თბილისი. ორგანიზაცია „საზოგადოება და ბანკები" აქვეყნებს კომერციული ბანკების მიერ არაპროფილური აქტივების ფლობის საერთაშორისო პრაქტიკის მიმოხილვას. „საქართველოს გარდა, კომერციული ბანკების მიერ არასაბანკო საქმიანობაში ჩართვის მონიტორინგს სხვადასხვა ქვეყნები წლებია ახორციელებენ და სხვადასხვა შეზღუდვებსაც უწესებენ. ასე, რომ ეს საკითხი, არა მარტო საქართველოში, არამედ სხვა ქვეყნებშიც აქტუალურ თემას წარმოადგენს. მსოფლიო ბანკმა 2012 წელს „ბანკის რეგულირების და ზედამხედველობის კვლევა’’ ჩაატარა, სადაც ერთ-ერთი თემა სწორედ კომერციული ბანკების მიერ არაპროფილური აქტივების ფლობის საკითხია", ნათქვამია ორგანიზაციის ვებგვერდზე. სრულად... წყარო: sab.ge

თბილისი. ორგანიზაცია „საზოგადოება და ბანკები" აქვეყნებს კვლევას „მზარდი არასაბანკო ფინანსური სექტორი". „იმისათვის, რომ ამ სექტორის რეალური სიდიდე და ამ სფეროში არსებული ვითარება დაგვედგინა, ჩვენ მათი აქტივები, პასივები, გაცემული სესხები და წმინდა მოგების მაჩვენებლები მიმოვიხილეთ", ნათქვამია ორგანიზაციის ვებგვერდზე. სრულად... წყარო: sab.ge

თბილისი. არასამთავრობო ორგანიზაცია „საზოგადოება და ბანკებმა" ეკონომიკური მედია სკოლა, ჟურნალისტების მეორე ნაკადისთვის გახსნა. პროექტი საერთაშორისო ორგანიზაცია „ჯუნიორ ეჩივმენთთან" (Junior Achievement) ერთად ხორციელდება. მედია სკოლის მიზანია ჟურნალისტებისთვის ფინანსური განათლების ამაღლება. სკოლის მეორე ნაკადი 20 ჟურნალისტისგან შედგება, რომლებიც საქართველოში მოქმედ 19 მედია საშუალებას წარმოადგენენ. ჟურნალისტები ეკონომიკის საფუძვლებს სპეციალური კურსისა და სახელმძღვანელოების მიხედვით შეისწავლიან. ტრენინგებს „ჯუნიორ ეჩივმენთის" (Junior Achievement) ტრენერები და მოწვეული ლექტორები ჩაატარებენ. სასწავლო კურსი, რომელიც 3 თვის განმავლობაში გაგრძელდება, უფასოა და მისი დასრულების შემდეგ, წარმატებულ კურსდამთავრებულებს სერტიფიკატები გადაეცემათ. წყარო: ორგანიზაციის ვებგვერდი სოციალურ ქსელში

თბილისი. საქართველოს ახალგაზრდა ეკონომისტთა ასოციაცია იწყებს სტატიების მიღებას სხვადასხვა თემატიკაზე. მათ შორის საუკეთესო 10 ნაშრომი დაიბეჭდება და გამოვლინდება 3 გამარჯვებული. სტატიები უნდა მოიცავდეს ისეთ თემატიკას როგორიცაა: საჯარო ფინანსების გამჭვირვალობის გაზრდის გზები საქართველოში, პირდაპირი უცხოური ინვესტიციების გაზრდის შესაძლებლობები, ცვლილებების საჭიროება ბიზნეს მარეგულირებელ კანონმდებლობაში და სხვა. ერთ სტუდენტს საშუალება აქვს წარადგინოს რამდენიმე სტატია. სრულად... წყარო: ორგანიზაციის ვებგვერდი სოციალურ ქსელში

შიდა ქართლი. ცენტრმა „აფხაზეთმა" ახალი პროექტის - „შემოსავლების გენერირებისა და ბიზნესის მხარდაჭერის ინიციატივა" - განხორციელება დაიწყო. პროექტი ითვალისწინებს იძულებით გადაადგილებული პირებისა და სამხრეთ ოსეთის ადმინისტრაციული სასაზღვრე ზოლის მახლობლად მცხოვრები სოციალურად დაუცველი მოსახლეობისათვის უპროცენტო სესხების გაცემას ბიზნეს საქმიანობის დაწყებისა და განვითარებისათვის. პროექტი ქვემო ქართლის, მცხეთა-მთიანეთის, სამცხე-ჯავახეთის, იმერეთისა და შიდა ქართლის რეგიონებში USAID/NEO ინიციატივისა და ჰოლანდიის ლტოლვილთა ფონდის ფინანსური მხარდაჭერით განხორციელდება. წყარო: ორგანიზაციის გვერდი სოციალურ ქსელში

აჭარა. ბათუმის დემოკრატიული ჩართულობის ცენტრში, საჯარო სამსახურის რეფორმის კონცეფციის პრეზენტაცია გაიმართა.  როგორი იქნება საჯარო სამსახურის მუშაობის ახალი კონცეფცია და რა ცვლილებები განხორციელდება კანონში? პროექტი საქართველოში არსებული რეალობის გათვალისწინებით ადგილობრივი და ცენტრალური მთავრობის, ასევე სამოქალაქო საზოგადოებისა და ექსპერტებთან ერთობლივი კონსულტაციის შედეგად შემუშავდა. რეფორმა საჯარო სამსახურის 12 კატეგორიას შეეხება. მათ შორის, სამსახურში მიღების წესს, მოხელის უფლება-მოვალეობას, კვალიფიკაციის ამაღლებას, ანაზღაურების სისტემას, დაწინაურების წესს და ა.შ.  პროექტი, რომელიც საქართველოს მთავრობის კანცელარიის ინიციატივითა და USAID-ს დემოკრატიული მმართველობის პროგრამის მხარდაჭერით ხორციელდება, საჯარო განხილვების შემდეგ დასამტკიცებლად მთავრობას წარედგინება.

აჭარა. 13 აგვისტოს, ბათუმის დემოკრატაიული ჩართულობის ცენტრში,  სამოქალაქო საზოგადოების ინსტიტუტისა და სამოქალაქო განვითარების სააგენტო „სიდას" ორგანიზებით დისკუსია გაიმართა. დისკუსია ეხებოდა საკითხებს, რომელთა ცონდაც  თურქეთში და საბერძნეთში წასვლის მსურველი მოქალაქეებისთვის  აუცილებელია, რათა  შეძლონ საკუთარი უფლებების სრულად დაცვა. შეხვედრაზე ასევე ისაუბრეს, თურქეთსა და საბერძნეთში არალეგალური მიგრაციის პრობლემებზეც. აღნიშნული კამპანია „ქალი და მიგრაციის" ფარგლებში  გაიმართა. დისკუსიაში სამოქალაქო განვითარების სააგენტო „სიდას" და მიგრაციის ცენტრის წარმომადგენლებიც მონაწილეობდნენ. გაიმართა ფილმის ჩვენებაც. პროექტს ევროკავშირი, მიგრაციულ საკითხებში დახმარების გაწევის მიზნით, აფინანსებს.

იმერეთი. 31 ივლისს, ქუთაისის განათლების განვითარებისა და დასაქმების ცენტრში, შეზღუდული შესაძლებლობების მქონე პირთა განათლების და დასაქმების თანაბარი ხელმისაწვდომობის ადვოკატირების საპილოტე პროგრამის ფარგლებში, ქუთაისში მოქმედ მეწარმეებთან გაიმართა შეხვედრა. ქუთაისის განათლების განვითარებისა და დასაქმების ცენტრის წარმომადგენელმა ისაუბრა პროექტის ძირითადი მიზნისა და მიმართულების შესახებ. მეწარმეებმა ისაუბრეს და იმსჯელეს იმ შეღავათებზე, რასაც შშმ პირთა დასაქმების შემთხვევაში ისურვებდნენ, რომ ჰქონოდათ. შეხვედრაზე მოხდა პროექტის ფარგლებში შექმნილი ვებ გვერდის, www.jobsnet.ge –ს პრეზენტაცია, ვებ გვერდი მეწარმეებსა და შშმ პირებს შესაძლებლობას აძლევს თავიანთი პროფილი, სივრცე ჰქონდეთ, რითიც ვაკანსიებისა და CV განთავსებას შეძლებენ. წყარო: ქუთაისის განათლების განვითარების და დასაქმების ცენტრის ვებგვერდი სოციალურ ქსელში

თბილისი. კავკასიის ეკონომიკური და სოციალური კვლევითი ინსტიტუტი ახორციელებს პროექტს „ადგილობრივი/რეგიონული ეკონომიკური განვითარების ქსელები, როგორც კონკურენტუნარიანობის ზრდის გადამწყვეტი ფაქტორი შავი ზღვის აუზის რეგიონში". პროექტის ფარგლებში ივნისსა და ივლისში ჩატარდა ერთკვირიანი ტრენინგები ადგილობრივი ეკონომიკური განვითარების საკითხებში საქართველოს შერჩეულ სამ რეგიონში: სამტრედია, დმანისი და მარტვილი. ტრენინგების თემატიკას წარმოადგენდა PACA მეთოდოლოგიის (კონკურენტული უპირატესობის ამაღლება თანამონაწილოების გზით) საკითხები. ტრენინგებს ესწრებოდნენ როგორც ადგილობრივი მეწარმეები და არასამთავრობო სექტორის წარმომადგენლები, ასევე ადგილობრივი ხელისუფლების წარმომადგენლები და დაინტერსებული პირები. პროექტის ფარგლებში ასევე შედგა პროექტის მენეჯმენტის შეხვედრა საბერძნეთის ქალაქ კატერინში. მენეჯმენტის შეხვედრაზე განხილულ იქნა პროექტის მიღწეული პროგრესი და განხორციელებული აქტივობები.

ქვემო ქართლი. 23 ივლისს, რუსთავის სკაუტურ ცენტრში, ბავშვთა და ახალგაზრდობის განვითარების ფონდის ორგანიზებით გაიმართა ფონდის მიერ დაფინანსებული და მხარდაჭერილი სოციალური საწარმოების და სხვადასხვა ახალგაზრდული პროექტების წარმომადგენელთა პრეზენტაციები. პრეზენტაციების დროს სოციალური საწარმოს წარმომადგენლებმა ისაუბრეს განხორციელებულ საქმიანობებზე, საწარმოში არსებულ ვითარებაზე, გამოწვევებზე რომლის წინაშეც აღმოჩნდნენ და წარმატებაზე, რომელსაც მიაღწიეს. სოციალური მეწარმეობა 2013 წლიდან გახდა ბავშვთა და ახალგაზრდობის განვითარების ფონდის პროგრამული პრიორიტეტი და მას შემდეგ ფონდი პერიოდულად აცხადებს სხვადასხვა კონკურსებს, სადაც სოციალური საწარმოს დაფუძნების მსურველებს შეუძლიათ შეიტანონ საპროექტო განაცხადები და შერჩევის შემთხვევაში მიიღონ საგრანტო დაფინანსება. სამუშაო შეხვედრის მთავარი მიზანი იყო ფონდის მიერ დაფინანსებული პროექტების წარმომადგენლებისთვის ერთმანეთის საქმიანობის გაცნობა, გამოცდილების გაზიარება და სამომავლო თანამშრომლობის დამყარება. სრულად... წყარო: cse.ge

თბილისი. საქართველოს ახალგაზრდა ეკონომისტთა ასოციაციამ გამოაქვეყნა „საქართველო, ევროპა და მთლიანი შიდა პროდუქტი". ამ მიმართულებით ზოგადი წარმოდგენის შესაქმენად ორგანიზაციამ გამოიყენა მსოფლიო ბანკისა და საერთაშორისო სავალუტო ფონდის 2013 წლის მონაცემები. სრულად... წყარო: ორგანიზაციის ვებგვერდი სოციალურ ქსელში

თბილისი. საქართველოს ახალგაზრდა ეკონომისტთა ასოციაციამ, საკონსტიტუციო სასამართლოს მიერ სასოფლო სამეურნეო მიწის უცხოელებზე მიყიდვის ამკრძალავი მორატორიუმის გაუქმების შესახებ,  განცხადება გაავრცელეს. „მიგვაჩნია რომ მორატორიუმის გაუქმება სამართლიანია და დადებითად აისახება ქვეყანაში არსებული ბიზნეს გარემოს გაუმჯობესებაზე...", ნათქვამია განცხადებაში. სრულად... წყარო: საქართველოს ახალგაზრდა ეკონომისტთა ასოციაცია

თბილისი. საქართველოს მცირე და საშუალო საწარმოთა ასოციაცია ატარებს კვლევას ბიზნეს სფეროების მიხედვით. კვლევის მიზანია საქართველოს ბიზნესში არსებული მდგომარეობის განსაზღვრა, კონკურენტული გარემოს ანალიზი და შეფასება. კვლევის ფარგლებში ორგანიზაცია კონსულტაციებს გაუწევს მეწარმეებს მათთვის საინტერესო საკითხებთან დაკავშირებით. კვლევა ჩატარდება საქართველოს სტატისტიკის ეროვნული სამსახურის საჯარო ინფორმაციის ბაზაზე, რომლის ფარგლებშიც სატელეფონო გასაუბრებით და ელ-ფოსტის მეშვეობით გამოკითხული იქნება სამი ათასი კომპანია. კვლევის შედეგების საფუძველზე ასოციაცია მოამზადებს კვლევის ანგარიშს, რომელიც წარედგინება მეწარმეებს თავიანთი ბიზნესის საქმიანობის სფეროების მიხედვით. აღნიშნული საკითხების ფარგლებში მეწარმეები შეძლებენ მიიღონ საკონსულტაციო მომსახურეობა, რომელიც მათ დაეხმარებათ დაგეგმონ მომავალი ფინანსური და სტრატეგიული მიზნები. წყარო: ორგანიზაციის გვერდი სოციალურ ქსელში

აჭარა. 9 ივლისს, ბათუმის დემოკრატიული ჩართულობის ცენტრში, საზოგადოებრივი ორგანიზაციის „სოხუმის" ორგანიზებით, გენდერულ საკითხებზე დისკუსია გაიმართა. დისკუსიაზე განიხილეს თვითმმართველობის ექსკლუზიური უფლებამოსილება და დასაქმების ხელშეწყობის პროგრამები. შეხვედრაზე ბათუმის საკრებულოსთან არსებულმა გენდერულ საკითხებზე მომუშავე საკონსულტაციო საბჭომ, დასაქმების სააგენტოსთან ერთად ჩატარებული კვლევის შედეგები წარადგინა, რომლის მიხედვითაც, ქალაქში გენდერული ბალანსის დაცვით შექმნილი დასაქმების პროგრამების ნაკლებობაა. შეხვედრას ესწრებოდნენ ადგილობრივი საზოგადოებრივი ორგანიზაციების წარმომადგენლები და აქტიური მოქალაქეები.

თბილისი. ინფორმაციის თავისუფლების განვითარების ინსტიტუტი აქვეყნებს მსოფლიო ეკონომიკური ფორუმის მიერ მომზადებული კვლევის – გლობალური საინფორმაციო ტექნოლოგიების ანგარიშის მიმოხილვას. კვლევა მოიცავს თანამედროვე ტექნოლოგიების განვითარებისა და მათი ეფექტური გამოყენების შედეგებს ქვეყნების ეკონომიკური კეთილდღეობის საქმეში. აღნიშნული კვლევის მიხედვით დგინდება ქვეყნების ქსელური მზაობის ინდექსი. ინსტიტუტის ინფორმაციით, საქართველომ წინა წელთა შედარებით 2014 წელს მნიშვნელოვნად გაიუმჯობესა პოზიცია. „საქართველო 2013 წელს ქსელური მზაობის ინდექსით 3.93 ქულით (7-დან) 65-ე ადგილს იკავებდა, დღეს იგი 60-ე ადგილზეა (148 ქვეყანას შორის), 4.1-იანი მაჩვენებლით. ზოგადად, ანგარიშში საქართველო სომხეთთან, ყაზახეთთან, პანამასთან, ყატართან და არაბთა გაერთიანებულ საამიროებთან ერთად, „მზარდ ვარსკვლავთა" ("Rising Star”) კატეგორიაშია მოქცეული. ეს გულისხმობს, რომ მისი ქულა საშუალოზე მაღალია და საშუალოზე სწრაფად იზრდება. ასევე, კვლევაში აღნიშნულია, რომ ეს ქვეყნები მკვეთრი პოზიტიური ცვლილებებით გამოირჩევიან", ნათქვამია ორგანიზაციის ვებგვერდზე. სრულად... წყარო: idfi.ge

თბილისი. 30 ივნისს, სასტუმრო „ქორთიარდ მარიოტში" გაიმართა სოციალური მეწარმეობის კანონპროექტის კონცეფციის პრეზენტაცია. იგი ევრაზიის თანამშრომლობის ფონდისა და საქართველოს სტრატეგიული კვლევებისა და განვითარების ცენტრის ერთობლივი ძალისხმევით მომზადდა. 30 ივნისს კონცეფცია სოციალური მეწარმეობის სამუშაო ჯგუფს წარუდგინეს, რომელშიც შედიან სხვადასხვა სამინისტროს, საზოგადოებრივი ორგანიზაციების და თბილისის მთავრობის წარმომადგენლები. პრეზენტაციის დასრულების შემდეგ გაიმართა დისკუსია აღნიშნულ საკითხზე. კონცეფციის საბოლოო ჩამოყალიბებამდე იგეგმება სოციალურ მეწარმეებთან და დაინტერესებულ მხარეებთან შეხვედრა. სრულად... წყარო: cse.ge

თბილისი. საქართველოს ახალგაზრდა ეკონომისტთა ასოციაცია ინფორმაციას ავრცელებს „სახელმწიფოს წილობრი მფლობელობაში არსებული საწარმოების შესახებ". ორგანიზაციის აზრით, „სასურველია სახელმწიფომ მოახდინოს მის საკუთრებაში არსებული საწარმოების გასხვისება (სრულად ანდა ნაწილობრივ). უმეტეს შემთხვევაში სახელმწიფოს საკუთრებაში არსებული საწარმოები არ გამოირჩევა მუშაობის ეფექტურობით და კაპიტალუკუგების მაღალი ნორმით. ასეთი საწარმოები არაეფექტიანად გამოიყენებენ საჯარო ფინანსებს, ხელს უშლიან საქართველოში კონკურენტული ბაზრის განვითარებას და უარყოფით გავლენას ახდენენ ქვეყნის ეკონომიკურ ზრდაზე...". სრულად... წყარო: ორგანიზაციის ვებგვერდი სოციალურ ქსელში

თბილისი. არასამთავრობო ორგანიზაციამ „საზოგადოება და ბანკები" გამოაქვეყნა კვლევა - „კომერციული ბანკების მიერ გაცემული სესხები რეგიონების მიხედვით". კვლევის მიზანი იყო საქართველოს სხვადასხვა რეგიონში არსებული ეკონომიკური აქტივობის დადგენა. კვლევა წყარო: ორგანიზაციის გვერდი სოციალურ ქსელში

აჭარა. 16 ივნისს, ბათუმში კონსტიტუციის 42-ე მუხლის იურისტები მცირე და საშუალო ბიზნესის წარმომადგენლებს შეხვდნენ. შეხვედრა პროექტის - „მცირე და საშუალო ბიზნესის წარმომადგენელთა ნდობის ამაღლება მართლმსაჯულებისადმი" - ფარგლებში გაიმართა. ბათუმელ მცირე მეწარმეებს კონსტიტუციის 42-ე მუხლის იურისტებმა საგადასახადო კანონმდებლობაში არსებული ცვლილებები გააცნეს. პროექტის ფარგლებში შეხვედრები უკვე გაიმართა კახეთში, ახალციხესა და გორში. წყარო: ორგანიზაციის გვერდი სოციალურ ქსელში

თბილისი. 14 ივნისს, საქართველოს ახალგაზრდა ეკონომისტთა ასოციაციის ორგანიზებით ჩატარდა „დებატები ეკონომიკაზე". დებატები გაიმართა გუნდური პრინციპით, თითოეული უნივერსიტეტი წარმოადგენდა ერთ გუნდს, რომელიც შედგებოდა 4 წევრისგან. დებატებში მონაწილეობა მიიღეს თბილისის სახელმწიფო უნივერსიტეტმა, ილიას უნივერსიტეტმა, საქართველოს დავით აღმაშენებლის სახელობის უნივერსიტეტმა, კავკასიის საერთაშორისო უნივერსიტეტმა და შავი ზღვის საერთაშორისო უნივერსიტეტმა. დებატების ქეისებად შერჩეული იყო საქართველოს ეკონომიკაში არსებული აქტუალური საკითხები. დებატების ყველა მონაწილეს გადაეცა სერტიფიკატი. წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა ეკონომისტთა ასოციაციამ განცხადება გაავრცელა ექსპორტის ოპერაციის განხორციელების შედეგად დამატებული ღირებულების გადასახადის დაბრუნების შესახებ. სრულად... წყარო: ორგანიზაციის ვებგვერდი სოციალურ ქსელში

თბილისი. 5 ივნისს, ინფორმაციის თავისუფლების განვითარების ინსტიტუტმა და გადასახადის გადამხდელთა კავშირმა მრგვალი მაგიდა გამართეს. შეხვედრაზე განხილეს სახელმწიფო საწარმოების მიმართ არსებული ფინანსურ-სამართლებრივი რეგულაციები და ბალტიისპირეთის ქვეყნების პოლიტიკა სახელმწიფოს საკუთრებაში არსებულ საწარმოებთან დაკავშირებით. შეხვედრას ესწრებოდნენ სხვადასხვა სახელმწიფო უწყებების, არასამთავრობო და სამოქალაქო სექტორის წარმომადგენლები. სრულად...  წყარო: idfi.ge