თბილისი. არასამთავრობო ორგანიზაცია „ახალგაზრდა ადვოკატებმა" მიმართვა გაავრცელა. ორგანიზაცია „საქართველოს პროკურატურას სამართლიანობის აღგენის პროცესის დაჩაქრებას საქართველოს ყოფილი თავდაცვის მინისტრის, დავით კეზერაშვილის მიმართ წაყენებულ ბრალდებებზე გამოძიების დაწყებით სთხოვენ და ყოფილი მმართველი პოლიტიკური გუნდის სამართლებრივი პასუხისმგებლობის საკითხის დასმას მოითხოვს". სრულად წყარო: barristers.ge

თბილისი. 14 იანვარს, ადამიანის უფლებათა ცენტრმა, ყოფილი მაღალჩინოსნების სასამართლო პროცესების მონიტორინგის ანგარიშის პრეზენტაცია გამართა. NED-ის მიერ დაფინანსებული პროექტის ფარგლებში, 2013 წლის იანვრიდან დეკემბრამდე ადამიანის უფლებათა ცენტრმა წინა ხელისუფლების მაღალჩინოსნების წინააღმდეგ წარმოებულ საქმეებზე სასამართლო მონიტორინგი განახორციელა. ანგარიშში თავმოყრილია სასამართლო მოსმენების მონიტორინგის შედეგები:  ბაჩო ახალაიას, ვანო მერაბიშვილის, გიგი უგულავას, თენგიზ გუნავას, ნიკა გვარამიასა და სხვა ყოფილი მაღალჩინოსნების წინააღმდეგ წარმოებული სისხლის სამართლის საქმეები. მონიტორინგის მიზანი იყო, ხელი შეეწყო სასამართლოს გამჭვირვალობისთვის და ასევე, დაკვირვებოდა, რამდენად იყო უზრუნველყოფილი სამართლიანი სასამართლოს პრინციპი სასამართლო ხელისუფლების მიერ. ანგარიში წყარო: www.humanrights.ge

თბილისი. საქართველოს ახალგაზრდა იურისტთა ასოციაციამ ლაშა ჩხარტიშვილის ადმინისტრაციულ სამართალდარღვევის საქმეზე განცხადება გაავრცელა. „აღსანიშნავია, რომ ბოლო წლების განმავლობაში 173-ე მუხლი შეკრებისა და გამოხატვის თავისუფლების შეზღუდვის იარაღად იყო ქცეული. ერთის მხრივ ადმინისტრაციულ სამართალდარღვევათა კოდექსში დაცვის უფლების ეფექტური საპროცესო საშუალებების არარსებობამ და, მეორეს მხრივ, სასამართლოს მიერ ამგვარი საქმეების განხილვისას სამართლიანი სასამართლოს უფლების სტანდარტების დარღვევამ, სასამართლო პროცესს ფორმალური ხასიათი შესძინა, რამაც 173-ე  მუხლი მშვიდობიანი საპროტესტო აქციების მონაწილეთა  დასჯის მექანიზმად აქცია.  ლ. ჩხარტიშვილის საქმე სწორედ ამგვარი პრაქტიკის გაგრძელებად შეიძლება შეფასდეს", ნათქვამია განცხადებაში. სრულად წყარო: gyla.ge

თბილისი. კოალიციამ დამოუკიდებელი და გამჭვირვალე მართლმსაჯულებისთვის საკონსტიტიტუციო სასამართლოს წევრის არჩევის დაყოვნებასთან დაკავშირებით განცხადება გაავრცელა. კოალიცია მოუწოდებს საქართველოს პარლამენტს დაუყოვნებლივ დაიწყოს საკონსტიტუციო სასამართლოს ახალი წევრის არჩევის პროცესი. განცხადება წყარო: gyla.ge

თბილისი. საქართველოს ახალგაზრდა იურისტთა ასოციაციის მედიის სამართლებრივი დაცვის ცენტრმა განცხადება გაავრცელა. ცენტრი ეხმაურება შპს „ენერჯი გრუპისათვის" (რადიო ზენიტი) მინიჭებული რადიო მაუწყებლობის ლიცენზიის გაუქმებასთან დაკავშირებით კომუნიკაციების ეროვნულ კომისიაში მიმდინარე წარმოებას. „იმის გათვალისწინებით, რომ ამ პროცესის სამართლიანობა და კანონთან შესაბამისობა უკვე რამოდენიმეჯერ დადგა კითხვის ნიშნის ქვეშ როგორც ადგილობრივი ისე საერთაშორისო ორგანიზაციების მხრიდან, მოვუწოდებთ საქართველოს კომუნიკაციების ეროვნულ კომისიას უზრუნველყონ პროცესის მაქსიმალური გამჭვირვალობა და მიიღონ გადაწყვეტილება, რომელიც საშუალებას მისცემს შპს „სამაუწყებლო კომპანია ჰერეთს" ისარგებლოს მისთვის კანონით მინიჭებული უფლებით - მხარედ იქნეს ჩართული კომისიაში მიმდინარე საკითხის განხილვაში", ნათქვამია განცხადებაში. სრულად წყარო: gyla.ge

თბილისი. საქართველოს ახალგაზრდა იურისტთა ასოციაცია ეხმიანება გუშინ, 2013 წლის 28 ნოემბერს, იუსტიციის მინისტრის მიერ გაჟღერებულ მთავრობის გადაწყვეტილებას, რომლის თანახმადაც მართლმსაჯულების ხარვეზების დამდგენი კომისია ამ ეტაპზე აღარ შეიქმნება. „ჩვენთვის მიუღებელია როგორც კომისიის შექმნის გაურკვეველი ვადით გადადება, ასევე ის მიზეზები, რაც საფუძვლად დაედო ამ გადაწყვეტილებას. კერძოდ კი ის, რომ ქვეყანა, თავისი ეკონომიკური და ფინანსური მდგომარეობის გათვალისწინებით, მზად არ არის მსგავსი კომისიის შესაქმნელად... მოვუწოდებთ საქართველოს მთავრობას, გადახედოს მიღებულ გადაწყვეტილებას, გააანალიზოს თუ რა ფინანსურ რესურსს მოითხოვს ზემოაღნიშნული სამართლებრივი მექანიზმის ამოქმედება...", ნათქვამია საიას განცხადებაში. სრულად წყარო: gyla.ge

აჭარა. 25 ნოემბერს, ბათუმის დემოკარატიული ჩართულობის ცენტრში, საქართველოს ახალგაზრდა იურისტთა ასოციაციამ სისხლის სამართლის საქმეთა მონიტორინგის ანგარიშის პრეზენტაცია გამართა. აღნიშნული მონიტორინგი თბილისისა და ქუთაისის საქალაქო სასამართლოებში მთელი წლის მანძილზე მიმდინარეობდა.

თბილისი. საერთაშორისო გამჭვირვალობა საქართველომ ანგარიში – „მართლმსაჯულების სისტემის რეფორმის მეორე ეტაპის მიმოხილვა" – გამოაქვეყნა. „ანგარიშის მიზანია საზოგადოებას გააცნოს სხვადასხვა უწყების მიერ წარმოდგენილი მნიშვნელოვანი ცვლილებების ნაწილი. ამასთანავე, წარმოგიდგენთ „საერთაშორისო გამჭვირვალობა – საქართველოს" პოზიციას მნიშვნელოვან ცვლილებებთან დაკავშირებით", ნათქვამია ორგანიზაციის გვერდზე. ანგარიში  წყარო: transparency.ge

სამცხე–ჯავახეთი. დემოკრატ მესხთა კავშირის პროექტის – „უფასო იურიდიული დახმარება სამცხე-ჯავახეთის მცხოვრებლებს" – ფარგლებში მორიგი აქტივობები ჩატარდა. უფასო იურიდიული კონსულტაცია ნინოწმინდის სამართლებრივი ცენტრის იურისტებმა სოფელი ყაურმის, დიდი ხანჩალის, გორელოვკის და კაკნადუს მოსახლეობას გაუწიეს, სოფელი კარტიკამის და კულიგამის მოსახლეობას კი ახალქალაქის სამართლებრივი ცენტრის იურისტები დაეხმარნენ.  წყარო:ორგანიზაციის გვერდი სოციალურ ქსელში

თბილისი. თბილისის მერიის წინააღმდეგ ორგანიზაცია „ინტერნიუს–საქართველოს" ინტერნეტ-პორტალ Media.Ge-ს სარჩელს განიხილავს თბილისის საქალაქო სასამართლო, 18 ნოემმბერს, 11:00 საათზე. Media.Ge თბილისის მერიისგან საჯარო ინფორმაციას ითხოვს, კერძოდ: ინფორმაციას მერიის მიერ ტელევიზიებისთვის სარეკლამო რგოლების განთავსებისა და გადაცემების დაფინანსებისთვის გადახდილი თანხების ოდენობის შესახებ. მერიამ, ადმინისტრაციული საჩივრის წარდგენის მიუხედავად, ეს ინფორმაცია სრულყოფილად არ გასცა. ინტერნეტ-პორტალის ინტერესებს იცავს ახალგაზრდა იურისტთა ასოციაციასთან არსებული მედიის სამართლებრივი დაცვის ცენტრი. წყარო: Media.Ge

თბილისი. საქართველოს ახალგაზრდა იურისტთა ასოციაცია ადვოკატებისათვის „გარკვეული ვალდებულებების დაკისრების მიზნით" ინიცირებულ კანონპროექტს ეხმაურება. „საქართველოს პარლამენტში ინიცირებულია „უკანონო შემოსავლის ლეგალიზაციის აღკვეთის ხელშეწყობის შესახებ" საქართველოს კანონსა და „ადვოკატთა შესახებ" საქართველოს კანონში შესატანი ცვლილებები. აღნიშნული კანონპროექტი მიზნად ისახავს საქართველოს კანონმდებლობის ,,ფინანსური ქმედებების სპეციალური ჯგუფის" (FATF) რეკომენდაციებთან შესაბამისობაში მოყვანას. სამწუხაროდ, კანონპროექტის მომზადების პროცესი არ იყო საკმარისად გამჭვირვალე, არ მომხდარა მასში ადვოკატების ჩართვა, ადგილი არ ჰქონია ადვოკატების მოსაზრებების მოსმენას, დოკუმენტის დეტალურ განხილვასა და ჯეროვან დისკუსიებს. საქართველოს პარლამენტი მიმდინარე კვირის განმავლობაში გეგმავს კანონპროექტის უკვე მეორე მოსმენით მიღებას. საქართველოს ახალგაზრდა იურისტთა ასოციაციის მოსაზრებით, საპარლამენტო განხილვები უნდა გახანგრძლივდეს და დოკუმენტის მეორე მოსმენით მიღებაც უნდა გადავადდეს”, ნათქვამია ორგანიზაციის ვებ–გვერდზე. სრულად წყარო: gyla.ge

თბილისი. ლიბერალიზმის სასწავლო ცენტრმა LibTime-ის მეორე გადაცემის ჩანაწერი გაავრცელა. გადაცემის წამყვანმა სტუმრებთან, გიორგი მშვენიერაძესთან და ვახუშტი მენაბდესთან ერთად  საკონსტიტიუციო ცვლილებების შესახებ ისაუბრა.  გადაცემა   წყარო:ორგანიზაციის გვერდი სოციალურ ქსელში

იმერეთი. ქუთაისის აკაკი წერეთლის სახელმწიფო უნივერსიტეტში  საჯარო დისკუსია – „სიახლეები შრომით სამართალში" – გაიმართა.  შეხვედრა საქართველოს ახალგაზრდა იურისტთა ასოციაციის,  იურიდიული განათლების ხელშეწყობის ფონდის პროექტის - „დასავლეთ საქართველოს სამაგისტრო პროგრამის სტიპენდიის" ფარგლებში შედგა. შეხვედრის ორგანიზატორებმა არასამთავრობო ორგანიზაციების წარმომადგენლებს, ჟურნალისტებს, ექსპერტებსა და სტუდენტებს  შრომის სამართლის კოდექსში განხორციელებული ცვლილებები გააცნეს.   „ მნიშვნელოვანი სიახლეებია ანაზღაურებადი შვებულების დღეებისა და ზოგადად შვებულების დღეების  რაოდენობის გაზრდა, ასევე  ორსულობის შემთხვევაში  ქალთა უფლებების მეტი დაცულობა. ყველაზე მეტი ცვლილებები, რომელიც განხორციელდა, ეხება შრომის კოდექსის ახალ თავს. ეს არის სოციალური პარტნიორობა და სამმხრივი კომისია, რომელიც არის სათათბირო ორგანო და ანგარიშვალდებულია საქართველოს პრემიერ მინისტრის წინაშე, რაც  სასარგებლოა საზოგადოებისათვის, რადგან  ნებისმიერი  პრობლემა კონსესუსის შედეგად გადაწყდება, რაც უფრო დაცულობის გარანტიას იძლევა." - აღნიშნა აკაკი  წერეთლის სახელმწიფო უნივერსიტეტის საჯარო სამართლის მაგისტრანტმა თათია ნიჟარაძემ.

თბილისი. საქართველოს ახალგაზრდა კონსტი ტუციონალისტთა ასოციაცია 9–10 ნოემბერს საქართველოს პრეზიდენტის რეზიდენციაზე საქართველოს სახელმ წიფო დროშის ნაცვლად „გულებიანი დროშის" აღმართვის ფაქტს ეხმიანებიან და პროკურატურას მიმართავენ. ასოციაციის განცხადებაში ნათქვამია, რომ „აღნიშნული გადაწყვეტილებით ხელყოფილ იქნა საქართველოს სახლმწიფო სიმბოლიკა. კერძოდ, დაირღვა საქართველოს ორგანული კანონი „საქართველოს სახელმწიფო დროშის შესახებ",... იმედს ვიტოვებთ, რომ შესაბამისი კომპეტენტური ორგანოების მხრიდან დროულად მოხდება აღნიშნული... ფაქტის დეტალური გამოძიება და ამ გადაწყვეტილების მიმღები თითოეული პირი პასუხს აგებს კანონის სრული სიმკაცრით" . ახალგაზრდა კონსტიტუციონალისტები გენერალურ პროკურატურას წერილობით დღეს მიმართავენ. სრულად წყარო: ორგანიზაციის გვერდი სოციალურ ქსელში

შიდა ქართლი. 1–2 ნოემბერს, „საქართველოს ახალგაზრდა კონსტიტუციონალისტთა ასოციაციის" წარმომადგენლებმა შეხვედრები გამართეს გორში. ღონისძიება ჩატარდა პროექტის – „ახალგაზრდები კონსტიტუციური ცვლილებებისთვის" – ფარგლებში. სამუშაო შეხვედრების მონაწილე ახალგაზრდებს შესაძლებლობა მიეცათ მოესმინათ სალექციო კურსი და ჩართულიყვნენ ღია დისკუსიაში კონსტიტუციური სამართლის ფუძემდებლურ პრინციპებსა და კონსტიტუციონალიზმის თანამედროვე ტენდენციებთან დაკავშირებულ საკითხებზე. შეხვედრების ყველა მონაწილე კონსტიტუციით დასაჩუქრდა. წყარო:ორგანიზაციის გვერდი სოციალურ ქსელში

სამცხე–ჯავახეთი. ახალქალაქის სამართლებრივი ცენტრის იურისტებმა სოფელი ვარევანის მოსახლეობას უფასო იურიდიული კონსულტაცია გაუწიეს. შეხვედრა ჩატარდა პროექტ ,,უფასო იურიდიული დახმარება სამცხე-ჯავახეთის მცხოვრებლებს" ფარგლებში, რომელსაც ახორციელებს არასამთავრობო ორგანიზაცია დემოკრატ მესხთა კავშირი ,,ევრაზიის თანამშრომლობის ფონდის" ფინანსური მხარდაჭერით. პროექტის ფარგლებში ახალციხის, ახალქალაქისა და ნინოწმინდის მუნიციპალიტეტებში მოქმედებს სამი სამართლებრივი დახმარების ცენტრი, რომელიც სამცხე-ჯავახეთის მოსახლეობას სთავაზობს: უფასო სამართლებრივ კონსულტაციებს; წერილების და განცხადებების მომზადებას სხვადასხვა სამსახურებში წარსადგენად; ნებისმიერი სახის სარჩელის მომზადებას; სამოქალაქო და ადმინისტრაციულ საქმეებზე სერთიფიცირებული იურისტის უფასო წარმომადგენლობას სასამართლოში, კერძო და საჯარო სამსახურებში; სატელეფონო კონსულტაციებს ON-LINE კონსულტაციას დემოკრატ მესხთა კავშირის ვებ-გვერდისა და სოციალური ქსელის მეშვეობით. 

სამცხე–ჯავახეთი. „საქართველოს ახალგაზრდა კონსტიტუციონალისტთა ასოციაციის" ეგიდით 23-24 ოქტომბერს პროექტის "ახალგაზრდები კონსტიტუციური ცვლილებებისთვის" ფარგლებში გაიმართა შეხვედრები ქალაქ ახალციხეში. ხსენებულ შეხვედრებს ესწრებოდნენ, როგორც უნივერსიტეტის სტუდენტები, ისე სკოლის მოსწავლეები, რომლებმაც მოისმინეს სალექციო კურსი საქართველოში კონსტიტუციონალიზმის განვითარების ისტორიის, ხელისუფლების დანაწილების, მმართველობის მოდელების, ადგილობრივი თვითმმართველობის სისტემის, ქვეყნის ტერიტორიულ-ადმინისტრაციულიორგანიზაციისა და სხვა მნიშვნელოვანი საკითხების შესახებ. აღსანიშნავია, რომ მოხსენებების შემდეგ ახალგაზრდები აქტიურად ჩაერთვნენ ღია დისკუსიაში და მრავალი საინტერესო პოზიცია დააფიქსირეს. აგრეთვე, გამოითქვა სურვილი მსგავსი შეხვედრებისთვის რეგულარული ხასიათის მიცემის შესახებ. პროექტის თითოეულ მონაწილეს საჩუქრად კონსტიტუციები გადაეცათ. წყარო: ორგანიზაციის გვერდი სოციალურ ქსელში

თბილისი. 22 ოქტომბერს საქართველოს ახალგაზრდა იურისტთა ასოციაციამ თბილისისა და ქუთაისის საქალაქო სასამართლოების სისხლის სამართლის საქმეთა მონიტორინგის ანგარიშის პრეზენტაცია გამართა. აღნიშნული მონიტორინგი საიას მიერ ხორციელდება ამერიკის შეერთებული შტატების საერთაშორისო განვითარების სააგენტოს დაფინანსებით „მართლმსაჯულების დამოუკიდებლობისა და სამართლებრივი გაძლიერების" პროექტის (JILEP) მეშვეობით, რომელსაც აღმოსავლეთ-დასავლეთის მართვის ინსტიტუტი ახორციელებს. პროექტის მიზანია, სასამართლო სხდომის დარბაზში პროცესის მიმდინარეობაზე დაკვირვებით და მასზე ანგარიშების გამოქვეყნებით, საქართველოს სასამართლოებში სისხლის სამართალწარმოების გამჭვირვალობის გაზრდა. საიამ დღემდე მონიტორინგის სამი ანგარიში წარმოადგინა, რომლებიც ერთიანობაში მოიცავდა პერიოდს 2011 წლის ოქტომბრიდან 2012 წლის დეკემბრის ჩათვლით. საიას ახალი ანგარიში მოიცავს პერიოდს 2013 წლის იანვრიდან 2013 წლის ივნისის ჩათვლით. ანგარიში – სისხლის სამართლის პროცესების მონიტორინგი თბილისისა და ქუთაისის საქალაქო სასამართლოებში (იანვარი–ივნისი, 2013) წყარო: gyla.ge

თბილისი. კოალიცია დამოუკიდებელი და გამჭვირვალე მართლმსაჯულებისთვის განცხადებას აქვეყნებს. „..კოალიციის მიზანია, ყველა დაინტერესებულ მხარეს გააცნოს მართლმსაჯულების საკუთარი ხედვა და აქტიურად შეუწყოს ხელი მის იმპლემენტაციას. ამ პროცესში განსაკუთრებულად მნიშვნელოვანია საპრეზიდენტო კანდიდატებისთვის კოალიციის მოსაზრებების მიწოდება იმის თაობაზე, თუ რა არის საჭირო სასამართლოს დამოუკიდებლობის გაზრდისათვის. ამავდროულად, სამოქალაქო საზოგადოებისა და საქართველოს მოქალაქეებისთვის საინტერესოა საპრეზიდენტო კანდიდატების ხედვა მართლმსაჯულების სისტემაში მიმდინარე რეფორმებზე. ამ მიზნით, კოალიციის წევრები მზადყოფნას გამოთქვამენ შეხვდნენ და ითანამშრომლონ ყველა საპრეზიდენტო კანდიდატთან, მათი მხრიდან ინტერესის გამოხატვის შემთხვევაში", ნათქვამია განცხადებაში სრულად წყარო: 42–ე მუხლის გვერდი სოციალურ ქსელში

თბილისი. საერთაშორისო გამჭვირვალობა საქართველომ სოციალურ ქსელში განცხადება გაავრცელა. „ქუთაისის მერია არ ასრულებს ქუთაისის საქალაქო სასამართლოს 2013 წლის 2 სექტემბრის გადაწყვეტილებას ვიცემერის კოტე რატიანის სამსახურში დაუყონებლივ აღდგენის შესახებ". „საერთაშორისო გამჭვირვალობა – საქართველო მოუწოდებს თვითმმართველი ქალაქის ქუთაისის ადგილობრივ თვითმმართველობას დაუყოვნებლივ შეასრულოს სასამართლოს გადაწყვეტილება, სადაც აღნიშნულია, რომ კოტე რატიანის მხრიდან სამსახურებრივი მოვალეობის უხეშ დარღვევას ადგილი არ ჰქონია და მისი სამსახურიდან გათავისუფლება ქუთაისის მერის მიერ უკანონოდ განხორციელდა", ნათქვამია განცხადებაში. წყარო:ორგანიზაციის გვერდი სოციალურ ქსელში

თბილისი. 26 სექტემბერს, თბილისის საქალაქო სასამართლომ სრულად დააკმაყოფილა ინფორმაციის თავისუფლების განვითარების ინსტიტუტის სარჩელი თბილისის საქალაქო სასამართლოს წინააღმდეგ. საქალაქო სასამართლომ დაავალდებულა სასამართლო გასცეს ინსტიტუტზე მოთხოვნილი საჯარო ინფორმაცია, კერძოდ 2012 წლის 1 ნოემბრიდან ოპერატიულ-სამძებრო ღონისძიების - „სატელეფონო საუბრების ფარული მიყურადება და ჩაწერის" – შესახებ არსებული სტატისტიკური მონაცემები. წყარო:ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა საქართველოს ინფორმაციით, 19 სექტემბერს თბილისის სააპელაციო სასამართლომ ძალაში დატოვა საქალაქო სასამართლოს გადაწყვეტილება ფინანსთა მინისტრის იმ ბრძანების ბათილად ცნობის შესახებ, რომლითაც „საქართველოს ფოსტა" უპირატეს მდგომარეობაში აღმოჩნდა და მცირე გადამზიდავების სამეწარმეო საქმიანობა პრაქტიკულად შეუძლებელი გახდა. სრულად წყარო: transparency.ge