თბილისი. „საერთაშორისო გამჭვირვალობა - საქართველო" (TI) მიიჩნევს, რომ ტელეკომპანია „ობიექტივის" ეთერში კანონთან შეუსაბამო პოლიტიკური რეკლამები გადის. „ბოლო კვირების განმავლობაში, ტელეკომპანია „ობიექტივის" ეთერში ტრიალებს პოლიტიკური გაერთიანება „საქართველოს პატრიოტთა ალიანსის" რეკლამები, რაც არჩევნების ოფიციალურად გამოცხადებამდე აკრძალულია და „მაუწყებლობის შესახებ" კანონის დარღვევად ითვლება", - ვკითხულობთ ორგანიზაციის მიერ გავრცელებულ ინფორმაციაში, - „თუ დადგინდა, რომ ზემოაღნიშნული სარეკლამო შინაარსის ვიდეორგოლები უსასყიდლოდ გადის ტელეკომპანია „ობიექტივის” ეთერში, ადგილი ექნება ტელეკომპანიის მიერ პოლიტიკური გაერთიანება „საქართველოს პატრიოტთა ალიანსის" სასარგებლოდ განხორციელებულ შემოწირულებას". სრულად  წყარო: ორგანიზაციის ვებგვერდი

თბილისი. საქართველოს ჟურნალისტური ეთიკის ქარტიის საბჭოს გადაწყვეტილებით ტელეკომპანია „იბერიის” წამყვანმა, აკაკი გოგიჩაიშვილმა დაარღვია ქარტიის პირველი პრინციპი, რომლის თანახმადაც ჟურნალისტმა პატივი უნდა სცეს ადამიანის უფლებას მიიღოს ზუსტი ინფორმაცია. „მის წინააღმდეგ განცხადება შემოიტანა განათლების საერთაშორისო ცენტრმა. ის სადავოდ ხდიდა გადაცემა „ბიზნეს კოდის” იმ ეპიზოდს, რომელიც ამ ცენტრის საქმიანობას მიეძღვნა.  მათი აზრით, წამყვანმა აუდიტორიას არასწორი ინფორმაცია მიაწოდა.  საბჭომ სადავო მასალა მხოლოდ პირველი პრინციპის ჭრილში განიხილა და დარღვევა დაადგინა”, ნათქვამია ორგანიზაციის ვებგვერდზე. სრულად... წყარო: qartia.ge

თბილისი. 10 ივლისს, საია-მ პროექტის, „ichange.gov.ge პეტიციების პორტალის შესახებ საზოგადოებაში ცნობიერების ამაღლებისა და განათლების კამპანიის" დახურვის ღონისძიება გამართა. დამსწრე საზოგადოებას მიეწოდა ინფორმაცია პროექტის ფარგლებში განხორციელებული საქმიანობის შესახებ, ასევე, წარდგენილი იქნა პეტიციების პორტალთან დაკავშირებით შემუშავებული რეკომენდაციები. დახურვის ღონისძიებაზე, ასევე, გაიმართა პროექტის ერთ-ერთი პარტნიორის, ორგანიზაცია „სიდას" მიერ ორგანიზებულ მედიაკონკურსში გამარჯვებული ჟურნალისტების დაჯილდოება. სრულად  წყარო: gyla.ge

სამეგრელო. 5-6 ივლისს, ტექნოპარკში ზუგდიდის ახალგაზრდული ცენტრის წევრებმა გაიარეს 2 დღიანი ვორქშოფი გაზეთების დიზაინის შექმნაზე.  „ვორქშოფის ფასილიტატორმა გიორგი ხალათიანმა მონაწილეებს გააცნო დიზაინის შექმნის სპეციფიკა და ახალგაზრდებმა დაამზადეს გამოსაცემი ბეჭდური მასალის (პროექტის ფარგლებში დაგეგმილი) ელექტრონული ვარიანტების სამუშაო ვერსიები. ვორქშოფის ბოლოს ახალგაზრდებმა ჩამოაყალიბეს ყოველთვიური გაზეთის დიზაინსა და შინაარსობრივ ნაწილზე პასუხისმგებელი გუნდები", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. ეკონომიკური მედია სკოლის მეცხრე ნაკადის მსმენელებს სერტიფიკატები გადაეცათ.  „სასწავლო კურსი 2 თვის განმავლობაში გრძელდებოდა და მისი მიზანი ჟურნალისტებისთვის ფინანსური განათლების ამაღლება იყო. ტრენინგებს გიორგი ბაქრაძე და მოწვეული ექსპერტები ატარებდნენ, რომელთა შორისაც ეროვნული ბანკის პრეზიდენტი კობა გვენეტაძეც იყო. მედია სკოლის მსმენელებს სერტიფიკატები ილიაუნის ბიზნესის სკოლის დეკანმა, გიორგი ქადაგიძემ გადასცა. სკოლის მეცხრე ნაკადი 20 ჟურნალისტისგან შედგებოდა, რომლებმაც ეკონომიკის საფუძვლები სპეციალური კურსის მიხედვით შეისწავლეს. მედია სკოლა მეათე ნაკადის მიღებას შემოდგომიდან დაიწყებს", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

აჭარა. 30 ივნისს, ბათუმის ახალგაზრდული ცენტრის მოხალისეებს, მედიის განვითარების ფონდის წარმომადგენელმა, დალი ქურდაძემ მედია წიგნიერების სემინარი ჩაუტარა. სემინარზე ისაუბრეს სოციალური მედია და ყალბი ინფორმაციის გავრცელების გამოწვევებზე. სრულად... წყარო: ორგანიზაციის ვებგვერდი სოციალურ ქსელში

თბილისი. საქართველოს ჟურნალისტური ეთიკის ქარტია აქვეყნებს სახელმძღვანელოს მედიაში შესწორების სტანდარტზე. „ჟურნალისტურ საქმიანობას თან სდევს შეცდომები, არაზუსტი დეტალების გავრცელება, რაც ზოგ შემთხვევაში სისწრაფის, უყურადღებობის, პროფესიონალიზმის ნაკლებობის, მწირი გამოცდილების ანდა სხვა მიზეზით არის გამოწვეული. პასუხისმგებლიანი მედია, რომლისთვისაც აუდიტორიის სანდოობა და რეპუტაცია მნიშვნელოვანია, ცდილობს მყისიერად შეასწოროს დაშვებული შეცდომა, ამცნოს აუდიტორიას და იზრუნოს ზუსტი ინფორმაციის გავრცელებაზე. მცდარი ინფორმაციის შესწორებისას რედაქციის მთავარი მიზანი და გამოწვევაა, შეძლოს დაზუსტებული დეტალების იმავე აუდიტორისთვის მოწოდება, რომელმაც თავდაპირველად არასწორი ინფორმაცია მიიღო. შესწორების ფორმა სხვადასხვა შეიძლება იყოს იმის მიხედვით თუ რა ტექნოლოგიით, ფორმით გავრცელდა არასწორი ინფორმაცია, რა მასშტაბის აუდიტორიისთვის და რამდენი ხნით იყო ხელმისაწვდომი", ნათქვამია ორგანიზაციის ვებგვერდზე. სრულად... წყარო: qartia.ge

თბილისი. „კოალიცია მედიის ადვოკატირებისთვის" მიუღებელ და საფრთხისშემცველ პრეცედენტად აფასებს პირველი არხის მენეჯმენტის მხრიდან ხორავას ქუჩის ტრაგედიის შესახებ ,,გამომძიებელი რეპორტიორის" მიერ მომზადებული ფილმის ეთერში გასვლისთვის წარმოებულ პროცედურებს. „პირველი არხის აღმასრულებელი საბჭოს მიერ ამ თემაზე გავრცელებული განცხადების თანახმად, ეთერში გასვლამდე მენეჯმენტმა „აღნიშნული ფილმი გადააგზავნა ხორავას ქუჩაზე მომხდარი ტრაგედიის გამოსაძიებლად შექმნილ საპარლამენტო დროებით კომისიაში ერთი შეკითხვით, ხომ არ შეუშლიდა ხელს ამ ფილმის გაშვება გამოძიების პროცესს?! „ფილმი, ასევე, გადაეგზავნა სახალხო დამცველს, რამდენიმე არასამთავრობო ორგანიზაციას", - ვკითხულობთ განცხადებაში, - „ის, რომ საზოგადოებრივი მაუწყებლის ,,შესაბამისი სამსახური" მოკლებულია უნარს დამოუკიდებლად, როგორც კანონი კარნახობს - პოლიტიკური და ინტერესთა ჯგუფების ჩარევის გარეშე, მიიღოს სარედაქციო გადაწყვეტილება, აჩვენებს მენეჯმენტის არაკომპეტენტურობას, შიდაწარმოების სტანდარტებისა და პროცედურების მოშლილობას, რაც, თავის მხრივ, საფრთხეს უქმნის ჟურნალისტთა, მით უფრო გამომძიებელ ჟურნალისტთა, გამოხატვის თავისუფლების უფლებას საზოგადოებრივ მაუწყებელში". სრულად  წყარო: https://gyla.ge

თბილისი. საზოგადოებრივი ორგანიზაციების ნაწილი ავრცელებს განცხადებას „მედიაწიგნიერების განვითარების ხელშეწყობის სტრატეგიისა და სამოქმედო გეგმის” პროექტთან დაკავშირებით. ხელმომწერი ორგანიზაციები მიესალმებიან ამ ინიციატივას და საქართველოს კომუნიკაციის ეროვნული კომისიის მზაობას, ითანამშრომლოს სხვადასხვა ორგანიზაციებთან მედიაწიგნიერების სტრატეგიის შემუშავებისა და განხორციელების პროცესში, თუმცა, აღნიშნავენ, რომ პროექტის შემუშავების პროცესში არ ყოფილა დაცული საბაზისო წესები. ამდენად, ორგანიზაციები მიიჩნევენ, რომ სტრატეგია არასრულად ასახავს იმ გამოწვევებსა და საჭიროებებს, რის წინაშეც საქართველო დღეს დგას, შესაბამისად, საზოგადოებას სთავაზობს მედიაწიგნიერების ვიწრო გაგებას, რომელიც დაცლილია ადგილობრივი კონტექსტის გააზრებისგან. სრულად  წყარო: http://qartia.ge

თბილისი. საქართველოს ჟურნალისტური ეთიკის ქარტიის საბჭოს გადაწყვეტილებით, ტელეკომპანია რუსთავი 2-ის ჟურნალისტებმა, ეკა გაგუამ და ია გულიაშვილმა დაარღვიეს ქარტიის პირველი პრინციპი, რომელიც ჟურნალისტს ზუსტი ინფორმაციის გავრცელებას ავალდებულებს. „მათ წინააღმდეგ ქარტიას მომართა ჟურნალისტიკის რესურს ცენტრმა. სადავო გახდა ძროხების ხელოვნური განაყოფიერების შესახებ საინფორმაციო გამოშვება „კურიერში" გასული სიუჟეტი. სრულად...  წყარო: qartia.ge

თბილისი. საქართველოს ჟურნალისტური ეთიკის ქარტიის საბჭოს გადაწყვეტილებით, გაზეთ „ქრონიკა +-ის" მთავარმა რედაქტორმა, ელისო კილაძემ ქარტიის პირველი პრინციპი დაარღვია, რომლის მიხედვითაც ჟურნალისტმა პატივი უნდა სცეს ადამიანის უფლებას, მიიღოს ზუსტი ინფორმაცია. მის წინააღმდეგ განცხადება ეკონომიკისა და მდგრადი განვითარების მინისტრმა, დიმიტრი ქუმსიშვილმა შემოიტანა. ის სადავოდ ხდიდა 2018 წლის 5 ივნისს გამოქვეყნებულ სტატიას სათაურით „კორუფცია VS მართლმსაჯულება". სრულად... წყარო: ორგანიზაციის ვებგვერდი სოციალურ ქსელში

თბილისი. „მითების დეტექტორი" ვალერი კვარაცხელიას და იური მეჩითოვის განცხადებებს ეხმაურება. 24 მაისს, „საქართველო და მსოფლიოს" ვებ-გვერდზე გამოქვეყნდა ტელეკომპანია „ობიექტივის" წამყვანისა და პარტია „ნეიტრალური/სოციალისტური საქართველოს" ლიდერის ვალერი კვარაცხელიას ინტერვიუ, რომელშიც ის აღნიშნავს, რომ საბჭოთა პერიოდში საქართველოში მეცნიერება, ხელოვნება და სპორტი ჰყვაოდა. იმავე ნარატივს გაზეთ „ასავალ-დასავალის” 14-20 მაისის ნომერში ფოტოხელოვანი იური მეჩითოვიც ახმოვანებს და აღნიშნავს, რომ საბჭოთა ეპოქამ „გენიალური ფილმები" და „სამეცნიერო სკოლები” შექმნა, რაც მონობაში ვერ გახდებოდა შესაძლებელი. „მტკიცება, თითქოს ქართული ხელოვნების მიღწევები საბჭოთა კავშირის დამსახურებაა, მცდარია და საბჭოთა ნოსტალგიის გაღვივებას ემსახურება. სინამდვილეში, ხელოვნების შედევრები სწორედ საბჭოთა ხელისუფლების საპასუხოდ, ტოტალიტარული სისტემის მხილებისთვის იქმნებოდა. დღეს უკვე გენიალურად მიჩნეულ ხელოვნების ნიმუშებს საბჭოთა ხელისუფლება, მათი ავტორების მსგავსად, არ სცნობდა და დევნიდა. თითქმის 70 წლიანი ცენზურის პირობებში, არაერთ ხელოვანს საკუთარი სიტყვისა და გამოხატვის თავისუფლება სიცოცხლის ფასად დაუჯდა", ნათქვამია ბლოგპოსტში. სრულად... წყარო: mythdetector.ge

იმერეთი. მედიის განვითარების ფონდის (MDF) მიერ ქუთაისის ახალგაზრდული ცენტრის წევრებისთვის ჩაატარა მედია წიგნიერების ტრენინგ-სემინარი, რომლის მიზანს წარმოადგენდა ახალგაზრდების ცნობიერების ამაღლება სოციალური მედიის და ყალბი ინფორმაციის გავრცელების თავიდან აცილების საკითხებზე.  ტრენინგზე განხილეს შემდეგი საკითხები: სოციალური მედია და ყალბი ინფორმაციის გავრცელების გამოწვევები; როგორ გადავამოწმოთ ვებ-გვერდები, წყაროები, პიროვნებები, ტროლები; როგორ გადავამოწმოთ ყალბი ფოტოები. სრულად... წყარო: ორგანიზაციის ვებგვერდი სოციალურ ქსელში

თბილისი. საქართველოს ჟურნალისტური ეთიკის საბჭოს სამდივნომ დასაშვებად სცნო მაგდალინა თოდუას განცხადება ტელეკომპანია რუსთავი 2-ის ჟურნალისტების წინააღმდეგ. სადავო მასალა 18 მაისს გავიდა საინფორმაციო გამოშვება „კურიერის" ეთერში. სიუჟეტი ეძღვნებოდა ზუგდიდში უფასო სასადილოს და სოციალურად დაუცველი მოსახლეობისთვის კვების ხარჯის შემცირებას. „განმცხადებელი, მაგდალინა თოდუა მიიჩნევს, რომ ჟურნალისტმა არ გადაამოწმა ფაქტები, დაეყრდნო მხოლოდ ერთი რესპონდენტის ნათქვამს, შესაბამისად მისი აზრით, დარღვეულია ქარტიის პირველი პრინციპი - სიზუსტე და მეთერთმეტე - ფაქტის განზრახ დამახინჯება", ნათქვამია ორგანიზაციის ვებგვერდზე სოციალურ ქსელში. სრულად... წყარო: qartia.ge

თბილისი. 27 მაისს, საქართველოს ჟურნალისტური ეთიკის ქარტიის საბჭომ ორგანიზაციის „პარტნიორობა ადამიანის უფლებებისთვის" განცხადება განიხილა. PHR-ი უთითებდა, რომ ტელეკომპანია „ობიექტივის" ჟურნალისტმა მომზადებულ სიუჟეტში პროფესიული ეთიკის მე-8 პრინციპი დაარღვია. „სადავო მასალა ეხებოდა მანუჩარ მელიქიძის ცხოვრებისეული ტრაგედიის შედეგებს და აღწერდა მის ჯანმრთელობის მძიმე მდგომარეობას. PHR-ი მიიჩნევდა, რომ ტრაგედიის სიმძაფრის გადმოცემისას მნიშვნელოვანი ადგილი დაეთმო მისი შვილების ემოციურ განცდებს, რა დროსაც ჟურნალისტმა გაავრცელა ბავშვებისთვის საზიანო ინფორმაცია". ქარტიის საბჭომ ორგანიზაციის მოსაზრებები გაიზიარა და მერვე პრინციპის დარღვევა დაადგინა. სრულად... წყარო: phrgeorgia.wordpress.com

თბილისი. 2018 წლის 25 მაისს საქართველოს სახალხო დამცველმა ადამიანის უფლებათა ევროპულ სასამართლოს საქმეზე - „შ.პ.ს. სამაუწყებლო კომპანია რუსთავი 2 და სხვები საქართველოს წინააღმდეგ" - სასამართლო მეგობრის მოსაზრებით მიმართა. „სასამართლო სექციის პრეზიდენტის მითითების შესაბამისად, სახალხო დამცველის მიერ წარდგენილი მოსაზრებები არ ეხება საქმის ფაქტობრივ გარემოებებს და დავის არსებით მხარეს. მოსაზრებებში სახალხო დამცველი შემოიფარგლა საკუთარი მანდატით და ყურადღება გაამახვილა საქმის მნიშვნელობის, ასევე ქვეყანაში გამოხატვის თავისუფლებისა და სამართლიანი სასამართლოს კუთხით არსებულ მდგომარეობასა და გამოწვევებზე", - ვკითხულობთ სახალხო დამცველის მიერ გავრცელებულ ინფორმაციაში. სრულად  წყარო: სახალხო დამცველის ვებგვერდი

თბილისი. საქართველოს ჟურნალისტური ეთიკის ქარტიის გადაწყვეტილებით, გადაწყვეტილებით trialeti.ge -ს ჟურნალისტმა ლელა ლობჟანიძემ ქარტიის პირველი (სიზუსტე) და მეხუთე (შესწორება) პრინციპები დაარღვია. მოსარჩელე, გიორგი კალატოზიშვილი მიიჩნევდა, რომ trialeti.ge-ზე გამოქვეყნებულ მასალაში ეთიკური სტანდარტები დაირღვა. სრულად... წყარო: qartia.ge

თბილისი. საქართველოს ჟურნალისტური ეთიკის ქარტია აქვეყნებს განცხადებას საპატრიარქოს მიერ „რუსთავი 2-ისთვის გამოცხადებულ ბოიკოტზე. „საქართველოში, როგორც დემოკრატიულ ქვეყანაში, ერთ-ერთი უმაღლესი ღირებულება სიტყვისა და გამოხატვის თავისუფლებაა. რაც არ უნდა კრიტიკულ და სხვა ჯგუფებისთვის მტკივნეულ თემაზე ამზადებდეს ჟურნალისტი გადაცემას, მისი გამოხატვის თავისუფლება დაცული უნდა იყოს. საპატრიარქოს მიერ მოწოდებული ბოიკოტი სწორედ ამ უფლების განხორციელებას უშლის ხელს, აგრესიის სამიზნედ აქცევს კონკრეტულ ჟურნალისტსა და ზოგადად მთელ მედიას. საქართველოს ჟურნალისტური ეთიკის ქარტია მიმართავს ხელისუფლებას, რომელიც უნდა იყოს ქვეყანაში სიტყვისა და გამოხატვის თავისუფლების გარანტი, დაიცვას ჟურნალისტების უსაფრთხოება, ამასთან დააფიქსიროს საკუთარი პოზიცია და მაგალითი მისცეს საზოგადოების სხვა ჯგუფებს ამ ტელეკომპანიასთან თანამშრომლობის გაგრძელებით", ნათქვამია განცხადებაში. სრულად... წყარო: qartia.ge

თბილისი. მედიის განვითარების ფონდი (MDF), ილიაუნი და მასწავლებელთა პროფესიული განვითარების ცენტრი მედიაწიგნიერების სასკოლო პროგრამის შემუშავებას გეგმავენ. შესაბამისი მემორანდუმი მხარეებს შორის დღეს გაფორმდა. თანამშრომლობის ფორმატში გათვალისწინებულია, სკოლებში მედიაწიგნიერების სასწავლო კურსის დანერგვის მიზნით, სილაბუსის შემუშავება, რომელიც სასკოლო სივრცეში მედია შინაარსის კრიტიკულ გააზრებას და ინფორმაციული უსაფრთხოების უნარების განვითარებას ისახავს მიზნად. მედიაწიგნიერების კურსის და სასწავლო რესურსების მომზადების შემდეგ, მასწავლებელთა პროფესიული განვითარების ეროვნული ცენტრთან პარტნიორობით, დაგეგმილია მედიის განვითარების ფონდის მიერ პედაგოგთა გადამზადება და ილიას სახელმწიფო უნივერსიტეტში მასწავლებელთა მომზადების საგანმანათლებლო პროგრამაში ახალი საგნის ინტეგრირება. პროექტი "სკოლებში მედიაწიგნიერებისა და კრიტიკული აზროვნების ხელშეწყობა” საქართველოში ნიდერლანდების საელჩოს მხარდაჭერით ხორციელდება. სრულად წყარო: ორგანიზაციის ვებგვერდი

თბილისი. საია-მ ადამიანის უფლებათა ევროპულ სასამართლოში საქმეზე - „შ.პ.ს. სამაუწყებლო კომპანია "რუსთავი 2” და სხვები საქართველოს წინააღმდეგ" - სასამართლო მეგობრის მოსაზრება წარადგინა. ევროპულ სასამართლოში გაგზავნილ წერილობით მოსაზრებებში საია მიმოიხილავს სამოქალაქო კოდექსის 85-ე და 89-ე მუხლებთან დაკავშირებით (იძულებით დადებული გარიგების შეცილების ვადა) საქართველოს უზენაესი სასამართლოს გადაწყვეტილებებს, ასევე, საქმეთა განაწილების პრინციპთან მიმართებით საერთაშორისო სტანდარტებსა და საქართველოს კანონმდებლობას. სრულად  წყარო: ორგანიზაციის ვებგვერდი

თბილისი. „მედიის განვითარების ფონდი" (MDF) აქვეყნებს კვლევას, რომელიც ერთწლიანი მედია მონიტორინგის შედეგების ანალიზს წარმოადგენს. მისი მიზანია 2017 წელს ქართულ მედიაში გამოვლენილი ანტიდასავლური გზავნილების და ყალბი ინფორმაციის ტიპოლოგიის შესწავლა.  „ანგარიში 2017 წლის 1 იანვრიდან 31 დეკემბრის ჩათვლით პერიოდს მოიცავს. შესავალ ნაწილში წარმოდგენილია კვლევის მთავარი მიგნებები, მეთოდოლოგია და ერთიანი რაოდენობრივი მონაცემები წყაროების მიხედვით. მეორე ნაწილში მიმოხილულია პროპაგანდის სტრატეგია და მეთოდები. ბოლო ნაწილში კი იმ წყაროების პროფილებია მოცემული, ვინც ყველაზე მეტად გამოირჩევა ანტიდასავლური რიტორიკით", ნათქვამია ორგანიზაციის ვებგვერდზე. სრულად... წყარო: mdfgeorgia.ge

აჭარა. დისკუსიათა ციკლის „მედია და საზოგადოება” მე-9 შეხვედრა გაიმართა ხულოს მუნიციპალიტეტის საჯარო ბიბლიოთეკაში. „შეხვედრას ესწრებოდნენ ხულოს მუნიციპალიტეტის სხვადასხვა სკოლის მოსწავლეები. მათი მოსაზრებები და შეხედულებები გადაცემა „ჰეშთეგის” ჟურნალისტმა მაგდა მარუაშვილმა და ინტერნეტ-გამოცემა " „ბათუმელების” კორესპოდენტმა ეკა ბარამიძემ მოისმინა. ახალგაზრდები ფიქრობენ, რომ გარემო პირობები, ტრანსპორტთან დაკავშირებული პრობლემა ხელს უშლის მათ სამოქალაქო აქტივიზმში ჩართულობაში”, ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში