თბილისი. საერთაშორისო გამჭვირვალობა - საქართველო აქვეყნებს ბლოგპოსტს: „როგორ არღვევს კანონს პარლამენტი საზოგადოებრივი მაუწყებლის სამეურვეო საბჭოსთან მიმართებით". „პარლამენტი მეტი პასუხისმგებლობით უნდა მოეკიდოს საზოგადოებრივი მაუწყებლის საბჭოს დაკომპლექტებას და დროულად უზრუნველყოს საბჭოს შევსება ახალი წევრებით, რათა გარანტირებული იყოს სამეურვეო საბჭოს შეუფერხებელი მუშაობა. ასევე მაუწყებლის სამეურვეო საბჭოს წევრების არჩევა უნდა იყოს გამჭვირვალე და მაქსიმალურად ობიექტური პროცესი, რაც თავის მხრივ მაუწყებლის დამოკიდებლობის ერთერთი წინაპირობაა", ნათქვამია ორგანიზაციის ვებ-გვერდზე. სრულად... წყარო: www.transparency.ge

თბილისი. „ახალგაზრდა ადვოკატები" საერთო სასამართლოთა სისტემაში მოსამართლეთა საცხოვრებლის დაქირავებისათვის ბიუჯეტიდან გაწეულ ხარჯებზე მონიტორინგის შედეგებს აქვეყნებს. „...ბოლო 5 წლის განმავლობაში, მოსამართლეების საცხოვრებელი ქირისთვის დაიხარჯა 1 მილიონ 48 ათასს 141 ლარი, ხოლო მხოლოდ 2016 წლის მანძილზე, ხარჯმა შეადგინა 190 091 ათასი ლარი". ხარჯთაეფექტურობისთვის და მართლზომიერებისთვის, ორგანიზაცია იუსტიციის უმაღლეს საბჭოს შემდეგი რეკომენდაციებით მიმართავს: „საქართველოს იმ ქალაქებში, რომელთა გეოგრაფიული არეალი საკმაოდ დიდია და შესაბამისად, 10-ზე მეტი მოსამართლის უზრუნველყოფა ხდება სახელმწიფოს ბიუჯეტიდან, მათი საცხოვრებელი ბინის ქირით უზრუნველსაყოფად განხორციელდეს მოსამართლეთა კამპუსის მშენებლობა. ეს იქნება სახელმწიფოს მხრიდან ერთჯერადად გაღებული თანხა, რომელიც მიმართული იქნება დანახარჯების ეფექტური მართვის, სამოსამართლო უფლებამოსილების განხორციელების ხელშეწყობისა და დანახარჯების შემცირების გრძელვადიან პერსპექტივაზე; თვითმმართველ ქალაქებში შეძენილ იქნეს საცხოვრებელი ფართები, რომლებიც რეგისტრირდება საქართველოს იუსტიციის უმაღლესი საბჭოს ბალანზე, დროებით სარგებლობაში გადაეცემა მოსამართლეებს და აღნიშნულ რეგიონებში გამწესებულ მომავალ მოსამართლეებსაც საშუალება ექნებათ ისარგებლონ სოციალური გარანტიებით", ნათქვამია ორგანიზაციის განცხადებაში. სრულად... წყარო: barristers.ge

თბილისი. ადამიანის უფლებების სწავლებისა და მონიტორინგის ცენტრმა (EMC) სახელმწიფო საკონსტიტუციო კომისიას წარუდგინა მოსაზრებების ნაწილი კონსტიტუციაში შესატან ცვლილებებთან დაკავშირებით. „წინადადებები ძირითადად შეეხება მართლმსაჯულების სისტემის დამოუკიდებლობის გაძლიერებას, პროკურატურისა და სამართალდამცავი ორგანოების მოწყობისა და ფუნქციონირების პრინციპებს, ასევე მათი დამოუკიდებლობისა და პოლიტიკური ნეიტრალიტეტის გაზრდის კონსტიტუციურ გარანტიებს", ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს კვლევას: „შრომის ინსპექტირების მექანიზმის შეფასება და დასაქმებულთა შრომითი უფლებების მდგომარეობა საქართველოში". „კვლევა აანალიზებს შრომითი უფლებების დარღვევების აღმოფხვრისა და მათი პრევენციისთვის ერთ-ერთი მნიშვნელოვანი მექანიზმის – შრომის პირობების ინსპექტირების დეპარტამენტის მანდატსა და საქმიანობას. აღნიშნული ანალიზი კი თავის მხრივ ეყრდნობა ეროვნული კანონმდებლობისა და პრაქტიკის შეფასებას, საერთაშორისო სტანდარტებსა და სხვადასხვა ქვეყნის გამოცდილებებს", ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. ორგანიზაცია „ახალგაზრდა ადვოკატებმა" პროკურატურაში, მოსამართლე დიანა ფარქოსაძის მიმართ, სავარაუდო კორუფციული სამართალდარღვევის ფაქტზე, განცხადება შეიტანეს და საქმის შესწავლა მოითხოვეს. „ორგანიზაცია საქართველოს მთავარ პროკურატურას მიმართავს და მოითხოვს, დაიწყოს დიანა ფარქოსაძის ოჯახის მიერ შეძენილი უძრავი ქონების კანონიერების შესწავლა, შესწავლილ იქნეს მოსამართლე დიანა ფარქოსაძის მიერ სავარაუდო კორუფციული სამართალდარღვევის სავარაუდო ფაქტის ჩადენა და დადგინდეს, სახელმწიფო ბიუჯეტიდან რა საფუძვლებით არ ანაზღაურდება დიანა ფარქოსაძის სამოსამართლო უფლებამოსილების განხორციელება თბილისის საქალაქო სასამართლოში", ნათქვამია ორგანიზაციის ვებ-გვერდზე. სრულად... წყარო: barristers.ge

თბილისი. 13 იანვარს, თბილისის სააპელაციო სასამართლოს ადმინისტრაციულ საქმეთა პალატა სახელმწიფო სახით, გიორგი პაპუაშვილთან მოქალაქე როლანდ ბლადაძის ჩამორთმეულ, სადავო ქონებაზე პროცესს განაახლებს. „შეგახსენებთ, რომ როლანდ ბლადაძის სასარჩელო მოთხოვნებია: ბათილად იქნეს ცნობილი 2007 წლის 21 ივნისის ნასყიდობის ხელშეკრულება, როგორც კანონსაწინააღმდეგო და ამორალური და გიორგი პაპუაშვილი აღიარებულ იქნეს არაკეთილსინდისიერ შემძენად და მფლობელად, შესაბამისად, ბათილად იქნეს ცნობილი 2007 წლის 21 ივნისის ნასყიდობის ხელშეკრულება", ნათქვამია ახალგაზრდა ადვოკატების ვებ-გვერდზე. სრულად... წყარო: idfi.ge

თბილისი. „ადამიანის უფლებების სწავლებისა და მონიტორინგის ცენტრმა” (EMC) მოკლული ტრანსგენდერი ქალის, ზიზი შეყილაძის საქმეზე თბილისის საქალაქო სასამართლოს სასამართლო მეგობრის (amicus curie) მოსაზრებით მიმართა. „საქმის სპეციფიკის, კერძოდ, იმ გარემოების გათვალისწინებით, რომ ადგილი ჰქონდა ტრანსგენდერი ქალის სიცოცხლის ხელყოფას, EMC  სასამართლოს  შესაძლო სიძულვილის მოტივის (რაც დაზარალებულის გენდერულ იდენტობას ეფუძნებოდა) შეფასებას და სისხლის სამართლებრივი პასუხისმგებლობის განსაზღვრისას გათვალისწინებას სთხოვს", ნათქვამია ორგანიზაციის ვებ-გვერდზე. სრულად... წყარო: EMC-ის ვებ-გვერდი სოციალურ ქსელში

თბილისი. „ადამიანის უფლებების სწავლებისა და მონიტორინგის ცენტრი" (EMC) აქვეყნებს საჯარო სამსახურის მიერ რეორგანიზაციის პროცესის ჩატარების წესისა და ამ პროცესში საჯარო სამსახურში დასაქმებული პირების სამართლებრივი დაცვის გარანტიების მიმოხილვას. „ნებისმიერ საჯარო მოხელეს, საჯარო სამსახურის მარეგულირებელი კანონმდებლობა ანიჭებს უფლებას დადგენილი წესით 1 თვის განმავლობაში მიმართოს სასამართლოს და გაასაჩივროს სამსახურებრივ საკითხებზე გამოცემული ბრძანება, განკარგულება, გადაწყვეტილება, აგრეთვე მოქმედება. ამ დროს მოხელეს, რომელიც მიიჩნევს, რომ უკანონოდ იქნა გათავისუფლებული დაკავებული თანამდებობიდან, არ მოეთხოვება შესაბამისი აქტის ზემდგომ ადმინისტრაციულ ორგანოში გასაჩივრება და მას შეუძლია პირდაპირ მიმართოს სასამართლოს", ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. საქართველოს ახალგაზრდა იურისტთა ასოციაციის დახმარებით პირის მიმართ ადმინისტრაციულ სამართალდარღვევაზე საქმის წარმოება შეწყდა. „სასამართლო სხდომაზე მტკიცებულებათა გამოკვლევის შედეგად დადგინდა, რომ პოლიციის მიერ არ იყო წარმოდგენილი მტკიცებულებები, რომლებიც პირდაპირ დაადასტურებდა პირის მხრიდან სამართალდარღვევის ჩადენის ფაქტს, ხოლო ოქმის შემდგენლების მიერ წარმოდგენილი მოწმეების ჩვენებები კი ერთმანეთს ეწინააღმდეგებოდა", ნათქვამია საიას ვებ-გვერდზე. სრულად... წყარო: gyla.ge

თბილისი. „ადამიანის უფლებების სწავლებისა და მონიტორინგის ცენტრი (EMC)” საპოლიციო რეიდის მარეგულირებელ ნორმებს საკონსტიტუციო სასამართლოში ასაჩივრებს. „ორგანიზაციამ სარჩელით მიმართა საქართველოს საკონსტიტუციო სასამართლოს "პოლიციის შესახებ” საქართველოს კანონის იმ ნორმების არაკონსტიტუციურად ცნობის მოთხოვნით, რომელთა საფუძველზეც ხორციელდება სპეციალური საპოლიციო კონტროლი, ე.წ. „რეიდი". სარჩელში აღნიშნულია, რომ სპეციალური საპოლიციო კონტროლის განხორციელებისას ირღვევა საქართველოს კონსტიტუციის მე-18 (ფიზიკური თავისუფლების უფლება) და მე-20 (პირადი ცხოვრების ხელშეუხებლობა) მუხლებით დაცული უფლები", ნათქვამია EMC-ის ვებ-გვერდზე. სრულად... წყარო: emc.org.ge

თბილისი. საია-ს თბილისის ოფისი იცავდა ვეგან-აქტივისტის, ირაკლი კიკილაშვილის ინტერესებს, რომელიც საპატრულო პოლიციის თანამშრომლებმა 2016 წლის 5 ნოემბერს ზედაპირული დათვალიერების მიზნით გააჩერეს. „ირაკლი კიკილაშვილი პოლიციელს სთხოვდა, განემარტათ ზედაპირული დათვალიერების საფუძველი, თუმცა პოლიციელები ამგვარ განმარტებებს არ აძლევდნენ. მოგვიანებით, პოლიციელის კანონიერი მოთხოვნისადმი დაუმორჩილებლობის საფუძვლით ირაკლი კიკილაშვილი დააკავეს და გადაიყვანეს დროებითი მოთავსების იზოლატორში. საქმეში არსებული მტკიცებულებების საფუძველზე სასამართლომ დაადგინა, რომ არ დადასტურდა ობიექტურად აღქმადი გარემოების არსებობის ფაქტი, რომელიც გაუჩენდა პოლიციის თანამშრომელს ვარაუდის საფუძველს და რომელზე დაყრდნობითაც აუცილებელი და გამართლებული იქნებოდა ადმინისტრაციულ პასუხისგებაში მიცემული პირის თავისუფლად გადაადგილების უფლების შეზღუდვა, მისი ზედაპირული დათვალიერება. სასამართლოს გადაწყვეტილება არ გასაჩივრებულა და შესაბამისად, შესულია კანონიერ ძალაში", ნათქვამია ორგანიზაციის განცხადებაში. სრულად... წყარო: gyla.ge

თბილისი. ინფორმაციის თავისუფლების განვითარების ინსტიტუტი სასამართლო გადაწყვეტილებათა ხელმისაწვდომობა საქართველოში: საერთო სასამართლოების პრაქტიკის ანალიზი. „IDFI-ის მიერ მომზადებული ანალიზი „სასამართლო გადაწყვეტილებათა ხელმისაწვდომობა საქართველოში” ემყარება სასამართლოებიდან გამოთხოვილი ინფორმაციისა და გამოვლენილ პრობლემებთან დაკავშირებული კანონმდებლობის ანალიტიკურ-სამართლებრივ ანალიზს. კერძოდ, სასამართლო გადაწყვეტილებების ხელმისაწვდომობის არსებული პრაქტიკის შესწავლის მიზნით ჩვენ გამოვითხოვეთ საჯარო ინფორმაცია საერთო სასამართლოთა სისტემაში შემავალი სასამართლოებიდან, ხოლო მოთხოვნილი ინფორმაციის გაცემაზე უარი და აღნიშნული უარის დასაბუთება გავაანალიზეთ მოქმედი კანონმდებლობის კონტექსტში", ნათქვამია ორგანიზაციის ვებ-გვერდზე. სრულად... წყარო: idfi.ge

თბილისი. გერმანიის საერთაშორისო თანამშრომლობის საზოგადოების (GIZ) სამართლის პროგრამა სტუდენტებისთვის სამართლებრივ ჟურნალს ავრცელებს. „სტუდენტური სამართლებრივი ჟურნალი" 2011 წლიდან გამოიცემა. იგი ემსახურება ახალგაზრდა იურისტების დაინტერესებას სამეცნიერო საქმიანობით - სამართლის აქტუალური საკითხების კვლევით; ის ქმნის პრობლემის სხვადასხვა კუთხით დანახვისა და გადაჭრის განსხვავებული გზების დასახვის პერსპექტივას, აქტუალური, საინტერესო და ასევე პოლემიკური სამართლებრივი პრობლემების მეცნიერულ ჭრილში განხილვისა და საკუთარი მიდგომის, საკუთარი დასაბუთებული აზრის ჩამოყალიბების შესაძლებლობას", ნათქვამია ორგანიზაციის ვებ-გვერდზე. სტუდენტური სამართლებრივი ჟურნალი... წყარო: GIZ-ის ვებ-გვერდი სოციალურ ქსელში

თბილისი. სახალხო დამცველი ნარკოპოლიტიკის ეროვნული პლატფორმის წევრი არასამთავრობო ორგანიზაციების წარმომადგენლებს შეხვდა. „პლატფორმის წარმომადგენლებმა სახალხო დამცველს გააცნეს მათ მიერ მომზადებული საკანონმდებლო ცვლილებათა კონცეფცია, რომელიც მიზნად ისახავს სახელმწიფოს რეპრესიული ნარკოპოლიტიკის უფრო მეტად ლიბერალური და დაბალანსებული პოლიტიკით ჩანაცვლებას", ნათქვამია სახალხო დამცველის ვებ-გვერდზე. სრულად... წყარო: www.ombudsman.ge

თბილისი. „პარტნიორობა ადამიანის უფლებებისთვის" (PHR) იურისტებმა იურიდიული კონსულტაცია გაუწიეს დუშეთის შშმ პირთა პანსიონატში მცხოვრებ პირებს. „PHR-ი მოხარულია, რომ ამჯერად, ორგანიზაციის თანამშრომლებს პანსიონატში მცხოვრებ შეზღუდული შესაძლებლობის მქონე ადამიანებთან შეხვედრის საშუალება მიეცათ და ვიმედოვნებთ, რომ მომავალშიც გვექნება ბენეფიციარებთან თავისუფლად შეხვედრის შესაძლებლობა", ნათქვამია ორგანიზაციის ვებ-გვერდზე. სრულად... წყარო: phrgeorgia.wordpress.com

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს საინფორმაციო ბროშურას: „რა უნდა ვიცოდეთ პოლიციასთან კონტაქტის დროს". ბროშურაში ყურადღება გამახვილებულია: „ადმინისტრაციული დაკავებისას, ნარკოლოგიური შემოწმებისას, პოლიციის მიერ პრევენციული უფლებამოსილებით სარგებლობისას, მოწმედ დაბარებისას, ქმედებების ადრესატისათვის კანონმდებლობით მინიჭებულ უფლებებზე, რომელთა ცოდნაც განსაკუთრებით მნიშვნელოვანია იმ ვითარებაში, როდესაც შესაბამისი ორგანოს თანამშრომელი არ ასრულებს კანონისმიერ ვალდებულებას და ქმედების ობიექტს უფლებებსა და განსახორციელებელი ღონისძიების საფუძველს არ განუმარტავს", ნათქვამია ორგანიზაციის ვებ-გვერდზე. სრულად... წყარო: emc.org.ge

თბილისი. საქართველოს პარლამენტმა უმასპინძლა კონფერენციას თემაზე: „გენდერი და სამართალი: საქართველოს კანონმდებლობის ფემინისტური ანალიზი". „კონფერენციაზე გაიმართა ამავე სახელწოდების კვლევის პრეზენტაცია, რომელშიც მიმოხილულია საქართველოს საკანონმდებლო ბაზაში და სასამართლო პრაქტიკაში გენდერული უთანასწორობის გამოვლინებები და მიზეზები", ნათქვამია გენდერული საინფორმაციო პორტალის ვებ-გვერდზე. სრულად... წყარო: ginsc.net

თბილისი. 20 დეკემბერს, ადამიანის უფლებათა ევროპულმა სასამართლომ გამოიტანა გადაწყვეტილება ორ საქმეზე: ჩოხელი და სხვები რუსეთის ფედერაციის წინააღმდეგ და ძიძავა რუსეთის ფედერაციის წინააღმდეგ. „აღნიშნული საქმეები 2006 წელს რუსეთის ფედერაციიდან ქართველების გამოძევებისა და აღნიშნულ პროცესში მათ მიმართ განხორციელებულ ადამიანის უფლებათა დარღვევის ფაქტებს შეეხება. ... დღევანდელი გადაწყვეტილებით ევროპულმა სასამართლომ დაადგინა, რომ საიას დაცვის ქვეშ მყოფი 8 პირის მიმართ რუსეთის ფედერაციის მხრიდან ადგილი ჰქონდა კონვენციის მე-3 (წამების აკრძალვა), მე-5 (თავისუფლებისა და ხელშეუხებლობის უფლება), მე-4 ოქმის მე-4 მუხლის (უცხოელთა კოლექტიური გაძევების აკრძალვა) და მე-13 (სამართლებრივი დაცვის ქმედითი საშუალების უფლება) მუხლების დარღვევას. ჩვენი დაცვის ქვეშ მყოფ სამ პირთან მიმართებით ევროპულმა სასამართლომ რაიმე ტიპის უფლებათა დარღვევა არ დაადგინა, ვინაიდან სასამართლოს განმარტებით, წარმოდგენილი მტკიცებულებებით არ დასტურდებოდა მათი დაპატიმრების და უცხოელთა დაკავების ცენტრებში ყოფნის ფაქტი", ნათქვამია საქართველოს ახალგაზრდა იურისტთა ასოციაციის ვებ-გვერდზე. სრულად... წყარო: gyla.ge

თბილისი. „ახალგაზრდა ადვოკატები" პარლამენტს მიმართავს, მხარი არ დაუჭიროს ცილისწამებისა და შეურაცხყოფის შემთხვევების სისხლის სამართლის წესით დასჯას. ორგანიზაცია მიიჩნევს, რომ მსგავსი ცვლილებები ქვეყანაში პოლიტიკური დებატების, გამოხატვის თავისუფლებისა და დემოკრატიის სტანდარტის დათრგუნვას ნიშნავს. „...საკანონმდებლო წინადადების ავტორთა მოსაზრებებს აქვს არსებობის უფლება, თუმცა ცილისწამების ინსტიტუტს სათანადოდ არეგულირებს მოქმედი კანონმდებლობა, მისი თავის დროზე სისხლის სამართლის კოდექსში გაუქმება იყო დემოკრატიული გადაწყვეტილება და ყველა ფიზიკური და იურიდიული პირი, რომელიც მიიჩნევს, რომ შეილახა მისი პატივი, ღირსება და საქმიანი რეპუტაცია, უნდა მიმართავდეს სასამართლოს და დარღვეული უფლების დაცვას ცდილობდეს სამოქალაქო წესით", ნათქვამია ორგანიზაციის ვებ-გვერდზე. სრულად... წყარო: barristers.ge

თბილისი. საქართველოს ახალგაზრდა იურისტთა ასოციაცია საიას თბილისის იურიდიული დახმარების ცენტრის 2016 წლის საქმიანობას აჯამებს. „2016 წლის განმავლობაში საია-ს თბილისის ოფისის იურიდიული დახმარების ცენტრმა სამართლებრივი კონსულტაცია (პირადი, სატელეფონო და ონლაინ კონსულტაციები) გაუწია 14 000-ზე მეტ პირს. გარდა სამართლებრივი კონსულტაციებისა, საია დაეხმარა პირებს სამართლებრივი დოკუმენტების (სარჩელი, საჩივარი, განცხადება, შესაგებელი და სხვა) შედგენაში. 2016 წლის განმავლობაში სამართლებრივი დოკუმენტი მოუმზადდა 900-ზე მეტ პირს", ნათქვამია ორგანიზაციის ვებ-გვერდზე. სრულად... წყარო: gyla.ge

თბილისი. „ახალგაზრდა ადვოკატებმა" ცესკოსა და „საარჩევნო სისტემების განვითარების, რეფორმებისა და სწავლების ცენტრის" მიმართ, ე.წ. „ჩაწყობილი გრანტების" საქმეზე, თბილისის სააპელაციო სასამართლოს გადაწყვეტილება, საქართველოს უზენაესს სასამართლოში გაასაჩივრა. „ორგანიზაციის მხრიდან გასაჩივრების გადაწყვეტილებას გააჩნია საჯარო მმართველობის შემდგომი განხორციელებისთვის მნიშვნელოვანი დანიშნულება, რადგანაც სააპელაციო პალატა წაახალისა და ლეგიტიმაცია გაუკეთა  შემთხვევას, როდესაც საჯარო უწყებებს ადმინისტრაციული წარმოების დროს, საქმესთან დაინტერესებული პირების დარბაზიდან გაძევება თავისუფლად შეეძლებათ და აღნიშნულით, საქმის განხილვის საჯაროობის პრინციპის დარღვევა არ ჩაითვლება კანონმდებლობის დარღვევად. ... „ახალგაზრდა ადვოკატები" განსაკუთრებული მოტივაციით აგრძელებს ბრძოლას ანტიდისკრიმინაციული სახელმწიფო საგრანტო პოლიტიკისა და იმავდროულად, გამჭვირვალე საჯარო ინსტიტუტების არსებობისათვის", ნათქვამია ორგანიზაციის ვებ-გვერდზე. სრულად... წყარო: barristers.ge

თბილისი. მოქალაქეთა ნაწილი ნარკოპოლიტიკის შერბილებას, მათ შორის, მარიხუანის დეკრიმინალიზაციას უკვე რამდენიმე წელია აქტიურად ითხოვს. „ლიბერალიზმის სასწავლო ცენტრი" დაინტერესდა, ხალხის აზრით რას გულისხმობს მარიხუანის დეკრიმინალიზაცია და ემხრობიან თუ არა მას? წყარო: „ლიბცენტრის" ვებ-გვერდი სოციალურ ქსელში