თბილისი. ფონდის „ღია საზოგადოება საქართველოს" ინიციატივით, გამოვიდა ახალი წიგნი, რომელშიც მოთხრობილია, თუ როგორ ხედავენ თანამედროვე ქართველი მწერლები ადამიანებს, რომლებიც სამედინიცო ჩანაწერებში მოიხსენიებიან აივ–დადებით, აუტისტ, წამალდამოკიდებულ და შეზღუდული შესაძლებლობის მქონე პირებად. ცხრა ქართველი მწერალი ტექსტებზე მუშაობის პროცესში შეხვდა როგორც მსგავსი განსაკუთრებული საჭიროების ადამიანებს, ასევე, ფსიქოლოგებს, ფსიქიატრებს, ინფექციონისტებსა და ადამიანის უფლებების დამცველებს. ცხრა ქართველი მწერლის კრებული, სახელწოდებით „კარი გამიღე" უკვე lit.ge-ზე განთავსდა. სრულად წყარო: lit.ge

თბილისი. ორგანიზაცია „სოცკოდექსმა" დაიწყო საყოველთაო ჯანდაცვის პროგრამის მონიტორინგი. მის ფარგლებში გამოიკითხება პროგრამის ბენეფიციარები, მედპერსონალი და ის სამედიცინო დაწესებულებები, რომლებიც ჩართულები არიან საყოველთაო ჯანდაცვის პროგრამაში. პირველი ასეთი გასვლითი მონიტორინგი 17 მარტს დაიწყო. ორგანიზაცია აღნიშნულ პროექტს ახორციელებს ფრიდრიხ ებერტის ფონდთან ერთად. წყარო: ორგანიზაცია „სოცკოდექსი"

თბილისი. ჯამპსტარტ ჯორჯიამ გამოაქვეყნა ვიზუალიზაცია: „ჩემი რეპრესია შენი რეგრესია". იგი მომზადებულია ნარკოპოლიტიკის ლიბერალიზაციის საადვოკაციო კამპანიის ფარგლებში. „საქართველოს ახლანდელი ნარკოპოლიტიკა დასჯაზეა ორიენტირებული და არ მუშაობს, ამასთანავე, ზრდის ზიანს და იწვევს არაპროპორციულ სასჯელს. ამასთანავე, რეპრესიული ნარკოპოლიტიკა ხელს უწყობს ინფექციური დაავადებების გავრცელებას, რაც სახელმწიფოს საბოლოო ჯამში უფრო ძვირი უჯდება, ვიდრე წამალდამოკიდებულების პრობლემის მკურნალობით მოგვარება. ნარკომომხმარებელთა დასჯა, ასევე, არ ეთანხმება ევროკავშირის ნარკოპოლიტიკას", ნათქვამია ფერად ინფოზე. ვიზუალიზაცია წყარო: feradi.info

თბილისი. ჯამპსტარტ ჯორჯიამ ვიზუალურად გამოსახა კვლევის შედეგები, რომელიც გამოხატავს საქართველოში არსებულ მოსაზრებებს რეპროდუქციული ჯანმრთელობისა და ოჯახური ურთიერთობების შესახებ. 2013 წელს სოციალური კვლევისა და ანალიზის ინსტიტუტმა ჩაატარა გამოკითხვა, რომლის მიზანი საქართველოში გენდერული თანასწორობის მიმართ კაცების დამოკიდებულებების, მათი საოჯახო საქმეებსა და ბავშვის აღზრდაში ჩართულობის გამოვლენა იყო. კვლევა ჩატარდა გაეროს ერთობლივი პროგრამის ,,გენდერული თანასწორობის ხელშეწყობისთვის საქართველოში’’ ფარგლებში, რომელიც შვედეთის საერთაშორისო განვითარების სააგენტოს (Sida) მხარდაჭერით, გაეროს მოსახლეობის ფონდის (UNFPA), გაეროს განვითარების პროგრამის (UNDP) და გაეროს ქალთა ფონდის (UN Women) მიერ. სრულად წყარო: feradi.info

კახეთი. თელავის დემოკრატიული ჩართულობის ცენტრში, ,,კახეთის რეგიონის ანტინარკოტიკული მედია კლუბისა" და საზოგადოებრივი გაერთიანება „ბემონის" მიერ ორგანიზებული შეხვედრა გაიმართა. შეხვედრაზე განიხილეს ისეთი მნიშნელოვანი საკითხები როგორიცაა C ჰეპატიტის სამკურნალო მედიკამენტებზე შეღავათით სარგებლობის წესი და ფარმაცევტულ ქსელში ფსიქოაქტიური წამლებით ვაჭრობის წესებში ცვლილებები. შეხვედრას ესწრებოდნენ ჟურნალისტები, შესაბამისი დარგის სპეციალისტები და დაინტერესებული პირები.

ქვემო ქართლი. 24 თებერვალს, დმანისის ახალგაზრდული ცენტრის წევრები სოფელ ოროზმანის საჯარო სკოლას ესტუმრნენ. შეხვედრაზე ცენტრის ერთერთმა წევრმა ჩაატარა ტრენინგი - „ჯანსაღი ცხოვრების წესები" აზერბაიჯანულ ენაზე. ტრენინგს ესწრებოდნენ 11-12 კლასის მოსწავლეები. შეხვედრაზე მანაწილეემა განიხილეს თემები: სწორი კვება, ნარკომანია, ალკოჰოლიზმი და თამბაქოს მოწევა. წყარო:ორგანიზაციის გვერდი სოციალურ ქსელში

აჭარა. 19 თებერვალს, ბათუმის პრესკაფეში, ორგანიზაციის „რეალური ხალხი, რეალური ხედვა" ინივიატივით ადგილობრივ ახალგაზრდებთან შეხვედრა მოეწყო. შეხვედრის მიზანი შიდსის ინფექციაზე ინფორმაციის მიწოდება და სხვადსხვა პრევენციული ზომების გაცნობა იყო. ღონისძიების სახელი „უთხარი შენ მეგობარს" გულიხმობდა შიდსის სწრაფი ტესტის გაკეთების პროპაგანდას. შეხვედრის დასრულების შემდეგ სურვილისამებრ ახალგაზრდებს საშუალება ჰქონდათ სწრაფი ტესტი ლაბორატორიაში უფასოდ გაეკეთებინათ. რამდენიმე ახალგაზრდამ ტესტი ჩაიტარა და თავიანთ მეგობრებს მოუწოდა თავდაჯერებულობის მიუხედავად ყველამ გაიკეთოს ტესტი. უფასო ტესტის აქცია 21 თებევალს დასრულდება.

თბილისი. დავით ტვილდიანის სახელობის სამედიცინო უნივერსიტეტის სტუდენუტრი სამეცნიერო ასოციაციის (SYSSA)ორგანიზებით იმართება „სტუდენტთა და ახალგაზრდა მეცნიერთა მეორე სამეცნიერო კონფერენცია". მასში მონაწილეობას მიიღებენ სტუდენტები ლიტვის კლაიპედას უნივერსიტეტიდან, ყაზახეთის ყარაგანდის უნივერსიტეტიდან და ჩეხეთის ჩარლზის უნივერვიტეტიდან. მონაწილეობის მიღება შეუძლიათ დიპლომამდელ, PhD სტუდენტებსა და ახალგაზრდა მეცნიერებს მედიცინის, ფარმაციისა და ბიომედიცინასთან დაკავშირებული ყველა ფაკულტეტიდან. კონფერენციაზე განიხილება თანამედროვე მედიცინის, ბიომედიცინისა და ჯანდაცვის აქტუალური საკითხები. წარდგენილი თემები უნდა იყოს კლინიკური ან ექსპერიმენტალური. დეტალური ინფორმაცია  წყარო:ასოციაციის გვერდი სოციალურ ქსელში

ქვემო ქართლი. 17 თებერვალს, დმანისის ახალგაზრდულ ცენტრში გაიმართა სემინარი „ცხოვრება ნარკოტიკების გარეშე". მოწვეულმა ტრენერმა დამსწრეებს მიაწოდა თუ რა მავნე გავლენას ახდენს ის ადამიანის ჯანმრთელობაზე. სემინარის მონაწილეებმა გამოთქვეს თავიანთი პოზიცია ნარკოტიკდამოკიდებულ ადამიანზე და ტრენერთან ერთად იმსჯელეს პრობლემის დაძლევის გზებზე. სემინარი მიზანია მოზარდებში ინფორმაციის მიწოდებისა და საკითხისადმი ცნობიერების ამაღლების ხელშეწყობა. წყარო:ორგანიზაციის გვერდი სოციალურ ქსელში

კახეთი. 15 თებერვალს ორგანიზაცია „ლელის" ხელშეწყობით გაიმართა ლექცია-სემინარი ახალგაზრდებისთვის, ცხოვრების ჯანსაღი წესის გასაცნობად. სემინარს უძღვებოდენ მშვიდობის კორპუსის მოხალისე მერი ჰოლისი და ლელიანის თემის ექიმი მანანა ლობჟანიძე, ახალგაზრდები გაეცნენ სწორი კვების მნიშვნელობას, გაიგეს რამდენად მნიშვნელოვანია ყოველდღიური ფიზიკური აქტივობა. წყარო: ორგანიზაციის გვერდი სოციალურ ქსელში

გურია. 11 და 12 თებერვალს შემოქმედის საჯარო სკოლის სამოქალაქო კლუბის ინიციატივითა და სოფლის სამედიცინო ამბულატორიის მხარდაჭერით შემოქმედის საჯარო სკოლის მოსწავლეებს უფასო სამედიცინო გამოკვლევა ჩაუტარდათ. სამოქალაქო კლუბის წევრების მიმართვის საფუძველზე სკოლას ეწვივნენ სამედიცინო ამბულატორიის ოჯახის ექიმები. ექიმებმა სამედიცინო გამოკვლევა სკოლის ორმოცდაათ მოსწავლეს ჩაუტარეს. წყარო:gyrc.wordpress.com

კახეთი. ,,კახეთის სამოქალაქო ლიგის" ინიციატივით ჩატარდა ტრენინგი ,,ჯანსაღი მომავლის წესი". ტრენინგის მიზანს წარმოადგენდა მოზარდებისთვის ნარკოტიკთან დაკავშირებული პრობლემების გაცნობა და ინფორმირება.შეხვედრას ესწრებოდნენ არასამთავრობო ორგანიზაციების, საინიციატივო ჯგუფებისა და საჯარო სკოლების წარმომადგენლები.

კიბოსთან ბრძოლის საერთაშორისო დღე გორის, დმანისისა და ბათუმის ახალგაზრდულმა ცენტრებმა აღნიშნეს. 4 თებერვალს ახალგაზრდებმა საინფორმაციო კამპანიები ჩაატარეს, დაარიგეს საინფორმაციო ბუკლეტები და მოსახლეობას გამოკვლევებისაკენ მოუწოდეს. წყარო: ცენტრების გვერდები სოციალურ ქსელში

თბილისი. 1 თებერვალს, საქართველოს კარიტასის ჯანმრთელობისა და სოციალური დაცვის პროგრამამ მოაწყო სასწავლო-საკონსულტაციო ცენტრის პროგრამის პრეზენტაცია საქართველოს კერძო კოლეჯების ასოციაციაში. ასოციაციის კოლეჯების წარმომადგენლებმა მიიღეს სრული ინფორმაცია სასწავლო პროგრამის შესახებ და დასახეს გეგმები შემდგომი თანამშრომლობის შესახებ. წყარო:ორგანიზაციის გვერდი სოციალურ ქსელში

შიდა ქართლი. ფონდ „ღია საზოგადოება – საქართველოს" ინიციატივით და მხარდაჭერით გამოცემული კრებულის – „კარი გამიღე" – პრეზენტაცია 29 იანვარს, გორში თავდაცვის აკადემიაში გაიმართა. კრებულიდან ნაწყვეტები მწარლებმა ლაშა ბუღაძემ და დათო ტურაშვილმა წაიკითხეს. კრებული პროექტის – „მწერლები ადამიანის უფლებებისთვის" – ფარგლებში გამოცია, რომლის მიზანია პაციენტის უფლებების პოპულარიზაცია და მათი პრობლემების საზოგადოებამდე ლიტერატურული ტექსტების მეშვეობით მიტანა. წყარო: osgf.ge

კახეთი. თელავის დემოკრატიული ჩართულობის ცენტრში, არასამთავრობო ორგანიზაცია „თანადგომამ" გამართა შეხვედრა მზრუნველობა მოკლებულ ბავშვთა აღმზრდელებთან თემაზე „რეპროდუქციული ჯანმრთელობა". ჯიმი ჩაჩხალია, აღმზრდელი: „შეხვედრის მოლოდინები გამართლდა, რადგანაც რა ინფორმაციასაც ველოდით სრულად მივიღეთ. გვქონდა საინტერესო დისკუსია რეპროდუქციული ჯანმრთელობის თემაზე. მიღებულ ინფორმაციას, აუცილებლად გამოვიყენებთ პრაქტიკაში. შეხვედრამ საინტერესოდ მიმდინარეობდა და იმედი გავქვს, მომავალშიც ჩატარდება ანალოგიური აქტივობები".

კახეთი. თელავში, არასამთავრობო ორგანიზაცია „ვორლდ ვიჟენმა" (world vision) და ქართულ-ფრანგულმა სამედიცინო ცენტრმა „კახეთი იონმა" ერთობლივი შეხვედრა გამართეს. შეხვედრაზე განიხილეს პროექტი „ჯანმრთელობა ყველას", რომელიც ემსახურება ბავშვთა ასაკში 0-დან 18 წლამდე სახე-მამოძრავებელი სისტემის დაავადებათა პრევენციას. შეხვედრას ესწრებოდნენ არასამთავრობო სექტორის წარმომადგენლები კახეთის რეგიონის მასშტაბით. მაია ზარდიაშვილი, კალაურის ,,მშობელთა კლუბის" წევრი: ,,ასეთი საინფორმაციო შეხვედრები ძალიან მნიშვნელოვანია ჩვენთვის, განსაკუთრებით ,,მშობელთა კლუბის" წევრებისთვის, რომლებსაც შეხება გვაქვს სოფლის მოსახლეობასთან. შეხვედრაზე ვისაუბრეთ ბავშვის განვითარებასა და ჯანმრთელობასთან დაკავშირებულ საკითხებზე".

აჭარა. 17 იანვარს, „ბათუმის ახალგაზრდული ცენტრის" წევრებისთვის ჩატარდა თანატოლთა ტრენინგი - „ნაადრევი ქორწინება და დედობა ბავშვობაში". ტრენინგის დროს მოეწყო პრეზენტაცია, რომელშიც აღნიშნული იყო პრობლემის აქტულობა, ნაადრევი ქორწინების სტატისტიკა, გამომწვევი მიზეზები და შედეგები. ტრენინგის დროს ასევე ნაჩვენები იყო მოკლემეტრაჟიანი ფილმები და საინფორმაციო კლიპები. აქტივობა განხორციელდა პროექტის – „ეროვნული ინტეგრაციის გაძლიერება საქართველოში" (ANI) – ფარგლებში, რომელსაც ახორციელებს საქართველოს გაეროს ასოციაცია (UNAG) აშშ-ს საერთაშორისო განვითარების სააგენტოს (USAID) ფინანსური მხარდაჭერით. ბათუმში პარტნიორი ორგანიზაციაა „თავისუფალ ჟურნალისტთა სახლი". წყარო:ორგანიზაციის გვერდი სოციალურ ქსელში

თბილისი. ორგანიზაცია „ახალგაზრდა ადვოკატები" საქართველოს შრომის, ჯანმრთელობისა და სოციალური დაცვის მინისტრის პირველ მოადგილეს, დიმიტრი მახათაძეს შეხვდნენ. დიალოგის შეეხო თემებს: საყოველთაო დაზღვევის მიმდინარეობას, სადაზღვევო კომპანიებისა და პაციენტთა უფლებებს, მთავრობის მიერ შემოთავაზებული დაგროვებითი საპენსიო სისტემის განხორციელების გზებს, მედიაციის ინსტიტუტის საქმიანობას საქართველოში და სხვა. ღონისძიება განხორციელდა პროექტის - „ინსტიტუციური დიალოგი აღმასრულებელ, საკანონმდებლო, სასამართლო ხელისუფლებასთან" - ფარგლებში. სრულად წყარო: barristers.ge

თბილისი. 20 დეკემბერს საგამოფენო ცენტრ ექსპო ჯორჯიაში გაეროს ბავშვთა ფონდისა და საზოგადოებრივი გაერთიანება „ბემონის" ინიციატივით დაიწყო ანტინარკოტიკული საინფორმაციო კამპანია – „იყავი ნამდვილი". პროქტის ძირითადი მიზანია ქართველ ახალგაზრდებში ნარკოტიკების მოხმარების მავნე შედეგებისა და ცხოვრების ჯანსაღი წესის მნიშვნელობის შესახებ ინფორმირებულობის დონის ამაღლება. პროექტის ძირითად სამიზნე აუდიტორიას წარმოადგენენ 14-24 წლის მოზარდები და ახალგაზრდები, პროექტი ასევე მიმართულია მოზარდთა მიკროსოციალური გარემოცვაზე - მათ მშობლებზე, პედგოგებზე, ადამიანებზე, ვისაც ურთიერთობა აქვს ახალგაზრდებთან. წყარო: გაეროს ბავშვთა ფონდის ვებგვერდი სოციალურ ქსელში

სამცხე-ჯავახეთი. საქართველოს კარიტასის სამედიცინო მობილურმა ჯგუფმა   სოფელ ნაოხრებში ადგილობრივ მოსახლეობას სამედიცინო მომსახურება გაუწია.  აქციის ფარგლებში 61 პაციენტს ჩაუტარდა სამედიცინო გამოკვლევა; 29 პაციენტს – ულტრაბგერითი გამოკვლევა, 32-ს - კი ელექტროკარდიოგრამა. პაციენტებს დაენიშნათ მკურნალობა და დაურიგდათ მკურნალობისთვის საჭირო მედიკამენტები. წყარო:ორგანიზაციის გვერდი სოციალურ ქსელში

თბილისი. ადამიანის უფლებათა სწავლებისა და მონიტორინგის ცენტრმა (EMC) ნოემბერში გაავრცელა განცხადება, რითაც მოუწოდა მუნიციპალური განვითარების ფონდს ქვეყნის მასშტაბით 81 ამბულატორიის მშენებლობის პროექტში გაეთვალისწინებინა შშმ პირთა უფლებები. ფონდმა ორგანიზაციას მიაწოდა ამბულატორიების მშენებლობის საპროექტო გეგმა. „ქვეყნის მასშტაბით პირველადი ჯანდაცვის ობიექტების მშენებლობის ახალი პროექტი უკვე უზრუნველყოფს ამბულატორიების სანიტარული კვანძების მისაწვდომობასა და სარგებლობას შეზღუდული შესაძლებლობის მქონე პირებისთვის", ნათქვამია ორგანიზაციის ვებ–გვერდზე. გამოქვეყნებულ ინფორმაციაში, ადამიანის უფლებათა სწავლებისა და მონიტორინგის ცენტრი მადლობას უხდის მუნიციპალურ ფონდს და აცხადებს, რომ პროექტში სერვისებით სარგებლობის ხელმისაწვდომობა არა მხოლოდ ეტლით მოსარგებლეთათვის უნდა იყოს გათვალისწინებული, არამედ სხვადასხვა შეზღუდული შესაძლებლობის მქონე ადამიანებისთვის. სრულად წყარო: emc.org.ge