თბილისი.ორგანიზაციამ „ქალები საერთო მომავლისთვის“ ახალი კვლევა გამოაქვეყნა: „საქართველოს შრომითი მიგრანტი ქალების სოციალურ–ეკონომიკური სტაბილურობა“. კვლევაში განხილულია ის გამოწვევები, რომლებსაც შრომითი მიგრანტი ქალები საქართველოში დაბრუნებისას აწყდებიან, შესწავლილია ამ გამოწვევების საფუძვლები, აღწერილია შრომითი მიგრანტი ქალების დაბრუნებისა და რეინტეგრაციის მხრივ არსებული ბარიერები და მოყვანილია შესაბამისი რეკომენდაციები სხვადასხვა უწყების მიმართ.  კვლევა გაეროს განვითარების პროგრამის, შვედეთისა და ევროკავშირის მხარდაჭერით ჩატარდა.  კვლევა ... წყარო: გაეროს განვითარების პროგრამა

თბილისი. საერთაშორისო ასოციაცია კივიტას გეორგიკამ ახალი პროექტი დაიწყო. პროექტის მიზანია ადგილობრივი პოლიტიკის შემუშავება ბავშვებისთვის მშობლების მიგრაციის გავლენის შესამსუბუქებლად. პროექტის სამიზნე მუნიციპალიტეტებია ქობულეთი და ტყიბული. პროექტი „თანამშრომლობა ადგილობრივი პოლიტიკის შემუშავებისთვის მიგრაციის გავლენის შესამცირებლად“ ხორციელდება საერთაშორისო ასოციაცია კივიტას გეორგიკას  მიერ „განვითარებაზე მიგრაციის გავლენის გაძლიერება საქართველოში“ (STREAMinG) ფარგლებში, რომელსაც ახორციელებს მიგრაციის პოლიტიკის განვითარების საერთაშორისო ცენტრი (ICMPD) ევროკავშირისა და შვეიცარიის განვითარების და თანამშრომლობის სააგენტოს (SDC) დაფინანსებით. სრულად... წყარო: ორგანიზაციის გვერდი სოციალურ ქსელში

მცხეთა-მთიანეთი. 29-30 ოქტომბერს, „მიგრაციის საკითხების ადვოკატირების ქსელის“ წევრმა ორგანიზაციებმა ქსელის შემდგომ განვითარებაზე საგურამოში, სამუშაო შეხვედრაზე იმსჯელეს. სამუშაო შეხვედრის ფარგლებში, მონაწილეებმა განიხილეს ქსელის ინსტიტუციური განვითარების, კოორდინაციის, სტრატეგიის და სამოქმედო გეგმის საკითხები. სრულად... წყარო: ორგანიზაციის გვერდი სოციალურ ქსელში

იმერეთი. 22 ივლისს, ევროკავშირის მხარდაჭერით და იმერეთის რეგიონული ჰაბის - ადგილობრივი დემოკრატიის სააგენტო საქართველოს (LDA Georgia) ორგანიზებით გაიმართა საჯარო შეხვედრა თემაზე „მიგრაციის გამომწვევი მიზეზები და დასაქმების შესაძლებლობები იმერეთის რეგიონში“. შეხვედრა გაიმართა პროექტის ,,სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში, რომელიც ხორციელდება ევროკავშირისა (EU) და კონრად ადენაუერის ფონდის (KAS) მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. თუ გსურთ, გაიგოთ მეტი უვიზო მიმოსვლის წესების შესახებ, თვალი ადევნოთ სიახლეებს, გაიზიაროთ სხვა მიგრანტების გამოცდილება ან საკუთარი გაუზიარო მათ, შეუერთდით მიგრაციის საერთაშორისო ორგანიზაციის (IOM Georgia) FB ჯგუფს „უვიზოდ ევროპაში“. „IOM-ის მიგრანტთა რესურს ცენტრების და FB ჯგუფის „უვიზოდ ევროპაში“-ს დახმარებით, საქართველოს მასშტაბით და ონლაინ შეგიძლია მიიღო ამომწურავი ინფორმაცია და გაიარო კონსულტაცია უვიზო მიმოსვლის წესების, პანდემიის პირობებში შენგენის ზონის ქვეყნებში შესვლის, დასაქმების, სამშობლოში დაბრუნების და ზოგადად, უსაფრთხო მიგრაციის და უკანონო მიგრაციასთან დაკავშირებული შესაძლო რისკების შესახებ“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიისა და საერთაშორისო ურთიერთობების კვლევის ფონდი აქვეყნებს გიორგი ბადრიძის ბლოგპოსტს: მასობრივი უკონტროლო მიგრაცია და საქართველოს ხელისუფლების პოზიცია. „უკრაინაში რუსეთის გაჩაღებულ ომს, მრავალ სხვა შედეგთან ერთად, მოჰყვა რუსეთის მოქალაქეების მრავალათასიანი ნაკადის შემოდინება საქართველოში. ამან ქვეყანაში დაპირისპირების კიდევ ერთი კერა გააჩინა, ოღონდ ამჯერად არა იმდენად საზოგადოების შიგნით, რამდენადაც მოქალაქეთა უმრავლესობას, რომელიც უკონტროლო იმიგრაციაში საფრთხეს ხედავს, და მთავრობას შორის, რომელიც აცხადებს, რომ არ აპირებს კონტროლის თუნდაც მინიმალური დონის შემოღებას. ხელისუფლების ყველაზე მაღალი ტრიბუნებიდან შეიძლება მოისმინოთ კრიტიკოსების დადანაშაულება ქსენოფობიაში და საკუთარი პოზიციის პრაგმატულად წარმოჩენა. მოდი, გავერკვეთ ფაქტებში და იმაში, თუ რამდენად გამართლებულია თითოეული პოზიცია მორალურად ან პრაგმატულად“. სრულად... წყარო: www.gfsis.org

თბილისი. საქართველოს ახალგაზრდა იურისტთა ასოციაცია (საია) საქართველოს ხელისუფლებას სწორი და თანმიმდევრული საიმიგრაციო პოლიტიკის გატარებისკენ მოუწოდებს. ორგანიზაცია მოუწოდებს: საქართველოს მთავრობას გადახედოს რუსეთის ფედერაციასთან უვიზო რეჟიმის საკითხს; საქართველოს პარლამენტს გადახედოს საიმიგრაციო კანონმდებლობას და ბინადრობის ნებართვის გაცემასთან დაკავშირებულ რეგულაციებს; შინაგან საქმეთა სამინისტროს ხელი არ შეუშალოს ისეთი პირების შემოსვლას, რომლებიც შესაძლოა იდევნებოდნენ რუსეთის ხელისუფლების მიერ. სრულად... წყარო: gyla.ge

კახეთი. სოციალური სამართლიანობის ცენტრი წარმოგიდგენთ პოდკასტების ციკლს „დაკარგული ხმები“. ორგანიზაცია ამ პოდკასტებში გვთავაზობს იმ სოციალური ჯგუფებისა და ადამიანთა ისტორიებს, რომელთა ხმები საზოგადოებას სუსტად, ან საერთოდ არ ესმის. „პოდკასტი პანკისის ხეობას და პანკისიდან მიგრირებულ ადამიანებს ეხება. ჩვენი სტუმრები არიან პანკისიდან ევროპის სხვადასხვა ქვეყანაში მიგრაციაში მყოფი ადამიანები. ამ ეპიზოდის მიზანია მოკლედ აღწეროს ბოლო წლებში პანკისში განვითარებული მოვლენები, ქარტეხილები და ახლანდელი რეალობა“. სრულად... წყარო: socialjustice.org.ge

თბილისი. „უფლებები საქართველოს“ ინიციატივით „მიგრაციის საკითხების ადვოკატირების ქსელი“ შეიქმნება. ორგანიზაციის აღმასრულებელმა დირექტორმა, ვლადიმერ მკერვალიშვილმა, პროექტის კოორდინატორებმა, ანი მუხიგულაშვილმა და ანა გუდაძემ, მიგრაციის საკითხებზე ადვოკატირების ქსელის დაფუძნების შესახებ მიგრაციის საერთაშორისო ორგანიზაციის (IOM) წარმომადგენლებთან ერთად ონლაინ შეხვედრა გამართეს. „შეხვედრის ფარგლებში, სხვადასხვა არასამთავრობო ორგანიზაციის წარმომადგენლებთან ერთად იმსჯელეს ქსელის მიზნებზე, სამომავლო გეგმებსა და ქსელის წევრობის საკითხებზე“. სრულად... წყარო: rights.ge

თბილისი. „უფლებები საქართველომ“, პლატფორმა Zoom-ის მეშვეობით, ონლაინ შეხვედრა გამართა პრაქტიკოს ადვოკატებთან, რომლებიც თავშესაფრის მაძიებლების, საერთაშორისო დაცვის სტატუსის მქონე პირებისა და საქართველოში მცხოვრები მიგრანტების უფლებების დაცვაზე მუშაობენ. სრულად... წყარო: rights.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს მარიამ შალვაშვილის სტატიას - „აჭარელი ეკომიგრანტების თვითაღქმა: უცხოდ ყოფნა და არასტაბილურობა”.  „წალკის მუნიციპალიტეტი ეთნიკურად და რელიგიურად საკმაოდ მრავალფეროვანი რეგიონია. აქ ცხოვრობენ ეთნიკურად ქართველები (ძირითადად აჭარლები, სვანები და იმერლები), ასევე ეთნიკურად სომხები, აზერბაიჯანელები და ბერძნები, მუსლიმები და ქრისტიანები. წალკის დაახლოებით 30%-ს აჭარელი ეკომიგრანტები წარმოადგენენ, მათი საცხოვრებელი სახლები და სოფლები ზემო აჭარაში საკმაოდ არამდგრადი და სიცოცხლისთვის საშიში იყო და ამის გამო წალკის მუნიციპალიტეტში 90-იანი წლების ბოლოდან 2007 წლამდე ეტაპობრივად ჩამოვიდნენ. თუმცა მათ გადმოსახლებას წინ უძღვოდა დაპირებები, რომ მათ წალკაში მაინც ექნებოდათ საცხოვრებელი პირობები და მდგრადი სახლები, თუმცა აშკარაა, რომ წალკაში აჭარელი ეკომიგრანტების ცხოვრების თითქმის ყველა ასპექტი განსაკუთრებული არამდგრადობით და არასტაბილურობით ხასიათდება. ეს სტატია ეფუძნება წალკაში და წალკის მუნიციპალიტეტის 6 სოფელში ვიზიტს და ადგილობრივებთან საუბარს ეკომიგრანტების ძირითადი პრობლემებისა და მათი თვითაღქმის შესახებ“, - ვკითხულობთ სტატიაში.  სრულად...   წყარო: ორგანიზაციის ვებგვერდი

თბილისი. მიგრაციის საერთაშორისო ორგანიზაცია (IOM UN MIGRATION) კოვიდ 19 მიგრაციის სახეების ფარგლებში კორონავირუსის პანდემიის შედეგად ქვეყანაში დაბრუნებული მიგრანტების ისტორიებს გვიზიარებს. „მიგრანტებისთვის ხელმისაწვდომ დასაქმების სექტორებში გაზრდილი უმუშევრობა მსოფლიოს მასშტაბით და გლობალური რეცესიით გამოწვეული შემცირებული შემოსავლები, ხშირად აიძულებს მიგრანტ მშობლებს ოჯახის საჭიროებების დასაკმაყოფილებლად იმუშაონ სარისკო გარემოში. ეს შეიძლება ასევე შეეხოს იმ მშობლებსაც, რომლებიც სამუშაოდ უცხო ქვეყნებში გაემგზავრნენ, მაგრამ შვილებს და ოჯახებს, რომლებიც სახლში ელოდებიან, ფულს ვეღარ უგზავნიან, რის გამოც საკუთარ ქვეყნებში დაბრუნება უწევთ“, ნათქვამია ორგანიზაციის ვებგვერდზე. სრულად... წყარო: georgia.iom.int

თბილისი. ტელეკომპანია „იმედიდან” გათავისუფლებული პროდიუსერის უფლებებს „საერთაშორისო გამჭვირვალობა-საქართველო” (TI) დაიცავს. ამის შესახებ ორგანიზაციამ უკვე განაცხადა.  „საერთაშორისო გაჭვირვალობა-საქართველო” უარყოფითად აფასებს ტელეკომპანია „იმედიდან” პროდიუსერის, მაია სტეფნაძის გათავისუფლების ფაქტს. ჟურნალისტის განცხადებით, ტელევიზიიდან სოციალურ ქსელ „ფეისბუკში” ხელისუფლების მიმართ გაკეთებული კრიტიკული მოსაზრებების გამო გაუშვეს", - ნათქვამია ორგანიზაციის მიერ გავრცელებულ განცხადებაში, - „მაია სტეფნაძეს პროდუსერად მუშაობის ხანგრძლივი გამოცდილება აქვს. მის გადაცემებს საკმაოდ მაღალი რეიტინგი ჰქონდა, რის გამოც, „იმედის” ხელმძღვანელობამ გათავისუფლებამდე ერთი თვით ადრე წაახალისა და ანაზღაურება მოუმატა. ამ გარემოების გათვალისწინებით, გაუგებარია რა შეიძლებოდა ყოფილიყო მისი სამსახურიდან გაშვების სხვა საფუძველი".  სრულად... წყარო: ორგანიზაციის ვებგვერდი

თბილისი. საქართველოს სტრატეგიისა და საერთაშორისო ურთიერთობების კვლევის ფონდი აქვეყნებს კახა გოგოლაშვილის ბლოგპოსტს: ცირკულარული შრომითი მიგრაციის ახალი შესაძლებლობა საქართველოსა და ევროკავშირს შორის. „ყოველწლიურად საქართველოს სამი-ოთხი ათასი მოქალაქე ცდილობს ევროკავშირის წევრ ქვეყნებში სამუშაოდ დარჩენას (ძირითადად არალეგალურად). იმ შემთხვევაში, თუ საქართველოსთან „პარტნიორობა მობილურობისთვის" დეკლარაციის ხელმომწერი ევროკავშირის წევრი 16 სახელმწიფოდან თითოეული გამოყოფს წლიურ კვოტას რამდენიმე ასეული მიგრანტის ლეგალური ცირკულარული დასაქმებისთვის, მნიშვნელოვნად შემცირდება იმ მოქალაქეების რაოდენობა, ვინც აღნიშნულ ქვეყნებში არალეგალურად ცდილობს დარჩენას", ნათქვამია ორგანიზაციის ვებგვერდზე. სრულად... წყარო: www.gfsis.org

თბილისი. პროექტის „პარტნიორობა მიგრანტთა უფლებებისთვის (G-PMR)” ფარგლებში, „სიდა" აგრძელებს საინფორმაციო შეხვედრებს რეგიონებში ადგილობრივ მოსახლეობასთან. შეხვედრების მიზანია, ადგილობრივი მოსახლეობისთვის, მიგრაციასთან დაკავშირებული საკითხების შესახებ ინფორმაციის მიწოდება. სრულად... წყარო: ორგანიზაციის ვებგვერდი სოციალურ ქსელში

თბილისი. „აღმოსავლეთ ევროპის მრავალპარტიული დემოკრატიის ცენტრი" (EECMD) და ფონდი „ღია საზოგადოება - საქართველო" 16 თებერვალს ბათუმში ევროკავშირთან ასოცირების ხელშეკრულებით ნაკისრი ვალდებულებების შესრულების ანგარიშის პრეზენტაციას მართავს. ანგარიშები შეეხება შემდეგ საკითხებს: კორუფციის წინააღმდეგ ბრძოლა და საჯარო სამსახურის რეფორმა; შრომის სტანდარტები; ბავშვთა უფლებები; გარემოს დაცვა თანასწორობა. 11:00 საათზე, „თავისუფალ ჟურნალისტთა სახლში" (მისამართზე - მემედ აბაშიძის №48) ორგანიზაცია „პარტნიორობა ადამიანის უფლებებისთვის" აღმასრულებელი დირექტორი, ანა არგანაშვილი ბავშვთა უფლებების საკითხზე ისაუბრებს; პარალელურად, მრავალპარტიული დემოკრატიის აღმოსავლეთ ევროპულ ცენტრში (დემოკრატიის სკოლა, ახმედ მელაშვილის №20) კორუფციის წინააღმდეგ ბრძოლისა და საჯარო სამსახურის რეფორმის, შრომის სტანდარტების, გარემოს დაცვისა და თანასწორობის საკითხებს მიმოიხილავენ. დასწრება ორივე შეხვედრაზე თავისუფალია. სრულად  წყარო: http://www.osgf.ge

იმერეთი. სამოქალაქო განვითარების სააგენტომ (სიდა) ქუთაისის დემოკრატიული ჩართულობის ცენტრში ტრენინგი ჩაატარა. „ტრენინგი შეეხო ისეთ საკითხებს, როგორიცაა: მსოფლიოში/ევროპაში მიმდინარე მიგრაციული პროცესი; რეგულირებული და არარეგულირებული მიგრაცია ევროკავშირში; უვიზო მიმოსვლით წესები; შრომითი ექსპლოატაციის/ტრეფიკინგის საფრთხეები და პრევენციის გზები; თავშესაფრის უსაფუძვლო მოთხოვნა ევროკავშირში; დაბრუნებულ მიგრანტთა რეინტეგრაცია", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

აჭარა. 29 ივნისს, საქართველოს ახალგაზრდა იურისტთა ასოციაციის აჭარის ფილიალში, პროექტის „მიგრაციის მართვის განვითარება საქართველოში"-ის ფარგლებში, სამოქალაქო სექტორის წამომადგენლებისთვის გაიმართა ტრენინგ-სემინარი მიგრაციაზე. „შეხვედრაზე განხილული იქნა შემდეგი საკითხები: არალეგალური მიგრაცია, ტრეფიკინგი, მიგრანტთა მოლოდინები და რეალობა, ევროკავშირთან ვიზალიბერალიზაციის პროცესი (არსებული შესაძლებლობები და გამოწვევები), მიგრაციის მართვის საერთაშორისო და ადგილობრივი კანონმდებლობა და პრაქტიკა", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

გურია. 20 ივნისს, დემოკრატიული ჩართულობის ცენტრში ლიდერთა სკოლის დებატ-კლუბის საჩვენებელი დებატი გაიმართა, რეზოლუციაზე: მიგრაციული პროცესები აფერხებს რეგიონის განვითარებას. სასწავლო „ტრიმესტრის განმავლობაში მიღებული ინფორმაციების საფუძველზე მოზარდებმა მოამზადეს მტკიცებითი და უარმყოფელი პოზიციები მიგრაციული პროცესების გამომწვევ ფაქტორებზე, შედეგებზე. ყურადღება გაამახვილეს აღნიშნული საკითხის სამართლებრივ რეგულაციებზეც", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

გურია. მიგრაციის თემაზე სოციალური კლიპი მომზადდა. ორგანიზაციამ იგი საქართველოში მცხოვრებ ყოფილ და პოტენციურ მიგრანტთა საგანმანათლებლო და ბიზნეს საქმიანობების ხელშემწყობი პროექტის ფარგლებში მოამზადა. პროექტს ახორციელებს გურიის ახალგაზრდული რესურსცენტრი ევროკავშირის ფინანსური მხარდაჭერითა და სახალხო უნივერსიტეტთა გერმანული ასოციაციის (DVV International) საქართველოს ოფისთან და ოზურგეთის ახალგაზრდა მეცნიერთა კლუბთან პარტნიორობით.    

აჭარა. საქართველოს ახალგაზრდა იურისტთა ასოციაციის აჭარის ფილიალი (საია), პროექტ „მიგრაციის მართვის განვითარება საქართველოში"-ს ფარგლებში, მართავს კამპანიას - „წიგნები საქართველოდან ემიგრანტებისთვის". „კამპანიის მიზანია, წიგნის ბანკის შეგროვება, რათა, შემდგომ გაეგზავნოს ემიგრანტებს და შეიქმნას წიგნის კუთხე მსოფლიოს სხვადასხვა ქვეყანაში. აქციის ფარგლებში, საია-ს აჭარის ფილიალის ორგანიზებით, ორი ღონისძიება გაიმართა, ერთი ბათუმის შოთა რუსთაველის სახელმწიფო უნივერსიტეტში, ხოლო მეორე ბათუმის საზაფხულო თეატრში. მიმდინარე კამპანიის ფარგლებში, ჯამში 357 წიგნი შეგროვდა", ნათქვამია ორგანიზაციის ვებ-გვერდზე სოციალურ ქსელში. სრულად... წყარო: ორგანიზაციის ვებ-გვერდი სოციალურ ქსელში

12-13 მაისს, „სიდას" პროექტის ,„პარტნიორობა მიგრანტთა უფლებებისთვის" (GPMR) მენეჯერი, ბრიუსელში გამართულ „არადოკუმენტირებული მიგრანტების შესახებ საერთაშორისო თანამშრომლობის პლატფორმის" (PICUM) საერთო კრებას დაესწრო. „საერთო კრებაზე განხილულ იქნა მიგრაციის სფეროში მიმდინარე აქტუალური საკითხები და კენჭი ეყარა „სიდას" გაწევრიანებას აღნიშნულ პლატფორმაში, რომელსაც მხარი კრებაზე დამსწრეებმა ერთხმად დაუჭირეს. PICUM წარმოადგენს არასამთავრობო ორგანიზაციას, რომლის საქმიანობის მიზანია არადოკუმენტირებული მიგრანტების უფლებათა დაცვა ევროპის მასშტაბით. მასში ევროპის 31 ქვეყნის 156 ორგანიზაციაა გაწევრიანებული, რომელთაც საშუალება ეძლევათ გააღრმავონ საერთაშორისო პარტნიორობა და მონაწილეობა მიიღონ ევროპის მასშტაბით არადოკუმენტირებული მიგრანტების დაცვის მექანიზმების განვითარებაში”, ნათქვამია ორგანიზაციის ვებ-გვერდზე. სრულად... წყარო: www.cida.ge