თბილისი. სოციალური სამართლიანობის ცენტრი წარმოგიდგენთ თარგმანების კრებულს: „ფსიქიკური ჯანმრთელობა და სისტემური ჩაგვრა“, რომლის მიზანია, მიმოიხილოს ის ფსიქიკური ჯანმრთელობის სისტემაში არსებული მნიშვნელოვანი გამოწვევები და ფსიქოსოციალური საჭიროების მქონე ადამიანების ჩაგვრისა და უგულებელყოფის სხვადასხვა ასპექტები. სრულად... წყარო: socialjustice.org.ge

თბილისი. სოციალური სამართლიანობის ცენტრი აქვეყნებს ვიდეოს, რომელშიც სოციალური პროგრამის დირექტორი, თათული ჭუბაბრია, აანალიზებს, თუ რატომ ცხოვრობენ ფსიქოსოციალური საჭიროების მქონე ადამიანები, მასიურად, დახურული ინსტიტუციების სტაციონარულ სერვისებში და რატომ იხურება 10 წლის წინ დეინსტიტუციონალიზაციის მიზნით შექმნილი სტაციონარული სერვისები მულტიპროფილურ კლინიკებში. წყარო: socialjustice.org.ge

თბილისი. სოციალური სამართლიანობის ცენტრი აქვეყნებს ვიდეოს, რომელიც აღწერს თუ როგორი ტემპით მიმდინარეობს ვაქცინაციის პროცესი ეთნიკური უმცირესობებით დასახლებულ რეგიონებში და რა განსხვავებაა, ამ მხრივ, ცენტრსა და ამ რეგიონებს შორის.     წყარო: socialjustice.org.ge

შიდა ქართლი. სოციალური სამართლიანობის ცენტრმა სამუშაო შეხვედრა გამართა გამყოფ ხაზთან მდებარე სოფლებში მცხოვრებ ქალებთან. „შეხვედრის მიზანი იყო ქალებში ჯანმრთელობის კუთხით არსებული პრობლემების და საჭიროებების გამოვლენა და მათთვის პირდაპირ მხარდაჭერის შეთავაზება. კერძოდ, შეხვედრის ფორმატი ითვალისწინებდა ექიმის ვიზიტს და ქალების ადგილზე გამოკვლევას, ასევე სპეციალისტის მიერ ონკოლოგიური დაავადებების პრევენციისა და დროული გამოკვლევების მნიშვნელობის საკითხებზე საინფორმაციო შეხვედრის გამართვას“. სრულად... წყარო: ორგანიზაციის გვერდი სოციალურ ქსელში

თბილისი. მაჯ ჯორჯია სასარგებლო რესურსის სახით გიზიარებთ ინფორმაციას თუ როგორ უნდა გამოვიყენოთ გადაადგილებისთვის საჭირო საშუალებები სწორად. „წინამდებარე რესურსი საშუალებას მოგცემთ გაიგოთ მეტი იმის შესახებ, თუ როგორ გამოიყენოთ: ყავარჯნები, თვითგადამაადგილებელი ჩარჩო, ხელჯოხი“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სამოქალაქო საზოგადოების ორგანიზაციების ნაწილი ეხმაურება მესამე პრეზიდენტის, მიხეილ სააკაშვილის ჰოსპიტალიზაციის ირგვლივ განვითრებულ მოვლენებს. „მოვუწოდებთ ხელისუფლებას, საქართველოს მესამე პრეზიდენტის, მიხეილ სააკაშვილის ჰოსპიტალიზაციის საკითხზე მსჯელობისას სრულყოფილად გაითვალისწინოს ექიმთა მულტიფუნქციური ჯგუფისა და საქართველოს სახალხო დამცველის დასკვნა და რეკომენდაციები და ჰოსპიტალიზაციის შესახებ გადაწყვეტილება მიიღოს ისე, რომ მის მიმართ, სრულად გამოირიცხოს როგორც სიცოცხლისა და ჯანმრთელობის, ასევე, უსაფრთხოების ყველა რისკი“. სრულად... წყარო: socialjustice.org.ge

თბილისი. 28 ოქტომბერს, 14:00 საათზე, მომხმარებელი.ge ონლაინ შეხვედრას გამართავს სურსათის უვნებლობის ლაბორატორიული კვლევების შესახებ. სრულად... წყარო: მომხმარებელი.ge-ს გვერდი სოციალურ ქსელში

თბილისი. თუ გაქვთ კითხვები ბავშვის განვითარების შესახებ მაჯ ჯორჯია გაძლევთ შესაძლებლობას უფასო, პირადი კონსულტაცია გაიაროთ ფსიქოლოგთან ან ნეიროფსიქოლოგთან. „დაჯავშნეთ კონსულტაცია, თუკი: ბავშვს აქვს სწავლის და აკადემიური საგნების ათვისების სირთულეები,  ბავშვი ავლენს ასაკის შეუსაბამო ქცევებს, გამოირჩევა გადაჭარბებული ემოციურობით, შფოთვით ან დაქვეითებული გუნება-განწყობით“. კონსულტაციის დასაჯავშნად მიყევით ბმულს... სრულად... წყარო: ორგანიზაციის გვერდი სოციალურ ქსელში

თბილისი. მშობლის სკივრის ინფორმაციით, 22 ოქტომბერს ენის ბორძიკის ცნობადობის ამაღლების მსოფლიო დღეა. „ბავშვების ნაწილი ბუნებრივად ძლევს ენაბორძიკს. თუმცა, შეუძლებელია წინასწარ იმის ცოდნა თუ რომელი ბავშვი დაძლევს ენაბორძიკს ბუნებრვად და რომელს დასჭირდება თერაპია. ამიტომ, რეკომენდირებულია რომ ყველა ბავშვმა, რომელსაც განუვითარდება ენაბორძიკი სკოლამდელ ასაკში, მიიღოს თერაპიული სერვისი.  ენაბორძიკის თერაპიული მეთოდი განსხვავდება ასაკის მიხედვით. თერაპია 6 წლის ასაკამდე საუკეთესო შედეგის მომტანია ბავშვისთვის, თუმცა მოზრდილებში და ზრდასრულებშიც ეფექტურია ენაბორძიკის მართვისთვის“. სრულად... წყარო: მშობლის სკივრის გვერდი სოციალურ ქსელში

თბილისი. გაეროს განვითარების პროგრამა (UNDP) გაეროს დღესთან დაკავშირებით, ვაქცინაციის კამპანიის ფარგლებში, საქართველოს ყრუთა კავშირს ესტუმრა და საინფორმაციო შეხვედრა ჩაატარა. ორგანიზაციის ცნობით, შეხვედრის 30-მდე მონაწილემ ადგილზე გაიარა რეგისტრაცია და აიცრა. სრულად... წყარო: ორგანიზაციის გვერდი სოციალურ ქსელში

თბილისი. მშობლის სკივრი სასარგებლო რესურსის სახით გიზიარებთ ინფორმაციას სავარძელ-ეტლში ჯგომის სწორ პოზაზე, რომელიც კარგად მოქმედებს ჯანმრთელობასა და სხეულზე. სრულად... წყარო: მშობლის სკივრის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაციის ინფორმაციით, თბილისის საქალაქო და სააპელაციო სასამართლოების გადაწყვეტილებით, განათლებისა და მეცნიერების სამინისტროს შშმ პირის სასარგებლოდ მატერიალური ზიანის ანაზღაურება დაევალა. ეს კი გულისხმობს სამედიცინო სარეაბილიტაციო კურსის საფასურის, შეზღუდული შესაძლებლობების სტატუსის არსებობამდე ადაპტირებული ტრანსპორტით მომსახურების საფასურის და ღამის მომვლელის მომსახურების ხარჯის ანაზღაურებას. სრულად... წყარო: gyla.ge

იმერეთი. მაკლეინის ასოციაცია საქართველოში აქვეყნებს ინფორმაცია სავარძელ-ეტლების საწარმოზე „მოირგე“, რომელიც ზესტაფონში ფუნქციონირებს და გადაადგილების სირთულეების მქონე 18 წლამდე ბავშვებს სავარძელ-ეტლებს და მათი მორგების მომსახურებას სთავაზობს. „Მოირგეს მიერ მიწოდებული პედიატრიული სავარძელ-ეტლების მომსახურება სრულად შეესაბამება მსოფლიო ჯანდაცვის ორგანიზაციის მიერ დადგენილ ხარისხის სტანდარტს. Სერვისი გულისხმობს პირის საფუძვლიან შეფასებას, სავარძელ-ეტლების მორგებას და მიყოლის სერვისის მიწოდებას. იმ შემთხვევაში, თუკი თვლით რომ თქვენი შვილი საჭიროებს შუალედური და მაღალი მორგების პედიატრიულ სავარძელ - ეტლს, დაგჭიდებათ შემდეგი საფეხურების გავლა“. სრულად... წყარო: ორგანიზაციის გვერდი სოციალურ ქსელში

თბილისი. მშობლის სკივრი გიზიარებთ რჩევებს/ინსტრუქციებს ამპუტაციის შემდგომ რეკომენდირებულ მოვლასა და გადახვევის მეთოდებზე. „სპეციალური წინდა და გადახვევა ხელს უშლის შეშუპების განვითარებას და ხელს უწყობს ფეხის ისეთ მდგომარეობაში შენარჩუნებას რაც ხელსაყრელია პროტეზის მორგებისთვის“. სრულად... წყარო: მშობლის სკივრის გვერდი სოციალურ ქსელში

ქვემო ქართლი. საქართველოს წითელი ჯვრის საზოგადოებამ, წითელი ჯვრის და წითელი ნახევარმთვარის საზოგადოებათა საერთაშორისო ფედერაციის მხარდაჭერით რუსთავში მასობრივი იმუნიზაციის ცენტრი გახსნა. „ვაქცინაციის ყველა მსურველს ადგილზე წინასწარი რეგისტრაციის გარეშე შეეძლება ვაქცინით აცრა. შეგახსენებთ რომ საქართველოს წითელი ჯვრის საზოგადოება აქტიურად არის ჩართული მასობრივი ვაქცინაციის წარმატებით, ეფექტურად და უსაფრთხოდ განხორციელებაში, რისი ნათელი მაგალითიცაა მცხეთის და მუხრანის იმუნიზაციის ცენტრის წარმატებით ფუნქციონირება“. სრულად... წყარო: ორგანიზაციის გვერდი სოციალურ ქსელში

გაეროს ბავშვთა ფონდი აგრძელებს COVID-19 ვაქცინაციის შესახებ გამართული საინფორმაციო შეხვედრების სერიას. ორგანიზაციის წარმომადგენლები ექიმებთან ერთად ზესტაფონსა და ჭიათურას ესტუმრნენ და მასწავლებლებს შეხვდნენ. „ცნობილი ექიმები - ალერგოლოგი ბიძინა კულუმბეგოვი, კარდიოლოგი ზვიად ყიფიანი, პედიატრი ივანე ჩხაიძე და დაავადებათა კონტროლისა და საზოგადოებრივი ჯანმრთელობის ეროვნული ცენტრის წარმომადგენელი ხათუნა ზახაშვილი შეხვედრის მონაწილეებს COVID-19-ის, ვაქცინაციის მნიშვნელობის შესახებ ესაუბრნენ. გაიმართა საინტერესო დისკუსია და ექსპერტებმა უპასუხეს კონკრეტულ შეკითხვებს“. სრულად... წყარო: ორგანიზაციის გვერდი სოციალურ ქსელში

თბილისი. ფსიქიკური ჯანმრთელობის მსოფლიო დღეს, საქართველოს სახალხო დამცველის აპარატის ორგანიზებითა და გაეროს განვითარების პროგრამის (UNDP) მხარდაჭერით, ონლაინ კონფერენცია გაიმართა. კონფერენციის თემა იყო „ფსიქიკური ჯანმრთელობის სერვისების მიწოდება კოვიდ 19-ის პანდემიის პირობებში.“ „კონფერენციაზე განიხილეს პანდემიის პირობებში ფსიქიატრიული სტაციონარული და სათემო ამბულატორიული სერვისების მიწოდების ხარისხი. ასევე, ისაუბრეს ფსიქიკურ ჯანმრთელობასა და ფსიქიკური ჯანმრთელობის პრობლემის მქონე პირებზე კოვიდ 19-ის გავლენებზე“. სრულად... წყარო: ombudsman.ge

თბილისი. პარტნიორობა ადამიანის უფლებებისთვის (PHR) აქვეყნებს პუბლიკაციას ინტელექტუალური შეზღუდვის მქონე ადამიანების სექსუალური და რეპროდუქციული ჯანმრთელობისა და უფლებების შესახებ. „შეზღუდული შესაძლებლობის მქონე პირთა სექსუალობის, სექსუალური თვითგამოხატვისა და რეპროდუქციული უფლებების აკრძალვას ხანგრძლივი ისტორია აქვს. დღეს, საზოგადოებაში შემორჩენილია შშმ პირთა სექსუალური ცხოვრების შემზღუდავი შეხედულებები. ეს შეხედულებები შშმ პირებს და, განსაკუთრებით, ინტელექტუალური შეზღუდვის მქონე პირებს აღიქვამს „მუდმივ ბავშვებად,“ რომელთაც არ აქვთ სექსუალური სურვილები. ამ შეხედულებების შეცვლის ერთ-ერთი საუკეთესო მეთოდი სამეცნიერო წყაროებში შშმ პირების სექსუალური და რეპროდუქციული უფლების შესახებ არსებული დასკვნების საჯარო განხილვაა“. სრულად... წყარო: phr.ge

თბილისი. მაკლეინის ასოციაცია საქართველოში გთავაზობთ უფასო პირად კონსულტაციას ფსიქოლოგთან ან ნეიროფსიქოლოგთან. „დაჯავშნეთ კონსულტაცია, თუკი: ბავშვს აქვს სწავლის და აკადემიური საგნების ათვისების სირთულეები, ბავშვი ავლენს ასაკის შეუსაბამო ქცევებს, ბავშვი გამოირჩევა გადაჭარბებული ემოციურობით, შფოთვით ან დაქვეითებული გუნება-განწყობით“.  სრულად... წყარო: ორგანიზაციის გვერდი სოციალურ ქსელში

თბილისი. გაეროს ბავშვთა ფონდი აქვეყნებს სტატიას: ოთხი რამ, რაც შეგიძლიათ გააკეთოთ თქვენი მოზარდის ფსიქიკური ჯანმრთელობის ხელშესაწყობად. ორგანიზაცია გთავაზობთ ოთხ რჩევას, მოზარდთან მისი განცდებისა და ცხოვრების შესახებ საუბრისათვის, და იმის დასაფიქსირებლად, რომ ყოველთვის მზად ხართ მის დასახმარებლად. წაახალისეთ თქვენი შვილი, გაგიზიაროთ საკუთარი განცდები და გრძნობები დაუთმეთ დრო მის მხარდაჭერას ერთად მოაგვარეთ კონფლიქტი და უთანხმოება იზრუნეთ საკუთარ თავზე სრულად... წყარო: www.unicef.org

თბილისი. საქართველოს წითელი ჯვრის პრეზიდენტი, ნათია ლოლაძე მიწვეულია სპიკერად შიდსის ჯანდაცვის ფონდის (AIDS Healthcare Foundation) მიერ ორგანიზებულ შეხვედრა C20 Summit-ში.  „შეხვედრა ეძღვნება სამოქალაქო საზოგადოების ჩართულობის მექანიზმის (CSEM) მიერ შემუშავებული საყოველთაო ჯანდაცვაში ჩართულობის გაძლიერებას: სამოქალაქო საზოგადოების ახალი ინსტრუმენტარიუმის წარდგენას და სამოქალაქო საზოგადოებების როლს საყოველთაო ჯანდაცვის მიღწევაში.“  შეხვედრა გაიმარება ონლაინ რეჟიმში - 7 ოქტომბერს თბილისის დროით 15:30 საათზე. სრულად... შეხვედრის ბმული... წყარო: ორგანიზაციის გვერდი სოციალურ ქსელში

გაეროს ბავშვთა ფონდის ანგარიშის თანახმად, ბავშვებისა და ახალგაზრდების მენტალურ ჯანმრთელობაზე COVID-19-მა შეიძლება კიდევ მრავალი წლის განმავლობაში იქონიოს ზეგავლენა. „უკანასკნელი მონაცემების მიხედვით, მსოფლიოს მასშტაბით 10-19 წლის ასაკის ყოველი 7 მოზარდიდან ერთზე მეტს აქვს მენტალური აშლილობის დიაგნოზი. ყოველწლიურად თითქმის 46,000 მოზარდი სიცოცხლეს თვითმკვლელობით ასრულებს, რაც ამ ასაკობრივ ჯგუფში სიკვდილის ხუთ წამყვან მიზეზს შორისაა. ამ დროს კი მენტალური ჯანმრთელობის საჭიროებებსა და მენტალური ჯანმრთელობის დაფინანსებას შორის მნიშვნელოვანი დისბალანსი არსებობს. ანგარიშის მიხედვით, მსოფლიოს მასშტაბით ჯანდაცვის სამთავრობო ბიუჯეტების დაახლოებით 2 პროცენტი არის გამოყოფილი მენტალური ჯანმრთელობის ხარჯებისათვის“. წაიკითხეთ პრეს რელიზი... წყარო: www.unicef.org