თბილისი. 14 მაისს, საქართველოს წითელი ჯვრის საზოგადოებამ იაშვილის სახელობის სისხლის ბანკთან და საქართველოს იუსტიციის სამინისტროსთან ერთად ჩაატარა სისხლის დონაციის აქცია. აქცია მიზნად ისახავდა იაშვილის კლინიკის ლეიკემიით დაავადებული ბავშვების სისხლით დახმარებას. სისხლის დონაციის აქციაში მონაწილეობა მიიღეს იუსტიციის სამინისტროს სსიპ დანაშაულის პრევენციის ცენტრის და იუსტიციის სახლის თანამშრომლებმა. დღის განმავლობაში განხორციელდა 22 დონაცია. საქართველოს წითელი ჯვრის საზოგადოება პროპაგანდას უწევს სისხლის ნებაყოფლობით, უანგარო დონაციას და ხშირად ახორციელებს მსგავს აქციებს. წყარო:ორგანიზაციის გვერდი სოციალურ ქსელში

თბილისი. 5–12 მაისს ტარდება ახალგაზრდების რეპროდუქციული ჯანმრთელობის კვირეული სახელწოდებით – „შეიქმენი მომავალი დღეს". კვირეულის მიზანია ახალგაზრდებს მიაწოდოს ინფორმაცია რეპროდუქციული ჯანმრთელობის სხვადასხვა ასპექტების შესახებ. კვირეულის ფარგლებში დაგეგმილია სხვადასხვა სახის ღონისძიებები თბილისსა და რეგიონებში: თანასწორ–განმანათლებელთა სესიები, საჯარო ლექციები, სატელევიზიო და რადიო გადაცემები. ღონისძიებები იმართება და გაიმართება თბილისში, გორში, თელავსა და ახალციხეში. ღონისძიებები იმართება USAID Sustain პროექტის ფარგლებში, განვითარებისა და დემოკრატიის ცენტრთან თანამშრომლობით. სრულად წყარო: cdd.ge

თბილისი. ფონდ ღია საზოგადოება - საქართველოს მხარდაჭერით 7 მაისს გამოქვეყნდა გზამკვლევი ჯანმრთელობისა და ადამიანის უფლებათა საკითხებზე. 744 გვერდიანი გამოცემა მოიცავს ადამიანის უფლებების საკითხებს, როგორიცაა პაციენტზე მზრუნველობა, პალიატიურ პაციენტთა უფლებები, აივ/შიდსით, ტუბერკულოზით ინფიცირებულთა უფლებები, შეზღუდული შესაძლებლობები და მათი ჯანმრთელობის უფლებები და სხვა უმცირესობათა ჯანმრთელობის საკითხები. შესაძლებელია მისი გამოყენება, როგორც თემატური და სასწავლო კურსების შესამუშავებლად, ასევე ჯანდაცვასთან დაკავშირებული სარჩელების მოსამზადებლად და სტრატეგიული სამართალწარმოების განსახორციელებლად. წყარო:ორგანიზაციის გვერდი სოციალურ ქსელში

კახეთი. თელავში ნაკროტიკების მოხმარების და აივ შიდსის პრევენციის სათათბიროს სხდომა გაიმართა. შეხვედრაზე განიხილეს ისეთი საკითხები, როგორიცაა ნარკომანიის მკურნალობა და მისი შემდგომი რეაბილიტაცია. შეხვედრა პროექტის ,,აღმოვფხვრათ ხარვეზები მოწყვლადი ჯგუფების სამედიცინო, სოციალური და სამართლებრივი მომსახურებისთვის’’ ფარგლებში გაიმართა. ამ მხრივ არსებული მდგომარეობის შესახებ დამსწრე საზოგადოებას ინფორმაცია მიაწოდა საზოგადოებრივი გაერთიანება ,,ბემონის’’ ხელმძღვანლმა თამარ სხირტლაძემ.

თბილისი. ამოქმედდა ცხელი ხაზი, რომელიც დაინტერესებულ პირებს საშუალებას აძლევს მიიღოს ინფორმაცია როგორ უნდა ჩაერთოთ C ჰეპატიტის მკურნალობის პროგრამაში და სხვა საჭირო ინფორმაციას. ცხელი ხაზი ფონდ „ღია საზოგადოება – საქართველოს" და მსოფლიოს ექიმების (საფრანგეთი) მხრდაჭერით ხორციელდება, პროექტის „პაციენტების მობილიზაცია და მკურნალობის მოთხნის" ფარგლებში. პროექტს ახორციელებენ სათემო ორგანიზაციები: „ჰეპაპლიუსი" და „ახალი ვექტორი". ცხელი ხაზის ნომერი – 218 12 21. სრულად წყარო: osgf.ge

თბილისი. 24 აპრილს, ნარკოპოლიტიკის გლობალური კომისიის წევრები, საქართველოს ხელისუფლებისა და არასამთავრობო ორგანიზაციების წარმომადგენლები ანტინარკოტიკული პოლიტიკისა და C ჰეპატიტის გავრცელების შემცირების საკითხებზე მსჯელობდნენ. შეხვედრა საერთაშორისო დელეგაციის ოთხდღიანი ვიზიტის ფარგლებში ჩატარდა. ვიზიტის მიზანი C ჰეპატიტის და აივ ინფექციის მკურნალობის დაფინანსების შესაძლებლობების, ნარკოკანონმდებლობისა და ზიანის შემცირების პროგრამების განხილვა და რეფორმების შემდგომი მხარდაჭერაა. საქართველოში იმყოფებიან: შვეიცარიის ექს-პრეზიდენტი რუთ დრეიფუსი, გლობალური ფონდის ყოფილი პრეზიდენტი და ამჟამად გაერთიანებული ერების ორგანიზაციის საგანგებო წარმომადგენელი მიშელ კაზაჩკინი და ღია საზოგადოების ინსტიტუტის ერთ-ერთი დირექტორი დენიელ ვოლფი. სრულად წყარო: osgf.ge

ქვემო ქართლი. 24 აპრილს, ორგანიზაციის - „პარტნიორობა ადამიანის უფლებებისთვის" (PHR) - წარმომადგენლები რუსთავის ფსიქიკური ჯანმრთელობის ცენტრში დაწესებულების თანამშრობლებს - პრაქტიკოს ფსიქიატრებს, სოციალურ მუშაკებს და ადმინისტრაციის წარმომადგენლებს შეხვდნენ. ორგანიზაცია ფსიქიკური ჯანმრთელობის ცენტრის სერვისის მიმღებ ქალთა საჭიროებების კვლევას ახორციელებს. ორგანიზაციის წარმოადგენლებმა, პროექტის ფარგლებში დაგეგმილი აქტივობების შესახებ მიაწოდეს ინფორმაცია დაწესებეულების წარმომადგენლებს და სერვისის მიმღებ ქალებს უფასო იურიდიული და საადვოკატო დახმარება შესთავაზეს. ასევე დაიგეგმა დაწესებულების სისტემური მონიტორინგი, რომელიც ახლო მოავალში განხორციელდება. წყარო:ორგანიზაციის გვერდი სოციალურ ქსელში

თბილისი. თბილისის ფსიქიკური ჯანმრთელობის ცენტრისა და პარტნიორობა ადამიანის უფლებების წარმომადგენლება, 22 აპრილს, სამუშაო შეხვედრა გამართეს. შეხვედრის მიზანს წარმოადგენდა ფსიქიკური ჯანმრთელობის ცენტრის სერვისის მიმღებ ქალთა საჭიროებების კვლევა. გამოვლინდა მთელი რიგი საკითხები, რომლის წინაშეც დგანან ფსიქო–სოციალური საჭიროებების მქონე ქალები დაწესებულებაში და მის გარეთ ოჯახებში, საზოგადოებაში. შეხვედრა გაიმართა ევროკავშირისა და საქართველოში ქალთა ფონდის მიერ მხარდაჭერილი პროექტის – „ფსიქიატრიულ დაწესებულებებში მყოფ და ფსიქო–სოციალური საჭიროებების მქონე ქალთა დაცვა ძალადობისგან" – ფარგლებში. წყარო: ორგანიზაციის ვებგვერდი სოციალურ ქსელში

თბილისი. 22 აპრილს, საქართველოს ნარკოპოლიტიკის გლობალური კომისიის წევრები ეწვივნენ. ვიზიტის მიზანი C ჰეპატიტის და აივ ინფექციის მკურნალობის დაფინანსების შესაძლებლობების, ნარკოკანონმდებლობისა და ზიანის შემცირების პროგრამების განხილვა და რეფორმების შემდგომი მხარდაჭერაა.  შვეიცარიის ექსპრეზიდენტი რუთ დრეიფუსი, გლობალური ფონდის ყოფილი პრეზიდენტი და გაერთიანებული ერების ორგანიზაციის საგანგებო წარმომადგენელი მიშელ კაზაჩკინი, აშშ, სიეტლის პოლიციის ყოფილი დირექტორი ჯიმ კუგელი და ღია საზოგადოების ინსტიტუტის ერთ-ერთი დირექტორი დენიელ ვოლფი საქართველოს პრემიერ-მინისტრს, მთავრობის, პარლამენტის და არასამთავრობო ორგანიზაციების წარმომადგენლებს შეხვდებიან. წყარო:osgf.ge

თბილისი. თბილისის ახალგაზრდული ცენტრის და ილიას უნივერსიტეტის სერვისცენტრის ინიციატივით, 7 აპრილს, ილიას სახელმწიფო უნივერსიტეტში, ჯანმრთელობის დაცვის საერთაშორისო დღისადმი მიძღვნილი აქცია გკაიმართა. სპეციალურად ამ დღისთვის ცენტრის წევრებმა, ორგანიზაცია „კეთილი სამარიტელის" ლიცენზირებული კურსი „პირველადი სამედიცინო დახმარება" გაიარეს და მიღებული ცოდნა უნივერსიტეტის სტუდენტს, პროფესორებსა და თანამშრომლებს, საჯარო ტრენინგზე გაუზიარეს. ღონისძიება გაიმართა ეროვნული ინტეგრაციის გაძლიერების პროგრამის ფარგლებში, რომელსაც გაეროს ასოციაცია, აშშ–ის საერთაშორისო განვითარების სააგენტოს ფინანსური მხარდაჭერით ახორციელებს. წყარო:ორგანიზაციის ვებგვერდი სოციალურ ქსელში

თბილისი. საერთაშორისო გამჭვირვალობა – საქართველომ გამოაქვეყნა მიხეილ კუკავას – „რა იცის საქართველოს მოსახლეობამ თავისი ჯანდაცვის უფლების შესახებ". „საზოგადოებრივი აზრის ჩვენი ბოლო მასშტაბური კვლევის მიხედვით, ქვეყანაში ჯანდაცვის ერთ-ერთ მთავარ პრობლემად საყოველთაო ჯანდაცვის და სახელმწიფო დაზღვევის პროგრამების მიმართ ნდობა და მათ შესახებ მოსახლეობის გაუთვითცნობიერებლობა რჩება. საინტერესოა, რომ მიუხედავად ამისა, გამოკითხულთა ⅓-ზე მეტი ჯანდაცვაზე ფინანსურ პასუხისმგებლობას სახელმწიფოსთან ერთად საკუთარ თავსაც აკისრებს, რაც, მოსახლეობის ამ საკმაოდ დიდი ნაწილის აშკარად ჯანსაღი მიდგომაა", ნათქვამია პუბლიკაციაში. სრულად წყარო: transparency.ge

იმერეთი. 2 აპრილს, სახალხო დამცველის ოფისში არასამთავრობო ორგანიზაცია ,,ბილიკმა’’ ქუთაისის განათლების განვითარების და დასაქმების ცენტრთან პარტნიორობით გამართა ,,საყოველთაო ჯანდაცვის პროგრამის’’ შეფასების კვლევის შედეგების პრეზენტაცია. კვლევის მიზანია შეისწავლოს, თუ, რამდენადაა დაცული მოსახლეობის ჯანმრთელობის უფლებები საყოველთაო ჯანდაცვის პროგრამის ფარგლებში. მოცემული კვლევა ჩატარდა პროექტ ,,ჯანმრთელობის უფლების’’ ფარგლებში, ამერიკის შეერთებული შტატების საერთაშორისო განვითარების სააგენტოს და აღმოსავლეთ დასავლეთის მართვის ინსტიტუტის მხარდაჭერით. სრულად წყარო: ორგანიზაციის გვერდი სოციალურ ქსელში

თბილისი. წითელი ჯვრის საზოგადოების ინიციატივით პირველი დახმარების „ქუჩის აქცია” გაიმართა. ღონისძიების მიზანი იყო პირველი დახმარების შესახებ ადამიანების ცოდნის ამაღლება. აქციის განმავლობაში მოხალისეებმა, თბილისის პირველი დახმარების გუნდის წევრებმა, დაარიგეს საგანმანათლებლო-საინფორმაციო ლიფლეტები და მოაწყვეს მცირე სიმულაციები საზოგადოებრივი თავშეყრის ადგილებში. სიმულაციების დასასრულს წითელი ჯვრის საზოგადოების მოხალისებმა შეკრებილებს აუხსნეს, თუ როგორ უნდა მოიქცენ მსგავს შემთხვევებში. გარდა ამისა, მულაჟის გამოყენებით გამართეს პირველი დახმარების ღონისძიებების ახსნა-დემონსტრირება და დამსწრეებს მისცეს საშუალება პრაქტიკულად განეხორციელებიათ სარეანიმაციო ღონისძიებები. წყარო:ორგანიზაციის გვერდი სოციალურ ქსელში

გურია. 28 მარტს ოზურგეთის დემოკრატიული ჩართულობის ცენტრში აღინიშნა ტუბერკულოზთან ბრძოლის საერთაშორისო დღე. ექიმი-ფტიზიატრი ჯული გობრონიძე შეხვდა მოსწავლეებს, სამოქალაქო აქტივიზმის ახალგაზრდული ქსელის წევრი ოზურგეთის ახალგაზრდული ცენტრის წევრებს, სტუდენტებს, ჟურნალისტები და სამოქალაქო საზოგადოების წევრებს. ის დამსწრეებს ესაუბრა ტუბერკულოზის ისტორიის, მისი გამომწვევი მიზეზის და პრევენციის გზებზე. შეხვედრაზე აგრეთვე აჩვენეს ფილმი ტუბერკულოზით დაავადებულ ახალგაზრდაზე. ტუბერკულოზის შესახებ სათანადო ინფორმაციის გავრცელების მიზნით მოსწავლეებს საინფორმაციო ფლაერები და სარეკლამო მაისურები დაურიგდა.

ქვემო ქართლი. 29 მარტი - „საქართველო თამბაქოს გარეშე" - დმანისის ახალგაზრდული ცენტრის წევრებმა აღნიშნეს. ახალგაზრდებმა ჩაატარეს საინფორმაციო კამპანია დმანისის ქუჩებში. ვიდეო  წყარო:ორგანიზაციის გვერდი სოციალურ ქსელში

თბილისი. 28 მარტს სიქას ახალგაზრდა ლიდერებს ჩაუტარდათ ტრენინგი პირველადი გადაუდებელი სამედიცინო დახმარების აღმოჩენის კურსებზე. შეხვედრას ესწრებოდა 15 ლიდერი,  ტრეინინგი სიქა-ს ინიციატივით, „ბი-დი-სი აკადემიის" ტრენერებმა ჩაატარეს. წყარო:ორგანიზაციის გვერდი სოციალურ ქსელში

იმერეთი. სამოქალაქო განათლების და პედაგოგთა გადამზადების პროგრამის ფარგლებში ორგანიზებულ ახალგაზრდულ ფორუმზე ხონის საჯარო სკოლების სამოქალაქო კლუბებმა შეიმუშავეს პროექტი „სიცოცხლის მარათონი", რომელიც ახალგაზრდებს შორის ჯანსაღი ცხოვრების წესის პოპულარიზაციას შეუწყობს ხელს. 27 მარტს, პროექტის ფარგლებში განხორციელდა მარათონი, რომელშიც ხონი,  სოფ. ნამაშევის, ივანდიდის, კუხი, მათხოჯის სკოლები მონაწილეობდნენ. წყარო:ორგანიზაციის გვერდი სოციალურ ქსელში

აჭარა. 25 მარტს, ბათუმის დემოკრატიული ჩართულობის ცენტრის ორგანიზებით, ტუბერკულოზის მსოფლიო დღესთან დაკავშირებით დისკუსია გაიმართა. შეხვედრაზე დაავადების გამომწვევი მიზეზისა და პრევენციის გზებზე ეროვნული პროგრამის კოორდინატორმა ისაუბრა. შეხვედრის მიზანი ტუბერკულოზთან ბრძოლის შესახებ საზოგადოების ცნობიერების ამაღლებაა. დისკუსიის ბოლოს ტუბერკულოზის შესახებ დოკუმენტური ფილმი აჩვენეს. შეხვედრას საზოგადოებირივი ორგანიაზაციების წარმომადგენლები, მოსწავლეები, სასკოლო სამოქალაქო კლუბის წევრები და სტუდენტები ესწრებოდნენ.

24 მარტს ქუთაისის, თელავის, დმანისის და მარნეულის ახალგაზრდულ ცენტრებმა ტუბერკულოზთან ბრძოლის საერთაშორისო დღე სხვადასხვა ღონისძიებებით აღნიშნეს. ღონისძიებების მიზანს წარმოადგენდა საზოგადოების ცნობიერების ამაღლება ტუბერკულოზის, პრევენციისა და მასთან ბრძოლის შესახებ. წყარო:ქუთაისის ახალგაზრდული ცენტრის გვერდი სოციალურ ქსელში

დემოკრატიული ჩართულობის ცენტრები ტუბერკულოზის მსოფლიო დღის აღსანიშნავად საინფორმაციო შეხვედრებს მართავს. 24 მარტს შეხვედრები გაიმართა თელავში, ახალციხეში. უახლოეს დღეებში შეხვედრები დანარჩენ რეგიონებშიც იგეგმება. შეხვედრების მიზანია ადგილობრივ მოსახლეობას, ახალგაზრდებს, რეგიონებში მომუშავე არასამთავრობო სექტორს, მიაწოდონ ინფორმაცია ტუბერკულოზი, მისი გამომწვევი მიზეზებისა და პრევენციის ღონისძიებების შესახებ.

იმერეთი. ევროპის მედიკოს სტუდენტთა ასოციაციის ქუთაისის ფილიალის წარმომადგენლებმა აკაკი წერეთლის სახელმწიფო უნივერსიტეტში ტუბერკულოზის საერთაშორისო დღესთან დაკავშირებით შეხვედრა გამართეს. შეხვედრის მიზანს სტუდენტებისთვის ტუბერკულოზის შესახებ ინფორმაციის მიწოდება წარმოადგენდა. დაავადების შესახებ სტუდენტებს დასავლეთ საქართველოს ტუპერკულოზისა და ფილტვის დაავადებათა ცენტრის დირექტორის მოადგილე, ექიმი დარეჯან ასათიანი ესაუბრა. მისი განცხადებით ტუბერკულიოზით მსოფლიოში ყოველწლიურად 9 მილიონი ადამიანი ავადდება. სტუდენტებისთვის ასევე მოეწყო ფილმის ჩვენება, რომელშიც ასახული იყო აღნიშნული დაავადების პირველი გამოვლენა და მისი ზეგავლენა საზოგადოებაზე.

თბილისი. არასამთავრობო ორგანიზაცია „სამოქალაქო საზოგადოების განვითარების ცენტრმა" განცხადება გაავრცელა. ორგანიზაციამ საერთაშორისო ინსტიტუტების დახმარებით მოიძია კვლევის შედეგები, რომელიც საქართველოში ჯანდაცვაში არსებული სისტემის პრობლემური მხარეების გამოვლენას ისახავდა მიზნად. „ვფიქრობთ, რომ საზოგადოება ჯანდაცვის სისტემაში მიმდინარე პროცესების შესახებ კვალიფიციურად უნდა იყოს ინფორმირებული და გადაწყვეტილება აღნიშნული სირთულეების აღმოსაფხვრელად სპეციალისტებთან ერთად უნდა მიიღოს. ჩვენ კი ჩვენის მხრივ მომავალში ვეცდებით საზოგადოებას უფრო ღრმა ანალიზით გაცილებით უფრო მეტი ინფორმაცია მივაწოდოთ საქართველოში არსებულ ჯანდაცვის მონაცემებზე", ნათქვამია განცხადებაში. სრულად