აჭარა. გაეროს ბავშვთა ფონდი აგრძელებს COVID-19 ვაქცინაციის შესახებ საინფორმაციო შეხვედრებს. „ამჯერად მაღალმთიანი აჭარის, კერძოდ კი ხულოს, ქედასა და შუახევის, მასწავლებლებს ჯანდაცვის ცნობილი ექსპერტები შეხვდნენ და COVID-19-ის, ვაქცინაციის მნიშვნელობის და ამ მიმართულებით საქართველოში არსებული მდგომარეობის შესახებ მიაწოდეს ინფორმაცია. შეხვედრის შემდეგ ბევრმა მასწავლებელმა ჩაიტარა COVID-19-ის საწინააღმდეგო ვაქცინაცია“.                                წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაციას (საია) დახმარების თხოვნით მომართა მოქალაქემ, რომელიც სისხლის დონორთა ერთიან ელექტრონულ ბაზაში აივ ინფიცირებულად იყო რეგისტრირებული. მოქალაქეს ამის გამო სისხლის დონორად ყოფნის უფლება შეეზღუდა. განმცხადებელმა წარმოადგინა 2015, 2016, 2017 და 2020 წლებში ჩატარებული კვლევის შედეგები, რომლის მიხედვითაც მას აივ ინფიცირების ფაქტი არ დაუდასტურდა. ამის მიუხედავად, ცენტრმა განმცხადებელს აივ ინფიცირებულთა ბაზიდან ამოღებაზე უარი განუცხადა.  „განმცხადებელმა საიას დახმარებით მიმართა სახელმწიფო ინსპექტორის აპარატს. ინსპექტორის განმარტებით, მოცემულ შემთხვევაში პირის უფლება, იყოს დონორი, არის სამედიცინო კატეგორიის საკითხი და იგი უნდა გადაწყდეს შესაბამისი სპეციალისტების მიერ, თუმცა ამ კონკრეტულ შემთხვევაში განმცხადებლისთვის შექმნილი ხელოვნური ბარიერი არღვევდა ამ პირის კონსტიტუციით გარანტირებულ უფლებებს. საია მიესალმება სახელმწიფო ინსპექტორის ამ გადაწყვეტილებას და დააკვირდება გადაწყვეტილების აღსრულების პროცესს“.  სრულად... წყარო: gyla.ge

თბილისი. საქართველოს რეფორმების ასოციაციის ინფორმაციის გადამოწმების ვებგვერდი „ფაქტ-მეტრი“ ბლოგპოსტში გვიხსნის რატომ არ უნდა დავიჯეროთ დეზინფორმაცია, რომ თითქოს ვაქცინის ორი დოზა ადამიანს 2 წელიწადში კლავს. „მტკიცება, თითქოს ვაქცინის ორი დოზა ორ წელიწადში ადამიანს კლავს და ამას არ გვიმხელენ, უსაფუძვლოა და ვაქცინაციის პროცესის მიზანმიმართულ დისკრედიტაციას ემსახურება. კოვიდვაქცინები, რომლებიც მთელ მსოფლიოში, მათ შორის - საქართველოშიც, გამოიყენება (ფაიზერი, ასტრაზენეკა, სინოფარმი), მსოფლიო ჯანდაცვის ორგანიზაციის და მაღალი სანდოობის მქონე მარეგულირებლების მიერ არის დამტკიცებული და გადაუდებელი მოხმარების ავტორიზაცია აქვს მინიჭებული. ავტორიზებული ვაქცინა ნიშნავს, რომ მან პრეკლინიკური და კლინიკური კვლევის ყველა ფაზა წარმატებით გაიარა“. სრულად... წყარო: factcheck.ge

იმერეთი. განათლების განვითარების და დასაქმების ცენტრი და მეტყველების განვითარებისა და კორექციის ცენტრი „ლოგომედი“ ერთობლივი ინიციატივით ტყიბულში, ბავშვებსა და ზრდასრულებს სთავაზობს უფასო გამოკვლევებს მეტყველების დარღვევათა სრული დიაგნოსტირებისთვის.                                      წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) 2021 წლის 4 ივლისის მდგომარეობით, სრულად და არასრულად ვაქცინირებული პირების კოვიდ 19-ით ინფიცირების შესახებ სტატისტიკურ მონაცემებს აქვეყნებს. ინფოგრაფიკებში საუბარია არავაქცინირებული პირების განმეორებითი ინფიცირების შემთხვევების შესახებაც. „ვაქცინირებული პირების კორონავირუსით ინფიცირების 1912 შემთხვევა დადასტურდა. კორონავირუსი 2 დოზით ვაქცინირებულთა 0.5%-ს (547 პირი) და 1 დოზით ვაქცინირებულთა 0.9%-ს (1455 პირი) დაუდასტურდა. NCDC-ი არავაქცინირებული პირების განმეორებითი ინფიცირების 142 საეჭვო შემთხვევას სწავლობს, საიდანაც დღეის მდგომარეობით კორონავირუსი 5 პირს დაუდასტურდა“.                                                                                     წყარო: ორგანიზაციის გვერდი სოციალურ ქსელში

თბილისი. მითების დეტექტორი ბლოგერ Natia Colussi-ს მიერ გავრცელებულ მორიგ დეზინფორმაციაზე ბლოგპოსტს აქვეყნებს.  10 ივლისს, Natia Colussi (ნათია ქოლუსი) გამოეხმაურა ორგანიზაცია „პარტნიორობა ადამიანის უფლებებისთვის“ (PHR) მიერ სასწავლო გეგმაში ინკლუზიური სექსუალური და რეპროდუქციული ჯანმრთელობის საკითხების შეტანის შესახებ სარჩელს. Colussi-ს მტკიცებით, სრჯ საკითხების სწავლების შეტანა სკოლებში თაობების განადგურებას უდრის, ხოლო სიტყვა „ინკლუზიური“ სქესის არ არსებობის აღმნიშვნელი ტერმინია. „ნათია ქოლუსის მიერ გავრცელებული ინფორმაცია, თითქოს ინკლუზიური სექსუალური და რეპროდუქციული ჯანმრთელობის საკითხების სასწავლო პროცესში შეტანა მათთვის არაბინარული იდენტობის შესახებ ინფორმაციის მიწოდებას და იმის სწავლებას გულისხმობს, თითქოს სქესი არ არსებობს, მცდარია. PHR-ის სარჩელი ბავშვებზე სექსუალური ძალადობის პრევენციას მიემართება, ხოლო ინკლუზიურობა ნიშნავს იმას, რომ ყველა ადამიანს მიუწვდებოდეს ხელი განათლების უფლებაზე“. სრულად... წყარო: mythdetector.ge

იმერეთი. განათლების განვითარების და დასაქმების ცენტრი (ЕDEC), მეტყველების განვითარებისა და კორექციის ცენტრის „ლოგომედი“ ჩართულობით, ყოველ სამშაბათს, გთავაზობთ უფასო კონსულტაციას მეტყველების დარღვევათა სრული დიაგნოსტირებისთვის. „უფასო კონსულტაცია, მეტყველების ნებისმიერი ტიპის დარღვევათა აღმოჩენას, დიაგნოსტიკას, მიზეზის დადგენას, პრობლემის დასაძლევად საჭირო ღონისძიებებისა და მოქმედების გეგმის დასახვას ითვალისწინებს მიზნად“. სრულად... წყარო: ორგანიზაციის გვერდი სოციალურ ქსელში

თბილისი. ქუთაისსა და ბათუმში პარტნიორობა ადამიანის უფლებებისთვის (PHR) ინიციატივით, იურისტებთან, ექიმებთან და ფსიქოლოგებთან ჩატარდა ტრენინგი შეზღუდული შესაძლებლობის მქონე ქალების სექსუალური და რეპროდუქციული ჯანმრთელობის უფლებების შესახებ. „ტრენერებმა განიხილეს რას მოიცავს სექსუალური და რეპროდუქციული ჯანმრთელობის უფლება, რა დამატებით სირთულეებს აწყდებიან შეზღუდული შესაძლებლობის მქონე ქალები აღნიშნული უფლებებით სარგებლობისას, რა ვალდებულებები აქვს სახელმწიფოს ნაკისრი, როგორც საერთაშორისო ხელშეკრულებებით, ასევე საქართველოს კანონით „შეზღუდული შესაძლებლობის მქონე პირთა უფლებების“ შესახებ.“ სრულად... წყარო: phr.ge

თბილისი. ადამიანის უფლებათა ცენტრმა გამართა ანგარიშის პრეზენტაცია - „კორონავირუსის პანდემია - უფასო იურიდიული დახმარება და ადამიანის უფლებების მონიტორინგი“, რომელიც მომზადდა პროექტის „უფასო იურიდიული ადვოკატირება და ადამიანის უფლებების მონიტორინგი კორონავირუსის პანდემიის შემდეგ“ ფარგლებში. ადამიანის უფლებათა ცენტრი პროექტს ახორციელებდა თბილისსა და საქართველოს ხუთ რეგიონში (შიდა ქართლი, კახეთი, ქვემო ქართლი, იმერეთი და სამეგრელო) საქართველოში ნიდერლანდების საელჩოს მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. პრევენციის ეროვნული მექანიზმის 2020 წლის ანგარიშში წაიკითხავთ ინფორმაციას პენიტენციური ჯანდაცვის კუთხით არსებულ მდგომარეობაზე. სრულად... წყარო: ombudsman.ge

თბილისი. პრევენციის ეროვნული მექანიზმის 2020 წლის ანგარიშის თანახმად, ფსიქიატრიული დაწესებულებების პაციენტები არ არიან დაცულნი ძალადობის, არაადამიანური და დამამცირებელი მოპყრობისაგან. არასათანადო მოპყრობის ფაქტები ფსიქიატრიულ დაწესებულებებში სხვადასხვა ფორმებით, მასშტაბებით და სიმწვავით ვლინდება.  უფრო ვრცლად იხილეთ: პრევენციის ეროვნული მექანიზმის 2020 წლის ანგარიში… წყარო: ombudsman.ge

თბილისი. საქართველოს სახალხო დამცველის მიმართვის საფუძველზე, სამედიცინო და ფარმაცევტული საქმიანობის რეგულირების სააგენტომ შეისწავლა მცირეწლოვანი ბავშვების თვითნებური ე.წ. „მაუგლის მეთოდით“ მკურნალობის საკითხი და უკანონო საექიმო საქმიანობის განხორციელების ფაქტი დაადგინა. შესწავლის შედეგად გამოიკვეთა, რომ აღნიშნული მეთოდი წარმოადგენს ბავშვების სიცოცხლის და ჯანმრთელობისთვის რისკის შემცველ ჩარევას, რასაც განსაკუთრებით მათ ადრეულ ასაკში, მძიმე და შეუქცევადი გართულებების განვითარება შეიძლება მოჰყვეს. აღნიშნული მეთოდის განმახორციელებელ პირს ადმინისტრაციული პასუხისმგებლობა დაეკისრა. სრულად... წყარო: ombudsman.ge

თბილისი. თბილისის სახელმწიფო უნივერსიტეტის (თსუ) იურიდიული ფაკულტეტის საერთაშორისო სამართლის ინსტიტუტი აღმოსავლეთ-დასავლეთის მართვის ინსტიტუტის „კანონის უზენაესობის მხარდაჭერა საქართველოში“ (USAID/PROLoG) პროგრამასთან თანამშრომლობით, გიწვევთ ონლაინ კონფერენციასა და სტატიათა კრებულის პრეზენტაციაზე თემაზე: „ადამიანის უფლებათა დაცვა პანდემიის დროს საქართველოში“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს წითელის ჯვრის საზოგადოება აქვეყნებს საინფორმაციო ბროშურას მოწევის მავნებლობის შესახებ. მოწევას უკავშირდება კოვიდ-19-ის მწვავე ფორმის განვითარების მაღალი რისკი, სიმსივნე და გულ-სისხლძარღვთა დაავადებები... სრულად... წყარო: ორგანიზაციის გვერდი სოციალურ ქსელში

თბილისი. მედიის განვითარების ფონდი (MDF) და The Critical Mass (TCM) გიწვევთ ერთობლივ ვებინარზე: „შერყეული ნდობა: დეზინფორმაცია საზოგადოებრივი ჯანდაცვის სფეროში და მისი გავლენა საქართველოს საზოგადოებაზე”, რომელიც 4 ივნისს, 17:00 საათზე ონლაინ გაიმართება. შეხვედრაზე წარმოდგენილი იქნება TCM-ის ახალი ანგარიშის მთავარი მიგნებები რუსული დეზინფორმაციის გავლენაზე საზოგადოებრივი ჯანდაცვის სფეროზე საქართველოში. ასევე ვისაუბრებთ ინფოდემიაზე და კრემლის ინფორმაციულ ოპერაციებზე საქართველოში, Facebook-ის პოლიტიკაზე COVID-19-ის დეზინფორმაციის წინააღმდეგ და საქართველოს მთავრობის სტრატეგიული კომუნიკაციაზე გლობალური პანდემიის პირობებში. ღონისძიებაზე დასასწრებად გთხოვთ გაიაროთ რეგისტრაცია 2 ივნისამდე... სრულად... წყარო: ორგანიზაციის გვერდი სოციალურ ქსელში

აჭარა. გაეროს ბავშვთა ფონდის, დაავადებათა კონტროლის ეროვნული ცენტრისა და აჭარის ჯანდაცვისა და განათლების სამინისტროების ორგანიზებით, აჭარის რეგიონში ადგილობრივი სკოლის მასწავლებლებისა და ექიმებისთვის საინფორმაციო შეხვედრა გაიმართა კოვიდ 19-ის საწინააღმდეგო ვაქცინაციის შესახებ. სრულად... წყარო: www.unicef.org

კახეთი. 22-23 მაისს, კახეთში, სასტუმრო „შატო მერეში“, ადამიანის უფლებათა ცენტრის თანამშრომლები ესწრებოდნენ ტრენინგს სახელწოდებით - „COVID 19: სამოქალაქო საზოგადოების მოქნილობა და მდგრადობა”, რომელიც ფინანსდება ევროკავშირის (EU) მიერ და ხორციელდება ERIM (ყოფილი IREX Europe) და თბილისის ადამიანის უფლებათა სახლის (HRHT) მიერ. „გადაწვის თერაპიის ტრენინგის“ მიზანი იყო ესწავლებინა ცენტრის თანამშრომლებისთვის პრობლემის იდენტიფიცირება, სტრესთან გამკლავების გზები და გადაწვისგან თავის დასაღწევად ამოწურული რესურსების „შევსების” გზების ძიება. ტრენინგზე მიღებული გამოცდილება თანამშრომლებს დაეხმარა მნიშვნელოვან დეტალებზე ფოკუსირებასა და თადავჯერებულობის ამაღლებაში“.  სრულად... წყარო: ორგანიზაციის გვერდი სოციალურ ქსელში

აჭარა. აჭარაში ვიზიტის ფარგლებში, ევროკავშირის ელჩი, კარლ ჰარცელი მობილური მხარდაჭერის ჯგუფების მუშაობას გაეცნო. „„კოალიცია დამოუკიდებელი ცხოვრებისათვის“ თავმჯდომარემ, გიორგი ძნელაძემ კარლ ჰარცელს პროექტის, „შეზღუდული შესაძლებლობების მქონე პირთა მხარდაჭერა COVID-19-ით გამოწვეული ბარიერების დაძლევაში”, შესახებ მიაწოდა ინფორმაცია და მობილური მხარდაჭერის ჯგუფების საჭიროებაზე გაამახვილა ყურადღება. მობილური მხარდაჭერის ჯგუფებმა, აჭარის, გურიისა და სამეგრელოს რეგიონებში, მუშაობა 2021 წლის 11 იანვრიდან განაახლა. ისინი შეზღუდული შესაძლებლობის მქონე პირებს ადაპტირებული ავტოსატრანსპორტო საშუალებით, უფასოდ ემსახურება“, ნათქვამია ორგანიზაციის გვერდზე სოციალურ ქსელში.  სრულად... წყარო: ორგანიზაციის გვერდის სოციალურ ქსელში

აფხაზეთი. USAID საქართველო გადაუდებელ დახმარებას უწევს აფხაზეთს COVID-19 პანდემიაზე რეაგირებაში. „2020 წლის ივნისიდან ჩვენ, UNICEF–თან თანამშრომლობით 6000 ლიტრი ხელის სადეზინფექციო სითხე და 350 დისპენსერი გადავეცით აფხაზეთის საჯარო სკოლებს. ეს მხოლოდ ერთ-ერთი მაგალითია იმისა, თუ როგორ ეხმარება USAID საქართველო COVID-19-ის წინააღმდეგ ბრძოლაში საქართველოს ყველა რეგიონს, მათ შორის აფხაზეთს“, ნათქვამია ორგანიზაციის გვერდზე სოციალურ ქსელში.  სრულად... წყარო: ორგანიზაციის გვერდი სოციალურ ქსელში

სამცხე-ჯავახეთი. გაეროს ბავშვთა ფონდის წარმომადგენელი საქართველოში, ღასან ხალილი იმუნიზაციის სახელმწიფო პროგრამის ფარგლებში COVID-19-ის საწინააღმდეგო ვაქცინით ახალციხეში აიცრა.  "ვაქცინაცია კრიტიკულად მნიშვნელოვანია, რომ დავამარცხოთ პანდემია, რომელიც ყველა ჩვენგანზე, და მათ შორის, ბავშვებზე ახდენს გავლენას, არავინ არ იქნება დაცული, სანამ ყველა არ იქნება დაცული." - ამბობს დოქტორი ხალილი.  სრულად... წყარო: ორგანიზაციის გვერდი სოციალურ ქსელში

თბილისი. გაეროს ბავშვთა ფონდი აქვეყნებს სტატიას: რა უნდა იცოდეთ COVID-19-ის საწინააღმდეგო ვაქცინაციის დროს, ვაქცინაციამდე და ვაქცინაციის შემდეგ. სტატიის თანახმად, ვაქცინაციამდე უნდა მოვიძიოთ ინფორმაცია და გავემიჯნოთ დეზინფორმაციას. თუ რომელიმე ვაქცინაზე ალერგიული რეაქციის გამოცდილება გვქონდა, უნდა გავესაუბროთ ექიმს და მოვუაროთ თავს - დავლიოთ სითხე საკმარისი რაოდენობით, გამოვიძინოთ... ვაქცინაციის დღეს, უნდა დავიცვათ უსაფრთხოება, გვქონდეს კომუნიკაცია ექიმთან და შევინახოთ დოკუმენტები.  ვაქცინაციის შემდეგ, მედ. პერსონალი დაახლოებით 15 წუთის განმავლობაში უნდა დაგვაკვირდეს, რომ მყისიერი რეაქციის შემთხვევაში დაგვეხმარონ, თუმცა მწვავე რეაქციები იშვიათია. ვაქცინაციის შემდეგ შესაძლოა გვერდითი მოვლენები აღგვენიშნოს (თავის/კუნთების ტკივილი, ტემპერატურის მატება, ნანემსარის ტკივილი...) და ამისთვის მზად უნდა ვიყოთ, სიმპტომები რამდენიმე დღეში თავისით გაგვივლის. ვაქცინაციის შემდეგ, იმუნიტეტის გამომუშავებას დრო სჭირდება, ამიტომაც მომთმენები უნდა ვიყოთ. ვაქცინაციის შემდეგაც აუცილებელია ნიღბის ტარება, დისტანციის შენარჩუნება, ხელების დაბანა/დამუშავება. აცრები მაღალეფექტურობით გამოირჩევა, თუმცა ჯერ კიდევ კვლევის საგანია, შესაძლებელია თუ არა დაავადება გაავრცელოს ვაქცინირებულმა, თუნდაც უსიმპტომო ადამიანმა. სრულად... წყარო: www.unicef.org

სამცხე-ჯავახეთი. გაეროს ბავშვთა ფონდის ორგანიზებით, და აშშ საერთაშორისო განვითარების სააგენტოს ფინანსური მხარდაჭერით დაავადებათა კონტროლისა და საზოგადოებრივი ჯანმრთელობის ეროვნული ცენტრის წარმომადგენლებმა და ჯანდაცვის ცნობილმა ექსპერტებმა კიდევ ერთი საინფორმაციო შეხვედრა გამართეს ახალქალაქში, ამჯერად ადგილობრივ სამედიცინო პერსონალთან. შეხვედრისას ისაუბრეს საქართველოში COVID-19-ისა და იმუნიზაციის მხრივ არსებული მდგომარეობაზე. სრულად... წყარო: ორგანიზაციის გვერდი სოციალურ ქსელში