თბილისი. 11 დეკემბერს „ეკონომიკური პოლიტიკის კვლევის ცენტრმა" წარმოადგინა 2013 წლის ბიუჯეტის პროექტის ანალიზი. ანგარიშში გაანალიზებულია, თუ  როგორ ასახავს საქართველოს ახლადარჩეული მთავრობა ეკონომიკაში არსებულ გამოწვევებს ქვეყნის უმთავრეს ფინანსურ დოკუმენტში და ამასთანავე, სთავაზობს მთავრობას მათი გადაჭრის შესაძლო გზებს. ანგარიში წყარო: eprc.ge

თბილისი. 26 ნოემბერს ფონდმა „ევროპული ინიციატივა - ლიბერალური აკადემია თბილისმა" გამართა შუალედური ორი ანგარიშის პრეზენტაცია: „სინგაპური, ესტონეთი, შვეიცარია: სამიზნე მოდელები ქართული ტრანსფორმაციისთვის?" და „საქართველოს სოფლის მეურნეობის სფეროს ტრანსფორმაცია: დამოუკიდებლობის 20 წელი".  ანგარიშები მომზადდა კვლევითი პროექტის „ტრანსფორმაცია საქართველოში: მნიშვნელოვანი შედეგები" ფარგლებში. ანგარიშებში გაანალიზებულია ეკონომიკური ტრანსფორმაციის ძირითადი მახასიათებლები, ეკონომიკური პარამეტრების დინამიკა, სოციალურ-ეკონომიკური პოლიტიკის ამოცანებისა და შედეგების ურთიერთმიმართება, რაც მთლიანობაში ქმნის ქვეყნის ეკონომიკური ტრანსფორმაციის საერთო სურათს სრულად წყარო: ორგანიზაციის გვერდი სოციალურ ქსელში 

თბილისი. ცენტრ „აფხაზეთის" თბილისის ოფისში სესხის კომიტეტის სხდომა გაიმართა, რომელზეც პოტენციური მსესხებლების მიერ წარმოდგენილი ბიზნეს გეგმები განიხილეს.  სესხის კომიტეტის გადაწყვეტილებით ყველაზე სიცოცხლისუნარიანი და ეფექტური ბიზნეს გეგმების ავტორებს უპროცენტო სესხები გადაეცემათ მათი ბიზნეს საქმიანობის მხარდასაჭერად. სესხების გაცემა მიმდინარე კვირას დაიწყება.  შეხვედრა პროექტის - „შემოსავლების გენერირებისა და ბიზნესის მხარდაჭერის ინიციატივა" - ფარგლებში გაიმართა. სრულად წყარო: ორგანიზაციის ოფიციალური გვერდი სოციალურ ქსელში

მცხეთა–მთიანეთი. 13 ოქტომბერს, საქველმოქმედო – ჰუმანიტარული ცენტრის „აფხაზეთის" ინიციატივით წილკანისა და ფრეზეთის დასახლებებში შერჩეული ბენეფიციარებისათვის ბიზნეს ტრენინგები განხორციელდა. ტრენინგის მონაწილეები გაეცნენ ისეთ საკითხებს, როგორიცაა: ბიზნესისა და სესხის მართვა, მარკეტინგის საფუძვლები და სხვა. ტრენინგის დასასრულს მონაწილეებმა ბიზნეს გეგმები წარადგინეს, რომელთაგან საუკეთესო ბიზნეს გეგმების ავტორები უპროცენტო სესხებს მიიღებენ მათი ბიზნეს საქმიანობათა მხარდაჭერის მიზნით.  ტრენინგი პროექტის „შემოსავლების გენერირებისა და ბიზნესის მხარდაჭერის ინიციატივა" - ფარგლებში ჩატარდა.  სრულად წყარო: chca.org.ge

იმერეთი. საქველმოქმედო–ჰუმანატრული ცენტრი „აფხაზეთი" აქვეყნებს ახალ პუბლიკაციას  „შემოსავლების გენერირებისა და ეკონომიკური გაძლიერების პროექტის ბენეფიციართა კატალოგი". მასში მოცემულია ინფორმაცია 2004-2012 წლების მანძილზე განხორციელებული შემოსავლების გენერირების პროექტების მოსარგებლე 32 ბენეფიციარის შესახებ.  ბენეფიციართა კატალოგი წყარო: chca.org.ge

თბილისი. კონსულტაციის და ტრენინგის ცენტრი ახორციელებს პროექტს, რომელიც ითვალისწინებს  2008 წლის ომის შედეგად იძულებით გადაადგილებულ პირთა და დაზარალებული მოსახლეობის ეკონომიკურ ინტეგრაციას. პროექტის ფარგლებში დახმარება გაეწია  210 მეწარმეს.  210 მეწარმემ დაასაქმა 250 -ზე მეტი ადამიანი, რომლებიც ძირითადად ოჯახის წევრებით ან ახლობელ-მეზობლობით არიან წარმოდგენილი.  პროექტი დღეისათვის დასრულების ფაზაშია. 2012 წლის 9 ნოემბერს კი ორგანიზაცია გეგმავს კონფერენციის გამართვას, სადაც სურს დაინტერესებულ პირთა უფრო ფართო წრეს გააცნოს პროექტის შედეგები, გამოცდილება და იმსჯელოს არსებულ გამოწვევებსა და შემდგომ ნაბიჯებზე. პროექტი დაფინანსებულია USAID საქართველოს მისიის მიერ.  სრულად წყარო: ctc.org.ge

შიდა ქართლი. საქველმოქმედო ჰუმანიტარული ცენტრი „აფხაზეთი" აგრძელებს საინფორმაციო შეხვედრებს რუსთავის კოლექტიურ ცენტრებსა და წილკანის, ფრეზეთის, მეტეხისა და თელიანის დევნილთა დასახლებებში. საინფორმაციო შეხვედრები პროექტის – „შემოსავლების გენერირებისა და ბიზნესის მხარდაჭერის ინიციატივა" – ფარგლებში გაიმართა და მიზნად ისახავდა მოსახლეობის ინფორმირებას ზოგადად პროექტისა და მის ფარგლებში დაგეგმილი ღონისძიებების შესახებ. სრულად წყარო: chca.org.ge

იმერეთი. „შემოსავლების გენერირება და ბიზნესის მხარდაჭერის ინიციატივა" – ასე ჰქვია პროექტს, რომელსაც სექტემბრის თვიდან საქველმოქმედო ჰუმანიტარული ცენტრი „აფხაზეთი" ახორციელებს. პროექტი მცხეთა-მთიანეთის, იმერეთის, შიდა ქართლის, ქვემო ქართლისა და სამეგრელოს რეგიონში განხორციელდება და იგი მიზნად ისახავს ბიზნესის მხარდაჭერასა და განვითარებას უპროცენტო სესხების გაცემის გზით.  „შემოსავლების გენერირება და ბიზნისის მხარდაჭერის ინიციატივა" USAID-ის მიერ დაფინანსებული პროექტის – „ახალი ეკონომიკური შესაძლებლობების ინიციატივას" – ფარგლებში ხორციელდება.  სრულად წყარო: ორგანიზაციის გვერდი სოციალურ ქსელში

  კახეთი. პროექტის „ბიზნესის სტარტისთვის" ფარგლებში, მონაწილეების მიერ პროექტების მიღება დასრულდა. წარდგენილი იყო 59 პროექტი, რომლიდანც სპეციალური კომისია შეარჩევს და დააფინანსებს 20 ინიციატივას. პროგრამა მხარდაჭერილია პოლონეთის საგარეო საქმეთა სამინისტროს მიერ და ხორციელდება პოლონური არასამთავრობო ორგანიზაციასთან „ასოციაცია B4” პარტნიორობით. კომისიიის გადაწყვეტილება სექტემბრის ბოლოს გახდება ცნობილი. სრულად წყარო: ორგანიზაციის გვერდი სოციალურ ქსელში  

თბილისი. საქართველოს მცირე და საშუალო საწარმოთა ასოციაციის ორგანიზებით, 19 სექტემბერს, გაიმართა ბიზნეს ფორუმი „საგადასახადო დავის გადაწყვეტილების ალტერნატიული გზები". მისასალმებელი სიტყვების შემდეგ, ფორუმზე შემოსავლების სამსახურის წარმომადგენელმა წარმოადგინა პრეზენტაცია შემოსავლების სამსახურში საგადასახადო დავებზე, რასაც დისკუსია მოჰყვა.  შეხვედრაზე ასევე წარმოადგინეს საგადასახადო დავების გადაწყვეტის ეფექტური ინსტიტუტების კვლევა, რომელიც ეხება საქართველოში საგადასახადო დავების გადაჭრის ალტერნატიული გზების დანერგვას. კვლევა მიმოიხილავს საქართველოში არსებულ მდგომარეობას, საერთაშორისო პრაქტიკას და ასევე მოიცავს რეკომენდაციებსაც.  ფორუმს ესწრებოდნენ სამოქალაქო საზოგადოებრივი ორგანიზაციების წარმომადგენლები, ასევე საქართველოს დასაქმების მინისტრი, პაატა ტრაპაიძე. ფორუმის დასასრულს მონაწილეებმა ხელი მოაწერეს მემორანდუმს, რომლის თანახმადაც ხელმომწერები მხარს უჭერენ ინიციატივას, რომ სახელმწიფო, ბიზნეს, სამოქალაქო და საერთაშორისო ორგანიზაციებმა აქტიურად გააგრძელონ თანამშრომლობა „საქართველოში საგადასახადო დავების გადაწყვეტის ინსტიტუტიცური მოწყობის ისეთი მოდელის შესაქმენლად, რომელიც დანერგავს საერთაშორისო სტანდარტების პრაქტიკას და გააძლიერებს კანონის მმართველობას ქვეყანაში". 

კახეთი. საზოგადოებრივმა ორგანიზაციამ ,,ბიზნეს ცენტრმა კახეთმა", დედოფლისწყაროში, გამართა შეხვედრა შემდეგ საკითხზე  – როგორია რეგიონული ეკონომიკა კახეთში. შეხვედრას ესწრებოდნენ საზოგადოებრივი  ორგანიზაციების წარმომადგენლები, სტუდენტები, ჟურნალისტები, ადგილობრივი თვითმმართველობის წარმომადგენლები და დაინტერესებული მოქალაქეები. საზოგადოებას მიაჩნია, რომ კახეთის რეგიონული განვითარების 5 წლიან სტრატეგიაში, რომელიც დამუშავების პროცესშია, უნდა შევიდეს ისეთი პრობლემები რომელიც ეკონომიკის კუთხით მუნიციპალიტეტების როლს განსაზღვრავს. მაკა ხაზიური, ჟურნალისტი: ,,კახეთი ერთ-ერთ მდიდარ რეგიონად ითვლება და ეკონომიკის მხრივ დიდი პოტენციალი აქვს, მაგრამ რეგიონს ჭირდება გეგმა რისი მიხედვითაც განვითარდება ეკონომიკა". ,,ბიზნეს ცენტრის" ხელმძღვანელის, სოსო მიქელაძის თქმით, რეგიონში ეკონომიკის კუთხით პრობლემების გამოვლენაა საჭირო: ,,პირველ რიგში პრობლემების ანალიზი უნდა მოხდეს ყველა მუნიციპალიტეტში. რეგიონში გამოსაკვლევია ძირითადი ეკონომიკური მაჩვენებლებიც და სხვა ბევრი საკითხი, რომელიც შესასწავლი და გასათვალისწინებელია რეგიონული ეკონომიკის დასაგეგმად".

კახეთი. „სათემო განვითარების ცენტრმა" პოლონურ არასამთავრობო ორგანიზაცია B4-თან პარტნიორობით კახეთში პროექტის, „ბიზნესი სტარტისთვის" –  განხორციელება დაიწყო. პროექტის ფარგლებში, პირველ ეტაპზე კონკურსის შედეგად შეირჩა 60 ქალი. ამჟამად კი პროექტის მეორე ეტაპი მიმდინარეობს, რომელიც მოიცავს ნახევარფინალისტი ქალებისთვის ტრენინგების ჩატარებას. სასწავლო სემინარები 6 აგვისტოს დაიწყო და ხვალ დასრულდება. პროექტი მიზნად ისახავს ხელი შეუწყოს ქალებს მცირე მეწარმეობის დაწყებასა და  თვითდასაქმებას. პროექტის მესამე ეტაპი ბიზნეს პროექტები მომზადებას ითვალისწინებს, რომლის მომზადებაშიც მათ პროექტში ჩართული კონსულტანტები დაეხმარებიან. საუკეთესო ბიზნეს პროექტის მქონე 20 ქალბატონი მიიღებს მცირე გრანტს საკუთარი ბიზნესის დაწყებისთვის.

თბილისი. 24 და 27 ივლისს საქართველოს მწვანეთა მოძრაობა/დედამიწის მეგობრები – საქართველოს ორგანიზებით, პროექტის „საქართველოში განახლებადი ენერგიების ეფექტურად გამოყენებასა და ენერგოეფექტური ტექნოლოგიების დანერგვაზე ხელშეწყობა" ფარგლებში, გაიმართა სამუშაო შეხვედრები არასამთავრობო ორგანიზაციებისა და ბიზნეს-სექტორების წარმომადგენლებთან. შეხვედრებზე წარმოდგენილი იყო პროექტის განმახორციელებელი ჯგუფისა და თემატური ჯგუფების მიერ შემუშავებული პრეზენტაციები და რეკომენდაციები. გამოითქვა წინადადებები პროექტის ფარგლებში შემუშავებული დოკუმენტების შემდგომი სრულყოფისათვის. პროექტის ფარგლებში შექმნილია თემატური სამუშაო ჯგუფები, რომლებმაც შეიმუშავა პრეზენტაციები და რეკომენდაციები შემდეგი მიმართულებებით: საქართველოში მზის, ბიომასის, გეოთერმული და ქარის ენერგიის პოტენციალის შეფასება და რეალური გამოყენების პერსპექტივები; საქართველოში ენერგოეფექტურობის აუცილებლობა, მისი ათვისების პოტენციალი და მოსალოდნელი ეფექტი; საქართველოში მზის, ქარის და გეოთერმული წყლების ენერგიების ეფექტურად გამოყენებასა და ენერგოეფეტურობასთან დაკავშირებით არსებული საკანონმდებლო ბაზის ანალიზი და სრულყოფის რეკომენდაციები; საქართველოს ინოვაციური ინტელექტუალური პროდუქტის პრაქტიკული გამოყენების მდგომარეობა და პერსპექტივები.  პროექტი „საქართველოში განახლებადი ენერგიების ეფექტურად გამოყენებასა და ენერგოეფექტური ტექნოლოგიების დანერგვაზე ხელშეწყობა" ხორციელდება საქართველოს მწვანეთა მოძრაობა/დედამიწის მეგობრები – საქართველოს მიერ, ფრიდრიხ ებერტის ფონდის მხარდაჭერით. წყარო: cenn

თბილისი. 31 ივლისს, სასტუმრო „თბილისი მარიოტში" ანალიტიკურმა ცენტრმა „ეკონომეტრი" საგადასახადო, საბანკო და მომიჯანვე კანონმდებლობაში შესული ცვლილებების ანალიზი წარმოადგინა. საკვლევ პერიოდს წარმოდგენდა 9 თვე, როდესაც ძირითადი ცვლილებები შევიდა კანონმდებლობაში. საანგარიშო პერიოდში განხორციელებული ცვლილებების შეფასებიდან ანალიტიკურმა ცენტრმა დაასკვნა, რომ ცვლილებების შედეგად მნიშვნელოვნად შეიცვალა საბანკო–საფინანსო სფეროში მანამდე არსებული ვითარება, ასევე ყველა ტიპის საფინანსო სერვისის განმახორციელებელი ინსტიტუტისთვის დადგინდა და ამოქმედდა  ინფორმაციის მიღების, სისტემატიზაციის და ფინანსური მონიტორინგისთვის გადაცემის წესი, რომელმაც კვლევის მიხედვით ამავე ფინანსურ ინსტიტუტს დაუმძიმა კლიენტთან ურთიერთობების პირობები.   ანალიზში ასევე ნახსენებია, რომ განსაკუთრებით გამოიკვეთა „პოლიტიკურად აქტიური პირის" ან „მასთან უშუალო საქმიან ურთიერთობაში მყოფი პირების" საკითხი. მაგალითად, ისევე როგორც ფინანსური სერვისით დაკვებული სხვა ინსტიტუტები, ვალუტის გადამცვლელი პუნქტიც  ვალდებულია გამოარკვიოს, მიეკუთვნება თუ არა კლიენტი პოლიტიკურად აქტიური პირის კატეგორიას და მიიღოს გონივრული ზომები ასეთი პირის ფულადი სახსრების, ქონების წარმომავლობის დასადგენად და განახორციელოს გაძლიერებული მონიტორინგი.  ანგარიში მომზადდა ფონდი „ღია საზოგადოება–საქართველოს" მხარდაჭერით და იგი არ მოიცავს რეკომანდეციებს. ანგარიშის ავტორთა აზრით, რეკომენდაციები საჯარო განხილვების და დისკუსიის შედეგად ჩამოყალიბდება. ანგარიში "საქართველოს საბანკო, საგადასახადო, სააღსრულებო და მათ მომიჯნავე კანონმდებლობაში განხორციელებული ცვლილებები"

თბილისი. ორგანიზაცია ,,კონსტიტუციის 42-ე მუხლმა” ბიზნეს სფეროს მარეგულირებელი კანონმდებლობისა და პრაქტიკის კვლევის პრეზენტაცია გამართა. პრეზენტაციის პირველი ნაწილი დაეთმო ბიზნეს სფეროს მარეგულირებელი საკანონმდებლო აქტების ანალიზის მიმოხილვას, შემდეგ კი კვლევის ავტორებმა განიხილეს ამ სფეროში გამოვლენილი პრობლემები და შეიმუშავეს რეკომენდაცები. კვლევა ასევე მოიცავს საგადასახადო და სამეწარმეო დავების განხილვის პრაქტიკას. წყარო: www.article42.ge სრულად

ბათუმი. 5 ივლისს, ბათუმის დემოკრატიული ჩართულობის ცენტრში, გაიმართა საჯარო დისკუსია თემაზე: სამთო – სათხილამურო კურორტის მოწყობა გოდერძის უღელტეხილზე, რომელიც ბათუმის დემოკრატიული ჩართულობის ცენტრის მიერ იქნა ორგანიზებული. აჭარის ა.რ. ფინანსთა და ეკონომიკის სამინისტრომ და კომპანია „გოდერძი რეზორტის" დირექტორმა, გამჭვირვალობის უზრუნველყოფისა და ინფორმაციის გავრცელების მიზნით, გამართა პროექტის პრეზენტაცია. შეხვედრის მონაწილეებმა იმსჯელეს კურორტის მშენებლობასა და ეკონომიკურ ეფექტებზე, ასევე განიხილეს სამთო კურორტის მშენებლობის არეალში მოქცეული მიწების საკითხიც. როგორც ფინანსთა და ეკონომიკის მინისტრის მოადგილემ განაცხადა, აღნიშნულ არეალში მოქცეული ოჯახების საკითხი ინდივიდუალურად გადაწყდება. დისკუსიას ესწრებოდნენ სამოქალაქო საზოგადოების, ხელისუფლების და მედიის წარმომადგენლები.

თბილისი. 28 ივნისს  „‎ევროპული ინიციატივა - ლიბერალური აკადემია თბილისმა" კვლევითი პროექტის შუალედური ანგარიშის პრეზენტაცია გამართა. ანგარიშში „საქართველოს ეკონომიკური ტრანსფორმაცია: დამოუკიდებლობის 20 წელი" მომიხილულია ქვეყნის ტრანსფორმაციის ეკონომიკური მახასიათებლები და საკვლევი პერიოდი პირობითადნ ორ ნაწილად არის დაყოფილი: ვარდების რევოლუციამდე და ვარდების რევულუციის შემდეგ.  ანგარიშში ასევე მითითებულია, რომ „2003 წლის შემდგომი პროცესები უფრო სიღრმისეულადაა განხილული, მითუმეტეს რომ  „ვარდების რევოლუციის” შემდეგ რვა წელი გავიდა, რაც შეჯამებისთვის გარკვეულ საფუძველს ქმნის". შუალედური ანგარიში მომზადდა ფონდ „ლიბერალური აკადემია – თბილისის" პროექტის „ტრანსფორმაცია საქართველოში – მნიშნველოვანი შედეგები" ფარგლებში, რომელიც დაფინანსებულია „აღმოსავლეთ–დასავლეთის მართვის ინსტიტუტის მიერ (EWMI)” მიერ, აშშ–ს საერთაშორისო განვითარების სააგენტოს სახსრებით.  ვრცლად იხილეთ ბმული

თბილისი. საქართველოს მცირე და საშუალო საწარმოთა ასოციაციის მიერ ჩატარებულ კვლევაზე გაიმართა დღეს რიგით მეოთხე სამუშაო შეხვედრა სასტუმრო „ამბასადორში". კვლევა „გადასახადისგან თავის არიდება და სისხლის სამართლებრივი პასუხისმგებლობა, შედარებითი ანალიზი" ქვეყნის ბიზნეს გარემოს გაუმჯობესებისა და ინვესტორების მოზიდვისათვის საჭირო საკანონმდებლო რეკომენდაციების  შემუშავებას ისახავს მიზნად; ორგანიზაციის მიერ მომზადებულ კვლევაში ასევე მიმოხილულია საერთაშორისო გამოცდილებაც. სამუშაო შეხვედრას საზოგადოებრივი ორგანიზაციის წარმომადგენლები ესწრებოდნენ და კვლევის ფარგლებში შემუშავებულ რეკომენდაციებზე მსჯელობდნენ. პროექტი ხორციელდება ევრაზიის თანამშრომლობის ფონდის  პროექტის ფარგლებში – „სასამართლო ინიციატივა დამოუკიდებელი მართლმსაჯულებისთვის", რომელიც დაფინანსებულია USAID-ის მიერ, აღმოსავლეთ–დასავლეთის მართვის ინსტიტუტის მეშვეობით.

კახეთი. „სათემო განვითარების ცენტრი” პოლონურ არასამთავრობო ორგანიზაცია B4-თან პარტნიორობით კახეთში ახალი პროექტის განხორციელებას იწყებს. პროექტი „ბიზნესი სტარტისთვის" განხორციელდება კახეთის სამ მუნიციპალიტეტში, კერძოდ სიღნაღის მუნიციპალიტეტის სოფელ ნუკრიანში, თელავის მუნიციპალიტეტის სოფელ ნაფარეულსა და გურჯაანში. პროექტი მიზნად ისახავს ხელი შეუწყოს მიზნობრივ სოფლებში მცხოვრები ქალების მიერ მცირე მეწარმეობის დაწყებას და  თვითდასაქმებას. პროექტის ფარგლებში შეირჩევა და გადამზადდება 60 ქალი - მცირე ბიზნესის დაწყებასა და მის გაძღოლაში. კონკურსში გამარჯვებული 20 მონაწილე მიიღებს მცირე გრანტს, საკუთარი ბიზნესის დაწყებისთვის. ბიზნეს-პროექტების მომზადებაში მათ პროექტში ჩართული კონსულტანტები დაეხმარებიან. სამიზნე მუნიციპალიტეტებში საინფორმაციო ბუკლეტები დღეს გავრცელდა.

თბილისი. 15 ივნისს მცირე და საშუალო საწარმოთა ასოციაცია მრგვალ მაგიდას მართავს თემაზე „საგადასახადო დავების გადაწყვეტის ეფექტური ინსტიტუტები, საგადასახადო სასამართლოები და ალტერნატიული გზები". შეხვედრაზე მოწვეულ სტუმრებს გააცნობენ მანამდე ჩატარებული კვლევის შედეგებს და ამ შედეგებზე დაფუძნებულ კონცეფციას.  კლვევა ორი მიმართლებით ჩატარდა „საგადასახადო დავების გადაწყვეტის ეფექტური ინსტიტუტები, საგადასახადო სასამართლოები და ალტერნატიული გზები" და „გადასახადისგან თავის არიდება და სისხლის სამართლებრივი პასუხისმგებლობა, შედარებითი ანალიზი".   აღნიშული შეხვედრა და კვლევები ევრაზიის თანამშრომლობის ფონდის მიერ მხარდაჭერილი პროექტის – „ბიზნესისთვის მეგობრული ჩარჩო კანონმდებლობის მხარდაჭერა საქართველოში" – ფარგლებში ხორციელდება.

თბილისი. 25 მაისს ფონდი "ახალი თბილისის" პრეზენტაცია გაიმართა ილიას სახელმწიფო უნივერსიტეტში. ფონდის წარმომადგენლებმა სტუდენტებსა და დამსწრე აუდიტორიას "ახალი თბილისის" კონცეფცია და განვითარების გეგმა გააცნო."ახალი თბილისი" თბილისის მერიის პროექტია და მისი მიზანია დიღმის ტერიტორიაზე ახალი უბნის, "ახალი თბილისის" მშენებლობა. როგორც ფონდის წარმომადგნლები ამბობენ, პროექტი ავტომატურად გულისხმობს თბილისის ურბანულ გაფართოვებას, ახალი სამუშაო ადგილების შექმნას, ინვესტიციების მოზიდვას და ქალაქის ეკონომიკური მდგომარეობის გაუმჯობესებას. პრეზენტაციის შემდეგ პროექტის შესახებ დამსწრე აუდიტორიამაც იმსჯელა.

თბილისი. რა როლს ასრულებს დღევანდელი ქართული საბანკო სისტემა ქვეყნის ეკონომკურ განვითარებაში - ეს  იყო „ახალგაზრდა ფინანსისტთა და ბიზნესმენთა ასოციაციის" კვლევის ძირითადი ფოკუსი. კვლევის შედეგების საზოგადოებრივი ორგანიზაციის წარმომადგენლებმა  სასტუმრო „ძველ მეტეხში" წარუდგინეს საზოგადოებას. სამუშაო ჯგუფმა მსოფლიო ბანკისა და საქართველოში არსებული სტატისტიკური მონაცემები გაანალიზა და შედეგად ორი დასკვნა გამოიტანა: საქართველოში ერთ–ერთი ყველაზე ძვირი კრედიტებია და ქართული საბანკო სექტორი ეკონომიკის ხარჯზე იზრდება. „ჩვენი რეკომენდაცია ამ შემთხვევაში არის ის, რომ ერონვულმა ბანკმა ყურადღება მიაქციოს ამ საკითხს, ვინაიდან მხოლოდ მასზეა დამოკიდებული ნებისმიერი პროცესი, რომელიც საბანკო სისტემაში ვითარდება და განვითარდება მომავალში" - ამბობს ორგანიზაციის პრეზიდენტი ნოდარ ჭიჭინაძე.