თბილისი. ინფორმაციის თავისუფლების განვითარების ინსტიტუტი აქვეყნებს ბლოგპოსტს: „აშშ–ის სანქციების საფრთხე და საქართველოს ეკონომიკა", „მიმდინარე მოვლენების ფონზე, უკვე გამოვლინდა მკვეთრი მოკლევადიანი რყევები, როგორც სავალუტო ბაზარზე, ისე საფონდო ბირჟაზე - ლარი უფასურდება დოლართან და ევროსთან მიმართებით, ხოლო ქვეყნის წამყვანი ბანკების აქციების ფასები მცირდება“. სრულად... წყარო: ინფორმაციის თავისუფლების განვითარების ინსტიტუტი

იმერეთი. ევროკავშირისა და გაეროს განვითარების პროგრამის მხარდაჭერით, კონფლიქტით დაზარალებულ სოფელ პერევში ადგილობრივი მეწარმეობა ვითარდება.  პროექტის მიზანია, სამოქალაქო საზოგადოების ორგანიზაციებთან, მუნიციპალიტეტებთან და ადგილობრივ თემებთან ერთად სოფლის ეკონომიკური და სოციალური მედეგობის გაძლიერება.  წაიკითხეთ პროექტის ქალი ბენეფიციარების ისტორიები ... წყარო: ევროკავშირის წარმომადგენლობა საქართველოში

იმერეთი. ადგილობრივი დემოკრატიის სააგენტო საქართველომ ახალი პროექტი „მომავალი მეწარმეების უნარების გაძლიერება“ დაიწყო.  მეწარმეებისთვის შაბათ-კვირას ინტენსიური ტრენინგები ჩატარდა, რომლის განმავლობაშიც მონაწილეებმა გაიუმჯობესეს ინოვაციური ლიდერებისთვის საჭირო უნარები კომუნიკაციის, გუნდური მუშაობის, აქტიური მოსმენის,პრობლემის გადაჭრის, იდეის ფორმირების, ბაზრის ანალიზისა და მომხმარებელთა საჭიროებების კვლევის კუთხით.  ტრენინგები ჩატარდა ინტერაქტიულ რეჟიმში და მოიცავდა როგორც თეორიული საკითხების მიმოხილვას, ისე პრაქტიკულ სავარჯიშოებს, გუნდურ და როლურ თამაშებს. ტრენინგების კურსი გრძელდება.  სრულად...  წყარო: ადგილობრივი დემოკრატიის სააგენტო საქართველო

თბილისი. ეკონომიკური თანამშრომლობისა და განვითარების ორგანიზაციამ (OECD), ევროკავშირთან და ევროპის რეკონსტრუქციისა და განვითარების ბანკთან (EBRD) თანამშრომლობის გამოაქვეყნა „მცირე და საშუალო საწარმოების პოლიტიკის ინდექსი: აღმოსავლეთ პატნიორობის ქეყნები, 2024“.  ინდექსი აფასებს მცირე და საშუალო საწარმოების განვითარების პრაქტიკას და მასთან დაკავშირებულ პოლიტიკას როგორც საქართველოში, ისე აღმოსავლეთ პარტნიორობის სხვა ქვეყნებში და გასცემს რეკომენდაციებს.  სრულად... წყარო: ევროკავშირი

თბილისი. 23 თებერვალს, ევროკავშირის მხარდაჭერით, სამოქალაქო საზოგადოების ინსტიტუტმა (CSI), პარტნიორ ორგანიზაციებთან ერთად უმასპინძლა კონფერენციას სახელწოდებით „სოციალური მეწარმეობის განვითარების პერსპექტივები საქართველოში“. კონფერენცია მიზნად ისახავდა სოციალური მეწარმეობის ეკოსისტემით დაინტერესებულ მხარეებს შორის სოციალური მეწარმეობის არსებულ გარემოსა და მისი განვითარების პერსპექტივებზე დიალოგის წარმართვას. აღნიშნული ტიპის ღონისძიებები ხელს უწყობს გადაწყვეტილების მიმღებებს, სოციალურ საწარმოებს, ხელშემწყობ ორგანიზაციებს და ექსპერტებს, ერთმანეთს გაუზიარონ ცოდნა და გამოცდილება სოციალური მეწარმეობის სახელმწიფო მხარდაჭერის მიმართულებით. კონფერენციაზე ყურადღება გამახვილდა შემდეგ თემებზე:  სოციალური მეწარმეობის სახელმწიფო მხარდაჭერის საერთაშორისო გამოცდილება;  სოციალური მეწარმეობის სახელმწიფო მხარდაჭერის ძირითადი რეკომენდაციები;  ცენტრალურ დონეზე სოციალური მეწარმეობის სახელმწიფო მხარდაჭერის საქართველოს არსებული პრაქტიკა და პერსპექტივები;  ადგილობრივი თვითმმართველობის დონეზე სოციალური მეწარმეობის მხარდაჭერის არსებული პრაქტიკა და პერსპექტივები.  ღონისძიებაში მონაწილე საერთაშორისო ექსპერტებმა ისაუბრეს რამდენიმე ქვეყნის გამოცდილების შესახებ და აღნიშნეს სახელმწიფოს მიერ სოციალური მეწარმეობის განვითარების მხარდაჭერის პროცესში მიღწეული პოზიტიურ შედეგები. თავის მხრივ, ადგილობრივმა მომხსენებლებმა ხაზი გაუსვეს საქართველოში სოციალური მეწარმეობის სახელმწიფო მხარდაჭერის არსებულ პრაქტიკებს და გარემოს შემდგომი გაუმჯობესების საჭიროებებს. „ჩვენ კვლავ უნდა გავაგრძელოთ მუშაობა უფრო მეტი რეფორმისა და მხარდაჭერისთვის. ამ მიმართულებით, სახელმწიფოს როლი უმნიშვნელოვანესია.“ - განაცხადა სამოქალაქო საზოგადოების ინსტიტუტის წარმომადგენელმა ია გაბუნიამ და ხაზი გაუსვა სექტორის განვითარებისთვის სახელმწიფოს მხარდაჭერის მნიშვნელობას.  კონფერენცია გაიმართა ევროკავშირისა და “პური მსოფლიოსთვის” მხარდაჭერით მიმდინარე პროექტის „სოციალური მეწარმეობის განვითარება მდგრადი და ინკლუზიური საზოგადოებისთვის“ ფარგლებში. პროექტს ახორციელებს კონსორციუმი საქართველოს სტრატეგიული კვლევებისა და განვითარების ცენტრის (CSRDG) ხელმძღვანელობით. კონსორციუმის წევრები არიან: სოციალურ საწარმოთა ალიანსი (SEA), სამოქალაქო საზოგადოების ინსტიტუტი (CSI), საქართველოს სამოქალაქო განვითარების ასოციაცია (GCDA), საქართველოს დემოკრატიული განვითარების კავშირი (DDUG), IMPACT EUROPE (ყოფილი EVPA) და სსიპ - ახალგაზრდობის სააგენტო.

თბილისი. საერთაშორისო გამჭვირვალობა საქართველო, საქართველოს რუსეთზე ეკონომიკური დამოკიდებულების 2023 წლის მიმოხილვას აქვეყნებს.  „საქართველოს რუსეთზე ეკონომიკური დამოკიდებულება საფრთხის შემცველია, ვინაიდან საბჭოთა კავშირის დაშლის შემდეგ რუსეთმა ეკონომიკური ბერკეტები არაერთხელ გამოიყენა საქართველოს, უკრაინის, მოლდოვას და სხვა ქვეყნების წინააღმდეგ...  აქედან გამომდინარე, მნიშვნელოვანია ვიცოდეთ, საქართველოს ეკონომიკის რუსეთზე დამოკიდებულების დონე და ტენდენცია.“ - ნათქვამია ორგანიზაციის ვებ–გვერდზე.  იხილეთ კვლევა სრულად... წყარო: საერთაშორისო გამჭვირვალობა საქართველო

თბილისი. 22 დეკემბერს, B2B ღონისძიება საქართველოში ცირკულარული გადაწყვეტების გაძლიერების მიზნით, კავკასიის გარემოსდაცვითი არასამთავრობო ორგანიზაციების ქსელის (CENN) ორგანიზებით და USAID-ის ეკონომიკური უსაფრთხოების პროგრამისა და ევროკავშირის მხარდაჭერით გაიმართა. ღონისძიების მთავარი მიზანი ინტერაქციული სესიების დახმარებით ცირკულარული ეკონომიკის სექტორში ჩართულ დაინტერესებულ მხარეებს შორის ცოდნის გაზიარებისა და თანამშრომლობის ხელშეწყობა იყო.  ღონისძიება გაიმართა პროექტის “საზოგადოების გაძლიერება ცირკულარული გადაწყვეტების დანერგვისათვის საქართველოში“ ფარგლებში, რომელსაც ახორციელებს CENN, USAID-ის ეკონომიკური უსაფრთხოების პროგრამის მხარდაჭერით.  ღონისძიებას მხარს უჭერდა ევროკავშირი.  სრულად...  წყარო: კავკასიის გარემოსდაცვითი არასამთავრობო ორგანიზაციების ქსელი

თბილისი. თბილისში 3 დღიანი SDG კონფერენცია გაიმართა.  კონფერენციის მთავარ თემას წარმოადგენდა 2024 წელს სამხრეთ კავკასიის ქვეყნების მიერ მდგრადი განვითარების მიზნების ნებაყოფლობითი ეროვნული მიმოხილვის (VNR) პროცესში სამოქალაქო სექტორის ეფექტური ადვოკატირება.  კონფერენციაში მონაწილეობა მიიღო სამოქალაქო საზოგადოების ორგანიზაციების 25-მა წარმომადგენელმა სომხეთიდან, აზერბაიჯანიდან და საქართველოდან. სრულად... წყარო: კავკასიის გარემოსდაცვითი არასამთავრობო ორგანიზაციების ქსელი

თბილისი.საქართველოს სხვადასხვა სექტორის 600-ზე მეტი წარმომადგენელი, სოციალური საწარმოების გამოფენაზე შეიკრიბა, რომელიც საქართველოს სტრატეგული კვლევებისა და განვითარების ცენტრმა ევროკავშირის მხარდაჭერით გამართა.  ღონისძიების სტუმრებს შესაძლებლობა ჰქონდათ ერთ სივრცეში გასცნობოდნენ მოწინავე ქართული სოციალური საწარმოების პროდუქციასა და მომსახურებას. ღონისძიების ფარგლებში, 100-მდე ორგანიზაციის ჩართულობით, სოციალურ მეწარმეებთან 150-ზე მეტი ინდივიდუალური შეხვედრა გაიმართა და სამომავლო თანამშრომლობის შესაძლებლობები დაიგეგმა, რომელიც ხელს შეუწყობს საქართველოში პასუხისმგებლიანი შესყიდვების პრაქტიკის დანერგვასა და მდგრადი დადებითი გავლენის შექმნას როგორც სოციალურ, ასევე გარემოსდაცვით სფეროებში.  სრულად... წყარო: ევროკავშირის წარმომადგენლობა საქართველოში 

თბილისი. „უფლებები საქართველომ“ მოამზადა გზამკვლევი დამწყები მეწარმეებისათვის, რომლის მიზანიცაა ხელი შეუწყოს ქალებს ბიზნესის დაწყებასა და მართვაში, ასევე არსებული ბიზნესის გაფართოებაში.  გზამკვლევი მომზადდა პროექტის - „გენდერული და ოჯახში ძალადობის მსხვერპლთა მხარდაჭერა“ - ფარგლებში, რომელსაც „უფლებები საქართველო“ და კიდევ ოთხი არასამთავრობო ორგანიზაცია, ევროკავშირისა და ASB საქართველოს მხარდაჭერით ახორციელებს.  სრულად...  წყარო: უფლებები საქართველო

თბილისი.საერთაშორისო გამჭვირვალობა ახალ კვლევას ავრცელებს – „საქართველოს რუსეთზე ეკონომიკური დამოკიდებულება ზრდას განაგრძობს“.  გამჭვირვალობა - საქართველომ რუსეთზე ეკონომიკურ დამოკიდებულებაზე ბოლო კვლევა 2023 წლის თებერვალში გამოვაქვეყნეთ, რომელშიც 2022 წლის მდგომარეობა იყო შესწავლილი.  წინამდებარე კვლევა ძირითადად 2023 წლის იანვარ-ივნისის პერიოდში დაფიქსირებულ მაჩვენებლებს და ტენდენციებს მოიცავს.  „რუსეთზე ეკონომიკური დამოკიდებულების ზრდა საქართველოსთვის საფრთხის შემცველია, რადგან, ტრადიციულად, რუსეთი ეკონომიკურ ურთიერთობებს დამოუკიდებელ ქვეყნებზე პოლიტიკური ზეწოლის ბერკეტად იყენებს“, ნათქვამია კვლევაში. სრულად... წყარო: საერთაშორისო გამჭვირვალობა საქართველო 

თბილისი. ელმირა ჯინჯოლია ერთ-ერთია კონფლიქტით დაზარალებულ იმ 80 მოქალაქეს შორის, რომლებმაც ევროკავშირისა და გაეროს განვითარების პროგრამის მხარდაჭერით ისარგებლეს. ელმირამ მეწარმეთა ტრენინგი გაიარა, საგრანტო პროგრამაში მიიღო მონაწილეობა და ყავახანას გახსნის ბიზნეს იდეა რეალობად აქცია. „ვისწავლეთ ბიზნეს გეგმის შედგენა. ჩემი ბიზნეს იდეა მოეწონათ, დამთანხმდნენ დაფინანსებაზე და პროექტის ფარგლებში შემიძინეს ყავის დასაფქვავი და ჩამოსასხმელი აპარატები. ეს არის ჩემი პირველი წარმატებული პროექტი, რომელმაც თავდაჯერებულობა შემძინა. მომავალში, ვაპირებ, გავაფართოვო ბიზნესი და ავიყვანო დამხმარეები“. სრულად... წყარო: ევროკავშირის გვერდი სოციალურ ქსელში

თბილისი. გაეცანით ეკო მამალაძის ბლოგპოსტს: „ზეგანაკვეთური შრომა საჯარო სამსახურში: როცა საათიც მუშაობას წყვეტს“. „ზეგანაკვეთური შრომა გავრცელებული პრაქტიკაა როგორც საჯარო, ასევე კერძო სექტორში დასაქმებულთათვის, რაც კიდევ უფრო მეტ მნიშვნელობას სძენს კანონმდებლის მიერ საკითხის სათანადო რეგულირებასა და ამ მიმართულებით სახელმწიფოს მხრიდან ეფექტიანი ზედამხედველობის განხორციელებას. სამწუხაროდ, საქართველოს შრომის კულტურაში ზეგანაკვეთური სამუშაოს ანაზღაურების გარეშე შესრულება ნორმირებულია, რასაც ადასტურებს ბოლოდროინდელი კვლევები, რომლის თანახმად დამსაქმებლების მხრიდან ერთ-ერთი ყველაზე ხშირად დარღვეული უფლება ზეგანაკვეთური სამუშაოს ანაზღაურების დაუცველობა იყო“. სრულად... წყარო: gyla.ge

თბილისი. გაეცანით დამსაქმებლის ვალდებულებებს დისკრიმინაციის ამკრძალავი ნორმების პრაქტიკაში დასანერგად. ინფორმაცის გიზიარებთ საქართველოს ახალგაზრდა იურისტთა ასოციაცია. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიული კვლევებისა და განვითარების ცენტრის ორგანიზებით,  გაიმართა მასტერკლასი თემაზე „მდგრადი და პასუხისმგებელი ბიზნესი გლობალურ დღის წესრიგში“. მასტერკლასი ჩაატარა CSR-ის სფეროს წამყვანმა საერთაშორისო ექსპერტებმა. „მასტერკლასს 60-მზე კომპანიის წარმომადგენელი დაესწრო. მათ განიხილეს კორპორაციული პასუხისმგებლობის და მდგრადობის გლობალური ტენდენციები და ევროკავშირის ახალი რეგულაციები ამ სფეროში, ასევე თუ როგორ აისახება ეს რეგულაციები ქართულ ბიზნესზე. მომხსენებლებმა ლიეტუის, ირლანდიისა და ესპანეთის კომპანიების მაგალითზე წარმოაჩინეს კორპორაციული პასუხისმგებლობის საუკეთესო პრაქტიკა“. მასტერკლასი ჩატარდა ევროკავშირისა (EU) და კონრად ადენაუერის ფონდის (KAS) მხარდაჭერით, პროექტის „სამოქალაქო საზოგადოების ინიციატივა“ ფარგლებში. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი გთავაზობთ ახალ კვლევას: „საზოგადოებრივ სამუშაოებზე დასაქმების პროგრამის ანატომია“. კვლევა იხ. ბმულზე... „ნაშრომში ყურადღება ეთმობა იმ ახალი ტიპის სოციალურ დანახარჯს, რომელიც, საზოგადოებრივ სამუშაოებზე დასაქმების პროგრამის სახით, პირველად 2022 წელს დაემატა სახელმწიფო ბიუჯეტის სოციალურ ხარჯებს, 2023 წლიდან კი დამატებით 80 მილიონიან დანახარჯს განიხილავს სოციალურად დაუცველი მოსახლეობის სეგმენტზე. დაკვირვების მთავარი საგანი - საზოგადოებრივი სამუშაოების პროგრამა იმის გამოც გახდა, რომ ის შემოთავაზებულია, როგორც სოციალური პოლიტიკის სრულიად ახალი ინსტრუმენტი, რომელიც ერთდროულად ცდილობს, როგორც სიღარიბის შემსუბუქებას, ისე უმუშევრობისა და დასაქმების პრობლემის აღმოფხვრაზე მუშაობას. მოცემული პროგრამა მხოლოდ ერთი წელია ხორციელდება, თუმცა ის მომდევნო ერთი წლით ისე გახანგრძლივდა, რომ უცნობია, რა შედეგები ჰქონდა ამ პროგრამის აღსრულებას პირველ წელს“, ნათქვამია ნაშრომში. წყარო: socialjustice.org.ge

თბილისი. ევროკავშირისა (EU) და კონრად ადენაუერის ფონდის (KAS) მხარდაჭერით,  საქართველოს სტრატეგიული კვლევებისა და განვითარების ცენტრის (CSRDG) ორგანიზებით, „საქართველოს პასუხისმგებელი ბიზნესის კონკურსის Meliora 2022“-ის რიგით მეოთხე დაჯილდოების ცერემონია 2023 წლის 30 მაისს, სასტუმრო ბილტმორ თბილისში გაიმართა. „კონკურსის მიზანია საქართველოში კორპორაციული სოციალური პასუხისმგებლობის განვითარება და საზოგადოებაში მისი პოპულარიზაცია. კონკურსის ფარგლებში დაჯილდოვდნენ ბიზნეს კომპანიები მათ მიერ განხორციელებული საუკეთესო პროექტებისა და ინიციატივებისათვის  კორპორაციული სოციალური პასუხისმგებლობის მდგრადი განვითარების სფეროში. წლევანდელ ღონისძიებაზე, დიპლომატიური კორპუსის წარმომადგენლებმა და სფეროს საერთაშორისო ექსპერტებმა კონკურსის სხვადასხვა კატეგორიაში გამარჯვებული კომპანიები დააჯილდოვეს“. სრულად... წყარო: eu4georgia.eu

თბილისი. კოალიციამ ინფორმაციის სანდოობისთვის მასშტაბური საინფორმაციო კამპანიის „ახლა“ პრეზენტაცია გამართა. „ევროკავშირის წევრობა საქართველოს მოსახლეობის ურყევ მისწრაფებად რჩება. კამპანია „ახლა“ წარმოაჩენს თუ რა მნიშვნელოვან სარგებელს მიიღებს თითოეული ოჯახი საქართველოს ევროკავშირში გაწევრებით. ის გვიჩვენებს მაგალითებს, თუ რამდენად სწრაფად და თვალსაჩინოდ შეიცვალა სოციალურ-ეკონომიკური მდგომარეობა უკეთესობისკენ იმ ქვეყნებში, რომლებიც ახლახან შეუერთდნენ ევროკავშირს. თუმცა, ამ სიკეთეების მისაღებად საჭიროა მოქმედება ახლა! კამპანიის პრეზენტაციაზე საზოგადოების სხვადასხვა სფეროს წარმომადგენლები, მუსიკოსები, მსახიობები, მეწარმეები, ექიმები, ჟურნალისტები, ერთი მიზნით შეიკრიბნენ -  აჩვენონ ევროპული მომავლისკენ საკუთარი მტკიცე და ურყევი არჩევანი და მოითხოვონ კანდიდატის სტატუსის მისაღებად საჭირო ქმედითი ნაბიჯები და რეფორმები ახლა.  ღონისძიების გამომსვლელები შეკრებილ აუდიტორიას ესაუბრნენ საქართველოს მისწრაფებაზე დაუახლოვდეს ევროპულ ოჯახს; იმ სიკეთეებზე, რასაც ქვეყანას ევროკავშირის წევრობა მოუტანს. პრეზენტაციაზე აუდიტორიამ პირველად ნახა კამპანიის ფარგლებში შექმნილი ახალი ვიდეო, რომელიც სხვადასხვა თაობის ადამიანებზე გვიყვება, თუ როგორ შეცვლის ევროკავშირში წევრობა მათ ცხოვრებას პენსიებისა და დასაქმების ზრდით, ასევე განათლების, აგრობიზნესის და მეცნიერების მხარდაჭერის გზით. რეზო კიკნაძის ჯაზბენდმა საქართველოს და ევროკავშირის ჰიმნებიც შეასრულა... კამპანია „ახლა“, როგორც სოციალურ ქსელებში, ასევე თბილისსა და საქართველოს სხვა ქალაქებში ბილბორდებზე, ავტობუსებსა და მეტროში ბანერების განთავსებით აპრილის თვიდან დაიწყო. მომდევნო თვეების განმავლობაში, ევროინტეგრაციის მხარდამჭერ არაერთ პარტნიორთან ერთად, კამპანია სხვადასხვა არხებისა და ღონისძიებების მეშვეობით საქართველოს მასშტაბით გაიშლება.  ახლა მოქმედების დროა! მოითხოვე რეფორმები დაპირებების ნაცვლად!“ კოალიციის ფეისბუქ გვერდი... წყარო: კოალიცია ინფორმაციის სანდოობისთვის

თბილისი. ინფორმაციის თავისუფლების განვითარების ინსტიტუტმა (IDFI) დოკუმენტის „30 კითხვა მთავრობის ეკონომიკურ გუნდს“ პრეზენტაცია და პანელური დისკუსია გამართა. კითხვები, რომელიც IDFI-ის მთავრობის ეკონომიკურ გუნდთან აქვს ეხება ეკონომიკურ ზრდას, მათ შორის ქვეყნის ეკონომიკურ მიმზიდველობას, ინვესტიციებს, პროდუქტიულობას,  ექსპორტის წახალისებას, დასაქმებას, განათლებას და საზოგადოდ ადამიანურ კაპიტალის განვითარებას. სრულად... წყარო: idfi.ge

გურია. 28 აპრილს, ინოვაციების და ცვლილებების ინსტიტუტმა, განათლების განვითარების და დასაქმების ცენტრთან (EDEC) პარტნიორობით, ევროკავშირის მიერ მხარდაჭერილი პროექტის „ისწავლე დასაქმებისთვის“ ფარგლებში, ოზურგეთში, თემატური შეხვედრა გამართა. შეხვედრის მიზანი იყო სექტორთა შორის თანამშრომლობა განათლებისა და დასაქმების სფეროში არსებული პრობლემების დასაძლევად, მიმდინარე გამოწვევებსა და მდგომარეობის გაუმჯობესების გზებზე მსჯელობა. გაიგეთ მეტი... წყარო: edec.ge

სამცხე-ჯავახეთი. „მოსახლეობა ვიძირებით, სოფელში... ახალგაზრდობა აღარ დარჩა. ჩვენი ერთადერთი შემოსავალი რძის ჩაბარებაა და ამის წართმევაც უნდათ. მერძევეები ძვირადღირებულ მანქანებს იცვლიან, ჩვენ კი დავიხოცეთ ამ საქონელთან მუშაობით” - აცხადებს ადგილობრივი გლეხი სოციალური სამართლიანობის ცენტრთან ინტერვიუში. ორგანიზაციის ცნობით, ნინოწმინდის მუნიციპალიტეტში მცხოვრები გლეხები ადგილობრივი ქარხნებისთვის რძის ჩაბარებაზე პროტესტის ნიშნად, უარს ამბობდნენ. მათი პროტესტი გამოიწვია იმან, რომ ქარხნებმა რძის ფასს დაუწიეს და ჩაბარებას 1,80 ლარის ნაცვლად, 1.60 ლარად ითხოვდნენ. ადგილობრივები ფიქრობენ, რომ ფასის დაწევა რძის ფხვნილზე გაზრდილმა იმპორტმა გამოიწვია - ქარხნები ძირითადად, ფხვნილზე მუშაობენ, რაც ნედლ რძესთან შედარებით, გაცილებით იაფი უჯდებათ. ეს კი შესაძლებლობას აძლევთ, გამოიყენონ საკუთარი უპირატესობა და ფასი თვითნებურად დაწიონ. გასაღების შეზღუდული ბაზარი და დაბალი ფასები, სოფლის მეურნეობის სფეროში, სახელმწიფო პოლიტიკის მნიშვნელოვანი გამოწვევაა. ამგვარი პოლიტიკა გლეხების შრომას ფასს უკარგავს. სრულად... წყარო: ორგანიზაციის გვერდი სოციალურ ქსელში

თბილისი. ფონდი ტასოს ყოველკვირეული სიახლის თანახმად, შრომის საერთაშორისო ორგანიზაციის (ILO) მიერ Microsoft Corporation-ის მხარდაჭერით, შემუშავებული პროგრამის მეშვეობით, 10 ქვეყანაში მეწარმე ქალებს თავიანთი ბიზნესის დიგიტალიზაციაში დაეხმარებიან. ამ ეტაპზე, პროექტი ძირითადად აზიისა და აფრიკის ქვეყნებს მოიცავს. სრულად... წყარო: ორგანიზაციის გვერდი სოციალურ ქსელში