კახეთი. 30 სექტემბერს, თელავში, მიგრაციის საერთაშორისო ორგანიზაციის მისიამ მობილურობის ცენტრი გახსნა. ცენტრი, მიგრაციის მიმართულებით საქართველოს მთავრობის გაძლიერების პროექტის ფარგლებში. ითვალისწინებს საქართველოში ახლადდაბრუნებული მიგრანტების მხარდაჭერას, რომლებიც საჭიროებენ დახმარებას. მიგრაციის საერთაშორისო ორგანიზაციის მისიის ხელმძღვანელი ილიანა დერილოვა აცხადებს, რომ „პროექტის მიზანია სამშობლოში დაბრუნებული მიგრანტების გრძელვადიანი რეინტეგრაციის უზრუნველყოფა. პროექტის ფარგლებში ვთანამშრომლობთ საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროსთან. პროექტს აქვს ორი მიმართულება - ინდივიდუალური სარეინტეგრაციო დახმარება და საინფორმაციო მომსახურება".

იმერეთი. 17 სექტემბერს, ქუთაისის ახალგაზრდული ცენტრის წევრებმა ორგანიზება გაუკეთეს საინფორმაციო კამპანიას არალეგალური მიგრაციის და ტრეფიკინგის საკითხებზე. კამპანიის მიზანს წარმოადგენდა მოსახლეობის ინფორმირება არალეგალური მიგრაციის და ტრეფიკნგის საფრთხეების შესახებ. ამ მიზნით ახალგაზრდებმა მსვლელობა მოაწყვეს და მოსახლეობას სხვადასხვა ორგანიზაციების მიერ მიწოდებული საინფორმაციო მასალები დაურიგეს. წყარო: ორგანიზაციის გვერდი სოციალურ ქსელში

იმერეთი. 9 სექტემბერს, ქუთაისის განათლების განვითარებისა და დასაქმების ცენტრის პროექტის - „ინდივიდუალური დახმარება ქართველ მიგრანტებს" - ფარგლებში ხონის მუნიციპალიტეტის სოფელ კუხში მოეწყო საინფორმაციო შეხვედრა. შეხვედრას პოტენციური მიგრანტები ესწრებოდნენ, დისკუსიამდე ნახეს ფილმი, რომელიც საბერძნეთისა და თურქეთის ისტორიას, ტრადიციებს და ამ ქვეყნებში მიგრაციასთან დაკავშირებულ საკითხებს ეხებოდა. ფილმის ჩვენების შემდეგ კი მიგრაციის დადებით და უარყოფით შედეგებზე ისაუბრეს. პროექტი ,,ინდივიდუალური დახმარება ქართველ მიგრანტებს’’ ინიცირებულია სამოქალაქო განვითარების სააგენტოს – „სიდა" მიერ ევროკავშირის ფინანსური მხარდაჭერით. პროექტი ხორციელდება საქართველოს 5 რეგიონში – ქართლი, ქვემო ქართლი, იმერეთი, სამეგრელო, აჭარა. იმერეთში პროექტის პარტნიორია ქუთაისის განათლების განვითარების და დასაქმების ცენტრი. წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაციისა და მშვიდობის, დემოკრატიისა და განვითარების კავკასიური ინსტიტუტის ორგანიზებით სემინარი გაიმართა. ღონისძიების მიზანი იყო ემიგრანტების როლის გაზრდა ქვეყნის განვითარების პროცესში, მათი ცნობიერების ამაღლება არალეგალური მიგრაციის რისკებზე და ლეგალური მიგრაციის შესაძლებლობებზე. წყარო: ორგანიზაციის გვერდი სოციალურ ქსელში

თბილისი. 31 ივლისს, არასამთავრობო ორგანიზაცია „სიდას" ორგანიზებით და ევროკავშირის ფინანსური მხარდაჭერით, გაიმართა კონფერენცია „ქალი და მიგრაცია". კონფერენცია წარმოადგენდა პროექტის „ინდივიდუალური დახმარება ქართველ მიგრანტებს" (G-PAC) ფარგლებში დაგეგმილი კამპანიის „ქალი და მიგრაცია" დასკვნით ღონისძიებას, რომელსაც ახორციელებს არასამთავრობო ორგანიზაცია „სიდა" პარტნიორ ორგანიზაციებთან ერთად. კონფერენციის მიზანი გახლდათ მიგრაციის საკითხებზე მომუშავე სამთავრობო, საერთაშორისო და არასამთავრობო ორგანიზაციებისა და მიგრანტების პირისპირ დიალოგის წახალისება ლეგალური და არალეგალური მიგრაციის საკითხებთან დაკავშირეებით. წყარო: www.cida.ge

კახეთი. მიგრაციის საერთაშორისო ორგანიზაციამ (IOM), 15  და 16 ივლისს,  გურჯაანსა და ყვარელში, საინფორმაციო შეხვედრა გამართა. შეხვედრის მიზანია მიგრაციით დაინტერესებული მოქალაქეებისთვის სანდო და უახლესი ინფორმაციის მიწოდება იყო ისეთ საკითხებზე როგორიცაა: ლეგალური დასაქმების შესაძლებლობები საზღვარგარეთ, დასაქმების შეთავაზების სანდოობა, სავიზო პროცდურები და უცხო ქვეყანაში ცხოვრების წესები, სწავლა საზღვარგარეთ და გაცვლითი პროგრამები, მუდმივი ბინადრობა და თავშესაფარი, და ა.შ.  შეხვედრა ჩატარდა ადამიანით ვაჭრობის წინააღმდეგ მიმართული ღონისძიებების განმახორციელებელი საუწყებათოშორისო საკოორდინაციო საბჭოს   საინფორმაციო კამპანიის ფარგლებში.

თბილისი. საქართველოს ახალგაზრდა იურისტთა ასოციაციისა და მშვიდობის, დემოკრატიის და განვითარების კავკასიური ინსტიტუტის ორგანიზებით გაიმართა კვლევის - „მუშაობის ნებართვა და შრომის ინსპექცია: გერმანია, ნიდერლანდები, პოლონეთი” - პრეზენტაცია. „კვლევის აქტუალურობა განაპირობა შრომით მიგრაციასთან დაკავშირებული საკითხების განსაზღვრის აუცილებლობამ, რადგან დღის წესრიგში დგას ქვეყანაში შრომითი მიგრაციის თვალსაზრისით საკანონმდებლო ბაზის შექმნის საჭიროება. ამდენად, კვლევა მიზნად ისახავდა შეესწავლა სხვა ქვეყნების გამოცდილება უცხოელთა ლეგალურად დასაქმების პროცედურების შესახებ. შერჩეულ იქნა ევროკავშირის სამი სახელმწიფო: ჰოლანდია, გერმანიის ფედერაციული რესპუბლიკა და პოლონეთი", ნათქვამია განცხადებაში. სრულად...  წყარო: gyla.ge

კახეთი. ახალგაზრდა იურისტთა ასოციაციის თელავის ოფისის წარმომადგენლებმა, 29 მაისს,  ლაგოდეხში საინფორმაციო შეხვედრები გამართეს. შეხვედრის მთავარი თემა ახალი პროექტის პრეზენტაცია იყო, რომლის ფარგლებშიც ორგანიზაცია ემიგრაციაში მყოფ საქართველოს მოქალაქეებს უფასო იურიდიულ დახმარებას გაუწევს.   „პროექტის ფარგლებში, ლაგოდეხის მუნიციპალიტეტის რამდენიმე სოფელში შევხვდით და ვესაუბრეთ მოსახლეობას. პროექტის ფარგლებში მომზადადა კვლევაც, რომელიც ითვალისწინებს საქართველოს კანონმდებლობის მიმოხილვას, მიგრანტთა უფლებების დაცვის კუთხით", განაცხადა საიას თელავის ოფისის ხელმძღვანელმა მარეხ მგალობლიშვილმა.  საინფორმაციო შეხვდრები კახეთის რეგიონის მასშტაბით გაგრძელდება.

შიდა ქართლი. 10–11 მარტს, სიდას პროექტის – „„ინდივიდუალური დახმარება ქართველ მიგრანტებს საბერძნეთსა და თურქეთში" ფარგლებში შიდა ქართლის სოფლებში გაიმართა კონსულტაციები. გასვლით შეხვედრებში მონაწილეობდნენ „კომპიუტერული ცოდნის გამავრცელებელი საზოგადოებისა" და პროექტის რეგიონული პარტნიორის „გორის საინფორმაციო ცენტრის" წარმომადგენლებიც. პროექტის გუნდი სამუშაო გარემოს ადგილზე გაეცნო. სოფლის კონსულტანტებმა პროექტის გუნდს გაუზიარეს მათი მოსაზრებები, ასევე სამუშაო გამოცდილება. მსგავსი ტიპის ვიზიტები იგეგმება სხვა რეგიონებშიც, რაც მიზნად ისახავს სამუშაო პროცესის ადგილზე გაცნობასა და საქმიანობის კოორდინაციას. პროექტი „ინდივიდუალური დახმარება ქართველ მიგრანტებს საბერძნეთსა და თურქეთში" (G-PAM), ხორციელდება არასამთავრობო „სიდა"-ს ფასილიტაციით და დაფინანსებულია ევროკავშირის მიერ. წყარო: ორგანიზაციის ვებგვერდი სოციალურ ქსელში

აჭარა. საზოგადოებრივი მაუწყებლის აჭარის ტელევიზიასა და რადიოში გამოცხადებული კონკურსისა და საკადრო პოლიტიკის შესახებ აჭარაში მოქმედი საზოგადოებრივი ორგანიზაციები ერთობლივ განცხადებას ავრცელებენ. „...ნებისმიერი საკითხი, ფინანსური, ტექნიკური, საკადრო უნდა წყდებოდეს მრჩეველთა საბჭოს და დირექტორის მიერ არა მხოლოდ მათი სუბიექტური შეხედულებით, არამედ საზოგადოებრივი მაუწყებლის აჭარის ტელევიზიისა და რადიოს და ზოგადად, საზოგადოების ინტერესების გათვალისწინებითაც. მრჩეველთა საბჭომ და დირექტორმა უნდა უზრუნველყონ, რომ მათი საქმიანობა ყოველთვის იყოს კოორდინირებული და ეფექტური...", ნათქვამია 12 ორგანიზაციის მიერ გავრცელებულ განცხადებაში. განცხადება

შიდა ქართლი. 9 დეკემბერს, გორში ადამიანის ჰარმონიული განვითარების ხელშემწყობი საზოგადოების ინიციატივით გაიმართა შეხვედრა თემაზე: დეკლარირებული და პასიური პოლიტიკიდან ემიგრანტთა დაბრუნების ეტაპობრივ პოლიტიკამდე. შეხვედრას ესწრებოდნენ გორში მოქმედი საზოგადოებრივი ორგანიზაციების წარმომადგენლები, საკრებულოს თავმჯდომარე, გამგეობის თავმჯდომარე და მედიის წარმომადგენლები. შეხვედრისას წარმოადგინეს ემიგრანტთა დაბრუნებასთან დაკავშირებული კვლევა,, რომლის შემდეგაც გაიმართა დისკუსია, თუ როგორი პირობების შექმნაა საჭირო ქვეყანაში, რათა საქართველოდან ემიგრირებულმა პიროვნებებმა მოინდომონ და შეძლონ უკან დაბრუნება. შეხვედრის ბოლოს მონაწილეებს გადაეცათ ორგანიზაციის მიერ ჩატარებული კვლევების საფუძველზე გამოცემული წიგნი. წიგნში ასევე შესულია ემიგრანტთა მონათხრობები.

კახეთი. კავკასიის გარემოსდაცვითი არასამთავრობო ორგანიზაციების ქსელის (CENN) კახეთის რეგიონულმა წარმომადგენლებმა ყვარელში, გამგეობის თანამშრომლებთან და ადგილობრივ არასამთავრობო ორგანიზაციებთან შეხვედრა გამართა. შეხვედრის დროს საუბარი შეეხო სტრუქტურული და მრავალმხრივი დიალოგის ჩამოყალიბებას სამხრეთ კავკასიის ქვეყნებში, ეკომიგრაციის სფეროს სისტემური რეფორმის ხელშეწყობასა და შემდგომ საპილოტე პროექტების განხორციელებას, რომელიც ორიენტირებული იქნება, ეკომიგრაციასთან და ეკომიგრანტებთან დაკავშირებულ საკითხებზე. ორგანიზაციის წარმომადგენელის, ანა ბენაშვილის თქმით, ორგანიზაციის ძირითად საქმიანობას წარმოადგენს ადგილობრივი დაინტერესებული მხარეების გაძლიერება, შესაძლებლობებისა და ცოდნის ამაღლება, რათა მათ საშუალება ჰქონდეთ, ეფექტური მონაწილეობა მიიღონ ეკომიგრაციასთან დაკავშირებული საკითხების პრიორეტიზაციის, პოლოტიკისა და სამოქმედო გეგმის შემუშავების განხორციელებაში.

აჭარა. 21 ნოემბერს, ბათუმის პრესკაფეში, საქართველოს ახალგაზრდა იურისტთა ასოციაციამ და მშვიდობის, დემოკრატიისა და განვითარების კავკასიური ინსტიტუტმა ევროკავშირის მიერ დაფინანსებული პროექტის საქართველოსა და ევროკავშირს შორის კარგად მართული მიგრაციის ხელშეწყობა ფარგლებში გამართეს დისკუსია. რომელშიც საზოგადოებრივი ორგანიზაციების წარმომადგენლები და სტუდენტები მონაწილეობდნენ. საუბარი შედგა საქართველოს მოქალაქეებისთვის ევროკავშირში ლეგალური მიგრაციის შესაძლებლობებსა და არალეგალური მიგრაციის საფრთხეების შესახებ.

სამცხე–ჯავახეთი. 20 ნოემბერს ახალციხეში, საქართველოს ახალგაზრდა იურისტთა ასოციაციისა და მშვიდობის, დემოკრატიისა და განვითარების კავკასიური ინსტიტუტის წარმომადგენლებმა ახალგაზრდებთან შეხვედრა გამართეს.  მონაწილეებმა იმსჯელეს თუ როგორ შეიძლება ლეგალური მიგრაციის შესაძლებლობების გამოყენება და რა საფრთხეებს შეიცავს მიგრაციის არალეგალური ფორმა.  აღნიშნული შეხვედრა ევროკავშირის მიერ დაფინანსებული პროექტის – „საქართველოსა და ევროკავშირს შორის კარგად მართული მიგრაციის ხელშეწყობა" – ფარგლებში გაიმართა. პროექტის ხელმძღვანელის, ხათუნა ბურკაძის განმარტებით, შეხვედრები სხვადასხვა რეგიონებში გაიმართება, რათა მოსახლეობას კონკრეტული წარმატებული მაგალითის საფუძველზე აუხსნან ლეგალურად დასაქმების შემთხვევაში რა ტიპის სამართლებრივი გარანტიები ექნებათ ემიგრანტებს.

კახეთი. საქართველოს ახალგაზრდა იურისტთა ასოციაციისთელავის ოფისში მიგრაციის საკითხებზე შეხვედრა გაიმართა. ღონისძიება საიასა და  მშვიდობის, დემოკრატიისა და განვითარების კავკასიური ინსტიტუტის ორგანიზებით ჩატარდა. შეხვედრა პროექტის – ,,საქართველოსა და ევროკავშირს შორის კარგად მართული მიგრაციის ხელშეწყობის'' – ფარგლებში გაიმართა და მის  მიზანს დაინტერესებული პირების აღნიშნულ თემატიკაზე ცნობიერების ამაღლება წარმოადგენდა.ხათუნა ბულკაძე, პროექტის ხელმძღვანელი: ,,აღნიშნული პროექტი ფოკუსირდება ოთხ მთავარ ამოცანაზე, ესენია: მიგრაცია და განვითარება, მიგრაციის კანონმდებლობისა და პოლიტიკის განვითარების ხელშეწყობა, არალეგალური მიგრაციისა და ტრეფიკინგის წინააღმდეგ ბრძოლა. ვრცლად ვისაუბრეთ მიგრანტთა უფლებების დაცვასა და ლეგალური მიგრაციის შესახებ".

თბილისი. საქართველოს ახლაგაზრდა იურისტთა ასოციაციამ და მშვიდობის, დემოკრატიის და განვითარების კავკასიურმა ინსტიტუტმა ცირკულარულ მიგრაციასთან დაკავშირებული კვლევის პრეზენტაცია გამართეს. აღნიშნული კვლევა ეხება საქართველოსა და ევროკავშირს შორის ცირკულარული მიგრაციის სქემების განვითარების შესაძლებლობებს, კერძოდ, კვლევის შედეგად გაანალიზებულია  ცირკულარული მიგრაციის ცნება, მიზნები, საქართველოდან ევროკავშირში შრომითი მიგრაციის ხასიათი, არალეგალური მიგრაცია, მიგრაციის ასპექტები, რომელთა მოგვარებაც შესაძლებელია ცირკულარული სქემებით, ცირკულარული მიგრაციის პროგრამების სარგებელი მიგრანტებისთვის, ცირკულარული მიგრაციის სქემები ევროკავშირსა და მესამე ქვეყნებს შორის, საქართველოსთან მიმართებით ცირკულარული მიგრაციის განვითარების პერსპექტივები. კვლევა განხორციელდა პროექტის – „საქართველოსა და ევროკავშირს შორის კარგად მართული მიგრაციის ხელშეწყობა" – ფარგლებში. პროექტი დაფინანსებულია ევროკავშირის მიერ. სრულად წყარო: gyla.ge

ქვემო ქართლი. ნოემბრის შუა რიცხვებიდან, არასამთავრობო ორგანიზაცია „სიდა" იწყებს მომსახურება–გადამისამართების კონსულტანტების ტრენინგის ბოლო ფაზას. ორგანიზაცია რეგიონულ კონსულტანტებს ტრენინგებს ჩაუტარებს, რის შემდეგაც ამუშავდება ბენეფიციარების – საბერძნეთსა თუ თურქეთში საქართველოდან წამსვლელი თუ წასული მოქალაქეების, უფასო კონსულტირება/გადამისამართების ეროვნული ქსელი. ქსელში გაერთიანებულია 55 ადგილობრივი კონსულტანტი, ასევე თითო–თითო კონსულტანტი ათენიდან და სტამბულიდან. ტრენინგები ხორციელდება ევროკავშირის მიერ 2013 წელს დაფინანსებული ორწლიანი პილოტური პროექტის – „ინდივიდუალური დახმარება ქართველ მიგრანტებს" (G-PAM) - ფარგლებში. წყარო:cida.ge

აჭარა. „თავისუფალ ჟურნალისტთა სახლმა" აჭარის ეკომიგრანტების შესახებ სიუჟეტი მოამზადა. „ბოლო რამდენიმე წელია აჭარაში ეკომიგრანტების რიცხვი მატულობს. მაღალმთიან რეგიონებში ზვავის, მიწისძვრისა და სხვა გეოლოგიური პრობლემების გამო ბევრი სახლი დაზიანებული და საცხოვრებლად უვარგისია. ამიტომ სოფლები მოსახლეობისგან ნელნელა იცლება. მთავრობა მათ თავშესაფარს სხვა რეგიონებში სთავაზობს. მოსახლეობის ნაწილი შემოთავაზებას დათანხმდა, ნაწილი კი უარს აცხადებს საკარ-მიდამოს დატოვებაზე და კვლავ მეწყერსაშიშ ზონაში ცხოვრობს", ნათქვამია თავისუფალ ჟურნალისტთა სახლის ვებგვერდზე.  სიუჟეტი მომზადდა პროექტის - „ახალგაზრდებში დემოკრატიული იდეების პიპულარიზაცია" – ფარგლებში. პროექტი ხორციელდება „დემოკრატიის მხარდამჭერი ნაციონალური ფონდის" (NED) მხარდაჭერით. სიუჟეტი   წყარო: presscafe.ge

თბილისი. 30 ივლისს, საქართველოს ახალგაზრდა იურისტთა ასოციაციისა და მშვიდობის, დემოკრატიის და განვითარების კავკასიური ინსტიტუტის ერთობლივი პროექტის – „საქართველოსა და ევროკავშირს შორის კარგად მართული მიგრაციის ხელშეწყობა" – ფარგლებში მომზადებული კვლევების პრეზენტაცია გაიმართა. კვლევები ეხება ბოლო პერიოდში საქართველოში მიგრაციული პროცესების მართვისა და მიგრაციის პოლიტიკის განვითარების თვალსაზრისით არსებულ მდგომარეობას. კერძოდ, კვლევების შედეგად გაანალიზებულია საქართველოს მიგრაციის სტრატეგია 2013-2015 წლებში, მიგრაციის მარეგულირებელი კანონმდებლობა, უკანონო მიგრაციის წინააღმდეგ ბრძოლის საშუალებები, მიგრაციული პროცესების შესახებ სტატისტიკური ინფორმაციის შეგროვებისა და საქართველოს მოქალაქეების რეადმისიის (საქართველოს მოქალაქეების საქართველოში დაბრუნება) საკითხები. პროექტი დაფინანსებულია ევროკავშირის მიერ.  კვლევების პრეზენტაცია ტარდება სახელმწიფო სერვისების განვითარების სააგენტოს მხარდაჭერით. სრულად წყარო: gyla.ge

თბილისი. საქართველოს ახალგაზრდა იურისტთა ასოციაცია და მშვიდობის,დემოკრატიისა და განვითარების კავკასიური ინსტიტუტი ახორციელებენ პროექტს – „საქართველოსა და ევროკავშირს შორის კარგად მართული მიგრაციის ხელშწყობა". 2.5 წლიანი პროექტის მიზანია ევროკავშირსა და საქართველოს შორის კარგად მართული მიგრაციის ხელშეწყობაა და ფოკუსირდება შემდე ამოცანებზე:  მიგრაცია და განვითარება, მიგრაციის კანონმდებლობისა და პოლიტიკის განვითარების ხელშეწყობა,  არალეგალურ მიგრაციასა  და ტრეფიკინგის წინააღმდეგ ბრძოლა, მიგრანტთა უფლებების დაცვა. აქტივობები განხორციელდება თბილისსა და საქართველოს 10 რეგიონში. პროექტის დოკუმენტი წყარო:ორგანიზაციის გვერდი სოციალურ ქსელში

აჭარა. საზოგადოებრივი ორგანიზაცია „ბორჯღალი" 8 – 9 ნოემებრს საქართველოს პარლამენტის ვიცე-სპიკერს, მურმან დუმბაძესა, საქართველოს ოკუპირებულ ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრს დავით დარახველიძეს და მიგრაციის, რეპატრიაციისა და ლტოლვილთა საკითხების დეპარტამენტის უფროსს ზაზა იმედაშვილს შეხვდა. შეხვედრაზე მათ განიხილეს ეკომიგრანტთა განსახლების პროცესში არსებული პრობლემები და კონკრეტული ღონისძიებები, რომელიც სამომავლოდ უნდა გატარდეს ეკომიგრაციის სფეროში არებული ხარვეზების დასაძლევად. შეხვედრებზე ასევე შეთანხმდნენ, რომ  შეიქმნება ერთიანი საკოორდინაციო ჯგუფი, რომელშიც ეკომიგრანტთა განსახლებასა და მათ სოციალურ დაცვაზე პასუხისმგებელი სახელმწიფო სტრუქტურების და ამ საკითხზე მომუშავე არასამთავრობო ორგანიზაციების წარმომადგებლები გაერთიანდებიან. განსაკუთრებული აქცენტი ეკომიგრანტთა სტატუსის განმსაზღვრელი საკანონმდებლო ინიციატივის მომზადებასა და ეკომიგრაციის სახელმწიფო სტრატეგიის პროექტის შემუშავებაზე გაკეთდება.  საზოგადოებრივი ორგანიზაცია ,,ბორჯღალი", კავკასიის გარემოსდაცვითი არასამთავრობო ორგანიზაციების ქსელთან (CENN) თანამშრომლობით, ,,აღმოსავლეთ-დასავლეთის მართვის ინსტიტუტის" (EWMI) ფინანსური მხარდაჭერით ახორციელებს პროექტს: ,,ადვოკატირება ეკომიგრანტთა ინტერესებისათვის", რომლის მიზანია საქართველოში ეკომიგრანტთა ინტერესების დაცვა და მათი სოციალურ სამართლებრივი მდგომარეობის გაუმჯობესების ხელშეწყობა. სრულად წყარო: ecomigration.ge

სამცხე–ჯავახეთი. 26 ოქტომბერს ახალციხის დემოკრატიული ჩართულობის ცენტრმა ქალთა პრობლემებზე სასაუბროდ დისკუსია გამართა, რომელსაც ესწრებოდნენ საზოგადოების წარმომადგენლები, სტუდენტები. დოკუმენტური ფილმის „ქალები საქართველოდან” ჩვენების შემდეგ გაიმართა დისკუსია. მსჯელობის საგანი გახდა ემიგრანტი ქალების სოციალურ-ეკონომიკური და ფსიქოლოგიური მდგომარეობა.  შეხვედრის მონაწილეებმა შეიმუშავეს რეკომენდაციები გაეროს ქალთა ფონდის სხდომაზე წარსადგენად. ღონისძიებაზე სტუმრის სტატუსით იმყოფებოდა გაეროს ქალთა ფონდის სამოქალაქო საზოგადოების მრჩეველთა საბჭოს წევრი, პროექტის – „ქალები ერთიანდებიან კონფლიქტებს მიღმა” ექსპერტი გულიკო ბექაური. შეხვედრას საფუძვლად დაედო გაეროს ქალთა ორგანიზაციის კვლევის შედეგები, რომლის მიხედვით საქართელოში ქალთა 35 % სახვადასხვა სახის ძალადობის მსხვერპლია, ხოლო 50% სიღარიბის ზღვარს მიღმაა, რაც განაპირობებს მათ მიგრაციას სხვადასხვა ქვეყნებში სამუშაოს საძებნელად.