადი მავნე ნივთიერებები და მათი წყაროები, შეაფასა ატმოსფერული ჰაერის დაბინძურების მონიტორინგის სისტემა და შედეგებზე რეაგირების მექანიზმი", ნათქვამია ომბუდსმენის გვერდზე სოციალურ ქსელში.</div> <div style="text-align: justify;"><a href="http://www.facebook.com/pg/OmbudsmanofGeorgia/photos/?tab=album&album_id=2024970247540494&__tn__=-UC-R" target="_blank" style="font-weight: bold;">სრულად...</a></div> <div style="text-align: justify;">წყარო: ომბუდსმენის გვერდი სოციალურ ქსელში</div> <div><br /> </div>

<div style="text-align: justify;"><span style="font-weight: bold;">იმერეთი. </span>PITA ქუთაისის ახალგაზრდულმა ცენტრმა მოაწყო დასუფთავების აქცია, რომლის ფარგლებში ჭავაჭავაძის გამზირის მიმდებარე ტერიტორია დაასუფთავა.</div> <div style="text-align: justify;">აქციის მიზანი იყო ნარჩენების დაყრის ჩვევის შეცვლა საქართველოში, გარემოსდაცვითი საქმიანობის და ნარჩენების სეპარირების შესახებ მოსახლეობის ინფორმირებულობა.</div> <div style="text-align: justify;"><a href="http://www.facebook.com/pg/PITAkutaisi/photos/?tab=album&album_id=1024047454468909" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის ვებგვერდი სოციალურ ქსელში</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>გარემოს დაცვითი გამოწვევებისა და მათი დაძლევის სამომავლო გზებზე მსჯელობა გრძელდება.</div> <div style="text-align: justify;">„საიამ, EMC-მ და „მწვანე ალტერნატივამ" საზოგადოებას ერთობლივი პროექტის შესახებაც მიაწოდეს ინფორმაცია, რომელიც გარემოსდაცვით საკითხებზე იქნება ორიენტირებული.</div> <div style="text-align: justify;">შეხვედრის დროს ასევე ყურადღება გამახვილდა სამომავლო თანამშრომლობისა და მწვანე პლატფორმის ჩამოყალიბების პერსპექტივაზე", ნათქვამია ორგანიზაციის გვერდზე სოციალურ ქსელში.</div> <div style="text-align: justify;"><a href="http://www.facebook.com/GYLA.ge/photos/pcb.2177027572336356/2177021095670337/?type=3&theater" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div><br /> </div>