თბილისი. ადამიანის უფლებების სწავლებისა და მონიტორინგის ცენტრმა გამოაქვეყნა ბლოგპოსტი - „ფსიქიკური ჯანმრთელობის პრობლემების მქონე პირთა იძულებითი მკურნალობა, როგორც დაშვებული უფლებაშემლახავი პრაქტიკა". „დღეს მოქმედი რეგულაცია ფსიქიკური ჯანმრთელობის პრობლემების მქონე პირთა მიმართ უფლებაშემლახავ მიდგომად უნდა მივიჩნიოთ, რაც საქართველოს მიერ რატიფიცირებული გაეროს შეზღუდული შესაძლებლობის მქონე პირთა უფლებების შესახებ კონვენციის არსიდან გამომდინარე, აუცილებელია გადაიხედოს”, ნათვამია ბლოგპოსტში. სრულად... წყარო: emc.org.ge

აჭარა. 5 აგვისტოს, ბათუმის დემოკრატიული ჩართულობის ცენტრში, საზოგადოებრივმა ორგანიზაციამ – „შშმ პირთა უფლებებისათვის" ბრიფინგი გამართა. სადაც საუბარი შეეხო ბათუმში მცხოვრებ თირკმლის პრობლემების მქონე მოქალაქეთა საჭიროებებს. ორგანიზაციის ინფორმაციით, სახელმწიფო შესაბამისი პროგრამის მონაწილეებს პრეპარატები უსასყიდლოდ გადეცემათ, მაგრამ მათ პრეპარატების მისაღებად თბილისში ჩამოსვლა უწევთ, რაც რეგიონებში, მათ შორის აჭარაში მცხოვრებთ გარკვეულ პრობლემებს უქმნის. შშმ პირთა უფლებების ორგანიზაცია მოუწოდებს საქართველოს ჯანდაცვის სამინისტროს, რათა მედიკამენტების გაცემა ადგილზე გახდეს შესაძლებელი.

იმერეთი. ახალგაზრდა იურისტთა ასოციაციის ქუთაისის ფილიალის წარმომადგენლები, პროექტის „იაქტიურე და ჩაერთე გადაწყვეტილების მიღების პროცესში" – ფარგლებში აგრძელებენ შეხვედრებს და ადგილებზე არსებული პრობლემების განხილვას. ამჯერად მრგვალი მაგიდის ფორმატის შეხვედრა გაიმართა ხარაგაულის მუნიციპალიტეტში, სადაც ჯანდაცვის სისტემაში არსებული პრობლემები განიხილეს. შეხვედრას ესწრებოდნენ იმერეთის შესაბამისი უწყებების წარმომადგენლები და სამუშაო ჯგუფის წევრები. წყარო: ფილიალის ვებგვერდი სოციალურ ქსელში

კახეთი. არასამთავრობო ორგანიზაცია „აქტს ჯორჯიას" (ACTS GEORGIA) დაფინანსებით ყვარელში, სასულიერო გიმნაზიის ბაზაზე, დიაბეტით დაავადებული ბავშვებისთვის საზაფხულო ფსიქო-რეაბილიტაციის ერთკვირიანი გამაჯანსაღებელი ბანაკი გაიხსნა. ორგანიზაციის წარმომადგენლების თქმით, ბანაკში ბავშვები სხვადასვა სპეციალისტის მეთვალყურეობის ქვეშ იქნებიან. მათივე თქმით, მკურნალობის გარდა მოზარდებს საშუალება ექნებათ დაისვენონ და ამავე დროს ისწავლონ როგორ იცხოვრონ დიაბეტთან ერთად სრულფასოვნად.

აჭარა. 30 ივლისს, ბათუმის დემოკრატიული ჩართულობის ცენრტრში ნარკომანიის პრობლემებსა და ნარკოდამოკიდებული მოქალაქეების რეაბილიტაციასთან დაკავშირებული საკითხები განიხილეს. ორგანიზაციის ,,იმედის" წარმომადგენლის თქმით, ნარკოდამოკიდებულებისადმი ხელისუფლებამ სადამსჯელო ღონისძიებები უნდა შეამციროს და ძალისხმევა ახალგაზრდების ინფრომირებულობის გაზრდისა და სარეაბილიტაციო ცენტრების მომრავლებისაკენ უნდა მიმართოს. ორგანიზაციის მონაცემებით, 2008-2009 წლებში ნარკომანიასთან დაკავშირებული ჯარიმების ოდენობამ 44 მილიონი ლარი შეადგინა, ხოლო სამკურნალო-გამაჯანსაღებელი პროგრამებისთვის მხოლოდ 2 მილიონი ლარი გამოიყო. აღნიშნულ შეხვედრას ადგილობრივი საზოგადოებრივი ორანიზაციებისა და მედია საშუალების წარმომადგენლები ესწრებოდნენ.

თბილისი. ჯანდაცვის მსლფიო ორგანიზაციის გადაწყვეტილებით 28 ივლისი ჰეპატისის მსოფლიო დღედ არის გამოცხადებული. ამ საკითხზე ორშაბათს გაიმართა პრესკონფერენცია და მრგვალი მაგიდა, მასში მონაწილეობას იღებდნენ შებსამისი სამინისტროსა და უწყებების, ასევე არასამთავრობო ორგანიზაციების წარმომადგენლები. მსგავსი ღონისძიებები გაიმართა საქართველოს სხვადასხვა რეგიონებში.

აჭარა. 28 ივლისს, ,,ჩვენ ვირჩევთ სიცოცხლეს" - აღნიშნულმა სლოგანმა ბათუმის ბულვარში ადგილობრივი არასამთავრობო ორგანიზაციები და რიგითი მოქალაქეები გააერთიანა. მათ С ჰეპატიტით დაავადებულებისადი სოლიდარობის ნიშნად იმიტირებულ არჩევნებში მიიღეს მონაწილეობა და სიმბოლურად ხმა სიცოცხლეს მისცეს. აღნიშნული მეთოდით აქციის ორგანიზატორები სახელმწიფოს ყურადღების მიქცევას ცდილობენ და ხელისუფლებას С ჰეპატიტით დაავადებულების მკურნალობის სრული კურსის დაფინანსებას თხოვენ, რადგანაც მიიჩნევენ, რომ მედიკამენტების გაიაფების მიუხედვად უმეტესობას არ მიუწვდება ხელი. 10 000 ბენეფიციარზე გათვლილი საშეღავათო პროგრამით ამ დრომდე მხოლოდ 500-მა მოქალაქემ ისარგებლა. ოფიციალური ინფორმაციით, ამ დროისათვის ქვეყანაში სულ დაავადებული 200 000 მოქალაქეა რეგისტრირებული.

კახეთი. ჰეპატიტთან ბრძოლის საერთაშორისო დღესთან დაკავშირებით, თელავის დემოკრატიული ჩართულობის ცენტრში, შეხვედრა - დისკუსია გაიმართა. შეხვედრაზე დამსწრე საზოგადოებამ ჰეპატიტის გავრცელების გზებსა და ინფიცირებულთა მკურნალობის სახელმწიფო პროგრამებზე ისაუბრა. შეხვედრაში მონაწილეობა მიიღეს ახალგაზრდებმა, თელავის დემოკრატიული ჩართულობის ცენტრის საზაფხულო სკოლის სტუდენტებმა, სკოლის მოსწავლეებმა, არასამთავრობო ორგანიზაციებისა და ჯანდაცვის სფეროს, ასევე საინიციატივო ჯგუფების წარმომადგენლებმა.

სამეგრელო. 17 ივლისს, ზუგდიდში, ასოციაცია „ათინათში" ფონდმა „პარტნიორობა საგზაო უსაფრთხოებისათვის" და ახალგაზრდულმა ცენტრმა „ორტუსმა" გამართეს პრეზენტაცია და დისკუსია ჰაერის ხარისხის სამოქალაქო მონიტორინგის პროექტის შესახებ. შეხვედრის მიზანი იყო საქართველოში უსაფრთხო, სუფთა, ხელმისაწვდომი და მწვანე ტრანსპორტის განვითარებას და საზოგადოებაში ჯანსაღი ცხოვრების წესის პოპულარიზაციას ხელშეწყობა. . პროექტის ფარგლებში, ჰაერის ხარისხის საზომი სენსორები დამონტაჟდა საქართველოს სხვადასხვა რეგიონში, მათ შორის ზუგდიდში. აქ შეგიძლიათ ნახოთ მიღბული შედეგები: www.aqe.elva.org: ასევე, შეგიძლიათ იხილოთ საქართველო ჰაერის ხარისხის სენსორების მსოფლიო რუქაზე: www.airqualityegg.com წყარო: ორგანიზაცია „მეგობრული გზების" ვებგვერდი სოციალურ ქსელში

თბილისი. ახალგაზრდული ასოციაცია „დრონის" ორგანიზებით 13 ივლისს თბილისის ველოკვირეულის ფარგლებში  ველომარათონი გაიმართა. პროექტის მიზანი იყო ჯანსაღი წესის დანერგვა და საქართველოში ველოსიპედის, როგორც ტრანსპორტის საშუალების პოპულარიზაცია. მარათონში მონაწილეობა ყველა მსურველს შეეძლო.  ღონისძიება გაიმართა სპორტისა და ახალგაზრდობის საქმეთა სამინისტროს, სსიპ ბავშვთა და ახალგაზრდობის განვითარების ფონდის, ახალგაზრდული ასოციაციის ,,დრონისა” და ველოსპორტის ეროვნული ფედერაციისა ორგანიზებით.  წყარო: cspinfo.ge

თბილისი. 3 ივლისს, საქართველოს წითელი ჯვრის საზოგადოების ახალი პროექტის პრეზენტაცია გაიმართა. „ჯანმრთელობის ხელშეწყობა" განხორციელდება საქართველოს წითელი ჯვრის საზოგადოების გორის ფილიალში, მუნიციპალიტეტის მხარდაჭერით. პროექტის ფარგლებში გაიხსნება სწჯს-ის გორის ფილიალის პირველადი ჯანდაცვის პორტატული კაბინეტი, რომლის საშუალებითაც ორგანიზაცია ყოველწლიურად სამედიცინო დიაგნოსტიკურ მომსახურებას გორისა და გორის რაიონის 106 სოფლის 12 000-მდე სოციალურად დაუცველს უფასოდ გაუწევს. წყარო: ორგანიზაციის გვერდი სოციალურ ქსელში

აჭარა. 27–30 ივნისს, საზოგადოებრივმა ორგანიზაციამ „სთეფ ფორვარდმა" მეტყველების თერაპევტებისა და კოხლეარული იმპლანტის მქონე ბავშვთა მშობლებისთვის ჩაატარა პრაქტიკული სემინარების ციკლი კოხლეარული იმპლანტაციის შემდგომი რეაბილიტაციის თანამედროვე მეთოდებზე. სემინარებს გაუძღვა და სმენადაქვეითებულ ბავშვებთან ინდივიდუალური საჩვენებელი კონსულტაციები ჩაატარა, კოხლეარული იმპლანტაციის შემდგომი რეაბილიტაციის სფეროში უკრაინის წამყვანმა სპეციალისტმა, ნინა შეპელენკომ. იგი უკვე მეორე წელია ატარებს საკმაოდ წარმატებულ სემინარებს მეტყველების თერაპევტებისა და მშობლებისათვის. სემინარებს დაესწრნენ რეაბილიტაციის სახელმწიფო პროგრამაში მონაწილე მეტყველების თერაპევტები და კოხლეარული იმპლანტის მქონე ბავშვების მშობლები საქართველოს სხვადასხვა რეგიონიდან. სემინათა ციკლი ჩატარდა ევროკავშირის მიერ დაფინანსებული პროექტის ფარგლებში - „სმენადაქვეითებულ ბავშვთა საზოგადოებაში წარმატებული ინტეგრაციის ხელშეწყობა".

თბილისი. 2014 წლის მოწვევის საქართველოს ახალგაზრდული პარლამენტისა ორგანიზებით, ილიას უნივერსიტეტში გაიმართა დისკუსია: „ნარკომანია – ჯანდაცვის პრობლემა თუ დანაშაული?". სრულად... წყარო: freea.ge

თბილისი. 17-19 ივნისს, „საქართველოს ბავშვების" ოფისში აუტისტური დარღვევების მქონე ბავშვების მშობლებისათვის ჩატარდა ტრენინგი. ტრენინგს უძღვებოდნენ დოქტორი ტრევორ სთოუქსი, ლიცენზირებული კლინიკური ფსიქოლოგი და ქცევის თრეაპევტი ამერიკიდან, და მისი სტუდენტები ჯეიმს მედისონის უნივერსიტეტიდან - ანა ბარქაია და ნინო ჩხაიძე. ტრენინგის თემა იყო პოზიტიური მშობლობა და ბავშვისა და მშობლის ინტერაქციული თერაპია. ტრენინგზე მონაწილეები გაეცნენ ქცევის გამოყენებითი ანალიზის ტექნიკებს; ჩატარდა როლური გათამაშებები. წყარო: ორგანიზაციის გვერდი სოციალურ ქსელში

კახეთი. თელავის დემოკრატიული ჩართულობის ცენტრში, საქართველოს ახალგაზრდების, განათლებისა განვითარების ასოციაციამ გამართა ტრენინგი სახელწოდებით თანასწორთა განათლების ტრენინგი. ტრენინგი მოციავს რეპროდუქციულ ჯანმრთელობასთან დაკავშირებულ საკითხებს და მისი მიზანი ინფორმაცია მიაწოდებს ახალგაზრდებს.

თბილისი. 30 მაისს გაიმართა კონფერენცია ბავშვთა განვითარების ადრეული ინტეგრაციის ახალი მოდელის საქართველოში დანერგვის შესახებ. საკითხის ირგვლივ მსჯელობდნენ საჯარო სექტორისა და არასამთავრობოების წარმომადგენლები, ასევე ჯანმრთელობისა და სოციალური დაცვის სპეციალისტები. ბავშვთა ადრეული განვითარების ახალი მოდელი, რომელსაც სპეციალისტები ბავშვთა ადრეული ინტერვენციის სერვისს უწოდებენ, უზუნველყოფს შეფერხებისა და განვითარების პრობლემების აღმოჩენას ადრეულ ეტაპზე განსაკუთრებული საჭიროების მქონე ბავშვებში. საქართველოში ბავშვთა ადრეული ინტერვენციის სერვისს 15000 ბავშვი საჭიროებს, ამჟამად სახელმწიფო დაფინანსებით ამ სერვისით მხოლოდ 350 ბავშვს შეუძლია სარგებლობა. გარდა ამისა, ჯერჯერობით არ არსებობს ბავშვთა ადრეული განვითარების გამართული პროგრამა. მიმდინარე ეტაპზე მუშავდება სტრატეგია სახელმწიფოსთან ერთად. კონფერენციის გამართა საქართველოს ბავშვთა ნევროლოგთა და ნეიროქირურგთა ასოციაციამ, ფონდი „ღია საზოგადოება-საქართველოს" მხარდაჭერით. სრულად... წყარო: www.osgf.ge

აჭარა. 31 მაისს დასრულდა საზოგადოებრივი ორგანიზაციის „სთეფ ფორვარდის" ორგანიზებით მაღალმთიანი აჭარის 3 მუნიციპალიტეტის ახალგაზრდული ცენტრის ბენეფიციარებისთვის ტრენინგები. ტრენინგები ჩაუტარდათ ქედის, შუახევის და ხულოს ახალგაზრდეს დაავადებათა პრევენციისა და სკრინინგის მნიშვნელობასა და ჯანსაღი ცხოვრების წესის შესახებ. შესაბამისად, ღონისძიებების მიზანი იყო ახალგაზრდებში და მოზარდებში ამ მიმართულებით განათლების ამაღლების ხელშეწყობა.

იმერეთი.  21 მაისს, ქუთაისის ახალგაზრდული ცენტრის წევრებისათვის ფილმის ჩვენება-განხილვა გაიმართა.  შედგა დოკუმენტური ფილმ „კმარას" - ჩვენება, რომელიც მოგვითხრობს სელექციური აბორტების შესახებ სომხეთის მაგალითზე. ახალგაზრდული ცენტრის წევრებმა ფილმის დასრულების შემდეგ გამოთქვეს საკუთარი მოსაზრებები სელექციური აბორტის და ფილმში გადმოცემული ფაქტების შესახებ. ფილმის ჩვენება გაიმართა „საქართველოში ეროვნული ინტეგრაციის გაძლიერების პროექტის" (ANI) ფარგლებში, რომელსაც ახორციელებს საქართველოს გაეროს ასოციაცია  (UNAG), აშშ-ის საერთაშორისო განვითარების სააგენტოს (USAID) მხარდაჭერით. წყარო: ორგანიზაციის გვერდი სოციალურ ქსელში

აჭარა. 21 მაისს, ბათუმის დემოკრატიული ჩართულობის ცენტრში, ბათუმის საკრებულოსთან არსებული სამოქალაქო მრჩეველთა საბჭოსა და მერიის ორგანიზებით საჯარო შეხვედრა გიმართა. შეხვედრაზე განხილეს მერიის ჯანმრთელობისა და სოციალური დაცვის სამსახურის 2015–2018 წლების პრიორიტეტები. შეხვედრას ესწრებოდნენ ადგილობრივი მოსახლეობა, საზოგადოებრივი დარბაზების წევრები და მათი ლიდერები, საზოგადოებრივი ორგანიზაციების, მედია საშუალებებისა და სამთავრობო უწყებების წარმომადგენლები. ჯანმრთელობისა და სოციალური დაცვის მუნიციპალური პროგრამების ძირითადი მიზანია სამედიცინო სოციალური პირობების შექმნა ქალაქის მცხოვრებთათვის. განსაკუთრებით საშიში დაავადების ადრეული გამოვლენა, პრევენცია და მკურნალობა; მოსახლეობის ინფორმირება და ზრუნვა სოციალურად დაუცველ, ქრონიკულად დაავადებულ პირებსა და ბავშვებზე. მერიის სხვადასხვა სამსახურების 2015–2018 წლების საშუალოვადიანი პრიორიტეტების განხილვა მომავალშიც გაგრძელდება. შეხვედრის მონაწილეებმა, წარმოდგენილი პრიორიტეტების შესახებ აზრი გამოთქვეს და გაუმჯობესების მიზნით რეკომენდაციებიც მისცეს.

ქვემო ქართლი. 18 მაისს შიდსით დაღუპულთა ხსოვნის დღეს რუსთავში, სიქას ორგანიზებით ღონისძიება მოეწყო. მისი მიზანი იყო დაინტერესებული პირებისთვის ინფორმაციის მიწოდება აივ ინფექციის გადაცემის და პრევენციის შესახებ, კონსულტაცია და სწრაფი ტესტირების ჩატარება. ჩატარდა სემინარი, რომელზეც დამსწრე მონაწილეებმაც მიიღეს ინფორმაცია და გაიკეთეს ტესტები. წყარო:ორგანიზაციის გვერდი სოციალურ ქსელში

თბილისი. ორგანიზაცია „ახალგაზრდა ადვოკატებმა" სასწრაფო–სამედიცინო დახმარების სფეროში არსებული პრობლემების შესახებ განხადება გაავრცელა. ორგანიზაცია „ პრობლემების აღმოფხვრის მიზნით საქართველოს მთავრობას დაუყოვნებლივ რეაგირებისკენ მოუწოდებს და ქვეყანაში პირველადი სამედიცინო დახმარების ეფექტური მუშაობის საკითხს, ჯანდაცვის სფეროში მიმდინარე რეფორმის პრიორიტეტულ მიმართულებად განიხილავს”. სრულად წყარო: barristers.ge

თბილისი. საქართველოს საზოგადოებრივ საქმეთა ინსტიტუტის (ჯიპა) მედიამენეჯმენტის სკოლის სტუდენტები 15 მაისს 18:30 საათზე „ფრონტლაინ კლუბში" წარმოადგენენ ადამიანის უფლებების თემაზე შექმნილ ისტორიებს. სტუდენტების ამოცანა იყო საკომუნიკაციო კამპანიების მოფიქრება ჯანმრთელობის უფლებასთან დაკავშირებულ თემებზე. კამპანიების მომზადების პროცესში სტუდენტები შეხვდნენ სხვადასხვა არასამთავრობო ორგანიზაციების წარმომადგენლებს. მომზადებული საკომუნიკაციო კამპანიები, ძირითადად ეხება პალიატიურ მზრუნველობას, შეზღუდულ შესაძლებლობებს და ა.შ. წყარო:osgf.ge