თბილისი. ორგანიზაციის „პარტნიორობა ადამიანის უფლებებისთვის“ ინფორმაციით, მათი შუამდგომლობა უვადო მწვანე სტატუსის ცვლილების შესახებ სასამართლომ არ დააკმაყოფილა.  „სასამართლომ არ მიიჩნია ექსპერტების (გამყრელიძის, ცერცვაძის, კულუმბეგოვის და სხვების მოსაზრებები) საკმარისად და მოსარჩელეს მოსთხოვა მეცნიერულად დაამტკიცოს, რომ კოვიდგადატანილ პირებს არ აქვთ უვადო იმუნიტეტი. სასამართლომ, ვერ დაინახა სარჩელის პერსპექტიულობა და მისი დაუკმაყოფილებლობით გამოწვეული საფრთხე, ანუ ის, რომ უვადო მწვანე სტატუსი მოსარჩელეების სიცოცხლეს და ჯანმრთელობას დააზიანებს“.  ამ გადაწყვეტილებას PHR სააპელაციო სასამართლოში გაასაჩივრებს. სრულად... წყარო: phr.ge

თბილისი. 3 დეკემბერს, შეზღუდული შესაძლებლობების მქონე პირთა საერთაშორისო დღესთან დაკავშირებით, კენ ვოლკერის სარეაბილიტაციო კლინიკაში ღია კარის დღეა. „თქვენ გაქვთ შესაძლებლობა, გაეცნოთ კლინიკის გარემოს და უფასოდ ჩაიტაროთ სარეაბილიტაციო თერაპიები: აკვა თერაპია არტ თერაპია რობოტოთერაპია ეგზო-ჩონჩხი რობოტის გაცნობა“. სრულად... წყარო: კლინიკის გვერდი სოციალურ ქსელში

თბილისი. 27 ნოემბერს, სოციალური სამართლიანობის ცენტრმა ღირსეული შრომის პლატფორმის წევრებისა და დამოუკიდებლად ორგანიზებული მშრომელთა ჯგუფის მონაწილეობით გამართა საჯარო დისკუსია: „COVID 19 და წინა ხაზის მშრომელების შრომითი პირობები“. სრულად... წყარო: socialjustice.org.ge

გურია. საქართველოს გაეროს ასოციაციის „სახალხო უნივერსიტეტის“ პროგრამის ფარგლებში, ლიდერთა სკოლის და იდეების ლაბორატორიის წევრებისთვის, საინფორმაციო შეხვედრა გაიმართა თემაზე: პანდემია და ვაქცინაცია. სრულად... წყარო: ორგანიზაციის გვერდი სოციალურ ქსელში

თბილისი. ორგანიზაციამ „პარტნიორობა ადამიანის უფლებებისთვის“ (PHR) კოვიდგადატანილებისთვის უვადო „მწვანე სტატუსის“ მინიჭება სასამართლოში გაასაჩივრა. „ორგანიზაცია თბილისის საქალაქო სასამართლოს სთხოვს, გამოსცეს დროებითი ღონისძიება, რომელიც მთავრობას „მწვანე პასპორტებთან” დაკავშირებით „სამეცინიერო მტკიცებულებაზე დაფუძნებული გადაწყვეტილების“ მიღებას დაავალებს“. სრულად... წყარო: ორგანიზაციის გვერდი სოციალურ ქსელში

თბილისი. მშობლის სკივრი აუტიზმის სპექტრის დარღვევის მქონე პირებისთვის დამახასიათებელი ქცევებისა და ინტერესების შესახებ ჩანაწერს აქვეყნებს. „სიმპტომები ყველა ადამიანის შემთხვევაში სხვადასხვაგვარია, თუმცა ძირითადი ნიშნები სამ სფეროში ვლინდება: სოციალური ინტერაქცია, კომუნიკაცია და ქცევა“. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი ეხმიანება ირაკლი ღარიბაშვილის განცხადებას ნარკოპოლიტიკის გამკაცრების შესახებ. „მივიჩნევთ, რომ უკიდურესად პრობლემურია პრემიერ-მინისტრის მხრიდან რეპრესიასა და დასჯაზე ორიენტირებულ რიტორიკის გამოყენება. პრემიერ-მინისტრის განცხადება, ზრუნვაზე ორიენტირებული პოლიტიკის წახალისების ნაცვლად, ნარკომომხმარებლების სტიგმატიზებას და საზოგადოებისგან კიდევ უფრო გარიყვას იწვევს, ხოლო ე.წ. სააფთიაქო ნარკომანიის ჭრილში გამოთქმული მოსაზრებები პრობლემის საფუძვლების აღმოფხვრისკენ არ არის მიმართული“, ნათქვამია განცხადებაში. სრულად... წყარო: socialjustice.org.ge

თბილისი. სახალხო დამცველმა ნინო ლომჯარიამ გამოაქვეყნა მიეს მიერ შექმნილი სპეციალისტთა/ექსპერტთა ჯგუფის დასკვნა მიხეილ სააკაშვილის სამედიცინო მდგომარეობის მონიტორინგის შედეგებზე. დასკვნის თანახმად, მესამე პრეზიდენტის ჯანმრთელობის მდგომარეობა კრიტიკულია. „პაციენტის მდგომარეობის კრიტიკულობიდან გამომდინარე, მისი მკურნალობის გაგრძელება დაუყოვნებლივ რეკომენდებულია ფუნქციურად გამართულ და დიდი გამოცდილების მქონე პოლიპროფილურ ჰოსპიტალში, კერძოდ, ინტენსიური თერაპიის განყოფილებაში, რის პირობებსაც მე-18 დაწესებულების კლინიკა არ აკმაყოფილებს“. სრულად... წყარო: ომბუდსმენის გვერდი სოციალურ ქსელში

თბილისი. გაეროს ბავშვთა ფონდი აგრძელებს საქართველოს მთავრობის მხარდაჭერას COVID-19-ის პანდემიასთან ბრძოლაში. ამჯერად, ორგანიზაციამ საქართველოს სამედიცინო ჰოლდინგს 6600 ყუთი დექსამეტაზონი გადასცა. ეს მედიკამენტი COVID 19-ის მართვისთვის გამოიყენება და დეფიციტურ პროდუქტად მიიჩნევა. სრულად... წყარო: ორგანიზაციის გვერდი სოციალურ ქსელში

ქვემო ქართლი. გაეროს განვითარების პროგრამა (UNDP) აგრძელებს მოგზაურობას საქართველოს რეგიონებში, სადაც ადგილობრივ მოსახლეობას ვაქცინაციისა და ვაქცინების შესახებ სანდო ინფორმაციას აწვდის. ამჯერად, ორგანიზაცია მარნეულს ეწვია და 300-მდე ადგილობრივ მაცხოვრებელს საინფორმაციო ბროშურები დაურიგა. სრულად... წყარო: ორგანიზაციის გვერდი სოციალურ ქსელში

თბილისი. სახალხო დამცველმა მიხეილ სააკაშვილის სამედიცინო მომსახურების მონიტორინგის მიზნით მულტიპროფილურ ექსპერტთა ჯგუფი შექმნა. „2021 წლის 16 ნოემბერს სახალხო დამცველმა საქართველოს მესამე პრეზიდენტის, ბრალდებულ/მსჯავრდებულ მიხეილ სააკაშვილისთვის იუსტიციის სამინისტროს/სპეციალური პენიტენციური სამსახურის მიერ მიწოდებული სამედიცინო მომსახურების ადეკვატურობისა და დროულობის მონიტორინგის მიზნით მულტიპროფილური სამედიცინო ექსპერტთა ჯგუფი მოიწვია. ჯგუფის მიზანია ასევე შეაფასოს რამდენად შეესაბამება მიხეილ სააკაშვილის ჯანმრთელობის უფლების დაცვას N18 სამკურნალო დაწესებულება ამჟამად და იქნება თუ არა ამ დაწესებულებაში ადეკვატური სამედიცინო სერვისის მიწოდება შესაძლებელი პატიმრის მიერ ხანგრძლივი შიმშილობის შეწყვეტის შემდეგ, როგორც ამას ადამიანის უფლებათა ევროპული სასამართლო 10 ნოემბრის გადაწყვეტილებით ითხოვს“. სრულად... წყარო: ombudsman.ge

თბილისი. სახალხო დამცველი ეხმიანება იუსტიციის სამინისტროს მიერ შექმნილი მულტიფუნქციური კონსილიუმის გარშემო გამოთქმულ სხვადასხვა პოზიციებს და მიიჩნევს, რომ იუსტიციის სამინისტრომ/სპეციალურმა პენიტენციურმა სამსახურმა მიხეილ სააკაშვილის ჯანმრთელობის დაცვა სრულფასოვნად უნდა უზრუნველყოს, ამ მიზნით კი მულტიფუნქციური კონსილიუმის მუშაობა უფრო სისტემატიური და ეფექტიანი გახადოს. სრულად... წყარო: ombudsman.ge

რაჭა. ვაქცინაციის კამპანია რაჭის რეგიონში გრძელდება. საინფორმაციო შეხვედრებს, რომლებიც გონაში, ნიკორწმინდაში, სადმელში, ურავში, ღებში, ჭიორაში, ჭრებალოსა და წესში გაიმართა, 400-მდე ადგილობრივი მაცხოვრებელი დაესწრო. სრულად... წყარო: ორგანიზაციის გვერდი სოციალურ ქსელში

სამეგრელო. გაეროს ბავშვთა ფონდი (UNICEF Georgia) აგრძელებს COVID-19 ვაქცინაციის შესახებ საინფორმაციო შეხვედრების სერიას. ამჯერად, ორგანიზაცია წალენჯიხის მუნიციპალიტეტების მასწავლებლებს შეხვდა.  სრულად... წყარო: ორგანიზაციის გვერდი სოციალურ ქსელში

თბილისი. ამერიკის შეერთებული შტატების საერთაშორისო განვითარების სააგენტო და გაეროს ბავშვთა ფონდი აახლებენ პარტნიორობას, რომელიც მიმართულია COVID-19-ის პანდემიის საპასუხო ქმედებებში საქართველოს მთავრობის დასახმარებლად. „ახალი ერთწლიანი პროგრამა არის გაგრძელება ამ ორი ორგანიზაციის ნაყოფიერი პარტნიორობისა, რომლის ფარგლებშიც 2020 წლის განმავლობაში 1.9 მილიონზე მეტ ადამიანს მივწვდით“. სრულად... წყარო: ორგანიზაციის გვერდი სოციალურ ქსელში

თბილისი. თუ გაინტერესებთ, როგორ დარეგისტრირდეთ მოხალისედ საქართველოს წითელ ჯვარში და შეუერთდეთ კორონავირუსზე (COVID-19) რეაგირების ჯგუფს, მაშინ ეწვიეთ ვებ-გვერდს ონლაინ რეგისტრაციისთვის, შეავსეთ საჭირო ინფორმაცია და გაიარეთ ონლაინ სასწავლო კურსი კორონავირუსის გავრცელების პრევენციისა და პირადი უსაფრთხოების ზომების შესახებ. წარმატებით დასრულების შემთხვევაში კი გახდით COVID-19-ის რეაგირების ჯგუფის წევრი. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი წარმოგიდგენთ ჯანა ჯავახიშვილის ბლოგსპოსტს: „ქრონიკული ფსიქიკური აშლილობის მქონე ადამიანებზე ზრუნვა: წარსული, აწმყო, მომავალი“.  „ქვეყანაში ჯერ კიდევ განსავითარებელია ფსიქიატრიული და სოციალური ზრუნვის ინფრასტრუქტურა, აღმოსაფხვრელია ძალადობის პრაქტიკა სპეციალიზებულ ფსიქიატრიულ დაწესებულებებში, შესამუშავებელია ზრუნვის შესაბამისი სტანდარტები, სათანადოდ მოსამზადებელი და გადასამზადებელია მედპერსონალი, დასანერგია უწყვეტი სამედიცინო განათლების მექანიზმები, გასაშლელია სათემო სერვისების ქსელი, უზრუნველსაყოფია მათი სრულფასოვანი დაფინანსება და დასახვეწია დაფინანსების სისტემა, დასაბრუნებელია მწვავე ფსიქიატრიული განყოფილებები მრავალპროფილურ საავადმყოფოებში, დასანერგია დასაქმების პროგრამები/სისტემა ფსიქიკური აშლილობების მქონე ადამიანებისთვის და შესაბამისად შესაცვლელია საკანონმდებლო გარემო. ამ ყველაფრის ცენტრში უნდა იყოს ადამიანი და მის საჭიროებების დაკმაყოფილებაზე ზრუნვა, უფლებების დაცვა და ღირსეულად ცხოვრების შესაძლებლობების შექმნა“. სრულად... წყარო: socialjustice.org.ge

თბილისი. ომბუდსმენის რწმუნებულებმა საქართველოს მესამე პრეზიდენტის მიხეილ სააკაშვილის შესაძლო მიღებისთვის N18 დაწესებულება კიდევ ერთხელ შეამოწმეს. „მიუხედავად დადებითი ცვლილებებისა, დაწესებულებაში არსებული ვითარება, სამედიცინო უზრუნველყოფის კუთხით, სამწუხაროდ, სრულად ისევ არ შეესაბამება ექიმთა მულტიფუნქციური ჯგუფის მიერ გაცემულ 2021 წლის 3 ნოემბრისა და 28 ოქტომბრის დასკვნებსა და რეკომენდაციებს. კერძოდ, დაწესებულებაში არ ფუნქციონირებს კათეტერიზაციის ლაბორატორია და იგი არ არის აღჭურვილი მაგნიტო-რეზონანსული ტომოგრაფიის აპარატით. შესაბამისად, მიხეილ სააკაშვილის N18 სამკურნალო დაწესებულებაში გადაყვანის შემთხვევაში, მას ვერ მიაწოდებენ კონსილიუმის დასკვნით განსაზღვრულ ყველა საჭირო სამედიცინო სერვისს“, ნათქვამია სახალხო დამცველის ვებგვერდზე. სრულად... წყარო: ombudsman.ge

თბილისი. პლატფორმა ახალი პროექტის განხორციელებას იწყებს: ზოგადი განათლების სისტემაში სექსუალურ და რეპროდუქციულ უფლებებთან დაკავშირებული საკითხების მხარდაჭერა. პროექტის შესახებ დეტალური ინფორმაცია იხილეთ შემდეგ მისამართზე... პროექტი ხორციელდება Women's Fund in Georgia-ის მხარდაჭერით. სრულად... წყარო: ორგანიზაციის გვერდი სოციალურ ქსელში გარეკანი: ლიკა ჯალაღანია

ქვემო ქართლი. „ავიცრათ ერთმანეთისთვის“ საინფორმაციო კამპანიის ფარგლებში, მორიგი შეხვედრა ჩატარდა მარნეულის მუნიციპალიტეტის სოფელ კასუმლოსა და აღმამედლოში. „შეხვედრებმა კიდევ უფრო ნათლად დაგვანახა, რომ ადამიანებს სჭირდებათ სანდო ინფორმაცია და კითხვებზე პასუხები, რომ მიიღონ ინფორმირებული გადაწყვეტილება და აიცრან კორონა ვირუსის საწინააღმდეგო ვაქცინით. სწორედ ამ მიზნით გაეროს ასოციაცია საინფორმაციო კამპანიის ფარგლებში შეხვედრებს მართავს ყველაზე მოწყვლად ჯგუფებთან, მათ შორის შორეულ სოფლებში მცხოვრებ მოსახლეობასთან, საოკუპაციო ხაზთან მდებარე სოფლებისა და ჩასახლებების მაცხოვრებლებთან და ეთნიკური უმცირესობების წარმომადგენელ მოქალაქეებთან.” ამბობს თამთა ხუციშვილი, გაეროს ასოციაციის პროექტის მენეჯერი. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი წარმოგიდგენთ თარგმანების კრებულს: „ფსიქიკური ჯანმრთელობა და სისტემური ჩაგვრა“, რომლის მიზანია, მიმოიხილოს ის ფსიქიკური ჯანმრთელობის სისტემაში არსებული მნიშვნელოვანი გამოწვევები და ფსიქოსოციალური საჭიროების მქონე ადამიანების ჩაგვრისა და უგულებელყოფის სხვადასხვა ასპექტები. სრულად... წყარო: socialjustice.org.ge

თბილისი. სოციალური სამართლიანობის ცენტრი აქვეყნებს ვიდეოს, რომელშიც სოციალური პროგრამის დირექტორი, თათული ჭუბაბრია, აანალიზებს, თუ რატომ ცხოვრობენ ფსიქოსოციალური საჭიროების მქონე ადამიანები, მასიურად, დახურული ინსტიტუციების სტაციონარულ სერვისებში და რატომ იხურება 10 წლის წინ დეინსტიტუციონალიზაციის მიზნით შექმნილი სტაციონარული სერვისები მულტიპროფილურ კლინიკებში. წყარო: socialjustice.org.ge