კახეთი. 7 ოქტომბერს თელავის დემოკრატიული ჩართულობის ცენტრში, არასამთავრობო ორგანიზაციამ „ქალები საქართველოს რეგიონებში" შეხვედრა გამართა. შეხვედრის მიზანს საქართველოში ქალთა მეწარმეობის განვითარება და ფინანსების მოძიების გამარტივება წარმოადგენდა. და შესაბამისად, შეხვედრას ქალი მეწარმეები ესწრებოდნენ. ანა ალვერდაშვილი, ორგანიზაციის წარმომადგენელი: „დღევნდელი შეხვედრის მიზანი იყო ქალ მეწარმეებს გაეწიოს დახმარება რათა დაიწყონ ბიზნესი და ამისათვის მოიძინოს თანხები, ან უკვე არსებული მეწარმეობა გააფართოვონ. დღევანდელი ღონისძიებისთვის მოწვეული გვყავს სპეციალური სტუმრები, ქალთა ორგანიზაციების წარმომადგენლები ლატვიიდან, ესტონეთიდან და შვედეთიდან. უცხოელ ქალბატონებს გააჩნიათ შესაბამისი ცოდნა და გამოცდილება, რისი გაზიარებაც მოხდა ქართველი მეწარმე ქალებისთვის". ინესა კრუზანეცი, ლატვიის სოფლად მცხოვრებ ქალთა ასოციაცია:„შეხვედრას ჰქონდა გაცნობითი ხასითი. ამასთანავე გვინდა გავიგოთ, რა შეხედულები აქვთ და რისი გაკეთება სურთ ჩვენს დამსწრეებს რათა მომავალში სწორედ ამ თემებთან დაკავშირებით მოხდეს ერთობლივი მუშაობა". შეხვედრის დასასრულს გაფორმდა მემორანდუმი სამომავლო თანამშრომლობისათვის.

თბილისი. 3 ოქტომბერს „ახალგაზრდა ფინანსიტთა და ბიზნესმენთა ასოციაცია – აფბასა" და ორგანიზაციას –  „ქალები საქართველოს რეგიონებს" – შორის თანამშრომლობის მემორანდუმი გააფორმდა. მემორანდუმი ეხება ქალთა სამეწარმეო საქმიანობის გაუმჯობესებას საქართველოში და მიზნად ისახავს ხელმომწერ მხარეებს შორის კოორდინირებულ თანამშრომლობას.  მემორანდუმის ფარგლებში მხარეები რეგიონში მცხოვრებ ქალებს სთავაზობენ მომსახურების კომპლექსს, რომელიც ითვალისწინებს ქვეყანაში სამეწარმეო კულტურის ამაღლების ხელშეწყობას, სამეწარმეო საქმიანობაში ქალთა აქტივობის გაზრდას, კანონმორჩილების ხარისხის ამაღლებას. წყარო: აფბას ვებგვერდი სოციალურ ქსელში

თბილისი. 26-28 სექტემბერს თბილისში ევროკავშირის აღმოსავლეთ პარტნიორობის კულტურის პროგრამის – „ტრადიციული რეწვის განვითარება საქართველოში, აზერბაიჯანსა და სომხეთში – ერთიანი პლატფორმის შემუშავება” – ფარგლებში, საერთაშორისო კონფერენცია ჩატარდა. კონფერენციის თემა იყო ინოვაციური მიდგომა ქვეყნის არა მხოლოდ კულტურული პოლიტიკის შემუშავების თვალსაზრისით, არამედ ამ სექტორში ეკონომიკური სარგებლიანობის წამოწევა, რაც დასაქმებასა და ეკონომიკურ ზრდას შეუწყობს ხელს. კონფერენციის პარალელურად, რეწვის პროდუქციის წარმოებაში ინოვაციური მიდგომების წახალისების მიზნით, სამხრეთ კავკასიის ტრადიციული რეწვის ნამუშევრების ერთობლივი გამოფენა-კონკურსი მოეწყო. გამოფენაში 69 ქართველი რეწვის სპეციალისტმა მიიღო მონაწილეობა. წყარო: tzona.org

თბილისი. ახალგაზრდა ფინანსისტთა და ბიზნესმენთა ასოციაციამ (აფბა)გამართა ბრიფინგი, სადაც ასოციაციის პრეზიდენტმა და წევრებმა ისაუბრეს ეკონომიკაში შექმნილ ვითარებასა და დეფლაციურ პროცესებზე, ეროვნული ბანკის არასათანადო საქმიანობაზე ვითარების გამოსწორების მიზნით. „აფბა" მიიჩნევს, რომ შექმნილ ეკონომიკურ პროცესებში ეროვნული ბანკის როლი და პასუხისმგებლობა არის მნიშვნელოვანი და ეკონომიკური მდგომარეობის გამოსწორების მთავარ, ოპტიმალურ და ეფექტიან გზას ეროვნული ბანკის პოლიტიკის გაუმჯობესებაში ხედავს", ნათქვამია ორგანიზაციის ვებგვერდზე. სრულად წყარო: afba.ge

აჭარა. 9-10 აგვისტოს კონსტიტუციის 42-ე მუხლის ექსპერტები ბათუმსა და ქობულეთში გამართავენ შეხვედრებს მეწარმეებთან და ადვოკატებთან პროექტის ფარგლებში "მცირე და საშუალო ბიზნესმესაკუთრეთა ნდობის ხარისხის ამაღლება საქართველოს მართლმსაჯულების სისტემის მიმართ". დაინტერესებულ პირებს 42–ე მუხლის იურისტ/ექსპერტები გაუწევენ კონსულტაციებს საგადასახადო საკითხებზე, ასევე გააცნობენ საგადასახადო სფეროს საკანონმდებლო ცვლილებებს, საგადასახადო კონტროლის პროცედურებს და შემოწმების სახეებს. მცირე და საშუალო ბიზნესის წარმომადგენლები ასევე მიიღენბ საჭირო ინფორმაციას საგადასახადო დავალიანების გადახდის უზრუნველყოფის ღონისძიებებისა და საგადასახადო დავების გადაწყვეტის ეფექტური გზების შესახებ. მისამართი: ბათუმი დემოკრატიული ჩართულობის ცენტრი დასაწყისი: 12.00 საათი წყარო: ორგანიზაციისგვერდი სოციალურ ქსელში

თბილისი. საქართველოს მცირე და საშუალო საწარმოთა ასოციაცია იწყებს ახალ პროექტს – „მცირე ბიზნესი და მდგრადი სახელმწიფო შესყიდვები: ადვოკატირება გამჭვირვალობისა და მეტი ჩართულობისთვის". პროექტის მიზანია სახელმწიფო შესყიდვებში მცირე და საშუალო კომპანების მეტი ჩართულობისა და შესყიდვების მდგრადი სისტემის შექმნის უზრუნველსაყოფად ადვოკატირების კამპანიის წარმოება. პროექტი აგვისტოში დაიწყო და 8 თვის მანძილზე გაგრძლედება, რომელიც ფონდ ღია საზოგადოება – საქართველოს ფინანსური მხარდაჭერით ხორციელდება. სრულად წყარო: gsmea.ge

თბილისი. ქალთა კავშირმა „რეა" 30 ივლისს მოაწყო სოციალური საწარმო - კაფე-გალერეა „რეას ციყვების" პრეზენტაცია, რომელიც თბილისში, ჭონქაძის ქუჩა 29-შია განთავსებული. კაფეში თბილისის საინტეგრაციო ცენტრის რამდენიმე შეზღუდული შესაძლებლობების მქონე ახალგაზრდა და აგრეთვე, მათი მშობლებიც იქნებიან დასაქმებული, აქვე იქნება გამოფენილი ამ ახალგაზრდების მიერ დამზადებული ხელნაკეთი ნივთები. აღსანიშნავია, რომ ასეთი სახის სოციალური საწარმო პირველად იხსნება დედაქალაქში და მისი ბიზნეს გეგმის შემუშავებაში ორგანიზაციას მნიშვნელოვანი დახმარება გაუწია საქართველოს სტრატეგიული კვლევებისა და განვითარების ცენტრმა. წყარო: სოციალურ მეწარმეთა ცენტრი

გერმანიის მიგრაციისა და განვითარების ცენტრი - CIM 13-14 სექტემბერს ფრანკფურტში სემინარს გამართავს ქართველი მიგრანტებისათვის, რომლებიც საქართველოში საკუთარი კომპანიის დაფუძნებას გეგმავენ. მონაწილეებს მიეცემათ საშუალება შეხვდნენ თანამოაზრეებს, CIM–ის კონსულტანტებს და მიიღონ რჩევები გამოცდილი ექსპერტებისაგან. სემინარზე განხილული იქნება შემდეგი საკითხები: შანსები და რისკები ქართულ ბაზარზე,  ქართული ბაზრის განვითარების პოტენციალი და კონიუნქტურა, რა ბარიერებს შეიძლება წააწყდეს ახალბედა დამფუძნებელი საქართველოში, შესაძლო პრობელემების მოგვარების გზები, საკონტაქტო პირები დამფუძნებლებისათვის, როგორც საქართველოში ასევე გერმანიაში, რამდენად დაფინანსებადია იდეა, ბიზნესგეგმა და მისი საჭიროება, როგორ მოვიძიოთ ინფორმაცია ქართული ბაზრის შესახებ, როგორ დავამყაროთ საჭირო კონტაქტები საქართველოში, კომუნიკაცია ქართველ ბანკებთან და პარტნიორებთან. სემინარზე მოწვეული არიან ქართველი ექსპერტებიც. მათ შორის ქართველი დამფუძნებელი რომელმაც გერმანიიდან დაბრუნების შემდგომ, საქართველოში საკუთარი ბიზნესგეგმა განახორციელა. საკონტაქტო ინფორმაცია – startup@cimonline.de; Tel. +49 (0) 69 71 91 21 – 153 წყარო:ორგანიზაციის გვერდი სოციალურ ქსელში

ბათუმი. საქართველოს ახალგაზრდული პარლამენტის გარემოს დაცვისა და ბუნებრივი რესურსების კომიტეტის ორგანიზებით, 12 ივლისს, გაიმართა შეხვედრა. ბათუმის დემოკრატიული ჩართულობის ცენტრში გამართულ შეხვედრაზე განიხილეს „ჰესების მშენებლობა – ეკონომიკური სარგებელი თუ ეკოლოგიური საფრთხე". დისკუსია მიზნად ისახავდა ჰესების მშენებლობასთან დაკავშირებული ეკოლოგიური საფრთხეებისა და ამავდროულად მისი ეკონომიკური სარგებელის გამოკვეთას. შეხვედრას ახალგაზრდული პარლამენტის შესაბამისი კომიტეტის წევრების გარდა ესწრებოდნენ სფეროს ექსპერტები და დაინტერესებული პირები.

თბილისი. 10 ივლისს გამოვიდა ეკონომიკური პოლიტიკის კვლევის ცენტრის საჯარო პოლიტიკის მიმოხილვის მორიგი დოკუმენტი – „ფისკალური პოლიტიკის როლი ეკონომიკურ ზრდაში (სახელმწიფო ბიუჯეტის 6 თვის შესრულების მაჩვენებლები)". დოკუმენტი პასუხს სცემს კითხვებს: რამდენად აისახა ქვეყანაში არსებული სიტუაცია ეკონომიკის განვითარებასა და 2013 წლის ბიუჯეტის შესრულებაზე? რა გამოწვევების წინაშე დგას მთავრობა?  „2013 წლის 6 თვის მონაცემებით, სავარაუდოა, რომ სახელმწიფო ბიუჯეტს გადასახადების მუხლში 265 მლნ ლარზე მეტი დააკლდა და, აღნიშნული ტენდენციის გაგრძელების პირობებში, წლის დარჩენილ პერიოდში სახელმწიფო ბიუჯეტისათვის დაკლებული თანხა კიდევ უფრო გაიზრდება", ნათქვამია დოკუმენტში.  დოკუმენტი  წყარო: eprc.ge

თბილისი. საქართველოს დამსაქმებელთა ასოციაციის ორგანიზებით ჩატარდა შეხვედრა ახალი შრომის კოდექსთან დაკავშირებით. შეხვედრას ესწრებოდნენ ბიზნეს სექტორის და ბიზნეს ორგანიზაციების წარმომადგენლები, მათ შორის საქართველოს მცირე და საშუალო საწარმოთა ასოციაციის პრეზიდენტი. შეხვედრაზე ერთ-ერთი სპიკერი იყო ალექსანდრე ბარამიძე, იუსტიციის მინისტრის მოადგილე და ახალი შრომის კოდექსის ავტორი. შეხვედრაზე განხილული იქნა ცვლილებები შრომის კოდექსში და მათი იმპლემენტაციის საკითხი პრაქტიკაში. წყარო:ორგანიზაციის გვერდი სოციალურ ქსელში

აჭარა. საქართველოს ახალგაზრდა იურისტთა ასოციაციის ქუთაისის ფილიალის დამოუკიდებელი პროექტის – „ჩემი ხმა პარლამენტის" ფარგლებში ქობულეთში გაიმართება ტრენინგ ციკლი, იმერეთის მხარის 12-ვე მუნიციპალიტეტის მაჟრიტარი დეპუტატის ბიუროების 47 თანამშრომლისთვის.  ტრეინინგის მონაწილეები გადამზადებას გაივლიან შემდეგ საკითხებზე: სახელმწიფო და ადგილობრივი თვითმმარტველოსბის ორგანოების, მაჟორიტარი დეპუტატის ბიუროსა და სახელმწიფო რწმუნებულის გუბერნაროტის კომპეტენციების გამიჯვნა; საბიუჯეტო საკითხები; საკანონმდებლო ინიციატივის მომზადება; საქმის წამოაება(ოფოციალური დოკუმენტების მომზადება); მონიტორინგის განხორციელების მექანიზმები; ადვოკატირება; საზოგადოებასთან ურთიერთბა (P.R); ტრეინინგის მიზანია მაჟორიტარი დეპუტატის ბიუროების გაძლიერება,მათი თანამშრომელიბის გადამზადების და კვალიფიკაციის ამაღლების გზით. აგრეთვე იმერეთის მხარის 12-ვე მუნიციპალიტეტის ბიუროს შორის ეფექტური კომუნიკაციის ჩამოყალიბება. წყარო:ორგანიზაციის გვერდი სოციალურ ქსელში

აჭარა. 19 და 20 ივნისს ღირსეულმა სიბერემ ჩაატარა საინფორმაციო სემინარი – „როგორ დავიწყოთ საკუთარი ბიზნესი". შეხვედრას ესწრებოდნენ 50–დან 65 წლამდე ასაკის ბენეფიციარები, რომლებიც საკუთარი მიკრო თუ მცირე ბიზნესის წამოწყებას გეგმავენ. სემინარები ჩატარდა პროექტ – „ხანდაზმულთა სოციალურ ცენტრის" ფარგლებში და ის ხანდაზმულთა თვითდასაქმების ხელშეწყობას ემსახურება. წყარო:ორგანიზაციის გვერდი სოციალურ ქსელში

კახეთი. 19 და 20 ივნისს, ქალაქ თელავში კონსტიტუციის 42-ე მუხლის ექსპერტები გამართავენ შეხვედრას მეწარმეებთან და ადვოკატებთან – „მცირე და საშუალო ბიზნესმესაკუთრეთა ნდობის ხარისხის ამაღლება საქართველოს მართლმსაჯულების სისტემის მიმართ". დაინტერესებულ პირებს 42–ე მუხლის იურისტ/ექსპერტები გაუწევენკონსულტაციებს საგადასახადო საკითხებზე, ასევე გააცნობენსაგადასახადო სფეროს საკანონმდებლო ცვლილებებს, საგადასახადო კონტროლის პროცედურებს და შემოწმების სახეებს. მცირე და საშუალო ბიზნესის წარმომადგენლები ასევე მიიღებენ საჭირო ინფორმაციასსაგადასახადო დავალიანების გადახდის უზრუნველყოფის ღონისძიებებისა და საგადასახადო დავების გადაწყვეტის ეფექტური გზების შესახებ. 19 ივნისი, 14.00 საათი, თელავი, სასტუმრო "კახური ეზო" - გურამიშვილის 15, შეხვედრა ადვოკატებთან. 20 ივნისი 11.00 საათი, თელავი, დემოკრატიული ჩართულობის ცენტრი, ვაჟა-ფშაველას 3, შეხვედრა მეწარმეებთან. წყარო:ორგანიზაციის გვერდი სოციალურ ქსელში

თბილისი. 11-12 ივნისს ევროკომისიის, მოლდოვის რესპუბლიკისა და ევროპის განათლების ფონდის ორგანიზებით ევროპული პარტნიორობის პლატფორმის ფარგლებში გაიმართება კონფერენცია „მეწარმეობის მთავარი განმსაზღვრელი ფაქტორი: მეთოდიკა და პრაქტიკა აღმოსავლეთ პარტნიორობის რეგიონში". აღნიშნულ კონფერენციაზე მიწვეული არის საქართველოს მცირე და საშუალო საწარმოთა ასოციაციის სამეთვალყურეო საბჭოს წევრი და ამავე ასოციაციის საგადასახადო კომიტეტის თავმჯდომარე. კონფერენციის მიზანს წარმოადგენს დებატების გამართვა აღმოსავლეთ პარტნიორობის რეგიონიდან მოწვეულ სპეციალისტებსა და კანონმდებლებს შორის. დისკუსია შეეხება მეწარმეობას, როგორც ძირითად განმსაზღვრელ ფაქტორს ფორმალურ და არაფორმალურ განათლებაში, რომელიც ხელს შეუწყობს სამეწარმეო სწავლების მეთოდიკისა და პრაქტიკის განვითარებას როგორც ეროვნულ, ასევე რეგიონალურ დონეზე.კონფერენცია წარმოადგენს 2012 წლის მცირე ბიზნესის რეგულაციების შეფასების გაგრძელებას აღმოსავლეთ პარტნიორობის რეგიონში. წყარო: მცირე და საშუალო  საწარმოთა ასოციაციის გვერდი სოციალურ ქსელში

აჭარა. 7 ივნისს, ბათუმის დემოკრატიული ჩართულობის ცენტრში, „კონკურენციის ინსტიტუციური ჩარჩო და ეფექტიანი კონკურენციის პოლიტიკის დანერგვის ხელშეწყობისთვის" მომზადებული კანონპროექტის საჯარო განხილვა  გაიმართა. ახალი კანონპროექტის ავტორი საქართველოს ეკონომიკისა და მდგრადი განვითარების სამინისტროა და მის შემუშავებაში საქართველოს განვითარების კვლევითი ინსტიტუტი და „საერთაშორისო გამჭირვალობა - საქართველო" მონაწილეობდნენ. შეხვედრას, არასამთავრობო სექტორის, მერიისა და უმაღლესი საბჭოს წევრები ესწრებოდნენ. ახალ კანონპროექტზე მუშაობა ექვსი თვის განმავლობაში მიმდინარეობდა, მის საბოლოო რედაქციის მიღებამდე განხილვა არასამთავრობო ორგანიზაციების წევრებთან და საერთაშორისო ექსპერტებთან მიმდინარეობდა.

თბილისი. 31 მაისს, ორგანიზაცია „კონსტიტუციის 42–ე მუხლის" ოფისში გაიმართა სამუშაო შეხვედრა, ევრაზიის თანამშრომლობის ფონდის მიერ დაფინანსებული პროექტის ფარგლებში – „მცირე და საშუალო ბიზნესის მფლობელთა სასამართლოსადმი ნდობის აღდგენა". შეხვედრას ესწრებოდნენ საგადასახადო დავებზე მომუშავე ადვოკატები. წყარო: ორგანიზაციის გვერდი სოციალურ ქსელში

თბილისი. თბილისის საქალაქო სასამართლომ დააკმაყოფილა საერთაშორისო გამჭვირვალობა – საქართველოს სარჩელი, რომლითაც ორგანიზაცია ფინანსთა მინისტრის, ნოდარ ხადურის მიერ 2013 წლის 25 იანვარს გამოცემული #30 ბრძანების გაუქმებას ითხოვდა. „ბრძანებით დადგენილმა ახალმა რეგულაციებმა საქონლის გადაზიდვის საქმიანობით დაკავებულ მცირე და საშუალო მეწარმეებს სერიოზული პრობლემები შეუქმნა და მონოპოლიურ მდგომარეობაში ჩააყენა „საქართველოს ფოსტა". ნათქვამია ორგანიზაციის მიერ გავრცელებულ ინფორმაციაში. გადაწყვეტილება ჯერ კანონიერ ძალაში არ არის შესული. სასამართლოს გადაწყვეტილების გასასაჩივრებლად ფინანსთა სამინისტროს მისი გაცნობიდან 14 კალენდარული დღე აქვს. თუ ფინანსთა სამინისტრო არ მიმართავს სააპელაციო სასამართლოს, 2013 წლის იანვარში შესული რეგულაციები ავტომატურად გაბათილდება და დაზარალებულ მეწარმეებს მიეცემათ შესაძლებლობა დაბრუნდნენ ბაზარზე. წყარო:ორგანიზაციის გვერდი სოციალურ ქსელში

ქვემო ქართლი. 24 მაისს, კონსტიტუციის 42–ე მუხლმა პროექტის – „მცირე და საშუალო ბიზნეს მესაკუთრეთა ნდობის ხარისხის ამაღლება საქართველოს მართლმსაჯულების სისტემის მიმართ" – ფარგლებში შეხვედრა გამართეს. პროექტის ექსპერტებმა, მარნეულში გამართულ შეხვედრაზე. ადგილობრივ ადვოკატებთან  საგადასახადო კანონმდებლობის ძირეულ საკითხებზე და ამ სფეროში პრობლემების მოგვარების გზებზე იმსჯელეს. წყარო:ორგანიზაციის გვერდი სოციალურ ქსელში

თბილისი. ეკონომიკური პოლიტიკის კვლევის ცენტრმა გამოაქვეყნა 2013 წლის ბიუჯეტის შემოსავლების შესრულების შესახებ პუბლიკაცია. „როგორც უკვე ცნობილია საზოგადოებისათვის, 2013 წლის განმავლობაში დაგეგმილი იყო ეკონომიკური ზრდის 6%-იანი მაჩვენებლის მიღწევა, თუმცა, ეკონომიკის ზრდამ პირველ კვარტალში მხოლოდ 1,7 პროცენტი შეადგინა. ამან გააჩინა მოლოდინი, რომ 2013 წლის ბიუჯეტის შესრულებას პრობლემები შეექმნებოდა. სწორედ ამიტომ, ეკონომიკური პოლიტიკის კვლევის ცენტრმა საჭიროდ ჩათვალა გაეანალიზებინა 2013 წლის პირველ კვარტალში გამოკვეთილი ტენდენციები ამ მიმართულებით" – ნათქვამია ორგანიზაციის გვერდზე.  პუბლიკაცია – 2013 წლის სახელმწიფო ბიუჯეტის შემოსავლების შესრულების შესახებ წყარო:www.eprc.ge

სვანეთი. „საერთაშორისო გამჭვირვალობა – საქართველომ" მესტიაში ადგილობრივი ბიზნესმენებისთვის სახელმწიფო შესყიდვების სისტემის შესახებ ტრენინგი ჩაატარა. შეხვედრაზე ორგანიზაციის თანამშრომელმა და შესყიდვების სააგენტოს დავების საბჭოს წევრმა მეწარმეებს სახელმწიფო შესყიდვების ვებგვერდის მუშაობის პრინციპი, დოკუმენტაციის მომზადების წესები, ტენდერში მონაწილეობის ეტაპები და გასაჩივრების გზები გააცნო. წყარო:ორგანიზაციის გვერდი სოციალურ ქსელში

სამეგრელო. ახლადდაფუძნებულმა არასამთავრობო ორგანიზაციამ „მეწარმეთა კავშირმა",  21 მაისს, ბრიფინგი გამართა. ორგანიზაციამ  ახალ ხელისუფლებას მიმართა, დაპირებისამებრ, ქვეყნის ინტერესების გათვალისწინებით სწორი დიპლომატიური და წინდახედული ქმედებები განახორციელების და ქვეყნის ეკონომიკური განვითარების მიზნით რუსეთთან სავაჭრო – ეკონომიკური კავშირების აღდგენაზე ისაუბრა.